கோவா அரசியலுக்கு திரும்புகிறார் பாரீக்கர்?

பனாஜி: எம்.எல்.ஏ.,க்கள் விரும்பினால், டில்லியை சேர்ந்த ஒருவர் அடுத்த கோவா முதல்வராக தேர்வு செய்யப்படுவார் என மத்திய அமைச்சர் கட்காரி கூறியுள்ளார். இதன் மூலம் பாரீக்கர் கோவா அரசியலுக்கு திரும்புவாரா என்ற கேள்வி எழுந்துள்ளது.

கோவா முதல்வரா
க இருந்த பாரீக்கர், பிரதமர் மோடியின் அழைப்பு பேரில் மத்திய பாதுகாப்பு அமைச்சராக பதவியேற்றார். இதனையடுத்து, முதல்வராக லஷ்மிகாந்த் பர்சேகர் பதவியேற்றார். இந்த மாநிலத்திற்கு அடுத்த மாதம் சட்டசபை தேர்தல் நடைபெற உள்ளது. இதனையடுத்து 29 தொகுதிகளுக்கான வேட்பாளர் பட்டியலை பாஜ அறிவித்துள்ளது. தற்போதைய முதல்வர் உட்பட பலரின் பெயர்கள் இதில் இடம்பெற்றுள்ளன. ஆனால், முதல்வர் வேட்பாளராக யாரும் முன்னிறுத்தப்படவில்லை.

இந்நிலையில், பாரீக்கர் மாநில அரசியலுக்கு திரும்புவார் என உறுதி செய்யப்படாத தகவல்கள் தெரிவிக்கின்றன. இது தொடர்பாக பிரதமர் மோடியும் பா.ஜ., தலைவர் அமித் ஷாவும் ஆலோசனை நடத்தியுள்ளதாக கூறப்படுகிறது.

இந்நிலையில் மத்திய அமைச்சர் நிதின் கட்காரி கூறுகையில், கோவா சட்டசபை தேர்தலில் வெற்றி பெற்ற எம்.எல்.ஏ.,க்கள் தங்கள் தலைவரை தேர்வு செய்வார்கள். அவர், வெற்றி பெற்ற எம்.எல்.ஏ.,வாக இருக்க வேண்டும் என்ற அவசியமில்லை. அவர் டில்லியில் இருந்து வருபவர்களாகவும் இருக்கலாம். எம்.எல்.ஏ.,க்கள் விரும்பினால், பர்சேகரை கூட அடுத்த முதல்வராக தேர்வு செய்யலாம் என்றார்.

English Summary:

Panaji: MLAs want, Delhi would be the one to choose the next chief minister of Goa, Gadkari said the minister. Thereby raising the question of return parrikar Goa politics. 

Read More

மற்ற கட்சிக்கும் ஆம் ஆத்மிக்கும் என்ன வித்தியாசம் ? ஹசாரே வருத்தம்

புதுடில்லி: சமூகத்தில் பெரிய மாற்றம் கொண்டு வருவேன் என அளித்த வாக்குறுதியை டில்லி முதல்வர் கெஜ்ரிவால் நிறைவேற்றவில்லை என சமூக சேவகர் அன்னா ஹசாரே கூறியுள்ளார்.

என்ன வித்தியாசம்:

இது தொடர்பாக டில்லி முதல்வரும் ஆம் ஆத்மி ஒருங்கிணைப்பாளருமான கெஜ்ரிவாலுக்கு ஹசாரே எழுதிய கடிதம்: நன்கொடையாளர்கள் அளித்த பணம் தொடர்பான பணத்தை கட்சியின் இணையத்தில் வெளியிடுவேன் என எனக்கு நீங்கள் வாக்குறுதி அளித்தீர்கள். ஆனால், நன்கொடையாளர்கள் எனக்கு எழுதிய கடிதத்தில், கடந்த ஜூன் மாதம் முதல் கட்சிக்கு கிடைத்த நன்கொடைகள் பற்றிய விபரம் நீக்கப்பட்டுள்ளது என தெரிவித்துள்ளனர். மற்ற கட்சிக்கும் ஆம் ஆத்மிக்கும் உள்ள வித்தியாசம் என்ன? சமூகத்தில் மிகப்பெரிய மாற்றம் கொண்டு வருவேன் எனக்கு நீங்கள் உறுதிமொழி அளித்தீர்கள். ஆனால், நீங்கள் அளித்த வாக்குறுதியை நிறைவேற்றவில்லை என்பது வருத்தமாக உள்ளது எனக்கூறியுள்ளார்.

நன்கொடையாளர்கள் மிரட்டல்:

இதற்கு பதிலளித்துள்ள ஆம் ஆத்மியின் பொருளாளர் ராகவ் சத்தா, ஹசாரேவை காங்கிரஸ் தலைவர்கள் தவறாக வழிநடத்துகின்றனர். போலீசார் மற்றும் உளவுத்துறையினர் மூலம் நன்கொடையாளர்களை பா.ஜ., மிரட்டி வருகிறது. ஆம் ஆத்மிக்கு கிடைக்கும் நன்கொடைகளில் 92 சதவீதம் பணம் வெளிப்படையாக வசூலிக்கப்படுகிறது. கட்சிக்கு இணையதள வங்கி சேவை, டெபிட் மற்றும் கிரடிட் கார்டு மூலம் நன்கொடை வசூலிக்கப்படுகிறது என்றார்.

English summary:

New Delhi: Delhi Chief Minister promised to bring change in society, Kejriwal, Anna Hazare has said that has not been fulfilled

Read More

போலி அபிடவிட்: கெஜ்ரிவாலுக்கு ஜாமின்

புதுடில்லி: கடந்த 2013ம் ஆண்டு நடந்த டில்லி சட்டசபை தேர்தலில் போட்டியிட போலி அபிடவிட்தாக்கல் செய்ததாக தொடரப்பட்ட வழக்கில் முதல்வர் கெஜ்ரிவாலுக்கு ஜாமின் வழங்கி கோர்ட் உத்தரவிட்டது.

