இந்து மதத்தவர் அதிபர் ஆவார் : பராக் ஒபாமா நம்பிக்கை

வரும்காலத்தில் அமெரிக்காவின் அதிபராக இந்து மதத்தைச் சேர்ந்தவர் பொறுப்பேற்பார் என்று முன்னாள் அதிபர் பராக் ஒபாமா தெரிவித்துள்ளார். எட்டு ஆண்டுகள் அமெரிக்க அதிபராக பணியாற்றி வந்த ஒபாமாவின் பதவிக் காலம் நேற்றுடன் நிறைவடைகிறது. அவர் பத்திரிகை யாளர்களிடம் விடைபெற்றார். அப்போது அவர் பேசியதாவது: அமெரிக்காவில் இனம், மதம் பாகுபாடு பார்க்கப்படுவதில்லை. திறமையின் அடிப்படையில் அனைவருக்கும் சமவாய்ப்பு அளிக்கப்படுகிறது. இதுதான் அமெரிக்காவின் பலம். அதன் அடிப்படையில் வரும் காலத் தில் ஒரு பெண்ணோ, லத்தீன் அதிபரோ, யூத அதிபரோ, இந்து அதிபரோ பதவியேற்கக் கூடும். இவ்வாறு அவர் தெரிவித்தார்.

இந்நிலையில், பிரதமர் நரேந்திர மோடியை அதிபர் ஒபாமா  தொலைபேசியில் தொடர்புகொண்டு பேசினார். அப்போது, ஆக்கப்பூர்வ அணுசக்தி, பாதுகாப்பு மற்றும் குடிமக்கள் உறவு உள்ளிட்ட பல்வேறு துறைகளில் இந்தியாவும், அமெரிக்காவும் மேற்கொண்ட கூட்டு முயற்சிகளில் ஆக்கப்பூர்வ ஒத்துழைப்பு வழங்கியதற்காக பிரதமர் மோடிக்கு நன்றி தெரிவிப்பதாக ஒபாமா குறிப்பிட்டார்.
கடந்த 2015-ம் ஆண்டு குடியரசு தின விழாவுக்கு சிறப்பு விருந்தினராக வருகை தந்தபோது தனக்களிக்கப்பட்ட வரவேற்பை நினைவுகூர்ந்து நெகிழ்ந்த ஒபாமா, இந்தியாவின் 68-வது குடியரசு தினத்துக்கான வாழ்த்தை முன்கூட்டியே தெரிவித்ததாகவும் வெள்ளை மாளிகை நேற்று வெளி யிட்ட அறிக்கையில் கூறப்பட் டுள்ளது.

இதுகுறித்து டெல்லியில் பிரதமர் அலுவலகம் வெளியிட்ட அறிக்கையில், இரு நாடுகளுக்கு இடையே அனைத்து மட்டங் களிலும் வளர்ச்சியோடு கூடிய ஒத்துழைப்பு திருப்திகரமாக அமைந்ததாகக் கூறி பதிலுக்கு பிரதமர் மோடி நன்றி கூறியதாக கூறப்பட்டுள்ளது. கடந்த 2014-ம் ஆண்டில் மோடி பிரதமரானபோது முதலில் வாழ்த்து கூறிய சர்வதேச தலைவர்களில் ஒபாமாவும் ஒருவர். அதன் பிறகு, இதுவரை இல்லாத வகையில் இரு தலைவர்களும் 8 முறை சந்தித்துப் பேசியது குறிப்பிடத்தக்கது.

Read More

இன்றுடன் முடிகிறது பதவிக்காலம்: மோடிக்கு தொலைபேசியில் நன்றி தெரிவித்த ஒபாமா

வாஷிங்டன்  - அமெரிக்க அதிபர் ஒபாமாவின் பதவிக்காலம் இன்றுடன் முடிவடைய உள்ள நிலையில், அவர் இந்திய பிரதமர் மோடியை தொலைபேசியில் தொடர்பு கொண்டு நன்றி தெரிவித்துள்ளார்.

