ஜெய் ஸ்ரீராம் எனக் கூறி தீர்ப்பை வரவேற்ற அத்வானி !

பாபர் மசூதி இடிப்பு வழக்கின் தீர்ப்பை ஜெய் ஸ்ரீரா‌ம் எனக் கூறி ‌வரவேற்ற அத்வானி, இது தங்களுக்கு மிக முக்கியமானதுடன் மகிழ்ச்சியும் தரும் தீர்ப்பு என கூறியுள்ளார். சிபிஐ சிறப்பு நீதிமன்ற தீர்ப்பு குறித்த தொலைக்காட்சி நேரலையை அத்வானி தன் வீட்டில் குடும்பத்தினருடன் அமர்ந்தவாறு பார்த்தார். விடுவிக்கப்பட்ட தீர்ப்பை அறிந்து மகிழ்ச்சியடைந்த அத்வானி பின்னர் செய்தியாளர்களை சந்தித்தார். ‌அப்போது பேசிய அவர் அயோத்தியில் ராமர் கோயிலை காண படிக்கல்லாக அமைந்த மற்றொரு தீர்ப்பு என்று குறிப்பிட்டார். ‌ இதற்கிடையில் அத்வானி உள்ளிட்டோரை விடுவித்த சிறப்பு நீதிமன்றத்தின் தீர்ப்பை எதிர்த்து மத்திய, மாநில அரசுகள் மேல்முறையீடு செய்ய வேண்டுமென காங்கிரஸ் கட்சி வலியுறுத்தியுள்ளது
http://dlvr.it/Rhfs7K

Read More

அல்லு அர்ஜுனுக்கு வில்லனாகும் மாதவன்?!

அல்லு அர்ஜுன் நடிக்கும் ’புஷ்பா’ படத்தில் வில்லனாக மாதவன் நடிக்கிறார் என்று தகவல் வெளியாகி  இருக்கிறது. கடந்த வருடம் தெலுங்கின் முன்னணி இயக்குநர் சுகுமார் இயக்கத்தில் ‘புஷ்பா’ படத்தின் அறிவிப்பு அல்லு அர்ஜுன் பிறந்தநாள் அன்று வெளியானது. அல்லு அர்ஜுன் லாரி டிரைவராக நடிக்கிறார். செம்மரக்கட்டை கடத்தல் சம்மந்தப்பட்ட இக்கதையில் ராஷ்மிகா மந்தனா ஹீரோயினாக நடிக்கிறார். பிரகாஷ் ராஜ், ஹரிஷ் உத்தமன் உள்ளிட்டவர்கள் நடிக்கும் இப்படத்திற்கு தேவிஸ்ரீ பிரசாத் இசையமைக்கிறார். அல்லு அர்ஜுனுக்கு வில்லனாக நடிக்க முதலில் விஜய் சேதுபதியிடம் தான் ஒப்பந்தம் போடப்பட்டது. ஆனால், தேதிகள் சரியாக இல்லாததால் விஜய் சேதுபதி பின்வாங்கினார். இந்நிலையில், ’சாக்லேட் பாய்’ என்று சொல்லப்படும் மாதவன் வில்லனாக நடிக்கவுள்ளார் என்று தகவல் வெளியாகியுள்ளது. சமீப காலமாக மாதவன் இறுதிச்சுற்று, விக்ரம் வேதா என்று வித்யாசமான கதைக்களங்களில் நடித்து வருகிறார் என்பது குறிப்பிடத்தக்கது.  ’புஷ்பா’ படம் தமிழ், தெலுங்கு, மலையாளம், கன்னடம், இந்தி ஆகிய ஐந்து மொழிகளில் தயாராக உள்ளது.
http://dlvr.it/RhdNsS

Read More

தளர்வுகளுடன் பொதுமுடக்கம் நீட்டிப்பு: எதெற்கெல்லாம் தடை தொடரும்?

5-ஆம் கட்ட தளர்வுகளுடன் பொதுமுடக்கத்தை நீட்டித்து தமிழக அரசு உத்தரவிட்டுள்ளது. இதில் எதெற்கெல்லாம் தடை தொடரும் என அறிவிப்பு வெளியாகியுள்ளது. பள்ளிகள், கல்லூரிகள், ஆராய்ச்சி நிறுவனங்கள் மற்றும் அனைத்து கல்வி நிறுவனங்களில் செயல்பாட்டிற்கான தடை தொடரும். திரையரங்குகள், நீச்சல் குளங்கள், பொழுதுபோக்கு பூங்காக்கள், பெரிய அரங்குகள், கூட்ட அரங்குகள், கடற்கரை, உயிரியல் பூங்காக்கள், அருங்காட்சியங்கள், சுற்றுலாத்தலங்கள் பொதுமக்கள் அதிகம் கூடும் இடங்களில் தடை தொடரும். மத்திய உள்துறை அமைச்சகத்தால் அனுமதிக்கப்பட்ட வழித்தடங்களை தவிர சர்வதேச விமான போக்குவரத்திற்கான தடை நீடிக்கும். புறநகர் மின்சார ரயில் போக்குவரத்துக்கு தடை மதம் சார்ந்த கூட்டங்கள், சமுதாய, அரசியல், பொழுதுபோக்கு, கலாசார நிகழ்வுகள், கல்வி விழாக்கள், பிற கூட்டங்கள் மற்றும் ஊர்வலங்கள் நடத்த உள்ள தடை தொடரும். 
http://dlvr.it/RhdNqb

Read More

உ.பி: வெட்டுப்பட்ட நாக்கு; செயலிழந்த கால்கள்; பாலியல் வன்கொடுமையால் உயிரிழந்த பெண் - நடந்தது என்ன?

கடந்த இரண்டு வாரங்களுக்கு முன்னர் உத்தரப்பிரதேச மாநிலம், ஹாத்ராஸ் (Hathras) மாவட்டத்தைச் சேர்ந்த 19 வயது இளம்பெண் ஒருவர், நான்கு நபர்களால் பாலியல் வன்கொடுமை செய்யப்பட்டார். இரண்டு வாரங்களாக தீவிர சிகிச்சை பெற்றுவந்த அந்த இளம்பெண் இன்று சிகிச்சை பலனின்றி உயிரிழந்திருக்கிறார். இந்தச் சம்பவத்துக்கு சமூக வலைதளங்களில் கடுமையான எதிர்ப்புகள் கிளம்பியிருக்கின்றன. அந்த இளம்பெண்ணுக்கு நீதி கிடைத்தே தீர வேண்டும் என்று நெட்டிசன்கள் போர்க்கொடி தூக்கியிருக்கிறார்கள். பாதிக்கப்பட்ட இளம்பெண் `வால்மீகி' என்ற பிற்படுத்தப்பட்ட தலித் சமூகத்தைச் சேர்ந்தவர். `மாற்று வகுப்பைச் சேர்ந்தவர்களால் இந்தக் கொடூரம் நிகழ்த்தப்பட்டிருக்கிறது' என்று சொல்லி சில பட்டியலின அமைப்புகளும் அந்தப் பெண்ணுக்கு நீதி கிடைக்க வேண்டும் எனக் களமிறங்கியிருக்கிறார்கள். கூட்டுப் பாலியல் வன்கொடுமை செய்யப்பட்டு உயிருக்குப் போராடிக்கொண்டிருந்த அந்த இளம்பெண்ணை உத்தரப்பிரதேச மாநிலம், அலிகார் முஸ்லிம் பல்கலைக்கழகத்தின் கீழ் இயங்கிவரும் ஜவஹர்லால் நேரு மருத்துவக் கல்லூரி மருத்துவமனையில் அனுமதித்தனர். அங்கு தீவிர சிகிச்சை பெற்றுவந்த இளம்பெண்ணை, கடந்த திங்கட்கிழமை அன்று டெல்லியிலுள்ள சப்தர்ஜங் (Safdarjung) மருத்துவமனைக்கு மாற்றியிருக்கிறார்கள்.பாலியல் வன்கொடுமைக்கு ஆளான பெண் Also Read: சென்னை: வாட்ஸ்அப்பில் அந்தரங்க புகைப்படம்... பெண்ணை மிரட்டிய ஆன்லைன் 'லோன் ஆப்' கும்பல்! இது குறித்து ஜவஹர்லால் நேரு மருத்துவக் கல்லூரி மருத்துவமனையின் சார்பில், பிடிஐ செய்தி நிறுவனத்திடம் சில தகவல்கள் சொல்லப்பட்டிருக்கின்றன. ``நான்கு பேர் மோசமான முறையில் அந்தப் பெண்ணைப் பாலியல் வன்கொடுமை செய்திருக்கிறார்கள். வன்கொடுமை செய்தவர்களை எதிர்த்துப் போராடி, அவர்களின் பிடியிலிருந்து வெளியே வர முயன்றிருக்கிறார் அந்தப் பெண். அவர்கள் அந்தப் பெண்ணின் மீது செலுத்திய அழுத்தத்தால், தனது நாக்கைக் கடுமையாகக் கடித்திருக்கிறார். அதில் அவரது நாக்கு வெட்டுப்பட்டிருக்கிறது. அந்தப் பெண்ணின் முதுகுத்தண்டும் கடுமையாக பாதிக்கப்பட்டிருக்கிறது. உடம்பில் பல இடங்களில் காயங்கள் ஏற்பட்டிருக்கின்றன. மிக மோசமான நிலையில்தான் அவர் மருத்துவமனையில் அனுமதிக்கப்பட்டார். அவரின் கால்கள் இரண்டும் முழுவதுமாக முடங்கிப்போய்விட்டன. அவரது கைகள் பாதியளவு முடங்கியிருந்தன'' என்று கூறியிருக்கிறது மருத்துவமனை தரப்பு.ஜவஹர்லால் நேரு மருத்துவமனை நிர்வாகம்பாதிக்கப்பட்ட இளம்பெண்ணின் பெற்றோர் விருப்பப்படி அவரை டெல்லி சப்தர்ஜங் மருத்துவமனைக்கு மாற்றினோம். இது தொடர்பாக உத்தரப்பிரதேச காவல்துறையினர் சில தகவல்களைப் பதிவு செய்திருக்கிறார்கள். ``சம்பவம் நடந்த அன்று அந்த இளம்பெண் தன் தாயாருடன் வயலுக்குச் சென்றிருக்கிறார். வேலையை முடித்துவிட்டுத் திரும்பும்போது தன் மகளைக் காணவில்லை என்று எல்லா பக்கமும் தேடியிருக்கிறார் அந்தப் பெண்ணின் தாய். அந்தப் பெண்ணின் குடும்பத்தினரும் தேடியிருக்கிறார்கள். கடைசியில், பாலியல் வன்கொடுமை செய்யப்பட்ட சம்பவ இடத்தில், அந்தப் பெண்ணை மயங்கியநிலையில் கண்டுபிடித்திருக்கிறார்கள். இந்தச் சம்பவத்தில் ஈடுபட்ட சந்தீப், ராமு, லவ்குஷ், ரவி ஆகிய நான்கு பேரைக் கைதுசெய்து, கொலை முயற்சி (பிரிவு 307), கூட்டுப் பாலியல் (பிரிவு 376D) ஆகிய பிரிவுகளின் கீழ் வழக்கு பதிவு செய்திருக்கிறோம்'' என்று உ.பி காவல்துறை தகவல் தெரிவித்திருக்கிறது.பாலியல் வன்கொடுமை உ.பி காவல்துறைகுற்றம் சாட்டப்பட்டவர்கள் அந்தப் பெண்ணை பாலியல் வன்கொடுமை மட்டும் செய்யவில்லை. அவரது கழுத்தை நெரித்துக் கொலை செய்யவும் முயன்றிருக்கிறார்கள். அதன் காரணமாகவே அந்தப் பெண் தனது நாக்கைக் கடித்திருக்கிறார். அதனால்தான் அவரது நாக்கு வெட்டுப்பட்ட நிலையிலிருந்தது. இந்த வழக்கில் காவல்துறையினர் அலட்சியம் காட்டியதாகப் பாதிக்கப்பட்ட பெண்ணின் குடும்பத்தார் குற்றம்சாட்டினர். இதையடுத்து உத்தரப்பிரதேச மாநிலம் சந்த்பா (Chandpa) காவல் நிலைய ஆய்வாளர் டி.கே.வர்மா பணியிடமாற்றம் செய்யப்பட்டிருக்கிறார். உத்தரப்பிரதேச மாநில காங்கிரஸ், பகுஜன் சமாஜ் உள்ளிட்ட எதிர்க்கட்சிகளைச் சேர்ந்தவர்கள் `இந்தச் சம்பவத்துக்கு அரசுதான் பொறுப்பேற்க வேண்டும்' என்று கண்டனங்களைத் தெரிவித்திருக்கிறார்கள். மேலும், உத்தரப்பிரதேசத்தில் சட்டம் ஒழுங்கு சீர்குலைந்துவிட்டது என்றும் குற்றம்சாட்டியிருக்கிறார்கள். Also Read: கேரளா: கொரோனா பாதித்த இளம் பெண்... ஆம்புலன்ஸில் பாலியல் வன்கொடுமை! - சிக்கிய ஓட்டுநர் உத்தரப்பிரதேச மாநிலத்தைச் சேர்ந்த அம்பேத்கரிய இயக்கமான `பீம் ஆர்மி'-யின் தலைவர் சந்திரசேகர் ஆசாத் கடந்த ஞாயிற்றுக்கிழமை அன்று காவல்துறையை மீறி, ஜவஹர்லால் நேரு மருத்துவக் கல்லூரி மருத்துவமனைக்குச் சென்று, அந்தப் பெண்ணுக்கும் அவரின் குடும்பத்தாருக்கும் ஆதரவு தெரிவித்திருக்கிறார். ``இந்த மிருகத்தனமான செயல், மாநிலத்தில் சட்டம் ஒழுங்கு மோசமடைந்துவருவதையே குறிக்கிறது'' என்று சந்திரசேகர் ஆசாத் குற்றம்சாட்டியிருக்கிறார். மேலும்...சந்திரசேகர் ஆசாத், பீம் ஆர்மிஇந்த வழக்கில் அலட்சியம்காட்டிய போலீஸ்காரர்கள் முறையாக தண்டிக்கப்பட வேண்டும். இந்தப் பெண்ணின் குடும்ப உறுப்பினர்கள், பாதுகாப்பற்ற நிலையில் இருப்பதாக உணர்கிறார்கள். எனவே, உடனடியாக அவர்களைப் பாதுகாப்பான இடத்துக்கு மாற்றுவதோடு, முறையான பாதுகாப்பு வசதியும் வழங்கப்பட வேண்டும். பாதிக்கப்பட்ட இளம்பெண்ணின் குடும்பத்துக்கு, அரசாங்கம் ஒரு கோடி ரூபாய் நிதியுதவி வழங்க வேண்டும்.மருத்துவமனையில் சந்திரசேகர் ஆசாத் Also Read: சுஷாந்த் வழக்கு: `காக்கி' டு `காவி' குற்றச்சாட்டு... பீகார் டி.ஜி.பி குப்தேஷ்வர் ஓய்வு ஏன்? இரண்டு வாரங்களாக தன் மூச்சைப் பிடித்துக்கொண்டு சிகிச்சை பெற்றுவந்த இளம்பெண் இன்று காலை டெல்லி சப்தர்ஜங் மருத்துவமனையில் சிகிச்சை பலனின்றி உயிரிழந்தார். இதையடுத்து அந்தப் பெண்ணுக்கு நீதி கிடைக்க வேண்டும் என்று நெட்டிசன்கள் பலரும் அந்தப் பெண்ணின் பெயர் குறிப்பிட்ட ஹேஷ்டேக்கோடு ட்விட்டரில் போர்க்கொடி தூக்கியிருக்கிறார்கள். இந்திய அளவில் அந்த ஹேஷ்டேக் முதலிடம் பிடித்திருக்கிறது. `அந்தப் பெண் தலித் என்பதால்தான் எந்த ஒரு மீடியாவும் இந்தச் செய்தியைப் பதிவு செய்யவில்லை. எந்தவொரு பெண்கள் அமைப்பும் போராட முன்வரவில்லை. தலைநகர் டெல்லியில் நிகழ்ந்திருக்கும் அவரின் மரணத்துக்கு எந்த முக்கியத்துவமும் கிடைக்கவில்லை' என்ற கருத்தை அதிகம் பேர் ட்விட்டரில் பதிவு செய்திருக்கிறார்கள். ஹாத்ராஸ் மாவட்டத்தைச் சேர்ந்த இளம்பெண்ணுக்கு விரைவில் நீதி வழங்க வேண்டும் எனவும் நெட்டிசன்கள் கோரிக்கை விடுத்துவருகின்றனர். இதைத் தொடர்ந்து பாலிவுட் நடிகைகள் ரிச்சா, கங்கனா ரணாவத், பாயல் கோஷ் உள்ளிட்டோரும் ட்விட்டரில் இந்தச் சம்பவம் தொடர்பாகக் கருத்து தெரிவித்திருக்கிறார்கள்.பிரியங்கா காந்திபகுஜன் சமாஜ் கட்சித் தலைவர் மாயாவதியும், காங்கிரஸ் கட்சியைச் சேர்ந்த பிரியங்கா காந்தியும் இந்தச் சம்பவத்துக்குத் தங்களின் கண்டனங்களைப் பதிவு செய்திருக்கிறார்கள். இதையடுத்து இந்த வழக்கு முக்கியத்துவம் வாய்ந்ததாக மாறியுள்ளது.
http://dlvr.it/Rhb012

Read More

சீமான் மருத்துவமனையில் அனுமதி

உடல்நலக்குறைவு காரணமாக நாம் தமிழர் கட்சியின் தலைமை ஒருங்கிணைப்பாளர் சீமான் மருத்துவமனையில் அனுமதிக்கப்பட்டுள்ளார். 53 வயதாகக்கூடிய சீமான் சென்னையில்உள்ள தனியார் மருத்துவமனையில் சிகிச்சைக்காக அனுமதிக்கப்பட்டுள்ளார். வழக்கமான பரிசோதனைக்காகவே மருத்துவமனையில் அனுமதிக்கப்பட்டுள்ளதாக முதற்கட்ட தகவல் வெளியாகியுள்ளது.
http://dlvr.it/RhYWlR

Read More

கேரளா: தரக்குறைவான வீடியோ... யூடியூப் சேனல் நிர்வாகியை வீடுபுகுந்து தாக்கிய பெண்கள்!

