சென்னையை தொடர்ந்து சேலம், திருச்சியிலும் போலீசார் இளைஞர்கள் மீது தடியடி

சென்னை: போராட்டக்காரர்களை வலுகட்டாயமாக போலீசார் வெளியேற்றி வருகின்றனர். போராட்டக் குழுவினர் உடனான பேச்சுவார்த்தை தோல்வி அடைந்ததை அடுத்து நடவடிக்கை எடுக்கப்பட்டுள்ளது. போலீசுடன் இளைஞர்கள் தள்ளுமுள்ளு போராட்டத்தில் ஈடுபட்டுள்ளனர். போராட்டக்காரர்களை வலுகட்டாயமாக அகற்றி வரும் போலீசுடன் இளைஞர்கள் வாக்குவாதத்தில் ஈடுபட்டுள்ளனர். போராட்டத்தை கைவிட்டு கலைந்து செல்ல மறுத்து கடலை நோக்கி இளைஞர்கள் நகர்கின்றனர். மெரினா கடற்கரையில் இருந்து வெளியேற இளைஞர்கள் மறுப்பு தெரிவித்துள்ளனர்.

மெரினா கடற்கரையை சுற்றியுள்ள அனைத்து பாதைகளும் அடைக்கப்பட்டு உள்ளன. இளைஞர்கள் வலுக்கட்டாயமாக அகற்றப்படுவதால் மெரினாவில் தொடர்ந்து பதற்றமான சூழ்நிலையில் காணப்படுகிறது. மெரினா கடற்கரையை சுற்றியுள்ள அனைத்து பாதைகளும் அடைக்கப்பட்டு உள்ளன. இளைஞர்கள் வலுக்கட்டாயமாக அகற்றப்படுவதால் மெரினாவில் தொடர்ந்து பதற்றமான சூழ்நிலையில் காணப்படுகிறது. தங்களை கட்டாயமாக வெளியேற்றி வருவதாக இளைஞர்கள் கதறி வருகின்றனர். போலீசார் தங்களை தாக்குவதாக இளைஞர்கள் குற்றம்சாட்டி வருகின்றனர்.

வலுக்கட்டாயமாக வெளியேற்றப்பட்ட இளைஞர்கள் கடலில் இறங்கி தங்கள் போராட்டத்தை தொடர்கின்றனர். போராட்டத்தை கைவிட மறுத்து கடலில் இறங்கி போராடுவதால் மெரினாவில் பதற்றம் அதிகரித்து காணப்படுகிறது.

சென்னையை தொடர்ந்து கோவை வ.உ.சி. மைதானத்தில் போராட்டம் நடத்தியவர்கள் வலுக்கட்டாயமாக வெளியேற்றியுள்ளனர். கோவையில் போராட்டக்காரர்கள் மீது போலீசார் தடியடி நடத்தி வருகின்றனர். இளைஞர்களை குண்டுக்கட்டாயத் தூக்கி வெளியேற்றி வருகின்றனர் போலீசார். போராட்டக்காரர்கள் மீது போலீசார் தடியடி நடத்தியதில் 10க்கும் மேற்பட்ட இளைஞர்கள் மயக்கம் அடைந்துள்ளனர்.

கோவை வ.உ.சி. மைதானத்தில் போராட்டத்தில் ஈடுபட்ட இளைஞர்கள் கைது செய்யப்பட்டுள்ளனர். கோவையில் இளைஞர்களை கைது செய்து வேனில் போலீசார் ஏற்றினர். முழக்கமிட்டவாறு போலீஸ் வேனில் ஏறுகின்றனர் இளைஞர்கள்.

திருச்சியில் போராட்டம் நடத்தியவர்களை போலீசார் வலுக்கட்டாயமாக அப்புறப்படுத்தியதால் தள்ளுமுள்ளு ஏற்பட்டுள்ளது. போராட்டத்தை கைவிட மறுத்து இளைஞர்கள் சாலை மறியலில் ஈடுபட்டனர்.

English summary:

Chennai: Police Forcibly evict the protesters said. The action was taken following the defeat of the team negotiating with the protesters. Disperse young people are engaged in a struggle with police. Forcibly removing the protestors who have been involved in an altercation with police and young people. Young people moving toward the sea gave up and refused to disperse. Marina beach, young people have refused to leave