முகாந்திரம் உள்ளது:

டில்லியை சேர்ந்த தொண்டு நிறுவனம் சார்பில் நீரஜ் சக்சேனா, அனுஜ் அகர்வால் ஆகியோர் டில்லி மெட்ரோபோலிடன் மாஸ்திரேட் கோர்ட்டில் தாக்கல் செய்த மனு: 2013ம் ஆண்டு சட்டசபை தேர்தலில் கெஜ்ரிவால் தாக்கல் செய்த அபிடவிட்டில், உண்மையான முகவரியை மறைத்தார். தனது சொத்தின் உண்மையான மதிப்பை வேண்டுமென்றே குறைத்து காண்பித்தார். இதற்கான அடிப்படை முகாந்திரம் உள்ளது என தெரிவிக்கப்பட்டிருந்தது. இந்த வழக்கு தொடர்பாக கெஜ்ரிவாலுக்கு, கடந்த பிப்ரவரி மாதம் கோர்ட் சம்மன் அனுப்பியிருந்தது. முதல்வர் பொறுப்பில் உள்ளதால் அதிக பணி மற்றும் ஆலோசனைகளில் கலந்து கொள்ள உள்ளதால், கோர்ட்டில் நேரில் ஆஜராக, கெஜ்ரிவாலுக்கு கடந்த ஆகஸ்ட் மாதம், கோர்ட் விலக்கு அளித்து உத்தரவிட்டது.

ஒத்திவைப்பு:

இந்த வழக்கில் ஜாமின் கேட்டு கெஜ்ரிவால் மனு தாக்கல் செய்திருந்தார். இந்த மனு மீதான விசாரணையின் போது நேரில் ஆஜராக கோர்ட் உத்தரவிட்டது. இந்த வழக்கில், ரூ.10 ஆயிரம் சொந்த ஜாமினில் கெஜ்ரிவாலுக்கு ஜாமின் வழங்கிய கோர்ட், வழக்கு விசாரணையை, 2017 ம் ஆண்டு ஏப்ரல் 7 ம் தேதிக்கு ஒத்திவைத்தது.

English Summary:

NEW DELHI: The Delhi assembly elections held in 2013 were fake affidavits case of bail, a court ordered the Chief Minister Kejriwal.

Read More

உளவுத்துறை அறிக்கை எதிரொலி 7 தொண்டு நிறுவனங்களின் உரிமம் ரத்து மத்திய அரசு நடவடிக்கை

புதுடெல்லி,  

தொண்டு நிறுவனங்கள் என்ற பெயரில் இந்தியாவில் இயங்கி கொண்டு, வெளிநாடுகளில் இருந்து நன்கொடைகள் பெற்று, அந்த நிதியை தவறாக பயன்படுத்தி பொது நலனுக்கு எதிராக செயல்படுவதாக சில தொண்டு நிறுவனங்கள் மீது குற்றச்சாட்டுகள் எழுந்தன.

இந்த குற்றச்சாட்டு தொடர்பாக உளவுத்துறை விசாரணை நடத்தி, மத்திய உள்துறை அமைச்சகத்துக்கு அறிக்கை அளித்தது. அதில் குறிப்பிட்ட தொண்டு நிறுவனங்களுக்கு எதிரான தகவல்கள் இடம் பெற்றிருந்ததாக கூறப்படுகிறது.

அதன் அடிப்படையில் சமூக ஆர்வலர் சப்னம் ஹாஷ்மியின் ‘அன்ஹாத்’ தொண்டு நிறுவனம், மர்வார் கல்வி மற்றும் நல சங்கம், குஜராத்தை சேர்ந்த நவ்சர்ஜன் டிரஸ்ட், ஆமதாபாத் ஊரக வளர்ச்சி ஆராய்ச்சி மையம் உள்ளிட்ட 7 தொண்டு நிறுவனங்களுக்கு அன்னிய பங்களிப்பு ஒழுங்குமுறை சட்டத்தின்கீழ் வழங்கப்பட்ட உரிமத்தை மத்திய அரசு ரத்து செய்துள்ளது. அத்துடன் அந்த தொண்டு நிறுவனங்கள், வெளிநாடுகளில் இருந்து நன்கொடை பெறவும் மத்திய அரசு தடை விதித்துள்ளது.

Read More

புதிய ரூ500 நோட்டுகள் அதிக அளவில் அச்சடிப்பு : பொருளாதார விவகார செயலாளர் சக்திகாந்தா தாஸ் பேட்டி

புதுடெல்லி  - புதிய 500 ரூபாய் நோட்டுகளை அதிக அளவில் அச்சடிக்கிறோம் என்று மத்திய பொருளாதார விவகாரத் துறை செயலாளர் சக்திகாந்த தாஸ் தெரிவித்துள்ளார்.

டெல்லியில் அவர் நிருபர்களிடம் கூறியதாவது: காலாவதியான நோட்டுகளை மாற்ற புதிய 2000 ரூபாய் நோட்டுகளை முதலில் அச்சடித்தோம். தற்போது புதிய 500 ரூபாய் நோட்டுகளை அதிக அளவில் அச்சடித்து வருகிறோம். முதல்முறையாக புதிய 2000, 500 ரூபாய் நோட்டுகள் உள்நாட்டிலேயே வடிவமைக்கப்பட்டு பல்வேறு பாதுகாப்பு அம்சங்களுடன் அச்சடிக்கப்பட்டுள்ளன.

கிராமப்புறங்களில் பணப்புழக்கத்தை அதிகரிக்க முன்னுரிமை அளிக்கிறோம். அதற்காக கிராமங்களுக்கு அதிக அளவில் புதிய ரூபாய் நோட்டுகள் அனுப்பப்படுகின்றன. சட்டவிரோதமாக பதுக்கி வைக்கப்பட்டுள்ள புதிய ரூபாய் நோட்டுகள் பறிமுதல் செய்யப்பட்டு வருகின்றன. அந்தப் பணமும் விரைவில் புழக்கத்துக்கு விடப்படும்.