கேரள மாநிலம் திருவனந்தபுரத்தைச் சேர்ந்த விஜய் நாயர் என்பவர் யூடியூப் சேனல் நடத்தி வருகிறார். அவர் தனது யூடியூப் இணையதளத்திலும், சமூக வலைத்தளங்களிலும் பெண்களை தரக்குறைவாகவும் ஆபாசமாகவும் வீடியோ வெளியிட்டதாக கூறப்படுகிறது. இதை அறிந்த பிரபல திரைப்பட டப்பிங் கலைஞர் பாக்கிய லக்ஷ்மி மற்றும் பெண்ணிய சமூக செயற்பாட்டாளர்கள் தியா ஸனா, ஸ்ரீலட்சுமி ஆகியோர் திருவனந்தபுரத்தில் உள்ள விஜய் நாயரின் வீட்டுக்குச் சென்று அவரை சரமாரியாக தாக்கி கரி ஆயில்(வாகங்களில் பயன்படுத்திய பழைய ஆயில்) ஊற்றி விட்டு சென்றனர். அதுமட்டுமல்லாது அவர் யூடியூப்பில் பதிவேற்றம் செய்த வீடியோக்களையும் அழிக்க வைத்துள்ளனர். பெண் சமூக செயற்பாட்டாளர்கள் அங்கு சென்று விஜய் நாயரை தாக்கும் காட்சியை அவர்களே முகநூலில் நேரலை செய்துள்ளனர். அந்த வீடியோ காட்சிகள் சமூக வலைத்தளங்களில் வைரலாக பரவி கேரளாவில் பெரும் பரபரப்பை ஏற்படுத்தியது.தாக்கிவிட்டு ஆவேசமாக பேசும் பெண்கள் பாக்ய லக்ஷ்மி குழுவினர் கூட்டாக சேர்ந்து தாக்கும்போது விஜய் நாயர், "நீங்கள் மட்டும்தான் பெண்களா. வேறு யாரும் பெண்கள் இல்லையா" என கேட்கிறார். அதற்கும் பெண்கள் ஆவேசமாக தாக்குகிறார்கள். அதைத் தொடர்ந்து மன்னிப்பு கேட்கும்படி பெண்கள் அமைப்பினர் கூறுகிறார்கள். உடனே விஜய் நாயர், "கேரளத்தில் உள்ள பெண்களை, அறிந்தோ அறியாமலோ வேதனைப்படுத்தியிருந்தால் வெளிப்படையாக மன்னிப்பு கோருகிறேன்" என்றார். அதன்பின்னரும் விடாத பெண்கள் அவரது மொபைல் போனை எடுத்துக் கொடுத்து யூ டியூப்பில் இருந்து வீடியோக்களை அகற்றும்படி கூறினர். உடனே விஜய் நாயர் தனது மொபைல் லாக்கை அகற்றுகிறார். அந்த மொபைலை பறித்த பெண்கள் அமைப்பினர் யூடியூபில் இருந்து வீடியோவை அகற்றினர். சுமார் 11 நிமிடம் ஓடுகிறது அந்த வீடியோ. டப்பிங் ஆர்ட்டிஸ்ட் எனக்கூறி யூ டியூப் தளத்தில் விஜய் நாயர் விமர்சித்ததாக கூறப்படுகிறது. அதனால்தான் அவர் மீது பெண்கள் அமைப்பினர் தாக்குதல் நடத்தியதாக கூறப்படுகிறது.யூடியூப் சேனல் நிர்வாகி விஜய் நாயர் மற்றும் டப்பிங் ஆர்ட்டிஸ்ட் பாக்ய லக்ஷ்மி இதுகுறித்து தம்பானூர் போலீஸார் வழக்குப்பதிவு செய்தனர். கொள்ளை முயற்சி, அத்துமீறி நுழைதல், கூட்டமாக சேர்ந்து தாக்குதல் உள்ளிட்ட ஜாமீன் கிடைக்காத பிரிவுகளில் வழக்குப்பதிவு செய்யப்பட்டுள்ளது. இதற்கிடையில் பாக்ய லஷ்மியும் காவல் நிலையத்தில் புகார் அளித்துள்ளார். அந்த புகாரின் அடிப்படையில் விஜய் நாயர் மீதும் ஜாமீன் கிடைக்காத பிரிவுகளில் போலீஸ் வழக்குப்பதிவு செய்யப்பட்டுள்ளது.
http://dlvr.it/RhYWkn

Read More

ரயிலில் சமையல் பெட்டியை நீக்கலாம்: வருமானத்தைப் பெருக்க ரயில்வே ஆலோசனை

மத்திய ரயில்வே அமைச்சர் பியூஸ் கோயலுக்கு அகில இந்திய ரயில்வே ஊழியர்கள் கூட்டமைப்பு எழுதியுள்ள கடிதத்தில், ரயில்களில் உள்ள சமையல் பெட்டியை பயணிகளுக்கானதாக மாற்றலாம் என ஆலோசனை தெரிவித்துள்ளது. அதன் மூலம் ரயில்வே துறைக்கு வருமானம் பெருகும் என்றும் சுட்டிக்காட்டியுள்ளது. இந்த ஆலோசனையை ஏற்றுக்கொண்ட மத்திய அமைச்சர், அதனை ரயில்வே வாரியத்தின் பரிசீலனைக்கு அனுப்பியுள்ளார். ஏஐஆர்எப் ரயில்வே ஊழியர் சங்கத்தின் செயலாளர் சிவ் கோபால், "அந்தந்த ரயில் நிலையங்களில் உள்ள சமையல் கூடங்களில் உணவு தயாரிக்கப்படுகிறது. ரயில்களில் உள்ள சமையல் பெட்டிகள் மற்றும் உணவு சேவை முலம் வருமானம் கிடைப்பதில்லை" என்கிறார். ரயில்வே ஊழியர்கள் சங்கத்தின் வருமானத்தைப் பெருக்கும் வழிமுறைகளை ஆராய்ந்துவருவதாக ரயில்வே வாரிய அதிகாரிகள் தெரிவித்துள்ளனர். மேலும், ரயில்களில் லினன் துணியிலான போர்வைகள், தலையணைகள் வழங்குவதை நிறுத்துவது தொடர்பாகவும் ஆலோசனை நடைபெறுகிறது. இந்திய ரயில்வே துறையில் செலவுகளைக் குறைப்பதற்கான பல்வேறு நடவடிக்கைகள் படிப்படியாக எடுக்கப்பட்டுவருகின்றன. அதன் தொடர்ச்சியாக சமையல் பெட்டியை நீக்கும் முடிவும் ஆலோசிக்கப்படுகிறது.
http://dlvr.it/RhWBrc

Read More

நீச்சல் கற்றுக் கொடுத்த தந்தை... நீரில் மூழ்கி பரிதாபமாக உயிரிழந்த மகன்...

ராசிபுரம் அருகே வெண்ணந்தூரில் 6-ஆம் வகுப்பு படிக்கும் சிறுவன், நீச்சல் கற்றுக்கொள்ளும்போது தந்தையின் கண்முன்னே நீரில் மூழ்கி பரிதாபமாக உயிரிழந்தார்.  நாமக்கல் மாவட்டம் ராசிபுரம் அருகேயுள்ள வெண்ணந்தூர் மதியம்பட்டியை சேர்ந்தவர் அய்யனார். கூலித்தொழிலாளியான இவருக்கு 2 மகன்கள உள்ளனர். இன்று ஞாயிற்றுக்கிழமை என்பதால் மதியம்பட்டி அருகே ஓய்வு பெற்ற கிராம நிர்வாக அலுவலர் தோட்டத்திலுள்ள கிணற்றில் தனது மகன்களான தீபன் (11) சஞ்சய் (9) ஆகியோரை அழைத்துச் சென்று நீச்சல் பயிற்சி அளித்துள்ளார்.  அய்யனார், வழக்கமாக நீச்சல் கற்றுக்கொடுக்கும்போது குடுவை அல்லது இடுப்பில் கயிற்றை கட்டி தான் கற்றுக் கொடுப்பார். இதுபோல் பலமுறை கற்றுக் கொடுத்ததால் இன்று எவ்வித முன்னேற்பாடும் இல்லாமல் இரண்டு மகன்களுக்கும் நீச்சல் கற்றுக்கொடுத்துள்ளார். அப்போது எதிர்பாராதவிதமாக திடீரென்று இளைய மகன் தீபன் நீரில் மூழ்கியுள்ளார்.  அவரை காப்பாற்ற முயன்றபோது தனது இன்னொரு மகனும் நீரில்மூழ்கிக் கொண்டிருந்ததை பார்த்த அய்யனார் என்ன செய்வதென்று தெரியாமல் இளையமகன் சஞ்சய்யை காப்பாற்றி விட்டு மற்றொரு மகனை காப்பாற்ற முயன்றுள்ளார். ஆனால் அதற்குள் மூத்த மகன் தீபன் 60 அடி ஆழ கிணற்றில் மூழ்கிவிட்டான்.  இதனையறிந்த அக்கம்பக்கத்தினர் வெண்ணந்தூர் காவல்துறையினருக்கும் தீயணைப்புத் துறையினருக்கும் தகவல் கொடுத்தனர். விரைந்துவந்த திருச்செங்கோடு தீயணைப்புத் துறையினர் சுமார் 2மணிநேரம போராடி சிறுவனை மீட்டு பிரேத பரிசோதனைகாக ராசிபுரம் அரசு மருத்துவமனைக்கு அனுப்பி வைத்தனர். இதுகுறித்து வெண்ணந்தூர் காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர்
http://dlvr.it/RhTrbF

Read More

`உணர்ச்சிவசப்படத் தேவையில்லை, உண்மையை சொல்லுங்கள்’ - NCB; விசாரணையில் கலங்கிய தீபிகா படுகோன்?

சுஷாந்த் சிங் ராஜ்புத் மரணம் தொடர்பான வழக்கு விசாரணையின் போது போதைப் பொருள் தொடர்பான விசாரணையில் கைதான ரியா உள்ளிட்டோர் கொடுத்த தகவலின் பேரில் பிரபல நடிகைகள் ரகுல் பிரீத் சிங், சாரா அலி கான், தீபிகா படுகோன், ஷிரத்தா கபூர் ஆகியோருக்கு போதைப் பொருள் தடுப்புப் பிரிவு அதிகாரிகள் (NCB) சம்மன் அனுப்பி விசாரணை நடத்தி வருகின்றனர். விசாரணையில் தீபிகா படுகோன் அழுததாக தகவல்கள் வெளியாகி உள்ளது நடிகர் சுஷாந்த் சிங் ராஜ்புத் மரணத்தில், சுஷாந்துக்குத் தெரியாமல் நடிகையும் சுஷாந்தின் தோழியுமான ரியா அவ்வப்போது போதை மருந்தைத் தண்ணீரிலும் உணவிலும் கலந்துகொடுத்ததாகக் குற்றச்சாட்டு எழுந்தது.ரியா - சுஷாந்த் இந்நிலையில், பிரபல முன்னணி நடிகை தீபிகா படுகோன் மற்றும் நடிகைகள் சாரா அலி கான், ஷ்ரத்தா கபூர் உட்பட நடிகைகள் பலர், கோவாவில் கடந்த 2017-ம் ஆண்டு நடந்த பார்ட்டியில் பங்கேற்ற போது, போதைப் பொருள் குறித்து ‘வாட்ஸ் அப்’பில் உரையாடியது தொடர்பான தகவல் வெளியாகி பெரும் சர்ச்சையை ஏற்படுத்தியது. அந்த உரையாடலில் தீபிகா தனது மேலாளரிடம் போதை வஸ்து குறித்து கேட்டிருப்பது பலரையும் அதிர்ச்சிக்குள்ளாக்கிய நிலையில், தீபிகாவின் மேலாளர் கரிஷ்மா பிரகாஷிடம் போதை மருந்து தடுப்பு பிரிவினர் விசாரணை மேற்கொண்டனர். விசாரணையின் முடிவில் நடிகை தீபிகா படுகோனிடம் விசாரணை நடத்த சம்மன் அனுப்பப்பட்டது. மேலும், நடிகைகள் சாரா அலி கான், ஷ்ரத்தா கபூர், ரகுல் ப்ரீத் சிங், பேஷன் டிசைனர் சிமோன் கம்பட்டா ஆகியோருக்கும் கடந்த 23-ம் தேதி NCB அதிகாரிகள் சம்மன் அனுப்பினர். இதில் ஏற்கனவே ரகுல் ப்ரீத் சிங் ஆஜரான நிலையில் தீபிகா படுகோன், ஷ்ரத்தா கபூர், சாரா அலி கான் உள்ளிட்டோர் நேற்று., மும்பையில் உள்ள போதைப் பொருள் தடுப்பு பிரிவு அலுவலகத்தில் ஆஜராகினர்.தீபிகா படுகோன்! விசாரணையின் போது, சாரா அலி கான் போதைப்பொருள் உட்கொள்ளவில்லை என மறுத்துள்ளார். இருப்பினும், தனது முதல் படமான கேதார்நாத் படப்பிடிப்பின் போது சுஷாந்த் சிங் ராஜ்புத் உடனான நெருக்கத்தை ஒப்புக்கொண்டார். சுஷாந்தின் பண்ணை வீடு மற்றும் விருந்துகளுக்கு சென்று இருப்பதாக சாரா அலி கான் ஒப்புக்கொண்டார் என NCB வட்டாரங்கள் தெரிவிப்பதாக இந்தியா டுடே ஊடகம் குறிப்பிட்டுள்ளது. சாரா அலி கானின் மொபைல் போனை கைப்பற்றிய அதிகாரிகள், அதை தடயவியல் விசாரணைக்கு அனுப்ப உள்ளதாக தெரிவித்தனர். 2017 - 18 ஆகிய ஆண்டுகளில் சாரா பயன்படுத்திய மொபைல்போனை கேட்ட அதிகாரிகளிடம் அவை இப்போது எங்கு இருக்கிறது என தெரியவில்லை என்று பதிலளித்தாராம் சாரா. இதையடுத்து, மும்பை கொலபாவில் உள்ள ஈவ்லின் அரசு விருந்தினர் மாளிகைக்கு காலை 9.45 மணிக்கு ஆஜராகிய தீபிகாவிடம் NCB அதிகாரிகள் 5 மணி நேரத்திற்கு மேலாக தீவிர விசாரணை மேற்கொண்டனர். அப்போது, தன் மேலாளர் கரீஷ்மா உடனான வாட்ஸ் அப் உரையாடலில் போதைப்பொருள் குறித்து பேசியது உண்மை என தீபிகா ஒப்புக்கொண்டதாக NCB தகவல்கள் தெரிவிக்கின்றன. சுஷாந்த் சிங் ராஜ்புத்தின் மரணம் அல்லது ரியா தொடர்பாக NCB அதிகாரிகள் தீபிகாவிடம் எந்த ஒரு கேள்வியும் கேட்கவில்லை. விசாரணையின் போது தீபிகா படுகோனே மூன்று முறை கண்ணீர் விட்டு அழுததாகவும்., இருப்பினும், NCB அதிகாரிகள் தீபிகாவிடம் 'உணர்ச்சிவசப்பட வேண்டாம்' உண்மையைச் சொல்லுங்கள் என்று சொன்னதாகவும் கூறப்படுகிறது. இறுதியில், போதைப் பொருட்களைப் பற்றிய உரையாடல்கள் தன்னுடையதுதான் என்று தீபிகா ஒப்புக்கொண்டதாகவும் ஆனால் பிறருக்கு மருந்துகளை வழங்கிய போன்ற குற்ரசாட்டுகளை முழுமையாக மறுத்துவிட்டதாக தகவல்கள் தெரிவிக்கிறது.தீபிகா படுகோன் மேலும் தடயங்களுக்காக தீபிகா படுகோனின் மொபைல் ஃபோனையும், அவரது மேலாளர் கரிஷ்மாவின் அலைபேசியும் NCB அதிகாரிகள் கைப்பற்றியுள்ளனர். ஜெயா சஹா, ராகுல் ப்ரீத், சிமோன் கம்பாட்டா ஆகியோரின் மொபைல் போன்களையும் NCB கைப்பற்றியுள்ளது. NCB யின் இந்த சிறப்பு விசாரணைக் குழு திங்கள்கிழமை டெல்லிக்கு சென்ற பின். விசாரணையின் முழு அறிக்கையை NCB யின் நிர்வாக இயக்குநரிடம் சமர்ப்பிக்கும் என்று தெரிவிக்கப்பட்டுள்ளது. இந்நிலையில், போதைப் பொருள் வழக்கு தொடர்பாக, தன்னைப் பற்றிய செய்திகளுக்கு தடை கோரி, ரகுல் பிரீத் சிங் மனு தாக்கல் செய்துள்ளார். இது தொடர்பாக, டெல்லி உயர் நீதிமன்றத்தில் தாக்கல் செய்துள்ள மனுவில், டிவி மற்றும் செய்தித் தாள்களில் தன்னைப் பற்றிய செய்திகளை வெளியிட இடைக்கால தடை விதிக்க வேண்டும் என கோரியுள்ளார்.
http://dlvr.it/RhTrXT

Read More

மலைக்கு மேலே மலையை குடைந்து... அசர வைக்கும் அடல் ரோஹ்டங் சாலை..!

உலகின் மிகப்பெரிய பொறியியல் துறையின் சவாலாகக் கருதப்படும் இமாச்சல் பிரதேசத்தில் உள்ள அடல் ஹோஹ்டங் நெடுஞ்சாலை சுரங்கப்பாதை பத்து ஆண்டு கடும் உழைப்பின் சின்னமாக உருவாகியுள்ளது. பிரதமர் நரேந்திர மோடி அக்டோபர் 3ம் தேதியன்று அந்த சாலையைத் திறந்துவைக்கிறார். லே - மணாலி நெடுஞ்சாலை என்பது லடாக் செல்லும் இரு வழிகளில் ஒன்றாக இருக்கிறது. ரோஹ்டங் சாலைக்கு முன்னாள் பிரதமர் அடல் பிஹாரி வாஜ்பாயின் பெயர் சூட்டப்பட்டு அடல் ரோஹ்டங் சாலை என அழைக்கப்படுகிறது. 9.02 கிலோ மீட்டர் தூரமுள்ள இந்தப்பாதை இந்தியாவின் மிக நீளமான சுரங்கச் சாலையாகக் கருதப்படுகிறது. இந்த புதிய சாலையின் மூலம் மணாலிக்கும் லே பகுதிக்குமான 46 கிலோ மீட்டர் பயண தூரம் குறைகிறது. பத்து ஆண்டுகளாக நடைபெற்ற சாலைப் பணிகள் நிறைவடைந்து திறப்பதற்குத் தயார்நிலையில் உள்ளன. கடல்மட்டத்தில் இருந்து 3 ஆயிரம் மீட்டர் உயரமுள்ள இந்த இரட்டைவழி சுரங்கப்பாதை மோட்டார் வாகனங்கள் செல்லக்கூடிய உலகின் நீளமான சாலை என்ற பெருமையைப் பெற்றுள்ளது. முன்னாள் பிரதமர் வாஜ்பாயின் கனவுத்திட்டம். எல்லைச் சாலைகள் அமைப்பின் பத்து ஆண்டு உழைப்பும் 4 ஆயிரம் கோடி ரூபாய் முதலீடும் சாலையை உருவாக்கியுள்ளது. இந்த சாலையில் 80 கிலோ மீட்டர் வேகத்தில் வாகனங்கள் செல்லாம். ஒரு நாளில் 3 ஆயிரம் கார்களும் 1,500 சரக்கு வாகனங்களும் செல்லும் என எதிர்பார்க்கப்படுகிறது. ஆஸ்திரியா நாட்டின் தொழில்நுட்பத்தின் அடிப்படையில் ரோஹ்டங் சுரங்கப் பாதை அமைக்கப்பட்டுள்ளது. ரோஹ்டங் சுரங்கப் பாதைக்கு ஜூன் 28, 2010ம் ஆண்டு சோனியா காந்தி அடிக்கல் நாட்டினார். அக்டோபர் 3 ம் தேதியன்று பிரதமர் மோடியால் திறக்கப்படவுள்ள சாலையில் இறுதிக்கட்டப் பணிகள் விறுவிறுப்பாக நடந்துவருகின்றன. வெள்ளத்தால் பாதிக்கப்பட்டோருக்கு உணவு பொட்டலத்துடன் ரூ.100 கொடுத்த கேரள பெண்.!
http://dlvr.it/RhRmGZ

Read More

அண்ணன் கொலை... நண்பர்களுடன் சேர்ந்து சினிமா பாணியில் பழி தீர்த்த தம்பி

அண்ணன் கொலைக்கு பழித்தீர்க்க தம்பி, கொலை வழக்கில் காவல் துறையினர் 7பேரை கைது செய்தனர்.   ராணிப்பேட்டை மாவட்டம் அரக்கோணம் புதிய பேருந்து நிலையம் அருகே கடந்த முன்று தினங்களுக்கு முன்பு கோகுல் (27) என்ற இளைஞர் வெட்டிக்கொலை செய்யப்பட்ட வழக்கில் கொலை குற்றவாளிகளை 2 நாட்களில் போலீசார் கைது செய்தனர். கோகுல் வெட்டிக்கொலை செய்யப்பட்ட வழக்கை அரக்கோணம் நகர காவல் ஆய்வாளர் கோகுல்ராஜன் வழக்கு பதிவு செய்து விசாரனை மேற்கொண்டார். இந்நிலையில், அரக்கோணம் - காஞ்சிபுரம் சாலையில் விண்டர்பேட்டை மேம்பாலம் அருகே இருசக்கர வாகனங்களில் சுற்றித்திரிந்த 7 பேரை சந்தேகத்தின்பேரில் பிடித்து விசாரித்தனர். விசாரணையில் அரக்கோணம் நன்னுமியான் சாயபு தெருவைச் சேர்ந்த யஸ்வந்த் (23) தலைமையில் சுரேஷ்குமார் (27), சத்தியா (23), வெங்கடேசன் (19), கார்த்திக் (36), ராஜா (48) மற்றும் சுவால்பேட்டையைச் சேர்ந்த யஸ்வந்த் (18) ஆகியோர் இணைந்து கோகுலை கொலை செய்தது தெரியவந்தது. மேலும், விசாரணையில் நன்னுமியான் சாயபு தெருவைச் சேர்ந்த யஸ்வந்தின் அண்ணன் பிரவீன் என்பவரை கடந்த 15.12.2019 அன்று சசிக்குமார் தலைமையிலான கும்பல் வெட்டிக்கொலை செய்தது. இவர்கள் குண்டர் சட்டத்தில் கைது செய்து சிறையில் உள்ளனர்.  இந்த கொலையில், தொடர்புடையவர்களுக்கும் இறந்த கோகுலுக்கும் இடையே நெருங்கிய பழக்கம் உள்ளதால், பழிக்கு பழி வாங்கவே யஸ்வந்த் உள்ளிட்ட 7 பேர் சேர்ந்து கோகுலை வெட்டிக்கொலை செய்ததாக விசாரணையில் தெரிவித்ததாக காவல்துறையினர் தெரிவித்தனர். இவர்களிடமிருந்து இரண்டு கத்திகள், மற்றும் மூன்று இருசக்கர வாகனங்களை பறிமுதல் செய்து விசாரணை நடத்தி வருகின்றனர். மேலும் இந்த கொலையில் தொடர்புடைய 2 பேரை காவல்துறையினர் தேடி வருகின்றனர்.
http://dlvr.it/RhR7NL

