பிரெஞ்ச் பிரையுடன் வறுத்த பல்லி: கர்ப்பிணி அதிர்ச்சி

கோல்கட்டா: மெக்டொனால்ட்டின் பிரெஞ்ச் பிரையில் பல்லி இருந்ததைக் கண்டு அதிர்ச்சியடைந்த கர்ப்பிணி போலீசில் புகார் அளித்துள்ளார்.

கோல்கட்டாவை சேர்ந்தவர் பிரியங்கா மொய்த்ரா. கர்ப்பிணியான இவர், கடந்த செவ்வாய் அன்று தனது குழந்தைகளுடன் மெக்டொனால்ட் ரெஸ்டாரென்டிற்கு சென்று பிரரெஞ்ச் பிரை வாங்கினார். வீட்டில் பார்சலை திறந்தபோதுஉள்ளே வறுத்த பல்லி இருந்தது. அதிர்ச்சியடைந்த அவர், ரெஸ்டாரென்டில் புகார் அளித்தார். ஆனால் அவர்கள் இதனை ஏற்காமல், இலவச உணவு மற்றும் பிறந்த நாள் பரிசு வழங்குவதாக சமரசம் செய்ய முயற்சி செய்தனர். இதனையடுத்து அவர் பல்லி இருந்ததை புகைப்படம் எடுத்து போலீசில் புகார் அளித்தார். பின்னர் அவர் டாக்டரிடம் சென்று பரிசோதனை செய்து கொண்டார்.

இது தொடர்பாக மெக்டொனால்ட் நிறுவனத்தின் அதிகாரி ஒருவர் கூறியதாவது: இந்த விவகாரத்தை தீவிரமாக கவனித்து வருகிறோம். உண்மை நிலையை அறிய விசாரணை நடத்தி வருகிறோம். இவ்வாறு அவர் கூறினார்.

English summary:

KOLKATA: McDonald's French Brie Appalled by the lizard was pregnant has complained to the police. 

Read More

கட்டுக்கட்டாக 2000 ரூபாய் கள்ள நோட்டுகள் பறிமுதல்: 5 பேர் கைது

கோல்கட்டா: மேற்குவங்க மாநிலத்தில் போலீசார் நடத்திய சோதனையில் பதுக்கி வைத்திருந்த 2000 ரூபாய் கள்ளநோட்டுகள் பறிமுதல் செய்யப்பட்டது.

மேற்குவங்க மாநில தலைநகர் கோல்கட்டாவில் முக்கிய பஜார் ஒன்றில் கள்ள நோட்டுக் கும்பல் இருப்பதாக போலீசாருக்கு ரகசிய தகவல் கிடைத்தது. இதையடுத்து அப்பகுதியை சமூக விரோதிகள் மற்றும் ரவுடிகள் ஒழிப்பு பிரிவு போலீசார் சுற்றி வளைத்தனர். இதில் 5 பேர் சிக்கினர்.

மொபைல் போன் வாங்க வந்தவர்கள்:

அவர்களிடம் நடத்திய சோதனையில் ரூ. 56 லட்சம் மதிப்பிலான 2000 ரூபாய் கள்ள நோட்டுகள் கட்டுக்கட்டாக பதுக்கி வைத்திருந்தது தெரியவந்தது. போலீஸ் இணை ஆணையர் ஒருவர் கூறுகையில்,கைதான 5 பேரும், மொபைல் போன்களை மொத்தமாக வாங்க வந்தவர்கள் இவர்களின் நடவடிக்கையில் சந்தேகம் இருந்ததாக எங்களுக்கு ரகசிய தகவல் கிடைத்தது. இதையடுத்து அவர்களை சுற்றி வளைத்து படித்தோம் என்றார்.

நாட்டில் இது போன்று அதிக தொகையிலான கள்ள நோட்டு பறிமுதல் செய்யப்பட்டது இதுவே முதல் முறை என போலீசார் தெரிவித்தனர்.

English Summary:

Kolkata: West Bengal police had hoarded 2,000 rupees counterfeit money was seized in the raid.

Read More

அறிவுரை தேவையில்லை; நிதி ஒதுக்குங்கள்: மம்தா

கோல்கட்டா : மாநில அரசின் வளர்ச்சித் திட்டங்கள் குறித்து அறிவுரை தருவதை விடுத்து, அதற்குத் தேவையான நிதியை வழங்க மத்திய அரசு நடவடிக்கை எடுக்க வேண்டும் என மேற்குவங்க முதல்வர் மம்தா பானர்ஜி தெரிவித்தார்.

வாய் ஜாலம் வேண்டாம்:

கோல்கட்டாவில் நடந்த கிராமப் பஞ்சாயத்து சம்மேளனக் கூட்டத்தில் கலந்து கொண்டு அவர் பேசியதாவது: ரூபாய் நோட்டு வாபஸ் நடவடிக்கையால் கிராமப்புறங்களில் கடும் பாதிப்புகள் ஏற்பட்டுள்ளது. இதனை சமாளிக்க ஏராளமான நிதி தேவைப்படுகிறது. ஆனால், வளர்ச்சிப் பணிகளுக்கு மத்திய அரசு நிதி வழங்குவதில்லை. வளர்ச்சி திட்டங்களை செயல்படுத்தும்படி, மாநில அரசுகளுக்கு மத்திய அரசு அறிவுரை கூறி வருகிறது; அதற்கு தேவையான நிதியை, முதலில் ஒதுக்க வேண்டும்.

செயலில் வேகம்:

வாய் ஜாலம் காட்டுவதை விட, செயலில் வேகம் காட்டுவதையே நாங்கள் விரும்புகிறோம். கிராம பொருளாதார திட்டங்களை செயல்படுத்தி வருவது, மாநில அரசுகள் தான். மாநிலங்களில் மத, இனக் கலவரங்கள் ஏற்படுவதை எந்த சூழ்நிலையிலும் அனுமதிக்கக் கூடாது. இவ்வாறு அவர் தெரிவித்தார்.

English Summary:

KOLKATA: providing advice on the development plans of the state government, leaving the government to take action to provide the necessary funds to West Bengal Chief Minister Mamata Banerjee said.

