சிறுவனின் தொண்டைக்குள் சிக்கிய பாட்டில் மூடி! சமயோசிதமாக செயல்பட்டு உயிரைக் காத்த ஆசிரியை!

அமெரிக்காவில் ஒரு பள்ளி வகுப்பறையில் சிறுவன் ஒருவன் தண்ணீர் குடிக்கும்போது திடீரென பாட்டில் மூடி சிறுவனின் தொண்டைக்குழிக்குள் சிக்கிக் கொள்ள, சமயோசிதமாக செயல்பட்ட ஆசிரியை மூச்சுத் திணறிக் கொண்டிருந்த அவனை காப்பாற்றியுள்ளார். அமெரிக்காவின் நியூ ஜெர்சி மாகாணத்தில் ஈஸ்ட் ஆரஞ்சு சமூக பட்டயப் பள்ளி ஒன்று செயல்பட்டு வருகிறது. இந்தப் பள்ளியில் மூன்றாம் வகுப்பு படித்து வருகிறான் 9 வயதான சிறுவன் ராபர்ட். அவன் பாட்டிலிலிருந்து தண்ணீர் குடிக்க முடிவெடுத்துள்ளான். ஆனால் கைகளால் மூடியைத் திறக்காமல், சிறுவர்களுக்கே உரிய குறும்புத்தனத்தால் அவன் தனது வாயைப் பயன்படுத்தி மூடியை திறந்து தண்ணீர் குடிக்க எண்ணினான். அது மிகவும் விபரீதச் செயலாக மாறிவிட்டது. அவன் தொண்டைக்குழியில் பாட்டில் மூடி திடீரென சிக்கிக் கொள்ள மூச்சுத் திணறத் தொடங்கினான். அவனால் பாட்டில் மூடியை அவரது தொண்டையிலிருந்து வெளியேற்ற முடியவில்லை. மூடி சிக்கியதால் பேசவும் முடியாமல் சைகை காட்டத் துவங்கினான். உடனிருந்த நண்பர்கள் என்னவென்று புரியாமல் திறுதிறுவன விழிக்க , அவன் எழுந்து உதவிக்காக தன் ஆசிரியை ஜானிஸ் ஜென்கின்ஸிடம் ஓடினான். சிறுவனின் சைகையை வைத்து என்ன நடந்தது என்பதை உணர்ந்த அவர் செயலில் குதித்தார். View this post on Instagram Shared post on Time Loginarts அவனது ஆசிரியை சிறுவன் வாயிலிருந்து பாட்டில் மூடியை வெளியே தள்ள “ஹெய்ம்லிச் சூழ்ச்சி நுட்பத்தை” (Heimlich manoeuvre) செய்தார். அந்த முதலுதவி நுட்பம் சரியாக வேலை செய்யவே மூடியை சிறுவன் துப்பிவிட்டு இயல்பு நிலைக்குத் திரும்பினான். ஆசிரியை ஒருவரின் வீரச் செயலை காட்டும் வியத்தகு காட்சி இணையத்தில் வெளியாகியுள்ளது. இந்த சம்பவத்தின் வீடியோ சமூக வலைதளங்களில் வைரலாக பரவி வருகிறது. இது 3 மில்லியனுக்கும் அதிகமான பார்வைகளைப் பெற்றுள்ளது. ஹெய்ம்லிச் சூழ்ச்சி நுட்பம் என்பது சில படிநிலைகளை கொண்ட முதலுதவி. முதலுதவி தேவைப்படும் நபரின் பின்சென்று அவரை முன்னோக்கி சாய்த்து, உங்கள் கையால் அவர்களின் முதுகில் ஐந்து அடிகளைக் கொடுக்க வேண்டும். அடுத்தபடியாக அவரின் இடுப்பைச் சுற்றி உங்கள் கைகளை வைத்து இறுக்கவும். அவரை முன்னோக்கிச் சாய்த்தபடி ஒரே நேரத்தில் உள்நோக்கியும் மேல்நோக்கியும் குலுக்கவும். ஐந்து முறை இப்படிச் செய்ய பொதுவாக அறிவுறுத்தப்படுகிறது. இப்படிச் செய்வதால் அவரால் மீண்டும் இயல்பாக சுவாசிக்க செய்ய இயலும். ஐந்து வருடங்களாக அந்த பள்ளியில் பணியாற்றி வரும் ஜானிஸ் ஜென்கின்ஸ் உயிர் காக்கும் CPR மற்றும் அடிப்படை முதலுதவியில் பயிற்சி பெற்றவர் என்பதால் சிறுவனை காப்பாற்றும் முயற்சி எளிதாகியுள்ளது.
http://dlvr.it/SNl562

Read More

அமெரிக்க போலீஸ்க்கு சிம்மசொப்பனம்...! பெண் சபலத்தால் சிக்கிய பரிதாபம் - யார் அந்த 'டான்'?

அமெரிக்க காவல்துறைக்கே சிம்மசொப்பனமாக விளங்கி வந்த மெக்சிகோவை சேர்ந்த போதைப்பொருள் கடத்தல் மன்னன் ஒருவன், பெண் சபலத்தால் போலீஸாரிடம் சிக்கிய சம்பவம் அனைவரின் கவனத்தையும் ஈர்த்துள்ளது. மெக்சிகோ நாட்டைச் சேர்ந்தவன் பிரையன் டொன்கியானோ (45). மெக்சிகோவை தலைமையிடமாக கொண்டு அமெரிக்கா மற்றும் தென் அமெரிக்க நாடுகளில் மிகப்பெரிய போதைப்பொருள் சாம்ராஜ்யத்தையே நடத்தி வருகிறார். ஆரம்பத்தில், தனது 20-வது வயதில் மெக்சிகோவில் போதைப்பொருள் பொட்டலங்களை கைமாற்றும் வேலையை செய்து வந்த இவருக்கு, ஒருகட்டத்தில் இந்த தொழிலில் கொடிக்கட்டி பறக்க வேண்டும் என்ற ஆசை வந்திருக்கிறது. அதன்படி, தன்னுடன் வேலை செய்யும் கூலிக்கார இளைஞர்களை கூட்டு சேர்த்து, மெக்சிகோவில் செயல்பட்டு வந்த பிரபல போதைப்பொருள் கடத்தல் கும்பலின் தலைவனை பிரையன் கொலை செய்திருக்கிறான். இதையடுத்து, அந்த கும்பலின் தலைவனாக பிரையன் பொறுப்பேற்றுக் கொண்டார். அடுத்த சில வருடங்களிலேயே, மெக்சிகோவில் யார் - யார், எந்தெந்த போதைப்பொருட்களை விற்க வேண்டும்; எங்கு விற்க வேண்டும் என்பதை தீர்மானிக்கும் சக்தியாக மாறிப் போனார் பிரையன். இவ்வாறு தனக்கென ஒரு போதைப்பொருள் ராஜாங்கத்தை அமைத்துக் கொண்ட இவன், அமெரிக்காவிலும், தென் அமெரிக்க நாடுகளிலும் தனது கடத்தலை விரிவுப்படுத்தினான். பிரையனுக்கு கீழே பல்வேறு நாடுகளில் தற்போது சுமார் 5 ஆயிரத்துக்கும் மேற்பட்ட போதைப்பொருள் கடத்தல்காரர்கள் வேலை செய்து வருகின்றனர். இவனை கைது செய்ய 200 நாடுகளைச் சேர்ந்த போலீஸார் முயற்சி செய்து வந்தனர். அமெரிக்க போலீஸாரும், அந்நாட்டு போதைப்பொருள் தடுப்புப் படையினரும் (டிஇஏ) இணைந்து 30-க்கும் மேற்பட்ட தனிப்படைகளை அமைத்து பிரையனை 10 ஆண்டுகளுக்கும் மேலாக தேடி வந்தனர். ஆனால், எந்தவொரு நாட்டு காவல்துறையும் பிரையனை நெருங்க முடியவில்லை. அதையும் மீறி, பிரையன் இருக்கும் இடம் தெரிந்து அங்கு சென்ற போலீஸார் இதுவரை உயிருடன் திரும்பியதில்லை. அந்த அளவுக்கு சர்வதேச போலீஸாருக்கு சிம்ம சொப்பனமாக பிரையன் விளங்கி வந்தார். இந்நிலையில், யானைக்கும் அடிசறுக்கும் என்பது போல, பிரையனுக்கு பேஸ்புக்கில் ஒரு மாடலிங் பெண்ணுடன் தொடர்பு ஏற்பட்டிருக்கிறது. நாட்கள் செல்ல, செல்ல இருவருக்கும் இடையேயான நட்பு மிகவும் நெருக்கமாக மாறியிருக்கிறது. இதையடுத்து இருவரும் ஒருவரையொருவர் சந்திக்க முடிவு செய்தனர். அதன்படி, தென் அமெரிக்க நாடான கொலம்பியாவில் அந்தப் பெண்ணை பிரையன் கடந்த வாரம் சந்தித்திருக்கிறான். இருவரும் 4 நாட்களாக அங்குள்ள பிரபல சுற்றுலா பகுதிகளை சுற்றி பார்த்துள்ளனர். இதனிடையே,, அந்தப் பெண் ஆர்வமிகுதியில் பிரையனுடன் எடுத்த செல்ஃபி புகைப்படத்தை தனது ஃபேஸ்புக்கில் பதிவிட்டார். ஆனால், இந்த விஷயம் பிரையனுக்கு தெரியாது. இந்நிலையில், இந்த புகைப்படம் அமெரிக்க போலீஸ் இன்ஸ்பெக்டர் ஒருவரின் கண்ணில் சிக்கியுள்ளது. அந்தப் பெண்ணுடன் இருப்பது பிரபல போதைப்பொருள் கடத்தல் மன்னன் பிரையன் என்பதை அறிந்து அதிர்ந்து போன அவர், உடனடியாக இதுகுறித்து கொலம்பியா போலீஸாருக்கு தகவல் கொடுத்தார். இதையடுத்து, கொலம்பியா போலீஸார் அந்தப் பெண்ணின் செல்போன் எண்ணை கொண்டு அவர்கள் இருக்கும் இடத்தை கண்டுபிடித்தனர். இந்த சூழலில், ஒரு ஹோட்டல் அறையில் தங்கியிருந்த பிரையனை 300-க்கும் மேற்பட்ட போலீஸார் ஹெலிகாப்டர்களிலும், கார்களிலும் சுற்றி வளைத்து நேற்று நள்ளிரவு கைது செய்தனர். தான் எங்கு சென்றாலும் தனது பாதுகாப்புக்காக குறைந்தபட்சம் 100 பேரையாவது அழைத்து செல்லும் வழக்கம் உடையவர் பிரையன். ஆனால், இந்த முறை தன்னுடைய காதலியை சந்திப்பதால் யாரையும் தன்னுடன் பிரையன் அழைத்து செல்லவில்லை எனத் தெரிகிறது. இதுதான், போலீஸாரிடம் பிரையன் எளிதில் சிக்க காரணமாக அமைந்துவிட்டதாக கொலம்பியா காவல்துறையினர் தெரிவிக்கின்றனர். பிரையனின் காதலியான அந்த மாடலிங் பெண்ணுக்கு, அவர் மிகப்பெரிய கடத்தல் மன்னன் என்பதே போலீஸார் கூறிய பிறகு தான் தெரியவந்துள்ளதாக காவல்துறையினர் கூறுகின்றனர். தற்போது பிரையனை அமெரிக்க போலீஸிடம் ஒப்படைப்பதற்கான சட்ட நடவடிக்கைகளில் கொலம்பியா போலீஸார் ஈடுபட்டு வருவதாக தகவலறிந்த வட்டாரங்கள் தெரிவிக்கின்றன. மிகப்பெரிய போதைப்பொருள் கடத்தல் மன்னன், சாதாரண பெண் சபலத்தால் சிக்கியது மேற்கத்திய நாடுகளில் பரபரப்பாக பேசப்பட்டு வருகிறது.
http://dlvr.it/SNkS2q

Read More

ஒப்பந்ததாரர் தற்கொலை; அழுத்தத்தால் அமைச்சர் ஈஸ்வரப்பா ராஜினாமா... என்ன நடக்கிறது கர்நாடகாவில்?

கர்நாடகா மாநிலம் பெலகாவியைச் சேர்ந்தவர் சந்தோஷ் பாட்டீல். அரசு ஒப்பந்ததாரரான இவர், கர்நாடக மாநில அரசின் கிராம வளர்ச்சித் திட்டப்பணிகளில் ஒப்பந்த அடிப்படையில் பணியாற்றிவந்தார். குறிப்பாக, கடந்த சில ஆண்டுகளாக பல்வேறு இடங்களில் கடன் பெற்று, முதலீடு செய்து சுமார் ரூ. 4 கோடி மதிப்பிலான பணியை அரசுக்காக செய்துமுடித்திருக்கிறார். இந்த பணிகளுக்கு உரிய தொகையை, மாநில அரசின் ஊரக வளர்ச்சி மற்றும் உள்ளாட்சித்துறை அமைச்சகம் அவருக்கு கொடுக்கவேண்டும். ஆனால், தான் செய்த பணிகளுக்கான தொகையைப் பலமுறை கேட்டுக்கொண்டும், அமைச்சகம் விடுவிக்காமல் இழுத்தடித்து வந்ததாகக் கூறப்படுகிறது.ஒப்பந்ததாரர் சந்தோஷ் பாட்டீல் இதுதொடர்பாக, ஊரக வளர்ச்சித்துறை அமைச்சர் ஈஸ்வரப்பாவை நேரில் சந்தித்து சந்தோஷ் பாட்டீல் வலியுறுத்தியிருக்கிறார். ஆனால், அமைச்சரின் உதவியாளர்கள், `தொகை கைக்கு கிடைக்கவேண்டுமெனில், அதில் 40 சதவிகிதப் பங்கை அமைச்சருக்கு கமிஷனாகக் கொடுக்கவேண்டும்' என சந்தோஷிடம் கேட்டுள்ளனர். இதனால், அதிருப்தி அடைந்த சந்தோஷ் பாட்டீல், கடந்த மார்ச் 30-ம் தேதி `அமைச்சர் ஈஸ்வரப்பா தன்னிடம் 40% லஞ்சம் கேட்கிறார்' என பகிரங்கமாகக் குற்றம்சாட்டினார்.பாஜக உறுப்பினர் தற்கொலை: ``எதிர்க்கட்சிகள் யாரும் நீதிபதியாக வேண்டாம்..!"- முதல்வர் பசவராஜ் பொம்மை தற்கொலை செய்துகொண்ட ஒப்பந்ததாரர்: இதனால் ஆத்திரமடைந்த அமைச்சர் ஈஸ்வரப்பா, ஒப்பந்ததாரர் சந்தோஷ் பாட்டீல் மீது நீதிமன்றத்தில் மானநஷ்ட வழக்கு தொடர்ந்தார். இந்த நிலையில், கடந்த ஏப்ரல் 12-ம் தேதி, உடுப்பியிலுள்ள ஒரு விடுதியில் சந்தோஷ் பாட்டீல், மர்மமான முறையில் இறந்துகிடந்தார். காவல்துறையின் விசாரணையில், சந்தோஷ் பாட்டீல் தற்கொலை செய்துகொண்டது தெரியவந்தது. மேலும், அவரிடமிருந்து கைப்பற்றப்பட்ட செல்போனில் கிடைத்த செய்தியில், `தன் தற்கொலைக்கு முழுக்காரணம் அமைச்சர் ஈஸ்வரப்பாதான்' என குறிப்பிட்டிருந்தது கண்டுபிடிக்கப்பட்டது. இது, கர்நாடக அரசியலில் பெரும் பரபரப்பைக் கிளப்பியது. ஈஸ்வரப்பா வெடித்த போராட்டம்: அதைத்தொடர்ந்து, `உயிரிழந்த ஒப்பந்ததாரருக்கு நியாயம் வேண்டும், தற்கொலைக்கு காரணமான பா.ஜ.க அமைச்சர் ஈஸ்வரப்பா பதவி விலகவேண்டும்' எனக்கோரி காங்கிரஸ், மதசார்பற்ற ஜனதா தளம் உள்ளிட்ட எதிர்க்கட்சியினர் போராட்டத்தில் ஈடுபட்டனர். மேலும், தற்கொலை செய்துகொண்ட சந்தோஷ் பாட்டீலின் சகோதரர் பிரசாந்த் பாட்டீல் மற்றும் குடும்பத்தினர், `அமைச்சர் ஈஸ்வரப்பாவின் தூண்டுதலினால்தான் சந்தோஷ் உயிரிழந்தார்' என உடுப்பி காவல்நிலையத்தில் புகாரளித்தனர். இந்த புகாரின் அடிப்படையில், தற்கொலைக்குத் தூண்டிய வழக்கில் அமைச்சர் ஈஸ்வரப்பா, அவர் உதவியாளர்கள் ரமேஷ், பசவராஜ் உள்ளிட்டோர் மீது 2 பிரிவுகளின்கீழ் உடுப்பி காவல்துறையினர் வழக்கு பதிவு செய்தனர்.சித்தராமையா தொடர்ந்து, கடந்த ஏப்ரல் 13-ம் தேதி, காங்கிரஸ் கட்சி சார்பில் முன்னாள் முதல்வர் சித்தராமையா, மாநிலத் தலைவர் டி.கே. சிவக்குமார் ஆகியோர் மாநில ஆளுநர் தாவர்சந்த் கெலாட்டைச் சந்தித்து, ஈஸ்வரப்பாவை அமைச்சர் பதவியிலிருந்து நீக்க வேண்டும் என மனு கொடுத்தனர். ஆனால், அமைச்சர் ஈஸ்வரப்பா, `நான் எந்தத் தவறும் செய்யவில்லை! அதனால் பதவி விலகப்போவதில்லை' என திட்டவட்டமாகக் கூறினார். இதைத்தொடர்ந்து போராட்டம் மேலும் தீவிரமடைந்தது. கடந்த ஏப்ரல் 14-ம் தேதி காங்கிரஸ் கட்சியினர் மாநிலம் தழுவிய போராட்டத்தை நடத்தினர். மேலும், பெங்களூருவில் உள்ள முதலமைச்சர் பசவராஜ் பொம்மையின் வீடும் முற்றுகையிட்டது. பதவி விலகிய அமைச்சர்: நாளுக்குநாள் பிரச்னை அதிகரித்துக்கொண்டிருக்க, கர்நாடகா பா.ஜ.க கடும் நெருக்கடியை சந்தித்தது. சொந்தக் கட்சிக்குள்ளாகவே, ஈஸ்வரப்பாவுக்கு எதிர்ப்புக் குரல்கள் வலுத்தன. மாநில பா.ஜ.க-வின் மூத்த தலைவர்கள் பலரும் இந்த விவகாரத்தால் கட்சிக்கு அவப்பெயர் ஏற்பட்டுவருவதாக பா.ஜ.க மேலிடத்துக்கு தகவல் கொடுத்தனர். இந்த நிலையில், அமைச்சர் ஈஸ்வரப்பா, அமைச்சர் பதவியிலிருந்து விலகுவதாக அறிவித்தார்.கர்நாடக அமைச்சர் ஈஸ்வரப்பா இதுகுறித்துப் பேசிய ஈஸ்வரப்பா, ``எனது குலதெய்வம் சாமுண்டீஸ்வரி மீது ஆணையாக சொல்கிறேன். எனக்கும், தற்கொலை செய்துகொண்ட சந்தோஷ் பாட்டீலுக்கும் எந்தத் தொடர்பும் கிடையாது. ஆனால், வேண்டுமென்றே காங்கிரஸ் கட்சியினர் தேவையற்ற குழப்பத்தை ஏற்படுத்தி வருகின்றனர். இந்த விவகாரத்தில் என் மீது எந்த தவறும் இல்லை என விரைவில் நிரூபிப்பேன். அதுவரை அமைச்சர் பதவியில் இருந்து விலகியிருக்க முடிவெடுத்திருக்கிறேன். நான் இந்த அளவிற்கு உயர, என்னை வளர்த்தெடுத்த கட்சிக்கும், எனக்கு உறுதுணையாக இருந்தவர்களுக்கும் என்னால் எவ்வித இடைஞ்சலும் ஏற்பட விரும்பவில்லை. கட்சி நலனை கருத்தில் கொண்டு எனது ராஜினாமா கடிதத்தை, முதல்வர் பசவராஜ் பொம்மையிடம் வழங்க இருக்கிறேன்" என தெரிவித்தார். ஈஸ்வரப்பா இந்த நிலையில், நேற்று முன்தினம் இரவு (ஏப்ரல் 15-ம் தேதி) தனது ஆதரவாளர்களுடன் பெங்களூரிலுள்ள முதல்வர் இல்லத்துக்குச் சென்ற ஈஸ்வரப்பா, தனது ராஜினாமா கடிதத்தை முதல்வர் பசவராஜ் பொம்மையிடம் கொடுத்தார். கைது செய்யக்கோரும் எதிர்க்கட்சிகள்: `பதவி விலகினால் மட்டும் போதாது, செய்த குற்றத்துக்கு உரிய தண்டனைய அனுபவிக்க வேண்டும்! சந்தோஷ் பாட்டீல் தனது செல்போனில் அனுப்பிய குறுஞ்செய்திகளே அவரது மரணத்துக்கு ஈஸ்வரப்பாதான் காரணம் என்பதை உறுதிசெய்துவிட்டது! எனவே, காவல்துறையினர் உடனடியாக ஈஸ்வரப்பாவை கைதுசெய்ய வேண்டும்! அதுவரை எங்கள் போராட்டம் தொடரும்!" என காங்கிரஸ் உள்ளிட்ட எதிர்க்கட்சிகள் போராட்டத்தைத் தொடர்ந்து வருகின்றனர். ``பாஜக உறுப்பினர் தற்கொலை வழக்கு; அமைச்சர் மீது வழக்கு பதிவு!" - முதல்வர் பசவராஜ் பொம்மை தகவல்
http://dlvr.it/SNk8L3

Read More

24 மணி நேர இடைவெளியில் எஸ்.டி.பி.ஐ, ஆர்.எஸ்.எஸ் நிர்வாகிகள் கொலை... பதற்றத்தில் கேரளம்!

