ஓ.பிஎஸ் - தம்பிதுரை இடையே முற்றும் பனிப்போர்: பதவி விலகுவாரா முதல்வர்?

சென்னை: கட்சி - ஆட்சித் தலைமை ஒருவரிடமே இருக்க வேண்டும் என்று அதிமுக மூத்த நிர்வாகி தம்பிதுரை தெரிவித்துள்ளார். சசிகலாவே முதல்வர் பொறுப்பையும் ஏற்க வேண்டும் என்றும் தம்பிதுரை வலியுறுத்தியுள்ளார். அமைச்சர்களைத் தொடர்ந்து தம்பிதுரை கருத்தால் ஓ.பி.எஸ்-க்கு நெருக்கடி முற்றுகிறது. பொதுச்செயலாளராக பொறுப்பு ஏற்றதைத் தொடர்ந்து சசிகலாவின் கவனம் ஆட்சி பக்கம் திரும்புகிறது. பன்னீர்செல்வத்தை நீக்கிவிட்டு சசிகலாவை முதல்வராகும் திட்டம் குறித்து தீவிர ஆலோசனை நடத்தப்பட்டு வருகிறது.

இடைத்தேர்தலில் சசிகலாவை போட்டியிட வைக்கவும் தீவிரமான ஏற்பாடுகள் நடந்து வருவதாக தகவல்கள் தெரிவிக்கின்றன. சசிகலாவுக்காக தமிழக அரசின் வருவாய்த்துறை அமைச்சராக உள்ள ஆர்.பி.உதயகுமார் எம்.எல்.ஏ பதவியை துறக்கவும் தயாராக உள்ளதாகவும் கட்சி வட்டாரங்கள் தெரிவிக்கின்றன.

தம்பிதுரை அதிரடிக்கான காரணம்:

அதிமுக-வின் மூத்த நிர்வாகிகள் தம்பிதுரை - ஓ.பி.எஸ் இடையே ஏற்கனவே பனிப்போர் இருந்து வந்தது. அண்மையில் டெல்லி சென்ற ஓ.பி.எஸ்-சுடன் பிரதமரை  சந்திக்க தம்பிதுரை முயன்றார். தம்பிதுரையை தவிர்த்த மோடி ஓ.பி.எஸ்-ஸை மட்டும் சந்தித்தார். டெல்லி நிகழ்வு மூலம் தம்பிதுரை - ஓ.பி.எஸ். இடையேயான  பனிப்போர் உச்சகட்டத்தை எட்டியது. அதிமுக சார்பில் டெல்லியில் கோலோச்சும் தம்பிதுரை ஓ.பி.எஸ்-ஸை டம்மியாக்க முயல இதுலே காரணம் என கட்சி  வட்டாரங்கள் தெரிவிக்கின்றன.

பதவி விலகுவாரா ஓ.பி.எஸ்?:

தம்பிதுரை மற்றும் சில அமைச்சர்களின் முயற்சியால் ஓ.பி.எஸ் பதவிவிலக வேண்டிய நிலை ஏற்பட்டுள்ளது. எதிர்ப்பு வலுக்கும் பட்சத்தில் வரும் பொங்கலுக்குள்  ஓ.பி.எஸ். பதவி விலகுவார் என எதிர்பார்க்கப்படுகிறது.

போயஸ் கார்டனில் தம்பிதுரை:

சென்னை போயஸ் தோட்ட இல்லத்தில் சசிகலாவை தம்பிதுரை சந்தித்து பேசினார். தம்பிதுரையுடன் அமைச்சர்கள் எடப்பாடி பழனிச்சாமி, உதயகுமாரும் வந்துள்ளனர்.

English Summary:

Chennai: The party - led to one of the civil service must be said that the AIADMK senior executive thambidurai.  thambidurai saiskala CM urged to accept responsibility.