Read More

பிரிட்டன் அரசு மன்னிப்பு கேட்கணும்: சசி தரூர்

கோல்கட்டா : ஜாலியன் வாலாபாக் படுகொலைக்காக இந்திய மக்களிடம் பிரிட்டன் அரசு மன்னிப்பு கேட்க வேண்டும் என காங்., மூத்த தலைவர் சசி தரூர் வலியுறுத்தினார்.

மன்னிப்பு கேட்கணும்:

பஞ்சாபின், ஜாலியன் வாலாபாக்கில் நடந்த படுகொலை, பிரிட்டிஷ் ஆட்சியின் கொடூரத்திற்கு சான்று. மிக மோசமான படுகொலையை அரங்கேற்றியதற்காக, பிரிட்டிஷ் அரச குடும்பத்தினர், இதுவரை மன்னிப்பு கேட்கவில்லை. 2019ல், நுாற்றாண்டு நினைவு தினம்அனுசரிக்கும் நிலையில், இந்திய மக்களிடம், அவர்கள் மன்னிப்பு கேட்க வேண்டும். இவ்வாறு அவர் தெரிவித்தார்.

முன்னதாக, கடந்த 2015-ம் ஆண்டு பிரிட்டன் ஆக்ஸ்போர்டு பல்கலையில் நடந்த நிகழ்ச்சியில் பேசியபோதும், சசி தரூர் இதே கருத்தை வலியுறுத்தியது குறிப்பிடத்தக்கது.

English summary:

KOLKATA : Jallianwala Bagh massacre, the British Government should apologize to the people of India as the Cong., Senior leader Shashi Tharoor stressed.

Read More

மே.வங்கத்தில் நிலக்கரி சுரங்கம் இடிந்து விபத்து: 4 பேர் பலி

கோல்கட்டா:மேற்குவங்க மாநிலம் பங்குரா மாவட்டத்தின் மெஹியா பிளாக்கில் உள்ள கலிகப்பூர் கிராமத்தில் நிலக்கரி சுரங்கம் ஒன்று இடிந்து விழுந்து விபத்து ஏற்பட்டது.இந்த விபத்தில் 4 பேர் பரிதாபமாக உயிரிழந்தனர். பலர் மண் சரிவில் சிக்கி மாயமாகி உள்ளனர்.

நிலக்கரி சுரங்கரத்தில் பணி புரிந்த தொழிலாளர்களில் பலர் ஜார்காண்ட் மாநிலத்தை சேர்ந்தவர்கள். விபத்துக்குள்ளான சுரங்கம் சட்டத்திற்கு புறம்பாக இயங்கி வந்ததாக அப்பகுதி மக்கள் தெரிவித்தனர்.இந்த சுரங்கம் சட்டத்திற்கு புறம்பானது என்பதால் அதற்குள் செல்ல விடாமல் அதன் நிர்வாகிகள் மற்றும் மாபியா கும்பல்கள் தடுத்து வந்ததாக அவர்கள் கூறினர்.

விசாரணை இல்லை:

அதேபோல் திரிணாமூல் காங்கிரஸ் கட்சியுடன் தொடர்புடைய மாபியா கும்பல்களின் கட்டுப்பாட்டில் உள்ள அந்த பகுதியில் இதுவரை விசாரணை ஏதும் நடைபெறவில்லை என்று கூறப்படுகிறது.விபத்து நடைபெற்ற இடத்திற்கு நேற்று இரவு வரை போலீஸ் அதிகாரிகள் யாரும் வரவில்லை கூறப்படுகிறது.

English summary:

KOLKATA: Bankura district of West Bengal state in Black mehiya kalikappur village collapsed coal mine accident in one miserable happened 4 people died in the accident. invisible others are stuck in the mud right.

Read More

துக்ளக் தர்பார் நடத்துகிறார் மோடி: மம்தா தாக்கு

கோல்கட்டா : 14ம் நூற்றாண்டில் டில்லிலை ஆட்சி புரிந்த துக்ளக் மன்னர் போல் பிரதமர் மோடி ஆட்சி நடத்துகிறார் என மேற்கு வங்க முதல்வர் மம்தா பானர்ஜி தாக்கி பேசினார்.

துக்ளக் தர்பார்:

மேற்கு வங்க மாநிலம் பீர்பூம் மாவட்டத்தில் நடைபெறும் பாரம்பரிய இசை விழாவான ‛ஜாய்தேவ் மேளா'வில் கலந்து கொண்ட மேற்கு வங்க முதல்வரும், திரிணமுல் காங்., தலைவருமான மம்தா பானர்ஜி தெரிவித்ததாவது: பிரதமர் நரேந்திர மோடி தலைமையிலான மத்திய அரசு, துக்ளக் தர்பார் நடத்தி வருகிறது. எத்தனையோ மத்திய அரசுகளின் செயல்பாட்டை பார்த்திருக்கிறேன். மோடி அரசை போல், மிக மோசமாக செயல்படும் அரசை பார்த்ததில்லை.

ஊழல்வாதி முத்திரை:

செல்லாத ரூபாய் நோட்டு அறிவிப்பால், மக்கள் உழைத்து சம்பாதித்த பணம் கறுப்பாகவும், பா.ஜ.,வின் கறுப்புப் பணம் வெள்ளையாகவும் மாறிவிட்டது. மத்திய அரசுக்கு எதிராக யார் பேசினாலும் அவர்கள் ஊழல்வாதிகள் என்று முத்திரை குத்தப்படுகின்றனர். அவர்களை சிக்க வைக்க விசாரணை அமைப்புகள் அமைக்கப்படுகின்றன. ரூபாய் நோட்டு வாபஸ் நடவடிக்கைக்கு எதிராக அனைவரும் போராட வேண்டும். இவ்வாறு அவர் தெரிவித்தார்.

English Summary:


KOLKATA : As the ruler of the Tughlaq who ruled Delhi in the 14th century as the West Bengal Chief Minister Mamata Banerjee attacked Modi spoke rules.

