'தலைமறைவான பிரஜாபதி எப்படி அமைச்சராக நீடிக்கிறார்'

லக்னோ:'பாலியல் பலாத்கார வழக்கில் குற்றஞ்சாட்டப்பட்டு, தலைமறைவாக உள்ள, காயத்ரி பிரஜாபதி, எப்படி அமைச்சராக நீடிக்கிறார் என்பதற்கு விளக்கம் அளிக்க வேண்டும்' என, உத்தர பிரதேச முதல்வர், அகிலேஷ் யாதவுக்கு, கவர்னர் ராம் நாயக் கடிதம் அனுப்பியுள்ளார்.

முதல்வர் அகிலேஷ் யாதவ் தலைமையிலான சமாஜ்வாதி ஆட்சி நடக்கும் உத்தர பிரதேசத்தில், தற்போது சட்டசபை தேர்தல் நடந்து வருகிறது. இந்நிலையில், மாநில அமைச்சரும், சமாஜ்வாதி கட்சியின் மூத்த தலைவருமான, காயத்ரி பிரஜாபதி மீது, பாலியல் பலாத்கார வழக்கு பதிவு செய்யப்பட்டுள்ளது; அதை
த் தொடர்ந்து அவர் தலைமறைவாக உள்ளார்.

இந்நிலையில், முதல்வர் அகிலேஷ் யாதவுக்கு, கவர்னர் ராம் நாயக் ஒரு கடிதம் அனுப்பியுள்ளார்; அதில் கூறப்பட்டு உள்ளதாவது:பாலியல் பலாத்கார வழக்கில் குற்றஞ்சாட்டப்பட்டுள்ள காயத்ரி பிரஜாபதி தொடர்ந்து அமைச்சராக செயல்படுவது, அரசியலமைப்பு சட்டத்துக்கு எதிரானது; அதை அவமதிப்பது போலாகும்.

வெளிநாட்டுக்கு தப்பி செல்ல, அவர் முயற்சிப்பதாகவும் கூறப்படுகிறது. அதனால் அவரது பாஸ்போர்ட் முடக்கி வைக்கப்பட்டுள்ளது; விமான நிலையங்களுக்கு எச்சரிக்கை விடுக்கப்பட்டுள்ளது.இந்த சூழ்நிலையில் அவர் எந்த அடிப்படையில், தொடர்ந்து அமைச்சராக உள்ளார் என்பது குறித்து விளக்கம் அளிக்க வேண்டும்.இவ்வாறு அந்தக் கடிதத்தில் கூறப்பட்டுள்ளது.

English summary:

Lucknow: 'In the case of the rape accused are absconding, Gayatri Prajapati, continues to minister to explain how "the Uttar Pradesh Chief Minister Akhilesh Yadav, sent a letter to Governor Ram Naik.

Read More

பாலியல் புகாரில் சிக்கிய அமைச்சர் வெளிநாடு ஓட்டம்

லக்னோ: உ.பி.யில் பாலியல் பலாத்கார வழக்கில் சிக்கிய அம்மாநில அமைச்சர் கைதுக்கு பயந்து வெளிநாடு தப்பியோடிவிட்டதாக தகவல்கள் வெளியாகியுள்ளது. உ.பி. மாநில சட்டசபை க்கு 7 கட்டங்களாக தேர்தல் நடக்கிறது. இம்மாநிலத்தில் ஆளும் சமாஜ்வாதி கட்சி ஆட்சி நடக்கிறது. முதல்வராக அகிலேஷ் உள்ளார். இவரது அமைச்சரவையில் உள்ள காயத்ரி பிரஜாபதி,,49 என்பவர் மீது கடந்த ஆண்டு அக்டோபர் மாதம் பெண் ஒருவர் கற்பழிப்பு புகார் கூறினார். போலீசார் வழக்குப்பதிவு செய்துள்ளனர். பிரஜாபதி தற்போது தேர்தலில் சமாஜ்வாதி வேட்பாளராக அறிவிக்கப்பட்டுள்ளார்.

போலீசார் சந்தேகம்:

பாலியல் புகார் தொடர்பாக அவரை போலீசார் கைது செய்ய முயற்சித்து வருகின்றனர். ஜாமின் கோரி கோர்ட்டில் மனு செய்துள்ள நிலையில் விசாரணை திங்கள் கிழமை(6-3-17) வருகிறது. இந்நிலையில் இவர் கடந்த 4 நாட்களாக அவர் எங்கிருக்கிறார் என தெரியாத நிலையில் அவர் வெளிநாடு தப்பியோடிவிட்டதாக போலீசார் சந்தேகம் அடைந்துள்ளனர்.இதையடுத்து விமான நிலையங்களில் தேடுதல் வேட்டையை தீவிரப்படுத்தியுள்ளனர்.