Read More

“பாக்கி 8 லட்சம் ரூபாயை கட்டிவிட்டு சடலத்தை எடுங்கள்” தனியார் மருத்துவமனை அடாவடி

மகாராஷ்ட்டிரா மாநிலம் தானேவில் தனியார் மருத்துவமனையொன்று கொரோனா பாதிக்கப்பட்டு உயிரிழந்த பெண்ணின் உடலை முழு மருத்துவக் கட்டணத்தை செலுத்தாததால் தர மறுத்துள்ள சம்பவம் நிகழ்ந்துள்ளது. கொரோனா தொற்றால் பாதிக்கப்பட்ட பெண் ஒருவர் ஆகஸ்ட் 17 ஆம் தேதி தானேவில் இருக்கும் தனியார் மருத்துவமனையில் அனுமதிக்கப்பட்டார். ஏறக்குறைய 39 நாள்கள் மருத்துவமனையில் சிகிச்சைப் பெற்று வந்த அந்தப் பெண் வியாழக்கிழமை இரவு உயிரிழந்தார். இத்தனை நாட்களுக்கு மொத்தமாக ரூ.24 லட்சத்தை கட்டணமாக தரும்படி பாதிக்கப்பட்ட பெண்ணின் கணவருக்கு தெரிவித்துள்ளது மருத்துவமனை நிர்வாகம். பெண் அனுமதிக்கப்பட்ட அந்த மருத்துவமனை கொரோனா பாதிக்கப்பட்டவர்களுக்கானது அல்ல. ஆனாலும் அந்தப் பெண் மிகவும் மோசமான நிலையில் இருந்தபோது மருத்துவமனை நிர்வாகம் அவரை சிகிச்சைக்கு அனுமதித்துள்ளது. மொத்த கட்டணமான ரூ.24 லட்சத்தில் அந்தப் பெண்ணின் குடும்பத்தினர் ரூ.16 லட்சத்தை ஏற்கெனவே கட்டிவிட்டனர். ஆனால் அந்தப் பெண் உயிரிழந்தவுடன் மீதமுள்ள ரூ.8 லட்சத்தை கொடுத்தால்தான் சடலத்தை தருவோம் என மருத்துவமனை நிர்வாகம் கூறியதாக உயிரிழந்த பெண்ணின் கணவர் குற்றஞ்சாட்டியுள்ளார். இந்த விவகாரம் சமூக வலைத்தளங்களிலும் பரவலாக பேசப்பட்டது. இதனையடுத்து இது குறித்து விளக்கமளித்துள்ள மருத்துவமனை நிர்வாகம் இந்தக் குற்றச்சாட்டுக்கு மறுப்பு தெரிவித்துள்ளது. அதில் "உயிரிழந்த பெண்ணின் கணவர்தான் சடலத்தை ஓர் இரவு வைத்துக்கொள்ளுமாறும், காலையில் சடலத்தை கொண்டு செல்கிறோம் என கூறினார். நாங்கள் முறைப்படி தானே நகராட்சிக்கு தகவல் தெரிவித்தோம். மேலும், அந்தப் பெண்ணுக்கு சிகிச்சையளித்த காலக் கட்டத்தில் கூடுதல் வெண்ட்டிலேட்டர்களை கேட்டோம், அதைக் கூட தானே நகராட்சி நிர்வாகம் கொடுக்கவில்லை" என தெரிவித்துள்ளது.  
http://dlvr.it/RhR7N4

Read More

ஆமை பேட்டிங்கால் தோற்ற சென்னை : மேட்ச் ரிவ்யூ

ஐபிஎல் தொடரின் 7வது லீக் போட்டி சென்னை சூப்பர் கிங்ஸ் மற்றும் டெல்லி கேபிடல்ஸ் அணிகள் இடையே நடைபெற்றது. டாஸ் வென்ற தோனி இந்த முறையும் பவுலிங்கையே தேர்வு செய்தார். ஆனால், தோனி எதிர்பார்த்தபடி ஆட்டத்தின் போக்கை கொண்டுபோகக்கூடாது என்பதில் டெல்லி அணியினர் கவனத்துடன் இருந்தனர். அதற்கு ஏற்ப தொடக்க ஆட்டக்காரர்களான தவான் மாற்றும் பிருத்வி ஷா ஆகியோர் சிறப்பான ஆட்டத்தை வெளிப்படுத்தினர். சீரான வேகத்தில் ரன்களை குவித்த பிருத்வி ஷா அரை சதம் கடந்தார். மறுபுறம் ரன்களை சேர்த்த தவான் 35 ரன்கள் எடுத்த நிலையில், பியூஸ் சாவ்லா வீசிய சுழலில் எல்பிடபிள்யு அவுட் ஆனார். அவரைத்தொடர்ந்து மீண்டும் பியூஸ் சாவ்லா பந்தில் பிருத்வி ஷா ஸ்டம்பிங் ஆனார். பிரித்வி ஷா மீது பட்டு விலகி சென்ற பந்தை சட்டென எடுத்த தோனி உடனே அதை விக்கெட்டாக மாற்றியிருந்தார். இதன்பின்னர் சென்னை சூப்பர் கிங்ஸ் அணி விக்கெட்டுகளை வீழ்த்தி டெல்லியை கட்டுப்படுத்தும் என நினைத்தபோது ஸ்ரேயாஸ் ஐயர் மற்றும் ரிஷாப் பண்ட் ஜோடி சேர்ந்து சென்னையின் வியூகத்தை உடைத்தனர். 22 பந்துகளை சந்தித்த ஸ்ரேயாஸ் ஐயர் தனது பங்கிற்கு 26 ரன்களை அடித்தார். அதிரடியாக ஆட முயன்ற ரிஷப் பண்ட் 25 பந்துகளில் 37 ரன்களை விளாசி இறுதிவரை களத்தில் இருந்தார். கடைசி நேரத்தில் களமிறங்கிய ஸ்டொயினிஸ் ஒரு பவுண்டரி உட்பட 3 பந்துகளில் 5 ரன்கள் எடுத்தார். ஏதோ ஒரு வீரரை நம்பி இல்லாமல் அனைத்து வீரர்களும் ரன்களை குவித்தது டெல்லி அணிக்கு பலமாக அமைந்தது. இந்த முறையும் சென்னை அணியின் பவுலர்கள் சொல்லிக்கொள்ளும் அளவிற்கு பந்துவீசவில்லை. 4 ஓவர்களை வீசிய தீபக் சாஹர் விக்கெட் எதுவுமின்றி 38 ரன்களையும், 4 ஓவர்கள் வீசி 28 ரன்களை மட்டுமே கொடுத்திருந்தாலும் விக்கெட் எதையும் எடுக்காமல் ஹஸ்ல்வுட்டும் சொதப்பியிருந்தனர். இந்த முறை 2 விக்கெட்டுகளை வீழ்த்திய சாவ்லா சற்று பரவாயில்லை என்று கூறலாம். ஆல்ரவுண்டர் சாம் குரான் ஒருபுறம் விக்கெட்டை வீழ்த்தியதுடன், 4 ஓவர்களுக்கு 27 ரன்கள் மட்டுமே கொடுத்து தனது பங்கை சிறப்பாக செய்திருந்தார். ஆனால் மறுபுறம் மற்றொரு ஆல்ரவுண்டரான ஜடேஜா விக்கெட் எதுவும் எடுக்கமால் 44 ரன்களை வாரிக்கொடுத்து கோட்டை விட்டார். இதனால் டெல்லி அணி 20 ஓவர்கள் முடிவில் 175 ரன்களை குவிக்க முடிந்தது. கடைசி நேரத்தில் தோனி பாய்ந்து பிடித்த கேட்ச் அவரது ரசிகர்களுக்கு உற்சாகத்தை ஏற்படுத்தும் வகையில் அமைந்தது. 176 என்ற சவாலான இலக்கை எதிர்த்து களமிறங்கிய சென்னை அணியில் தொடக்க ஆட்டக்காரர்களான முரளி விஜய் மற்றும் வாட்ஸன் வழக்கம்போல சொதப்பினர். 15 பந்துகளை சந்தித்த முரளி விஜய் 10 ரன்கள் மட்டுமே எடுத்து அவுட் ஆனார். இன்னும் முரளி விஜயை ஏன் அணியில் வைத்துள்ளீர்கள் என்ற கேள்விக்கு ஏற்றவாறு அவரது ஆட்டம் இருந்தது. ஒவ்வொரு போட்டியிலும் எதிர்பார்ப்பை ஏற்படுத்தும் வாட்சன் இந்தப் போட்டியிலும் எதிர்பார்ப்பை ஏற்படுத்திவிட்டு வழக்கம்போல சொதப்பினார். 16 பந்துகளை சந்தித்த அவர் 14 ரன்களை மட்டுமே எடுத்தார். இதையடுத்து களமிறங்கிய டு பிளசிஸ் எப்போதும்போல தனது பாணியில் ஆட்டத்தை வெளிப்படுத்தினார். விக்கெட்டை இழக்காமல், அதேசமயம் ரன்களையும் அவர் சேர்த்தார். இதற்கிடையே வந்த ருதுராஜ் கெய்க்வாக் 10 பந்துகளில் 5 ரன்களை மட்டுமே எடுத்துவிட்டு ரன் அவுட் ஆனார். அதன்பின்னர் டுபிளசிஸுடன் ஜோடி சேர்ந்த கேதர் ஜாதவ், வேக வேகமாக பந்துகளை அடித்தார். ஆனால் ரன்கள் மட்டும் பெரிதாக ஏறவில்லை. 21 பந்துகளில் 26 ரன்களை மட்டுமே அவரால் எடுக்கமுடிந்தது. அதன்பின்னர் அடிக்க வேண்டும் என்ற முனைப்புடன் களத்தில் இறங்கிய தோனி சிக்ஸருக்காக பேட்டை சுழற்றினார். ஆனால் பந்துகள் சரியாக மாட்டவில்லை. ஏனென்றால் டெல்லி அணியின் பவுலர்கள் கதகச்சிதமாக பந்துகளை வீசினர். இதையடுத்து ரபாடாவின் வேகத்தில் டுபிளசிஸ் வீழ்ந்தார். சென்னையின் வெற்றியும் கை நழுவியது. அதன்பின்னர் வந்த ஜடேஜா தோனியுடன் சேர்ந்து தனக்கு தெரிந்த பேட்டிங்கை வெளிப்படுத்தினார். தோல்வி உறுதியானதை உணர்ந்த தோனி கடைசி ஓவரில் பேட்டை சுற்றிவிட்டு விக்கெட்டை பறிகொடுத்தார். அதே ஓவரின் கடைசி பந்தில் ஜடேஜாவும் நடையைக் கட்டினார். இதனால் 20 ஓவர்கள் முடிவில் 131 ரன்களை மட்டுமே சென்னை சூப்பர் கிங்ஸ் அணி எடுக்க முடிந்தது. சிறப்பாக ஆடிய டெல்லி அணி 44 ரன்கள் வித்தியாசத்தில் வெற்றி வாகை சூடினர். டெல்லி அணியில் ரபாடா, அன்ரிச் நோர்ட்ஜ், அக்சர் படேல் ஆகியோர் விக்கெட்டுகளை எடுத்ததுடன், சிறப்பான பந்துவீச்சை வெளிப்படுத்தி ரன்களையும் கட்டுப்படுத்தினர். சில மிஸ் ஃபீல்டிங், ஹெட்மயர் தவறவிட்ட கேட்ச்கள் என ஒருசில குறைகள் மட்டுமே டெல்லி அணியில் தென்பட்டன. இருப்பினும் எளிமையான வெற்றியை அவர்கள் பதிவு செய்து சென்னை சூப்பர் கிங்ஸ் அணியை ஊதித்தள்ளினர். அனுபவம் நிறைந்த சென்னை அணி ஆமை போன்ற ஆட்டத்தால் வெற்றியை தவறவிட்டது. பந்துகளை அறுத்து விளையாடிய முரளி விஜய், வாட்ஸன், கெய்க்வாக் மற்றும் கேதர் ஜாதவின் பேட்டிங் சென்னைக்கு பெரும் பின்னடைவாக அமைந்தது. இதனால் சென்னை சூப்பர் கிங்ஸ் அணி தங்கள் 2வது தோல்வியை வெற்றிகரமாக பதிவு செய்தது. #IPL2020 #CSKvDC: #CSKvsDC 7th Match Full Highlights (2/2) pic.twitter.com/sNtjbmomiQ — IPL 2020 HIGHLIGHT (@ipl2020highlite) September 25, 2020
http://dlvr.it/RhNgH4

Read More

இன்னும் நம்பிக்கை இருக்கிறது - எஸ்பிபி குறித்து பேசிய பாரதிராஜா

சில சூழ்நிலைகளில் வார்த்தைகள் வராது என இயக்குநர் பாரதிராஜா தெரிவித்துள்ளார் கொரோனாவால் பாதிக்கப்பட்டு கடந்த ஆகஸ்ட் 5 ஆம் தேதி சென்னையில் உள்ள தனியார் மருத்துவமனையில் பாடகர் எஸ்.பி.பாலசுப்ரமணியம் அனுமதிக்கப்பட்டார். செப்டம்பர் 7 ஆம் தேதி நுரையீரலில் ஏற்பட்ட பிரச்னை வேகமாக குணமடைந்து வருவதாக அவரது மகன் எஸ்.பி.பி. சரண் கூறினார். செப்டம்பர் 8 ஆம் தேதி மருத்துவமனை நிர்வாகம் வெளியிட்ட அறிக்கையில் எஸ்.பி.பாலசுப்ரமணியத்தின் உடல்நிலை திருப்திகரமாக இருப்பதாக தெரிவித்தது.இதைத் தொடர்ந்து ‌எஸ்.பி.பி. கொரோனாவில் இருந்து மீண்டு விட்டதாகவும், அந்த நல்ல செய்திக்காகவே தாம் காத்திருந்ததாகவும் எஸ்.பி.பி. சரண் தெரிவித்திருந்தார். இந்தச் சூழலில் எஸ்.பி.பியின் உடல்நிலை தற்போது மீண்டும் மிகவும் கவலைக்கிடமாக இருப்பதாக மருத்துவமனை நிர்வாகம் நேற்று அறிவித்தது. இந்நிலையில் இன்று காலை முதல் திரையுலகினர் பலரும் மருத்துவமனைக்கு வருகைதந்த வண்ணம் உள்ளனர். மருத்துவமனைக்கு வந்த இயக்குநர் பாரதிராஜா தழுதழுத்த குரலில் எஸ்பிபி குறித்து பேசினார். அதில், சில சூழ்நிலைகளில் வார்த்தைகள் வராது. துக்கம், வருத்தத்தில் இருக்கும்போதோ, சில சூழ்நிலைகளிலோ எனக்கு வார்த்தைகள் வராது; இன்னும் நம்பிக்கை இருக்கிறது. இயற்கைக்கு முன் நாமெல்லாம் ஒன்றுமே இல்லை. நமக்கு மேலே ஒரு சக்தி இருக்கிறது. அதன் முடிவு தான் நம் முடிவு என தெரிவித்துள்ளார்  
http://dlvr.it/RhLghV

Read More

“மண்கொத்தியே வருக வருக”- பறவைகளை வரவேற்று சுவரொட்டி.!

வெளிநாட்டு பறவைகளை வரவேற்கும் விதமாக சேலம் மாவட்ட இளம் பறவை ஆர்வலர்கள் சுவரொட்டிகளை ஒட்டியுள்ளனர் அக்டோபர் மாதம் முதல் மார்ச் மாதம் வரை பறவைகள் வலசை காலமாகும். இந்த காலங்களில் வெளிநாட்டு பறவையினங்கள் இரைதேடி இந்தியாவிற்கு வருவதாக கூறுகின்றனர் பறவை ஆர்வலர்கள். இந்தப்பறவைகளை வரவேற்கும் விதமாக சேலம் மாவட்ட இளம் பறவை ஆர்வலர்கள் சுவரொட்டிகளை ஒட்டியுள்ளனர் மண்கொத்தி, சாம்பல் வாலாட்டி உள்ளிட்ட பறவைகள் ஐரோப்பா மற்றும் மத்திய ஆசிய பகுதிகளிலிருந்து வலசை வருகின்றன. அவ்வாறு வரும் பறவை இனங்களை பொதுமக்கள் இடையூறு செய்யாமல் பாதுகாத்திட்ட வேண்டும் என்பதே இந்த நடவடிக்கையின் நோக்கம் என பறவை ஆர்வலர்கள் தெரிவித்துள்ளனர் இரைதேடி வரும் பறவை இனங்கள் இங்கு இனப்பெருக்கம் செய்யாமல், விவசாயத்திற்கு தீங்கு விளைக்கும் பூச்சி, புழுக்களை சாப்பிட்டு பின்னர் பிப்ரவரி, மார்ச் மாதங்களில் தங்களின் இருப்பிடங்களுக்குச் செல்கின்றன. வீடியோ கான்பரன்ஸ் விசாரணைதானே? அசால்ட்டாக புகைப்பிடித்த வழக்கறிஞருக்கு அபராதம்
http://dlvr.it/RhLggx

Read More

பாடும் நிலா பாலு காலமானார்

சென்னை : கொரோனாவால் பாதிக்கப்பட்டு கிட்டத்தட்ட இரண்டு மாதங்களாக அந்த நோயுடன் போராடி, நன்கு உடல்நிலை தேறி வந்த பிரபல பின்னணி பாடகர் எஸ்.பி.பாலசுப்ரமணியம்(75), சிகிச்சை பலன் இன்றி இன்று(செப்.,25) நண்பகல் 1.04 மணிக்கு காலமானார். இந்த தகவல் அவரது மகன் சரண் உறுதிப்படுத்தினர். 

 தமிழ் தெலுங்கு கன்னடம் ஹிந்தி என்று ஏறத்தாழ 16 இந்திய மொழிகளில் 40,000க்கும் மேற்பட்ட பாடல்களை பாடி 'சிகரம்' தொட்டவர் ஸ்ரீபதி பண்டிதரத்யுல பாலசுப்ரமணியம் எனும் எஸ்.பி.பி. சினிமாவில் 'பாலு' என்று செல்லமாக அழைக்கப்படும் இவர், கொரோனா தொற்றுக்கு ஆளாகி, கடந்த ஆக., 5 முதல், சென்னை எம்.ஜி.எம்., ஹெல்த் கேர் மருத்துவமனையில் சிகிச்சை பெற்று வந்தார். எக்மோ உள்ளிட்ட உயிர்காக்கும் கருவிகளுடன், லண்டன் டாக்டர்கள் குழுவின் ஆலோசனையுடன் அவருக்கு சிகிச்சை நடந்து வந்தது. தொடர்ந்து அவரது உடல் மெல்ல மெல்ல முன்னேற்றம் அடைந்தது.

கொரோனா நெகட்டிவ் என வந்தபோதும், நுரையீரல் தொற்று முழுவதையும் குணப்படுத்தும் சிகிச்சைகள் தீவிரப்படுத்தப்பட்டன. உணவு எடுத்துக் கொள்ளும் அளவுக்கு அவரது உடல்நிலை தேறி வந்த நிலையில் நேற்று முன்தினம்(செப்.,23) இரவு முதல் அவரது உடல்நிலை திடீரென மிகவும் மோசமானது. ஆபத்தான நிலையில் இருப்பதாக மருத்துவமனை அறிக்கை வெளியிட்டு, தொடர்ந்து தீவிர கண்காணிப்பில் இருந்த நிலையில் அவரது உயிர் இன்று பிரிந்தது.