Read More

பொருளாதார தீவிரவாதத்தை கட்டவிழ்த்துவிட்டார்: பிரதமர் மோடி மீது மம்தா பானர்ஜி குற்றச்சாட்டு

கொல்கத்தா  - பண மதிப்பு நீக்க நடவடிக்கையின் மூலம், நாட்டு மக்கள் மீது பொருளாதார தீவிரவாதத்தை பிரதமர் நரேந்திர மோடி கட்டவிழ்த்து விட்டுள்ளார் என, மேற்குவங்க மாநில முதல்வர் மம்தா பானர்ஜி விமர்சித்துள்ளார்.  500, 1000 ரூபாய் நோட்டுகள் தடை செய்யப்பட்டதை தொடக் கத்தில் இருந்தே உறுதியாக எதிர்த்து வருகிறார் மம்தா பானர்ஜி.மேலும் பண மதிப்பு நீக்க நடவடிக்கையின் பாதகமான விளைவுகள் குறித்து மக்களிடையே பிரச்சாரம் மேற்கொள்ளவும் கட்சி யினருக்கு உத்தரவிட்டுள்ளார்.

இந்நிலையில், மிட்னாபூர் மாவட்டத்தில் காவல்துறை சார்பில்   ஏற்பாடு செய்யப்பட்டிருந்த விளையாட்டுப் போட்டிகள் நிகழ்ச்சியில் மம்தா கலந்துகொண் டார். அப்போது விளையாட்டுத் துறையைச் சேர்ந்த 553 பேருக்கு மாநில அரசு வேலை வழங்கப் படுவதாக மம்தா அறிவித்தார்.  பின்னர் பேசிய மம்தா பானர்ஜி, ‘கடந்த நவம்பர் 8-ம் தேதி பிரதமர் மோடி அறிவித்த பண மதிப்பு நீக்க நடவடிக்கையால், சாதாரண மக்கள் சொல்ல முடியாத அவஸ் தைகளை அனுபவித்து வருகின்ற னர். 10 கோடி பேர் வேலையிழந் துள்ளனர். நாட்டு மக்கள் மீது பொருளாதார தீவிரவாதத்தை பிரதமர் மோடி கட்டவிழ்த்து விட்டுள்ளார்’ என்றார் மம்தா .

English summary:

Kolkata - remove the monetary value of the activity, Modi also unveiled the country's people as economic terrorism, criticized the West Bengal Chief Minister Mamata Banerjee.

Read More

திரிணாமுல் - பா.ஜ., மோதல்: கவர்னரிடம் தனித்தனியாக மனு

கோல்கட்டா: திரிணாமுல் காங்கிரஸ் மற்றும் பா.ஜ., கட்சிகளுக்கிடையே நடந்த மோதல்களுக்கு பின் இரு கட்சிகளும், மாநில கவர்னர் கேசரிநாத் திரிபாதியிடம் தனித் தனியாக முறையீடு செய்துள்ளன.

கைது செய்ய வேண்டும்:

திரிணாமுல் காங்கிரஸ் கட்சி தலைவர் பர்தா சட்டர்ஜி மாநில கவர்னரிடம் முறையீடு செய்ததாவது, ரோஸ் பள்ளதாக்கு ஊழலில் தொடர்புடைய மத்திய அமைச்சர் பாபுல் சுப்ரியோவை கைது செய்ய வேண்டும். மாநில அரசிடம் கலந்தாலோசிக்காமலே பா.ஜ., அலுவலகங்களில் மத்திய பாதுகாப்பு படை போலீசாரை நிறுத்தியிருப்பது ஜனநாயகத்திற்கு எதிரான செயல். மத்திய அரசு திரிணாமுல் காங்கிரஸ் கட்சிக்கு துரோகம் இ
ழைந்து விட்டது. இவ்வாறு அவர் முறையீடு செய்துள்ளார்.

ஜனாதிபதி ஆட்சி:

பா.ஜ., அலுவலகங்கள் மீது திரிணாமுல் காங்கிரஸ் கட்சியினர் தாக்குதல் நடத்தியுள்ளதாக பா.ஜ., மாநில தலைவர் திலீப் கோஷ் கவர்னரிடம் முறையிட்டுள்ளார். இது போன்ற வன்முறை சம்பவங்கள் சற்றும் எதிர்பாராத வகையில் நடந்துள்ளன. நாங்கள் ஆட்சி கலைப்பை விரும்பவில்லை. ஆனால் தற்போது இருக்கும் சூழ்நிலை ஜனாதிபதி ஆட்சியை அமல்படுத்த வேண்டிய கட்டாயத்தை ஏற்படுத்துவதாக கவர்னரிடம் அவர் முறையிட்டுள்ளனர்.

English Summary:

KOLKATA : Trinamool Congress and the BJP, the two parties after the parties to the conflict, separately appealed to the state governor kesri nath Tripathi.

Read More

கோல்கட்டா பா.ஜ., அலுவலகம் மீது தாக்குதல்; 12 பேர் படுகாயம்

கோல்கட்டா: திரிணாமூல் காங்கிரஸ் எம்.பி., சுதீப் பந்த்யோபாத்யாயை சி.பி.ஐ., கைது செய்ததால் கோபம் அடைந்த அக்கட்சியினர் கோல்கட்டா பா.ஜ., அலுவலகம் மீது தாக்குதல் நடத்தினர். இதில், 12 பேர் படுகாயம் அடைந்தனர். பாதுகாப்புக்காக சி.ஆர்.பி.எப்., வீரர்கள் குவிக்கப்பட்டனர். இதனால், அங்கு பதட்டமான சூழல் நிலவுகிறது.

மேற்கு வங்கத்தில் முதல்வர் மம்தா பானர்ஜி தலைமையிலான திரிணாமூல் காங்கிரஸ் ஆட்சி நடக்கிறது.

பா.ஜ., அலுவலகம் மீது தாக்குதல்:

நிதி நிறுவன மோசடி தொடர்பான வழக்கில் திரிணாமூல் கட்சியின் மூத்த தலைவரும் எம்.பி.,யுமான சுதீப் பந்த்யோபாத்யாவை சி.பி.ஐ., அதிகாரிகள் இன்று கைது செய்தனர்.