நாடு முழுவதும் 2 லட்சத்து 20 ஆயிரம் ஏடிஎம் மையங்கள் உள்ளன. அவற்றில் 2 லட்சம் ஏடிஎம் மையங்களில் புதிய 2000, 500 ரூபாய் நோட்டுகளை விநியோகிக்கும் வகையில் இயந்திரங்கள் மாற்றி அமைக்கப்பட்டுள்ளன. இந்தியாவில் தற்போது வினியோகிக்கப்படும், புதிய ரூபாய் நோட்டுக்கள் அனைத்தும் 100 சதவீதம் பாதுகாப்பானவை. 500 மற்றும் 2000 ரூபாய் நோட்டுக்கள் முதல் முறையாக முற்றிலும் உள் நாட்டிலேயே வடிவமைக்கப்பட்டவை. அவற்றின் பாதுகாப்பு அம்சங்கள் அதிகம். இவற்றை கள்ள நோட்டாக அச்சிட வாய்ப்பு மிக, மிக குறைவு.

புதிய ரூபாய் நோட்டு சப்ளை போதிய அளவு இல்லை என புகார்கள் வந்துள்ளன. புகார் வந்ததும் துரித கதியில் நடவடிக்கை எடுக்கிறோம். புதிய ரூபாய் நோட்டுக்கள் சந்தையில் கிடைப்பது தற்போது அதிகரித்துள்ளது. மதிப்பை ஈடுகட்டுவதற்காக, முதலில் 2000 ரூபாய் நோட்டுக்களை அச்சிடுவதில் ஆர்வம் காட்டி வந்தோம். தற்போது, புதிய ரூ.500 நோட்டுக்கள் அச்சடிக்கும் பணி விரைவாக நடந்து வருகிறது.சட்ட விரோத பண மாற்றல்களை கட்டுப்படுத்த வங்கிகளுக்கு உத்தரவிட்டுள்ளோம். வங்கிகள் தங்களிடமுள்ள வங்கி கணக்குகளை, தீவிர கண்காணிப்பு செய்து வருகின்றன.இவ்வாறு அவர் தெரிவித்தார்.

Read More

ஹெலிகாப்டர் ஊழல் விவகாரத்தை திசை திருப்பவே கிரண் ரிஜ்ஜூ மீது காங்கிரஸ் புகார் கூறுகிறது : மத்திய அமைச்சர் வெங்கையா நாயுடு குற்றச்சாட்டு

புதுடெல்லி  - ஹெலிகாப்டர் ஊழல் விவகாரத்தை திசைதிருப்பவே, மத்திய அமைச்சர் கிரண் ரிஜ்ஜூ முறைகேட்டில் ஈடுபட்டதாக கூறி காங்கிரஸ் கட்சி பிரச்சினை எழுப்பி வருவதாக மத்திய அமைச்சர் வெங்கையா நாயுடு குற்றம்சாட்டியுள்ளார்.

பார்லி.யில்  அமளி
அருணாசலப்பிரதேச மாநிலத்தில், நீர்மின் திட்ட முறைகேட்டில், மத்திய அமைச்சர் கிரண் ரிஜ்ஜூ மற்றும் அவருடைய உறவினர் கோபோய் ரிஜ்ஜு ஆகியோருக்கு தொடர்பு இருப்பதாக கூறி நாடாளுமன்றத்தில் காங்கிரஸ் கட்சி பிரச்சினை எழுப்பி வருகிறது. மேலும் கிரண் ரிஜ்ஜூ பதவி விலகக் கோரி இருஅவைகளிலும் காங்கிரஸ் கட்சியினர் அமளியில் ஈடுபட்டு வருகின்றனர்.

வெங்கையா பேட்டி
இதுகுறித்து நாடாளுமன்ற வளாகத்தில் செய்தியாளர்களுக்கு பேட்டி அளித்த மத்திய அமைச்சர் வெங்கையா நாயுடு, ஹெலிகாப்டர் ஊழல் விவகாரத்தை திசைதிருப்பவே, கிரண் ரிஜ்ஜூ பெயரை காங்கிரஸ் பயன்படுத்துவதாக குற்றம்சாட்டினார். கிரண் ரிஜ்ஜூ முறைகேட்டில் ஈடுபடவில்லை என்று கூறிய அவர், காங்கிரஸ் கட்சி ஹெலிகாப்டர் ஊழல் விவகாரத்தை எதிர்கொள்ள வேண்டும் என்றும், அதற்கு உரிய பதிலை அளிக்க வேண்டும் என்றும் சுட்டிக்காட்டினார்.

கிரண் ரிஜ்ஜூ பேட்டி
இதேபோல், மத்திய அமைச்சர் கிரண் ரிஜ்ஜூ அளித்த பேட்டியில், தனக்கு எதிராக குற்றச்சாட்டை கூறி, காங்கிரஸ் கட்சி மிகப்பெரிய தவறு இழைத்து விட்டதாக தெரிவித்தார். இதற்கான விளைவை காங்கிரஸ் கட்சி வாழ்நாள் முழுவதும் அனுபவிக்க நேரும் என்றும் கிரண் ரிஜ்ஜூ தெரிவித்தார்.  இதனிடையே, நாடாளுமன்ற வளாகத்தில் காந்தி சிலை முன்பு திரிணாமுல் காங்கிரஸ் கட்சியினர் போராட்டத்தில் ஈடுபட்டுள்ளனர். ரூபாய் நோட்டு விவகாரத்தால், மக்கள் கடுமையாக பாதிக்கப்பட்டுள்ளதாக குற்றம்சாட்டி, முழக்கம் எழுப்பினர்.

