சென்னை - அ.தி.மு.க. பொதுச் செயலாளர் சசிகலா அறிவித்தபடி, கட்சிப் பணிகள் குறித்த மாவட்ட வாரியான ஆலோசனைக் கூட்டம் சென்னை தலைமைக் கழகத்தில் நேற்று தொடங்கியது. இந்த ஆலோசனக் கூட்டத்தில் பங்கேற்கச் சென்ற சசிகலாவுக்கு தொண்டர்கள் திரண்டு நின்று, உற்சாக வரவேற்பு அளித்தனர்.ஆலோசனைக் கூட்டம் :
அ.தி.மு.க. பொதுச்செயலாளர் சசிகலா வெளியிட்ட முக்கிய அறிவிப்பில், ஜெயலலிதாவின் நல்லாசியோடு, அ.தி.மு.க. பொதுச் செயலாளராக, தான் பொறுப்பேற்றுள்ள நிலையில், கழகப் பணிகள் குறித்த ஆலோசனைக் கூட்டங்கள், சென்னை, ராயப்பேட்டை, அவ்வை சண்முகம் சாலையில் உள்ள தலைமைக் கழக அலுவலகத்தில், 4 ம் தேதி முதல் 9-ம் தேதி வரை, மாவட்ட வாரியாக நடைபெறும் என்று தெரிவித்திருந்தார். இந்த ஆலோசனைக் கூட்டங்களில், மாவட்டக் கழக நிர்வாகிகள், ஒன்றிய, நகரப் பேரூராட்சி மற்றும் பகுதிக் கழகச் செயலாளர்கள், தொகுதிவாரியாகப் பொதுக்குழு உறுப்பினர்கள், மாவட்டத்திற்குட்பட்ட நாடாளுமன்ற, சட்டமன்ற உறுப்பினர்கள், சார்பு அமைப்புகளின் மாவட்டச் செயலாளர்கள் ஆகியோருடன் ஆலோசனை மேற்கொள்ளப்படும் என்றும், சசிகலா குறிப்பிட்டிருந்தார்.
தொண்டர்கள் உற்சாகத்துடன் வாழ்த்து:
அதன்படி, தலைமைக் கழக அலுவலகத்தில் ஆலோசனைக் கூட்டம் நேற்றுகாலை தொடங்கியது. ஆலோசனைக் கூட்டத்தில் பங்கேற்பதற்காக சென்னை போயஸ்தோட்ட இல்லத்தில் இருந்து புறப்பட்டுச் சென்ற சசிகலாவுக்கு, வழி நெடுகிலும் திரண்டிருந்த கட்சித் தொண்டர்கள் உற்சாகத்துடன் வாழ்த்து முழக்கங்கள் எழுப்பினர். தலைமைக் கழக அலுவலகத்தை சென்றடைந்ததும், அங்கு ஆர்வத்துடன் திரண்டிருந்த கழகத் தொண்டர்கள் எழுச்சியுடன் வாழ்த்து முழக்கங்கள் எழுப்பி சசிகலாவை வரவேற்றனர். வரவேற்பை ஏற்றுக்கொண்ட சசிகலா, அவர்களுக்கு வணக்கம் தெரிவித்தும், கைகளை அசைத்தும் தமது மகிழ்ச்சியை தெரிவித்தார்.
நிர்வாகிகள் வரவேற்றனர்:
தலைமைக் கழக அலுவலகத்தில் அமைச்சர்கள், கழகத்தின் பல்வேறு அமைப்புகளைச் சேர்ந்த நிர்வாகிகள் சசிகலாவை வரவேற்றனர். இதனைத் தொடர்ந்து, ஆலோசனைக் கூட்டம் தொடங்கியது. நேற்று காலை நடைபெற்ற ஆலோசனைக் கூட்டத்தில், வடசென்னை வடக்கு மாவட்டம், வடசென்னை தெற்கு மாவட்டம், தென் சென்னை வடக்கு மாவட்டம், தென்சென்னை தெற்கு மாவட்டம், காஞ்சிபுரம் கிழக்கு மாவட்டம், காஞ்சிபுரம் மத்திய மாவட்டம், காஞ்சிபுரம் மேற்கு மாவட்டம் மற்றும் திருவள்ளூர் கிழக்கு மாவட்டம் ஆகிய மாவட்ட கழக நிர்வாகிகள் கலந்துகொண்டனர். இந்த ஆலோசனைக் கூட்டத்தின் போது, சசிகலா, ஒவ்வொரு மாவட்ட கழக நிர்வாகிகளுடன் புகைப்படம் எடுத்துக் கொண்டார்.
English Summary:
Chennai - Digg General Secretary Shashikala announced, the party works started yesterday at the headquarters of the district-wide meeting in Chennai. Shashikala went on to participate in this meeting, the volunteers gathered , gave a warm reception.
Posts