இதனால், கோபம் அடைந்த திரிணாமூல் கட்சியின் மாணவர் அணியினர் கோல்கட்டாவில் உள்ள பா.ஜ., அலுவலகத்தை முற்றுகையிட்டு தாக்குதல் நடத்தினர்.

12 பேர் காயம்; சிர்.ஆர்.பி.எப்., குவிப்பு:

கல் வீச்சு தாக்குதலில் பா.ஜ., கட்சியை சேர்ந்த 12 பேர் படுகாயம் அடைந்தனர். கார் கண்ணாடிகள் உடைக்கப்பட்டன. மத்திய அரசுக்கு எதிராக கோஷமிட்டு ஆர்பாட்டம் நடத்தினர். போலீசாருக்கும் ஆர்பாட்டக்கார்களுக்கும் இடையே தள்ளுமுள்ளு ஏற்பட்டது. இதையடுத்து, பாதுகாப்புக்காக மத்திய ரிசர்வ் படை போலீசார் சம்பவ இடத்தில் குவிக்கப்பட்டுள்ளனர்.

பல கோடி மோசடி:

ரோஸ் வேலி எனப்படும் நிதி நிறுவனத்தில் பல கோடி ரூபாய் பணமோசடி நடந்ததாக 2 ஆண்டுகளுக்கு வழக்கு பதிவானது. பின்னர், அந்த வழக்கு சி.பி.ஐ., க்கு மாற்றப்பட்டது. விசாரணையில் அந்த நிறுவனத்தின் இயக்குநரும் திரிணாமூல் கட்சியை சேர்ந்தவருமான தபஸ் பாலை சி.பி.ஐ., அதிகாரிகள் கடந்த வாரம் கைது செய்தனர். இந்நிலையில், நிதி நிறுவனத்துடன் தொடர்பு வைத்திருந்த திரிணாமூல் எம்.பி., சுதீப் பந்த்யோபாத்யாய் இன்று கைது செய்யப்பட்டார்.

மம்தா கொந்தளிப்பு:

கைது நடவடிக்கைக்கு கடும் எதிர்ப்பு தெரிவித்துள்ள மம்தா பானர்ஜி கூறுகையில், "இந்த கைது நடவடிக்கைகள் பிரதமர் அலுவலகத்தின் வழிகாட்டுதலின் படி நடந்துள்ளது. ரூபாய் நோட்டு வாபஸ் திட்டத்தை எதிர்த்து பிரசாரம் செய்வதால் கைது செய்யப்படுகிறார்கள். இது அரசியல் பழிவாங்கும் நடவடிக்கை" என்றார்.

இந்த விவகாரம் தொடர்பாக, திரிணாமூல் காங்கிரஸ் கட்சியின் அவசர கூட்டம் இன்று மாலை நடந்தது. அதில், மத்திய அரசை கண்டித்து மாநிலம் முழுவதும் நாளை ஆர்பாட்டம் நடத்துவது என முடிவு எடுக்கப்பட்டது.

English summary:

Trinamool Congress MP, Sudeep pantyopatyayai CBI arrested the party of angry Kolkata BJP attack on the office. In which 12 people were injured. For security CRPF., Soldiers were deployed. Thus, there is a moment of panic.

Read More

இந்திய - வங்கதேச எல்லையில் 'லேசர்' சுவர் அமைக்க திட்டம்

கோல்கட்டா: இந்தியா - வங்கதேச எல்லையில் ஊடுருவல் நடப்பதை தடுக்க, 'லேசர்' சுவர், அதிநவீன, 'சென்சார்'களை நிறுவ, திட்டமிடப்பட்டு உள்ளது.

எல்லையில் ஊடுருவல்:

வங்கதேசத்தில் இருந்து லட்சக்கணக்கானோர், இந்தியாவுக்குள் ஊடுருவி வருகின்றனர். இந்தியா - வங்கதேச எல்லையின் பல பகுதிகளில் குறுக்கிடும் நதிகள், ஊடுருவலை தடுப்பதில் முட்டுக்கட்டையாக உள்ளன. அப்பகுதிகளில் பாதுகாப்பு வேலிகள் அமைக்கப்படாததால், ஊடுருவலை தடுப்பது சிரமமாக உள்ளது.

லேசர் சுவர்:

இந்நிலையில், எல்லை பாதுகாப்பு படை உயரதிகாரி ஒருவர், கோல்கட்டாவில் நிருபர்களிடம் நேற்று கூறியதாவது:வங்கதேச எல்லையில் நதிகள் பாயும் பகுதிகளிலும், கடினமான நிலப் பரப்புகளிலும் பாதுகாப்பு பணிகளை மேற்கொள்வது சிரமமாக உள்ளது. இப்பிரச்னைக்கு தீர்வாக, இப்பகுதிகளில் லேசர் தொழில்நுட்பத்தை பயன்படுத்தி சுவர் அமைக்கவும், சென்சார் கருவிகளை பொருத்தவும் திட்டமிடப்பட்டு உள்ளது. அவசர நடவடிக்கையாக, இப்பணிகள் விரைவில் நிறைவேற்றப்படும்.

சில மாதங்களில்..

அடுத்தாண்டு முதல், லேசர் சுவர்கள் உதவியுடன் பாதுகாப்பு மேற்காள்ளப்படும். சோதனை முயற்சியாக, மேற்கு வங்கத்தில் வங்கதேச எல்லையை ஒட்டிய பகுதியில், அடுத்த சில மாதங்களில் லேசர் தொழில்நுட்பத்தில் பாதுகாப்பு வளையம் அமைக்கப்பட உள்ளது. இப்பணிகளை மேற்கொள்வதற்கான பகுதி, ஏற்கனவே அடையாளம் காணப்பட்டுள்ளது. இப்பணியில், தொழில்நுட்ப நிபுணர்கள் அடங்கிய குழு ஈடுபடும். இவ்வாறு அவர் கூறினார்.

English Summary:

Kolkata: India - Bangladesh border to prevent infiltration happening, 'laser' wall, sophisticated, sensor , is planned.