மோடிக்கு நன்றி: 

அமெரிக்க அதிபர் பராக் ஒபமாவின் பதவிக்காலம் இன்றுடன் முடிவடைகிறது. அடுத்த அதிபராக டொனல்ட் டிரம்ப் பதவியேற்க உள்ளார். இந்நிலையில், பராக் ஒபாமா நேற்று முன்தினம் பிரதமர் மோடியை தொலைபேசி மூலம் தொடர்பு கொண்டு பேசியுள்ளார். அப்போது, தனது பதவிக்காலத்தில் இந்திய - அமெரிக்கா உறவுக்கு சிறந்த ஒத்துழைப்பு அளித்ததற்காக மோடிக்கு நன்றி தெரிவித்துள்ளார்.

மோடி வாழ்த்து:

மேலும், இந்தியா - அமெரிக்கா இடையேயான உறவுக்கு உறுதியான பங்களிப்பை அளித்ததற்காக பிரதமர் மோடியும் பதிலுக்கு நன்றி தெரிவித்துள்ளார். 2015-ம் ஆண்டில் நடந்த இந்தியக் குடியரசுத் தின விழாவில் பங்கேற்றதை ஒபாமா நினைவு கூர்ந்த ஒபாமா வரும் ஆண்டில் நடக்கும் குடியரசுத் தினத்திற்கும் வாழ்த்து தெரிவித்தார். அதிபர் பதவிக்காலம் முடிந்ததும், ஒபாமா எடுக்கும் அடுத்த கட்ட முயற்சிக்கும் பிரதமர் மோடி வாழ்த்து தெரிவித்துள்ளார்.

பிரதமர் அலுவலகம்: 

இரு நாடுகளுக்கு இடையே சிவில்-அணு ஒப்பந்தங்கள் மற்றும் பாதுகாப்பு உபகரணங்கள் இறக்குமதி உள்பட பல ஒப்பந்தங்கள் நிறைவேற்றப்பட்டது குறிப்பிடத்தக்கது. இரு நாடுகளின் தலைவர்கள் தொலைபேசியில் பேசிய தகவல்களை அமெரிக்காவின் வெள்ளை மாளிகை மற்றும் இந்திய பிரதமர் அலுவலகம் தெரிவித்துள்ளது. 2014-ம் ஆண்டில் பிரதமராக மோடி வெற்றி பெற்றதும் முதல் வெளிநாட்டு தலைவராக ஒபாமா வாழ்த்தினார் என்பது குறிப்பிடத்தக்கது.

English summary:

Washington - US President Barack Obama's term of office at the end of today, he thanked telephoned Indian Prime Minister Modi.

Read More

வெள்ளை மாளிகையை விட்டு முதல்ல புறப்படுங்கள் : ஒபாமாவுக்கு வடகொரியா அட்வைஸ்

பியாங்யாங்  - மனித உரிமை தொடர்பாக பேசி பொழுதை கழிக்காமல் மூட்டை முடிச்சை ‘பேக்’ செய்துகொண்டு வெள்ளை மாளிகையை விட்டு புறப்படுமாறு அமெரிக்க அதிபர் ஒபாமாவை வடகொரியா கேட்டுக் கொண்டுள்ளது.

ஏவகணை சோதனை:

உலக நாடுகளின் தடையை மீறி அணு ஆயுதங்களையும், கண்டம்விட்டு கண்டம் பாயும் ஏவுகணைகளையும் தயாரித்தும், பரிசோதித்தும் வரும் வடகொரியா மீது பொருளாதாரம், ஏற்றுமதி - இறக்குமதி, வர்த்தகம் உள்ளிட்ட பல்வேறு தடைகளை விதித்துள்ளது.

