ஆண்கள், பெண்களுக்கு சமவாய்ப்பு: பிரதமர் மோடி

காந்திநகர்: கல்வியில் பெண்கள் மற்றும் ஆண்களுக்கு சம வாய்ப்பு வழங்கப்பட வேண்டும் என பிரதமர் மோடி பேசினார்.

கிராமத்தில் இந்தியா...:

குஜராத் மாநிலம் காந்திநகரில் தூய்மைப்பணியில் சிறந்து விளங்கிய பெண் பஞ்சாயத்து தலைவர்களுக்கு பிரதமர் மோடி பரிசு வழங்கினார்.
பின்னர் அவர் பேசியதாவது: அரசியல் சுதந்திரத்தை விட, நாட்டில் தூய்மை நிலவ வேண்டும் என மகாத்மா காந்தி வலியுறுத்தினார். இதன் மூலம் தூய்மைக்காக அவர் உறுதிபூண்டதை நாம் பார்க்கலாம். வரும் 2019 ல் மகாத்மா காந்தியின் 150வது பிறந்த நாளை நாம் கொண்டாடுகிறோம். இந்தியா எப்போதும் கிராமத்தில் தான் வாழ்கிறது என காந்தி கூறியுள்ளார்.

நேர்மறையான மாற்றம்:

இன்று விருது வாங்கி பெருமைப்பட்டுள்ள பெண்கள் பல தடைகளையும், மூட நம்பிக்கைகளையும் தகர்த்து எறிந்தவர்கள். அவர்கள் கிராமப்புற இந்தியாவில் நேர்மறையான மாற்றம் ஏற்படுவதற்கான வழி காட்டியுள்ளனர். பெண் சிசுக்கொலையை இனி அனுமதிக்க முடியாது. இதனை முடிவுக்கு கொண்டு வர பெண் பஞ்சாயத்து தலைவர்கள் முன்னின்று பணியாற்ற வேண்டும். கல்வி பெறுவதில், ஆண்கள், பெண்கள் சம வாய்ப்பு பெற வேண்டும். இவ்வாறு அவர் பேசினார்.

Read More

மும்பை- ஆமதாபாத் இடையே நாட்டின் முதல் அதிவிரைவு புல்லட் ரயில்

காந்திநகர்: குஜராத் மாநிலம் ஆமதாபாத், மும்பை இடையே அதிவிரைவு புல்லட் ரயில் திட்டத்திற்ககான ரூபாய் 77,000 கோடி ஒப்பந்தம் அம்மாநிலத்திற்கும் ரயில்வே அமைச்சகத்திற்கும் இடையே காந்திநகரில் நடந்த மாநாட்டில் கையெழுத்தானது. காந்தி மந்திரில் நடந்த ஒப்பந்த நிகழ்ச்சியில் மாநில முதல்வர் விஜய் ரூபானி மற்றும் துணை முதல்வர் நிதின் படேல் கலந்து கொண்டனர்

1.10 லட்சம் கோடி:

1.1 லட்சம் செலவு பிடிக்கும் இத்திட்டத்திற்கு 70 சதவீத பணமான 77,000 கோடியை மத்திய அரசு மாநில அரசுக்கு வழங்க உள்ளது. இதற்கான ஒப்பந்தம் மாநில அரசுக்கும் அதிவேக ரயில் கார்ப்பரேஷனுக்கும் இடையே நேற்று கையெழுத்தானது.

மணிக்கு 350 கி.மீ., வேகம்:

குஜராத் மாநிலம் ஆமதாபாத்திற்கும் மும்பைக்கும் இடையே இந்த அதிவிரைவு புல்லட் ரயில் ஓட இருக்கிறது. இரு நகரங்களுக்கும் இடையேயான 508 கி.மீ., தூரத்தை இரண்டு மணி நேரத்தில் கடந்து விடும்.

திரில் பயணம்:

அகமதாபாத் - மும்பை இடையே அமைய உள்ள இந்த ரயில் தடம் 21 கி.மீ., நீளத்திற்கு கடலுக்கு அடியில் அமைக்கப்பட உள்ளது. நாட்டிலேயே முதன் முதலாக கடலுக்கு அடியில் திரில் பயணத்தை மக்கள் ரசிக்க உள்ளனர்.

இத்திட்டம் வரும் 2023ல் நிறைவடையும் என எதிர்பார்க்கப்படுகிறது. ஜப்பானிய சர்வதேச கார்ப்பரேஷனின் மேற்பார்வையில் இத்திட்டம் செயல்படுத்தப்பட உள்ளது.

English summary:

Gandhinagar: Gujarat, Ahmedabad, Mumbai and Rs 77,000 crore deal between  These states superfast bullet train between the Ministry of Railways was signed at a conference in Gandhinagar. Gandhi Mandir Chief Minister Vijay rupani in the contract program and was attended by Deputy Chief Minister Nitin Patel

Read More

குஜராத்தில் 2 நாள் சுற்றுப்பயணம்: சொந்த ஊரில் தாயை சந்தித்த பிரதமர் மோடி !

