ஜல்லிக்கட்டு ஆதரவு தெரிவித்து மைசூரில் தமிழக ஐ.டி. ஊழியர்கள் போராட்டம்

மைசூரு: ஜல்லிக்கட்டுக்கு விதித்துள்ள தடை நீக்கவும், 'பீட்டா' அமைப்பை தடை செய்ய வலியுறுத்தியும், மைசூரில் தமிழக ஐ.டி., ஊழியர்கள் அமைதி போராட்டம் நடத்தினர்.
ஜல்லிக்கட்டுக்கு ஆதரவு தெரிவித்து மைசூரில் பணிபுரியும் தமிழர்கள் ஒன்றிணைந்து, மைசூரு லட்சுமிபுரத்தில் உள்ள கலெக்டர் அலுவலகம் முன், நேற்று காலை, 10:00 மணிக்கு குவிந்தனர்.
விப்ரோ, இன்போசிஸ், எல் அண்ட் டி., உட்பட பல்வேறு நிறுவனங்களில் பணிபுரியும் தமிழர்கள் அறவழி போ
ராட்டம் நடத்தினர்.

விப்ரோவில் பணிபுரியும் மதுரையை சேர்ந்த புருஷோத்தம் மற்றும் அவரது நண்பர்கள், 40 பேர் நேற்று முன்தினம், நகர போலீஸ் கமிஷனரிடம் முறையான அனுமதி பெற்றனர்.
அவர்களுடன், வாட்ஸ் மூலம் ஒருங்கிணைக்கப்பட்ட நூற்றுக்கணக்கானோரும் இந்த போராட்டத்தில் கலந்து கொண்டனர்.

'வேண்டும்... வேண்டும்... ஜல்லிக்கட்டு வேண்டும்', 'வேண்டாம்... வேண்டாம்... பீட்டா அமைப்பு வேண்டாம்...' என்று கோஷங்கள் எழுப்பி, ஜல்லிக்கட்டுக்கு விதித்துள்ள தடையை நீக்க வலியுறுத்தினர்.காலை, 10:00 மணிக்கு துவங்கிய போராட்டம் பகல், 1:00 மணி வரை நீடித்தது. ஆண்கள், பெண்கள் என பலர் கலந்து கொண்டனர். இவர்களுடன் மைசூரு தமிழ்ச் சங்க நிர்வாகிகளும் கலந்து கொண்டனர்.

English summary:

Mysore: Remove the ban on Jallikattu, 'beta' organization calling for a ban, TN in Mysore IT staff protested quietly. 

Read More

ஜல்லிக்கட்டு சட்ட விரோதம்; இந்திய பீட்டா தலைவர் பொறுப்பற்ற பேச்சு

சென்னை: பீட்டா அமைப்பின் இந்திய பிரிவு தலைவர் பூர்வா ஜோஷிபூரா, அளித்த பேட்டியில் கூறியதாவது: ஜல்லிக்கட்டுக்கு ஆதரவாக மத்திய அரசு கொண்டு வரும் அவசர சட்டம் குறித்து நாங்கள், எங்களது வழக்கறிஞர்களுடன் ஆலோசனை நடத்தி வருகிறோம். சட்ட ரீதியாக உள்ள அனைத்து வழிகளும் ஆலோசனை செய்யப்படுகிறது.
விலங்குகளை காப்பாற்ற வேண்டியது எங்களது கடமை. ஜல்லிக்கட்டு விவகாரத்தில் பீட்டா பலிகடா ஆக்கப்பட்டுள்ளது. ஜல்லிக்கட்டு தொடர்பாக அரசும் சுப்ரீம் கோர்ட்டில் வழக்கு தொடர்ந்துள்ளது.
இந்த விவகாரத்தில் நீதி நிலைநாட்டப்படும். இந்திய சட்டப்படி ஜல்லிக்கட்டு சட்ட விரோதம். இதுபற்றி தமிழர்களுக்கு தெரியவில்லை எனக்கூறினார்.

English Summary:

Chennai: Indian Head purva josipura beta system, said in an interview: Jallikattu with the federal government in favor of the ordinance, we are in consultation with our lawyers. All done in a legal manner suggested. 

Read More

‛வழக்கு போட்டது நாங்க இல்ல‛ - பம்முகிறது பீட்டா

சென்னை : தமிழகம் முழுவதும், 'பீட்டா' அமைப்பை தடை செய்யக் கோரி, போராட்டங்கள் அதிகரித்துள்ள நிலையில், 'ஜல்லிக்கட்டுக்கு எதிராக, முதலில் வழக்கு தொடர்ந்தது, நாங்கள் அல்ல' என, அந்த அமைப்பு தெரிவித்துள்ளது.

ஜல்லிக்கட்டுக்கு எதிராக, உச்ச நீதிமன்றத்தில் வழக்குகள் தொடுத்துள்ள, 'பீட்டா' எனும், விலங்குகள் நல, அமெரிக்க அமைப்புக்கு எதிராக, தமிழக மக்களின் பார்வை திரும்பியுள்ளது. அதை தடை செய்யக் கோரி, ஆயிரக்கணக்கானோர் போராடி வருகின்றனர்.

நிலைமை விபரீதம் அடைவதை உணர்ந்த பீட்டா, நேற்று வெளியிட்டுள்ள அறிக்கை: நாங்கள் சட்டத்தை உருவாக்குவதில்லை. மிருக வதை சட்டம் உருவாவதற்கு, நாங்கள் தான் காரணம் என, யாராவது கூறினால், அது திசை திருப்பும் செயல். மதுரையைச் சேர்ந்த, நாகராஜன் என்பவர் தான், 2006ல், இந்த விளையாட்டுக்கு எதிராக, முதலில் வழக்கு தொடர்ந்தவர். பின், அகில இந்திய விலங்குகள் நல வாரியம், உச்ச நீதிமன்றத்தில் வழக்கு தொடர்ந்தது; இவ்வழக்கில் நாங்கள், 2011ல் தான் இணைந்தோம். இவ்வாறு அந்த அமைப்பு தெரிவித்துள்ளது.