பொருளாதார தடை :

மனித உரிமை மீறல்களில் ஈடுபட்டதாக வடகொரியா அதிபர் கிம் ஜான் உன்-னின் சகோதரி யோ ஜாங் உள்பட 7 தனிநபர்கள் மீது அமெரிக்க நிதி அமைச்சகம் கடந்த வாரம் பொருளாதார தடை விதித்தது. உலகிலேயே மிக மோசமான மனித உரிமை மீறல்களில் ஈடுபட்டதற்காக இந்த தடை விதிக்கப்படுவதாக அமெரிக்க அரசு வெளியிட்ட செய்திக்குறிப்பில் குறிப்பிடப்பட்டிருந்தது.

செய்தி நிறுவனம்: 

இதற்கு பதில் அளிக்கும் வகையில் வடகொரியா அரசால் நடத்தப்படும் பிரபல செய்தி நிறுவனம் அமெரிக்க அதிபரை கேலி செய்யும் விதமாக ஒரு கருத்தை நேற்று பதிவு செய்துள்ளது. ‘மற்றவர்களின் மனித உரிமை தொடர்பாக பேசி பொழுதை கழிக்காமல் மூட்டை முடிச்சை ‘பேக்’ செய்துகொண்டு வெள்ளை மாளிகையை விட்டு புறப்படும் வேலையில் கவனம் செலுத்துமாறு அமெரிக்க அதிபர் ஒபாமாவுக்கு யாராவது அறிவுரை கூற வேண்டும்.

தனது ஆட்சிக் காலத்தில் அமெரிக்காவில் மிக மோசமான மனித உரிமை மீறல்களை உருவாக்கிய ஒபாமா, ஏராளமான அமெரிக்கர்களுக்கும் உலகில் உள்ள பிற மக்களுக்கும் ஏற்படுத்திய வலிக்காகவும், துரதிர்ஷ்டத்துக்காகவும் வருத்தப்பட வேண்டும்’ என அந்த செய்தி நிறுவனம் வெளியிட்ட ஒரு கட்டுரையில் குறிப்பிடப்பட்டுள்ளது.

சர்ச்சை:

அமெரிக்காவின் புதிய அதிபராக டொனால்ட் டிரம்ப் பதவியேற்கவுள்ள வரும் 20-ம் தேதிக்குள் வெள்ளை மாளிகையை விட்டு ஒபாமா வெளியே செல்ல வேண்டும் என்ற நிலையில் வடகொரியா தெரிவித்துள்ள இந்த கருத்து பெரும் சர்ச்சையை உருவாக்கும் என எதிர்பார்க்கப்படுகிறது.

English summary:

Pyongyang - the monotony of talking about human rights can bundle  'pack' getting away from the White House with President Obama, North Korea has asked to leave.

Read More

கியூபாவுக்கு சாதகமாக அமெரிக்க குடியேற்ற கொள்கையில் மாற்றம்

வாஷிங்டன் : அமெரிக்க அதிபராக ஒபாமா பதவியேற்ற நாள் முதலாக கியூபாவுடன் நீடிக்கும் அரை நூற்றாண்டு பகைக்கு முற்றுப்புள்ளி வைக்க முயன்று வந்தார்.

அதன் அடிப்படையில் கியூபாவுக்கு சென்று பிடல் காஸ்ட்ரோவின் தம்பியும், அதிபருமான ரவுல் காஸ்ட்ரோவைச் சந்தித்து பேச்சு வார்த்தை நடத்தினார். அதன் பலனாக கியூபாவில் நீண்ட இடைவெளிக்குப் பின் அமெரிக்க தூதரகம் திறக்கப்பட்டது. இதே போல் அமெரிக்காவிலும் கியூபா நாட்டின் தூதரகம் திறக்கப்பட்டது.

தற்போது அதிபர் பதவியில் இருந்து ஓய்வு பெறும் நிலையில் கியூபா மீதான 20 ஆண்டு பழமையான குடியேற்ற கொள்கை யிலும் அதிபர் ஒபாமா அதிரடி மாற்றம் கொண்டு வந்துள்ளார்.  இதனால் அமெரிக்கா, கியூபா இடையிலான உறவு வலுப்பெறும் என நம்பப் படுகிறது.