பத்மஸ்ரீ, பத்மபூஷண், 6 முறை தேசிய விருது, பல்வேறு மாநில விருதுகள் என சிகரம் தொட்டவர் எஸ்.பி.பி.,. ராகங்கள் பதினாறு, அதில் எஸ்.பி.பி., எனும் மூன்றெழுத்து குரல் இல்லாமல் இருக்காது. அந்தளவுக்கு தேன் கலந்த தனது குரலால் ரசிகர்களை மயக்கி தாலாட்டி வைத்தவர், இப்போது நிரந்தரமாக தூங்க சென்றுவிட்டார். இந்த பாடும் நிலா மறைந்தாலும் அவர் பாடிய பாடல்கள் என்றும் மங்காமல் ஒலித்து கொண்டே இருக்கும்.

எஸ்.பி.பி.யின் மறைவுக்கு திரையுலகினர், அரசியல் கலைஞர்கள், ரசிகர்கள் உள்ளிட்ட பலரும் இரங்கல் தெரிவித்து வருகின்றனர்.

எஸ்பிபி பெயர் நிலைத்திருக்கும்

மருத்துவமனையில் நிருபர்களை சந்தித்த எஸ்.பி.பி., மகன் எஸ்.பி.சரண் கூறியதாவது: சரியாக 1:04 மணிக்கு உயிர்பிரிந்தது. எனது தந்தைக்காக பிரார்த்தனை செய்த அனைவருக்கும் நன்றி, எஸ்பிபியின் பாடல்கள் இருக்கும் வரை அவரது பெயர் நிலைத்திருக்கும் எனக்கூறினார்.

Read More

`காஷ்மீருக்குள் சீனா வந்தால் கூட, பரவாயில்லை!’ - பரூக் அப்துல்லா கருத்தால் சர்ச்சை

ஜம்மு காஷ்மீருக்கு வழங்கப்பட்டு வந்த சிறப்பு அந்தஸ்து ரத்து செய்யப்பட்டு ஓராண்டு கடந்து விட்டது. மத்திய அரசின் இந்த முடிவு காரணமாக அசம்பாவித சம்பவங்கள் நடக்கலாம் என்பதால், ஜம்மு காஷ்மீர் முழுவதும் பல்வேறு கட்டுப்பாடுகள் விதிக்கப்பட்டது. பல்வேறு கட்சி தலைவர்கள் சிறைவைக்கப்பட்டனர். தற்போது கட்டுப்பாடுகளில் தளர்வுகளும் வழங்கப்பட்டு வருகிறது. ஜம்மு காஷ்மீர் இந்நிலையில் தனியார் ஊடகத்துக்கு பேட்டி அளித்த முன்னாள் முதல்வர் பரூக் அப்துல்லாவின் கருத்து சர்ச்சையை ஏற்படுத்தி இருக்கிறது. அவர், ``மத்திய அரசு, காஷ்மீரில் வசிக்கும் மக்களிடம் போய் கேட்கட்டும். அவர்கள் தங்களை இந்தியர்களாக கருதவில்லை. இந்திய அரசின் மீது கடும் விரக்தியில் இருக்கிறார்கள் காஷ்மீர் மக்கள். ஆனால், ஒன்றை தெளிவுப்படுத்த விரும்புகிறேன். காஷ்மீர் மக்கள் தங்களை பாகிஸ்தானியர்கள் என்றும் நினைக்கவில்லை” என்றார். தொடர்ந்து பேசியவர், ``இந்தியா பாகிஸ்தான் பிரிவினையின் போது, காஷ்மீர் மக்கள் பாகிஸ்தானை தேர்வு செய்ய வில்லை. மாறாக காந்தி வழியில் இணைய விரும்பினார்கள். அதனால் தான் இந்தியாவுடன் இணைந்தனர். அவர்கள் காந்தியின் இந்தியாவை தான் தேர்ந்தெடுத்தனர். மோடியின் இந்தியாவை அல்ல. தற்போதைய சூழலில், சீனா காஷ்மீருக்குள் வந்தால் கூட, பராவாயில்லை என்ற மனநிலை மக்களுக்கு ஏற்பட்டிருக்கிறது. சீனாவில் இஸ்லாமியர்களுக்கு என்ன நடக்கிறது என இங்குள்ள மக்கள் அறிவர். ஆனாலும் தற்போது இருக்கும் சூழலுக்கு சீனா கூட காஷ்மீருக்குள் வந்தால் பராவாயில்லை என்ற மனநிலையில் தான் காஷ்மீர் மக்கள் உள்ளனர்” என்றார்.ஃபருக் அப்துல்லா பரூக் அப்துல்லாவின் இந்த கருத்து சர்ச்சையை ஏற்படுத்தி இருக்கிறது. ஏற்கனவே இந்தியாவுக்கும் சீனாவுக்கும் கடும் மோதல் போக்கு நிலவி வருகிறது. எல்லையில் தொடர்ந்து பதற்றம் நீடித்து வருகிறது. இதனிடையே பரூக் அப்துல்லாவின் காஷ்மீர் மக்கள் குறித்த கருத்து கடும் விமர்சனத்துக்குள்ளாகி இருக்கிறது. `யாருக்கு இந்த நாட்டின் உணர்வு இல்லையோ, அவர்கள் இந்த நாட்டை விட்டு வெளியேறலாம். மற்ற மக்களையும் சேர்ந்த்து பேச வேண்டாம்’ , `பரூக் எப்போது சீனா குடியுரிமை பெற்றார்’ உள்ளிட்ட பல கமெண்ட்களை பதிவிட்டு வருகிறார்கள் நெட்டிசன்கள்!
http://dlvr.it/RhK1KP

Read More

10,11,12 ஆம் வகுப்பு மாணவர்கள் பள்ளிக்கு வரலாம் : தமிழக அரசு

அக்.1ஆம் தேதி முதல் 10, 11,12 ஆம் வகுப்பு மாணவர்கள் சந்தேகங்களை தீர்த்துக்கொள்ள பள்ளிக்கு வரலாம் என தமிழக அரசு அனுமதி வழங்கியுள்ளது. இதுகுறித்து அரசு வெளியிட்டுள்ள அறிவிப்பில், “ஒவ்வொரு ஆசிரியர் குழுவும் இரண்டு நாட்களுக்கு ஒருமுறை பள்ளிகளுக்கு வரும். அரசு, அரசு உதவிபெறும் பள்ளிகள், தனியார் பள்ளி மாணவர்கள் விருப்பத்தின் பேரில் பள்ளிக்கு வரலாம். கொரோனா கட்டுப்பாட்டுப் பகுதிகளுக்கு வெளியே உள்ள பள்ளிகளுக்கு மட்டுமே அவர்கள் செல்லலாம். பள்ளிகளுக்கு சென்று மாணவர்கள் சந்தேகங்களை கேட்டு தீர்த்துக்கொள்ளலாம்” எனத் தெரிவிக்கப்பட்டுள்ளது. முன்னதாக ஆன்லைனில் எடுக்கும் பாடங்கள் புரியவில்லை எனக்கூறி மாணவ மாணவிகள் பல்வேறு இடங்களில் தற்கொலை செய்து கொள்வதாக பெற்றோர் மத்தியில் புகார் எழுந்தது குறிப்பிடத்தக்கது. 
http://dlvr.it/RhGtJ3

Read More

சில நாட்களுக்கு என்னைப் பின்தொடருங்கள்: பஞ்சகர்மா சிகிச்சை பற்றி அமலா பால்

சமூக வலைதளங்களில் பாசிட்டிவ் பதிவுகளின் மூலம் ரசிகர்களிடையே பிரபலமாக இருக்கிறார் நடிகை அமலாபால். பிட்னஸ், யோகா என ஏதாவது ஒரு விஷயத்தைப் பற்றி பதிவிடுவதில் அவருக்கு ஆர்வம் குறைவதில்லை. இப்போது உடலுக்குப் புத்துணர்வூட்டும் பஞ்சகர்மா ஆயுர்வேத சிகிச்சை பற்றி சிலாகித்துள்ளார் அமலாபால். "என் இனிய ரசிகர்களே, ஏற்கெனவே உங்களுக்குத் தெரியும். என் புரொபைல் என்பது என் வாழ்க்கையின் பிரதிபலிப்பு. மனரீதியாகவும் உடல்ரீதியாகவும் என்னுடைய சிறந்த மாற்றத்தை நோக்கிய எல்லையற்ற பயணம். நான் பஞ்சகர்மா சிகிச்சைக்குப் பதிவு செய்திருக்கிறேன்" என்று அந்தப் பதிவில் குறிப்பிட்டுள்ளார். "நம்முடைய முன்னோர்களின் பொக்கிசங்களை நாம் அறிவதில்லை. வாழ்க்கையில் மேற்கத்திய பாதிப்பு அதிகமாக இருக்கிறது. அவர்கள் தங்கச்சுரங்கம் போன்ற தகவல்களை நமக்காக விட்டுப்போயிருக்கிறார்கள். முழுமையான மாற்றத்தைத் தரும் இதுவொரு புத்துணர்வு சிகிச்சை. நீங்கள் சில நாட்களுக்கு என்னைப் பின்தொடருங்கள். 180 டிகிரி மாற்றத்திற்கான என் அனுபவத்திற்கு உங்களை அழைத்துச் செல்கிறேன்" என்றும் அமலாபால் ரசிகர்களை உற்சாகப்படுத்தியுள்ளார். கொரோனா சந்தேகங்கள்: முக்கிய கேள்விகளும் அதற்கான பதில்களும்!  
http://dlvr.it/RhGt9b

Read More

`ஆதாரங்களை அழிப்பதைத்தான் முதல்வர் செய்துகொண்டிருக்கிறாரா?'- கொதித்த பினராயி விஜயன்

காதிருவனந்தபுரம் யு.ஏ.இ தூதரக பார்சல் மூலம் தங்கம் கடத்திய வழக்கில் சிக்கிய ஸ்வப்னா சுரேஷ் கைது செய்யப்பட்டுள்ளார். அந்த வழக்கை சுங்கத் துறை, அமலாக்கத் துறை, என்.ஐ.ஏ உள்ளிட்ட மத்திய அரசு ஏஜென்சிகள் விசாரணை நடத்தி வருகின்றன. விசாரணையின்போது ஸ்வப்னாவின் வங்கி லாக்கரில் இருந்து சுமார் ஒன்றரை கோடி ரூபாய் பணமும், சுமார் ஒரு கிலோ தங்கமும் எடுக்கப்பட்டது. அந்த பணம் குறித்து கேட்டதற்கு, `கேரள அரசு ஏழைகளுக்கு வீடு கட்டிக்கொடுக்கும் லைஃப் திட்டத்தில் ஒப்பந்தம் எடுத்த நிறுவனத்தில் இருந்து கிடைத்த கமிஷன் தொகை' எனக் கூறியுள்ளார். இதனால் கேரள அரசின் லைஃப் திட்டத்தில் முறைகேடு நடந்ததாக புகார் எழுந்தது. மேலும், ஸ்வப்னா சுரேசுக்கு கேரள உயர்கல்வித் துறை அமைச்சர் ஜலீலுக்கு தொடர்பு இருப்பதாக எழுந்த புகாரை அடுத்து ஜலீலிடம் விசாரணை நடத்தப்பட்டது. அவர் அரசு வாகனத்தில் குரான் எடுத்துச் சென்றதாகவும், தூதரக பார்சல் வழியாக பேரீச்சைப்பழம் கொண்டுவந்து சிறப்பு பள்ளி குழந்தைகளுக்கு விநியோகித்தது என பல சிக்கலில் சிக்கியுள்ளார். அதேபோல், முதல்வர் பினராயி விஜயனின் முதன்மைச் செயலாளராக இருந்த சிவசங்கரனும், இந்த வழக்கில் சிக்கியதால் கேரள தலைமைச் செயலகத்தில் இருந்து சில ஆவணங்களை விசாரணைக்காக என்.ஐ.ஏ கேட்டிருந்தது. இந்தநிலையில் கடந்த ஆகஸ்ட் மாதம் 25-ம் தேதி கேரள தலைமைச் செயலகத்தில் தீ விபத்து ஏற்பட்டது. ஸ்வப்னா சுரேஷ் அந்த தீ விபத்தில் தங்கம் கடத்தல் வழக்கில் சம்பந்தப்பட்ட முக்கிய ஆவணங்கள் எரிந்ததாகப் புகார் எழுந்தது. அந்த சமயத்தில் முதல்வர் பினராயி விஜயனுக்கும், தலைமைச் செயலாளருக்கும் தெரியாமல் இது நடந்திருக்காது என்றும் திட்டமிட்டு ஆதாரங்கள் அளிக்கப்பட்டுள்ளதாகவும் எதிர்கட்சிகள் குற்றம்சாட்டின. இது சம்பந்தமாக பத்திரிகைகளிலும், தொலைக்காட்சிகளிலும் செய்தி வெளியானது. இந்தநிலையில் நேற்று கேரள முதல்வர் தலைமையில் நடந்த அமைச்சரவைக் கூட்டத்தில் மீடியாக்கள் மீது பிரஸ் கவுன்சில் ஆஃப் இந்தியாவில் புகார் அளிப்பதென தீர்மானம் எடுத்துள்ளார்கள். Also Read: கேரள தங்கம் கடத்தல் வழக்கு: லாக்கரில் இருந்த பணம், நகை... ஸ்வப்னாவுக்குக் கிடைத்தது எப்படி? இதுபற்றி கேரள முதல்வர் பினராயி விஜயன் செய்தியாளர்களிடம் கூறுகையில், ``கேரள அரசின் 'லைஃப் மிஷன்' திட்டத்தில் முறைகேடு நடந்தது குறித்து விசாரணை நடத்தப்படும். 20 கோடி ரூபாய்க்கான திட்டத்தில் இடைத்தரகர்கள் பணம் வாங்கியதாகத் தகவல் வந்துள்ளது. எனவே, அதுகுறித்த முதற்கட்டமாக விஜிலென்ஸ் விசாரணை நடத்தப்படும். இதற்கு முன்பு வீடு திட்டம் முடியாமல் இருந்தவர்கள் உள்ளிட்ட சுமார் 2 லட்சம் வீடுகள் பணி முடித்து சமீபத்தில் திறக்கப்பட்டது. நவம்பரில் மேலும் 50,000 வீடுகள் கட்டி முடிக்கப்பட உள்ளன. லைஃப் வீடுகள் கட்டும் திட்டத்தில் முறைகேடுகள் கண்டுபிடிக்கப்பட்டால் கடும் நடவடிக்கை எடுக்கப்படும்.கேரள தலைமைச் செயலகத்தில் தீ விபத்து சரியான செய்திகளை வழங்கி மக்களிடம் விழிப்புணர்வு ஏற்படுத்தும் மீடியாக்களை பாராட்டுவதுடன், அவர்களுக்கு தேவையான பின் துணையும் வழங்குகிறோம். அதேசமயம் தலைமைச் செயலகத்தில் தீ விபத்து ஏர்பட்ட சமயத்தில் மாநில முதல்வர் மற்றும் தலைமைச் செயலாளர் முன்னிலையில் தீ வைத்ததாக கூறும் அளவுக்கு சில மீடியாக்கள் செய்தி வெளியிட்டார்கள். அதுபற்றி சம்பந்தப்பட்டவர்களின் கவனத்துக்கு கொண்டுசெல்ல வேண்டும் என்பதற்காகத்தான் அமைச்சரவை தீர்மானம் எடுத்திருக்கிறது. இந்த மாநிலத்தின் முதலமைச்சரும், தலைமைச் செயலாளரும் தீவைக்கவும், ஆதாரங்களை அழிப்பதையும்தான் செய்துகொண்டிருக்கிறார்கள் என சொல்லும் அளவுக்கு சென்றிருக்கிறார்கள். அது மாநில அரசியல் அமைப்பை அவமானப்படுத்தும் செயல். இது நம்பிக்கையற்ற நிலையை ஏற்படுத்தும் செயல். அவதூறு கிளப்ப வாய்ப்பு உண்டா என ஆராய்வதுடன் பிரஸ் கவுன்சில் ஆஃப் இந்தியாவுக்கு புகாரும் அளிக்கப்படும்" என்றார்.
http://dlvr.it/RhFBmw

Read More

“பாஜக அங்கம் வகிக்கும் கூட்டணிதான் ஆட்சி அமைக்கும்” : பொன்.ராதாகிருஷ்ணன்

அதிமுக கூட்டணியில்தான் பாஜக இருக்கிறது என பாஜக மூத்த தலைவர் பொன்.ராதாகிருஷ்ணன் தெரிவித்தார். நெல்லையில் பேட்டியளித்த பொன்.ராதாகிருஷ்ணன், “அதிமுக கூட்டணியில்தான் பாஜக உள்ளது. வரும் தேர்தலில் பாஜக அங்கம் வகிக்கும் கூட்டணி தான் ஆட்சி அமைக்கும். தேமுதிக கிங்க் ஆக இருக்கபோவதாக சொல்வதற்கு வாழ்த்துகள். அவர்கள் தன்னம்பிக்கை மூலம் கட்சியை நடத்துகிறார்கள். எதிர்க்கட்சிகளிடம் முதல்வர் வேட்பாளருக்கு பஞ்சமிருக்கிறது. திமுக தலைவரை தவிர வேறு யாரை முதல்வர் வேட்பாளராக அறிவித்தாலும் கூட்டணி சிதறு தேங்காய் போல உடைந்துவிடும். கன்னியாகுமரி தொகுதியில் பாஜக தான் போட்டியிடும். சட்டமன்ற தேர்தலுக்கான பணிகள் ஏற்கெனவே தொடங்கப்பட்டு நடந்து வருகிறது. துரதிர்ஷ்டவசமாக இடைதேர்தல் வந்துவிட்டது. அதற்கான பணியினை நான் தொடங்கிவிட்டேன்” என்றார். அதிமுக அமைச்சர்கள் பாஜகவினரை பற்றி பேசுவது குறித்து கேட்டதற்கு பதிலளித்த அவர், “கூட்டணியில் வால்கள் ஆடுவதை பற்றி கவலையில்லை. வாய் என்ன சொல்கிறது என்பதே முக்கியம்” என்றார். மேலும், விவசாயம் குறித்து தெரியாத ஸ்டாலின் முதல்வர் குறித்து கருத்துகூற அருகதை இல்லை எனவும் அவர் விமர்சித்தார். நம் இனிய ’பெண்’ நிலா! – நடிகை ஷோபாவின் பிறந்தநாள் இன்று!
http://dlvr.it/RhC5zB

Read More

சி.எஸ்.கே சிங்கம் அம்பத்தி ராயுடு பிறந்தநாள் இன்று

சென்னை சூப்பர் கிங்ஸ் அணியின் பேட்டிங் லைன் அப்பில் மிகமுக்கியமான பேட்ஸ்மேன் அம்பத்தி ராயுடு. அவருக்கு இன்று பிறந்த நாள்.  இதே நாளில் ஆந்திராவின் குண்டூரில் 1985இல் பிறந்தார்.  Here’s wishing @RayuduAmbati a very happy birthday. ??Let’s celebrate the @ChennaiIPL batsman's special day revisiting his match-winning knock of 7⃣1⃣ against MI in the #Dream11IPL. ?Check it out ?? — IndianPremierLeague (@IPL) September 23, 2020 எட்டு வயதில் கிரிக்கெட் விளையாட ஆரம்பித்தவர்.  வட்டம், மாவட்டம், மாநிலம் என அசத்தியவருக்கு 2013-இல் இந்தியாவுக்காக ஒருநாள் போட்டிகளில் விளையாடும் வாய்ப்பு வந்தது. அதற்கு முன்னர் ஐ.சி.எல் கிரிக்கெட் தொடரிலும் ராயுடு விளையாடியுள்ளார். The legendary cake facials missing! ??? #SuperBirthday #WhistlePodu pic.twitter.com/G7uAIQ8sa3 — Chennai Super Kings (@ChennaiIPL) September 23, 2020 விக்கெட்  கீப்பர்  பேட்ஸ்மேனான  ராயுடு இந்தியாவின் மிடில் ஆர்டரின் நம்பிக்கை நட்சத்திரமாக ஜொலிப்பார் என கிரிக்கெட் விமர்சகர்கள் கணித்திருந்தனர். இந்தியாவுக்காக இதுவரை 55 ஒருநாள் போட்டிகளில் விளையாடியுள்ள ராயுடு 1694 ரன்களை குவித்துள்ளார். இதில் மூன்று சதங்களும், பத்து அரை சதங்களும் அடக்கம். கடந்த 2018 முதல் சென்னை சூப்பர் கிங்ஸ் அணிக்காக விளையாடி வரும் ராயுடு ஐபிஎல் தொடரில் சென்னைக்காக மட்டும் 958 ரன்களை குவித்துள்ளார்.  Super Birthday dear Bahubali, AM-BA-TI-RAAY-DU! Wishing you a biryani of a year ahead. ?? #WhistlePodu #Yellove pic.twitter.com/8XfdZIOuiN — Chennai Super Kings (@ChennaiIPL) September 23, 2020 ‘இன்னைக்கு ஓப்பனிங் ஆடு இல்ல ஒன் டவுன் இல்ல நான்காவது பேட்ஸ்மேன்’ என போட்டி ஆரம்பித்த பிறகு தான் தோனியே ராயுடுவின் பேட்டிங் பொசிஷன் குறித்து அவரிடம் சொல்லுவார்.  ராயுடுவும் கேப்டன் சொல்லை தட்டாத பேட்ஸ்மேனாக சொன்ன இடத்தில் இறங்கி எதிரணி பந்து வீச்சை ரெய்டு விடுவார்.  இந்த சீஸனில் சென்னையின் வெற்றிக்காக ராயுடு மும்பைக்கு எதிரான போட்டியில் 71 ரன்களை அடித்திருந்தார். ஹேப்பி பர்த் டே ராயுடு...
http://dlvr.it/RhC5wb