Read More

பிரபாகரனைக் காப்பாற்ற பெரும் போராட்டமே நடத்திய அமெரிக்கா புதிய புத்தகத்தில் பரபரப்பு தகவல்

டெல்லி  - தமிழீழ விடுதலைப் புலிகள் இயக்கத் தலைவர் பிரபாகரன் மற்றும் தளபதிகளை யுத்த களத்தில் இருந்து பாதுகாப்பாக வெளியேற்ற கடைசிநேரங்களில் அமெரிக்கா போராட்டம் நடத்தியதாக புதிய புத்தகம் ஒன்றிலும் தெரிவிக்கப்பட்டுள்ளது.பிரபாகரன் உள்ளிட்ட தளபதிகளை காப்பாற்ற அமெரிக்காவும், நார்வேயும் முயற்சித்தது; இதை இந்தியா எதிர்த்தது. இந்தியாவின் எதிர்ப்பை தமிழக தலைவர்களும் ஆதரித்தனர் என முன்னாள் தேசிய பாதுகாப்பு செயலர் சிவசங்கர் மேமன் தம்முடைய புத்தகத்தில் தெரிவித்திருந்தார்

இந்த நிலையில் அமெரிக்க வெளியுறவுத் துறை அதிகாரியும் கொழும்பில் உள்ள அமெரிக்க தூதரகத்தில் பணியாற்றியவருமான டயா கேமேஜ்  ஒரு புத்தகம் எழுதியுள்ளார். அதில் தமிழீழ விடுதலைப் புலிகள் தொடர்பான அமெரிக்காவின் நிலைப்பாடு விரிவாக விவரிக்கப்பட்டுள்ளது.குறிப்பாக 2009-ம் ஆண்டு மே மாதம் இறுதி யுத்த நாட்களின் போது பிரபாகரன் மற்றும் தளபதிகளைக் காப்பாற்ற அமெரிக்கா பெரும் முயற்சி எடுத்தது குறித்து இந்த நூலில் விவரிக்கப்பட்டுள்ளது. பாதுகாப்பு மண்டலங்கள் என அறிவிக்கப்பட்ட பகுதிகளின் மீது இலங்கை ராணுவம் தொடர்ந்து  தாக்குதல் நடத்தக் கூடாது எனவும் அமெரிக்கா எச்சரித்ததாகவும் அதில் சுட்டிக்காட்டப்பட்டிருக்கிறது.

ஒருகட்டத்தில் இலங்கை மீது சர்வதேச நிதியம் மூலமான நெருக்கடி தடைகளையும் அப்போதைய வெளியுறவுத் துறை அமைச்சர் ஹிலாரி கிளிண்டன் ஏற்படுத்தி பணிய வைக்கவும் முனைந்தார் எனவும் அந்த நூலில் பதிவு செய்யப்பட்டுள்ளது. அமெரிக்காவைப் பொறுத்தவரையில் என்னதான் விடுதலைப் புலிகளை பயங்கரவாத அமைப்பாக தடை செய்திருந்தாலும் அந்த அமைப்பினால் அமெரிக்காவுக்கு எந்த ஒரு பாதிப்பும் இல்லை என கருதியது. அதே நேரத்தில் இலங்கையை இரண்டாக பிரிக்கவும் அமெரிக்கா விரும்பவில்லை. தமிழர் பிரச்சனைக்கு தீர்வு காண விடுதலைப் புலிகள் இயக்கம் உயிர்ப்புடன் இருக்க வேண்டும் எனவும் அமெரிக்கா விரும்பியது எனவும் பதிவு செய்யப்பட்டுள்ளது

English Summary:

Delhi - LTTE leader Prabhakaran and safe discharge from the battlefield commanders in the USA last-minute struggle to save the generals, including the new book in a told about prabraharan the US, Norway sought; India opposed it. India's opposition leaders and supported by the State as stated in his book, the former National Defense Secretary Shivshankar Memon

Read More

ஹெலிகாப்டர் ஊழல் வழக்கு.. முன்னாள் விமானப்படை தளபதி தியாகிக்கு மேலும் 3 நாள் காவல்

டெல்லி: அக்ஸ்டா வெஸ்ட்லாண்ட் ஹெலிகாப்டர் முறைகேடு வழக்கில், முன்னாள் விமானப்படை தளபதி எஸ்.பி.தியாகியின் சிபிஐ காவல் மேலும் 3 நாட்களூக்கு நீட்டிப்பு செய்யப்பட்டுள்ளது.

காங்கிரஸ் தலைமையிலான ஐக்கிய முற்போக்கு கூட்டணி அரசு காலத்தில், வி.ஐ.பிகளுக்கு ஹெலிகாப்டர்கள் வாங்கியபோது நடந்த முறைகேட்டில் அப்போது விமானப்படை தளபதியாக இருந்த தியாகி பெயர் எப்.ஐ.ஆரில் சேர்க்கப்பட்டது. 2013ல் எப்.ஐ.ஆர் பதிவு செய்யப்பட்ட நிலையில், கடந்த சனிக்கிழமை, தியாகி, கவுதம் கைதான் மற்றும் சஞ்சிவ் தியாகி ஆகியோர் சிபிஐயால் கைது செய்யப்பட்டு சிபிஐ சிறப்பு நீதிமன்றத்தில் ஆஜர்படுத்தப்பட்டனர். டிசம்பர் 14ம்தேதியான இன்று வரை அவர்களுக்கு காவல் விதித்திருந்தது கோர்ட்.

கோர்ட் குறிப்பிட்ட தேதி முடிந்த நிலையில் இன்று மீண்டும் நீதிமன்றத்தில் ஆஜர்படுத்தப்பட்ட தியாகி உள்ளிட்டோருக்கு மேலும் 3 நாட்கள் காவல் விதித்துள்ளது நீதிமன்றம். பண மதிப்பிழப்பு பிரச்சினையை திசை திருப்ப தியாகி இப்போது கைது செய்யப்பட்டதாகவும், மூன்றாந்தர விசாரணையை நடத்த சிபிஐ திட்டமிட்டுள்ளதாகவும் தியாகி தரப்பு வழக்கறிஞர் வாதிட்டத்தை நீதிமன்றம் ஏற்கவில்லை.

