ஜல்லிக்கட்டு: எல்லை தாண்டி போராடும் தமிழர்கள்

சென்னை : தமிழகத்தில் ஜல்லிக்கட்டுக்கு ஆதரவு தெரிவித்து பள்ளி, கல்லூரி மாணவர்கள் போராட்டத்தில் குதித்து வருகின்றனர். மாணவர்களின் எழுச்சிமிகு போராட்டத்திற்கு நொடிக்கு நொடி ஆதரவு பெருகி வருகிறது.ஜல்லிக்கட்டுக்காக தமிழகத்தில் வசிக்கும் மக்கள் மட்டுமின்றி உலக முழுவதிலும் வசிக்கும் தமிழர்களும் போராட்டம் நடத்தி வருகின்றனர்.

வெளிநாடுகளில் பெருகும் ஆதரவு :

அமெரிக்கா, பிரிட்டன், ஆஸ்திரேலியா, துபாய், இந்தோனேஷியா, சிங்கப்பூர் உள்ளிட்ட நாடுகளில் வசிக்கும் தமிழர்களும் ஜல்லிக்கட்டுக்கு ஆதரவாக கடந்த 2 நாட்களாக போராட்டம் நடத்தி வருகின்றனர். இலங்கை, யாழ்பாணத்தில் ஆயிரக்கணக்கான மாணவர்கள், அரசியல் பிரமுகர்கள் உள்ளிட்டோர் ஒன்று திரண்டு ஜல்லிக்கட்டுக்கு ஆதரவாக போராட்டம் நடத்தி வருகின்றனர். ஜல்லிக்கட்டு மீதான தடையை நீக்க வலியுறுத்தி மலேசியாவில் புகழ்பெற்ற பத்துமலை அருகே இன்று பேரணி நடத்தப்பட உள்ளது.

பெங்களூரிலும் போராட்டம் :

காவிரி நதிநீர் விவகாரத்தில் தமிழகத்திற்கும் - கர்நாடகாவிற்கும் பல்வேறு மோதல் போக்கு இருந்து வருகிறது. இருப்பினும் அவற்றை கடந்து தற்போது ஜல்லிக்கட்டுக்கு ஆதரவாக தமிழகத்தில் நடந்து வரும் மாபெரும் போராட்டத்திற்கு ஆதரவாக பெங்கரூருவிலும் ஜல்லிக்கட்டு போராட்டம் இன்று நடக்க உள்ளது. தமிழர்கள் மற்றும் சமூக ஆர்வலர்கள் ஒன்றிணைந்து நடத்தும் இந்த போராட்டத்திற்கு பெங்களூரு போலீசாரும் அனுமதி அளித்துள்ளனர்.


படங்களை அனுப்பலாம் :

வெளிநாட்டில் வசிக்கும் தினமலர் வாசகர்கள், தங்கள் பகுதிகளில் அல்லது ஊர்களில் நடக்கும் ஜல்லிக்கட்டு ஆதரவு போராட்டங்கள் தொடர்பான படங்களை அனுப்பலாம். dotcomdept@dinamalar.in என்ற இமெயில் முகவரிக்கு வாசகர் தங்களின் படங்களை அனுப்பலாம். தாங்கள் அனுப்பும் படங்கள் தரமானதாகவும், தெளிவாகவும் இருக்க வேண்டும் என்பது குறிப்பிடத்தக்கது.

English Summary:

Chennai: Tamil Nadu Jallikattu in support of the school and college students have jumped into the fight. jallikattu growing support students' militant struggle Mbps per second, not only the people living in the state for Tamils ​​across the world have been demonstrating.