Read More

7வது இடத்தில் களமிறங்கியது ஏன்? - தோனி விளக்கம்

ராஜஸ்தான் அணிக்கெதிரான ஆட்டத்தில் தான் 7-வது இடத்தில் களமிறங்கியதற்கான காரணத்தை தோனி விளக்கியுள்ளார்.   சார்ஜாவில் நேற்றிரவு நடந்த 4-வது லீக் ஆட்டத்தில் ராஜஸ்தான் ராயல்ஸ் அணி நிர்ணயித்த 217 ரன்கள் எடுத்தால் வெற்றி என்ற இமாலய இலக்குடன் களமிறங்கிய சென்னை சூப்பர் கிங்ஸ் அணி 20 ஓவர்களில் 200 ரன்கள் எடுத்த நிலையில் 16 ரன்கள் வித்தியாசத்தில் தோல்வியை தழுவியது.   2-வது ஆட்டத்தில் ஆடிய சென்னை அணிக்கு இது முதலாவது தோல்வியாகும். தோனி 29 ரன்களுடன் ஆட்டமிழக்காமல் களத்தில் இருந்தார். டாம் கரன் வீசிய இறுதி ஓவரில் தோனி ஹாட்ரிக் சிக்ஸர்களை விளாசி ரசிகர்களுக்கு விருந்தளித்தார்.     முன்னதாக 7-வது விக்கெட்டுக்கு களமிறங்கிய தோனி, டூ பிளஸிஸ் உடன் ஜோடி சேர்ந்தார். டூ பிளஸிஸை அடிக்கவிட்டு, அவருக்கு தோனி ஒத்துழைத்தார். தோனி 7-வது வீரராக களமிறங்குவதைவிட 3 அல்லது 4-வது வீராக களமிறங்கிருக்க வேண்டும். ஒருவேளை கெய்க்வாட் இடத்தில் தோனி களமிறங்கி இருந்தால், நிச்சயம் டூப்பிளசிஸுடன் சேர்ந்து ஆட்டத்தை நகர்த்திக் கொண்டு வந்திருப்பார் என்று கிரிக்கெட் விமர்சகர்கள் கூறி வருகின்றனர்.   இச்சூழலில் ஏழாவது இடத்தில் களமிறங்கியதற்கான காரணத்தை தோனி விளக்கினார். “நான் நீண்ட காலமாக பேட்டிங் செய்யவில்லை. 14 நாள் தனிமைப்படுத்தல் உதவவில்லை. சாமுக்கு வாய்ப்புகளை வழங்க வெவ்வேறு விஷயங்களை முயற்சிக்க விரும்பினோம். இது வேலை செய்யவில்லை என்றால், நீங்கள் எப்போதும் உங்கள் பலத்திற்குச் செல்லலாம். ஃபாஃப் மிகவும் நன்றாக தகவமைத்துக் கொண்டார்.     217 ரன்களை விரட்டுவதற்கு எங்களுக்கு ஒரு நல்ல ஆரம்பம் தேவையிருந்தது. ஆனால் அது அப்படி நிகழவில்லை. ஸ்டீவ் மற்றும் சாம்சன் மிகச் சிறப்பாக பேட்டிங் செய்தனர். அவர்கள் பந்து வீச்சாளர்களுக்கு நன்றி சொல்ல வேண்டும்.   நீங்கள் முதல் இன்னிங்ஸைப் பார்த்தவுடன், பந்து வீசுவதற்கான நீளம் உங்களுக்குத் தெரியும். எங்கள் சுழற்பந்து வீச்சாளர்கள் பந்து வீசுவதில் பிழை செய்தனர். நாங்கள் அவர்களை 200 ரன்களுக்குள் கட்டுப்படுத்தி இருக்க வேண்டும்’’ என்று தோனி கூறினார்.
http://dlvr.it/Rh9Pkf

Read More

சென்னை: சுடுத்தண்ணீர் கொட்டி சிறுமி உயிரிழப்பு

சென்னையின் புறநகர் பகுதியான கும்மிடிப்பூண்டியில் வசித்து வருகின்றனர் மணிகண்டன் - மீனா தம்பதியினர். இவர்களுடைய 4 வயது மகள் ஷர்வினி. ஆகஸ்ட் 29ஆம் தேதி, சிறுமியைக் குளிப்பாட்ட சுடுதண்ணீரை பாத்ரூமுக்கு வெளியே வைத்திருக்கிறார் மீனா. வைத்துவிட்டு வேறு வேலையாக சென்றிருக்கிறார். அப்போது அங்குமிங்குமாக ஓடி விளையாடிக் கொண்டிருந்த சிறுமி திடீரென அலறியிருக்கிறார். மீனாவும், மணிகண்டனும் ஓடிச்சென்று பார்த்தபோது கொதிக்கும் தண்ணீர் மேலே கொட்டி, சிறுமி தரையில் கிடந்திருக்கிறார். சிறுமியின் பெற்றோர் உடனடியாக எழும்பூரில் உள்ள குழந்தைகள் நல மருத்துவனைக்குக் கொண்டு சென்றிருக்கின்றனர். அங்கு 20 நாட்கள் காயத்திற்கு சிகிச்சை அளிக்கப்பட்டிருக்கிறது. ஆனால் காயம் ஆழமாக இருந்ததால் சிகிச்சை பலனின்றி சிறுமி பரிதாபமாக உயிரிழந்தார். இதுபற்றி, டைம்ஸ் ஆஃப் இந்தியாவிற்கு தெரிவித்த போலீஸார், இது எதிர்பாராமல் நடந்த ஒரு விபத்து எனவும், இதனால் சிறுமியின் குடும்பத்தார் மிகுந்த வருத்தத்தில் உள்ளதாகவும் தெரிவித்துள்ளனர்.   இதைப் படிக்க: பல்பை கழட்டியபோது மின்வேலியில் சிக்கி இளைஞர் உயிரிழப்பு 
http://dlvr.it/Rh7GzT

Read More

`உங்கள் பிரச்னையைப் பாருங்கள்!'- ஐ.நா-வில் பாகிஸ்தானுக்கு பதிலடி கொடுத்த இந்தியா

ஐ.நா அவையில், காஷ்மீர் பிரச்னை குறித்த பாகிஸ்தானின் வெளியுறவுத்துறை அமைச்சர் ஷா மஹ்மூத் குரேஷியின் பேச்சை இந்தியா நிராகரித்ததோடு, `பாகிஸ்தான், உலக நாடுகளால் அங்கீகரிக்கப்பட்ட பயங்கரவாதிகளின் மையப்பகுதி’ என்று பதிலடி கொடுத்தது. உலக அமைதி மற்றும் பாதுகாப்பை உறுதி செய்யப் பல்வேறு நாடுகள் இணைந்து, `ஐக்கிய நாடுகள் சபை’ என்ற அமைப்பை உருவாக்கின. இந்த அமைப்பு 1945-ம் ஆண்டு, செப்டம்பர் 24-ம் தேதி முதல் செயல்படத் தொடங்கியது. 1945-ம் ஆண்டு முதல் செயல்படத் தொடங்கிய ஐக்கிய நாடுகள் சபை, இந்த ஆண்டுடன் 75 ஆண்டுகளை நிறைவுசெய்கிறது. இதையொட்டி இன்று முதல் வரும் 29-ம் தேதி வரை ஐ.நா அவை நடைபெறுகிறது. ஐ.நா சபையின் 75-வது ஆண்டு விழாவில், இன்று பல்வேறு நாடுகளைச் சேர்ந்த அதிபர்களும், பிரதமர்களும் காணொலி வாயிலாக உரை நிகழ்த்தினர். இதில் பங்கேற்ற இந்தியப் பிரதமர் நரேந்திரமோடி, ``ஐ.நா சபை கடந்த 75 ஆண்டுகளில் பலவற்றைச் சாதித்திருந்தாலும், அதன் முக்கிய நோக்கம் இன்றும் பூர்த்தியடையாமலேயே இருக்கிறது. ஐ.நா கட்டமைப்பில் சீர்திருத்தங்கள் கொண்டுவர வேண்டும்'' என்று பேசினார். மேலும், ஐ.நா பாதுகாப்பு சபையில் இந்தியாவுக்கு நிரந்தர உறுப்பினர் அந்தஸ்து கொடுப்பதன் அவசியத்தையும் அவர் வலியுறுத்திப் பேசினார். ‌ ஐ.நா அவையில் காணொலி வாயிலாகப் பேசிய பாகிஸ்தான் வெளியுறவுத்துறை அமைச்சர் ஷா மஹ்மூத் குரேஷி, ஐ.நா-வின் சாதனைகளைப் பாராட்டினார், அதேசமயம் ஐ.நா-வின் `தோல்விகள் மற்றும் குறைபாடுகள்' என்றும் சிலவற்றைக் குறிப்பிட்டு பேசத் தொடங்கினார்.ஐ.நா குரேஷி தன் உரையில்,``ஐ.நா. அமைப்பு அதன் உறுப்பு நாடுகள் விரும்புவதைப்போலவே சிறந்த அமைப்பு. ஜம்மு-காஷ்மீர் மற்றும் பாலஸ்தீன மோதல்கள் இந்த அமைப்பின் மிகவும் வெளிப்படையான மற்றும் நீண்டகால மோதல்கள். ஆக்கிரமிப்பு காஷ்மீர் மக்கள், தங்களுக்கு சுயநிர்ணய உரிமையை வழங்கி, அவர்களின் உறுதிப்பாட்டை ஐ.நா நிறைவேற்றும் என்று இன்னும் காத்திருக்கிறார்கள். ஆனால், `ஐ.நா-வால் பேச மட்டுமே முடியும். செயலில் எதையும் காட்ட முடியாது’ என உலக நாடுகள் கேலி செய்கின்றன. இந்தச் சபையின் தீர்மானங்களும் முடிவுகளும் மீறப்படுகின்றன. சர்வதேச ஒத்துழைப்பு, குறிப்பாக பாதுகாப்பு கவுன்சிலில் மிகக் குறைவு” என்று அவர் கூறினார். பாகிஸ்தான் வெளியுறவுத்துறை அமைச்சர் குரேஷியின் உரைக்கு `பதிலளிக்கும் உரிமையை’ (Right to reply) பயன்படுத்தி, ஐ.நா-விலுள்ள இந்திய தூதுக்குழு விரைவில் பதிலளித்தது. அப்போது பேசிய இந்திய வெளியுறவுத்துறை முதன்மைச் செயலாளர் விதிஷா மைத்ரா,``இதுவரை இது போன்ற தளங்களில் பாகிஸ்தான் தலையீடுகளின் முகத்திரை மாறிவிட்டது'' என்றார். காஷ்மீர் பிரச்னை குறித்து குரேஷி பேசியதைச் சுட்டிக்காட்டிப் பேசிய விதிஷா, இந்தியாவின் உள்நாட்டு விவகாரத்தில் பாகிஸ்தான் தலையிடுவதாகக் குற்றம்சாட்டினார்.இம்ரான் கான் ``இந்தியாவின் உள்நாட்டு விவகாரம் குறித்து பாகிஸ்தான் பிரதிநிதி முன்வைத்த அனைத்தும் புனையப்பட்ட கதைகள். இந்தியாவின் ஒருங்கிணைந்த பகுதியாக இருக்கும் ஜம்மு-காஷ்மீர் பகுதிக்குத் தீங்கிழைப்பது குறித்த குரேஷியின் பேச்சை நாங்கள் நிராகரிக்கிறோம்" என்றார் அவர். மேலும்,``ஐ.நா-வின் பட்டியலில் முடிக்கப்படாத ஒரு விஷயம் இருந்தால், அது பயங்கரவாதத்தின் வேதனையைச் சமாளிப்பதாகவே இருக்கும். பாகிஸ்தான் பயங்கரவாதத்தின் மையமாக உலக அளவில் அங்கீகரிக்கப்பட்டிருக்கிறது. பயங்கரவாதிகளுக்கு அடைக்கலம் கொடுத்து, பயிற்சி வழங்குவதன் மூலம் பாகிஸ்தானே இதை உறுதிப்படுத்தியிருக்கிறது'' என்றார். பாகிஸ்தான் பிரதமர் இம்ரான் கான், அந்நாட்டு நாடாளுமன்றத்தில் அல்கொய்தா தீவிரவாத இயக்கத் தலைவர் ஒசாமா பின்லேடனை `தியாகி' என்று கூறியதைச் சுட்டிக்காட்டிய விதிஷா, பாகிஸ்தான் இன மற்றும் மதச் சிறுபான்மையினரைத் தொடர்ந்து துன்புறுத்திவருவதாகக் குற்றம்சாட்டினார். அதேபோல், ``ஐ.நா என்ற தளத்தைத் தவறாகப் பயன்படுத்துகிறது பாகிஸ்தான். தமது பிரச்னைகளையும் கவலையையும் போக்கிக்கொள்ள, பாகிஸ்தான் அதன் உள்நாட்டு விவகாரங்களில் கவனம் செலுத்துவது நல்லது'' என்றும் விதிஷா மைத்ரா கூறினார்.
http://dlvr.it/Rh7GgD

Read More

சிஎஸ்கே vs ராஜஸ்தான் ராயல்ஸ்: ஐபிஎல் வரலாற்றில் யார் கெத்து?

ஐபிஎல் கிரிக்கெட் தொடரின் இன்றைய ஆட்டத்தில் சென்னை சூப்பர் கிங்ஸ் மற்றும் ராஜஸ்தான் ராயல்ஸ் அணிகள் பலப்பரீட்சை நடத்துகின்றன. ஷார்ஜாவில் நடைபெறும் இந்தப் போட்டி இந்திய நேரப்படி இரவு 7.30 மணிக்குத் தொடங்குகிறது. தோனி தலைமையிலான சென்னை அணியும், ஸ்டீவ் ஸ்மித் தலைமையிலான ராஜஸ்தான் அணியும் பலப்பரீட்சைக்கு ஆயத்தமாகி வருகின்றன. ஐபிஎல் வரலாற்றில் இரு அணிகளும் இதுவரை 21 முறை நேருக்கு நேர் மோதியுள்ளன. இதில் ‌சென்னை அணி 14 போட்டிகளிலும், ராஜஸ்தான் அணி 7 போட்டிகளிலும் வெற்றி பெற்றுள்ளன‌. 2014 ஆம் ஆண்டு அமீரகத்தில் நடைபெற்ற போட்டியிலும் சிஎஸ்கே வெற்றிப் பெற்றுள்ளது. ஐபிஎல்லில் சிஎஸ்கேவுக்கு எதிராக ராஜஸ்தான் ராயல்ஸின் சராசரி ரன் 155. இதேபோல ராஜஸ்தான் ராயல்ஸ்க்கு எதிராக சிஎஸ்கேவின் சராசரி ரன் 163. சிஎஸ்கேவுக்கு எதிராக ஜோஸ் பட்லர் மொத்தம் 146 ரன்களை குவித்துள்ளார். அதேபோல ராஜஸ்தானுக்கு எதிராக சிஎஸ்கே கேப்டன் தோனி மொத்தம் 423 ரன்களை குவித்துள்ளார். ராஜஸ்தான் ராயல்ஸ் தரப்பில் பவுலிங்கில் ஜோப்ரா ஆர்ச்சர் 5 விக்கெட்டுகளும், சிஎஸ்கே தரப்பில் ரவீந்திர ஜடேஜா 15 விக்கெட்டுகளும் எடுத்துள்ளனர். பீல்டிங்கை பொறுத்தவரை ஜோஸ் பட்லர் 5 கேட்சுகளையும், தோனி 13 கேட்சுகளையும் பிடித்துள்ளனர். கடந்த ஆண்டு ஐபிஎல்லில் இரு அணிகளுக்கு எதிரான போட்டியில் தவறான முடிவை கொடுத்த அம்பயருக்கு எதிராக "டக் அவுட்"டில் இருந்து மைதானத்துக்குள் புகுந்து தோனி ஆக்ரோஷமாக விவாதம் செய்ததை யாராலும் மறக்க முடியாது. இறுதியாக அந்தப் போட்டியில் 5 விக்கெட் வித்தியாசத்தில் சிஎஸ்கே வென்றது.  
http://dlvr.it/Rh5c8x

Read More

ஐபிஎல் போட்டிகளில் அஸ்வின் தொடர்ந்து விளையாடுவதில் சிக்கல் ?

கிங்ஸ் லெவன் பஞ்சாப் அணிக்கு எதிரான போட்டியில் தோள்பட்டையில் ஏற்பட்ட காயம் காரணமாக டெல்லி கேபிட்டல்ஸ் அணி ஆல்ரவுண்டர் ரவிச்சந்திரன் அஸ்வின் தொடர்ந்து விளையாடுவதில் சிக்கல் ஏற்பட்டுள்ளது. துபாயில் நேற்று ஐபிஎல் போட்டியின் 2-வது லீக் ஆட்டம், டெல்லி கேபிட்டல்ஸ் மற்றும் கிங்ஸ் லெவன் பஞ்சாப் அணிகளுக்கு இடையே நடந்தது. இப்போட்டியில் டெல்லி கேபிட்டல்ஸ் அணி சூப்பர் ஓவர் வரை சென்று வெற்றிப்பெற்றது. பஞ்சாப்க்கு எதிரான போட்டியில் டெல்லி வெற்றிப் பெறுவதற்கு திருப்புமுனையாக இருந்தது அஸ்வின் வீசிய ஓவர் என்றால் அது மிகையல்ல. அஸ்வின் தான் வீசிய முதல் ஓவரின் முதல் பந்திலேயே பஞ்சாப் அணி வீரர் கருண் நாயரின் விக்கெட்டை வீழ்த்தினார். அதன் பின், 5-வது பந்தில் நிகோலஸ் பூரனுக்கு கேரம் பால் பந்துமூலம் அவரை க்ளீன் போல்டாக்கி வெளியேற்றினார். பின்பு தான் வீசிய கடைசிப்பந்தை தடுக்க முயன்று தாவியபோது அஸ்வினின் இடது தோள்பட்டையில் பலத்த காயம் ஏற்பட்டது. கையைத் தூக்க முடியாமல் அவதிப்பட்ட அஸ்வினை, தாங்கிப்பிடித்துக்கொண்டு மருத்துவர் பெவிலியனுக்கு அழைத்துச் சென்றார். இதுகுறித்து டெல்லி அணியின் பிசியோதெரபிஸ்ட் பாட்ரிக் பார்ஹார்ட் "அஸ்வினின் இடது தோள்பட்டை இணைப்பு எலும்பு நகர்ந்துள்ளது. அதனால் அஸ்வினுக்கு தாங்க முடியாத வலி ஏற்பட்டது. தற்போது தோள்பட்டையில் கட்டுப்போடப்பட்டுள்ளது. காயத்தின் தன்மை குறித்து இப்போது ஏதும் கூற முடியாது" எனத் தெரிவித்துள்ளார்.  
http://dlvr.it/Rh3SMN