Read More

சேகர் ரெட்டிக்கு வேண்டப்பட்ட தொழிலதிபர் வீட்டில் சுவிஸ் வங்கிக்கணக்கு ஆவணங்கள் பறிமுதல்

கோல்கட்டா: சென்னை, புழல் சிறையில் உள்ள மணல் கான்டிராக்டர் சேகர் ரெட்டிக்கு வேண்டப்பட்ட கோல்கட்டா தொழிலதிபர் ப ரஸ் மால் லோதா வீட்டில், சுவிஸ் வங்கிக்கணக்கு ஆவணங்கள் பறிமுதல் செய்யப்பட்டுள்ளன.

சட்டவிரோதமாக அதிகளவில் பழைய ரூபாய் நோட்டுகளை புதிய ரூபாய் நோட்டுகளாக மாற்றியது தொடர்பாக கோல்கட்டா தொழிலதிபர் பரஸ்மால் லோதாவை போலீசார் கைது செய்தனர். அவர் மீது பண மோசடி வழக்குப்பதிவு செய்யப்பட்டுள்ளது.. தற்போது அவர் அமலாக்கப்பிரிவு அதிகாரிகள் கஸ்டடியில் உள்ளார். தொடர்ந்து அமலாக்கப்பிரிவு அதிகாரிகள் கோல்கட்டா மற்றும் டில்லியில் உள்ள அவரது வீடு மற்றும் அலுவலகங்களில் சோதனை நடத்தினர். இந்த சோதனையில் கம்ப்யூட்டர் சாதனங்கள், ஹார்டுவேர் சாதனங்கள் பறிமுதல் செய்யப்பட்டுள்ளன. மேலும், லோதாவுக்கு வேண்டப்பட்ட பெண் ஒருவரின் சுவிஸ் வங்கிக்கணக்கு ஆவணம் பறிமுதல் செய்யப்பட்டது. லோதா தொடர்புடைய சிலருக்கு அமலாக்கப்பிரிவு அதிகாரிகள் சம்மன் அனுப்ப உள்ளனர்.

English summary:

Kolkata, Chennai, Kolkata Puzhal jail requested the sand contractor industrialist Shekhar Reddy, A. Russ Mal Lodha home, the Swiss bank account seized documents.

Read More

கால்பந்து: கோல்கட்டா அணி சாம்பியன்

கொச்சி: ஐ.எஸ்.எல்., கால்பந்து தொடரில் கோல்கட்டா அணி சாம்பியன் பட்டம் வென்றது. பைனலில் 'பெனால்டி ஷூட் அவுட்' முறையில் 4-3 என்ற கோல் கணக்கில் கேரளா அணியை வீழ்த்தியது.

இரண்டாவது முறையாக கோப்பை:

மூன்றாவது ஐ.எஸ்.எல்., கால்பந்து தொடருக்கான பைனல் கொச்சியில் நடந்தது. இதில் கோல்கட்டா, கேரளா அணிகள் மோதின. ஆட்டநேர முடிவில் போட்டி 1-1 என சமநிலை வகித்தது. பின் கூடுதல் நேரத்திலும் இரு அணி வீரர்களும் கூடுதலாக கோல் எதுவும் அடிக்கவில்லை.
பின், 'பெனால்டி ஷூட் அவுட்' முறையில் அசத்திய கோல்கட்டா அணி 4-3 என்ற கணக்கில் வெற்றி பெற்று, இரண்டாவது முறையாக கோப்பை வென்றது. இதற்கு முன், 2014ல் கேரளாவை வீழ்த்திய கோல்கட்டா அணி முதன்முறையாக கோப்பை வென்றது.

English Summary:

Kochi: aiesel., Kolkata team championship in football. Final 'in the penalty shoot-out netting the only goal in the 4-3 beat Kerala.

Read More

ரிசர்வ் வங்கி கவர்னரை காங்கிரசார் முற்றுகை: கருப்பு கொடியுடன் சுற்றிவளைத்தனர்

கொல்கத்தா: உயர் மதிப்பு ரூபாய் நோட்டுகள் செல்லாததாக அறிவிக்கப்பட்ட விஷயத்திற்கு பின்னர் ரிசர்வ் வங்கி, வங்கிகளுக்கு போதுமான  அளவு பணத்தை அனுப்பவில்லை என்ற குற்றச்சாட்டு நிலவுகிறது. இதனால் மத்திய அரசு மற்றும் ரிசர்வ் வங்கி மீது மக்கள் கடும்  கோபத்தில் உள்ளனர். இந்நிலையில், ரிசர்வ் வங்கி இயக்குநர்கள் கூட்டம் கொல்கத்தாவில் நேற்று நடந்தது. இதில் வங்கியின் கவர்னர்  உர்ஜித் படேல் கலந்து கொண்டார். கூ்ட்டம் நடந்த இடத்துக்கு வெளியே, திரிணாமுல் காங்கிரஸ் கட்சியினர் மற்றும் மார்க்சிஸ்ட்  தொண்டர்கள் ஒன்று கூடி, அவருக்கு எதிராக கோஷங்கள் எழுப்பினர்.

கொல்கத்தா நிகழ்ச்சிகள் முடிந்தபின்னர் மும்பை செல்வதற்காக விமான நிலையத்துக்கு உர்ஜித் படேல் வந்தார். அவர் காரில் இருந்து  இறங்கியதும், காங்கிரஸ் தொண்டர்கள் கருப்பு கொடியுடன் ஓடிவந்து அவரை சுற்றிவளைத்து முற்றுகையிட்டனர். பின்னர், அவருக்கு எதிராக  கோஷங்கள் எழுப்பினர் இதனால் விமான நிலையத்தில் பெரும் பரபரப்பு ஏற்பட்டது. உர்ஜித் படேலுக்கு பாதுகாப்பாக வந்த போலீசார்,  காங்கிரஸ் தொண்டர்களை விரட்டி, அவரை பாதுகாப்பாக விமான நிலையத்தில் உள்ளே அழைத்து சென்றனர். முன்னதாக, உர்ஜித் படேல்,  மேற்குவங்க முதல்வர் மம்தா பானர்ஜியை சந்தித்து பேசினார்.