English Summary:

Washington: US President Barack Obama took office in Cuba in the first half of the last century was trying to end the feud.

Read More

மிக உயரிய குடிமகனுக்கான சுதந்திர ஜனாதிபதி பதக்கம்: துணை அதிபர் ஜோ பிடனுக்கு ஒபாமா வழங்கினார்

வாஷிங்டன்  - அமெரிக்க அதிபர் ஒபாமாவிடம் துணை அதிபர் ஜோ பிடன் கண்ணீருடன் விருது பெற்றார். ஜோ பிடன் ஒபாமா ஆட்சியில் 8 ஆண்டுகள் துணை அதிபராக பணிபுரிந்தார் என்பது குறிப்பிடத்தக்கது.

உயர்ந்த பதக்கம்:

அமெரிக்க அதிபராக வருகிற 20-ந்தேதி டொனால்டு டிரம்ப் பதவி ஏற்கிறார். எனவே, தற்போதைய அதிபர் ஒபாமாவின் பதவிக்காலம் இன்னும் ஒரு வாரத்தில் முடிவடைகிறது. இந்நிலையில் அமெரிக்காவின் மிக உயரிய குடிமகனுக்கான ‘சுதந்திர ஜனாதிபதி பதக்கம்’ (பிரசிடென்ஷியல் மெடல் ஆப் பிரீடம்’) என்ற விருது வழங்கும் விழா வாஷிங்டனில் உள்ள வெள்ளை மாளிகையில் நடந்தது.

துணை அதிபர் தேர்வு:

அதில் அதிபர் ஒபாமா மற்றும் துணை அதிபர் ஜோ பிடன் ஆகியோரின் குடும்பத்தினர் உள்பட உயர் அதிகாரிகள் மற்றும் முக்கிய பிரமுகர்கள் பங்கேற்றனர். இந்த விருது யாருக்கு வழங்கப்படுகிறது என்பது ரகசியமாக வைக்கப்பட்டிருந்தது. இந்த நிலையில் விருது வழங்கும் முன்பு மேடைக்கு வந்த ஒபாமா அந்த விருதுக்குரியவராக துணை அதிபர் ஜோ பிடன் பெயரை அறிவித்தார்.

ஆனந்த கண்ணீர்:

இதை சற்றும் எதிர்பாராத ஜோ பிடன் ஆனந்த் அதிர்ச்சி அடைந்தார். அவரால் அதை நம்ப முடியவில்லை. அவரை அறியாமல் கண்களில் இருந்து கண்ணீர் வடிந்தது. பின்னர் எழுந்து வந்த அவரின் கழுத்தில் அந்த உயரிய விருதை ஒபாமா பெருமிதத்துடன் அணிவித்தார். ஜோ பிடன் ஒபாமா ஆட்சியில் 8 ஆண்டுகள் துணை அதிபராக பணிபுரிந்துள்ளார். இவர்கள் இருவரும் சிறந்த நண்பர்களாக திகழ்ந்தவர்கள். இவர்கள் மட்டுமின்றி மிகுந்த இரு குடும்பத்தினரும் நட்பு பாராட்டி வந்தனர். தனக்கு அளிக்கப்பட்ட விருதுக்கு நன்றி தெரிவித்து ஜோ பிடன் ஏற்புரை நிகழ்த்தினார்.