English Summary:

 A special CBI court on Wednesday extended the custody of former air chief, S P Tyagi and two others till Saturday. Tyagi an accused in the AgustaWestland case along with two others will remain in CBI custody for another three days, the court ordered today

Read More

மோடி ஊழல் செய்துள்ளார்; ஆதாரம் உள்ளது என்கிறார் ராகுல்

புதுடில்லி: ரூபாய் நோட்டு வாபஸ் விவகாரத்தில் பிரதமர் ஊழல் செய்துள்ளதற்கான ஆதாரம் தன்னிடம் உள்ளது என காங்கிரஸ் துணைத்தலைவர் ராகுல் தெரிவித்துள்ளார்.

இது தொடர்பாக பத்திரிகையாளர்களை சந்தித்த ராகுல் கூறியதாவது: ரூபாய் நோட்டு வாபஸ் தொடர்பாக பார்லிமென்டில் பேச என்னை மோடி அனுமதிக்கவில்லை. இந்த விவகாரத்தில் பிரதமர் ஊழல் செய்துள்ளார். பிரதமரின் ஊழலை வெளிப்படுத்தும் ஆதாரம் என்னிடம் உள்ளது. என்னிடம் உள்ள ஆதாரத்தை கண்டு பிரதமர் பயப்படுகிறார். நான் பேசினால் உண்மை வெளிப்படும் என அஞ்சுகிறார்.

அரசு விரும்பவில்லை:

பார்லிமென்டிற்கு வராமல் பிரதமர் புறக்கணிக்கிறார். பொதுக்கூட்டத்திற்கும், இன்னிசை நிகழ்ச்சிகளுக்கும் செல்ல பிரதமருக்கு நேரம் உள்ளது. பார்லிமென்டிற்கு வரவும், விவாதத்தில் பங்கேற்கவும் நேரமில்லை. நாட்டிற்கும், மக்களுக்கும் பிரதமர் விளக்கமளிக்க வேண்டும்.

பார்லிமென்டில் நான் பேச விரும்புகிறேன். ஆனால், பிரதமர் இதனை விரும்பவில்லை. பார்லிமென்டில் விவாதம் நடத்த வேண்டும் என விரும்புகிறோம். ஆனால் விவாதம் நடத்த அரசு விரும்பவில்லை. விவாதத்தில் கலந்து கொண்டு பிரதமர் பதிலளிப்பதை நாட்டு மக்கள் எதிர்பார்க்கின்றனர். எங்களது கருத்துகளை வெளிப்படுத்துவதை அரசும், பிரதமரும் விரும்பவில்லை. அனைத்து எதிர்க்கட்சிகளையும் பேச அரசு அனுமதிக்க வேண்டும் எனக்கூறினார்.

English Summary:

NEW DELHI: Prime Minister on the issue of corruption has withdrawn bill is proof that he had said Rahul.

Read More

டெல்லியில் ஒரே பனி மூட்டம்... ரத்தாகும் ரயில்கள், தாமதமாகவும் விமானங்கள்

டெல்லி: எதிரே வரும் வாகனங்கள் கூட தெரியாத அளவுக்கு பனிமூட்டம் நிலவுகிறது. இதனால் ரயில் மற்றும் விமானங்கள் தாமதமாக புறப்பட்டன.

 டெல்லி, உத்தரப்பிரதேசம் உள்ளிட்ட வடமாநிலங்களில் கடுமையான பனிமூட்டம் நிலவி வருகிறது. எதிரே வரும் வாகனங்கள் கூட தெரியாத அளவுக்கு பனிமூட்டம் காணப்படுகிறது.

 பனிமூட்டம் இன்று காலையும் நீடித்தது. இதனால் ரயில்கள் மற்றும் விமானங்கள் சேவை பாதிக்கப்பட்டுள்ளது. டெல்லியில் இருந்து புறப்படும் 94 ரயில்கள் தாமதமாக புறப்படுகின்றன. 15 ரயில்களின் நேரம் மாற்றப்பட்டுள்ளது. ஒரு ரயில் ரத்து செய்யப்பட்டுள்ளது.

இதேபோல் விமானப் போக்குவரத்திலும் மாற்றம் செய்யப்பட்டுள்ளது. டெல்லி இந்திராகாந்தி சர்வதேச விமான நிலையத்தில் இருந்து 6 சர்வதேச விமானங்களும், 7 உள்நாட்டு விமானங்களும் தாமதமாக புறப்பட்டன. ஒரு விமானத்தின் சேவை ரத்து செய்யப்பட்டுள்ளது.

பனிமூட்டத்தால் சாலை போக்கு வரத்திலும் பாதிப்பு ஏற்பட்டுள்ளது. பனிமூட்டத்துடன் கடுமையான குளிரும் நிலவி வருவதால் நடைபாதிகளில் வசிக்கும் மக்கள் பெரும் சிரமத்திற்கு ஆளாகியுள்ளன.

English summary:

Heavy fog in New Delhi. Rail, flight and road transports are suffered a lot. Most of the trains and flights are delayed. some canceled.

Read More

ஆந்திராவை நோக்கி நகரும் ‘வர்தா’ புயல்.. தமிழகத்தில் பெரிய மழைக்கு வாய்ப்பில்லை?

டெல்லி: வங்கக் கடலில் உருவாகியுள்ள வர்தா புயல் ஆந்திராவை நோக்கி நகர்வதாக இந்திய வானிலை ஆய்வு மையம் தெரிவித்துள்ளது. இதனால், வரும் 11-ம் தேதி முதல் ஆந்திராவில் பலத்த மழை பெய்யும், கடலில் பலத்த காற்று வீசும் என்பதால் மீனவர்கள் கடலுக்கு செல்ல வேண்டாம் என எச்சரிக்கப்பட்டுள்ளது.