கேரள மாநிலம் பாலக்காட்டை அடுத்த எலப்புள்ளி குப்பையோடு பகுதியைச் சேர்ந்தவர் சுபைர்(43). எஸ்.டி.பி.ஐ. மற்றும் பாப்புலர் ஃப்ரண்ட் ஆஃப் இந்தியா அமைப்பில் நிர்வாகியாக இருந்துள்ளார். இந்த நிலையில், சுபைர் நேற்று முன் தினம் மதியம் பள்ளிவாசலில் தொழுகை முடித்துவிட்டு தன் தந்தை அபுபக்கரையும் அழைத்துக்கொண்டு பைக்கில் சென்று கொண்டிருந்திருக்கிறார். எலப்புள்ளி பகுதியில் சென்று கொண்டிருந்தபோது, சுபைரின் பைக் மீது திடீரென ஒரு கார் மோதி உள்ளது. பைக்கில் இருந்த சுபைரும், அவர் தந்தையும் கீழே விழுந்துள்ளனர். அவர்கள் எழுவதற்குள் காரில் இருந்து இறங்கிய ஒரு கும்பல் சுபைரை அரிவாளால் சரமாரியாக வெட்டி கொலை செய்துவிட்டுத் தப்பிச் சென்றுள்ளது. இரண்டு கார்களில் சென்ற கொலையாளிகள் ஒரு காரை அங்கேயே விட்டுவிட்டுச் சென்றுள்ளனர். போலீஸார் விசாரணை நடத்தியதில் அது கடந்த சில மாதங்களுக்கு முன்பு கொலை செய்யப்பட்ட ஆர்.எஸ்.எஸ் நிர்வாகி சஞ்சித் என்பவர் பயன்படுத்திய கார் எனத் தெரியவந்துள்ளது. அதையடுத்து, இந்த கொலைக்கு ஆர்.எஸ்.எஸ் தான் காரணம் என எஸ்.டி.பி.ஐ மற்றும் பாப்புலர் ஃப்ரண்ட் அமைப்புகள் குற்றம்சாட்டின.கொலை செய்யப்பட்ட எஸ்.டி.பி.ஐ நிர்வாகி சுபைர் இந்த நிலையில் பாலக்காடு மேலாமுறி பகுதியில் ஆர்.எஸ்.எஸ் சாரீரிக் பிரமுக் (உடற் பயிற்சியாளர்) ஆக இருந்த ஸ்ரீநிவாசன்(45) என்பவர் ஐந்துபேர்கொண்ட கும்பலால் நேற்று மதியம் வெட்டி கொலை செய்யப்பட்டார். பாலக்காட்டில் எஸ்.கே.எஸ் என்ற ஆட்டோ மொபைல் கடை நடத்தி வந்த ஸ்ரீநிவாசன் கடைக்குள் இருந்த சமயத்தில் மூன்று பைக்கில் வந்த ஐந்துபேர் கும்பல் அங்குச் சென்றுள்ளது. கடைக்குள் புகுந்த அந்த கும்பல் ஸ்ரீநிவாசனை வெட்டி கொலை செய்துவிட்டுத் தப்பிச் சென்றுள்ளது. ஆர்.எஸ்.எஸ் நிர்வாகி கொலைக்கு எஸ்.டி.பி.ஐ, பாப்புலர் ஃப்ரண்ட் அமைப்புகளே காரணம் என பா.ஜ.க குற்றஞ்சாட்டியுள்ளது. பாலக்காட்டில் அரசியல் பழிவாங்கும் விதமாக இந்த கொலை நடந்துள்ளதாக போலீஸ்தரப்பில் கூறப்படுகிறது. மேலும் மாநிலம் முழுவதும் மீண்டும் மோதல்கள் நடைபெறாமல் இருப்பதற்காக டி.ஜி.பி உத்தரவின் பேரில் போலீஸார் உஷார் படுத்தப்பட்டுள்ளனர். நேற்று முன் தினம் மதியம், நேற்று மதியம் என 24 மணி நேரத்தில் நடந்த இரண்டு கொலைகளால் பொதுமக்கள் அதிர்ச்சியடைந்துள்ளனர். பாலியல் வன்கொடுமை வழக்கு - ஆசாராம் பாபு ஆதரவாளர்களால் சிறுமி குடும்பத்துக்குத் தொடரும் கொலை மிரட்டல்
http://dlvr.it/SNjshs

Read More

GO HOME GOTA இலங்கையில் தொடரும் 7 நாள்களைக் கடந்த போராட்டம்!

இலங்கையில் அதிபர் கோட்டாபய ராஜபக்ச அலுவலகத்திற்கு அருகே மக்கள் நடத்திவரும் போராட்டம் 7 நாட்களை கடந்துள்ளது. மக்கள் அனைவரும் ஒரே குடும்பமாக இணைந்து, ஒரு குடும்பத்திற்கு எதிராக போராடி வருவதாக போராட்டக்காரர்கள் தெரிவித்துள்ளனர்.கடும் பொருளாதார நெருக்கடியில் சிக்கியுள்ள இலங்கையில், அதிபர் கோட்டாபய ராஜபக்ச, பிரதமர் மஹிந்த ராஜபக்சவுக்கு எதிரான மக்கள் போராட்டம் நாளுக்கு நாள் வலுத்து வருகிறது. ஆனாலும், எந்த சலனமும் இன்றி ராஜபக்ச குடும்பத்தின் ஆட்சி தொடர்கிறது. இந்நிலையில், கோட்டாபய ராஜபக்ச அலுவலகத்திற்கு அருகே மக்கள் நடத்தி வரும் தன்னெழுச்சிப் போராட்டம் ஏழு நாட்களை கடந்துள்ளது. நேற்று இரவு ஆயிரக்கணக்கானோர் போராட்டக்களத்தில் திரண்டு அதிபர் கோட்டாபய ராஜபக்சவுக்கு எதிராக முழக்கங்களை எழுப்பினர். போராட்டம் நடத்தும் இடத்தில் GO HOME GOTA என்று மின்விளக்குகளால் வடிவமைத்துள்ளனர். அதே போல், ஆடியும், பாடல்கள் பாடியும் அதிபருக்கு எதிராக தங்கள் எதிர்ப்பை பதிவு செய்து வருகின்றனர். இலங்கை மக்கள் அனைவரும் ஒரே குடும்பமாக இணைந்து, ஒரு குடும்பத்திற்கு எதிராக போராடி வருவதாக போராட்டக்காரர்கள் கையில் பதாகை ஏந்தியிருந்தனர். இலங்கை அரசு பொருளாதார நெருக்கடிக்கு உரிய தீர்வு காணும் வரை தங்கள் போராட்டம் தொடரும் என்று களத்தில் உள்ள மக்கள் உறுதிபட தெரிவித்துள்ளனர்.இதையும் படிக்கலாம்: இலங்கை: கைது என பரவிய தகவல்... அரசின் போக்கிற்கு வலுக்கும் கண்டனம்
http://dlvr.it/SNjfK7

Read More

தமிழகத்தில் மின்சாரம் தாக்கி 10 ஆண்டுகளில் இத்தனை யானைகள் பலியா? - அதிர்ச்சி தகவல்கள்

தமிழகத்தில் 2011 மற்றும் 2021 க்கு இடைப்பட்ட கடந்த 10 ஆண்டுகளில் மின்சாரம் தாக்கி 79 காட்டு யானைகள் உயிரிழந்துள்ளன என மத்திய சுற்றுச்சூழல், வனம் மற்றும் காலநிலை மாற்ற அமைச்சகம் தெரிவித்துள்ளது.தமிழகத்தில் கடந்த 10 ஆண்டுகளில் மின்சாரம் தாக்கி 79 காட்டு யானைகள் உயிரிழந்துள்ளன. 2011 மற்றும் 2021 க்கு இடைப்பட்ட இந்த காலகட்டத்தில் அதிகபட்சமாக கர்நாடகாவில் 98 யானை இறப்புகள் பதிவாகியுள்ளன. கேரளாவில் 32 யானைகளும். ஆந்திராவில் 14 யானைகளும் மின்சாரம் தாக்கி இறந்துள்ளன. இதே காலகட்டத்தில் தமிழகத்தில் எட்டு யானைகளும், கேரளாவில் 20 யானைகள் மற்றும் கர்நாடகாவில் 12 யானைகள்  வேட்டையாடுபவர்களால் கொல்லப்பட்டுள்ளன. அதே போல தமிழகத்தில் 2011 முதல் 2021 வரை யானைகள் எதுவும் விஷம் வைத்து கொல்லப்படவில்லை. ஆனால் கேரளாவில் 2, கர்நாடகா மற்றும் ஆந்திராவில் தலா ஒரு யானைகள் விஷம் வைத்து கொல்லப்பட்டுள்ளன  எனவும் தெரிவிக்கப்பட்டுள்ளது. மேலும், ரயில் மோதி கேரளாவில் 6 யானைகளும், தமிழ்நாட்டில் 5 யானைகளும், கர்நாடகாவில் 4 யானைகளும் கடந்த 10 ஆண்டுகளில்  உயிரிழந்துள்ளன.சென்னையைச் சேர்ந்த ஆண்டனி கிளெமென்ட் ரூபின் என்பவர் தகவல் அறியும் உரிமை மூலமாக கேட்ட கேள்விக்கு மத்திய சுற்றுச்சூழல், வனம் மற்றும் காலநிலை மாற்றம் அமைச்சகம் இந்தத் தரவை அளித்துள்ளது. காட்டு யானைகளின் இறப்புகளை ரயில் விபத்து, மின்சாரம் தாக்குதல், வேட்டையாடுதல் மற்றும் விஷத்தால் உயிரிழத்தல் ஆகிய நான்கு பிரிவுகளின் கீழ் அமைச்சகம் வகைப்படுத்தியுள்ளது. பெங்களூருவில் உள்ள இந்திய அறிவியல் கழகத்தைச் சேர்ந்த ஆசிய யானை நிபுணர் ஆர்.சுகுமார் இதுபற்றி கூறுகையில், "தென் மாநிலங்களில் யானைகள் காப்பகத்திற்கு வெளியேதான் காட்டு யானைகள் அதிகளவில் உயிரிழக்கின்றன. உணவு மற்றும் தண்ணீரை தேடி வனப்பகுதிகளில் இருந்து வெளியேறும் யானைகள், விவசாயிகளுடன் மோதலில் ஈடுபடுவது அதிகரித்து வருகிறது. ஏனென்றால், யானைகள் நம்பியிருக்கும் காடுகளில் செய்யப்படும் ஆக்கிரமிப்புகளால் அவை நெல், கரும்பு மற்றும் பிற விளைநிலங்களில் இறங்குகின்றன" என கூறினார்.
http://dlvr.it/SNhtqR

Read More

மும்பை: காலை உணவில் அளவுக்கு அதிகமான உப்பு... மனைவியின் கழுத்தை நெரித்து கொன்ற கணவன் கைது

மும்பை புறநகர் பகுதியான பயந்தர் பதக் ரோட்டில் வசித்து வருபவர் நிலேஷ்(46). இவரின் மனைவி நிர்மலா(40). நிர்மலா தனது கணவருக்கு காலை உணவாக காய்கறிகள் சேர்த்து கிச்சடி செய்திருந்தார். அதனை நிர்மலா தனது கணவருக்கு பரிமாறிய போது அதனை சாப்பிட்டு பார்த்த நிலேஷ் கடும் கோபம் அடைந்தார். சாப்பாட்டில் அளவுக்கு அதிகமாக உப்பு போடப்பட்டு இருந்தது. இது குறித்து நிலேஷ் தனது மனைவியிடம் கேட்டு வாக்குவாதம் செய்தார். இருவருக்கும் இடையே ஏற்பட்ட வாக்குவாதத்தில் கோபத்தில் வீட்டில் கிடந்த துணியை எடுத்து நிலேஷ் தனது மனைவியின் கழுத்தை நெரித்து கொலை செய்தார். இது குறித்து பக்கத்து வீட்டுக்காரர்கள் போலீஸாருக்கு தகவல் கொடுத்தனர். போலீஸார் விரைந்து வந்து நிர்மலாவின் உடலை மீட்டு பிரேத பரிசோதனைக்கு அனுப்பி வைத்தனர். சட்டப்பிரிவு 302 -ன் கீழ் வழக்கு பதிவு செய்து அவரை கொலை செய்த நிலேஷ் கைது செய்யப்பட்டார். அவரிடம் இது குறித்து போலீஸார் விசாரணை நடத்தி வருகின்றனர். கொலைக்கு வேறு எதாவது காரணம் உண்டா என்பது குறித்தும் விசாரணை நடத்தப்பட்டு வருகிறது. சித்தரிப்பு படம் ஏற்கனவே இரண்டு நாள்களுக்கு முன்பு மும்பை அருகே தானேயில் 72 வயது முதியவர் ஒருவர் தனது மருமகள் டீயுடன் காலை உணவு கொடுக்கவில்லை என்ற கோபத்தில் தனது மருமகளை துப்பாக்கியால் சுட்டார். இது தொடர்பான அதிர்ச்சி அடங்குவதற்குள் புதிதாக இதே உணவுப்பிரச்னைக்காக மற்றொரு பெண் கொலை செய்யப்பட்டு இருப்பது மும்பை மக்கள் மத்தியில் அதிர்ச்சியை ஏற்படுத்தி இருக்கிறது.
http://dlvr.it/SNhBWR

Read More

அண்ணாமலை படித்தவர்; முரசொலி குறித்து விமர்சித்திருக்க வாய்ப்பில்லை - வி.பி துரைசாமி

தங்கள் மீது விடுதலை சிறுத்தைகள் கட்சியினர் தாக்குதல் நடத்தியதாக காவல்துறை ஆணையர் அலுவலகத்தில் பாஜகவினர் புகார் அளித்துள்ளனர். அம்பேத்கர் பிறந்தநாளான ஏப்ரல் 14ஆம் தேதி கோயம்பேட்டில் உள்ள அம்பேத்கர் சிலைக்கு அரசியல் தலைவர்கள் மாலை அணிவித்து மரியாதை செலுத்தினர். அப்போது பாஜக மற்றும் விடுதலை சிறுத்தைகள் கட்சியினருக்கு இடையே மோதல் ஏற்பட்டது. பாஜகவினரும், விடுதலை சிறுத்தைகள் கட்சியினரும் கற்களை வீசித் தாக்கிக் கொண்டனர். இதில்‌‌ பாஜகவைச் சேர்ந்த மூன்று பேரின் மண்டை உடைந்தது. மோதலை தடுக்கச் சென்ற இரண்டு காவலர்கள் காயமடைந்தனர். அம்பேத்கர் சிலை அருகே கட்சிக் கொடியை நடுவது தொடர்பாக இருதரப்பினருக்கும் இடையே மோதல் ஏற்பட்டதாகக் கூறப்பட்டது. இந்நிலையில், தங்கள் மீது விடுதலை சிறுத்தைகள் கட்சியினர் தாக்குதல் நடத்தியதாக காவல்துறை ஆணையர் அலுவலகத்தில் பாஜகவினர் புகார் அளித்துள்ளனர். இதுகுறித்து பேசிய அக்கட்சியின் மாநில துணைத் தலைவர் வி.பி.துரைசாமி, விடுதலை சிறுத்தைகள் கட்சியினர் கல்லெறிந்ததில் 4 பேர் காயமடைந்ததாகவும், தாக்கியவர்கள் மீது நடவடிக்கை எடுக்கப்படும் என காவல் ஆணையர் உறுதி அளித்துள்ளதாகவும் தெரிவித்தார். தமிழ்நாட்டின் சட்டம் ஒழுங்கு குறித்து சட்டமன்றத்தில் பாஜக கேள்வி எழுப்பும் என்றும் அவர் குறிப்பிட்டார். முரசொலி நாளிதழ் குறித்து பாஜக மாநிலத் தலைவர் அண்ணாமலை விமர்சித்திருக்க வாய்ப்பில்லை என்றும், அவர் படித்தவர், தரமானவர் என்பதால் தரக்குறைவாக விமர்சனம் செய்திருக்க மாட்டார் எனவும் வி.பி.துரைசாமி தெரிவித்தார்.
http://dlvr.it/SNgrrk

Read More

மும்பை: உரசிக்கொண்ட ரயில்கள்... தாதர் - புதுச்சேரி எக்ஸ்பிரஸ் ரயில் தடம் புரண்டு விபத்து!

மும்பை தாதரில் இருந்து வாரத்தில் இரண்டு நாள்கள் புதுச்சேரிக்கு தாதர் - புதுச்சேரி எக்ஸ்பிரஸ் ரயில் இயக்கப்படுகிறது. இந்த ரயில் வாரத்தில் இரண்டு நாள்களும் இரவு 9.30 மணிக்கு புறப்பட்டு செல்லும். நேற்று இரவு வழக்கம் போல் ரயில் தாதரில் இருந்து புறப்பட்டு சென்ற போது ரயில் அடுத்த ரயில் நிலையமான மாட்டுங்கா அருகே சென்ற போது ஒரு தண்டவாளத்தில் இருந்து மற்றொரு தண்டவாளத்திற்கு மாறும்போது பாண்டிச்சேரி எக்ஸ்பிரஸ் ரயிலின் பின் புறத்தில் உள்ள மூன்று பெட்டிகள் வேறு ஒரு எக்ஸ்ப்பிரஸ் ரயிலுடன் உரசிக்கொண்டது. இதனால் பாண்டிச்சேரி எக்ஸ்பிரஸ் ரயிலின் மூன்று பெட்டிகள் தடம் புரண்டது. இந்த சம்பவத்தில் பயணிகள் யாருக்கும் எந்த வித பாதிப்பும் ஏற்படவில்லை. தாதர் - புதுச்சேரி எக்ஸ்பிரஸ் ரயில் விபத்து ரயில்வே அதிகாரிகள் விரைந்து செயல்பட்டு தடம் புரண்ட ரயில் பெட்டிகளை தண்டவாளத்தில் நிலை நிறுத்தும் பணியில் ஈடுபட்டனர். இச்சம்பவம் குறித்து ரயில்வே போலீஸ் கமிஷனர் காலித் வெளியிட்ட ட்விட்டர் செய்தியில், ``தாதரில் இரண்டு ரயில்கள் லேசாக உரசிக்கொண்டது. இதில் தடம் புரண்ட புதுச்சேரி எக்ஸ்பிரஸ் ரயில் தண்டவாளத்தில் நிலை நிறுத்தப்பட்டுள்ளது” என்று தெரிவித்துள்ளார். இச்சம்பவத்தால் புதுச்சேரி எக்ஸ்பிரஸ் ரயில் 2 மணி நேரத்திற்கும் மேல் தாமதமாக புறப்பட்டு சென்றது. இரவில் நடந்த இச்சம்பவத்தால் ரயில் பயணிகள் மிகவும் சிரமத்திற்கு ஆளானார்கள். மத்திய ரயில்வேயில் இந்த மாதம் நடக்கும் இரண்டாவது ரயில் விபத்து இதுவாகும். இதற்கு முன்பு நாசிக்கில் கடந்த 3-ம் தேதி பவன் எக்ஸ்பிரஸ் ரயில் தடம் புரண்டு விபத்துக்குள்ளானது குறிப்பிடதக்கது.
http://dlvr.it/SNgJJc

Read More

பீஸ்ட்' மற்றும் 'கே.ஜி.எஃப் 2' - தமிழ்நாட்டில் முதல் நாள் வசூல் எவ்வளவு?

விஜய், யஷ் ஆகிய இருபெரும் நடிகர்களின் திரைப்படங்களான பீஸ்ட் மற்றும் கேஜிஎஃப் 2 வெளியாகியுள்ள நிலையில், தமிழ்நாட்டில் அவை எவ்வளவு வசூல் செய்திருக்கின்றன என்ற தகவல்கள் வெளியாகியுள்ளன. யஷ் நடிப்பில் பிரசாந்த் நீல் இயக்கத்தில் வெளியான கே.ஜி.எப்-2 திரைப்படத்திற்கு தமிழகத்தில் பெரும் வரவேற்பு கிடைத்திருக்கிறது. இந்த திரைப்படம் சுமார் 350 திரையரங்குகளில் வெளியானது. இதன் முதல் பாகம் தமிழகத்தில் பெரும் வெற்றியை பதிவு செய்ததால், இரண்டாம் பாகத்திற்கும் எதிர்பார்ப்பு நிலவியது. இந்த நிலையில், குறைந்த திரையரங்குகளில் மட்டுமே வெளியாகியதால், நள்ளிரவு ஒரு மணி மற்றும் 3 காட்சிகளாக கேஜிஎஃப் 2 திரையிடப்பட்டு வருகின்றன. அந்தக் காட்சிகளும் அரங்கம் நிறைந்து காணப்படுகிறது. இதன் காரணமாக முதல் நாளில் கே.ஜி.எஃப்-2 திரைப்படம் தமிழகத்தில் மட்டும் சுமார் 7 கோடி ரூபாய் வசூல் செய்துள்ளதாக திரைத்துறையினர் கூறுகின்றனர். தமிழகம் தவிர கர்நாடகா, ஆந்திரா, தெலங்கானா, கேரளா மற்றும் வட இந்தியா ஆகிய இடங்களிலும் கே.ஜி.எஃப்-2 திரைப்படம் வசூலில் பெரும் சாதனை படைத்துள்ளது. நெல்சன் திலீப்குமார் இயக்கத்தில் விஜய் நடித்த பீஸ்ட் 13-ம் தேதி வெளியானது. தமிழகத்தில் சுமார் 800-க்கும் அதிகமான திரையரங்குகளில் இந்தப் படம் வெளியிடப்பட்டது. அதிலும், அதிகாலை 4 மணியில் இருந்து இரவு 11.30 மணி வரை அடுத்தடுத்த காட்சிகள் திரையிடப்பட்டன. இதன்மூலம், தமிழகத்தில் சுமார் 36 கோடியே 88 லட்சம் ரூபாயை அந்த திரைப்படம் வசூல் செய்திருப்பதாக கூறுகின்றனர். அதில் செங்கல்பட்டு விநியோகஸ்த பகுதியில் அதிகப்பட்சமாக 10 கோடியே 28 லட்சம் ரூபாயை பீஸ்ட் வசூல் செய்துள்ளது. இதுவரை விஜய் நடித்த படங்களிலேயே அதிகபட்சமாக‘சர்க்கார்’ திரைப்படம் தான் முதல் நாளில் 32 கோடியே 10 லட்சம் ரூபாய் வசூல் செய்தது. தற்போது அந்த சாதனையை ‘பீஸ்ட்’ முறியடித்துள்ளது.
http://dlvr.it/SNdvq2

Read More

தெறிக்க விடும் கேஜிஎஃப் 2 முதல் நாள் வசூல் எவ்வளவு?