Read More

உ.பி: கர்ப்பிணி மனைவி.. குழந்தை ஆணா, பெண்ணா?- வயிற்றைக் கிழித்த கொடூர கணவன்

உத்திர பிரதேசம் மாநிலத்தில் உள்ள புதான் மாவட்டத்தில் வசிக்கும் தினகூலித் தொழிலாளி பன்னாலால்(43), அனிதா தேவி (40) தம்பதியினருக்கு இதுவரை ஐந்து பெண் குழந்தைகள் பிறந்துள்ளது. இந்நிலையில் மீண்டும் கர்ப்பம் தரித்துள்ளார் அனிதா தேவி. இந்த முறை தனக்கு ஆண் குழந்தை பிறக்கவேண்டும் வேண்டும் என்று பன்னாலால் ஆசைப் பட்டுள்ளார். தனது மனைவியைப் பூசாரியிடம் அழைத்துச் சென்றிருக்கிறார் பன்னாலால். இந்த முறையும் பெண் குழந்தைதான் பிறக்கும் என்று பூசாரி குறி சொல்லியதாக கூறப்படுகிறது. கொலைமுயற்சி இதனால் பன்னாலால் மிகுந்த மன உளைச்சலுக்கு ஆளானதாகச் சொல்லப்படுகிறது. கடந்த சனிக்கிழமை இரவு குடிபோதையில் வீடு திரும்பிய பன்னாலால், கருவைக் கலைக்கும் படி தன் மனைவியைச் சரமாரியாக அடித்துள்ளார். அடிபட்டதில் மயங்கிக் கிடந்த மனைவியின் வயிற்றில் வளர்வது ஆண் குழந்தையா அல்லது பெண் குழந்தையா என்று பார்க்க வயிற்றைக் கிழித்துப் பார்க்க முயற்சி செய்துள்ளார். வயிற்றைக் கிழித்ததில் அனிதா தேவி ரத்த வெள்ளத்தில் மிதந்துள்ளார். இதைப் பார்த்த உறவினர்கள், அனிதா தேவியை மீட்டு பரேலியில் உள்ள மாவட்ட மருத்துவமனையில் சேர்த்துள்ளனர். கர்ப்பப்பையிலிருந்த குழந்தைக்கு எந்த சேதமும் ஏற்படவில்லை. இருந்த போதிலும், அதிக ரத்தப் போக்கு காரணமாக அனிதா தேவியின் உடல்நிலை மிகவும் மோசமானது. இதையடுத்து, அவரின் சகோதரர் ரவிக்குமார் சிங் அனிதா தேவியை ஒரு தனியார் மருத்துவமனையில் அனுமதிக்க முயன்றுள்ளார். அந்த மருத்துவமனையில் பணம் கட்டினால் மட்டும் சிகிச்சையளிக்க முடியும் என்று செல்ல, டெல்லி சஃப்தர்ஜங் மருத்துவமனையில் அனுமதித்தனர். அங்கு இவருக்குத் தீவிர சிகிச்சை வழங்கப்படுகிறது. கைது இதையடுத்து, கொலை முயற்சி உள்ளிட்ட பிரிவுகளில் வழக்குப் பதியப்பட்டு பன்னாலால் கைது செய்யப்பட்டுள்ளார். நடந்த சம்பவம் தொடர்பான விசாரணை மேற்கொள்ளப்பட்டு வருவதாக காவல்துறை அதிகாரிகள் தெரிவித்துள்ளனர். கணவன் கர்ப்பிணி மனைவியின் வயிற்றைக் கிழித்த சம்பவம் அந்த பகுதி மக்களிடையே பெரும் அதிர்ச்சியை ஏற்படுத்தியுள்ளது.
http://dlvr.it/Rh3SLp

Read More

கேரளா: `மக்கள்தான் எனது பாடப்புத்தகம்’ - சட்டசபையில் 50 ஆண்டுகள் கண்ட உம்மன் சாண்டி!

கேரள சட்டசபையில் தொடர்ந்து ஐம்பது ஆண்டுகள் அங்கம்வகிக்கும் அம்மாநில முன்னாள் முதல்வரும், காங்கிரஸின் மூத்த தலைவருமான உம்மன் சாண்டிக்குப் பாராட்டு விழாக்கள் நடந்துகொண்டிருக்கின்றன. கேரள மாநிலம், கோட்டயம் மாவட்டத்திலுள்ள புதுப்பள்ளி சட்டசபைத் தொகுதியில் 1970-ம் ஆண்டு போட்டியிட்டு வெற்றிபெற்ற உம்மன் சாண்டி, தொடர்ச்சியாக அந்தத் தொகுதி மக்களால் சட்டசபைக்கு அனுப்பிவைக்கப்பட்டுவருகிறார். வேறு தொகுதிக்கு மாறாமல், ஒரே தொகுதில் போட்டியிட்டு ஐம்பது ஆண்டுகள் எம்.எல்.ஏ-வாக இருக்கிறார் உம்மன் சாண்டி. புதுப்பள்ளி தொகுதியின் மீதான அதீத பாசத்தால் திருவனந்தபுரத்தில் சொந்தமாகக் கட்டிய வீட்டுக்கும் 'புதுப்பள்ளி' எனப் பெயர் வைத்திருக்கிறார் உம்மன் சாண்டி. `உம்மன் சாண்டி கடின உழைப்பாளி’ என கேரள முதல்வர் பினராயி விஜயன் புகழாரம் சூட்டியிருக்கிறார். பாராட்டு விழாக்களால் நெகிழ்ந்த உம்மன் சாண்டி கூறுகையில், ``இதை நான் எனக்குக் கிடைத்த கிரெடிட்டாக நினைக்கவில்லை. இது மக்களின் அன்பாலும் கரிசனையாலும் கிடைத்த வெகுமதி. சாதாரணமாக என்னைப் பற்றிக் கூறுபவர்கள் `இவர் எப்போதும் மக்கள் கூட்டத்துடன் இருப்பார்' என்பார்கள். அது உண்மைதான். எனக்கு அதிகமான அனுபவங்கள் மக்களிடமிருந்துதான் கிடைத்திருக்கின்றன.உம்மன் சாண்டி சாதாரண மக்களிடம் பேசும்போதுதான் புதிய புதிய தகவல்களும், புதிய சிந்தனைகளும் கிடைக்கின்றன. நான் செய்தித்தாள்களைப் படிப்பேன். மற்றபடி வாசிப்பது மிகவும் குறைவுதான். வாசிப்பதற்கான நேரமும் வாய்ப்பும் கிடைக்காததுதான் அதற்குக் காரணம். எனக்குக் கிடைக்கும் அனுபவங்களும் அறிவும் மக்களைச் சந்திப்பதன் மூலமே கிடைக்கின்றன. மக்களிடமிருந்து மிகப்பெரிய அனுபவங்கள் எனக்குக் கிடைத்தன. மக்களைச் சந்தித்து அவர்களிடமிருந்து அறிவைப் பெறுவதை நான் எனது சம்பாத்தியமாக நினைக்கிறேன். `வில்லேஜ் ஆபீஸரும், பஞ்சாயத்து செக்ரட்டரியும் செய்யும் வேலையை நீங்கள் செய்கிறீர்களே...’ என நான் மக்களைச் சந்திக்கும்போது பலரும் என்னிடம் சொல்வார்கள். ஆனால் பஞ்சாயத்து செக்ரட்டரிகளாலும், வில்லேஜ் ஆபீஸர்களாலும் செய்ய முடியாத சில தடங்கல்கள் ஒவ்வொரு விஷயத்திலும் உண்டு. அந்தத் தடைகளை குறித்த அறிவை அதன் மூலம் கஷ்டங்களை அனுபவிக்கும் பாவப்பட்ட மக்கள் நமக்குத் தருகிறார்கள். அவர்களின் கஷ்டங்களிலிருந்துதான் நாம் அதை உணர்ந்துகொள்ள முடியும். மக்கள்தான் எனது பாடப்புத்தகம்.உம்மன் சாண்டி சட்டசபையில் ஐம்பது ஆண்டுகள் என்பது நீண்ட காலகட்டம். ஐம்பது ஆண்டுக்கு முந்தைய அரசியலுக்கும், இன்றைய அரசியலுக்கும் பல வித்தியாசங்கள் உள்ளன. அது நல்லதுக்கான வித்தியாசங்கள் அல்ல. அரசியல் என்பது மக்களின் நன்மைக்கானதாகவும், நாட்டின் முன்னேற்றத்துக்கானதாகவும் இருக்க வேண்டும். பல சமயங்களில் அதிலிருந்து அது தடம் மாறிப்போய்விடுகிறது. 1970-ம் ஆண்டு தேர்தலில் நான் போட்டியிட்டபோதும், அதைத் தொடர்ந்து நான் போட்டியிட்டபோதும் பிரகடனப் பத்திரம் மிகவும் முக்கியமானதாக இருந்தது. அரசியல் கொள்கைகளும், செயல்பாடுகளும் தேர்தலின்போது சர்ச்சை செய்யப்படும். ஆனால், இன்று அதெல்லாம் மாறிப்போய்விட்டனவோ என நினைக்க வேண்டியிருக்கின்றது. அது ஜனநாயகத்தை பலவீனப்படுத்துகிறது" என்றார்.
http://dlvr.it/Rh1psY

Read More

பிராவோ இன்னும் சில போட்டிகளில் இடம்பெறமாட்டார் - ஸ்டீபன் ஃபிளமிங்

சென்னை அணியில் பிராவோ இன்னும் சில போட்டிகளில் இடம்பெறமாட்டார் என அணியின் பயிற்சியாளர் ஸ்டீபன் ஃபிளமிங் தெரிவித்துள்ளார் பல்வேறு எதிர்பார்ப்புகளுடன் ஐபிஎல் நேற்று தொடங்கியது. மைதானத்தில் ரசிகர்கள் இல்லை என்றாலும் முதல் ஐபிஎல் போட்டி பரபரப்பாகவே இருந்தது. சென்னை - மும்பை அணிகள் மோதிய நேற்றைய போட்டியில் சென்னை அணி தனது முதல் வெற்றியை பதிவு செய்தது. பேட்டிங், பந்துவீச்சு, ஃபீல்டிங் என சென்னை அணி தரமான விளையாட்டை வெளிப்படுத்தியது. சென்னை அணியில் ஆல்ரவுண்டர் பிராவோ இடம் பெறவில்லை. இது குறித்து பேசிய அணியின் பயிற்சியாளர் ஸ்டீபன் ஃபிளமிங், சென்னை அணியில் பிராவோ இன்னும் சில போட்டிகளில் இடம்பெறமாட்டார் என தெரிவித்துள்ளார். முட்டியில் காயம் ஏற்பட்டு தற்போது அவர் மீண்டுள்ள நிலையில் சில போட்டிகளில் அவர் விளையாட மாட்டார் என தெரிவித்துள்ளார். பிராவோ இடத்தை நிரப்பிய ஷாம் கரன் நேற்று சிறப்பான ஆட்டத்தை வெளிப்படுத்தியதால் அவர் தொடர்ந்து இடம்பெறுவார். ஷாம் கரன் குறித்து பேசிய ஸ்டீபன் ஃபிளமிங், ஷாம் கரனின் ஆட்டம் வெறித்தனமாக இருந்ததாக தெரிவித்தார்
http://dlvr.it/Rh09KH

Read More

காலை இழந்து கஷ்டத்தில் வாழும் சுற்றுலா வழிகாட்டி... பயோனிக் கால்கள் வழங்க கோரிக்கை

கொடைக்கானலில் ஒருகால் மற்றும் மறுகாலில் உள்ள விரல்களை இழந்தும், இன்னும் நம்பிக்கை இழக்காமல் உழைக்கத் துடிக்கும் குடும்பத் தலைவன்.. பயோனிக் கால்கள் இருந்தால் குடும்பத்தை காப்பாற்ற முடியும் என கோரிக்கை வைத்துள்ளார். திண்டுக்கல் மாவட்டம் கொடைக்கானல் நாயுடுபுரம் பகுதியில் வசிப்பவர் ஜெரால்டு. ஐந்து மொழிகளுக்கு மேல் பேசக்கூடிய திறமை வாய்ந்த சுற்றுலா வழிகாட்டியான இவருக்கு, சர்க்கரை நோய் இருந்த நிலையில் திடீரென்று உடலில் ஏற்பட்ட அதீத சர்க்கரை அளவால் ஒருகால் முழுவதும் அகற்றப்பட்டு, மறுகாலில் இருந்த கட்டை விரலும் நீக்கப்பட்டுள்ளதால் வீட்டிலேயே முற்றிலும் முடங்கும் சூழல் ஏற்பட்டது. திருமணமான அவருடைய ஒரே மகனும் மனைவியுடன் எற்பட்ட மனக்கசப்பில் மனைவியை பிரிந்து மன நலம் குன்றிய நிலையில் தன்னுடைய குழந்தையை தந்தையிடம் கொடுத்துவிட்டு வேறு மாநிலத்தில் உள்ள அவரது உறவினர் வீட்டில் வசித்து வருகிறார். இந்நிலையில் தனது மகனுக்கு பிறந்த ஒரு ஆண் பிள்ளையையும், மூன்று வயதில் இருந்து தான் வளர்த்து வருகிறார்.  இருதய கோளாருடன் அவதிப்படும் தனது மனைவி, தற்பொழுது சமையல் வேலைக்கு சென்று, குடும்பத்தை காப்பாற்றி வருவதாக கண்ணீருடன் கரகரத்த குரலில் கூறுகிறார். தனது சர்க்கரை நோய்க்காக பல ஆயிரம் ரூபாய் மாதாந்திர மருந்து செலவு, வீட்டுச் செலவு மற்றும் மனைவியின் மருத்துவ செலவு, என அனைத்தையும் தனது மனைவி கடினமாக உழைப்பால் நிறைவேற்றுவதாக கூறுகிறார். 'எனது மனைவியின் உடல்நிலையை கருத்தில் கொண்டு தானும் உழைக்க பல்வேறு முயற்சிகள் செய்கிறேன். ஆனால் கட்டைக்கால்களை கொண்டு வேலைக்கு செல்ல முடியவில்லை' என்று கூறும் அவர், ஐந்து வருடங்களாக முடங்கினாலும், மனதளவில் சோர்வடையவில்லை என்று நம்பிக்கையுடன் உள்ளார்.    அதனால் அரசும் தொண்டு அமைப்புகளும் சேர்ந்து, தனக்கு பயோனிக் கால்கள் கிடைக்க உதவினால், தன்னால் மீண்டும் பணிக்கு செல்ல முடியும். அதன் மூலம் கிடைக்கும் வருமானத்தைக் கொண்டு தனது மாதாந்திர மருத்துவ செலவு, மனைவியின் மருத்துவ செலவு மற்றும் பேரனின் படிப்பு செலவையும் பார்த்து கொள்ள முடியும் என்றார். "மாற்றுத் திறனாளியான எனக்கு அரசு மற்றும் தொண்டு அமைப்புகள் முன்வந்து, பயோனிக் கால்கள் கிடைக்க பேருதவி செய்ய வேண்டும்" என அவர் கண்ணீருடன் கோரிக்கை விடுத்தார். இவரது தற்போதைய நிலை குறித்தும், அவரது நிலையை மாற்ற தேவைப்படும் பயோனிக் கால்கள் குறித்தும் உதவி ஆட்சியர் சிவகுரு பிரபாகரன் கவனத்திற்கு கொண்டு சென்றபோது, ஜெரால்டின் தேவையை பூர்த்தி செய்ய முயற்சி மேற்கொள்ளப்படும் என்று உறுதியளித்துள்ளார்.
http://dlvr.it/Rh09Fj

Read More

துபாயில் ஐபிஎல் நடந்தாலும், அங்கும் சிஎஸ்கே கொடி பறக்கும்: ஹர்பஜன் சிங் ட்வீட்

தமிழ் மக்களோட ராஜாவா வாழுறோம் கண்டிப்பா ஐபிஎல்-யை ஆளுவோம், சென்னை சூப்பர் கிங்ஸ் கொடி பறக்கும் என்று கிரிக்கெட் வீரர் ஹர்பஜன்சிங் தமிழில் ட்வீட் செய்துள்ளார். ஹர்பஜன்சிங் வெளியிட்டுள்ள டிவீட்டில் “ரகிட ரகிட.ஊ ஐபிஎல் போட்டிய துபாய் ல நெடத்தினாலும் சந்தோசமா இருப்போம். சென்னை சூப்பர் கிங்ஸ் கொடி அங்கயும் பறக்க விசில் காத கிழிக்க உல்லாசமா இருப்போம் தமிழ் மக்களோட ராஜாவா வாழுறோம் கண்டிப்பா ஐபிஎல்-யை ஆளுவோம். சிங்க பாய்ச்சல்” என்று தெரிவித்துள்ளார்.  
http://dlvr.it/Rgz6Rr

Read More

`விஷவாயுவிலிருந்து மீண்டவர்களைத் தாக்கும் கொரோனா; இறப்பவர்களில் 60%!’ - போபால் சர்ச்சை

போபால் மெமோரியல் மருத்துவமனை மற்றும் ஆராய்ச்சி மையத்தில் (பி.எம்.எச்.ஆர்.சி) தனிமை வார்டில் சிகிச்சை பெற்று வந்த 6 பேர் உயிரிழந்துள்ளனர். இவர்கள், போபால் விஷவாயுத் தாக்குதலில் பாதிக்கப்பட்டவர்கள் என்றும், இவர்கள் உயிரிழப்புக்கு மருத்துவமனையின் அலட்சியமும், நிர்வாகமின்மையும்தான் காரணம் என்றும் குற்றச்சாட்டு எழுந்திருக்கிறது. இதுதொடர்பாக 1984-ம் ஆண்டு நிகழ்ந்த போபால் விஷவாயுக் கசிவில் பாதிக்கப்பட்டு, உயிர் தப்பியவர்கள் குழு, உச்சநீதிமன்றத்தால் நியமிக்கப்பட்ட கண்காணிப்புக் குழுவுக்குக் கடிதம் எழுதியுள்ளது.Bhopal Memorial Hospital & Research Centre பி.எம்.எச்.ஆர்.சி என்பது, போபால் விஷவாயுத் தாக்குதலில் பாதிக்கப்பட்டவர்களின் மருத்துவத் தேவைகளை நிறைவு செய்வதற்காகக் கட்டப்பட்ட சூப்பர் ஸ்பெஷாலிட்டி மருத்துவமனையாகும். இந்த மருத்துவமனையை இந்திய மருத்துவ ஆராய்ச்சி கவுன்சில் (ஐ.சி.எம்.ஆர்) நடத்தி வருகிறது. அந்தக் கடிதத்தில், போபால் மருத்துவமனையின் தனிமைப்படுத்தப்பட்ட வார்டில் விஷவாயுத் தாக்குதலில் பாதிக்கப்பட்டவர்கள் (கொரோனா தொற்று உள்ள நபர் மற்றும் சந்தேகிக்கும் நபர்) சிகிச்சை இன்றி இறந்து விடுகிறார்கள். மேலும், ஐ.சி.யூ வசதி, நுரையீரல், நரம்பியல், காஸ்ட்ரோ-அறுவை சிகிச்சை மற்றும் நரம்பியல் அறுவை சிகிச்சை தேவைப்படும் நபர்கள் மருத்துவமனையில் அனுமதிக்க மறுக்கப்படுகிறார்கள் என்றும் அந்த குழு தெரிவித்துள்ளது.-போபால் விஷவாயுக் கசிவில் பாதிக்கப்பட்டு உயிர் தப்பியவர்கள் குழுதேவையான அளவு மருத்துவ உபகரணங்களோ, ஐ.சி.யூ வார்டுகளோ, நிரந்தர மருத்துவர்களோ போபால் மருத்துவமனையில் இல்லை. நாட்டுக்கே வழிகாட்டும் ஐ.சி.எம்.ஆர், போபாலில் அதைச் செய்யத் தவறிவிட்டது. கொரோனாவால் போபாலில் இறந்தவர்களில் 60 சதவிகிதத்துக்கும் அதிகமானோர் விஷவாயுத் தாக்குதலில் பாதிக்கப்பட்டவர்கள்தான். கடந்த ஜூன் மாதம் தனியார் நிறுவனம் நடத்திய ஆய்வில். இறந்த 60 நபர்களில் 48 நபர்கள் விஷவாயுத் தாக்குதலில் பாதிக்கப்பட்டவர்கள் என்று தெரியவந்துள்ளது. இந்த 48 பேரில் மூன்று பேர் தாக்குதலில் பாதிக்கப்பட்டவர்களுக்குப் பிறந்தவர்கள். இந்த ஆய்வு குறித்த அறிக்கையும் ஜூன் மாதமே, மத்தியப்பிரதேச முதல்வர் சிவராஜ் சவுகானுக்கு அனுப்பப்பட்டிருக்கிறது. Also Read: போபால் விஷவாயுவில் பிழைத்தவர்கள் கொரோனாவுக்குப் பலியா? மத்தியப்பிரதேசத்தின் போபாலில் யூனியன் கார்பைடு இந்தியா லிமிடெட் நிறுவனத்தில், கடந்த 1984-ம் ஆண்டு டிசம்பர் 2-ம் தேதி, விபத்து ஏற்பட்டது. இந்த விபத்தால் கசிந்த விஷவாயு அப்பகுதியில் பரவியதால் 3,500-க்கும் அதிகமானோர் பலியானார்கள். ஐந்து லட்சத்துக்கும் அதிகமானோர் தங்களின் கை, கால்களை இழந்தனர். சம்பவம் நடந்து 30 ஆண்டுகளுக்கு மேலாகியும், இந்தப் பகுதியில் பிறக்கும் குழந்தைகள் குறைபாடுகளுடனும் பிறக்கிறது என்று சமீபத்திய ஆய்வு கூறுகிறது.விஷவாயு தாக்கி இறந்தவர்கள் இந்த கொடூர விபத்தில் தப்பித்து உயிர் பிழைத்தவர்கள். தற்போது கொரோனா வைரஸால் பாதிக்கப்பட்டு உயிரிழக்கும் சோகம் நடந்து வருகிறது. கரணம், இந்த விஷவாயுவால் பாதிக்கப்பட்டவர்கள் பெரும்பாலும் இதயப் பிரச்னைகள், நுரையீரல் சமந்தாப்பட்ட பிரச்னை மற்றும் நீரிழிவு நோய்களில் அதிகம் பாதிக்கப்படுகின்றனர். இன்றளவும் போபாலில், விஷவாயுவால் ஏற்பட்ட பாதிப்புகளுடன் ஐந்து லட்சத்துக்கும் அதிகமானோர் வசிக்கின்றனர்.பாதிக்கப்பட்டவர்கள் விஷவாயுவால் பாதிப்புடன் இருப்பவர்களை கொரோனா தாக்கும்போது, மோசமான நிலை ஏற்படுவதாகவும், அவர்களுக்கு சிகிச்சை அளிப்பதில் மருத்துவமனை அலட்சியமாகச் செயல்படுவதாகவும் கூறி மத்தியப் பிரதேச உயர் நீதிமன்றத்தில் வழக்குத் தொடரப்பட்டது. அந்த வழக்கு நிலுவையில் உள்ளது. இந்த வழக்கின் விசாரணையின்போது, மாநில சுகாதார செயலாளர் நீதிமன்றத்தில் அடுத்த மாதம் ஆஜராக உத்தரவு பிறப்பிக்கப்பட்டுள்ளதாகவும் அந்தக் குழு தெரிவித்துள்ளது.
http://dlvr.it/RgxYrC