தென்மேற்கு வங்கக் கடலில் குறைந்த காற்றழுத்த தாழ்வு மண்டலம் உருவானது. அது அடுத்த 48 மணி நேரத்தில் வலுப்பெற்று புயலாக மாற வாய்ப்பு உள்ளது என்று புதன்கிழமை அறிவிக்கப்பட்டு இருந்தது.

 அந்த காற்றழுத்தத் தாழ்வு மண்டலம் தற்போது புயலாக மாறியுள்ளது. வர்தா என பெயரிடப்பட்டுள்ளது.பாகிஸ்தான் நாடு இந்த பெயரை சூட்டியுள்ளது. இந்த புயலானது விசாகப்பட்டினத்தில் இருந்து தென் கிழக்கில் 1,060 கிமீ தொலைவில் மையம் கொண்டுள்ளது. இது அடுத்த 12 மணி நேரத்தில் வடக்கு திசை நோக்கி நகரும் என்று எதிர்பார்க்கப்படுகிறது.

இதன் காரணமாக அடுத்த 24 மணி நேரத்தில் அந்த மான் நிக்கோபர் தீவுகளின் சில இடங்களில் பலத்த மழை பெய்யக்கூடும். அந்தமான் தீவு மற்றும் வடக்கு ஆந்திராவை ஒட்டியுள்ள பகுதியில் கடல் கொந்தளிப்பாக காணப்படும்.

இதனால், 11-ம் தேதி முதல் ஆந்திராவில் பலத்த மழை பெய்யும். கடலில் பலத்த காற்று வீசும் என்பதால் மீனவர்கள் கடலுக்கு செல்ல வேண்டாம் என்று இந்திய வானிலை அறிவித்துள்ளது. ஆழ்ந்த காற்றழுத்த தாழ்வு மண்டலம் புயலாக மாறியதால் ஆந்திரா மற்றும் தமிழகத்தில் மழைக்கு வாய்ப்பு உள்ளதாக தெரிவிக்கப்பட்டுள்ளது.

மேலும், காற்று மண்டலத்தில் மேல் அடுக்கு சுழற்சி காரணமாக தமிழகம் மற்றும் புதுச்சேரியில் ஒரு சில இடங்களில் மழை பெய்யும் என்று சென்னை வானிலை ஆய்வு மையம் கூறியுள்ளது.

 வங்கக்கடலில் அண்மையில் உருவான நடா புயல் கடந்த 2-ஆம் தேதி வலுவிழந்து காரைக்கால் அருகே கரையை கடந்தது. இந்த நிலையில் தென் கிழக்கு வங்கக்கடலில் மேலும் ஒரு புயல் உருவாகி இருப்பது குறிப்பிடத்தக்கது.

English summary:

 New delhi : Varda cyclone formed in Bay of Bengal move towards Andhra.

Read More

ஜெ. மறைவு.. ஜனாதிபதி வந்த விமானத்தில் கோளாறு… சரி செய்யப்பட்டு மீண்டும் சென்னை புறப்பட்டார் பிரணாப்

டெல்லி: ஜெயலலிதா மறைவிற்கு அஞ்சலி செலுத்துவதற்கு ஜனாதிபதி பிரணாப் முகர்ஜி சென்னை வர திட்டமிடப்பட்டது. இதற்காக தனி விமானத்தின் மூலம் சென்னை புறப்பட்டர் ஜனாதிபதி பிரணாப் முகர்ஜி.
ஆனால், விமானத்தில் திடீரென கோளாறு ஏற்பட்டது. பின்னர், விமானம் சரி செய்யப்பட்டு மீண்டும் சென்னைக்கு புறப்பட்டுள்ளார் ஜனாதிபதி பிரணாப் முகர்ஜி.

 செப்டம்பர் 22ம் தேதி உடல் நலம் இல்லாமல் சென்னை அப்போலோ மருத்துவமனையில் ஜெயலலிதா அனுமதிக்கப்பட்டார்.
அவருக்கு 75 நாட்களாக சிகிச்சை அளிக்கப்பட்ட நிலையில் நேற்று இரவு 11.30 மணிக்கு காலமானார்.

இதனையடுத்து, டெல்லியில் உள்ள தேசியத் தலைவர்கள் சென்னை நோக்கி வந்து கொண்டிருக்கிறார்கள். ஜெயலலிதாவின் நண்பரான பிரமதர் மோடி நேரில் அஞ்சலி செலுத்துவதற்காக சென்னை வந்துள்ளார். முன்னதாக, நாடாளுமன்ற விவகாரத் துறை அமைச்சர் வெங்கய்ய நாயுடு ராஜாஜி ஹாலுக்கு வந்து ஜெயலலிதாவிற்கு நேரில் அஞ்சலி செலுத்தினார்.

இதேபோன்று, ஜனாதிபதி பிரணாப் முகர்ஜி, சென்னைக்கு வந்து ஜெயலலிதாவிற்கு நேரில் அஞ்சலி செல்லுத்த திட்டமிடப்பட்டது. அதன்படி இன்று காலை அவர் தனி விமானத்தின் மூலம் சென்னைக்கு புறப்பட்டார். ஆனால் அந்த விமானத்தில் திடீரென தொழில் நுட்ப கோளாறு ஏற்பட்டது. இதனால், பிரணாப் சென்னைக்கு வராமல் மீண்டும் டெல்லிக்கே திரும்பிச் சென்றார். பின்னர், விமானத்தின் கோளாறு சரி செய்யப்பட்டு மீண்டும் சென்னைக்கு பிரணாப் முகர்ஜி புறப்பட்டுள்ளார்.

English summary:

 Due flight’s technical fault President Pranab Mugarjee is getting delay to come Chennai to pay tribute to Jayalalithaa.

Read More

டெல்லியில் அடுத்த மாதம் முதல் பிளாஸ்டிக் பொருட்களுக்கு தடை : தேசிய பசுமை தீர்ப்பாயம் அதிரடி உத்தரவு

புதுடெல்லி   - டெல்லி மற்றும் அதனையொட்டிய பகுதிகளில், பயன்படுத்தி தூக்கி எறியும் பிளாஸ்டிக் பொருட்களுக்கு ஜனவரி 1ம் தேதி முதல் தடை விதிக்கப்படுவதாக தேசிய பசுமை தீர்ப்பாயம் தெரிவித்துள்ளது.

