டிச.20ல் திமுக பொதுக்குழு- செயல் தலைவராக ஸ்டாலின் தேர்வு?

சென்னை: திமுக பொதுக்குழு டிசம்பர் 20-ந் தேதி சென்னையில் கூடுகிறது. இக்கூட்டத்தில் திமுகவின் செயல் தலைவராக ஸ்டாலின் அறிவிக்கப்படக் கூடும் என கூறப்படுகிறது.

திமுக தலைவர் கருணாநிதிக்கு முதுமை காரணமாக அவ்வப்போது உடல்நலக் குறைவு ஏற்படுகிறது. அக்கட்சி பொதுச்செயலர் அன்பழகனும் முதுமை காரணமாக தீவிர அரசியலில் ஈடுபடுவதில்லை.

இந்த நிலையில் தம்மை செயல் தலைவராக உடனே அறிவிக்க வேண்டும் என்று ஸ்டாலின் தரப்பில் கருணாநிதிக்கு நெருக்கடி கொடுப்பதாகவும் கூறப்பட்டு வருகிறது. இந்த நிலையில் திமுக பொதுச்செயலர் அன்பழகன் இன்று வெளியிட்ட அறிக்கையில் வரும் 20-ந் தேதி திமுக பொதுக்குழு கூடும் என அறிவித்துள்ளார்.

இக்கூட்டத்தில் திமுகவின் செயல் தலைவராக ஸ்டாலின் அறிவிக்கப்படக் கூடும் எனத் தெரிகிறது. மேலும் திமுகவின் புதிய பொதுச்செயலராக துரைமுருகன், பொருளாளராக எ.வ. வேலு அல்லது திண்டுக்கல் ஐ பெரியசாமி ஆகியோரை நியமிப்பது குறித்தும் இப்பொதுக்குழுவில் ஆலோசிக்கப்படவும் வாய்ப்பு உள்ளதாக அறிவாலய வட்டாரங்கள் தெரிவித்துள்ளன.

திமுக பொதுக்குழு டிசம்பர் 20-ந் தேதி கூடுகிறது. இக்கூட்டத்தில் திமுகவின் செயல் தலைவராக ஸ்டாலின் அறிவிக்கப்படக் கூடும் என கூறப்படுகிறது.

English Summary:

DMK General Council will meet on December 20. DMK treasurer MK Stalin likely elevation to the post of acting president of the party in this General Council.