English summary:

Lucknow: Uttar Pradesh Chief Minister caught in the rape case was reported to be fled abroad for fear of arrest. UP Assembly takes place in 7 phases. In the state's ruling Samajwadi Party regime. Chief Minister Akhilesh said. ,, Gayatri Prajapati in his cabinet on 49 October last year, a woman who complained of rape. The police have registered a case. Prajapati has been named as SP candidate in the election.

Read More

பாலியல் பலாத்கார வழக்கில் சிக்கிய அமைச்சர் தலைமறைவு

லக்னோ: பாலியல் பலாத்கார வழக்கில் சிக்கிய உ.பி., அமைச்சர் காயத்ரி பிரஜாபதி தலைமறைவானார்.

உத்தர பிரதேச முதல்வர் அகிலேஷ் யாதவ் தலைமையிலான சமாஜ்வாதி அரசில் காயத்ரி பிரஜாபதி போக்குவரத்துத் துறை அமைச்சராக உள்ளார். தற்போது நடைபெறும் சட்டசபை தேர்தலில் அமேதி தொகுதியில் அவர் போட்டியிடுகிறார்.

பெண்ணை மிரட்டி:

கடந்த சில வருடங்களுக்கு முன் சித்ர கூடம் பகுதியைச் சேர்ந்த ஒரு பெண்ணை அமைச்சர் பிரஜாபதியும் அவரது கூட்டாளிகளும் பலாத்காரம் செய்ததாக குற்றச்சாட்டு எழுந்தது. அந்த பெண்ணை மிரட்டி தொடர்ந்து பலாத்காரம் செய்து வந்ததாகவும் கூறப்படுகிறது. இது தொடர்பாக பாதிக்கப்பட்ட பெண் உள்ளூர் போலீஸில் புகார் அளித்தார். அதனை போலீசார் ஏற்க மறுத்துவிட்டனர். இதைத் தொடர்ந்து அப்பெண் சுப்ரீம் கோர்ட்டில் வழக்கு தொடர கோர்ட் உத்தரவின் பேரில் லக்னோ கவுதம்பள்ளி போலீசார் வழக்குப் பதிவு செய்தனர். பாதிக்கப்பட்ட பெண் டில்லி எய்ம்ஸ் மருத்துவமனையில் சிகிச்சை பெற்று வருகிறார். அவர் வாக்குமூலம் அளித்த பின்னர் பிஜாபதி கைது செய்ய நடவடிக்கை எடுக்கப்படும் என போலீசார் கூறினர்.

தலைமறைவு:

லக்னோவில் உள்ள பிரஜாபதி வீட்டில் பணிபுரிந்த ஊழியர்கள், வீட்டு வேலைக்காரர்களிடம் போலீசார் வாக்குமூலம் பெற்றனர். இதனையடுத்து பிரஜாபதி தலைமறைவாகிவிட்டார். அமேதியில் உள்ள பங்களாவில் அவர் இருந்ததாக கிடைத்த தகவலையடுத்து போலீசார் அங்கு சென்றனர். ஆனால் பிரஜாபதி அங்கு இல்லை. அவருக்கு சொந்தமான இடங்கள், உறவினர்கள் வீடுகளிலும் சோதனை நடத்தியும் அமைச்சர் சிக்கவில்லை. லக்னோவில் உள்ள வீ்ட்டிற்கு சென்றதாக ஊழியர்கள் கூறினர்; அங்கும் அவர் இல்லை.பிரஜாபதி தலைமறைவானதை மாவட்ட எஸ்.பி., உறுதி செய்துள்ளார். அவருக்கு எதிராக கோர்ட் மூலம் பிடி வாரன்ட் பிறப்பிக்க நடவடிக்கை எடுக்கப்பட்டு வருவதாகவும் போலீசார் கூறியுள்ளனர்.

English summary:

LUCKNOW: UP caught in the rape case, the minister went underground Gayatri Prajapati.
Uttar Pradesh Chief Minister Akhilesh Yadav-led Samajwadi Party government is the Transport Minister Gayatri Prajapati. Now he is contesting the assembly elections from Amethi.

Read More