ஜனவரி மாதம் ஒன்றாம் தேதி :

டெல்லியில், தேசிய பசுமைத் தீர்ப்பாய தலைவர் ஸ்வதந்தர்குமார் தலைமையிலான அமர்வு முன்னிலையில் நடைபெற்ற கூட்டத்தில் இந்த முடிவு எடுக்கப்பட்டது. அதன்படி, வரும் ஜனவரி மாதம் ஒன்றாம் தேதி முதல் ஒருமுறை பயன்பாட்டு பிளாஸ்டிக் பொருட்களுக்கு தடை விதிக்கப்படும். இந்த தடை டெல்லி மற்றும் அதனை சுற்றியுள்ள பகுதிகளுக்கு பொருந்தும் என அறிவிக்கப்பட்டுள்ளது.இந்த தடையின்கீழ், பிளாஸ்டிக் கப்கள், மளிகைப் பொருட்களுக்கான பிளாஸ்டிக் பைகள் உள்ளிட்ட பல்வேறு பொருட்கள் அடங்கும்.

பசுமை தீர்ப்பாயம் கண்டனம் : 
இதற்கான சுற்றறிக்கையை டெல்லி நகர மேம்பாட்டு ஆணையம் மற்றும் பிற பொதுத்துறை அதிகாரிகளுக்கு தேசிய பசுமைத் தீர்ப்பாயம் அனுப்பியுள்ளது. முன்னதாக, டெல்லியில் காற்று மாசு மற்றும் மூடுபனி காரணமாக ஏற்படும் விபத்துகள் உள்ளிட்டவற்றை கையாளுவதில் டெல்லி அரசு மெத்தனம் காட்டி வருவதாக தேசிய பசுமைத் தீர்ப்பாயம் கடும் கண்டனம் தெரிவித்தது குறிப்பிடத்தக்கது.

English Summary : Ban on plastic products in Delhi next month: The National Green Tribunal Action directive.Delhi and its nearer parts, plastic throw-away items banned from January 1, according to the National Green Tribunal. On the first of January.

Read More

வதந்திகளைப் பரப்புகின்றனர்: எதிர்க்கட்சிகள் மீது பாஜக தாக்கு

கருப்புப் பணம், ஊழல் ஆகியவற்றைக் கட்டுப்படுத்தும் நோக்கில் அதிக மதிப்புடைய ரூபாய் நோட்டுகள் செல்லாது என்று பிரதமர் மோடி அறிவித்ததால், அவருக்கு எதிராக எதிர்க்கட்சிகள் கும்பலாக திரண்டுள்ளன என்று பாஜக குற்றம்சாட்டியுள்ளது.
இதுகுறித்து அக்கட்சியின் தேசியச் செயலர் ஸ்ரீகாந்த் சர்மா, தில்லியில் செய்தியாளர்களிடம் செவ்வாய்க்கிழமை கூறியதாவது:
ரூ.500, ரூ.1,000 நோட்டுகள் செல்லாது என்று அறிவித்ததன் மூலம் கருப்புப் பணத்துக்கு எதிராக பிரதமர் மோடி துல்லியத் தாக்குதல் நடத்தியுள்ளார். அதற்கு தற்போது ஆதரவு பெருகி, மக்கள் இயக்கமாக மாறிவிட்டது.
இத்தகைய திடீர் அறிவிப்பால் சில சங்கடங்கள் ஏற்பட்டிருந்தாலும், மத்திய அரசின் முடிவை சராசரி மனிதன் ஆதரித்து வருகிறான். இன்னொருபக்கம் சரியான பாதையில் சென்றுகொண்டிருக்கும் இந்த முடிவை தடம்புரள வைப்பதற்காக பல்வேறு வதந்திகளை எதிர்க்கட்சியினர் பரப்பி வருகின்றனர்.
ஆனால், கருப்புப் பணம், ஊழலுக்கு எதிரான நடவடிக்கையில் பிரதமர் மோடியின் பக்கம் மக்கள் ஒற்றுமையுடன் நிற்கிறார்கள்.
கருப்புப் பணத்தையும், ஊழலையும் ஒழித்துக்கட்ட இரவு-பகல் பார்க்காமல் மோடி பணியாற்றி வருகிறார். ஆனால், இந்த எதிர்க்கட்சிகள் அவருக்கு எதிராக கும்பலாக அணிதிரண்டிருக்கின்றன.
இதற்கு முன்பு 10 ஆண்டுகளாக காங்கிரஸ் கட்சி மத்தியில் ஆட்சி செய்துவந்தபோது, பல்வேறு ஊழல்கள் நடைபெற்று பொதுமக்களின் பணம் கொள்ளையடிக்கப்பட்டது. அப்போது எதிர்க்கட்சிகளாக இருந்தவர்கள் (சமாஜவாதி, பகுஜன் சமாஜ் கட்சி) எங்கிருந்தீர்கள்?
அதிக ரூபாய் நோட்டுகள் செல்லாததாக அறிவிக்கப்பட்டுள்ளது வரலாற்று முக்கியத்துவம் வாய்ந்ததாகும். மேலும், தேர்தல்களில் சீர்திருத்தம் மேற்கொள்வதற்கான ஓர் அடியை எடுத்து வைத்திருக்கிறோம் என்பதை நினைவில் கொள்ள வேண்டும். கருப்புப் பணம் ஒழிக்கப்படுவதால், தேர்தல்கள் மலிவாகும். அரசியல் நிதியும் ஒழுங்குமுறைப்படுத்தப்படும் என்றார் ஸ்ரீகாந்த் சர்மா.

