ஆண்களை விட குறைவாக சம்பாதிக்கும் இந்திய பெண்கள்!

புதுடில்லி: இந்தியாவில், வேலைக்குச் செல்லும் பெண்கள், ஆண் ஊழியர்களை விட, 25 சதவீதம் குறைவான சம்பளம் பெறுவதாக, தனியார் நிறுவனம் நடத்திய ஆய்வில் தெரிய வந்துள்ளது.

குறைவான சம்பளம்:

பணியிடம், பணியின் தன்மை, துறை ரீதியான வளர்ச்சி மற்றும் பாதுகாப்பு அம்சங்களின் அடிப்படையில், வேலைக்கு செல்லும், 2,000 பெண்களிடம் நடத்திய ஆய்வில் தெரிய வந்துள்ளதாவது: இந்தியாவில், ஆண் - பெண் ஊழியர்களிடையிலான சம்பள விகித வேறுபாடு, சராசரியாக, 25 சதவீதமாக உள்ளது. பொதுவாக, ஒரே மாதிரியான வேலையை செய்யும், ஆண் - பெண் ஆகிய இருவருக்கும், ஒரே அளவிலான சம்பளம் வழங்கப்படுவதில்லை. ஆண் ஊழியர்களை விட, பெண் ஊழியர்களுக்கு குறைவான சம்பளம் வழங்கப்படுகிறது.

வேறுபாடு:

கடந்த, 2015ல், ஆண் - பெண் ஊழியர்களிடையிலான சம்பள வேறுபாடு, 27.2 சதவீதமாக இருந்த நிலையில், 2016ல் இது, 25 சதவீதமாக குறைந்துள்ளது. நாட்டின் உற்பத்தி துறையில், சம்பள வேறுபாடு, 29 சதவீதமாகவும், ஐ.டி., துறையில் பணியாற்றும் ஆண் - பெண் ஊழியர்களிடையிலான சம்பள வேறுபாடு, 25.8 சதவீதமாக உள்ளது.

சராசரி ஊதியம்:

தற்போதைய நிலவரப்படி, ஆண் ஊழியர் ஒருவரின் ஒரு மணி நேர சராசரி ஊதியம், 345 ரூபாயாகவும், பெண் ஊழியர் ஒருவரின் ஒரு மணி நேர சராசரி ஊதியம், 259 ரூபாயாகவும் உள்ளது.

English summary:

New Delhi, India, working women, than male employees, 25 per cent earn less, was found in the study conducted by the private company.