இன்று மாலை முதல்வரை சந்திக்கிறார் ஸ்டாலின்

சென்னை : தமிழக எதிர்க்கட்சி தலைவர் ஸ்டாலின், இன்று மாலை முதல்வர் ஓ.பன்னீர்செல்வத்தை சந்தித்து பேச உள்ளார்.

சென்னை அறிவாலயத்தில் இன்று நடந்த திமுக பொதுக் குழு கூட்டத்தில், அக்கட்சியின் பொருளாளராக உள்ள ஸ்டாலின் செயல் தலைவராகவும் தேர்வு செய்யப்பட்டுள்ளதாக அறிவிக்கப்பட்டது. இதனையடுத்து திமுக தலைவர் கருணாநிதியை கோபாலபுரம் வீட்டிற்கு சென்று சந்தித்த ஸ்டாலின், அவரிடம் ஆசி பெற்றார். பின்னர் செய்தியாளர்களிடம் பேசிய ஸ்டாலின், தமிழக முதல்வரை சந்திக்க நேரம் கேட்டிருந்தேன். இன்று (ஜனவரி 04) காலை தான் நேரம் ஒதுக்கப்பட்டிருப்பதாக தகவல் வந்தது. இன்று மாலை 5 மணிக்கு முதல்வரை சந்தித்து பேச உள்ளேன். அப்போது தமிழக விவசாயிகள் பிரச்னை குறித்து பேச உள்ளேன். மேலும் தமிழகத்தை வறட்சி மாநிலமாக அறிவிக்கும்படி மத்திய அரசை வலியுறுத்த வேண்டும் என கோரிக்கை வைக்க உள்ளேன் என்றார்.

English summary:

Chennai: Tamil Nadu opposition leader MK Stalin, O.Pannircelvam met Chief Minister is scheduled to speak this evening.