ரசிகர்களின் ஏகோபத்திய வரவேற்புடன் வெளியாகியிருக்கும் கேஜிஎஃப் 2 திரைப்படம், பாக்ஸ் ஆஃபிஸ் வசூலில் இதுவரை நடந்த சாதனைகளை முறியடிக்கும் என திரைத்துறையினர் கூறி வருகின்றனர். பிரசாந்த் நீல் இயக்கத்தில் நடிகர் யஷ் நடிப்பில் கடந்த 2018-இல் வெளியான கன்னட திரைப்படம் கேஜிஎஃப் -1. கன்னட திரைப்படம் என்ற போதிலும் 5 மொழிகளில் டப் செய்யப்பட்டு பான் இந்தியா மூவியாக வெளியான இந்த திரைப்படம், இந்தியா மட்டுமல்லாமல் உலகின் பல்வேறு நாடுகளிலும் வெற்றிகரமாக ஓடி சாதனை படைத்தது. கர்நாடகாவின் கோலார் தங்க வயலை கதைக்களமாக வைத்து உருவான இந்த திரைப்படத்தில் தத்ரூபமான ஆக்ஷன் காட்சிகளும், படுவேகமான திரைக்கதையும் ரசிகர்களை மிகவும் கவர்ந்தது. இதன் விளைவாக, கேஜிஎஃப் திரைப்படத்துக்கென உலகம் முழுவதும் தனி ரசிகர் பட்டாளமே உருவாகியது. இந்நிலையில், ரசிகர்களின் ஏகோபத்திய ஆதரவுடன் இத்திரைப்படத்தின் இரண்டாம் பாகமான கேஜிஎஃப் - 2 நேற்று வெளியானது. முதல் பாகத்தின் வெற்றியும், இரண்டாம் பாகத்தின் அசுரத்தனமான ட்ரெய்லரும் கேஜிஎஃப் - 2 திரைப்படத்தின் மீதான ரசிகர்களின் ஆர்வத்தை பல மடங்காக கூட்டியிருந்தது. இந்த சூழலில், கேஜிஎஃப் 2 திரைப்படம் ரசிகர்களின் எதிர்பார்ப்புகள் அனைத்தையும் பூர்த்தி செய்துள்ளதாகவே தெரிகிறது. நேற்று முதல் காட்சி வெளியானது முதலாக, நாடு முழுவதிலும் ரசிகர்கள் இத்திரைப்படத்தை ஆரவாரமாக கொண்டாடினர். அதேபோல, வெளிநாடுகளிலும் இத்திரைப்படம் சக்கைப் போடு போட்டு வருகிறது. புக்கிங் ஆரம்பமான சில நிமிடங்களிலேயே டிக்கெட்டுகள் விற்று தீர்ந்து விடுவதாக திரையரங்க உரிமையாளர்கள் கூறுகின்றனர். மேலும், தற்போது வார இறுதி என்பதால் கேஜிஎஃப் - 2 திரைப்படத்தை பார்க்க மக்கள் போட்டி போடுவதாக கூறப்படுகிறது. இதனிடையே, கேஜிஎஃப் -2 திரைப்படத்தின் முதல் நாள் பாக்ஸ் ஆஃபிஸ் வசூலே ரூ.130 முதல் 140 கோடியை எட்டும் என எதிர்பார்க்கப்படுவதாக விநியோகஸ்தர்கள் தெரிவிக்கின்றனர். இதன் அடிப்படையில் பார்த்தால், பாக்ஸ் ஆஃபிஸில் இதுவரை இந்திய திரைப்படங்கள் புரிந்த சாதனையை கேஜிஎஃப் -2 திரைப்படம் கட்டாயம் முறியடிக்கும் என திரைத்துறையினர் கூறி வருகின்றனர்.
http://dlvr.it/SNdPxr

Read More

பாஜக உறுப்பினர் தற்கொலை: ``எதிர்க்கட்சிகள் யாரும் நீதிபதியாக வேண்டாம்..!"- முதல்வர் பசவராஜ் பொம்மை

கர்நாடக அமைச்சர் கே.எஸ்.ஈஸ்வரப்பா மீது ஊழல் குற்றச்சாட்டு சுமத்திய பா.ஜ.க உறுப்பினரும், ஒப்பந்ததாரருமான சந்தோஷ் பட்டீல் என்பவர் உயிரிழந்த விவகாரத்தில், ஈஸ்வரப்பா தனது பதவியை ராஜினாமா செய்யப்போவதாக அறிவித்ததையடுத்து, `எதிர்க்கட்சிகள் யாரும் இந்த விவகாரத்தில் நீதிபதியாக வேண்டாம்!' என கர்நாடக முதல்வர் பசவராஜ் பொம்மை எதிர்க்கட்சிகளைச் சாடியுள்ளார். கர்நாடக ஊரக வளர்ச்சி மற்றும் பஞ்சாயத்து ராஜ் அமைச்சரான கே.எஸ்.ஈஸ்வரப்பா மீது ஊழல் குற்றச்சாட்டு சுமத்திய பா.ஜ.க உறுப்பினரும், ஒப்பந்ததாரருமான சந்தோஷ் பட்டீல், கடந்த செவ்வாய்க்கிழமை உடுப்பி லாட்ஜ் ஒன்றில் சடலமாகக் கண்டெடுக்கப்பட்டார். இந்த விவகாரத்தில், சந்தோஷ் பட்டீலை தற்கொலைக்குத் தூண்டியதாக அமைச்சர் ஈஸ்வரப்பா, அவர் உதவியாளர்கள் 2 பேர் மீது காவல்துறை வழக்கு பதிவு செய்தது. இதையடுத்து, ஈஸ்வரப்பா பதவி விலக வேணடும் என்று எதிர்க்கட்சியான காங்கிரஸ் கூறிவந்த நிலையில், ஈஸ்வரப்பா தனது பதவியை ராஜினாமா செய்யப்போவதாக நேற்று அறிவித்தார். கர்நாடக அமைச்சர் கே.எஸ்.ஈஸ்வரப்பா இருப்பினும், ``அமைச்சரின் ராஜினாமா மட்டும் இந்தப் பிரச்னைக்குத் தீர்வாகாது. ஈஸ்வரப்பா மீது ஊழல் வழக்கு பதிவு செய்யப்பட்டு, அவர் கைது செய்யப்பட வேண்டும்" என காங்கிரஸ் தொடர்ந்து வலியுறுத்தி வருகிறது. இந்த நிலையில், இன்று செய்தியாளர்களைச் சந்தித்த கர்நாடக முதல்வர் பசவராஜ் பொம்மை, ``தன் ராஜினாமா முடிவை ஈஸ்வரப்பா சொந்தமாக எடுத்துள்ளார். இன்று மாலை அவர் தன் ராஜினாமா கடிதத்தை சமர்ப்பிப்பார். விசாரணைக்குப் பிறகே அனைத்து உண்மைகளும் வெளிவரும். எனவே இந்த விஷயத்தில், எதிர்க்கட்சிகள் விசாரணை அதிகாரியாகவோ அல்லது நீதிபதியாகவோ மாற வேண்டிய அவசியமில்லை" என காங்கிரஸை மறைமுகமாகச் சாடினார்.ஹலால் விவகாரம்: ``நாங்க வலதுசாரியும் அல்ல; இடதுசாரியும் அல்ல!” - முதல்வர் பசவராஜ் பொம்மை சொல்வதென்ன?
http://dlvr.it/SNcxnF

Read More

`அந்தமான் ஆளுநர் பதவி தான் அண்ணாமலையின் குறி’ - ஈ.வி.கே.எஸ்.இளங்கோவன் கருத்து உண்மையா?!

தமிழக பாஜக தலைவராக அண்ணாமலை பொறுப்பேற்றதிலிருந்து ஆளும் திமுக அரசு மீது கடுமையான விமர்சனங்களைத் தொடர்ந்து வைத்துக்கொண்டே இருக்கிறார். முதலமைச்சர் ஸ்டாலின் தொடங்கி பல்வேறு அமைச்சர்கள் மீது குற்றச்சாட்டுகளை அடுக்கிக்கொண்டே போகிறார். சமீபத்தில் முதல்வரின் துபாய் பணயம் குறித்தும், `முதல்வர் முதலீடு செய்யத் தான் துபாய் செண்டிருக்கிறார்' என்று விமர்சனம் வைத்திருந்தார். இதற்கு எதிராக நஷ்டஈடு கேட்டு அண்ணாமலைக்கு நோட்டீஸ் அனுப்பப்பட்டிருந்தது குறிப்பிடத்தக்கது.அண்ணாமலை இது போன்ற சூழலில் தான் அண்ணாமலை அந்தமான் துணைநிலை ஆளுநர் பதவிக்குக் காய் நகர்த்தி வருவதாகத் தகவல்கள் வெளியாகின. சமீபத்தில் பத்திரிகையாளர்களைச் சந்தித்த, ஈ.வி.கே.எஸ்.இளங்கோவன், ``தமிழக பாஜக தலைவராக இருந்த தமிழிசை தெலங்கானா மற்றும் புதுவை கவர்னர் ஆகிவிட்டார். அடுத்த தலைவராக இருந்த எல்.முருகன் மத்திய அமைச்சராகிவிட்டார். அதேபோல, அண்ணாமலையும் அந்தமான் கவர்னர் பதவியைக் குறிவைத்துக் காய்நகர்த்தி வருகிறார். அவர்களுக்குக் கிடைத்தது போல தனக்கும் கவர்னர் பதவி கிடைக்கும் என்று அண்ணாமலை துடிக்கிறார். அந்த காரணத்தினால் தான் தினமும் திமுக மீது கடுமையான விமர்சனங்களை முன்வைத்துக்கொண்டிருக்கிறார். அண்ணாமலைக்குத் தகுந்த இடம் திருவண்ணாமலை தான். அங்கே பல சித்தர்கள் இருக்கிறார்கள். இவரும் ஒரு சித்தராக இருக்கலாம். தமிழக அரசியலைப் புரட்டிப் போட்டுவிடலாம் என்ற வகையில் அவர் பேசுவது இங்கே நடக்காது. குஜராத், உத்தரப் பிரதேச மாநில மக்களைப் போன்றவர்கள் தமிழக மக்கள் இல்லை"என்று கூறினார்.ஈ.வி.கே.எஸ்.இளங்கோவன் மேலும், ``150 ஆண்டுகளாக அரசியலைப் பின்பற்றிவரும் மாநிலம் தமிழகம். இங்குள்ள மக்கள் அனைவருமே விழிப்புணர்வுடன் இருப்பவர்கள். அண்ணாமலையின் கோரிக்கைக்குப் பிரதமர் மோடி செவிசாய்த்து, அந்தமான் கவர்னர் பதவியை அவருக்கு வழங்குவர். ஆனால், தமிழகத்தில் பாஜக அகில இந்தியக் கட்சி கிடையாது, மாவட்ட கட்சி மட்டும் தான்" என்று பேசியிருந்தார்.``அரசியலைப் புகுத்தி கட்சியை பலப்படுத்த பாஜக நினைத்தால் அது நடக்கவே நடக்காது" - மு.க.ஸ்டாலின் இந்த விவகாரம் தொடர்பாக பாஜக வட்டாரத்தில் தகவலறிந்த சிலரிடம் பேசினோம். ``அந்தமானின் ஆளுநர் பதவிக்கு அண்ணாமலை முயற்சி செய்கிறார் என்பது முழுக்க முழுக்க தவறான தகவல். ஒரு யூனியன் பிரதேசத்தின் துணைநிலை ஆளுநராக முயற்சி செய்வாரா என்ன? அவரின் இலக்கு வேறு. தமிழிசை தெலங்கானாவில் ஆளுநர். கூடுதல் பொறுப்பாகத் தான் புதுச்சேரியின் துணை நிலை ஆளுநர் பதவி வழங்கப்பட்டிருக்கிறது. அதேபோல, எல்.முருகனுக்கு மத்திய இணை அமைச்சர் பதவி வழங்கப்பட்டிருக்கிறது.அண்ணாமலை அண்ணாமலை 2024-ம் ஆண்டு நாடாளுமன்றத் தேர்தலுக்கான களப்பணிகளை இப்போதிலிருந்தே தொடங்கிவிட்டார் என்பது தான் உண்மையான நிலவரம். அந்தத் தேர்தலில் அவர் கரூர் அல்லது ஈரோடு நாடாளுமன்றத் தொகுதியில் போட்டியிடுவார். தேர்தல் வெற்றிபெறவேண்டும் என்பதற்கான பணிகளைத் தொடங்கிவிட்டார். அந்த தேர்தலில் வெற்றியடைந்து மேலே பாஜக ஆட்சி அமையுமானால், தனக்கு மத்திய அமைச்சர் பதவியைப் பெறுவதற்காக டெல்லி தலைமையிடத்தில் காய் நகர்த்தும் வேலையையும் செய்துவருகிறார். மத்திய அமைச்சர் பதவி தான் அவருடைய குறிக்கோளாக உள்ளது" என்று கூறினார்கள்.பாஜக, விசிக-வினர் மோதல், கல்வீச்சு, மண்டை உடைப்பு - கோயம்பேடு பகுதியில் பதற்றம்
http://dlvr.it/SNcYzt

Read More

தமிழகத்திற்கு திமுக எம்பி-களால் நலத்திட்டங்களை கொண்டுவர முடியாது: அண்ணாமலை பேச்சு

தமிழகத்தில் இருந்து பாஜக எம்.பி.கள் தேர்ந்தெடுக்கப்பட்டால் 50 ஆயிரம் கோடி நலத்திட்டங்களை கொண்டுவர முடியும் அது திமுக எம்.பி-களால் முடியாது என பாஜக கூட்டத்தில் அண்ணாமலை பேசினார். செங்கல்பட்டு மாவட்டம் கூவத்தூரில், பாஜக சார்பில் தமிழ் புத்தாண்டு நிகழ்ச்சி கொண்டாடப்பட்டது. இதில், சிறப்பு விருந்தினராக பாஜக மாநில தலைவர் அண்ணாமலை கலந்து கொண்டு உரையாற்றினர். அப்போது அவர் பேசும்போது... வரும் 2024 ஆம் ஆண்டு பாராளுமன்ற தேர்தலில் மீண்டும் பாஜகவிற்கு தான் மக்கள் வாக்களிக்க உள்ளனர். நிச்சயமாக தமிழகத்தில் 25 எம்பி-களை பெறுவது உறுதி. 25 எம்பிகள் வெற்றி பெற்றால் தமிழகத்திற்கு 5 கேபினெட் அமைச்சர்களை போராடி பெற்றுத் தருவது என்னுடைய பொறுப்பு. ஆனால் தமிழகத்தில் திமுக எம்.பிகள் தேர்ந்தெடுக்கப்பட்டால் அவர்களுக்கு ஆண்டுக்கு 24 விமான டிக்கெட், பி.எஸ்.என்.எல் இலவச தொலைபேசி, 2 பி.ஏ-களுக்கு இலவச சம்பளம் மட்டுமே கிடைக்கும். இப்போது இருக்கும் எம்பிகளுக்கு இதுதான் கிடைத்துக் கொண்டிருக்கிறது. இதை தவிர வேறு எதுவும் கிடைக்காது. எனவே வரக்கூடிய பாராளுமன்ற தேர்தலில் பாஜகவிற்கு வாக்களித்து வெற்றி பெற வைத்தால் ஒவ்வொரு தொகுதிக்கும் 50 ஆயிரம் கோடி நலத் திட்டங்கள் கொண்டு வரப்படும். தற்போது எம்பிக்களால் ஏதும் செய்ய முடியவில்லை. தமிழக எம்பிகள் பேசினாலும் வேலை நடக்காது. எனவே வரக்கூடிய தேர்தலில் பாஜகவை ஆதரிக்க மக்கள் தயாராகிவிட்டனர் என்றார்.
http://dlvr.it/SNcHBT

Read More

மதுரை சித்திரைத் திருவிழா: விமரிசையாக நடந்த மீனாட்சி சுந்தரேஸ்வரர் திருக்கல்யாண வைபவம்

உலகப் புகழ்பெற்ற மதுரை சித்திரைத் திருவிழாவின் முக்கிய நிகழ்வான மீனாட்சி - சுந்தரேஸ்வரர் திருக்கல்யாண வைபவம், பக்தர்களின் பரவச முழக்கத்திற்கு இடையே வெகுவிமரிசையாக நடைபெற்றது.திருவிழாக்களின் திருவிழாவான சித்திரைப் பெருவிழா கொண்டாட்டங்களால் மதுரை நகரம் விழாக்கோலம் பூண்டுள்ளது. விழாவின் முக்கிய நிகழ்வான மதுரையின் அரசி மீனாட்சிக்கும் - சிவபெருமானான சுந்தரேசுவரருக்குமான திருக்கல்யாண வைபவம் களைகட்டியது. அதிகாலை முதலே மீனாட்சியம்மன் கோயிலில் பக்தர்கள் குவிந்தனர். இரண்டு ஆண்டுகளுக்குப் பின்னர், திருக்கல்யாணத்தை பக்தர்கள் நேரடியாக தரிசனம் செய்ய அனுமதிக்கப்பட்டனர். திருக்கல்யாண வைபவத்திற்கு, விழா மேடை இரண்டாயிரம் கிலோ மலர்களால் அலங்கரிக்கப்பட்டிருந்தது. மீனாட்சியும் - சுந்தரேசுவரரும் வெள்ளி சிம்மாசனத்தில் நான்கு சித்திரை வீதிகளில் வலம் வந்தனர். பின்னர், முத்துராமைய்யர் மண்டபத்தில் கன்னி ஊஞ்சலாடி, திருக்கல்யாண மண்டபத்தில் எழுந்தருளினர்.முத்துக்கொண்டை, வைரக்கிரீடம், மாணிக்க மூக்குத்தி, தங்கக்காசுமாலை ஆபரணங்களுடன் மீனாட்சியம்மன் திருமணக் கோலத்தில் அழகுறக் காட்சியளித்தார். திருமண விழாவில் பஞ்ச கவ்யம், சுவாமி அம்பாள் காப்பு கட்டுதல் நிகழ்வுகள் நடைபெற்றன. பின்னர், மாலை மாற்றுதல் வெகுவிமரிசையாக நடந்த பிறகு மிதுன லக்னத்தில், திருக்கல்யாணம் இனிதே நடைபெற்றது. வேதமந்திரம் ஓத, மேளவாத்தியம் இசைக்க, வைரக்கல் பதித்த தங்க திருமாங்கல்யம் மீனாட்சிக்கு சுந்தரேஸ்வர் ஆசியுடன் அணிவிக்கப்பட்டது. மீனாட்சியம்மன்- சுந்தரேஸ்வரர் திருக்கல்யாணத்தை பார்த்து பக்தர்கள் பரவசமடைந்தனர். திருமண வைபவத்தை தொடர்ந்து, மீனாட்சி - சுந்தரேஸ்வரர் திருமண கோலத்தில் பக்தர்களுக்கு அருள்பாலித்தனர். முன்னதாக, திருமணத்தை காண திருப்பரங்குன்றம் சுப்பிரமணிய சுவாமியும், பவளக்கனிவாய் பெருமாளும் திருக்கல்யாண மண்டபத்தில் எழுந்தருளினர். மீனாட்சியம்மன் திருமணத்தின்போது சித்திரை வீதிகளில் பெண்கள் புதுமாங்கல்ய கயிற்றை மாற்றிக்கொண்டனர். திருக்கல்யாண வைபத்தைக் காண, ஆயிரக்கணக்காண பக்தர்கள் கோயிலுக்கு வெளியேயும் திரண்டனர். அவர்களும் கல்யாண வைபவத்தை பார்த்து வழிபடுவதற்காக, கோயிலுக்கு வெளியே பிரமாண்ட எல்இடி திரைகள் வைக்கப்பட்டிருந்தன. சித்திரை திருவிழாவின் முக்கிய உற்சவங்களில் ஒன்றான மதுரை அரசியின் திருக்கல்யாண வைபவத்துக்கு கூடிய கூட்டத்தால் மதுரையே குலுங்கியது.
http://dlvr.it/SNZkP7

Read More

சகாவு பினராயிடம் பேசி முல்லைப்பெரியாறு அணை விவகாரத்தில் நிரந்தரத் தீர்வு காண்பாரா ஸ்டாலின்?!