அப்போது அவர் பேசியதாவது:-

எதிர்பார்க்கவில்லை:

இந்த விருதுக்கு நான் தேர்ந்தெடுக்கப்பட்டது அமெரிக்க வரலாற்றில் ஒரு நட்சத்திர குறியாக கருதுகிறேன். நான் ஒரு அற்புதமான மனிதருடன் (ஒபாமாவுடன்) ஆட்சி பணியில் பயணம் செய்து இருக்கிறேன். அவர் நாட்டுக்காக பல தனிச் சிறப்புமிக்க நல்ல பணிகளை ஏற்றி இருக்கிறார். இந்த விருதை வழங்கி ஒபாமா என்னை ஆச்சரியத்தில் ஆழ்த்திவிட்டார். இதை நான் எதிர்பார்க்கவில்லை என்றார். கடந்த ஆண்டு இந்த விருது ஒபாமாவுக்கு வழங்கப்பட்டது. இந்த விருதை அமெரிக்காவின் 3 அதிபர்கள் மட்டுமே பெற்றுள்ளனர் என்பது குறிப்பிடத்தக்கது.

English Summary:

Washington - US President Barack Obama, Vice President Joe Biden received the award with tears. Served as Vice President Joe Biden, Obama was in office for 8 years.

Read More

முடிவுக்கு வருகிறது கியூபர்களுக்கான அமெரிக்க விசாயின்றி தங்கும் சலுகை

கியூபா மக்கள் விசா இல்லாமல் குடியேறிகளாக அமெரிக்காவுக்கு வந்து தங்க அனுமதிக்கும் நீண்டகால கொள்கையை அதிபர் பராக் ஒபாமா முடிவுக்குக் கொண்டு வந்துள்ளார்.

20 ஆண்டுகளாக இருந்து வருகின்ற இந்த கொள்கைப்படி,, அமெரிக்காவுக்கு குடியேறிகளாக வந்தடையும் கியூபா மக்கள், அங்கு ஓராண்டு தங்கியிருந்த பின்னர், சட்டப்படி நிரந்தரமாக தங்குகின்ற உரிமையை பெறுபவர்களாக இருந்து வந்தனர்.

அமெரிக்கா - கியூபா இடையே 55 வருடங்களுக்கு பிறகு விமான சேவை தொடக்கம்

இதற்கு பதில் நடவடிக்கையாக, அமெரிக்காவிலிருந்து திருப்பி அனுப்பப்படும் அல்லது நாடு கடத்தப்படும் தங்களது மக்களை ஏற்றுகொள்ள கியூபா ஒப்பு கொண்டுள்ளது.

அமெரிக்க அதிபராக பதவியில் இருக்கும் கடைசி நாட்களில் கியூபாவோடு நல்லுறவை ஏற்படுத்துவதற்கு பாராக் ஒபாமா மேற்கொண்டு வருகின்ற முயற்சிகளின் தொடர்ச்சியாக இது அமைகிறது.

கடனை ஒரு நூற்றாண்டாக "ரம்" மதுவாக திருப்பி வழங்க எண்ணும் கியூபா

விசா இல்லாமல் அமெரிக்கா வர அனுமதிக்கிற கொள்கையானது இதுவரை கியூபா மக்களுக்கு மட்டுமே பொருந்துவதாக இருந்து வந்துள்ளது.

விசா இல்லாமல் அமெரிக்கா வருகின்ற பிற நாட்டு குடியேறிகள் கைது செய்யப்பட்டு நாடுகடத்தப்படுவர்.

காணொளி: விடைபெறும் ஒபாமா சாதித்தது என்ன?

English Summary:

As immigrants come to the United States without a visa for the Cuban people will be allowed to stay long-term policy, President Barack Obama has ended.

Read More

சிகாகோவில் நடந்த பிரியாவிடை உரையில் அமெரிக்கர்களுக்கு கண்ணீருடன் நன்றி தெரிவித்த ஒபாமா!

சிகாகோ  - சிகாகோவில் நடைபெற்ற பிரியாவிடை உரையில் அமெரிக்கர்களுக்கு கண்ணீருடன் ஒபாமா நன்றி தெரிவித்தார்.