காந்திநகர்  - பிரதமர் மோடி 2 நாள் சுற்றுப்பயணமாக தனது சொந்த மாநிலமான குஜராத் சென்றுள்ளார். நேற்று முன்தினம் அவர் காந்திநகர் ரெயில் நிலைய வளர்ச்சி திட்டம் குஜராத் வர்த்தக கண்காட்சி மற்றும் பல்வேறு திட்டங்களையும், நிகழ்ச்சிகளையும் தொடங்கி வைத்தார்.

தாயாருடன் சந்திப்பு:

நேற்று பிற்பகல்  3.30 மணிக்கு அவர்  குஜராத் மாநில வளர்ச்சிக்காக நடைபெறும் சர்வதேச தலைவர்கள் கலந்து கொள்ளும் மாநாட்டை தொடங்கி வைத்தார். முன்னதாக நேற்று காலை பிரதமர்  மோடி ஆமதாபாத் அருகில் உள்ள ரைசன் கிராமத்தில் வசிக்கும் தனது தாயார் ஹீராபாயை சந்தித்தார்.

யோகா பயிற்சி ரத்து:

நீண்ட நேரம் தாயாருடன்  பொழுதை கழித்தார். இதற்காக மோடி தனது வழக்கமான யோகா பயிற்சியை ரத்து செய்து விட்டு ஆமதாபாத்தில் இருந்து புறப்பட்டு சென்றார். தாயாருடன் அவர் காலை உணவு சாப்பிட்டார். ஹீராபாய் மோடியின் இளைய சகோதரர் வீட்டில் வசித்து வருகிறார்.நிகழ்ச்சியில் அவர்களும் கலந்து கொண்டனர்.

English Summary:

Gandhinagar - 2-day visit of Prime Minister Narendra Modi visited his home state of Gujarat. Airport development project in the train yesterday, Gandhinagar, Gujarat trade exhibition and various plans and programs initiated.

Read More

இந்தியாவின் முதல் சர்வதேச பங்குவர்த்தக மையம்: பிரதமர் மோடி துவக்கி வைத்தார்

காந்திநகர்: இந்தியாவின் முதல் சர்வதேச பங்குசந்தை வர்த்தக மையத்தின் துவக்க விழா நேற்று குஜராத் மாநிலம் காந்திநகரில் நடந்தது. விழாவில் பிரதமர் மோடி கலந்து கொண்டு சர்வதேச பங்குச் சந்தை மையத்தினை துவக்கி வைத்தார்.

புதிதாக தொடங்கப்பட்டுள்ள சர்வதேச பங்குசந்தை வர்த்தக மையம், மும்பை பங்குச் சந்தை வர்த்தக நிறுவனத்தின் கட்டுப்பாட்டில் இருக்கும். இந்த நிறுவனத்தில் சர்வதேச பங்குகள் கரன்சிகள், சரக்குகள் கையாளப்படும்.

விரைவான சேவை:

புதிதாக தொடங்கப்பட்டுள்ள சர்வதேச பங்குச் சந்தை மையத்தில் அதி நவீன தொழில் நுட்பத்தின் உதவியால் மிக விரைவான சேவைகளுக்கு உத்திரவாதம் அளிக்கப்பட்டுள்ளது. ஒரு நாளில் 22 மணி நேரம் வரை இயங்கும். ஒவ்வொரு நாளும் ஜப்பான் பங்கு வர்த்தகம் தொடங்கி அமெரிக்க பங்கு வர்த்தகம் முடியும் வரை இயங்கும். என்று துவக்க விழாவில் பிரதமர் மோடி பேசினார்

வெளிநாட்டு வாழ் இந்தியர்கள்:

சர்வதேச பங்கு சந்தை வர்த்தக நிறுவனத்தில் வெளி நாட்டு வாழ் இந்தியர்கள் முதலீடு செய்து வர்த்தகத்தில் ஈடுபடலாம். இதனால் இந்திய நாட்டின் பொருளாதார வளர்ச்சி மேம்படுவதோடு நாட்டின் வளர்ச்சிக்கும் உறுதுணையாக இருக்கும் என்று மும்பை பங்கு வர்த்தக நிறுவன தலைவர் சுதாகர் ராவ் தெரிவித்தார்.

English Summary:

Gandhinagar : India's First International Stock Exchange Trade Center, the opening ceremony took place yesterday at Gandhinagar in Gujarat. The ceremony was attended by Prime Minister Narendra Modi inaugurated the center of the international stock market. 

Read More

பிரதமர் மோடி குஜராத்திற்கு இரண்டு நாள் பயணம்

காந்திநகர்: ‛துடிப்பான குஜராத்' இன் எட்டாவது மாநாடு உட்பட பல்வேறு நிகழ்ச்சிகளில் கலந்து கொள்வதற்காக இன்று நாள் பயணமாக பிரதமர் மோடி இன்று(ஜன.,9) குஜராத் செல்கிறார்.