English Summary:

Chennai : Tamil Nadu, across the 'beta' organization called for a ban, amid rising protests' against Jallikattu, followed suit in the first place, we're not that ", the organization said.

Read More

தமிழகத்தில் ஜல்லிக்கட்டுக்கு தடை: பீட்டாவை மீறி ஸ்பெயினில் தொடரும் காளைச்சண்டை

பாரீஸ்  - தமிழகத்தில் மட்டும் ஜல்லிக்கட்டு போட்டியை நடத்த எதிர்ப்பு தெரிவித்து வரும் பீட்டா அமைப்பு,  இதன் எதிர்ப்பையும் மீறி ஸ்பெயினில் காளைச்சண்டை இன்று வரை தொடர்ந்து நடந்து வருவதுதான் ஆச்சரியத்தை ஏற்படுத்தியுள்ளது.

காளைச் சண்டை:

ஸ்பெயின், பிரான்ஸ் மற்றும் போர்ச்சுகல் போன்ற நாடுகளில் நடக்கும் வீர விளையாட்டுகளில் முக்கியமானது காளைச் சண்டை. ஒரே நேரத்தில் ஒன்று அல்லது அதற்கு மேற்பட்ட காளைகளுடன் வீரர்களும் மோதும் விளையாட்டு இது. ஸ்பெயினின் பெரும்பாலான பிராந்தியங்கள் இதைச் சட்டபூர்வமாகவே அனுமதித்திருக்கின்றன. பண்பாட்டு ரீதியிலும், மரபு வழியாகவும் மிக முக்கியமான விளையாட்டாக காளைச் சண்டை கருதப்படுகிறது.

பிரத்யேக பயிற்சி:

தேசிய அடையாளமாகவும் ஸ்பெயின் நாட்டு மக்கள் இதனைக் கொண்டாடுகிறார்கள். காளைச் சண்டையில் மோதுவதற்காகவே காளைகள் பிரத்யேகமாக வளர்க்கப்படுகின்றன. இவற்றின் எடை 400 கிலோவில் இருந்து 600 கிலோ வரை இருக்கும். அதேபோல், காளைச் சண்டையில் பங்கேற்பதற்காகவே வீரர்களும் பிரத்யேகமாகப் பயிற்சி பெறுகிறார்கள். இவர்களை டோரியோ என்று அழைக்கிறார்கள்.

தனி மையங்கள்:

ஸ்பானிய மொழியில் டோரியோ என்றால் மாடுகளைக் கொல்பவர் என்று பொருள். இவர்களுக்குப் பயிற்சியளிப்பதற்கென தனி மையங்களும் ஸ்பெயினில் இருக்கின்றன. காளைச் சண்டையில் பங்குபெறும் மாடுகள் போட்டியின்போது வாளால் வெட்டப்பட்டும், கத்தியால் குத்தப்பட்டும் கொல்லப்படும். சில நேரங்களில் துணிச்சலாகச் சண்டையிடும் காளைகளுக்கு மன்னிப்புப் பெறும் வாய்ப்பு உண்டு.

நீதிமன்றம் உத்தரவு:

இந்தக் கருணையைப் பெறும் காளைகள் மட்டுமே உயிருடன் வீடு திரும்பும். காளைச்சண்டை ஆபத்தான, விலங்குகளைத் துன்புறுத்தும் விளையாட்டு என்று கூறி பீட்டா அமைப்பின் ஸ்பெயின் நாட்டுப் பிரிவு தொடர்ந்து பல்வேறு வழக்குகளைத் தொடுத்து வருகிறது. இதன் ஒரு பகுதியாக கேட்டலோனிய பிராந்தியத்தின் சட்டப் பேரவை காளைச் சண்டைக்கு கடந்த ஆண்டு தடைவிதித்தது. ஆனால், ஸ்பெயின் உச்ச நீதிமன்றம் சில மாதங்களுக்கு முன்பு இந்தத் தடையை விலக்கி உத்தரவிட்டது.

தடையில்லாமல்.:...

காளைச் சண்டை என்பது ஸ்பெயின் நாட்டின் பண்பாட்டுடன் கலந்தது என்று கூறிய நீதிபதிகள், மரபு ரீதியாக தொடர்ந்துவரும் வழக்கத்தை சட்டென தடுத்துவிடக்கூடாது என்று தெரிவித்தார்கள். விலங்குகள் துன்புறுத்தப்படுவதாகக் கூறும் அதே நேரத்தில், காளைச் சண்டையின் பாரம்பரியப் பண்புகளையும் கணக்கில் எடுத்துக் கொள்ள வேண்டும் என்று நீதிபதிகள் தெரிவித்தனர். தேவைப்பட்டால், காளைச்சண்டையை ஒழுங்குபடுத்துவதற்கான விதிமுறைகளை வகுக்கலாம் என்றும் நீதிபதிகள் குறிப்பிட்டனர். இதனால் ஸ்பெயின் முழுவதும் காளைச் சண்டைகள் தடையில்லாமல் நடைபெற்று வருகின்றன.

English Summary:

Paris - The Beta system in the state to protest We hold jallikattu competition, which continues to this day, despite the opposition of Spanish bullfight embarrassing failure.

Read More