English Summary:

Kolkata: High-value banknotes were declared invalid after the Reserve Bank of thing, there is the accusation that banks did not send enough money. The Federal Government and the Reserve Bank are enraged over the people.

Read More

மேற்குவங்கத்தில் பிளாஸ்டிக் உற்பத்தி தொழிற்சாலையில் பயங்கர தீ விபத்து: பல லட்சம் பொருட்கள் சேதம்

கொல்கத்தா: மேற்குவங்க மாநிலம் ஹவுராவில் பிளாஸ்டிக் உற்பத்தி செய்யும் தொழிற்சாலையில் பயங்கர தீ விபத்து ஏற்பட்டது. ஹவுராவில் உள்ள நித்யதன் முகர்ஜி சாலையில் இந்த தொழிற்சாலை உள்ளது. தீ விபத்து நடந்த இடத்திற்கு 15 தீயணைப்பு வாகனங்கள் விரைந்தன.

நேற்று இரவு இந்த விபத்து நிகழ்ந்தது. தீயை அணைக்கு பணியில் வீரர்கள் தீவிரமாக ஈடுபட்டனர். பாதிப்புகள் மற்றும் உயிரிழப்பு குறித்த அதிகாரப்பூர்வமாக தகவல்கள் தெரிவிக்கப்படவில்லை. இந்த விபத்து மின்கசிவு காரணமாக ஏற்பட்டு இருக்கலாம் என தகவல் தெரிவிக்கின்றன. மேலும் விபத்து குறித்து விசாரணை மேற்கொள்ளப்பட்டு வருகிறது.

English summary:

Kolkata: West Bengal State Howrah terrible fire broke out in a factory that produces plastic. The factory in Howrah nityatan Mukherjee is on the road. Vehicles and 15 firefighters rushed to the scene of the fire. 

Read More

மம்தா மீது அவதூறாக பேசியதாக போலீசில் புகார்

கோல்கட்டா:பிரதமர் மோடி மற்றும் இந்திய ராணுவம் குறித்து மேற்கு வங்க முதல்வர் மம்தா பானர்ஜி தெரிவித்த கருத்துக்கு எதிராக பா.ஜ.க. உறுப்பினர் ஒருவர் போலீசில் புகார் அளித்துள்ளார்.
பிரதமர் மோடி மற்றும் இந்திய ராணுவம் பற்றி மம்தா பானர்ஜி தெரிவித்த கருத்துக்கு எதிராக மனவ் சர்மா என்பவர் மத்திய கோல்கட்டாவில் உள்ள ஜோரசங்கோ தானா காவல் நிலையத்தில் இந்த புகாரை அளித்தார். உடனே இந்த புகார் கோல்கட்டா நகர கமிஷ்னருக்கு அனுப்பப்பட்டது. அந்த புகாரில், “கடந்த டிசம்பர் 1ம் தேதி இந்திய ராணுவத்தை தாக்கி பேசினார். இந்திய ராணுவத்தை அரசியல் ஆதாயத்திற்காக பயன்படுத்துவதாக ஆதரமற்ற குற்றச்சாட்டுக்களை அவர் கூறினார்.

உரிய நடவடிக்கை:

இந்திய ராணுவம் தன்னுடைய அரசுக்கு எதிராக கூட்டு சதியில் ஈடுபடுகிறது என்று குற்றம்சாட்டினார். இது பொதுமக்களுக்கு தவறான தகவலை கொண்டு செல்லும். கோல்கட்டா தேசிய நெடுஞ்சாலை சுங்கச் சாவடியில் ராணுவ வீரர்கள் வரவழைக்கப்பட்ட விவகாரத்தில், மோடி அரசு அறிவிக்கப்படாத அவசர நிலை பிரகடனத்தை ஏற்படுத்தியுள்ளது என்றார். அதனால் மம்தா மீது இந்த புகாரை பதிவு செய்து, உரிய நடவடிக்கை எடுக்குமாறு கேட்டுக்கொள்கிறேன்” என்று குறிப்பிட்டுள்ளார்.

English summary:

Kolkata: West Bengal Chief Minister Mamata Banerjee to Prime Minister Modi and Indian forces against the BJP comments One member has complained to the police. 

Read More

500 , 1000 ரூபாய் நோட்டுக்கள் ஒழிப்பு நடவடிக்கையில் புத்தியை இழந்து விட்டார் மம்தா: பா.ஜ.,

கோல்கட்டா:500 , 1000 ரூபாய் நோட்டுக்கள் ஒழிப்பு நடவடிக்கைக்குப் பிறகு மம்தா தனது புத்தியை இழந்து விட்டார் என்று மேற்கு வங்க மாநில பா.ஜ., தலைவர் கூறியுள்ளார். நாட்டில் கருப்பு பணத்தை ஒழிப்பதற்காக பிரதமர் மோடி 500 ரூபாய் மற்றும் 1000 ரூபாய் நோட்டுக்கள் செல்லாது என்று அதிரடியாக அறிவித்தார். இதற்கு பெரும்பாலான எதிர்க்கட்சிகள் கடும் எதிர்ப்பு தெரிவித்து வருகிறார்கள். குறிப்பாக மேற்கு வங்க முதல்வர் மம்தா பானர்ஜி கடும் எதிர்ப்பு தெரிவித்து வருகிறார்..
இது தொடர்பாக டில்லி மற்றும் பீகார் சென்று ஆதரவு திரட்டினார். இதுகுறித்து அம்மாநில பா.ஜனதா தலைவர் திலிப் கோஷ், இந்த அறிவிப்புக்குப் பின் மம்தா புத்தியை இழந்து விட்டார் என்று கூறியுள்ளார்.
பா.ஜனதா இளைஞர் அணி ஏற்பாடு செய்திருந்த ஒரு நிகழ்ச்சில் திலிப்கோஷ் கலந்து கொண்டார். அப்போது அவர் பேசுகையில் ''மோடியின் ரூபாய் நோட்டு ஒழிப்பு நடவடிக்கை மூலம் மம்மா பானர்ஜி கோடிக்கணக்கான பணத்தை இழந்து புலம்புகிறார்.