அண்மையில் கேரளாவில் சி.பி.எம் கட்சியின் மாநாடு நடந்தது. இதில் கலந்துகொண்டு பேசிய தமிழக முதல்வர் மு.க.ஸ்டாலின் ``இரு மாநில உரிமைகளுக்கும் சேர்த்து குரல் கொடுப்போம்” எனப் பேசியிருக்கிறார். வரலாற்றில் என்றும் இல்லாத அளவில் இவ்விரு மாநிலங்களின் தலைமையும் இணக்கமாக இருந்துவருவதால், இந்தச் சந்திப்பில் முல்லைப்பெரியாறு அணை விவகாரத்துக்குத் தீர்வு காணப்படும்; இரு மாநில முதல்வர்களின் சந்திப்பில் இவ்விவகாரம் குறித்த அறிவிப்புகள் வரும் என்ற எதிர்பார்ப்பு கிளம்பியது. ஆனால், இது குறித்து எந்த அறிவிப்பும் வெளியாகவில்லை. ஸ்டாலின்-பினராயி விஜயன் சமீபகாலமாக கேரளா, தமிழ்நாடு முதல்வர்கள் பல்வேறு பிரச்னைகளில் இணைந்து செயல்படுகிறார்கள். ஒருவருக்கொருவர் நட்பு பாராட்டிக்கொண்டிருக்கிறார்கள். நீண்டநாள் நிலுவையில் இருக்கும் முல்லைப்பெரியாறு அணை விவகாரத்திலும் இணைந்து பேசி முடிவெடுக்க வேண்டும் என அனைவர் மத்தியிலும் எதிர்பார்ப்பு எழுந்துள்ளது. இந்த விவகாரம் குறித்து தமிழ்த் தேசியப் பேரியக்கத் தலைவர் மணியரசனிடம் பேசினோம். “கேரளா, தமிழ்நாடு முதல்வர்களுக்கு இடையேயான அரசியல் கூட்டணி, தமிழகத்துக்கு நியாயம் வழங்கும் எந்த ஒரு நிலைப்பாட்டையும் உருவாக்காது. முல்லைப்பெரியாறு விவகாரங்களில், ஆளுங்கட்சியாக எதிர்த்தரப்பில் இருப்பது காங்கிரஸோ, கம்யூனிஸ்ட்டோ, அவர்கள் அணையை இடிக்க வேண்டும் என்பதில்தான் உறுதியாக இருப்பார்களே ஒழிய, எந்த வகையிலும் தமிழகத்துக்கு நியாயம் கிடைக்கச் செய்ய மாட்டார்கள். முல்லைப்பெரியாறு விவகாரத்தில், காங்கிரஸ், கம்யூனிஸ்ட் இரண்டும் ஒரே மாதிரிதான் சிந்திக்கும். இருவருமே தமிழ்நாட்டின் உரிமைப் பறிப்பில் உறுதியாக இருப்பவர்கள்தான். ‘அணையை இடிக்க வேண்டும், அணை ஆய்வுக்குழுவைக் கலைக்க வேண்டும்’ என்பதே விஜயன் அரசின் தொடர் நிலைப்பாடாக இருந்துவரும் சூழலில், அவரிடமிருந்து தமிழ்நாட்டுக்கு ஆதரவான நிலைப்பாட்டை எதிர்பார்க்க முடியாது.மணியரசன் கேரள அரசு கட்டாயமாக அணை வலுவாக இல்லை என்ற கருத்தை முன்வைத்து, அதை இடிக்கவே போராடுவார்கள்” என்று கூறிய மணியரசன், “தமிழக அரசு அவர்களிடம் ஏமாந்துவிடக் கூடாது” என்றும் கூறினார். மணியரசன் முன்வைத்த கருத்துகள் குறித்தும், இரு மாநில முதல்வர்களின் சந்திப்பு குறித்தும் திமுக செய்தித் தொடர்பு இணைச் செயலாளர் கான்ஸ்டன்டைன் ரவீந்திரனிடம் பேசினோம். ``முல்லைப்பெரியாறு விவகாரம் என்பது பிராந்திய உணர்வு சார்ந்தது. இரு மாநிலத்தின் மக்களும் உணர்வுபூர்வமாக இவ்விவகாரத்தில் தொடர்புகொண்டிருக்கிறார்கள். அப்படியிருக்க, இது முதல்வர்கள் பேசித் தீர்வுகாணும் விஷயம் அல்ல. பினராயி விஜயன் அரசு தமிழக அரசுக்கு ஆதரவாக அறிவிப்பு விடுத்தால், தங்கள் மாநிலத்தில் பல விமர்சனங்களைச் சந்திக்க நேரிடும். ஆக, அவர்களிடம் அதை எதிர்பார்ப்பதே கடினம்தான். இந்த விவகாரத்தில் மூன்றாம் தரப்பாக நீதிமன்றம் தலையிட்டுத் தீர்ப்பு வழங்கினால் மட்டுமே இந்தப் பிரச்னையில் சுமுகத் தீர்வு ஏற்படும். ஆனாலும் கண்டிப்பாக அணை மீது கைவைக்க தி.மு.க அரசு விடாது என்ற உத்தரவாதத்தை மட்டும் என்னால் தர முடியும். கான்ஸ்டன்டைன் ரவீந்திரன் அணையைத் தக்கவைப்போம். கண்டிப்பாக இடிக்கவிட மாட்டோம். ஆட்சியே கவிழும் சூழல் ஏற்பட்டாலும் சரி, அணையைக் கைவிட மாட்டோம்” என்றார்.
http://dlvr.it/SNZ8fC

Read More

பாலியல் வன்கொடுமை வழக்கு - ஆசாராம் பாபு ஆதரவாளர்களால் சிறுமி குடும்பத்துக்குத் தொடரும் கொலை மிரட்டல்

உத்தரப்பிரதேச மாநிலம், கோண்டாவில் ஆசாராம் பாபுவின் ஆசிரமம் உள்ளது. பிரபல சாமியாரான இவர், 2013-ல் 16 வயது சிறுமியைப் பாலியல் வன்கொடுமை செய்த வழக்கில் கைதுசெய்யப்பட்டார். அந்த வழக்கின் விசாரணையில் அவர் மீதான குற்றம் நிரூபிக்கப்பட்டது. 2016-ம் ஆண்டு அவருக்கு ஆயுள் தண்டனை விதிக்கப்பட்டு, அவர் தற்போது ராஜஸ்தான் சிறையில் அடைக்கப்பட்டுள்ளார். இந்த நிலையில், ஆசாராம் பாபுவின் ஆதரவாளர்களால் பாலியல் வன்கொடுமைக்கு உள்ளாக்கப்பட்ட சிறுமியின் குடும்பம் அச்சுறுத்தப்படுவதாகக் கூறப்படுகிறது. இதற்கு முன்பே அந்தச் சிறுமியின் குடும்பத்துக்கு இரண்டு காவலர்கள் நியமிக்கப்பட்டிருந்தார்கள். ஐந்து மாநில சட்டமன்றத் தேர்தலையொட்டி ஒரு காவலர் திரும்பப் பெறப்பட்டார்.ஆசாராம் பாபு ஒரு காவலர் பாதுகாப்பிலிருந்தபோதே கடந்த மார்ச் 21-ம் தேதி ஆசாராம் பாபுவின் ஆதரவாளர் ஒருவர் கடிதத்தை வீட்டினுள் எறிந்துவிட்டுச் சென்றதாக கூறப்பட்டது. அந்தக் கடிதத்தில் கொலை மிரட்டல், ஆபாசமான வார்த்தைகள் இருந்ததாக பாதிக்கப்பட்ட சிறுமியின் தந்தை கூறியிருந்தது குறிப்பிடத்தக்கது. இந்த நிலையில், மீண்டும் அந்தச் சிறுமியின் குடும்பத்தின் உயிருக்கு அச்சுறுத்தல் ஏற்பட்டதையடுத்து, மீண்டும் பாதுகாப்பு அதிகப்படுத்தப்பட்டுள்ளது. இது தொடர்பாக ஷாஜஹான்பூரின் காவல் கண்காணிப்பாளர் சஞ்சய் குமார் நேற்று தனியார் செய்தி நிறுவனத்திடம், "ஆசாராம் பாபுவால் பாலியல் வன்கொடுமைக்கு உட்படுத்தப்பட்ட சிறுமியின் குடும்பத்துக்குக் கொலை மிரட்டல தொடர்வதால் தற்போது காவல் நடவடிக்கையைப் பலப்படுத்தியுள்ளோம்.காவல்துறை முன்பு, இரண்டு காவலர்கள் பணியில் அமர்த்தப்பட்டனர். தேர்தலின்போது, ​​ஒரு காவலர் வாபஸ் பெறப்பட்டார். பாதுகாப்பை பலப்படுத்தி, தற்போது​ ​மொத்தம் மூன்று காவலர்களை நியமித்துள்ளோம். பாதிக்கப்பட்டவரின் வீட்டுக்குச் செல்லும் நபர்களை உன்னிப்பாக கண்காணிக்கவும், அவர்களின் விவரங்களைக் குறித்துக்கொள்ளவும் காவலர்களுக்கு உத்தரவிடப்பட்டுள்ளது" எனத் தெரிவித்துள்ளார்.ஆசாராம் பாபு ஆசிரமத்துக்கு வெளியில் கண்டெடுக்கப்பட்ட சிறுமியின் சடலம்; காவல்துறை தீவிர விசாரணை!
http://dlvr.it/SNYdqw

Read More

”தமிழக ஆளுநரின் தேநீர் விருந்தை புறக்கணிக்கிறோம்” - சிபிஎம், சிபிஐ, விசிக, மமக அறிவிப்பு

தமிழ் புத்தாண்டையொட்டி அரசியல் கட்சிகளுக்கு ஆளுநர் என்.ஆர்.ரவி அளிக்கவிருக்கும் தேநீர் விருந்தை புறக்கணிப்பதாக  மார்க்சிஸ்ட் கம்யூனிஸ்ட், இந்திய கம்யூனிஸ்ட் கட்சி, விடுதலை சிறுத்தைகள், மனிதநேய மக்கள் கட்சி உள்ளிட்ட கட்சிகள் அறிவித்துள்ளன.இது தொடர்பாக மார்க்சிஸ்ட் கம்யூனிஸ்ட் கட்சி வெளியிட்டுள்ள அறிக்கையில், "மக்களால் தேர்ந்தெடுக்கப்பட்ட மாநில அரசின் குரலையும், தமிழக மக்களின் கோரிக்கைகளையும் முற்றாக நிராகரிப்பதோடு, அரசுக்கு மேலானதொரு அதிகார மையமாக செயல்பட தொடர்ச்சியாக ஆளுநர் தரப்பில் நடவடிக்கை எடுக்கப்பட்டு வருகிறது. மேலும், தமிழக சட்டமன்றத்தில் ஏகமனதாக நிறைவேற்றப்பட்ட நீட் எதிர்ப்பு மசோதா உள்ளிட்டவற்றை குடியரசு தலைவருக்கு அனுப்பி வைக்காமல் தமிழக சட்டமன்றத்தின் மாண்பை சிறுமைப்படுத்தும் நடவடிக்கைகள், துணைவேந்தர் நியமன பிரச்சனை, இந்தியாவின் பன்மைத்துவத்தை நிராகரிக்கும் உரை போன்ற நடவடிக்கைகளால் தமிழக மக்களின் உணர்வுகள் பாதிக்கப்பட்டுள்ள சூழலில் ஆளுநர் அவர்கள் அளிக்கும் தேநீர் விருந்தில் எங்களது கட்சியின் நாடாளுமன்ற, சட்டமன்ற உறுப்பினர்கள் உட்பட யாரும் பங்கேற்பதில்லை என முடிவு செய்யப்பட்டுள்ளது" என தெரிவிக்கப்பட்டுள்ளது. ஆளுநர் தேநீர் விருந்து புறக்கணிப்பு தொடர்பாக விடுதலை சிறுத்தைகள் கட்சியின் தலைவர் தொல். திருமாவளவன் வெளியிட்டுள்ள அறிக்கையில், " நீட் தேர்வு ரத்து உள்ளிட்ட மசோதாக்களை குடியரசுத் தலைவருக்கு அனுப்பாமல் வைத்திருக்கும் ஆளுநரின் செயலை கண்டித்து இந்த தேநீர் விருந்தை விடுதலைச் சிறுத்தைகள் கட்சி புறக்கணிக்கிறது. தமிழர் உணர்வுகளை அவமதிக்கும் வகையில் செயல்பட்டு வரும் ஆளுநர் அவர்கள் சித்திரை நாள் தேநீர் விருந்துக்கு அழைப்பது தமிழகத் தலைவர்களைக் கேலி செய்வதாகவுள்ளது. நீட் விலக்கு மசோதாவைக் குடியரசுத் தலைவரின் ஒப்புதலுக்கு அனுப்பாமல் காலம் கடத்தும் நிலையில் அவர் அழைப்பை எங்ஙனம் ஏற்க இயலும்?. சனாதனக் கருத்தியலின் பரப்புநராகச் செயல்படும் ஆளுநர் அவர்கள், சமூகநீதிக் கருத்தியலைச் சிதைக்கும் வகையில்தான் ஏற்கனவே நீட் விலக்கு மசோதாவைத் திருப்பி அனுப்பினார். அடுத்து நிறைவேற்றப்பட்ட அதே மசோதாவை இன்னும் கிடப்பில் போட்டிருக்கிறார். இந்நிலையில் அவரது அழைப்பை எவ்வாறு ஏற்க இயலும்?.  நீட் விலக்கு மசோதாவைக் குடியரசுத் தலைவரின் ஒப்புதலுக்கு விரைந்து அனுப்பி வைக்குமாறு வலியுறுத்துகிறோம்" என தெரிவித்தார் ஆளுநரின் தேநீர் விருந்தினை புறக்கணிப்பதாக இந்திய கம்யூனிஸ்ட் கட்சியின் மாநில செயலாளர் முத்தரசன், மனிதநேய மக்கள் கட்சியின் தலைவர் ஜவாஹிருல்லா ஆகியோர் அறிவித்துள்ளனர். மேலும், ஆளுநர் அழைப்பு விடுத்திருக்கும் தேனீர் விருந்தில் கலந்துகொள்வது தொடர்பாக திமுக என்ன முடிவு எடுக்கிறதோ அதனை ஒட்டியே காங்கிரஸின் முடிவு இருக்கும் என காங்கிரஸ் சட்டமன்றக் கட்சித்தலைவர் செல்வப்பெருந்தகை தெரிவித்துள்ளார்
http://dlvr.it/SNYCZm

Read More

தமிழகத்தில் 4 ஆவது நாளாக மழை: நீலகிரியில் சுற்றுலாப் பயணிகளை கவரும் புத்தம் புது அருவிகள்

"கேரள கடலோர பகுதிகளின் மேல் நிலவும் வளிமண்டல மேலடுக்கு சுழற்சி காரணமாக 4 நாட்களுக்கு தமிழகம் மற்றும் புதுச்சேரியில் இடி மின்னலுடன் மழை பெய்யும்” என சென்னை வானிலை ஆய்வு மையம் தெரிவித்துள்ளது. தமிழ்நாடு, புதுச்சேரி மற்றும் காரைக்கால் பகுதிகளில் நாளை ஒரு சில இடங்களில் இடி மின்னலுடன் கூடிய லேசானது முதல் மிதமான மழை வரை பெய்யக்கூடும் எனவும் தென் தமிழகம், நீலகிரி, கோயம்புத்தூர், திருப்பூர் மாவட்டங்களில் ஓரிரு இடங்களில் கன மழை பெய்ய வாய்ப்புள்ளதாகவும் தெரிவிக்கப்பட்டுள்ளது. ஏப்ரல் 15 ஆம் தேதி தென்தமிழகம், நீலகிரி, கோயம்புத்தூர் மற்றும் திருப்பூர் மாவட்டங்களில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை வரை பெய்யக்கூடும் என்றும் ஏப்ரல் 16 மற்றும் 17 ஆம் தேதிகளில் தென் தமிழகம், நீலகிரி, கோயம்புத்தூர், திருப்பூர், டெல்டா மாவட்டங்கள் மற்றும் காரைக்கால் பகுதிகளில் ஒரு சில இடங்களில் லேசானது முதல் மிதமான மழை வரை பெய்யக்கூடும் எனவும் கூறப்பட்டுள்ளது. சென்னையைப் பொறுத்தவரை அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும் எனவும் நகரின் ஒரு சில இடங்களில் லேசான மழை பெய்யக்கூடும் எனவும் தெரிவிக்கப்பட்டுள்ளது. மேலும், தென் தமிழக, கேரளா கடலோரப்பகுதிகள், குமரிக்கடல், லட்சத்தீவு பகுதி, தென் கிழக்கு அரபிக்கடல் பகுதிகளில் 60 கிலோ மீட்டர் வேகம் வரை காற்று வீசக்கூடும் என்பதால் இப்பகுதிகளுக்கு மீனவர்கள் செல்ல வேண்டாம் எனவும் அறிவுறுத்தப்பட்டுள்ளனர். 4 நாள்களுக்கு இடிமின்னலுடன் மழை பெய்யும். நெல்லை மாவட்டம் பணகுடி மற்றும் அதன் சுற்றுவட்டாரப் பகுதிகளில் பெய்த கோடை மழையால், சாலைகளில் தண்ணீர் பெருக்கெடுத்து ஓடியது. தேனி மாவட்டம் போடியில் தொடர்மழையால் அணைப்பிள்ளையார் தடுப்பணையில் நீர்வரத்து அதிகரித்துள்ளது. அதனால், போடியிலிருந்து மூணாறு செல்லும் முந்தல் சாலையில் வெள்ளியை உருக்கி விட்டது போன்று நீர் வழிந்தோடியது. திருவாரூர் மாவட்டம் திருத்துறைப்பூண்டி, மன்னார்குடி சுற்றுவட்டாரப் பகுதிகளில் பெய்து வரும் மழையால் பருத்தி, உளுந்து, நிலக்கடலை சாகுபடி செய்துள்ள விவசாயிகள் கலக்கம் அடைந்துள்ளனர். கன்னியாகுமரியில் பெய்து வரும் கனமழையால் பெருஞ்சாணி அணையின் நீர்மட்டம் 25 புள்ளி 40 அடியாக உயர்ந்துள்ளது. கள்ளக்குறிச்சி மாவட்டம் உளுந்தூர்பேட்டையில் இடி,மின்னலுடன் பெய்த கனமழையால் தாழ்வான பகுதிகளில் வெள்ளம் சூழ்ந்தது. திருவண்ணாமலை, சிவகங்கை மாவட்டங்களிலும் கோடை மழை பெய்து மண்ணை குளிர்வித்தது. நீலகிரி மாவட்டத்தில் தொடர்ந்து பெய்யும் மழையால், மலைப்பாதையில் ஆங்காங்கே புதுப்புது அருவிகள் தோன்றி காண்போரை ரசிக்க வைக்கிறது.
http://dlvr.it/SNWn9y

Read More

”ராஜினாமா பேச்சுக்கே இடமில்லை”-கான்ட்ராக்டர் தற்கொலையில் கர்நாடக அமைச்சர் திட்டவட்டம்

கர்நாடகாவில் கான்ட்ராக்டர் தற்கொலை செய்து கொண்ட சம்பவம் தொடர்பாக அமைச்சர் ஈஸ்வரப்பா மீது வழக்கு பதிவு செய்யப்பட்டுள்ளது. இந்நிலையில், இதற்காக தான் ராஜினாமா செய்யப் போவதில்லை என அமைச்சர் திட்டவட்டமாக கூறியிருக்கிறார். கர்நாடகா மாநிலம் உடுப்பியைச் சேர்ந்தவர் சந்தோஷ் பாட்டீல் (40). அரசுத் துறைகள் மேற்கொள்ளும் கட்டுமானப் பணிகளில் கான்ட்ராக்டராக இவர் இருந்து வந்தார். ஊரக வளர்ச்சித் துறை சார்பில் கடந்த ஓராண்டாக நடைபெற்ற கட்டுமானப் பணிகளை இவரே மேற்கொண்டதாக தெரிகிறது. ஆனால், இதற்கான செலவுத் தொகையை கர்நாடகா ஊரக வளர்ச்சித் தறை அமைச்சர் ஈஸ்வரப்பா தராமல் இழுத்தடித்து வந்ததாக கூறப்படுகிறது. இந்த சூழலில், தனது பணத்தை தருவதற்கு 40 சதவீதம் கமிஷனை அமைச்சர் பி.எஸ். ஈஸ்வரப்பா கேட்பதாகவும், தர மறுத்தால் கொலை செய்து விடுவதாக தன்னை மிரட்டுவதாகவும் சந்தோஷ் பாட்டீல் சில தினங்களுக்கு முன்பு தெரிவித்திருந்தார். வாட்ஸ் அப், ஃபேஸ்புக் போன்ற வலைதளங்களிலும் இதுதொடர்பாக பேசி சந்தோஷ் பாட்டீல் வீடியோக்களையும் வெளியிட்டிருந்தார். இது, கர்நாடாகவில் பெரும் பரபரப்பை ஏற்படுத்தியிருந்தது. இந்நிலையில், யாரும் எதிர்பாக்காதவிதமாக உடுப்பியில் உள்ள ஒரு ஹோட்டலில் சந்தோஷ் பாட்டீல் நேற்று தற்கொலை செய்து கொண்டார். அவரது உடலுக்கு அருகே இருந்த கடிதத்தை போலீஸார் கைப்பற்றினர். அதில், தனது தற்கொலைக்கு அமைச்சர் ஈஸ்வரப்பாவும், அவரது உதவியாளர்களான பசவராஜ் மற்றும் ரமேஷும் தான் காரணம் என எழுதப்பட்டிருந்தது. இதனைத் தொடர்ந்து, அமைச்சர் ஈஸ்வரப்பா உள்ளிட்டோர் மீது உடுப்பி போலீஸார் வழக்கு பதிவு செய்துள்ளனர். சந்தோஷ் பாட்டீலை தற்கொலை தூண்டிய குற்றத்துக்காக அவரை உடனடியாக கைது செய்ய வேண்டும் என்றும், அமைச்சர் பதவியில் இருந்து அவர் விலக வேண்டும் எனவும் காங்கிரஸ் உள்ளிட்ட எதிர்க்கட்சிகள் போர்க்கொடி தூக்கியுள்ளன. ராஜினாமா பேச்சுக்கே இடமில்லை... இந்த விவகாரம் குறித்து பெங்களூருவில் செய்தியாளர்களை அமைச்சர் பி.எஸ். ஈஸ்வரப்பா இன்று சந்தித்தார். அப்போது அவர், "சந்தோஷ் பாட்டீல் எந்தவித ரசீதும் இல்லாமல் என்னிடம் பணத்தை கேட்டார். எனவேதான், அந்தப் பணத்தை நான் தரவில்லை. இந்த சமயத்தில் எதிர்க்கட்சி உறுப்பினர்களிடம் ஒன்றை கேட்கிறேன். நீங்கள் அமைச்சராக இருந்தபோது, ரசீது இல்லாமல் கான்ட்ராக்டர் ஒருவர் பணம் கேட்டால் நீங்கள் கொடுத்திருப்பீர்களா? சந்தோஷ் பாட்டீல் தற்கொலை செய்து கொண்டதற்காக நான் ராஜினாமா செய்ய வேண்டும் என எதிர்க்கட்சிகள் கூறுவதை ஏற்க முடியாது. நான் ராஜினாமா செய்யும் பேச்சுக்கே இடமில்லை" என ஈஸ்வரப்பா கூறினார்.
http://dlvr.it/SNWDr5

Read More

பாலியல் வன்கொடுமை வழக்கில் பரோலில் வெளிவந்து தப்பிய குற்றவாளி... 33 ஆண்டுகளுக்குப் பின் கைது!