Read More

கேரளா, மேற்குவங்கத்தில் அதிகாலை ரெய்டு; சிக்கிய 9 அல்-கொய்தா தீவிரவாதிகள்! - என்.ஐ.ஏ அதிரடி

பாகிஸ்தானில் இருந்து செயல்படும் அல்-கொய்தா தீவிரவாத அமைப்பைச் சேர்ந்தவர்கள் தலைநகர் டெல்லி உள்ளிட்ட பல்வேறு பகுதிகளில் தாக்குதல் நடத்தத் திட்டமிட்டிருப்பதாக என்.ஐ.ஏ-வுக்கு ரகசியத் தகவல் கிடைத்திருக்கிறது. இதற்காக பல்வேறு மாநிலங்களில் பதுங்கியிருக்கும் தீவிரவாதிகள் திட்டமிட்டு வருவதாகவும் கிடைத்த தகவலையடுத்து, இதுதொடர்பாக என்.ஐ.ஏ கடந்த 11-ம் தேதி வழக்குப் பதிவு செய்து விசாரணையைத் தீவிரப்படுத்தியது. என்.ஐ.ஏ. இந்தநிலையில், கேரள மாநிலம் எர்ணாகுளம் மற்றும் மேற்குவங்க மாநிலம் முர்ஷிதாபாத் ஆகிய பகுதிகளில் இருந்து அல்-கொய்தா தீவிரவாத அமைப்பைச் சேர்ந்த 9 பேர் கைது செய்யப்பட்டுள்ளதாக என்.ஐ.ஏ தெரிவித்திருக்கிறது. எர்ணாகுளத்தில் மூன்று பேரையும், முர்ஷிதாபாத்தில் 6 பேரையும் சனிக்கிழமை நடத்திய ரெய்டில் கைது செய்திருப்பதாகத் தெரிவிக்கப்பட்டுள்ளது. Also Read: மருத்துவர் டு தீவிரவாதி... டாக்டர் பாம் தப்பியதும் மீண்டும் பிடிபட்டதும் எப்படி? முர்ஷிதாபாத்தைச் சேர்ந்த அபு சூஃபியான் தலைமையில் இவர்கள் செயல்பட்டு வந்தது, பாகிஸ்தானில் இருந்து செயல்படும் அல்-கொய்தா தீவிரவாத அமைப்பு சமூக வலைதளங்கள் மூலம் இவர்களை மூளைச் சலவை செய்ததும் முதற்கட்ட விசாரணையில் தெரியவந்திருப்பதாக என்.ஐ.ஏ தெரிவித்திருக்கிறது. மேலும், தலைநகர் டெல்லி உள்ளிட்ட இடங்களில் தாக்குதல் நடத்தவும், அதற்காக ஆயுதங்கள் வாங்க டெல்லிக்கு இவர்களில் சிலர் பயணப்படத் திட்டமிட்டிருந்ததும் விசாரணையில் தெரியவந்திருக்கிறது. அதேபோல், டெல்லி உள்ளிட்ட பகுதிகளில் ஆயுதங்களை வாங்கி, அவற்றை காஷ்மீரில் உள்ள தீவிரவாதிகளிடம் அளிக்கும் அசைன்மெண்டும் இவர்களுக்குக் கொடுக்கப்பட்டிருந்ததாக என்.ஐ.ஏ கூறியிருக்கிறது. இவர்களது கைது மூலம் மிகப்பெரிய நாச வேலை முறியடிக்கப்பட்டிருக்கிறது. இதற்காக அவர்கள் நிதி திரட்டும் முயற்சியிலும் ஈடுபட்டு வந்திருக்கிறார்கள். கைது செய்யப்பட்ட அல்-கொய்தா தீவிரவாதிகள் முர்ஷித் ஹசன், இயாகூப் பிஸ்வாஸ் மற்றும் மோசரப் ஹூசைன் ஆகிய 3 பேர் கேரள மாநிலம் எர்ணாகுளத்தில் அதிகாலை ரெய்டில் கைது செய்யப்பட்டிருக்கிறார்கள். மேலும், நஜ்மஸ் ஷகிப், அபு சூஃபியான், மைனுல் மொண்டல், லேயான் அஹமத், அல் மமூன் கமல், அடிடூர் ரெஹ்மான் ஆகியோர் மேற்குவங்க மாநிலம் முர்ஷிதாபாத்தில் கைது செய்யப்பட்டிருக்கிறார்கள். கைது செய்யப்பட்டவர்களில் 6 பேர் மேற்குவங்கத்தையும் மூன்று பேர் கேரளாவையும் சேர்ந்தவர்கள். கைது செய்யப்பட்டவர்களிடம் இருந்து டிஜிட்டல் சாதனங்கள், ஆவணங்கள், ஜிஹாதி தொடர்பான இலக்கிய குறிப்புகள், கூர்மையான ஆயுதங்கள், நாட்டுத் துப்பாக்கிகள், வெடிகுண்டு தயாரிப்பு தொடர்பான ஆவணங்கள், பாதுகாப்பு உபகரணங்கள் உள்ளிட்டவைகளை என்.ஐ.ஏ அதிகாரிகள் கைப்பற்றியிருக்கிறார்கள். Also Read: ஐ.எஸ்.ஐ.எஸ் தொடர்பு முதல் வில்சன் கொலை வரை! - குற்றப்பத்திரிகையைத் தாக்கல் செய்த என்.ஐ.ஏ மேலும், வெடி மருந்துகள், வெடிகுண்டு தயாரிப்பில் பயன்படுத்தப்படும் பேட்டரிகள், சுவிட்சுகள் போன்றவை சூஃபியானின் முர்ஷிதாபாத் வீட்டில் இருந்து கைப்பற்றப்பட்டுள்ளதாகத் தெரிவிக்கப்பட்டுள்ளது. கைது செய்யப்பட்டவர்கள் கேரளா மற்றும் மேற்குவங்க சிறப்பு என்.ஐ.ஏ நீதிமன்றங்களில் ஆஜர்படுத்தப்பட்டு விசாரணைக்காக கஸ்டடியில் எடுக்கப்படுவார்கள் என்கிறது என்.ஐ.ஏ.
http://dlvr.it/RgwmFr

Read More

ரசிகர்கள் இல்லாத மைதானம், கைகுலுக்க கூடாது; கட்டுப்பாடுகளுடன் தொடங்குகிறது ஐபிஎல்

கொரோனா பரவல் காரணமாக, பல்வேறு கட்டுப்பாடுகளுடன் ஐபிஎல் கிரிக்கெட் தொடர் ‌ஐக்கிய அரபு அமீரகத்தில் ‌இன்று தொடங்குகிறது. ரசிகர்களுக்கு அனுமதி மறுப்பு, வீரர்களுக்கு பல்வேறு கட்டுப்பாடுகள் என வித்தியாசமான முறையில் நடக்கப் போகிறது 13ஆவது ஐபிஎல் கிரிக்கெட் தொடர்‌‌. கொரோனா பரிசோதனை, தனிமைப்படுத்தல், அதனைத் தொடர்ந்து பயிற்சியை மேற்கொண்ட 8 அணிகளும், யுத்தத்திற்கு ஆயத்தமாக களம் காண்கின்‌றன. வழக்கமாக ரசிகர்கள் கூட்டம் அலைமோதும் நிலையில், தற்போது முதல்முறையான மைதானத்தில் ரசிகர்கள் இன்றி ஐபிஎல் போட்டி நடத்தப்படுகிறது. ‌ சியர்லீடர்ஸ் எனப்படும் நடன அழகிகளின் கலக்கல் நடனத்தை இம்முறை காண முடியாது. நோய்த் தொற்று ஏற்படாமல் தடுக்க, வீரர்களுக்கு பல கட்டுப்பாடுகள் விதிக்கப்பட்டிருக்கின்றன. மைதானத்திற்குள் நுழையும் வரை ஒவ்வொரு வீரரும் முகக்கவசம் அணிந்திருக்க வேண்டும். டாஸ் போடும்போதும், போட்டி முடிந்த பிறகும் வீரர்கள் கைகுலுக்குவதை தவிர்க்க வேண்டும் என தெரிவிக்கப்பட்டுள்ளது. ஆட்டத்தின் இடையே தண்ணீர் மற்றும் குளிர்பானங்கள்‌ எடுத்துவரப்படும்போது, வீரர்கள் கையை கிருமிநாசினியால் சுத்தம் செய்த பிறகு அவற்றை பருக வேண்டும். இன்று முதல் நவம்பர் 10ஆம் தேதி வரை களைகட்டவுள்ள ஐபிஎல் தொடரில், ஒவ்வொரு அணியும் லீக் சுற்றில் மற்ற அணிகளுடன் தலா 2 முறை மோதும். புள்ளிகள் பட்டியலில் முதல் 4 இடங்களைப் பிடிக்கும் அணிகள் பிளே ஆஃப் சுற்றுக்கு முன்னேறும். முதல் ஆட்டத்திலேயே நடப்புச் சாம்பியனான மும்பை அணியும், முன்னாள் சாம்பியனான சென்னை அணியும் மோதுவது ரசிகர்களிடம் மிகுந்த எதிர்பார்ப்பை ஏற்படுத்தியுள்ளது. அபுதாபியில் நடைபெறும் இந்தப் போட்டி இந்திய நேரப்படி இரவு 7.30 மணிக்குத் தொடங்கிறது.
http://dlvr.it/Rgw5JF

Read More

இந்திய நடிகர்களில் அதிகம் ரீட்விட் செய்யப்பட்ட விஜய் செல்ஃபி...!

நடிகர் விஜய் மாஸ்டர் படபிடிப்பின்போது நெய்வேலியில் பொதுமக்களுடன் எடுத்த செல்ஃபி இந்திய நடிகர்களில் அதிகம் ரீட்விட் செய்யப்பட்ட செல்ஃபியாக புதிய சாதனை படைத்துள்ளது. நடிகர் விஜய் இயக்குநர் லோகேஷ் கனகராஜ் இயக்கத்தில் ‘மாஸ்டர்’ படத்தில் நடித்து வந்தார். அப்படத்தின் படபிடிப்பு கடந்த பிப்ரவரி மாதம் நெய்வேலியில் நடந்தபோது விஜய் வீட்டில் வருமான வரித்துறையினர் சோதனை நடத்தினார்கள். அப்போது, விஜய் நெய்வேலியில் பேருந்து ஒன்றின் மீது ஏறி நின்று மக்களுடன் கூலாக செல்ஃபி எடுத்து தனது ட்விட்டர் பக்கத்தில் வெளியிட்ட புகைப்படம் பெரும் வைரலானது.        இந்நிலையில், அந்தப் புகைப்படம்தான் தற்போது இந்திய நடிகர்களிலேயே அதிகம் ரீட்விட் செய்யப்பட்ட புகைப்படமாக புதிய சாதனையை படைத்துள்ளது. இது தொடர்பாக டைம்ஸ் ஆஃப் இந்தியா நாளிதழ் செய்து வெளியிட்டுள்ளது. அதன்படி, இதற்கு முன்பு, நடிகர் ஷாருக்கான், மற்றும் அக்‌ஷய் குமார் புகைப்படங்கள்தான் இந்த சாதனையை பிடித்திருந்தன. தற்போது விஜய்யின் செல்ஃபி புகைப்படம் அவர்களின் சாதனையை முறியடித்துள்ளது. இத்தகவலை சினிமா துறையினரும், விஜய் ரசிகர்களும் கொண்டாடி ட்ரெண்ட் செய்து வருகிறார்கள்.  
http://dlvr.it/RgtMm3

Read More

`416 பாக்கெட்டுகள்; 50 டெட்டனேட்டர்கள்; 52 கிலோ!’- புல்வாமா வகைத் தாக்குதலைத் தடுத்த ராணுவம்

ஜம்மு - காஷ்மீரின் புல்வாமா நெடுஞ்சாலையில் கடந்த ஆண்டு பிப்ரவரியில் நிகழ்த்தப்பட்ட பயங்கரவாதத் தாக்குதலில் 40-க்கும் அதிகமான சி.ஆர்.பி.எஃப் வீரர்கள் கொல்லப்பட்டார்கள். இந்தச் சம்பவம் தேசிய அளவில் பெரும் அதிர்வலைகளை ஏற்படுத்தியது. இந்தச் சூழலில், தற்போது அதேபோன்ற மற்றொரு தாக்குதல் முயற்சியை நம் ராணுவம் தடுத்து நிறுத்தியிருக்கிறது.கைப்பற்றப்பட்ட வெடிபொருள் காஷ்மீரின் கரீவா (Karewa) பகுதியில் வெடிபொருள்கள் பதுக்கப்பட்டிருப்பதாக நம் இந்திய ராணுவத்துக்கு ரகசியத் தகவல் கிடைத்தது. இதையடுத்து, ஜம்மு - காஷ்மீர் தேசிய நெடுஞ்சாலையை ஒட்டிய அவந்திப்போராவை அடுத்த கடிகல் (Gadikhal) கிராமத்தின் வனப்பகுதிகளில் ராணுவத்தினரும் துணை ராணுவப் படையினரும் தேடுதல் வேட்டையில் ஈடுபட்டனர். நேற்று காலை 8 மணி அளவில் நடத்தப்பட்ட இந்தத் தேடுதல் வேட்டையில், பழத்தோட்டம் ஒன்றில் புதைக்கப்பட்டிருந்த சின்டெக்ஸ் தொட்டி ஒன்று கண்டுபிடிக்கப்பட்டது. அந்தத் தொட்டியில் சுமார் 52 கிலோ எடையுள்ள வெடிபொருள்கள் கண்டுபிடிக்கப்பட்டன. அங்கிருந்து 125 கிராம் எடையுள்ள 416 ஜெலட்டின் குச்சிகள் கண்டெடுக்கப்பட்டன. தேடுதல் வேட்டையை இந்திய ராணுவமும் துணை ராணுவப் படையும் தீவிரப்படுத்தியபோது, அதேபோன்ற மற்றொரு சின்டெக்ஸ் தொட்டி கண்டுபிடிக்கப்பட்டது. இதில் 50 டெட்டனேட்டர்கள் இருந்தது தெரியவந்தது. `சூப்பர் 90' அல்லது `எஸ்-90' என்று அழைக்கப்படும் வெடிபொருள்கள் அவை என்று அதிகாரிகள் தெரிவித்திருக்கிறார்கள். Police, Rashtriya Rifles & CRPF held a joint search of the nursery area near forests of Gadikhal village in Awantipora & recovered 416 high explosive gelatin sticks & 50 detonators from two explosive dumps which were concealed underground in plastic tanks: Awantipora Police, J&K pic.twitter.com/eCA9UtX2vi— ANI (@ANI) September 17, 2020 கடந்த 2019-ம் ஆண்டு புல்வாமா பயங்கரவாதத் தாக்குதல் நடைபெற்ற இடத்திலிருந்து 9 கிலோமீட்டர் தொலைவில் இவை கண்டுபிடிக்கப்பட்டிருக்கின்றன. அந்தத் தாக்குதலில் 35 கிலோ ஆர்.டி.எக்ஸ் வகை வெடிபொருள்கள் பயன்படுத்தப்பட்டிருந்தன. மேலும், அந்தத் தாக்குதலுக்கு ஜெய்ஷ்-இ-முகமது அமைப்பு பொறுப்பேற்றிருந்தது.
http://dlvr.it/RgsC0g

Read More

பள்ளி மாணவர்களுக்கு ஊட்டச்சத்து க்விஸ், மீம்ஸ் போட்டி - இணையவழியில் பங்கேற்க அழைப்பு

தேசிய ஊட்டச்சத்து நாளை முன்னிட்டு அனைத்து வகை பள்ளி மாணவர்களுக்கும் உணவு மற்றும் ஊட்டச்சத்து சார்ந்த வினாடி வினா, மீம்ஸ் போட்டிகளுக்கான அறிவிப்பை ஒருங்கிணைந்த பள்ளிக்கல்வி மாநிலத் திட்ட இயக்ககம் வெளியிட்டுள்ளது. பிரதமர் நரேந்திர மோடியால் தொடங்கப்பட்ட தேசிய ஊட்டச் சத்து இயக்கம், கொரோனா பாதுகாப்பு விதிமுறைகளைப் பின்பற்றி செப்டம்பர் மாதம் முழுவதும் மாபெரும் மக்கள் இயக்கமாகக் கொண்டாடப்படுகிறது. பள்ளி மாணவர்களிடையே விழிப்புணர்வை ஏற்படுத்தும் வகையில், தேசிய பள்ளிக்கல்வி அமைச்சகம் பள்ளி செல்லும் குழந்தைகளுக்கு இடையே உணவு மற்றும் ஊட்டச்சத்து சார்ந்த இரண்டு போட்டிகளை இணையவழியில் நடத்துகிறது. உணவு மற்றும் ஊட்டச்சத்து சார்ந்த வினாடி வினா போட்டி செப்டம்பர் 1 ம் தேதி முதல் 30ம் தேதி வரையும், உணவு மற்றும் ஊட்டச் சத்து சார்ந்த மீம்ஸ் உருவாக்கும் போட்டி செப்டம்பர் 5 ம் தேதி முதல் 20 ம் தேதி வரையும் நடைபெறவுள்ளது. இ-க்விஸ் போட்டியில் கலந்துகொண்டு சரியான விடையளிக்கும் மாணவர்கள் என்சிஇஆர்டி ஆன்லைன் சான்றிதழ்களை வழங்கும். மாநில எஸ்இஆர்டியால் தேர்ந்தெடுத்து அனுப்பப்படும் சிறந்த 5 மீம்ஸ்களில் தேசிய அளவில் வெற்றிபெறும் மீம்ஸ்களுக்கு தேசிய அளவிலான சான்றிதழ் வழங்கப்படும். இந்தப் போட்டிகள் குறித்த தகவல்களை அனைத்துவகை பள்ளிகளுக்கும் அனுப்பிவைக்குமாறு மாவட்ட முதன்மைக் கல்வி அலுவலர்களுக்கு அறிவுறுத்தப்பட்டுள்ளது. போட்டியில் பங்கேற்க உதவும் இணையதள முகவரி: mygov.in/campaigns
http://dlvr.it/Rgq78D