புத்தி இழப்பு:

ஏன் அவர் டில்லி மற்றும் பாட்னா சென்றார். அங்கு சென்ற அவரால் ஒன்றும் செய்யமுடியவில்லை. அதனால் தலைமை செயலகத்திற்குள் சென்று உட்கார்ந்து கொண்டார். நாங்கள் என்ன நினைக்கிறோம் என்றால், இறுதியில் அவர் கங்கையில் குதிக்கலாம். அவர் தனது புத்திய இழந்துவிட்டார். புத்தியை இழந்த அவரை நாங்கள் பார்க்க தயாராக இல்லை'' என்றார். திலிப் கோஷ்.

English Summary:

KOLKATA: 500, 1000 notes after eradication operation, Mamata lost her sense that the West Bengal state BJP leader said. To combat the black money in the country, Modi announced Rs 500 and 1000 notes that annulled the action. Most of the opposition parties are expressing strong opposition

Read More

மோடி பதவி விலக வேண்டும்: மம்தாபானர்ஜி

"அதிக மதிப்புடைய ரூபாய் நோட்டுகள் செல்லாது என்ற அறிவிப்பால் ஏற்பட்டுள்ள பொருளாதார பேரிடருக்கு பொறுப்பேற்று பிரதமர் நரேந்திர மோடி பதவி விலக வேண்டும்" என்று மேற்கு வங்க முதல்வர் மம்தா பானர்ஜி வலியுறுத்தியுள்ளார்.
இதுகுறித்து அவர் கொல்கத்தாவில் செய்தியாளர்களிடம் வியாழக்கிழமை கூறியதாவது:
பழைய ரூ.500, ரூ.1000 நோட்டுகள் செல்லாது என்று கடந்த நவம்பர் 8-ஆம் தேதி பிரதமர் மோடி அறிவித்தார். இதன் காரணமாக கடந்த ஒரு மாத காலமாக சாதாரண மக்கள் அலைக்கழிப்புக்கும், மிகுந்த வேதனைக்கும் ஆளாக்கப்பட்டுள்ளனர்.
ரூபாய் நோட்டு வாபஸ் நடவடிக்கைக்கு பிறகு மக்கள் இன்னல்களை மட்டுமே எதிர்கொண்டுள்ளனர்.
இவை அனைத்துக்கும் பிரதமர் மோடி பொறுப்பேற்றுக் கொண்டு நாட்டு மக்களுக்கு தற்போதைய நிலை குறித்து விளக்கம் அளிக்க வேண்டும்.
அத்துடன், தனது பதவியையும் அவர் ராஜிநாமா செய்ய வேண்டும். பிரதமர் பதவியில் நீடிக்க அவருக்கு தார்மீக உரிமை இல்லை.
ரூபாய் நோட்டு வாபஸ் நடவடிக்கை காரணமாக கருப்புப் பணம் மீட்கப்படவில்லை. அதேநேரம், சாதாரண மக்கள் நல்ல வழியில் சேர்ந்து வைத்திருந்த பணம் அவர்களிடமிருந்து பறிக்கப்பட்டுவிட்டது.
புதிய ரூபாய் நோட்டுகளை வங்கிகளில் மாற்றச் சென்றபோது இதுவரை நூற்றுக்கும் மேற்பட்டோர் உயிரிழந்துவிட்டனர்.
விவசாயம், வியாபாரம் போன்றவையும் நாட்டின் பொருளாதாரமும் கடுமையாக பாதிக்கப்பட்டுள்ளன.
பொருளாதார நிபுணர்களுடன் கலந்தாலோசிக்காமல் இந்த நடவடிக்கையை பிரதமர் மேற்கொண்டார். இது சர்வாதிகாரத்தனத்தை காட்டுகிறது.
மத்திய அரசின் இந்த நடவடிக்கையால் விவசாயிகள், தொழிலாளர்கள், மாணவ-மாணவிகள், முறைசாரா தொழிலாளர்கள் என சமூகத்தின் அனைத்து தரப்பினரும் பாதிக்கப்பட்டுள்ளனர்.
இவர்கள் அனைவரும் உதவியின்றி தவித்து வருகின்றனர்.
ஒருவேளை இந்தச் சூழலில் நான் பிரதமராக பதவி வகித்திருந்தால், பொதுமக்களிடம் மன்னிப்பு கேட்டிருப்பேன்.
இந்த துரதிருஷ்டவசமான சோதனைக் காலம் எப்போது முடிவுக்கு வரும் என்று தெரியவில்லை.
பணத்தை எந்தவித தடங்கலும் இன்றி மக்கள் பயன்படுத்துவதற்கு உரிய நடவடிக்கையை மத்திய அரசு எடுக்க வேண்டும்.
ரூபாய் நோட்டு வாபஸ் நடவடிக்கைக்கு நாடாளுமன்றம் உள்பட பல்வேறு இடங்களில் தொடர்ந்து எதிர்ப்புக் குரல் எழுப்பி வருகிறோம் என்று அந்த அறிவிப்பில் மம்தா குறிப்பிட்டுள்ளார்.

English Summary : Modi should resign: mamtapanarji.

Read More

ரூ 33 லட்சம் மதிப்புள்ள புதிய 2,000 ரூபாய் நோட்டுகளுடன் சிக்கிய பாஜக பிரமுகர் கைது

கொல்கத்தா: மேற்கு வங்க மாநிலத்தில் ரூ33 லட்சம் மதிப்புள்ள புதிய 2,000 ரூபாய் நோட்டுகளுடன் சிக்கிய பாஜக பிரமுகரை கைது செய்து போலீசார் விசாரணை நடத்தி வருகின்றனர்.

கருப்பு பணம் மற்றும் கள்ள நோட்டு புழக்கத்தை கட்டுப்படுத்தும் விதமாக மத்திய அரசு 500 ரூபாய் மற்றும் 1000 ரூபாய் நோட்டுக்களை செல்லாது என அறிவித்தது. மேலும், புதிய 500 ரூபாய் மற்றும் 2000 ரூபாய் நோட்டுக்கள் புழக்கத்திற்கு வந்தன. எனவே, செல்லாது என அறிவிக்கப்பட்ட நோட்டுக்களை வங்கிகளில் செலுத்தி மாற்றி வருகின்றனர்.

