இங்கிலாந்துக்கு எதிரான ஒரு நாள் போட்டி தொடர்: அஸ்வின் - ஜடேஜா - சமிக்கு ஓய்வு

மும்பை  - இங்கிலாந்துக்கு எதிரான ஒரு நாள் போட்டி தொடரில் இந்திய அணியில் அஸ்வின், ரவீந்திர ஜடேஜா, முகமது சமி, உமேஷ் யாதவ் ஆகியோருக்கு ஓய்வு அளிக்கப்படுகிறது.

டெஸ்ட் தொடரில் முன்னிலை
இங்கிலாந்து கிரிக்கெட் அணி இந்தியாவில் சுற்றுப் பயணம் செய்து விளையாடி வருகிறது. 5 போட்டி கொண்ட டெஸ்ட் தொடரில் 3 போட்டிகள் முடிந்து இருக்கிறது. இதில் இந்தியா 2-0 என்ற கணக்கில் முன்னிலையில் உள்ளது. 4-வது டெஸ்ட் போட்டி வருகிற 8-ம் தேதி மும்பையில் தொடங்குகிறது. டெஸ்ட் தொடர் முடிந்த பிறகு இரு அணிகளும் 3 ஒரு நாள் போட்டியும் மூன்று டி-20  போட்டிகளில் விளையாடுகின்றன.

முன்னணி வீரர்களுக்கு ஓய்வு
இங்கிலாந்துக்கு எதிரான ஒரு நாள் போட்டி தொடரில் இந்திய அணியில் முன்னணி பந்து வீச்சாளர்களுக்கு ஓய்வு அளிக்க தேர்வு குழு முடிவு செய்து இருக்கிறது. சுழற்பந்து வீச்சாளர்கள் அஸ்வின், ரவீந்திர ஜடேஜா, வேகப்பந்து வீச்சாளர் முகமது சமி, உமேஷ் யாதவ் ஆகியோருக்கு ஓய்வு அளிக்கப்படுகிறது. இங்கிலாந்து தொடர் முடிந்த பிறகு இந்திய அணி வங்காளதேசம், ஆஸ்திரேலியாவுக்கு எதிரான டெஸ்ட் தொடரில் விளையாடுகிறது.

குல்கர்னிக்கு வாய்ப்பு
இந்த தொடருக்காக இங்கிலாந்துக்கு எதிரான ஒரு நாள் போட்டியில் 4 முன்னணி பந்து வீச்சாளர்களுக்கு ஓய்வு கொடுக்கப்படுகிறது. இதன் மூலம் அவர்கள் புத்துணர்வுடன் டெஸ்ட் தொடரில் விளையாட முடியும் என்று கருதி தேர்வுக் குழு முடிவு செய்து இருக்கிறது. இதனால் ஒரு நாள் போட்டி தொடரில் ஜெய்ந்த் யாதவ், குல்கர்னி ஆகியோர் இடம் பெற அதிக வாய்ப்பு உள்ளது. ஒரு நாள் போட்டி தொடரில் ஜனவரி 15-ம் தேதி தொடங்குகிறது.

English Summary : Match one-day series against England: Ashwin - Jadeja - Sami to retire.An ODI series against England in India, Ashwin, Ravindra Jadeja, Mohammad Sami, Umesh Yadav is retired. In the presence of the Test series in India toured England cricket team is playing. 3 matches in the 5-match Test series is over. India is leading 2-0. 4th Test match in Mumbai on 8 starts coming. Test series after the two teams play 3 ODIs and three T20 matches.