Read More

India-China standoff: `சந்தேகம் வேண்டாம்... நமது எல்லைகளைப் பாதுகாப்பது உறுதி!’ - ராஜ்நாத் சிங்

இந்திய - சீன எல்லைப் பகுதியில் கடந்த ஏப்ரல் மாதம் முதல் தொடர்ந்து பதற்றம் நிலவிவருகிறது. டோக்லாம் தொடங்கி கல்வான் பள்ளத்தாக்கு மோதல் வரை பல்வேறு இடங்களில் சீனாவின் அத்துமீறலை இந்தியா தொடர்ந்து முறியடித்ததோடு, கிழக்கு லடாக்கின் பாங்கோங் சோ ஏரியைச் சுற்றியிருக்கும் முக்கியமான பகுதிகளையும் கைப்பற்றியது. இது தொடர்பாக மாஸ்கோவில் நடைபெற்ற ஷாங்காய் ஒத்துழைப்பு மாநாட்டின்போது இரு நாட்டு பாதுகாப்பு மற்றும் வெளியுறவுத்துறை அமைச்சர்கள் ஜெய்சங்கரும், வாங் யீ-யும் நேரில் சந்தித்து ஆலோசனை நடத்தினார்கள். அந்தச் சந்திப்பின்போது எல்லையில் படைகளைத் திரும்பப் பெறுவது தொடர்பான ஐந்து அம்சத் திட்டத்துக்கு ஒப்புதல் அளிக்கப்பட்டது. இந்நிலையில், நாடாளுமன்ற மழைக்கால கூட்டத்தொடர் திங்கட்கிழமை டெல்லியில் தொடங்கியது. இந்தக் கூட்டத்தொடரில், லடாக் எல்லை நிலவரம் குறித்து மக்களவையில் விவாதம் நடத்த வேண்டும் என்று காங்கிரஸ் தரப்பில் வலியுறுத்தப்பட்டு அனுமதி மறுக்கப்பட்டதால், காங்கிரஸ் எம்.பி-க்கள் வெளிநடப்பு செய்தனர். இது குறித்து மக்களவை காங்கிரஸ் தலைவர் ஆதிர் ரஞ்சன் சௌத்ரி, ``கடந்த 1962 போரின்போது மக்களவையில் விவாதம் நடத்த வாஜ்பாய் வலியுறுத்தியதை நேரு ஏற்றுக்கொண்டார். ஆனால், தற்போது நரேந்திர மோடி அரசு விவாதத்துக்கு அஞ்சுகிறது’’ என்றார்.எல்லையில் படை இதற்கு பதிலளிக்கும்விதமாக, மழைக்கால கூட்டத்தொடரின் இரண்டாவது நாளான செவ்வாய்க் கிழமையன்று பேசிய மத்திய பாதுகாப்புத்துறை அமைச்சர் ராஜ்நாத் சிங், ``எல்லையில் நிலவும் அமைதியைக் குலைக்கும் வகையில் கடந்த மே மற்றும் ஜூன் மாதங்களில் சீனா நடந்துகொண்டது. அதற்கு இந்திய ராணுவமும் உரிய பதிலடி கொடுத்தது. `இது போன்ற சம்பவங்களை ஏற்றுக்கொள்ள முடியாது’ என்று சீனாவிடம் நாம் தெரிவித்துவிட்டோம். இருப்பினும் எல்லைப் பகுதிகளில் சீனா தொடர்ந்து அத்துமீறல் சம்பவங்களில் ஈடுபட்டுவருகிறது. Also Read: `லடாக் எல்லையில் பஞ்சாபிப் பாடல்களை ஒலிக்கவிடும் சீன ராணுவம்!’ - ஏன் தெரியுமா? யூனியன் பிரதேசமான லடாக்கில் 38,000 சதுர கி.மீ பகுதியை சீனா தன்னுடையது என்கிறது. அதேபோல், அருணாச்சலப்பிரதேசத்தில் இந்திய - சீன எல்லைப் பகுதியின் கிழக்குப் பகுதியிலுள்ள 90,000 சதுர கி.மீ பகுதியைச் சொந்தம் கொண்டாடிவருகிறது. இதற்கு ஆதாரமாக 1993-ம் ஆண்டு கையொப்பமான சீனா-பாகிஸ்தான் உடன்படிக்கையை அந்த நாடு சொல்லிவருகிறது. ஆனால், அந்தப் பகுதிகள் நம்முடைய ஆளுகைக்குட்பட்டவை. இந்தியா - சீனா இடையிலான பாரம்பர்ய எல்லைக் கட்டுப்பாட்டுப் பகுதி தொடர்பான ஆவணங்களை ஏற்க சீனா தொடர்ந்து மறுத்துவருகிறது. எல்லைப் பிரச்னை முழுமையாகத் தீர்க்கப்படாத நிலையில், எந்தச் சூழலையும் சமாளிக்கும் வகையில் ராணுவம் மற்றும் பாதுகாப்புப் படைகள் தயார்நிலையில் இருக்கின்றன’’ என்றார். மக்களவை அலுவலில் பங்கேற்காத காங்கிரஸ் கட்சியின் முன்னாள் தலைவர் ராகுல் காந்தி, ராஜ்நாத் சிங் மக்களவையில் தாக்கல் செய்த அறிக்கைக்கு தன் ட்விட்டர் பக்கத்தில் கருத்து தெரிவித்திருந்தார். இதில், ``பாதுகாப்பு அமைச்சரின் அறிக்கையின் மூலம் சீனா அத்துமீறல் விவகாரத்தில் இந்திய நாட்டை பிரதமர் நரேந்திர மோடி தவறாக வழிநடத்தியிருக்கிறார் என்பது தெளிவாகத் தெரிகிறது. மோடி ஜி., நீங்கள் எப்போது சீனாவுக்கு எதிராக நிற்கப்போகிறீர்கள்..? சீனாவின் பெயரைக் குறிப்பிட அஞ்சாதீர்கள்" என்று கருத்து பதிவிட்டிருந்தார்.ராஜ்நாத் சிங் இதையடுத்து, ராஜ்நாத் சிங்கின் நாடாளுமன்ற அறிக்கைக்கு பதிலளித்த சீன வெளியுறவு அமைச்சக செய்தித் தொடர்பாளர் வாங் வென்பின், ``தற்போதைய எல்லை நிலவரங்களுக்குப் பொறுப்பு சீனாவிடத்தில் இல்லை. இப்போதைக்கு மிகவும் அவசரமான காரியம் என்னவெனில் இந்தியா தன் படைகளை வாபஸ் பெற வேண்டும் என்பதே. தன் தவற்றை இந்தியா திருத்திக்கொள்ள வேண்டும். தரைப்படைகளை விலக்கிக்கொள்வதன் மூலம் பதற்றத்தைத் தணிக்க முடியும். இந்தியப் படைகள்தான் உடன்படிக்கைகளை மீறுகின்றன. முதலில் ஊடுருவி, சீனப் படைகள்மீது துப்பாக்கிச்சூடு நடத்தியது இந்தியப்படைகளே. இருநாட்டு வெளியுறவு அமைச்சர்களுக்கிடையே ஏற்பட்ட ஐந்து அம்சத் திட்டத்தை இந்தியா கடைப்பிடிப்பதோடு முந்தைய உடன்படிக்கைகளையும் கடைப்பிடிக்க வேண்டும்" என்று தெரிவித்தார்.இந்தியா - சீனா இந்நிலையில், இன்று மீண்டும் மக்களவையில் பேசிய பாதுகாப்புத்துறை அமைச்சர் ராஜ்நாத் சிங், ``சர்வதேச எல்லையில் அத்துமீறல் முயற்சிகளைக் கைவிடாவிட்டால் எத்தனை வலிமையான, பெரிய நடவடிக்கைகளையும் எடுக்க இந்தியா தயங்காது’’ என்று எச்சரிக்கை விடுத்திருக்கிறார். இந்திய-சீன எல்லைப் பிரச்னை சிக்கலானது என்றும், பொறுமையாகத் தீர்க்கப்பட வேண்டிய ஒன்று என்பதையும் இரு நாடுகளும் நம்புவதாகத் தெரிவித்தார். இந்தியாவும் சீனாவும் பல ஆண்டுகளாக செய்துவந்த பல்வேறு ஒப்பந்தங்களையும், பொதுவான புரிதல்களையும் பட்டியலிட்டுப் பேசிய ராஜ்நாத் சிங், ``2003-ம் ஆண்டுக்குப் பிறகு இந்த ஒப்பந்தங்களை சீனா மதிக்கவில்லை" என்றார்.இந்தியா - சீனா எல்லை இந்தியா-சீனா எல்லைப் பதற்றம் தொடர்பாக எந்தவொரு சூழ்நிலையையும் சமாளிக்க இந்தியா தயாராக இருப்பதாகத் தெரிவித்த ராஜ்நாத் சிங், உண்மையான கட்டுப்பாட்டுக் கோட்டின் (எல்.ஓ.சி) பாரம்பர்ய வழக்கமான சீரமைப்பை சீனா அங்கீகரிக்கவில்லை என்றும், இரு நாடுகளுக்கும் இடையிலான எல்லைப் பிரச்னை தீர்க்கப்படாமல் இருக்கிறது என்றும் கூறினார். ``இந்திய-சீன எல்லைப் பிரச்னைக்கு தீர்வுகாண முயன்றுவருகிறோம், அதேவேளையில், எந்தச் சவாலையும் எதிர்கொள்ளத் தயார்நிலையில் இருக்கிறோம். நாட்டின் எல்லைகளை பாதுகாப்பதற்கான எங்கள் உறுதியைப் பற்றி யாருக்கும் சந்தேகம் இருக்கக் கூடாது’’ என்றும் ராஜ்நாத் சிங் தெரிவித்தார். Also Read: அருணாச்சல பிரதேசம்: 5 இந்தியர்கள் மாயமான விவகாரம்... இந்திய ராணுவத்தினரிடம் ஒப்படைத்த சீனா!
http://dlvr.it/RgpXTt

Read More

நடிகை கங்கனா ரனாவத்துடன் மல்லுக்கு நிற்கும் நடிகை ஊர்மிளா

பாலிவுட்டில் தலைவிரித்தாடும் போதை பொருட்கள் பயன்பாடு குறித்து அண்மையில் சர்ச்சை கருத்தை சொல்லியிருந்தார் பாலிவுட் நடிகை கங்கனா ரனாவத்.  மகாராஷ்டிரா மாநில அரசியலில் கங்கனாவின் கருத்து அதிர்வலைகளை எழுப்பிய நிலையில் ‘போதை பொருள் விவகாரத்தில் முதலில் உங்கள் சொந்த மாநிலமான ஹிமாச்சல பிரதேசத்தின் நிலையை பாருங்கள்’ என நடிகை கங்கனாவுடன் மல்லுக்கு நிற்கிறார் நடிகை ஊர்மிளா.  பாலிவுட் நடிகையான அவர் நடிகர் கமலின் இந்தியன் படத்தில் நடித்துள்ளார். தனியார் செய்தி நிறுவனத்துக்கு அவர் பேட்டியளித்தபோது இதனை சொல்லியுள்ளார்.  “போதை பொருள் பயன்பாடு தொடர்பான அச்சுறுத்தல் தேசம் முழுவதுமே எழுந்துள்ளது. ஹிமாச்சல பிரேதசம் தான் போதை பொருட்களின் தாய் வீடு என்பது அவருக்கு தெரியுமா என தெரியவில்லை. மற்ற மாநிலங்களை குறை சொல்வதற்கு முன்னர்,முதல் அவரது சொந்த மாநிலத்திலிருந்து அந்த பணியினை ஆரம்பிக்கலாம்.  சத்தமாக பேசுவதால் ஒரு நபர் உண்மையை தான் பேசுகிறார் என நம்ப வேண்டிய அவசியமில்லை. அனைவரது கவனத்தையும் ஈர்க்க வேண்டுமென விரும்புகின்ற ஒருவர் தான் இப்படி நடந்து கொள்வார்” என அவர் தெரிவித்துள்ளார்.
http://dlvr.it/RgnL7B

Read More

பட்டியலினத்தைச் சேர்ந்தவருக்கு முடிவெட்ட மறுத்த சலூன் – புதிய சலூனை திறந்த அரசு..!

கேரள மாநிலம் இடுக்கி மாவட்டத்தில் உள்ள வட்டவடா பஞ்சாயத்துக்கு உட்பட்ட பகுதிகளில் பட்டியலினத்தைச் சேர்ந்தவர்களுக்கு முடிவெட்ட சலூன் கடைகள் மறுப்பதாக புகார்கள் எழுந்தன. இது கேரள அரசு வரை சென்றது. இதுதொடர்பாக மார்க்சிஸ்ட் கம்யூனிஸ்ட் கட்சியைச் சேர்ந்தவரும், வட்டவடா பஞ்சாயத்து தலைவருமான ராமராஜ் விசாரணை மேற்கொண்டார். பின்னர், சலூன் கடைக்காரர்களுக்கு பஞ்சாயத்து சார்பில் வழங்கப்பட்ட உரிமம் ரத்து செய்யப்பட்டதுடன், கடைகளை அடைக்கவும் அவர் உத்தரவிட்டார்.  இதனையடுத்து, பஞ்சாயத்து சார்பில் கோவிலூர் பகுதியில் புதிய சலூன் கடை திறக்கப்பட்டுள்ளது. புதிய சலூன் கடையை, தேவிகுளம் சட்டமன்ற உறுப்பினர் எஸ்.ராஜேந்திரன் அண்மையில் திறந்து வைத்தார். கடை திறக்கப்பட்ட போது அங்கு 13 பேர் வாடிக்கையாளர்களாக இருந்தனர். அதில் 8 பேர் பிற்படுத்தப்பட்ட சமுதாயத்தைச் சேர்ந்தவர்கள், 5 பேர் பட்டியலின சமுதாயத்தைச் சேர்ந்தவர்கள். இங்கு எந்தவித பேதமில்லாமல் அனைவருக்கும் முடி வெட்டப்படும் என்றும், மற்ற சலூனில் வசூலிக்கப்படும் கட்டணமே வாங்கப்படும் என தெரிவிக்கப்பட்டுள்ளது. இந்த சம்பவம் இடுக்கி மாவட்டத்தில் பெரும் வரவேற்பை பெற்றுள்ளது.  
http://dlvr.it/RglDFM

Read More

இறுதி செமஸ்டருக்கு முன் முதுகலை மாணவர் சேர்க்கை நடத்தினால் நடவடிக்கை!

தமிழகத்தில் அரசு மற்றும் தனியார் கல்லூரிகளில் மாணவர் சேர்க்கை நடத்தப்பட்டு வருகிறது. கொரோனா பரவல் காரணமாக கல்லூரிகளில் பருவத் தேர்வுகள் ரத்து செய்யப்பட்டன. இறுதி செமஸ்டர் தேர்வுகள் மட்டும் நடத்தப்படவுள்ளன. இந்த நிலையில், இளநிலைப் படிப்புகளின் ஐந்தாவது செமஸ்டர் தேர்வை கணக்கில் கொண்டு முதுகலை பட்டப் படிப்புகளுக்கான மாணவர் சேர்க்கையை நடத்திவருவதாக புகார் எழுந்துள்ளது. இறுதி செமஸ்டர் தேர்வு முடிவதற்கு முன்பே, முதுகலை மாணவர் சேர்க்கை நடத்தினால் சம்பந்தப்பட்ட கல்லூரிகள் மீது நடவடிக்கை எடுக்கப்படும் என கல்லூரிக் கல்வி இயக்குனர் சார்பில் தெரிவிக்கப்பட்டுள்ளது. குறிப்பாக கலை, அறிவியல் கல்லூரிகளில் இளநிலைப் பட்டப்படிப்புப் படித்து வரும் மாணவர்களுக்கு இன்னும் இறுதியாண்டு இறுதி செமஸ்டர் தேர்வு நடத்தப்படவில்லை. எனவே முதுகலை மாணவர் சேர்க்கை பற்றி கல்லூரிகளுக்கு கல்லூரிக் கல்வி இயக்குனரகம் எச்சரிக்கை விடுத்துள்ளது.
http://dlvr.it/RgkbwM

Read More

கேலரிக்குள் புகுந்து எதிரணி ரசிகர்களை பந்தாடிய கால்பந்தாட்ட வீரர் !

ஜெர்மன் நாட்டை சேர்ந்த கால்பந்தாட்ட வீரர் டோனி லெஸ்னர் உள்ளூரில் தற்போது நடைபெற்று வரும் ஜெர்மன் கோப்பைக்கான தொடரில் ஹாம்பர்க் அணிக்காக தடுப்பாட்டக்காரராக விளையாடி வருகிறார். கொரோனா அச்சுறுத்தலுக்கு மத்தியிலும் பார்வையாளர்கள் போட்டியை காண  இந்த தொடரில் அனுமதிக்கப்பட்டுள்ளனர். டைனோமோ அணியுடனான போட்டியில் 1-4 என்ற கோல் வித்தியாசத்தில் டோனியின் அணி தோல்வியை தழுவியது.  ஆட்டம் முடிந்த பிறகு தோல்விக்கான காரணம் குறித்து அவர் ஊடகத்திடம் விவரித்து கொண்டிருந்தார். அப்போது அவர் திடீரென ஆவேசம் அடைந்து கேலரிக்குள் புகுந்து டைனமோ அணியின் ரசிகர்களுடன் மோதலில் இறங்கினார். பாதுகாப்பு பணியிலிருந்த காவலர்கள் இருதரப்புக்கும் இடையிலான மோதலை தடுத்து நிறுத்தியுள்ளனர்.  ‘போட்டி முடிந்த பிறகு என்னை வார்த்தை ரீதியாக கேலரியில் இருந்தவர்கள் கடுமையாக சாடினர். கால்பந்தாட்ட களத்தில் இது சாதாரண விஷயம் என்றாலும் எனது மனைவியையும், மகளையும் அவர்கள் என் காதுபடவே திட்டியதால் நான் ஆவேசமானேன்’ என இன்ஸ்டாகிராமில் டோனி தெரிவித்துள்ளார். 
http://dlvr.it/RgjPqw

Read More

செல்ஃபி மோகத்தில் இருந்த தாய் - கடல் அலையில் அடித்துச் செல்லப்பட்டக் குழந்தை!!

கேரளா மாநிலம் பாலக்காடு மாவட்டத்தைச் சேர்ந்தவர்கள் லக்‌ஷ்மணன் - அனிதாமொழி தம்பதியினர். இவர்களுக்கு இரண்டு குழந்தைகள் உள்ளனர். இவர்கள் ஞாயிற்றுக்கிழமை ஆலப்புழாவில் உள்ள தனது உறவினராக பினு என்பவர் வீட்டிற்கு ஒரு திருமண நிகழ்ச்சிக்காக சென்றுள்ளனர். திருமணம் முடிந்த பிறகு, ஞாயிறு மாலை அனிதாமொழியின் இரண்டு குழந்தைகள் மற்றும் பினுவின் மகனோடு கடற்கரைக்குச் சென்றிருக்கின்றனர். கடல் சீற்றம் சற்று அதிகமாக இருந்ததால் போலீஸார் கடற்கரையின் முன்பகுதியில் உள்ளே செல்ல அனுமதி கொடுக்கவில்லை. எனவே அங்குள்ள இ.எஸ்.ஐ மருத்துவமனைக்கு அருகிலுள்ள பகுதிக்குச் சென்றிருக்கின்றனர். பினு காரை நிறுத்தச் சென்றபிறகு, அனிதாமொழி மூன்று குழந்தைகளுடன் செல்ஃபி எடுத்துள்ளார். திடீரென வேகமாக எழும்பிய ராட்சத அலையால் அனிதாமொழி தடுமாறி விழுந்துள்ளார். பினு மற்ற இரண்டு குழந்தைகளையும் இழுத்துப் பிடித்துள்ளார். ஆனால் அனிதாமொழியின் கையிலிருந்த இரண்டரை வயது மகன் ஆதிகிருஷ்ணா கடலலையில் அடித்துச்செல்லப்பட்டான் என டைம்ஸ் ஆஃப் இந்தியாவிற்கு போலீஸார் கொடுத்த அறிக்கையில் தெரிவித்துள்ளனர். இதனால் மாவட்ட குழந்தைகள் நலவாரியம், குழந்தைகளை கடற்கரைக்கு அழைத்துச் சென்றதற்காக அவர்கள்மீது வழக்குப்பதிவு செய்யுமாறு வலியுறுத்தியுள்ளனர்.    
http://dlvr.it/RggLc9

Read More