துடிப்பானகுஜராத் உலக மாநாடு:

குஜராத் மாநிலம் காந்திநகரில் ஜன.,10 முதல் 13-ம் தேதி வரை ‛ துடிப்பான குஜராத்' என்ற பெயரிலான உலகளவிலான மாநாடு நடைபெற உள்ளது. இந்த மாநாட்டை பிரதமர் மோடி துவக்கி வைக்கிறார்.மேலும், காந்திநகர் ரயில் நிலைய அபிவிருத்தி பணிக்கான பூமி பூஜையிலும் கலந்து கொள்கிறார். மும்பை பங்குச்சந்தை சார்பில் அமைக்கப்பட உள்ள நாட்டின் முதலாவது சர்வதேச செலாவணி மையத்தை துவக்கி வைக்கிறார்.

நோபல் பரிசு பெற்ற இந்தியரான வெங்கட்ராமன் ராமகிருஷ்ணன் உட்பட ஒன்பது முக்கிய நபர்களுடன் பிரதமர் மோடி சந்தித்து பேச உள்ளார். மேலும் மாநாட்டின் ஒரு பகுதியாக நடைபெறும் வர்த்தக கண்காட்சியில் சுமார் 15 லட்சம் மக்கள் வருகை தருவர் என எதிர்பார்க்கப்படுகிறது.

அமைச்சர்கள் பங்கேற்பு:

விழாவில் கலந்து கொள்ள வருகை தரும் பிரதமரை வரவேற்பதற்காக குஜராத் விமான நிலையத்தில் சிறப்பான ஏற்பாடுகள் செய்யப்பட்டுள்ளதாக மாநில பா.ஜ.,வின் ஊடக செய்தி தொடர்பாளர் ஹர்சத் படேல் தெரிவித்துள்ளார். மேலும் 13-ம் தேதி வரையில் நடைபெறும் மாநாட்டில் ஆயிரத்து 500க்கும் மேற்பட்ட சிறப்பு விருந்தினர்கள், வர்த்தக பிரமுகர்கள் மற்றும் 12க்கும் மேற்பட்ட மத்திய அமைச்சர்கள், மாநில முதல்வர்கள் கலந்து கொள்கின்றனர்.

English summary:

Gandhinagar: 'Vibrant Gujarat' summit of the eighth day visit today to attend various events, including the Prime Minister today (Mat., 9) goes to Gujarat.

Read More

டிஜிட்டல் பரிமாற்றம் பற்றி மக்களுக்கு சொல்லி கொடுங்க: பா.ஜ.,வினருக்கு மோடி அறிவுரை

காந்திநகர்: டிஜிட்டல் முறையில் பணப்பரிமாற்றம் செய்வது குறித்து மக்களுக்கு பா.ஜ.,வினர் மற்றும் எம்.எல்.ஏ.,க்கள் சொல்லித்தர வேண்டும் என பிரதமர் மோடி கூறினார்.

முதல்முறை:

குஜராத் சட்டசபைக்கு விரைவில் தேர்தல் நடைபெற உள்ளது. இதற்காக அங்கு ஆட்சியில் உள்ள பா.ஜ., உள்ளிட்ட அனைத்து கட்சிகளும் தயாராகி வருகின்றன. பிரதமர் மோடி இன்று ஒரு நாள் பயணமாக குஜராத் சென்றார். தீசா நகரில் நடந்த நிகழ்ச்சியில் கலந்து கொண்டு பிரதமர் பேசினார். தொடர்ந்து காந்தி நகரில் உள்ள பா.ஜ., தலைமை அலுவலகத்திற்கு சென்றார். பிரதமராக மோடி பதவியேற்ற பின்னர் குஜராத் மாநில பா.ஜ., தலைமை அலுவலகத்திற்கு செல்வது இதுவே முதல் முறையாகும்.

எளிதானது:

அங்கு பா.ஜ.,வினர் மத்தியில் பிரதமர் மோடி பேசியதாவது: ரூபாய் நோட்டு வாபஸ் தொடர்ந்து, மக்கள் பணத்தை வங்கியில் டெபாசிட் செய்து வருகின்றனர். மொபைல் மற்றும் டிஜிட்டல் வங்கி நடைமுறை தொடர்பாக பா.ஜ., எம்.எல்.ஏ.,க்கள் மக்களுக்கு சொல்லித்தர வேண்டும். வாடஸ் அப் பயன்படுத்துவது போல, ரொக்கமில்லா பரிமாற்றம் தொடர்பாகவும் எளிதாக கற்றுக்கொள்வார்கள் எனக்கூறினார்.

தாயாரிடம் ஆசி:

தீசாவில் நடந்த நிகழ்ச்சியில் பங்கேற்கும் முன்னர் பிரதமர் மோடி, தாயார் ஹீராபென்னை சந்தித்து வாழ்த்து பெற்றார். தனது சகோதரர் வீட்டில் இருந்த தனது தாயாருடன் பிரதமர் மோடி, சுமார் 20 நிமிடங்கள் இருந்தார். முன்னதாக, கடந்த செப்., 17 ம் தேதி, தனது 66வது பிறந்த நாளை முன்னிட்டு பிரதமர் தாயாரை சந்தித்து பேசியிருந்தார்.

English summary:

Gandhinagar: BJP to people about how to transfer the digital mode, staggering and MLAs have taught him that the Prime Minister said.

Read More