பிரியாவிடை உரை:

தற்போதைய அமெரிக்க அதிபராக உள்ள பராக் ஒபாமாவின் பதவிக்காலம் ஜனவரி 20ம் தேதியுடன் முடிவடைகிறது.  இதனிடையே, நேற்று சிகாக்கோவில் நடைபெற்ற பிரியாவிடை உரையில் ஒபாமா பேசினார். அதில், கடந்த வாரத்தில் எனக்கும்,  மிச்செலுக்கும் அதிகளவில் வாழ்த்துக்கள் வந்தன. அதற்காக மக்களுக்கும், என்னுடைய நலம் விரும்பிகளுக்கு இந்த நேரத்தில் நான்  நன்றி கூற விரும்புகிறேன் என்றார்.

கண்ணீர் விட்டார்:

ஒவ்வொரு நாளும் நான் மக்களிடமிருந்து ஏதேனும் ஒன்றை கற்றுக்கொண்டு இருக்கிறேன். அதுவே என்னை அமெரிக்காவின்  சிறந்த அதிபராக்க மாற்றியது என்று கூறிய ஒபாமாவின் கண்களில் வந்த கண்ணீர் அமெரிக்க மக்களை நெகிழச் செய்தது.

பலமான நாடு:

தற்போது, உலகின் பலமான நாடுகளில் ஒன்றாக அமெரிக்கா உள்ளது. மேலும், வரலாற்றிலேயே அதிக அளவிலான  வேலைவாய்ப்புகளை அமெரிக்கா உருவாக்கி உள்ளது. நமது பொருளாதார வளர்ச்சியும் சிறப்பான முன்னேற்றத்தை  கண்டுள்ளது. எனினும் நாம் வளர இன்னும் நிறைய உயரம் இருக்கின்றன என்றார்.

ஒற்றுமையாக...:

ஜனநாயகத்தின் மூலமே நாம் வளர்ச்சியை அடைய வேண்டும், அதுவே சாத்தியம் என்று கூறிய ஒபாமா, மக்கள் ஒற்றுமையால்  மட்டுமே மாற்றங்களும், வளர்ச்சிகளும் நிகழும் என்றார். 8 ஆண்டுகளாக அமெரிக்காவின் அதிபராக இருந்துள்ளேன். ஒன்றாகவே  வீழ்வோம் அல்லது ஒன்றாகவே எழுவோம்.

குடியேறியவர்களுக்கு..:

பயங்கரவாதம் ஜனநாயகத்திற்கு மிகப் பெரிய சவாலாக உள்ளது. இதனை நமது குழந்தைகளுக்கு எடுத்துரைத்து அவர்களை  சிறந்த பண்புள்ளவர்களாக வளர்க்க வேண்டும். மேலும் அமெரிக்காவில் குடியேறியவர்களுக்கு முக்கியத்துவம் அளிக்க வேண்டும்  என்றும் ஒபாமா கூறினார். அமெரிக்க வளர்ச்சியில் குடியேறியவர்களின் பங்கு முக்கியமானது என்றார்.

English summary:

Chicago - Chicago's farewell speech thanked Obama for Americans to tears 

Read More

நெகிழ்ச்சி உரையுடன் அமெரிக்க மக்களிடம் இருந்து விடைபெற்றார் ஒபாமா

சிகாகோ : நீங்கள் என்னை சிறந்த மனிதனாகவும், சிறந்த அதிபராகவும் ஆக்கி விட்டீர்கள் என அமெரிக்க அதிபராக ஒபாமா ஆற்றிய இறுதி உரையில் தெரிவித்துள்ளார். ஒபாமா தனது உரையின் போது கண்ணீர் சிந்தியது பலரையும் கலங்க வைத்தது.