உத்தரப்பிரதேச மாநிலம் ஹத்ராஸ் மாவட்டத்தில் 1986 ஆம் ஆண்டு ரகுநந்தன் சிங் என்பவர் பாலியல் வன்கொடுமை வழக்கில் கைது செய்யப்பட்டார். மேலும் இந்த வழக்கில் அவரின் குற்றம் நிரூபிக்கப்பட்டு நீதிமன்றத்தால் அவருக்கு ஆயுள் தண்டனையும் வழங்கப்பட்டிருந்தது. பின்னர் இந்த வழக்கில் 1989-ல் அலகாபாத் உயர் நீதிமன்றத்தில் ரகுநந்தன் சிங் மேல்முறையீடு செய்தார். அதைத் தொடர்ந்து இந்த வழக்கிலிருந்து ரகுநந்தன் பரோலில் விடுவிக்கப்பட்டார். இந்த நிலையில் பரோலில் வெளியாகி தலைமறைவான ரகுநந்தன் சிங் 33 ஆண்டுகளுக்குப் பிறகு தற்போது டெல்லியில் கைது செய்யப்பட்டுள்ளார். இதுகுறித்து பேசிய ஹத்ராஸ் காவல் கண்காணிப்பாளர் ஜெய்ஸ்வால், ``1989-ல் வழக்கிலிருந்து பரோலில் வெளியான ரகுநந்தன், தான் வசித்துவந்த கிராமத்திலிருந்த தன்னுடைய சொத்துக்கள் அனைத்தையும் விற்றுவிட்டுத் தலைமறைவாகி விட்டார். பின்னர் இந்த வழக்கில் ரகுநந்தனை கைது செய்ய உயர் நீதிமன்றமும் உத்தரவு பிறப்பித்தது.பாலியல் வன்கொடுமை அதைத்தொடர்ந்து, ரகுநந்தனை கைது செய்வோருக்கு ரூ.25 ஆயிரம் பரிசு என அறிவித்தோம். ஆனால், ரகுநந்தனைப் பற்றி தகவலும் கிடைக்காததால் அவர் இறந்துவிட்டதாக நினைத்தோம். இந்த நிலையில் தான், தலைமறைவாகிய ரகுநந்தன், புதிய போலி அடையாளத்துடன் டெல்லிக்குச் சென்றுவிட்டு, திருமணம் செய்துகொண்டு செட்டிலாகி, 30 ஆண்டுகளுக்கு டெல்லியின் புராரி பகுதியில் மேலாக தன் மனைவியுடன் வசித்து வருவது தெரியவந்தது. அதனைத்தொடர்ந்து ரகுநந்தன் தற்போது கைது செய்யப்பட்டிருக்கிறார். மேலும், இந்த வழக்கு தொடர்பான அனைத்து சட்ட நடவடிக்கைகளும், ஹத்ராஸ் காவல்நிலைய அதிகாரிகளால் மேற்கொள்ளப்பட்டு வருகிறது. ரகுநந்தன் இறந்துவிட்டதாக நினைத்திருந்த நிலையில், ரகுநந்தன் உயிரோடிருப்பது அவரின் கிராம மக்களிடையே பெரும் அதிர்ச்சியை ஏற்படுத்தியுள்ளது" என்று கூறியுள்ளார்.குஜராத்: பலமுறை கூட்டு பாலியல் வன்கொடுமை - காது கேளாத, வாய்பேச முடியாத பெண்ணுக்கு நேர்ந்த கொடூரம்
http://dlvr.it/SNVcXR

Read More

``காஷ்மீரி பண்டிட் மீதான தாக்குதல்; என்னை வீட்டுச் சிறையில் வைத்துள்ளனர்'' - மெகபூபா முப்தி

காஷ்மீரில் ஷோபியான் மாவட்டம், சோட்டிகம் கிராமத்தில் காஷ்மீரி பண்டிட் கடைக்காரர் பால் கிருஷ்ணன் என்பவர் ஏப்ரல் 4-ம் தேதி பயங்கரவாதிகளால் தாக்கப்பட்டார். அதில் அவர் படுகாயமடைந்த நிலையில், ஸ்ரீநகரில் உள்ள ராணுவ மருத்துவமனையில் அனுமதிக்கப்பட்டு சிகிச்சை பெற்று வருகிறார். இந்த நிலையில், காஷ்மீர் முன்னாள் முதல்வர் மெகபூபா முப்தி, வீட்டைவிட்டு வெளியே செல்ல கூடாது என தடுத்து நிறுத்தப்பட்டதாக தகவல் வெளியானது. Placed under house arrest today because I wanted to visit the family of the Kashmiri pandit attacked in Shopian. GOI wilfully spreads fake propaganda about Kashmiri mainstream & muslims responsible for pandit exodus & doesn’t want this fake divisive narrative to be exposed. pic.twitter.com/wRPet5cX98— Mehbooba Mufti (@MehboobaMufti) April 12, 2022 மெகபூபா இதுகுறித்து தனது ட்விட்டர் பதிவில், “காஷ்மீா் பண்டிட் மீதான தாக்குதலையடுத்து அவரின் குடும்பத்தினரை சந்திக்க திட்டமிட்டிருந்தேன். இதன் காரணமாக, என்னை வீட்டுச் சிறையில் வைத்துள்ளனர். இந்திய அரசு வேண்டுமென்றே காஷ்மீர் மற்றும் முஸ்லிம்களுக்கு எதிராக போலியான பிரசாரத்தை பரப்புகிறது. பாதுகாப்பு காரணங்களுக்காக பயணம் செய்ய தடை விதிக்கப்பட்டதாக அதிகாரிகள் தெரிவித்தனர் ” என்று பதிவிட்டுள்ளார்.
http://dlvr.it/SNTdp6

Read More

சமபந்தி போஜனம் இனி சமத்துவ விருந்து என பெயர் மாற்றம் - முதல்வர் ஸ்டாலின் அறிவிப்பு

சமபந்தி போஜனத்தை சமத்துவ விருந்து என பெயர் மாற்றி முதலமைச்சர் மு.க.ஸ்டாலின் அறிவித்திருக்கிறார் இது தொடர்பான அறிவிப்பினை தலைமைச்செயலகத்தில் நடைபெற்ற ஆதி திராவிடர் - பழங்குடியினர் நலத்துறை கண்காணிப்பு குழுக்கூட்டத்தில் முதலமைச்சர் வெளியிட்டுள்ளார். மேலும், சென்னை நந்தனத்தில் ஆதி திராவிடர் நலத்துறை சார்பில் ரூபாய் 40 கோடியில் புதிய மாணவர் விடுதி கட்டப்படும் எனவும் முதலமைச்சர் அறிவித்திருக்கிறார் இந்த கூட்டத்தில் பேசிய முதல்வர் ஸ்டாலின், "இன்று காலை சட்டமன்ற உறுப்பினர் சிந்தனை செல்வன் அவர்கள் என்னை சந்தித்து, ஆகஸ்ட் 15 விடுதலை நாள் உள்ளிட்ட முக்கிய நாட்களில் இதுவரை நடைபெற்று வந்த சமபந்தி போஜனம் என்பதை பெயர் மாற்ற வேண்டுமென்று வேண்டுகோள் வைத்தார். அதனை ஏற்று இனிமேல் அதற்கு சமத்துவ விருந்து என்று பெயர் மாற்றம் செய்யப்படும் என்பதை தெரிவித்துக் கொள்கிறேன். ஆதிதிராவிட மற்றும் பழங்குடியின மக்களின் இன்னல்களை களையவும், அவர்களுக்கு இழைக்கப்படும் அநீதிகள் மற்றும் வன்கொடுமைகளை நமது அரசு இரும்புக் கரம் கொண்டு அடக்கும்" என தெரிவித்தார். மேலும், ஆதிதிராவிடர், பழங்குடியினர் நலத்துறை கீழ் இயங்கும் பள்ளிகளில் ரூ.123 கோடியில் உட்கட்டமைப்பு வசதி செய்யப்படும் என்றும் கூறினார். ஆதிதிராவிடர் மற்றும் பழங்குடியினத் தொழில்முனைவோரால் தொடங்கப்படும் புத்தொழில் நிறுவனங்களுக்கு உதவிடும் வகையில் தமிழ்நாடு புத்தொழில் மற்றும் புத்தாக்க இயக்கத்திற்கு (TANSIM) 30 கோடி ரூபாய் நிதியாக வழங்கப்படும் என்றும் தெரிவித்தார்.
http://dlvr.it/SNTJXp

Read More

கர்நாடகா: அமைச்சர் மீது ஊழல் குற்றம்சாட்டிய பாஜக உறுப்பினர் தற்கொலை; போலீஸ் விசாரணை!

கர்நாடக ஊரக வளர்ச்சி மற்றும் பஞ்சாயத்து ராஜ் அமைச்சர் கே.எஸ்.ஈஸ்வரப்பா மீது ஊழல் குற்றச்சாட்டு சுமத்திய பா.ஜ.க-வின் உறுப்பினரும், ஒப்பந்ததாரருமான சந்தோஷ் பட்டீலின் சடலம்  இன்று (ஏப்ரல் 12) உடுப்பியில் உள்ள விடுதியில் கண்டெடுக்கப்பட்டது. பெலகாவியில் உள்ள ஹிண்டலகாவைச் சேர்ந்த சந்தோஷ், கடந்த திங்கள்கிழமை முதல் காணவில்லை. அதன் பின்பு வந்த தகவலின் அடிப்படையில் உடுப்பியில் உள்ள விடுதியில் அவர் உடல் கண்டெடுக்கப்பட்டது. இது தொடர்பாக காவல்துறை விசாரணையில், "நான் எனது வாழ்க்கையை முடித்துக் கொள்ள முடிவு செய்துள்ளேன், எனது மரணத்திற்கு ஆர்.டி.பி.ஆர் அமைச்சர் கே.எஸ்.ஈஸ்வரப்பா மட்டுமே காரணம். கே.எஸ். ஈஸ்வரப்பா எனது ஆசைகளை ஒதுக்கி வைத்து இந்த முடிவை எடுக்கிறேன். எனது பிரதம மந்திரி, முதல்வர், நமது அன்புக்குரிய லிங்காயத் தலைவர் பி.எஸ்.ஒய் மற்றும் அனைவரும் என் மனைவி மற்றும் குழந்தைகளுக்கு உதவிக்கரம் நீட்ட வேண்டும் என்று கூப்பிய கரங்களுடன் கேட்டுக்கொள்கிறேன்” என்று அவரது செல்போனிலிருந்து மெசேஜ் அனுப்பப்பட்டுள்ளதாகக் கூறப்படுகிறது. இது தொடர்பாக பா.ஜ.க-வின் ஆர்.டி.பி.ஆர் அமைச்சர் கே.எஸ்.ஈஸ்வரப்பா, " என் மீது குற்றம் சாட்டியவர் மீது அவதூறு வழக்கு தொடர்ந்துள்ளேன். அவர் நீதிமன்றத்தில் போராடியிருக்க வேண்டும், அவரது தற்கொலைக்கும் எனக்கும் எந்த இடத்திலும் தொடர்பில்லை. நான் அவரைச் சந்திக்கவில்லை. இவரின் மரணத்தை முன்வைத்து சிலர் நான் ராஜினாமா செய்ய வேண்டும் எனப் போராடுகிறார்கள். நான் ராஜினாமா செய்யும் பேச்சுக்கே இடமில்லை" என்று கூறினார்.சந்தோஷ் பட்டீல் இதற்கிடையில், இந்தச் செய்திக்கு எதிர்வினையாற்றும் வகையில், சிவமோகாவில் உள்ள காங்கிரஸ் தொண்டர்கள் அமைச்சர் கே.எஸ்.ஈஸ்வரப்பா இல்லத்திற்கு வெளியே ஆர்ப்பாட்டத்தில் ஈடுபட்டனர். அங்கு 'எங்களுக்கு நீதி வேண்டும்' என்ற கோஷங்கள் எழுப்பப்பட்டன. சந்தோஷ் பட்டீல் மரணம் குறித்து நீதி விசாரணை நடத்த வேண்டும் என்றும் காங்கிரஸ் தலைவர்கள் வலியுறுத்தி வருகின்றனர்.உடுப்பியில் உள்ள விடுதியில் விசாரணை கர்நாடகாவில் பா.ஜ.க அரசு ஒப்பந்ததாரர்களிடம் அதிக லஞ்சம் கேட்பதாகவும், ஊழல் அதிகரித்து வருவதாகவும் குற்றம்சாட்டிய பல ஒப்பந்ததாரர்களில் சந்தோஷ் பட்டீலும் ஒருவர். அரசு திட்டப்பணிகளுக்கான தொகையை ஈஸ்வரப்பா ஊழல் செய்துவிட்டார் எனக் கூறிய சந்தோஷ் பட்டீல் மீது அமைச்சர் கே.எஸ்.ஈஸ்வரப்பா அவதூறு வழக்கு தொடர்ந்தார் என்பது குறிப்பிடத்தக்கது. இது தற்கொலையா? அல்லது திட்டமிட்ட கொலையா என காவல்துறை விசாரித்துவருகிறது.வாடகைக்கு வீடு எடுத்து கள்ளநோட்டு அடித்த கும்பல்... போலீஸில் சிக்கியது எப்படி?!
http://dlvr.it/SNSCWW

Read More

கேரளாவில் திருமணத்துக்குச் சென்று திரும்பியபோது கார் விபத்து - ஒரே குடும்பத்தைச் சேர்ந்த மூவர் பலி!

நீலகிரி மாவட்டம் கூடலூர் அருகில் உள்ள பாட்டவயல், கரும்பன்மூலாப் பகுதியைச் சேர்ந்தவர் பிரவீஸ். இவரின் உறவினர் திருமண விழாவில் பங்கேற்க கேரள மாநிலம் கோழிக்கோடு பகுதிக்குக் குடும்பத்துடன் காரில் சென்றிருக்கிறார். திருமண விழாவில் பங்கேற்றுவிட்டு சொந்த ஊருக்கு அனைவரும் திரும்பி கொண்டிருந்திருக்கின்றனர்.வாகன விபத்து கேரள மாநிலம் மீனங்காடி, காக்கவயல் பகுதியில் கார் சென்றுகொண்டிருந்தபோது, எதிரில் பால் ஏற்றி வந்த டேங்கர் லாரி ஒன்று பிரவீஸ் ஓட்டி வந்த காரில் மோதியிருக்கிறது. அதில், காரில் இருந்த பிரவீஸ் அவர் மனைவி, தாய் ஆகிய மூவரும் பரிதாபமாக உயிரிழந்தனர். காயங்களுடன் உயிருடன் மீட்கப்பட்ட பிரவீஸின் 5 வயது மகனை கோழிக்கோடு மருத்துவமனையில் அனுமதித்து சிகிச்சை அளித்து வருகின்றனர். இந்த விபத்து குறித்து தெரிவித்த கேரள காவல்துறையினர்,"மீனங்காடி பகுதியில் ஏற்பட்ட வாகன விபத்தில் நீலகிரி மாவட்டம் பாட்டவயல் பகுதியைச் சேர்ந்த பிரவீஸ், அவர் மனைவி ஸ்ரீஜா, பிரவீஸின் தாயார் பிரேமலதா ஆகிய மூவரும் உயிரிழந்தனர்.வாகன விபத்தில் உயிரிழந்தவர்கள் காயங்களுடன் உயிர்பிழைத்த 5 வயது ஆண் குழந்தைக்கு கோழிக்கோடு மருத்துவமனையில் சிகிச்சை அளித்து வருகின்னர். விபத்துக்கான காரணம் குறித்து வழக்கு பதிவு செய்து விசாரணை மேற்கொண்டு வருகிறோம்" எனத் தெரிவித்துள்ளனர். மலைப்பகுதியில் ரோப் கார் விபத்து; 2 பேர் பலி,10-க்கும் மேற்பட்டோர் காயம் - மீட்புப் பணிகள் தீவிரம்
http://dlvr.it/SNRhBJ

Read More

`டிரான்ஸ்ஃபர் வேண்டுமா, ஒரு நாள் மனைவியை அனுப்பு!' - மின்வாரிய அதிகாரியின் கொடுமையால் ஊழியர் தற்கொலை

உத்தரப்பிரதேச மாநிலம் லகிம்பூர் மாவட்டத்தில் உள்ள அலிகஞ்ச் என்ற இடத்தில் மின்வாரிய ஊழியராகப் பணியாற்றி வந்தவர் கோகுல் பிரசாத்(45). இவரது வீடு அதிக தூரத்தில் இருந்ததால் பணிக்குச் சென்று வருவதில் சிரமம் இருந்தது. இதனால் தன்னை தனது ஊருக்கு அருகில் உள்ள ஊருக்கு இடமாற்றம் செய்து கொடுக்கும்படி, ஜூனியர் இஞ்சினீயர் நாகேந்திர குமாரிடம் கேட்டார். ஆனால் அவர் பணியிட மாற்றம் கொடுக்க மறுத்து வந்தார். இந்நிலையில் தான் பணியாற்றிய அலுவலகத்திற்கு வெளியில் கோகுல் திடீரென தனது உடலில் டீசல் ஊற்றி தீவைத்துக்கொண்டார். அவர் உடனே மருத்துவமனையில் அனுமதிக்கப்பட்டார். உயிருக்குப் போராடிய நிலையில் அவர் போலீஸாரிடம் கொடுத்துள்ள வாக்குமூலம் அனைவருக்கும் அதிர்ச்சியை ஏற்படுத்தியுள்ளது. அவர் தனது வாக்குமூலத்தில், 'ஜூனியர் இஞ்சினீயர் நாகேந்திர குமாரும் அவரின் உதவியாளரும் சேர்ந்து என்னை தொடர்ந்து சித்ரவதை செய்து வந்தனர். போலீஸ்: சித்திரிப்புப் படம்அசைவ உணவு மோதல்... ஜே.என்.யு மாணவர்களுக்கு எச்சரிக்கை விடுத்துள்ள பல்கலைக்கழக நிர்வாகம்! இது தொடர்பாக போலீஸில் புகார் செய்தும் எந்த பயனும் இல்லை. எனது ஊரில் இருந்து பணிக்கு வந்து செல்ல மிகவும் சிரமமாக இருந்தது. எனவே எனது ஊருக்கு அருகில் இடமாற்றம் செய்து கொடுக்கும்படி கேட்டேன். ஆனால் அதற்கு, 'பணியிட மாற்றம் வேண்டுமென்றால் ஒரு நாள் இரவுக்கு உன் மனைவியை எனக்கு அனுப்பி வை' என்று நாகேந்திர குமாரும், அவரின் உதவியாளரும் என்னிடம் கேட்டனர். இதனால் அவமானம் தாங்க முடியாமல் தற்கொலை செய்ய முடிவு செய்தேன்' எனத் தெரிவித்தார். கோகுல் கொடுத்த வாக்குமூலம் சமூக வலைதளங்களில் வைரலாகப் பரவியிருக்கிறது. மருத்துவமனையில் சிகிச்சை பெற்று வந்த கோகுல் சிகிச்சை பலனின்றி இறந்து போனார். இதையடுத்து போலீஸார் வழக்குப் பதிவு செய்து விசாரித்து வருகின்றனர். மேலும் மாநில மின்சார வாரியம் நாகேந்திர குமாரையும், அவரின் உதவியாளரையும் பணியிடை நீக்கம் செய்து உத்தரவிட்டு இருக்கிறது. இது குறித்து லகிம்பூர் எஸ்.பி.சஞ்சீவ் கூறுகையில், 'தற்கொலை செய்து கொண்டவர் கொடுத்த வாக்குமூலத்தின் அடிப்படையில் தற்கொலைக்குத் தூண்டியதாக நாகேந்திர குமார் மீதும், கிளார்க் மீதும் வழக்குப் பதிவு செய்யப்பட்டுள்ளது' என்று தெரிவித்தார்.Sexual Harassment (Representational Image) கோகுல் மனைவியும் இது தொடர்பாக தனியாக ஒரு வீடியோ வெளியிட்டுள்ளார். அதில், 'என் கணவரை நாகேந்திர குமார் கடந்த மூன்று ஆண்டுகளாக சித்ரவதை செய்து வந்தார். இதனால் என் கணவர் மன அழுத்தத்திற்கு ஆளாகி சிகிச்சையும் எடுத்துக்கொண்டார். எங்கள் ஊருக்கு அருகில் பணியிட மாற்றம் செய்யும்படி என் கணவர் கேட்டதற்கு, ஒரு நாள் இரவு உன் மனைவியை அனுப்பி வை என்று அவரிடம் கூறியுள்ளனர். அதனால்தான் என் கணவர் தற்கொலை செய்துகொண்டார்' என்று தெரிவித்துள்ளார்.
http://dlvr.it/SNR5Rg

