கின்னசில் ராகுல் பெயர்? மாணவர் ஆசை

புதுடில்லி: ராகுல் பிரசாரத்தால் காங்கிரஸ் 27 தேர்தல்களில் தோல்வியடைந்துள்ளது. இதனால், அவரது பெயரை கின்னஸ் புத்தகத்தில் இடம்பெற செய்ய வேண்டும் என மாணவர் ஒருவர் விண்ணப்பித்துள்ளார்.

மத்திய பிரதேச மாநிலம் ஹோஷங்காபாத் மாவட்டத்தை சேர்ந்த பொறியியல் கல்லூரி மாணவர் விகாஸ் திவான். இவர், கடந்த 5 ஆண்டுகளில் ராகுலின் தீவிர பிரசாரம் மற்றும் மீடியா பேட்டி காரணமாக அக்கட்சி 27 தொகுதிகளில் தோல்வியடைந்துள்ளது. இதனால், ராகுல் பெயரை கின்னஸ் புத்தகத்தில் இடம்பெற செய்ய வேண்டும் எனக்கூறி, விண்ணப்பித்துள்ளார்.

விண்ணப்பிக்க தேவையான கட்டணத்தையும் விகாஸ் திவான் செலுத்தியுள்ளார்.

விகாஸ் விண்ணப்பத்தை ஏற்றுக்கொண்டுள்ளதாக கின்னஸ் அமைப்பு உறுதி செய்துள்ளது. ஆனால், இந்த கோரிக்கை ஏற்கப்படுமா அல்லது நிராகரிக்கப்படுமா எனக்கூற மறுத்துவிட்டது