‛டைம்' பட்டியலில் மீண்டும் மோடி?

புதுடில்லி: அதிக தாக்கத்தை ஏற்படுத்திய 100 பேர் பட்டியலில் மீண்டும் பிரதமர் மோடி இடம் பிடிப்பதற்கான வாய்ப்பு ஏற்பட்டுள்ளது.

மக்களிடையே அதிக தாக்கத்தை ஏற்படுத்திய 100 பேர்கள் பட்டியலை பிரபல அமெரிக்க பத்திரிகையான ‛டைம்', ஆண்டுதோறும் வெளியிட்டு வருகிறது. கடந்த 2015ம் ஆண்டு இந்த 100 பேர் பட்டியலில் பிரதமர் நரேந்திர மோடி இடம் பெற்றிருந்தார். இந்நிலையில் இந்த ஆண்டுக்கான பட்டியலில் மோடி இடம் பிடிப்பதற்கான வாய்ப்பு ஏற்பட்டுள்ளது.

டைம் வெளியிட்டுள்ள இணையதள ஓட்டெடுப்பில், பிரதமர் மோடி, அமெரிக்க அதிபர் டிரம்ப், ரஷ்ய அதிபர் புதின், பிரிட்டன் பிரதமர் தெரேசா மே, சீன அதிபர் ஜீ ஜின்பின், மைக்ரோசாப்ட் சி.இ.ஓ., சத்யநாதெள்ளா மற்றும் போப் பிரான்சிஸ் உள்ளிட்டோரின் பெயர்களும் இடம் பெற்றுள்ளன.