Read More

தொழில்நுட்ப கோளாறு; தண்டவாளத்தில் நின்றுகொண்டிருந்தவர்கள் மீது மோதிய எக்ஸ்பிரஸ் - 7 பேர் பரிதாப பலி

ஆந்திர மாநிலம் ஸ்ரீகாகுளம் மாவட்டம் அருகே ரயில் தண்டவாளத்தில் நின்றுகொண்டிருந்தவர்கள் மீது, எதிர்திசையில் வந்த கொல்கத்தா செல்லும் கொனார்க் எக்ஸ்பிரஸ் ரயில் மோதியதில் 7 பேர் பரிதாபமாக உயிரிழந்தனர். இச்சம்பவம் குறித்து அதிகாரிகள் கூறுகையில், ``உயிரிழந்த 7 பேரும் செகந்திராபாத் - கவுஹாத்தி அதிவிரைவு ரயில் பயணிகள். தொழில்நுட்ப கோளாறு காரணமாக படுவ கிராமம் அருகே ரயில் நின்றபோது, இந்த 7 பேரும் ரயிலில் இருந்து இறங்கி தண்டவாளத்தில் நின்றுகொண்டிருந்தனர். அப்போது எதிர்திசையில் அதிவேகமாக வந்த கொல்கத்தா செல்லும் கொனார்க் எக்ஸ்பிரஸ் ரயில் இவர்கள் மோதியதில் 7 பேரும் பரிதாபமாக உயிரிழந்தனர்" என்று தெரிவித்துள்ளனர்.ஜெகன் மோகன் ரெட்டி இந்த விபத்து குறித்து அறிந்த ஆந்திர முதல்வர் ஜெகன் மோகன் ரெட்டி, இச்சம்பவத்திற்கு இரங்கல் தெரிவித்துள்ளார். மேலும் பாதிக்கப்பட்டவர்களுக்கு உடனடியாக நிவாரண உதவிகளை மேற்கொள்ளவும், காயமடைந்தவர்களுக்கு உரிய சிகிச்சை அளிக்கப்படுவதை உறுதி செய்யவும் மாவட்ட அதிகாரிகளுக்கு உத்தரவிட்டுள்ளார்.மும்பை: ரயில் முன் பாய்ந்த தந்தை; 6 வயது மகன் உயிர் தப்பியது எப்படி?!
http://dlvr.it/SNQ6zy

Read More

உச்ச நட்சத்திரம் டு ஆந்திர மாநில அமைச்சர்... நடிகை ரோஜாவின் அரசியல் பயணம்!

கடந்த 2019 ஆந்திர சட்டமன்றத் தேர்தலில் வெற்றிபெற்ற ஒய்.எஸ்.ஆர் காங்கிரஸ் கட்சி 2.5 ஆண்டுகளுக்கு ஒருமுறை மொத்த அமைச்சரவையும் மாற்றப்படும் என்று அறிவித்திருந்தது. அதன்படி, அமைச்சரவை மாற்றப்பட்டது. 25 அமைச்சர்களில், முன்னரே அமைச்சரவையில் இடம்பெற்றிருந்த 11 அமைச்சர்களும், புதியதாய் நியமிக்கப்பட்ட 14 அமைச்சர்களும் பதவி பிரமாணம் செய்துக்கொண்டனர். அந்த புதிதாய் நியமிக்கப்பட்ட 14 அமைச்சர்களில் நடிகை ரோஜாவும் இடம்பெற்றிருந்தார். நடிகை ரோஜா உச்ச நட்சத்திரத்திலிருந்து இன்று ஆந்திரா அமைச்சரவையில் இடம் வரை, ரோஜாவின் அரசியல் பயணத்தைப் பற்றி இந்தக் கட்டுரையில் காண்போம்.ஆந்திர அமைச்சரவை மாற்றம்: பதவியேற்ற ரோஜா... நீடிக்கும் பதற்றம்! - என்ன நடக்கிறது அங்கே?! ரோஜா - 90 களில் இந்தப் பெயரை ஆந்திரா மற்றும் தமிழகத்தில் கேள்விபடாத ஆட்களே இருக்க முடியாது. ஆர்.கே செல்வமணியின் செம்பருத்தி திரைப்படம் மூலம் தமிழ் திரையுலகுக்கு அறிமுகமான ரோஜா, முதல் படத்திலேயே ஒட்டுமொத்த ரசிகர்களையும் கவர்ந்து, அவர்கள் மனதில் முத்திரை பதித்து விட்டார். அந்த திரைப்படத்தின் இயக்குநரான ஆர்.கே செல்வமணியை பின்னாட்களில் மணந்து இல்லற வாழ்வில் அடியெடுத்து வைத்தார் என்பது குறிப்பிடதக்கது. இதனிடையே சரத்குமார், பிரபுதேவா, மம்முட்டி, ரஜினிகாந்த் என்று ரோஜாவின் கிராப் சினிமாவில் உயர்ந்துக்கொண்டே போனது.ரோஜா`நக்சலைட் மிரட்டலையும் தாண்டி!' - Single-அ மாஸ் காட்டிய நடிகை ரோஜா - 1st Time Reveals சினிமாவில் உச்ச நட்சத்திரம் ஆகிவிட்டால் உடனடியாக வரும் அந்தக் கேள்வி ரோஜாவை நோக்கியும் வந்தது. 'எப்போ அரசியலுக்கு வருவீங்க?'' 1999 இல் தனது அரசியல் பயணத்தை தெலுங்கு தேசம் கட்சியிலிருந்து துவங்குகிறார் ரோஜா. கட்சியில் சேர்ந்தவுடன் தெலுங்கு தேசம் கட்சியின் மகளிர் அணியான தெலுங்கு மகிளாவிற்கு தலைவராக நியமிக்கப்படுகிறார். கட்சியில் சேர்ந்த ஆரம்பத்தில் பதவிகள் கொடுத்தாலும், தொடர்ந்து தெலுங்கு தேசம் கட்சியில் ரோஜாவிற்கு ஏதாவது ஒரு விதத்தில் இடைஞ்சல் வந்துக்கொண்டே இருந்தது. அவரை பிரசாரம் செய்ய விடாமல் தடுப்பது, கட்சி பணிகளை செய்யவிடாமல் குறுக்கிடுவது. தன்னை இழிவுபடுத்தும் வகையில் நடந்துக்கொள்வது என்பன போன்ற பல குற்றசாட்டுகளை கட்சி தலைவர் சந்திரபாபு நாயுடுவின் முன் வைத்தார் ரோஜா. ஆனால் அது குறித்து அவர் எந்தவொரு பெரிய நடவடிக்கையுமே எடுக்கவில்லை.நடிகை ரோஜா எடப்பாடி ஆட்சி, ரஜினி - கமல் அரசியல்... ஆந்திராவிலிருந்து ரோஜா ஸ்பெஷல் பேட்டி! 2009 ஆம் ஆண்டு நடைபெற்ற சட்டமன்றத் தேர்தலில் தெலுங்கு தேசம் கட்சியின் சார்பாக போட்டியிட்ட ரோஜா தோல்வியை தழுவினார். அதன்பிறகு, இருக்கும் இடத்தில் மரியாதை ஏதும் இல்லை என்று காங்கிரஸ் கட்சியில் சேர்ந்தார். அங்கேயும் ரோஜாவால் பெரியளவில் பங்காற்ற முடியவில்லை. அரசியலில் இருந்து விலகிவிடலாம் என்று ரோஜா நினைத்துக்கொண்டிருக்கும் போது, 2011 இல் ஜெகன்மோகன் ரெட்டி தலைமையில் ஒய்.எஸ்.ஆர் காங்கிரஸ் கட்சி தொடங்கப்படுகிறது. உடனடியாக காங்கிரஸ் கட்சியில் இருந்து விலகி ஒய்.எஸ்.ஆர் காங்கிரஸில் இணைகிறார். ஒய்.எஸ்.ஆர் காங்கிரஸில் தன்னை இணைத்துக் கொண்டப்பின் ரோஜாவின் அரசியல் கிராப் வேகமாக உயர ஆரம்பித்தது. 2014 சட்டமன்றத் தேர்தலில் நகரி தொகுதியில் போட்டியிட்டார். தனது அனல் பறக்கும் பிரசாரம் மூலம் எதிர்த்து நின்ற வேட்பாளர்களை தோற்கடித்து, சட்டப்பேரவையில் எதிர்க்கட்சி வரிசையில் அமர்கிறார் ரோஜா. ரோஜா அதுவரை சட்டமன்றத்தின் வெளியில் ஒலித்த ரோஜாவின் குரல், அன்று முதல் சட்டப்பேரவையின் உள்ளேயும் ஒலிக்க ஆரம்பித்தது. பேரவை விவாதங்ளால் ஆதிக்கம் செலுத்திய ரோஜா, சட்டமன்ற மாண்பைக் குலைக்கும் வகையில் பேசினார் என்று குற்றசாட்டப்பட்டு 2015 இல் ஒரு வருடத்திற்கு இடைநீக்கம் செய்யப்பட்டார். அதன்பிறகு அதை ரத்து செய்யக் கோரி உச்ச நீதிமன்றத்தில் மேல் முறையீடு செய்து, வெற்றி பெற்று மீண்டும் சட்டமன்றத்திற்குள் நுழைந்தார். பின் 2019 தேர்தலில் மீண்டும் நகரி தொகுதியில் போட்டியிட்ட ரோஜா, மீண்டும் வெற்றி பெற்று சட்டமன்றத்திற்குள் நுழைந்தார். ஆனால் இம்முறை எதிர்க்கட்சி உறுப்பினராக அல்ல, ஆளுங்கட்சி உறுப்பினராக.பறிபோன பதவி; மீண்டும் ஏமாற்றத்தில் நடிகை ரோஜா; ஜெகனின் அடுத்த மூவ் என்ன?ரோஜா ரோஜாவிற்கும் சந்திரபாபு நாயுடுவிற்கும் எந்த அளவுக்கு முரண் இருந்ததோ, அதே அளவிற்கு ரோஜாவிற்கும் ஜெகன்மோகன் ரெட்டிக்குமிடையே நட்பு இருக்கிறது. ஆரம்பத்திலிருந்தே ரோஜாவிற்கு பல பதவிகள் அளித்து ஊக்குவித்த வந்தார் ஜகன்மோகன் ரெட்டி. ரோஜாவின் ஆரம்ப காலகட்டத்தில் ஒய்.எஸ்.ஆர் காங்கிரஸின் மகளிர் அணி தலைவர் பதவி, பின்னர் 2019 இல் ஆந்திர பிரதேசம் தொழிற்சாலை உற்பத்தி நிறுவனத்திற்கு தலைவராக நியமிக்கப்பட்டார். தற்போது அமைச்சர் பதவி. மறைந்த முன்னாள் தமிழக முதல்வர் ஜெயலலிதாவை, "அவர் எனக்கு இன்னொரு அம்மா, அரசியலில் நான் ஈடுபட காரணமாக அமைந்தவர் அம்மா தான்" என்று குறிப்பிட்டிருந்தார். தற்போது அவரது பாணியிலேயே சினிமாவிலிருந்து அரசியலிலும் கால்தடம் பதித்துக்கொண்டிருக்கிறார் ரோஜா!``அரசியலில் என் முதல் வெற்றி.... கண்கலங்கிய அந்தத் தருணம்!" - நடிகை ரோஜா
http://dlvr.it/SNPnsq

Read More

``முஸ்லிம்களை அமைதியாகவும் மரியாதையாகவும் வாழ விடுங்கள்!" - கர்நாடக முன்னாள் முதல்வர் எடியூரப்பா

முஸ்லிம்களை அமைதியாகவும் மரியாதையாகவும் வாழ விடுங்கள் எனக் கர்நாடகாவின் முன்னாள் முதல்வர் பி.எஸ். எடியூரப்பா கூறியுள்ளார். இந்துத்துவா அமைப்புகள் கோயில்களுக்கு அருகில் உள்ள முஸ்லிம் கடைகளைத் தடை செய்ய வேண்டும், ஹலால் இறைச்சியைப் புறக்கணிக்க வேண்டும், பழ வியாபாரத்தில் முஸ்லிம்களின் வளர்ச்சியை முடிவுக்குக் கொண்டு வர வேண்டும். அதேபோல, முஸ்லிம் கைவினைக் கலைஞர்களால் செய்யப்பட்ட சிலைகள் மற்றும் அவர்களால் ஓட்டப்படும் டாக்சிகள், ஆட்டோக்களை புறக்கணிக்க வேண்டும்,கர்நாடகா மசூதிகளிலுள்ள ஒலிபெருக்கிகளை எடுக்க வேண்டும் என முஸ்லிம்கள் மற்றும் அவர்களுக்குச் சொந்தமான வணிகங்களைக் குறிவைத்து இந்துத்துவா அமைப்புகளின் பிரசாரங்கள் தொடர்ந்து சர்ச்சையாகி வருகின்றன. இந்த நிலையில், பா.ஜ.க முன்னாள் முதல்வர் பி.எஸ்.எடியூரப்பா பேசியுள்ளது அரசியல் வட்டாரத்தில் அனைவரது கவனத்தையும் ஈர்த்திருக்கிறது. சமீபத்தில் கர்நாடக மாநிலம், தார்வாடில் பகுதியில் முஸ்லிம்களுக்குச் சொந்தமான பழ வண்டிகளைச் சேதப்படுத்தியதற்காக ஸ்ரீராம சேனா அமைப்பைச் சேர்ந்த நான்கு பேர் கைது செய்யப்பட்டனர். இந்தச் சம்பவத்துக்குப் பிறகு இன்று செய்தியாளர்களைச் சந்தித்துப் பேசிய எடியூரப்பா, ``இந்துத்துவா அமைப்புகள் இதுபோன்ற நடவடிக்கைகளை நிறுத்த வேண்டும். இது போன்ற சில விஷமிகள் மீண்டும் செயல்பட்டால் கடுமையான நடவடிக்கை எடுக்கப்படும் என்று முதல்வர் ஏற்கெனவே உறுதியளித்துள்ளார்.கர்நாடகா கல்லூரி சர்ச்சை குறைந்த பட்சம் இனிமேல், இதுபோன்ற விரும்பத்தகாத சம்பவங்கள் நடைபெறக்கூடாது. நாம் அனைவரும் ஓர் தாயின் பிள்ளைகள். எனவே, ஒற்றுமையாக இருக்க வேண்டும். இதுபோன்ற நடவடிக்கைகளில் ஈடுபடுபவர்களைத் தடுத்து நிறுத்துமாறு அரசுக்கு நான் வேண்டுகோள் விடுக்கிறேன். முஸ்லிம்களை அமைதியாகவும் மரியாதையாகவும் வாழ விடுங்கள்" என்றார்.கர்நாடகா: ``வளர்ந்துவரும் மதப் பிளவை முதல்வர் தடுத்து நிறுத்த வேண்டும்!" - கிரண் மஜும்தார் ஷா
http://dlvr.it/SNNjMH

Read More

வாக்குவாதம்.. தள்ளுமுள்ளு.. அதிமுகவினர் வெளிநடப்பு- கோவை மாமன்றக் கூட்டத்தில் பரபரப்பு

கோவை மாநகராட்சி மாமன்றக் கூட்டத்தில் அதிமுக கவுன்சிலர் மீது தாக்குதல் முயற்சி செய்ததால், அதிமுகவினர் வெளிநடப்பு செய்தனர். கோவை மாநகராட்சி விக்டோரியா ஹாலில் மாமன்ற கூட்டம் மேயர் கல்பனா தலைமையில் மாநகராட்சி ஆணையர் முன்னிலையில் இன்று நடைபெற்றது. கூட்டத்தில் அனைத்து கட்சி மாமன்ற உறுப்பினர்களும் கலந்து கொண்ட நிலையில் அதிமுக உறுப்பினர்களான சர்மிளா சந்திரசேகர், பிரபாகரன், ரமேஷ் ஆகியோர் தமிழக அரசின் சொத்து வரி உயர்விற்கு கண்டனம் தெரிவிக்கும் விதமாக கருப்பு சட்டை அணிந்து கலந்து கொண்டனர். முன்னதாக கூட்டம் நடைபெறும் விக்டோரியா ஹால் முன்பு, மூவரும் மாநகராட்சியின் 100 சதவீத வரி உயர்வுக்கு எதிராக கண்டன வாசகங்கள் அடங்கிய பதாகைகளை ஏந்தி கண்டன முழக்கங்களை எழுப்பினர். பின்னர் கூட்டத்தில் கலந்து கொண்டனர். தொடர்ந்து மாநகர பகுதிகளில் மேற்கொள்ளப்பட்டு வரும் பொது சுகாதாரப்பணிகள் குறித்து பேசிய திமுக உறுப்பினர்கள் கடந்த ஆட்சி குறித்து விமர்சித்தனர். அப்போது குறுக்கிட்ட அதிமுக மாமன்ற உறுப்பினர் பிரபாகரன், “திமுக கடுமையான வரி விதிப்பால் மக்கள் பாதிக்கப்படுகிறார்கள். எனவே அதிகப்படியான வரி விதிப்பை ரத்து செய்ய வேண்டும்” வலியுறுத்திய போது திமுக கவுன்சிலர்கள் சிலர் அவரிடம் வாக்குவாதத்தில் ஈடுப்பட்டனர். மேலும், சில உறுப்பினர்கள் அதிமுக உறுப்பினரை திடீரென தள்ளி விட்டதால் கூட்டத்தில் பரபரப்பு ஏற்பட்டது. இதையடுத்து அதிமுக கவுன்சிலர்கள் வெளிநடப்பு செய்தனர்.
http://dlvr.it/SNNBBN

Read More

ஆந்திர அமைச்சரவை மாற்றம்: பதவியேற்ற ரோஜா... நீடிக்கும் பதற்றம்! - என்ன நடக்கிறது அங்கே?!

அமைச்சரவை மாற்றம்: கடந்த 2019-ம் ஆண்டு, ஆந்திரா சட்டமன்றத் தேர்தலில் ஒய்.எஸ்.ஆர் காங்கிரஸ் பெரும்பான்மையான இடங்களில் வெற்றிபெற்று ஜெகன்மோகன் ரெட்டி தலைமையிலான ஆட்சி அமைந்தது. ஆட்சி அமைந்த சமயத்தில், இரண்டரை ஆண்டுக் காலத்துக்குப் பிறகு அமைச்சரவை மாற்றி அமைக்கப்படும் என்று முதல்வர் ஜெகன்மோகன் ரெட்டி தெரிவித்திருந்தார்.புதிய ஆந்திரா அமைச்சரவை தற்போது ஜெகன்மோகன் ரெட்டி தலைமையிலான அரசு மூன்றாவது ஆண்டை நோக்கிச் சென்றுகொண்டிருக்கிறது. சமீபத்தில் ஜெகன்மோகன் ரெட்டி, ஆந்திர ஆளுநர் பிஸ்வபூஷண் ஹரிச்சந்திரனைச் சந்தித்து அமைச்சரவை மாற்றம் குறித்து ஆலோசனை நடத்தினர். இதைத் தொடர்ந்துதான் அமைச்சரவை மாற்றி அமைக்கப்படுவதாக அறிவிப்பு வெளியானது. மேலும், தற்போதைய அமைச்சர்களிடம் ராஜினாமா கடிதமும் பெறப்பட்டது. போராட்டம்: ஆந்திராவில் தற்போதுள்ள 25 அமைச்சர்களில் ஒருவர் இறந்துவிட்டார். மீதமுள்ள 24 அமைச்சர்களிடமும் ராஜினாமா கடிதம் பெறப்பட்டுள்ளது. காலியான அமைச்சரவையில், முன்பிருந்த அமைச்சர்கள் 10 பேருக்கு மீண்டும் வாய்ப்பு வழங்கப்பட்டுள்ளது. மேலும், நடிகை ரோஜா உள்ளிட்ட 15 சட்டமன்ற உறுப்பினர்களுக்கு புதிய அமைச்சரவையில் வாய்ப்பு வழங்கப்பட்டிருக்கிறது. புதிய அமைச்சர்களுக்கு இன்று காலை ஆளுநர் பிஸ்வபூஷண் ஹரிச்சந்திரன் பதவிப் பிரமாணம் செய்துவைத்தார்.போராட்டம் அமைச்சரவை மாற்றப்பட்டதற்கும், தங்கள் பகுதி உறுப்பினருக்கு அமைச்சரவையில் வாய்ப்பு வழங்காததை எதிர்த்தும் ஆளுங்கட்சிக்கு எதிராக அக்கட்சியினரே போராட்டம் நடத்திவருகிறார்கள். ஆந்திராவின் பல்வேறு பகுதிகளில் சாலைமறியலில் ஈடுபட்டு, வாகனங்கள், டயர் போன்றவற்றை எரித்து போராட்டம் நடத்திவருகிறார்கள். அனைவரும் பொறுமை காக்க வேண்டும் என்று முதல்வர் கோரிக்கை வைத்திருக்கும் நிலையில், பல இடங்களில் போராட்டம் தொடர்ந்து நடைபெற்றுவருவது குறிப்பிடத்தக்கது.
http://dlvr.it/SNMcJ1

Read More

தோல்வியே காணாத குஜராத் - முட்டுக்கட்டை போடுமா சன்ரைசர்ஸ்?