Read More

சிறிய தொகையினை மாற்றுபவர்களுக்கு வரித் தொந்தரவு இல்லை: அருண் ஜேட்லி தகவல்

செல்லாது என்று அறிவிக்கப்பட்ட பழைய ரூ.500, ரூ.1000 நோட்டுகளை சிறிய அளவில் டெபாசிட் செய்து, மாற்றிக் கொள்பவர்களுக்குப் பிரச்சினையில்லை, ஆனால் கணக்கில் வராத பெரிய அளவிலான தொகையை டெபாசிட் செய்பவர்கள் வரிச்சட்டங்களின் படி 200% அபராதம் விதிக்கப்படுவார்கள் என்று அருண் ஜேட்லி எச்சரித்துள்ளார்.

இது குறித்து அருண் ஜேட்லி கூறியதாவது:

சிறிய தொகையினை டெபாசிட் செய்பவர்களுக்கு எந்த வித வரித் தொந்தரவும் இருக்காது. வீட்டில் செலவுகளுக்காக வைத்திருக்கும் சிறிய அளவுத் தொகையை தங்கள் கணக்கில் டெபாசிட் செய்பவர்களை வரித்துறையினர் தொந்தரவு செய்ய மாட்டார்கள். வருவாய்த் துறையினரின் பார்வை இவர்கள் மேல் அல்ல.

ஆனால் கணக்கில் காட்டாத பெரிய தொகையினை டெபாசிட் செய்பவர்கள் வரிச்சட்டங்களின் படி விளைவுகளை எதிர்கொள்ள வேண்டும்” என்று நிதியமைச்சர் அருண் ஜேட்லி இகனாமிக்ஸ் எடிட்டர்கள் மாநாட்டில் தெரிவித்தார்.

வருவாய் செயலர் ஹஷ்முக் ஆதியா நேற்று தெரிவிக்கும் போது, வங்கிக் கணக்குகளில் ரூ.2.5 லட்சத்திற்கும் அதிகமான தொகையினை டெபாசிட் செய்பவர்களை வருமானவரித் துறையினர் ஆய்வு செய்வார்கள். அவர்களது கணக்கு சமர்ப்பிப்புத் தொகைக்கும் இதற்கும் பொருத்தப்பாடு இல்லையெனில் வரியுடன் 200% அபராதம் விதிக்கப்படும் என்றார்.

கருப்புப் பணத்தை ஒழிக்க இந்த நடவடிக்கை உதவுமா என்ற கேள்விக்குப் பதில் அளித்த அருண் ஜேட்லி, “இது ஒரு தனிப்பட்ட முயற்சி அல்ல, இது குறித்து சரக்கு மற்றும் சேவை வரி அமலாக்கம் உள்ளிட்ட பல முயற்சிகளின், நடவடிக்கைகளின் பின்னணியில் பார்க்க வேண்டும். சந்தைக்கு வராத பணம் பலவாறு முடங்கியுள்ளது. ஜி.எஸ்.டி முறை நடைமுறைக்கு வரும்போது வரி ஏய்ப்பும் கடுமையாகக் குறையும். அதே போல் நேரடி வரி விதிப்பு முறையையும் அறிவுக்குகந்ததாக மாற்ற முடியும்.

இவ்வாறான பல்வேறு நடவடிக்கைகளின் கூட்டு விளைவு கருப்புப் பணம் பதுக்குவதை ஊக்குவிக்காது. இதன் மூலம் கருப்புப் பணம் பதுக்குவதை முற்றிலும் எதிர்காலத்தில் ஒழித்து விடமுடியுமா என்பதை நான் இப்போதைக்கு கூற முடியாது, ஆனால் நிச்சயம் கறுப்புப் பணம் பதுக்கப்படுவதை இந்த நடவடிக்கைகள் ஊக்குவிக்காது.

தற்காலிக கடினப்பாடுகளைக் காரணம் காட்டி கறுப்புப் பணம் வளமையடைவதை நிரந்தரமாக்க முடியாது. எதிர்கால சுத்தமான அமைப்பை உருவாக்க தற்காலிக, குறுகிய கால கடினப்பாடுகளுக்குத் மக்கள் தயார் செய்து கொள்வது அவசியம்.

மக்கள் வங்கிகளை முற்றுகையிட வேண்டிய அவசியமில்லை, நிறைய கால அவகாசம் கொடுத்துள்ளோம். டிசம்பர் 30 வரை கால அவகாசம் உள்ளது, இது நிறைவான கால அவகாசமே. அதிக டெபாசிட்கள், அதிக பணமாற்றங்கள் பரவுவது மக்களுக்கு நல்லதுதானே.

சில நாட்களுக்கு நோட்டுகளின் போதாமை என்ற கடினமான நிலைமைகள் இருக்கும், இதனால் அன்றாட நடவடிக்கைகளில் இதன் தாக்கம் இருக்கும் ஆனால் இடைக்கால அல்லது நீண்ட கால அடிப்படையில் நோக்கினால் இந்த சமீபத்திய எங்களது நடவடிக்கைகள் பொருளாதாரத்தை உடன்பாடான ஒரு கட்டத்திற்கு, தாக்கத்திற்கு கொண்டு செல்வதை புரிந்து கொள்வீர்கள்.

குறுகிய கால அளவில் நுகர்வு பாதிக்கப்படும். தற்போது பயன்படுத்த முடியாது என்று அறிவிக்கப்பட்ட நோட்டுகள் பல சந்தைக்கு வராமலேயே முடங்கிக் கிடக்கின்றன, இவை அடுத்த வாரங்களில் மாற்றம் செய்யப்படும் போது தற்போதைய நுகர்வு நிலை மாறி பழைய நிலை திரும்பும்.

வங்கிகளுக்கு இதன் மூலம் மூலதனம் கிட்டும் என்றாலும் அவற்றிற்கு மேலும் மூலதனம் தேவைப்படும். ஆனால் இதன் மூலம் மூலதனம் திரட்டும் ஆதாரம் அதிகரித்துள்ளது.

இவ்வாறு கூறியுள்ளார்.

Read More