தி.மு.க., உண்ணாவிரத போராட்டம்

சென்னை: ஜல்லிக்கட்டுக்கான ஏற்பாடுகளை செய்ய வலியுறுத்தி ஸ்டாலின் தலைமையில் தி.மு.க., எம்.எல்.ஏ.,க்கள் உண்ணாவிரதம் இருந்து வருகின்றனர்.

ஜல்லிக்கட்டை வலியுறுத்தி சென்னையில் தி.மு.க.,வினர் ரயில் மறியல் போராட்டம் நடத்தினர். இந்த போராட்டத்திற்கு பொது மக்கள் உட்பட பலர் அதிருப்தி தெரிவித்திருந்தனர். இந்நிலையில், ஜல்லிக்கட்டிற்கு தேவையான ஏற்பாடுகளை செய்ய வலியுறுத்தி எம்.எல்.ஏ.,க்கள் உட்பட தி.மு.க.,வினர் உண்ணாவிரதம் இருப்பார்கள் என அக்கட்சி செயல் தலைவர் ஸ்டாலின் கூறியிருந்தார்.

இதனையடுத்து இன்று காலை 8 மணி முதல் சென்னை வள்ளுவர் கோட்டத்தில் ஸ்டாலின் தலைமையில் தி.மு.க.,வினர் உண்ணாவிரத போராட்டம் நடத்தி வருகின்றனர். இந்த போராட்டத்தில் அக்கட்சி எம்.பி., கனிமொழி, முன்னாள் அமைச்சர்கள் ஐ.பெரியசாமி, துரைமுருகன், திருச்சி சிவா, சென்னை முன்னாள் மேயர் மா.சுப்ரமணியன் மற்றும் தி.மு.க., எம்.எல்.ஏ.,க்கள் உள்ளிட்ட பலர் கலந்து கொண்டனர். இந்த போராட்டம் மாலை 5 மணி வரை நடைபெறும். தமிழகத்தின் பல நகரங்களிலும் தி.மு.க.,வினர் உண்ணாவிரத போராட்டம் நடத்தி வருகின்றனர்.

English Summary:

Chennai: Jallikattu urged to make arrangements for the leadership of Stalin DMK MLAs have been fasting.