அமெரிக்க அதிபர் ஒபாமாவின் பதவி காலம் ஜனவரி 20 ம் தேதியுடன் நிறைவடைகிறது. புதிய அதிபராக தேர்வுசெய்யப்பட்டுள்ள டொனால்ட் டிரம்ப் விரைவில் பதவியேற்க உள்ளார். இந்நிலையில் சிகாகோவில் நடந்த வழியனுப்பு விழா நிகழ்வில் அமெரிக்க அதிபராக தனது இறுதி உரையை ஒபாமா இன்று நிகழ்த்தினார். கூடியிருந்த ஆயிரக்கணக்கான அமெரிக்க மக்களிடையே அவர் பேசுகையில், நீங்கள் என்னை சிறந்த மனிதனமாகவும், சிறந்த அதிபராகவும் மாற்றி உள்ளீர்கள். நீங்கள் நாள்தோறும் எனக்கு பல விஷயங்களை கற்றுக் கொடுத்துள்ளீர்கள். அதற்காக உங்களுக்கு நன்றி தெரிவிக்கும் நேரமிது. கடந்த சில வாரங்களாக நானும் எனது மனைவியும் பாராட்டு மழையில் நனைந்து வருகிறோம். இப்போதைய நிலையில் அமெரிக்கா பலமான இடத்தில் உள்ளது. வரலாற்றிலேயே அதிக அளவிலான வேலைவாய்ப்பை அமெரிக்கா உருவாக்கி உள்ளது.

உங்களால் தான் அமெரிக்கா பலமான நிலையை அடைந்துள்ளது. நமது பொருளாதாரம் வளர்ச்சி அடைந்ததாக உள்ளது. இந்த வளர்ச்சி போதாது. இன்னும் நாம் வளர வேண்டும். ஜனநாயகத்தின் மூலமே நமது வளர்ச்சியை அடைய முடியும். பயங்கரவாதம் ஜனநாயகத்திற்கு மிகப் பெரிய சவாலாக உள்ளது. இதனை நமது குழந்தைகளுக்கு எடுத்துரைத்து அவர்களை திறமையானவர்களாக வளர்க்க வேண்டும். மக்கள் ஒருங்கிணைத்தால் மட்டுமே மாற்றங்களும், வளர்ச்சிகளும் சாத்தியமாகும். 8 ஆண்டுகளாக உங்களின் அதிபராக இருந்ததில் இதனை நான் நம்புகிறேன். இது எனது நம்பிக்கை மட்டுமல்ல நமது அமெரிக்காவின் கொள்கையும் இது தான். ஒன்றாகவே வீழ்வோம் அல்லது ஒன்றாகவே எழுவோம். அடுத்த 10 நாட்களில் அமைதியான முறையில் தலைமை மாற்றம் இருக்கும். அமெரிக்காவில் குடியேறியவர்களின் குழந்தைகளின் நலனுக்கு முக்கியத்துவம் அளிக்க வேண்டும். அமெரிக்க வளர்ச்சியில் குடியேறியவர்களின் பங்கு முக்கியமானது. கடந்த 8 ஆண்டுகளில் பயங்கரவாத தாக்குதல் ஏதும் நடத்தப்படவில்லை. சட்டங்கள் மட்டும் போதாது. மனங்கள் மாற வேண்டும். பயங்கரவாதம் அமெரிக்காவில் முற்றிலுமாக ஒழிக்கப்பட்டுள்ளது. இவ்வாறு அவர் பேசினார்.

ஒபாமா உரையாற்றிக் கொண்டிருந்த போது அவரது ஆதரவாளர்கள் பலர், அவர் மேலும் 4 ஆண்டுகள் அதிபராக நீட்டிக்க வேண்டும் என கோஷமிட்டனர். அப்போது பேசிய ஒபாமா, ஆதரவாளர்களின் கோரிக்கைப்படி அடுத்த 4 ஆண்டுகள் அதிபராக இருக்க முடியாது. எனது நலனில் அக்கறை கொண்டவர்கள் அனைவருக்கும் நன்றி தெரிவிக்கும் நேரம் இது. அவர்களை என்றும் நான் மறக்க மாட்டேன் என நெகிழ்ச்சியுடன் தெரிவித்தார்.

English Summary:

Chicago: You are the best man for me, as he has made the best president delivered the final speech of US President Barack Obama said. Obama has upset a lot of people shed tears during his speech.

Read More