இன்றைய ஐபிஎல் போட்டியில் தோல்வியே காணாமல் வெற்றிகளை குவித்து வரும் குஜராத் டைட்டன்ஸ் அணியும், தோல்வியில் இருந்து முதல் வெற்றியை பெற்ற உத்வேகத்தில் சன் ரைசர்ஸ் ஹைதராபாத் அணியும் மோத உள்ளன. ஐபிஎல் 2022 தொடரின் 21 வது லீக் ஆட்டத்தில் குஜராத் டைட்டன்ஸ், சன் ரைசர்ஸ் ஹைதராபாத் அணிகள் பலப்பரீட்சை நடத்த உள்ளன. குஜராத் அணியை பொறுத்தவரை அறிமுக அணி என்று சொல்ல முடியாத அளவுக்கு அபாரமாக விளையாடி வருகிறது. இதுவரை விளையாடிய 3 போட்டிகளையும் வென்று அசத்தியுள்ளது குஜராத். சேஸிங் செய்யும்போதும் சரி, டிபண்ட் செய்யும்போதும் சரி, விட்டுக்கொடுக்கும் எண்ணத்திற்கே இடம் கொடுக்காமல் கடுமையாக போராடி வெற்றியை பெறுகிறது குஜராத். பேட்டிங்கை பொறுத்தவரை அட்டகாச பார்மில் இருக்கும் சுப்மன் கில், ஹர்திக் பாண்டியா, ஆகியோர் பலம் சேர்க்கின்றனர். இக்கட்டான சூழல் தரும் அழுத்தத்தை எல்லாம் ஒரு பொருட்டாக மதிக்காமல், அபாரமாக விளையாடும் ராகுல் தெவாட்டியா குஜராத்துக்கு கூடுதல் பலம். தமிழக வீரர் சாய் சுதர்சனும் பேட்டிங்கில் கடந்த போட்டியில் சிறப்பாக விளையாடி இருந்தார். பவுலிங்கை பொறுத்தவரை ரஷித் கான், முகமது ஷமி, பெர்குஷன் என பலம் வாய்ந்த பவுலர்களை வைத்து எதிரணியின் பேட்டிங்கை துவம்சம் செய்கிறது குஜராத். பெரிய மெனக்கெடல் எதுவும் இல்லாமல், தன் இயல்பான பார்மை அந்த அணி வெளிப்படுத்தினாலே சன் ரைசர்ஸை எளிதாக சாய்த்து விட முடியும். மறுபக்கம் சன் ரைசர்ஸ் அணி தொடர்ச்சியான தோல்விகளுக்கு பிறகு ஒருவழியாக வெற்றிப்பாதைக்கு சமீபத்தில் தான் திரும்பியது. ராஜஸ்தான், லக்னோ அணிகளுக்கு எதிராக படுதோல்வியை தழுவிய அந்த அணி, சென்னை அணிக்கு எதிராக அபார வெற்றி பெற்றது. அதே வெற்றிப் பயணத்தை தொடரும் முனைப்பில் இந்த ஆட்டத்திலும் சன் ரைசர்ஸ் களமிறங்கும். பார்முக்கு வராமல் இருந்த அபிஷேக் ஷர்மாவும் கேன் வில்லியன்சனும் சென்னை அணிக்கு எதிராக சிறப்பாக விளையாடியது அந்த அணிக்கு கூடுதல் நம்பிக்கையை அளித்துள்ளது. எய்டன் மார்க்ரம், ராகுல் திரிபாதி, நிக்கோலஸ் பூரான் ஆகியோர் பேட்டிங்கில் பலம் சேர்க்கிறார்கள். உம்ரான் மாலிக், நடராஜன், வாஷிங்டன் சுந்தர் ஆகியோர் பவுலிங்கில் சிறப்பான நிலையில் உள்ளனர். புவனேஷ்வர் குமாரும் சிறப்பாக பந்துவீசும் பட்சத்தில் குஜராத் பேட்டிங் லைன் அப்பிற்கு கடும் போட்டியை அளிக்க இயலும். அனைவரும் ஒருங்கிணைந்து சிறப்பாக விளையாடும்போது மட்டுமே பலம் வாய்ந்த குஜராத் அணியை வீழ்த்த இயலும். வியூகம் வகுத்து குஜராத்தை வீழ்த்துவாரா கேன் வில்லியன்சன்? இன்று இரவு 7.30க்கு துவங்கும் ஆட்டத்தில் தெரிய வரும். இரு அணிகளின் உத்தேச ஆடும் லெவன்: சன் ரைசர்ஸ் ஹைதராபாத் : அபிஷேக் சர்மா, கேன் வில்லியம்சன் (கேப்டன்), ராகுல் திரிபாதி, ஐடன் மார்க்ரம், நிக்கோலஸ் பூரன் (விக்கெட் கீப்பர்), ஷஷாங்க் சிங், வாஷிங்டன் சுந்தர், புவனேஷ்வர் குமார், மார்கோ ஜான்சன், உம்ரான் மாலிக் மற்றும் டி நடராஜன். குஜராத் டைட்டன்ஸ் : மேத்யூ வேட்*, சுப்மன் கில், சாய் சுதர்சன், ஹர்திக் பாண்டியா (கேப்டன்), டேவிட் மில்லர், ராகுல் தெவாடியா, அபினவ் மனோகர், ரஷித் கான், லாக்கி பெர்குசன், முகமது ஷமி மற்றும் தர்ஷன் நல்கண்டே. *3 ஆட்டங்களிலும் பெரிதும் சோபிக்காத மேத்யூ வேட்-க்கு பதிலாக ரஹ்மானுல்லா குர்பாஸ் களமிறக்கப்படலாம்
http://dlvr.it/SNLg6m

Read More

பசு மாடுகளை கடத்திச் சென்ற கும்பல் - துப்பாக்கி முனையில் சுற்றி வளைத்த ஹரியானா போலீஸ்

ஹரியானாவில் பசு மாடுகளை கடத்திச் சென்ற கும்பலை, காவல் துறையினர் 22 கிலோ மீட்டர் தூரம் துரத்திச் சென்று துப்பாக்கி முனையில் கைது செய்தனர்.குருகிராமில் மாடுகளை கடத்திச் சென்ற கும்பல், வாகனத்தில் அதிவேகமாக சென்றது. இதனை அறிந்த சிறப்பு காவல் படையினர், அந்த வாகனத்தை துரத்தி சென்றனர். அப்போது, கடத்தி சென்ற மாடுகளை ஒவ்வொன்றாக சாலையில் வீசிய கொள்ளையர்கள், காவல்துறையினரை திசை திருப்ப முயற்சித்தனர். இதனை தொடர்ந்து காவல்துறையினர் துப்பாக்கியால் வாகனத்தை சுட்டனர். இருப்பினும் பஞ்சரான வாகனத்துடன் கொள்ளையர்கள் தங்கள் பயணத்தை தொடர்ந்தனர். இறுதியாக 22 கிலோ மீட்டர் தூரம் துரத்தி சென்று, மாடு கடத்தல் கும்பலை சேர்ந்த 5 பேரை காவல்துறையினர் கைது செய்தனர். மேலும் அவர்களிடம் இருந்து கள்ளத்துப்பாக்கி மற்றும் தோட்டாக்களும் பறிமுதல் செய்யப்பட்டன. ஹரியானாவில் மாடு கடத்தல் அதிகரித்து வரும் நிலையில், அதனை தடுக்க சிறப்பு குழு அமைக்கப்பட்டு இருப்பது குறிப்பிடத்தக்கது.இதையும் படிக்க: மெரீனா கடற்கரையில் மதுபோதையில் ஒருவர் அடித்து கொலை - நண்பர்களால் நேர்ந்த கொடூரம்
http://dlvr.it/SNLMWR

Read More

மாயமான 500 டன் பாலம்; பட்டபகலில் நிகழ்த்தப்பட்ட திருட்டு.. விசாரணையில் அதிர்ச்சி தகவல்

பீகாரில் 500 டன் எடை கொண்ட பாலம் திருடப்பட்ட சம்பவத்தில் கொள்ளையர்கள் அரசு அதிகாரிகள் என கூறி பொதுமக்களை நம்ப வைத்து 2 நாட்கள் கடுமையாக உழைத்து பாலத்தை திருடிச் சென்றுள்ள அதிர்ச்சி பின்னணி தெரியவந்துள்ளது. பீகார் மாநிலம் ரோக்தாஸ் மாவட்டம் நாசிரிங்க் பகுதியில் ஆற்றை கடந்து செல்லும் 60 அடி நீள இரும்புப் பாலம் ஒன்று இருந்தது. கடந்த 1966ம் ஆண்டு வரை இந்த பகுதியில் பாலம் இல்லாமல் மக்கள் படகில் தான் பயணம் செய்து வந்தனர். அப்பொழுது ஏற்பட்ட ஒரு விபத்தில் படகில் சென்றவர்கள் படகு கவிழ்ந்து நீரில் முழ்கினர். இந்த விபத்திற்கு பிறகு கடந்த 1972ம் ஆண்டு இப்பகுதியில் இரும்பு பாலம் ஒன்று அமைக்கப்பட்டது. அந்த பின் அந்த ஆற்றில் படகு சேவை நிறுத்தப்பட்டு மக்கள் இரும்பு பாலத்தையே பயன்படுத்த துவங்கிவிட்டனர். நாளடைவில் அந்த இரும்பு பாலமும் சேதமடைந்த நிலையில் அப்பகுதியில் கான்கிரீட் காலம் ஒன்று இரும்பு பாலத்தை ஒட்டியே அமைக்கப்பட்டது. கான்கிரீட் பாலம் வந்ததும் மக்கள் எல்லோரும் புதுப் பாலத்தை மட்டுமே பயன்படுத்தினர். இரும்பு பாலம் மக்கள் பயன்பாட்டில் இல்லாமல் போனது. இந்நிலையில் அப்பகுதியில் உள்ள சில திருடர்கள் அவ்வப்போது இந்த பாலத்தில் உள்ள இரும்பு கம்பியை அவ்வப்போது கழட்டி சென்று எடைக்கு போட்டு பணம் பார்த்ததாக கூறப்படுகிறது. இந்நிலையில், கடந்த சில தினங்களுக்கு முன்பு ஒரு நாள் காலையில் இந்த வழியாக மக்கள் சென்ற போது அங்கிருந்த இரும்பு பாலம் முழுவதுமாக காணாமல் போயிருந்தது. 10 அடி அகலம், 12 அடி உயரம், 60 அடி நீளத்தில் இருந்த இரும்பு பாலம் மொத்தமாக காணாமல் போய்விட்டது. அதை கண்டு அதிர்ச்சியடைந்த மக்கள் இது குறித்து போலீசில் புகார் அளித்தனர். பின்னர் நடந்த விசாரணையில் இந்த திருட்டு பட்டபகலில் தான் நடந்துள்ளது என்பது தெரியவந்துள்ளது. நீர்ப்பாசனத் துறையுடன் இணைந்து பணியாற்றும் அரசு அதிகாரிகள் போல் காட்டிக் கொண்ட கொள்ளையர்கள் சிலர், கைவிடப்பட்ட பாலத்தை உடைக்க எரிவாயு கட்டர் மற்றும் மண் அள்ளும் இயந்திரங்களைப் பயன்படுத்தியுள்ளனர். இரண்டு நாட்கள் தொடர்ந்து உழைத்து பாலத்தை அகற்றியுள்ளனர். பாலத்தை அகற்ற கிராம மக்கள் நீர்ப்பாசனத்துறையிடம் ஏற்கனவே விண்ணப்பம் செய்துள்ளதால் அதிகாரிகள் உண்மையிலேயே வந்து அகற்றுவதாக நினைத்து விட்டதாக பொதுமக்கள் வாக்குமூலம் அளித்துள்ளனர். "திருட்டுக் கும்பலில் சில உறுப்பினர்களை நாங்கள் அடையாளம் கண்டுள்ளோம், மேலும் சிலர் இன்னும் கண்டுபிடிக்கப்படவில்லை. கூடிய விரைவில் பொது சொத்துக்களை அழித்து பாலத்தை திருடிய அனைவரையும் கைது செய்வோம்," என்று வழக்கை விசாரிக்கும் காவல்துறை அதிகாரி சுபாஷ் குமார் கூறினார்.
http://dlvr.it/SNKX39

Read More

மூன்றாவது முறையாக... சிபிஎம் பொதுச்செயலாளராக சீத்தாராம் யெச்சூரி மீண்டும் தேர்வு!

கேரள மாநிலம் கண்ணூரில் மார்க்சிஸ்ட் கம்யூனிஸ்ட் கட்சியின் 23-வது அகில இந்திய மாநாடு நடைபெற்று வருகிறது. இந்த அகில இந்திய மாநாட்டில் அந்தக் கட்சியின் பொதுச்செயலாளராக சீதாராம் யெச்சூரி மூன்றாவது முறையாக மீண்டும் தேர்வு செய்யப்பட்டிருக்கிறார்.சீத்தாராம் யெச்சூரி - முதல்வர் அதேபோல, இதில் 85 பேர் மத்தியக்குழு உறுப்பினர்களாகவும், 17 பேர் அரசியல் தலைமைக் குழு உறுப்பினர்களாகவும், மத்தியக்குழுவிற்கு சிறப்பு அழைப்பாளர்களாக 3 பேரும், மத்திய கட்டுப்பாட்டு குழுவிற்கு 5 பேரும், நிரந்தர சிறப்பு அழைப்பாளர்களாக 2 பேரும் தேர்வு செய்யப்பட்டுள்ளதாகக் கூறப்படுகிறது. இந்த மாநாட்டில் நேற்று சிறப்பு விருந்தினராக தமிழக முதலமைச்சர் மு.க.ஸ்டாலின் பங்கேற்றிருந்தார். மதுரையில் அண்மையில் நடைபெற்ற மார்க்சிஸ்ட் கம்யூனிஸ்ட் கட்சியின் 23-வது மாநில மாநாட்டில், மார்க்சிஸ்ட் கம்யூனிஸ்ட் கட்சியின் மாநிலச் செயலாளராக கே.பாலகிருஷ்ணன் மீண்டும் தேர்வு செய்யப்பட்டார் என்பது குறிப்பிடத்தக்கது.``இலங்கைத் தமிழர்களுக்கு உதவ மத்திய அரசு அனுமதிக்க வேண்டும்!" - முதல்வர் ஸ்டாலின் வலியுறுத்தல்
http://dlvr.it/SNK9pk

Read More

சாம்பியன்கள் இப்படியா விளையாடுவது? தொடர் தோல்வியில் சிஎஸ்கே! -அடுத்தது என்ன?

தொடர் தோல்வியால் கடும் விமர்சனத்திற்கு உள்ளாகி இருக்கிறது சென்னை சூப்பர் கிங்ஸ். ஐபிஎல்-இல் சிஎஸ்கே தொடர்ந்து 4 போட்டிகளில் தோற்பது இதுவே முதல்முறை.நடப்பு சாம்பியன் என்ற நம்பிக்கையுடன் களம் இறங்கிய சென்னை அணிக்கும், ரசிகர்களுக்கும் பேரிடியாக இறங்கியிருக்கிறது இந்த சீசனின் தொடர் தோல்விகள். காரணம் சிஎஸ்கே இதுபோன்ற மோசமான ஃபார்மில் இதுவரை இருந்ததில்லை. ஒரு போட்டியில் தோற்றாலும் அடுத்து மீண்டு வரும் திறன் படைத்த சென்னை சூப்பர் கிங்ஸ் இந்தமுறை மிக மோசமான நிலையில் இருக்கிறது. இதற்கு பல்வேறு காரணங்கள் சொல்லப்பட்டாலும், மிக முக்கியமானதாக பார்க்கப்படுவது அணியின் தலைமை மாற்றம். இந்த சீசனும் மகேந்திர சிங் தோனி கேப்டனாக செயல்படுவார் என்று எதிர்பார்க்கப்பட்ட நிலையில், கடைசி நேரத்தில் ரவீந்திர ஜடேஜாவிடம் பொறுப்பை வழங்கினார் அவர். இந்நிலையில், சிஎஸ்கேவின் தொடர் தோல்வி காரணமாக, தோனியே மீண்டும் கேப்டன் பொறுப்பை ஏற்க வேண்டும் ரசிகர்கள் வலியுறுத்துகின்றனர். அடுத்ததாக சென்னையின் மிக மோசமான பவுலிங். தீபக் சஹார் இல்லாதது சென்னைக்கு பெரும் பின்னடைவாக பார்க்கப்படுகிறது. கடைசி மூன்று சீசன் ஐபிஎல் போட்டிகளில் அவர் 32 விக்கெட்டுகள் வீழ்த்தியுள்ளார். புதிய பந்தில் வீசும் போது தீபக் சஹார் சென்னை அணியின் முக்கிய ஆயுதமாகவே பார்க்கப்படுகிறார். ஆனால் காயம் காரணமாக கடைசி நேரத்தில் அவர் விலகியதும் சிஎஸ்கேவின் தடுமாற்றத்திற்கு முக்கிய காரணம். அதே போல், கடந்த சீசனில் ஆரஞ்ச் கேப் வென்ற ருதுராஜ் கெய்க்வாட், இப்போது சிறப்பான தொடக்கத்தை ஏற்படுத்திக் கொடுக்காததும் சென்னைக்கு பின்னடைவு தான். அவர் இந்த சீசனில் மிக மோசமான ஃபார்மில் உள்ளார். ருதுராஜ் வலுவான தொடக்கத்தை ஏற்படுத்திக் கொடுக்காததால், அதன்பின் வரும் வீரர்கள் அடுத்தடுத்து விக்கெட்டுகளை பறிகொடுக்கின்றனர். மெகா ஏலத்திற்கு பிறகு மும்பை போல் வீரர்களை ஒருங்கிணைப்பதில் சென்னைக்கு சிக்கல் ஏதும் இல்லை. ஏனென்றால் சிஎஸ்கேவில் முக்கியமான 8 பேர் ஏற்கனவே விளையாடிய வீரர்கள். அதனால் சிஎஸ்கே விரைவில் பழைய ஃபார்முக்கு வரும் என்று நம்புகின்றனர் ரசிகர்கள்.இதையும் படிக்கலாம்: சாஹலை 15வது மாடியிலிருந்து தொங்கவிட்ட வீரருக்கு வாழ்நாள் தடை விதிக்கவேண்டும்: ரவி சாஸ்திரி
http://dlvr.it/SNJqVt

Read More

பாகிஸ்தான்: நம்பிக்கையில்லா தீர்மானத்தால் நீக்கப்பட்ட முதல் பிரதமர் - என்ன நடந்தது நேற்று?

