ஜெ.,மரணம்: தமிழக அரசுக்கு உத்தரவு

சென்னை: மறைந்த முதல்வர் ஜெயலலிதா மரணம் தொடர்பாக, உச்சநீதிமன்ற ஓய்வுபெற்ற நீதிபதிகள், மூன்று பேர் கொண்ட குழுவை கொண்டு விசாரிக்க உத்தரவிட வேண்டும் எனக்கோரி தொடரப்பட்ட வழக்கில், தமிழக அரசு பதில் அளிக்க, சென்னை உயர்நீதிமன்றம் உத்தரவிட்டுள்ளது.முதல்வர் ஜெயலலிதா, கடந்த ஆண்டு செப்.,22ல் சென்னை, அப்பல்லோ மருத்தவமனையில் சேர்க்கப்பட்டார். டிச.,5 இரவு, 11:30 மணிக்கு மரணமடைந்தார். ‛அவரது இறப்பில் சந்தேகம் உள்ளது. உச்ச நீதிமன்ற ஓய்வு பெற்ற நீதிபதிகள், மூன்று பேர் அடங்கிய குழுவை அமைத்து மரணம் தொடர்பாக விசாரணை நடத்த கோரி சென்னை, அரும்பாக்கத்தை சேர்ந்த அ.தி.மு.க., பிரமுகர் ஜோசப் சென்னை உயர்நீதிமன்றத்தில் வழக்கு தொடர்ந்தார்.

இந்த வழக்கு இன்று விசாரணைக்கு வந்த போது, அப்பல்லோ மருத்துவமனை சார்பில், ஜெ.,க்கு அளிக்கப்பட்ட சிகிச்சை தொடர்பான தகவல்களை சீலிட்ட கவரில் தாக்கல் செய்யப்படும் என தெரிவிக்கப்பட்டது. இதையடுத்து, இது தொடர்பாக நான்கு வாரங்களில் தமிழக அரசு பதில் மனு தாக்கல் செய்ய சென்னை உயர்நீதிமன்றம் உத்தரவிட்டது. மேலும் விசாரணையை, பிப்., 23ம் தேதிக்கு நீதிமன்றம் ஒத்தி வைத்தது.

English summary:

Chennai: In connection with the death of the late Chief Minister Jayalalithaa, retired judges of the Supreme Court, demanding that the three-member committee to order an inquiry into the case, in response to the State Government, the Madras High Court has ordered.