நம்பிக்கையில்லா வாக்கெடுப்பு மூலம் பதவி நீக்கம் செய்யப்பட்ட பாகிஸ்தானின் முதல் பிரதமர் என்ற பெயரை இம்ரான் கான் பெற்றுள்ளார். நேற்று பாகிஸ்தான் நாடாளுமன்றத்தில் நடந்த பரபரப்பு கட்சிகளின் தொகுப்பு இதோ...பிரதமர் பதவியில் இருந்து விலகாமல் கடைசி பந்து வரை போராடிய இம்ரான் கான், பாகிஸ்தான் நாடாளுமன்றத்தில் நேற்று நாள் முழுவதும் நடந்த பெரும் அரசியல் திருப்பங்களுக்கு பின்னர்  நள்ளிரவில் ஆட்சியிலிருந்து வெளியேற்றப்பட்டார். நள்ளிரவுக்கு பின்னர் நடந்த நம்பிக்கை வாக்கெடுப்பில் இம்ரான் கானுக்கு எதிராக 174 வாக்குகள் பதிவாகி பெரும்பான்மையுடன் தீர்மானம் நிறைவேற்றப்பட்டது. இதனைத் தொடர்ந்து புதிய பிரதமரை தேர்ந்தெடுப்பதற்காக இன்று மதியம் 2 மணிக்கு சட்டசபை மீண்டும் கூடுகிறது. பாகிஸ்தானில் நடந்த பரபரப்பான சம்பவங்களின் தொகுப்பு இதோ...பாகிஸ்தானில் இம்ரான் கானுக்கு எதிராக சோசலிச, தாராளவாத மற்றும் தீவிர மதவாத கட்சிகள் அனைத்தும் வானவில் கூட்டணியை அமைத்து நம்பிக்கையில்லா தீர்மானத்தை கொண்டுவந்தது. 342 உறுப்பினர்களைக் கொண்ட நாடாளுமன்றத்தில் 174 உறுப்பினர்களின் ஆதரவைப் பெற்று தீர்மானம் நிறைவேறியது. பாகிஸ்தான் நாடாளுமன்ற பெரும்பான்மைக்கு 172 உறுப்பினர்களின் ஆதரவு போதுமானது. இம்ரான் கானின் பாகிஸ்தான் தெஹ்ரீக்-இ-இன்சாப் கட்சி உறுப்பினர்கள் நம்பிக்கை வாக்கெடுப்பு தொடங்குவதற்கு முன்பு சபையில் இருந்து வெளிநடப்பு செய்தனர், எதிர்க்கட்சிகள் மட்டும் நம்பிக்கையில்லா தீர்மானத்தில் வாக்களித்தனர், இந்த செயல்முறையின் போது இம்ரான் கான் சபையில் இல்லை. மேலும், நம்பிக்கை வாக்கெடுப்பில் தோல்வியடைவதற்கு சில நிமிடங்களுக்கு முன்பு பிரதமரின் அதிகாரப்பூர்வ இல்லத்தையும் அவர் காலி செய்தார்.இம்ரான் கானுக்குப் பதிலாக பிரதமராக தேர்ந்தெடுக்கப்படவுள்ள  நபரான ஷெபாஸ் ஷெரீப், எதிர்க்கட்சிகளின் தைரியத்தைப் பாராட்டினார், இது பொதுவாக பாகிஸ்தானின் அரசியலில் காணகிடைக்காத நிகழ்வு. நேற்றைய அவையில் பேசிய ஷெபாஸ், "பாகிஸ்தான் இப்போது மீண்டும் நேர்மை மற்றும் சட்டத்தின் பாதையில் செல்கிறது. பழிவாங்காத மற்றும் நிரபராதிகளை சிறையில் அடைக்காத பிரகாசமான எதிர்காலத்தை நாங்கள் பார்க்கிறோம்," என்று கூறினார். எதிர்க்கட்சியான பிபிபி தலைவர் பிலாவல் பூட்டோ சர்தாரி பாகிஸ்தான் மக்களுக்கு வாழ்த்து தெரிவித்துள்ளார். "கடந்த மூன்று ஆண்டுகளாக ஜனநாயகம் தாக்குதலுக்கு உள்ளானது. தற்போது மக்களை பழைய பாகிஸ்தானுக்கு வரவேற்கிறோம், ஜனநாயகம் என்பது ஒரு பொன்னான பழிவாங்கும் நடவடிக்கை" என்று அவர் இம்ரான் கானின் "நயா (புதிய) பாகிஸ்தான்" என்ற முழக்கத்தை கிண்டல் செய்தார்நீதிமன்ற தீர்ப்புக்கு பின்னர் நேற்று நாடாளுமன்றம் கூடிய நிலையில் பெரும் பரபரப்புகள் நிலவியது. இந்த சூழலில் அவையின் சபாநாயகரும், துணை சபாநாயகரும் வாக்கெடுப்புக்கான நீதிமன்ற காலக்கெடுவிற்கு முன்னதாக ராஜினாமா செய்தனர். இதனால் பாகிஸ்தான் உச்சநீதிமன்றம் மற்றும் இஸ்லாமாபாத் உயர்நீதிமன்றம் நள்ளிரவில் நீதிமன்ற அவமதிப்பு விசாரணைக்காக திறக்கப்பட்டது. இந்த பரப்பரப்புகளுக்கு இடையே பிரதமர் இம்ரான் கான் அமைச்சரவைக் கூட்டத்தில் பதவி விலகப் போவதில்லை என அறிவித்தார்.உச்ச நீதிமன்ற உத்தரவுப்படி நள்ளிரவில் வாக்கெடுப்பு நடத்தப்படாவிட்டால் சபாநாயகர் மற்றும் துணை சபாநாயகர் கைது செய்யப்படலாம் என்ற யூகங்களுக்கு மத்தியில் கைதிகள் வாகனம் ஒன்று சட்டசபையை வந்தடைந்தது. இதனிடையே எதிர்கட்சிகள் இடைக்கால சபாநாயகரை நியமித்து நம்பிக்கை வாக்கெடுப்பு நடத்தினர். மேலும், பாகிஸ்தான் விமான நிலையங்களில் பாதுகாப்பு அதிகரிக்கப்பட்டு, எந்த ஒரு மூத்த அரசு அதிகாரியோ அல்லது நிர்வாகிகளோ தடையில்லாச் சான்றிதழ் (என்ஓசி) இல்லாமல் நாட்டை விட்டு வெளியேறக்கூடாது என்று எச்சரிக்கை விடுக்கப்பட்டது. எதிர்க்கட்சி தலைவரான பிலாவல் பூட்டோ சர்தாரி, பிரதமர் இம்ரான் கான் அரசியலமைப்பு நெருக்கடியை உருவாக்க முயற்சிப்பதாகவும், நம்பிக்கையில்லா தீர்மானத்தின் மீதான வாக்கெடுப்பை தாமதப்படுத்துவதன் மூலம் நாட்டின் அரசியல் விவகாரங்களில் ராணுவத் தலையீட்டை நாடுவதாகவும் குற்றம் சாட்டியிருந்தார். மற்றொரு எதிர்க்கட்சித் தலைவரும், பாகிஸ்தான் முஸ்லீம் லீக்-நவாஸ் (பிஎம்எல்-என்) கட்சியின் துணைத் தலைவருமான மரியம் நவாஸ் ஷெரீப், "சபாநாயகர், துணை சபாநாயகர் மற்றும் இம்ரான் கானைக் கைது செய்ய வேண்டும்" என நேற்று இரவில் கோரிக்கை வைத்தார்இந்த சூழலில் நாட்டின் இறையாண்மையைப் பாதுகாக்குமாறு பாகிஸ்தான் மக்களுக்கு அழைப்பு விடுத்த பிரதமர் இம்ரான் கான், "இறக்குமதி செய்யப்பட்ட அரசாங்கத்திற்கு" எதிராக மக்கள் வீதிகளில் இறங்கி அமைதியான முறையில் போராட்டம் நடத்துமாறு கேட்டுக் கொண்டார். வெளிநாட்டு சக்திகள் தனது அரசாங்கத்தை கவிழ்க்க முயற்சிப்பதாகவும், இதை நிறைவேற்ற பாகிஸ்தானின் சட்டமியற்றுபவர்கள் ஆடுகள் போல வியாபாரம் செய்யப்படுவதாகவும் இம்ரான் கான் குற்றம் சாட்டினார். "அமெரிக்க இராஜதந்திரிகள் எங்கள் மக்களைச் சந்திப்பதை நாங்கள் அறிந்தோம். பின்னர் முழு திட்டத்தைப் பற்றியும் எங்களுக்குத் தெரிந்தது. தேசிய பாதுகாப்புக் கவலைகள் காரணமாக அனைத்து விவரங்களையும் பகிரங்கமாக வெளியிட தமக்கு சுதந்திரம் இல்லை" என்று தன்னை பிரதமர் பதவியில் இருந்து நீக்க அமெரிக்கா சதி செய்வதாக அவர் குற்றம் சாட்டினார். ஆனால், அமெரிக்கா இந்தக் குற்றச்சாட்டுகளை மறுத்துள்ளது.
http://dlvr.it/SNJDjP

Read More

ஜாம்பவான்களுக்கு வந்த சோதனை - புள்ளி பட்டியலில் கடைசி இடங்களில் சென்னை, மும்பை அணிகள்

ஐபிஎல் 15 ஆவது சீசனில் சென்னை சூப்பர் கிங்ஸ், மும்பை இந்தியன்ஸ் அணிகளின் சோக கீதம் தொடர்ந்து ஒலிக்கிறது. ஐபிஎல் ஜாம்பவான்கள் என்று கூறப்படும் இரு அணிகளும் தொடர்ந்து நான்கு போட்டிகளில் தோல்வியை தழுவி, புள்ளி பட்டியலில் கடைசி இரண்டு இடங்களில் உள்ளன.கொரோனா இல்லாத காலகட்டம். மெகா ஏலத்திற்கு பிறகான போட்டி. கூடுதலாக இரண்டு அணிகள். என்று பாசிட்டிவாக தொடங்கிய ஐபிஎல் சீசன் 15, இதுவரை சென்னை, மும்பை அணிகளுக்கு பாசிட்டிவாக அமையவில்லை. 18 லீக் போட்டிகள் முடிந்துள்ள நிலையில், 5 முறை சாம்பியன் பட்டம் வென்றுள்ள மும்பை இந்தியன்ஸ், 4 முறை சாம்பியன் பட்டம் வென்றுள்ள சென்னை சூப்பர் கிங்ஸ் ஆகிய இரு அணிகளும் தொடர்ந்து 4 போட்டிகளில் தோல்வியை சந்தித்துள்ளன. இது அணி வீரர்களை போலவே ரசிகர்களையும் அதிர்ச்சியில் ஆழ்த்தியுள்ளது. இந்நிலையில் நேற்றைய முதல் போட்டியில் ஹாட்ரிக் தோல்வி அடைந்திருந்த சென்னை அணி, வெற்றி கணக்கை தொடங்காமல் இருந்த சன் ரைசர்ஸ் ஹைதராபாத்தை எதிர்த்து விளையாடியது. ஆனாலும் வெற்றி பெறுவதற்கான போதிய ரன்களை சேர்க்க தவறியது சென்னை. மொயின் அலி மட்டும் சற்று ஆறுதல் அளிக்கும் வகையில் விளையாடியதால், சென்னை சூப்பர் கிங்ஸ் 20 ஓவர்களில் 7 விக்கெட்கள் இழப்புக்கு 154 ரன்கள் எடுத்தது. ஹைதராபாத் அணியின் கேப்டன் கேன் வில்லியம்சனும், அபிஷேக் ஷர்மாவும் சிறப்பான தொடக்கத்தை ஏற்படுத்திக் கொடுக்க 2 விக்கெட்டுகளை மட்டுமே இழந்த நிலையில் 17ஆவது ஓவரிலேயே ஹைதராபாத் அணி வெற்றி இலக்கை எட்டியது. சென்னை சூப்பர் கிங்ஸ் புள்ளிப்பட்டியலில் கடைசியில் உள்ளது. இதே போல் மற்றொரு போட்டியில் பெங்களூருவை எதிர்கொண்ட மும்பை இந்தியன்ஸ் அணி, 20 ஓவர்களில் 151 ரன்கள் எடுத்தது. மும்பையில் வீரர்கள் யாரும் பெரிதாக சோபிக்கவில்லை. சூர்யகுமார் யாதவ் மட்டுமே அதிரடியாக விளையாடி 37 பந்துகளில் 68 ரன்கள் எடுத்தார். பெங்களூரு அணி 18.3 ஓவரில் 3 விக்கெட்டுகளை இழந்து 152 ரன்கள் எடுத்து வெற்றி பெற்றது. மும்பை அணி புள்ளி பட்டியலில் 9ஆவது இடத்தில் உள்ளது. ஆனால் மும்பை அணிக்கு இது புதிதல்ல. 2015ஆம் ஆண்டு முதல் 4 போட்டிகளில் தோற்ற மும்பை, அந்த ஆண்டில் சாம்பியன் பட்டம் வென்றது.2008, 2014, 2018 ஆகிய மூன்று சீசன்களிலும் மும்பை தொடர் தோல்வியை தழுவியது. அவை மெகா ஏலத்திற்கு பிறகு நடைபெற்ற சீசன்கள். தற்போதும் மெகா ஏலத்திற்கு பிறகு நடைபெறும் 15ஆவது சீசனில் மும்பை தொடர் தோல்வியை சந்திக்கிறது. இதன் மூலம், அணிக்கு புதிதாக வந்துள்ள வீரர்களை ஒருங்கிணைப்பதில் மும்பைக்கு சிக்கல் இருப்பதாகவே தெரிகிறது. ஆனாலும், ஏற்கனவே நடந்தது போல் மும்பை மீண்டு வரும் என ரசிகர்கள் நம்பிக்கையுடன் காத்திருக்கின்றனர்.இதையும் படிக்கலாம்: 'The Iceman' - மேட்ச்சை வென்றது திவேதியாவின் சிக்சர்கள் அல்ல; அவரின் சமயோஜிதம்
http://dlvr.it/SNJ0lf

Read More

சிறையில் உள்ள கணவன் மூலம் குழந்தை பெற விரும்பிய மனைவி! பரோல் வழங்கிய நீதிமன்றம்

சிறையில் குற்றவாளியாக தண்டனை பெற்று வரும் கணவன் மூலம் குழந்தை பெற விரும்பிய மனைவியின் கோரிக்கையை ஏற்று 15 நாட்கள் பரோல் வழங்கி ராஜஸ்தான் உயர் நீதிமன்றம் உத்தரவிட்டுள்ளது. ராஜஸ்தான் மாநிலம் அஜ்மீரை சேர்ந்த நந்தலால் என்பவர் கொலை வழக்கில் கைது செய்யப்பட்டு சிறையில் உள்ளார். அவருக்கு ஆயுள் தண்டனை விதிக்கப்பட்டுள்ளது. அவர் கடந்த சில ஆண்டுகளாக சிறையில் உள்ளார். நந்தலாலுக்கு திருமணமாகி ரேகா என்ற மனைவி உள்ளார். இதற்கிடையில், கணவருடன் திருமண உறவில் ஈடுபடவும், அவர் மூலம் குழந்தை பெற்றுக்கொள்ளவும் அவரை பரோலில் விடுதலை செய்ய வேண்டும் நந்தலாலின் மனைவி ரேகா ராஜஸ்தான் உயர்நீதிமன்றத்தில் மனு தாக்கல் செய்தார். இந்த மனுவை விசாரித்த ராஜஸ்தான் உயர்நீதிமன்றம் “சிறையில் உள்ள ஆயுள் கைதியின் மனைவி குழந்தை பெற்றுக்கொள்வது அவரது அடிப்படை உரிமை. அவர் எந்த குற்றங்களையும் செய்யாத போதும் கணவன் மூலம் குழந்தை பெற்றுக்கொள்வதை தடுப்பது மனைவியின் உரிமையை மோசமாக பாதிக்கும்” என கூறியது. ஒரு குற்றவாளியை இயல்பாக்குவதற்கும், அவர்களின் நடத்தையை மாற்றுவதற்கும் திருமண உறவுகள் உதவும் என்பதையும் கவனத்தில் கொள்வதாக நீதிமன்றம் தெரிவித்தது. எந்த தவறையும் செய்யாமல் கணவன் இல்லாமலும், பிள்ளைகள் இன்றியும் தவிக்கும் நிலைக்கு மனைவி தள்ளப்படக் கூடாது என வலியுறுத்தியது நீதிமன்றம். எந்த வெளிப்படையான விதிகளும் இல்லாத நிலையிலும் பல சமூக விஷயங்களை கருத்தில் கொண்டு மனைவியுடன் திருமண உறவில் ஈடுபட்ட குழந்தை பெற்றுக்கொள்ள ஆயுள் தண்டனை கைதி நந்த லாலுவுக்கு 15 நாட்கள் அவசர பரோல் வழங்கி ராஜஸ்தான் உயர்நீதிமன்றம் உத்தரவிட்டது.
http://dlvr.it/SNHCCz

Read More

ம.பி: காவல் நிலையத்தில் பத்திரிகையாளர்கள் அவமானப்படுத்தப்பட்ட விவகாரம் - என்ன நடந்தது?

மத்திய பிரதேச மாநிலம் சித்தி மாவட்டத்தில் ஆளும் பாஜக எம்.எல்.ஏ.வாக இருப்பவர் கேதர்நாத் சுக்லா. சுக்லா, அவரின் மகன் குறித்து ஃபேஸ்புக்கில் அவதூறு தகவல் வெளியாகி இருந்தது. இது குறித்து எம்.எல்.ஏ.கடந்த மாதம் கொட்வாலி போலீஸில் புகார் செய்திருந்தார். அதன் அடிப்படையில் போலீஸார் விசாரணை நடத்தியதில் உள்ளூர் நாடக கலைஞர் நீரஜ் குந்தார் என்பவர் இந்த தகவல்களை ஃபேஸ்புக்கில் பதிவேற்றம் செய்திருப்பது தெரிய வந்தது. இதையடுத்து போலீஸார் நீரஜ் குந்தாரை கைது செய்தனர். இது குறித்த தகவல் கேள்விப்பட்டதும், யூடியூப் சேனல் நடத்தும் ஒருவர், பத்திரிகையாளர்கள், குந்தார் உறவினர்கள் என மொத்தம் 40 பேர் குந்தார் கைது செய்யப்பட்ட போலீஸ் நிலையத்தை முற்றுகையிட்டனர். முற்றுகை போராட்டம் நடத்தியவர்களையும் போலீஸார் கைது செய்தனர். மொத்தம் 8 பேர் கைது செய்யப்பட்டனர். அவர்களை போலீஸார் அடித்து உதைத்து அனைவரையும் ஆடையை கழற்றும் படி உத்தரவிட்டு இருக்கிறார்கள். போலீஸ் லாக்கப்பில் கைதான பத்திரிகையாளர்கள் அதோடு அவர்கள் அனைவரையும் அரை நிர்வாணத்தோடு நிற்கும்படி போலீஸார் நிர்ப்பந்தித்தனர். இதை பார்த்த ஒருவர் அதனை புகைப்படம் எடுத்து சமூக வலைத்தளத்தில் பதிவிட்டுவிட்டார். இது காட்டுத்தீயாக பரவியது. பத்திரிகையாளர்கள் போலீஸ் நிலையத்தில் அவமானப்படுத்தப்பட்டதற்கு மனித உரிமை ஆர்வலர்கள் மற்றும் பத்திரிகையாளர்கள் கடும் கண்டனம் தெரிவித்தனர். இது குறித்து சித்தி மாவட்ட எஸ்.பி. முகேஷ் குமார் கூறுகையில், ``முன்னெச்சரிக்கை நடவடிக்கையாக அவர்கள் கைது செய்யப்பட்டனர். கைது செய்யப்பட்டவர்களில் பத்திரிகையாளர்கள் யாரும் இல்லை” என்று தெரிவித்தார். கூடுதல் டிஜி வெங்கடேஷ்வர் ராவ் இது குறித்து கூறுகையில், ``கைது செய்யப்படுபவர்கள் லாக்கப்பில் வைக்கப்படும் போது அவர்கள் தற்கொலை போன்ற காரியத்தில் ஈடுபடாமல் இருக்க ஆடைகளை கழற்ற சொல்வது வழக்கமான ஒன்றுதான். குந்தார் கைது செய்யப்பட்டதற்கு சிலர் போலீஸ் நிலையத்திற்குள் நுழைந்து வன்முறையில் ஈடுபட்டனர். எனவே தடுப்பு நடவடிக்கையாக அவர்கள் கைது செய்யப்பட்டனர்” என்று தெரிவித்தார். கைது செய்யப்பட்ட மணீஷ் திவாரி இது குறித்து கூறுகையில் ``குந்தார் கைது செய்யப்பட்ட செய்தியை சேகரிக்க சென்றோம். என்னையும் மற்றவர்களை கைது செய்து போலீஸ் நிலையத்திற்குள் வைத்து அடித்து உதைத்து அவமானப்படுத்தினர். என்னை கைது செய்து 18 மணி நேரம் லாக்கபில் அடைத்தனர். உள்ளே எங்களை அடித்து உதைத்ததோடு, கடுமையான வார்த்தைகளால் திட்டி ஆடைகளையும் அவிழ்க்க சொல்லி அவமானப்படுத்தினர். உள்ளூர் அரசியல்வாதிக்கு எதிராக நான் இதற்கு முன்பு செய்தி வெளியிட்டு இருந்ததால் அதற்கு பழிவாங்கும் விதமாக போலீஸார் இவ்வாறு நடந்து கொண்டனர்” என்று குற்றம் சாட்டினார். இச்சம்பவம் குறித்து மாநில டிஜிபி சுதிர் சக்சேனா கூறுகையில், ``சம்பவம் குறித்து விசாரணைக்கு உத்தரவிடப்பட்டுள்ளது. சம்பந்தப்பட்ட போலீஸ் நிலைய இன்ஸ்பெக்டர், சப் இன்ஸ்பெக்டர் பணியிலிருந்து சஸ்பெண்ட் செய்யப்பட்டுள்ளார். கூடுதல் எஸ்.பி.மட்டத்திலான அதிகாரி விசாரிக்க உத்தரவிடப்பட்டுள்ளது” என்று தெரிவித்தார். கமல்நாத் இது குறித்து அகில இந்திய எழுத்தாளர் சங்கத்தின் செயலாளர் வினீத் திவாரி கூறுகையில், ``அரசியல் உள்நோக்கத்தோடு பத்திரிகையாளர்கள் தாக்கப்பட்டுள்ளனர். பத்திரிகையாளர்களே இவ்வாறு அவமானப்படுத்தப்பட்டால் சாமானிய மக்களின் நிலை எவ்வாகும்?” என்று கேள்வி எழுப்பினார். கைது செய்யப்பட்ட அனைவரும் மறுநாள்தான் ஜாமீனில் விடுவிக்கப்பட்டனர். பத்திரிகையாளர்கள் அவமானப்படுத்தப்பட்டதற்கு மத்தியப்பிரதேச காங்கிரஸ் தலைவர் கமல்நாத் கடும் கண்டனம் தெரிவித்துள்ளார். இச்செயல் மிகவும் வெட்கக்கேடானது என்று கூறிய அவர் இச்சம்பவத்திற்கு காரணமானவர்கள் மீது கடும் நடவடிக்கை எடுக்கப்படவேண்டும் என்று கமல்நாத் கேட்டுக்கொண்டார். நாடு முழுவதும் மத்திய பிரதேச சம்பவத்திற்கு கடும் கண்டனம் எழுந்துள்ளது.
http://dlvr.it/SNGrKs

Read More