 அதேசமயம், ஹவாலா பணப் பரிமாற்றம் செய்வோரிடம் கருப்புப் பணம் புழங்குவதாக தகவல் வெளியானது. இதையடுத்து ஹவாலா டீலர்கள் மற்றும் தனி நபர்களிடம் கருப்பு பண புழக்கத்தை தடுக்கும் வகையில் அமலாக்கத்துறை அதிகாரிகள் சோதனை மேற்கொண்டு வருகின்றனர். மேலும் சில இடங்களில் பழைய ரூபாய் நோட்டுகளை கமிஷனுக்கு மாற்றி தருவதாகவும் தகவல் வெளியாகியுள்ளது.

 இந்த நிலையில் மேற்கு வங்க மாநிலம் ராணிகஞ்ச் பகுதியில் நிலக்கரி மாபியாக்கள் சட்டவிரோதமாக பணப்பரிமாற்றம் செய்வதாகவும், பழைய ரூபாய் நோட்டுகளை கமிஷனுக்கு மாற்றி தருவதாகவும் போலீசாருக்கு ரகசிய தகவல் கிடைத்தது. இதையடுத்து அந்த பகுதியில் உள்ள அடிக்குமாடி குடியிருப்பில் சோதனை செய்த போலீசார், ரூ33 லட்சம் மதிப்புடைய புதிய 2000 ரூபாய் நோட்டுகளை பறிமுதல் செய்தனர். இதுதொடர்பாக ரானிகஞ்ச் பாஜக தலைவர் மகேஷ் சர்மா உள்பட 6 பேரை கைது செய்தனர்.

English summary:

BJP leader from Kolakata arrested with Rs 10 lakh in new Rs 2,000 notes

Read More

'மேற்கு வங்கத்தில் ராணுவப் புரட்சியா ?' மம்தா ஆவேசத்தால் பார்லியில் சலசலப்பு

புதுடெல்லி    - மேற்கு வங்கத்தின் பல பகுதிகளில் உள்ள சுங்கச் சாவடிகளில் ராணுவத்தினர் ஆங்காங்கே வலம் வருவதைச் சுட்டிக் காட்டிய அம்மாநில முதல்வர் மம்தா பானர்ஜி, "இது ராணுவப் புரட்சியா?" என்று கேள்வி எழுப்பியுள்ளார். மேலும், ராணுவத்தினர் அவ்வாறு வலம் வருவதை எதிர்த்துப் போராடும் விதமாக, மேற்கு வங்க தலைமைச் செயலகத்திலேயே அவர் தங்கியதும் கவனத்தை ஈர்த்துள்ளது.  இந்த விவகாரம்  நேற்று  நாடாளுமன்றத்தின் இரு அவைகளிலும் எதிரொலித்ததால் பெரும் சலசலப்பு ஏற்பட்டது.

 பல மாவட்டங்களில் ராணுவத்தினர்:மேற்கு வங்க முதல்வர் மம்தா பானர்ஜி நேற்றிரவு செய்தியாளர்களிடம் பேசும்போது, "முர்ஷிதாபாத், ஜல்பாய்குரி, டார்ஜிலிங், பர்த்வான், ஹவுரா, ஹூக்ளி உள்ளிட்ட பல்வேறு மாவட்டங்களிலும் ராணுவத்தினர் காணப்படுகின்றனர். மாநில அரசுக்கு எந்த தகவலையும் முன்கூட்டியே அளிக்காமல் இவ்வாறு நடந்துகொள்வதை சாதாரணமாக எடுத்துக்கொள்ள முடியாது. இது ராணுவப் புரட்சியா? இது தொடர்பாக அரசியல் கட்சிகளிடமும் ஆலோசிக்க இருக்கிறோம்" என்றார்

மம்தா. மம்தா பானர்ஜி ஆவேசமாக பேசிய நிலையில், தலைமைச் செயலகத்துக்கு அருகில் இருந்த சுங்கச்சாவடியில் இருந்து ராணுவத்தினர் புறப்பட்டுவிட்டனர்.

 கடும் அமளி:இந்த நிலையில், நாடாளுமன்றத்தின் இரு அவைகளும்  நேற்று கூடியதும், திரிணாமூல் காங்கிரஸ் உறுப்பினர்கள் இப்பிரச்சினையை எழுப்பி கடும் அமளியில் ஈடுபட்டனர். மத்திய அரசுக்கு எதிராக கடுமையான குற்றச்சாட்டுகளை முன்வைத்து கோஷமிட்டனர். இதன் தொடர்ச்சியாக, மக்களவையில் விளக்கம் அளித்த பாதுகாப்பு அமைச்சர் மனோகர் பாரிக்கர், "மேற்கு வங்கம், வடகிழக்கு மாநிலங்களில் ராணுவத்தினர் பணியில் ஈடுபட்டிருப்பது வழக்கமான ஒன்றுதான்.

தேவையற்ற சர்ச்சையில் ராணுவத்தை இழுப்பது துரதிர்ஷ்டவசமானது. உண்மை நிலையை உணராமல் அரசியல் ரீதியில் இதைப் பார்க்கக் கூடாது" என்றார். இதனிடையே, "சுங்கச் சாவடிகளில் சரக்கு ஏற்றிச் செல்லும் வாகனங்கள் குறித்த விவரங்களைத் திரட்டுவது என்பது ராணுவம் ஆறு மாதங்களுக்கு ஒருமுறை பரிசோதிக்கும் வழக்கமான நடவடிக்கைதான். மேற்கு வங்க காவல் துறையின் ஒத்துழைப்புடன் தான் இதைச் செய்கிறோம்" என்று ராணுவ செய்தித் தொடர்பாளர் ஒருவர் தெரிவித்தார்.

English Summary : "Armed revolution in West Bengal? ' Mamata angry buzzing of barley.West Bengal army scattered in many parts of the right to direct the turnpike Chief Minister Mamata Banerjee pointed out, "The Military Revolution?" That raised the question. Moreover, the arrival of the army, fighting the right way to do so, he stayed in West Bengal Chief Secretariat drew attention. Echo in this case by both the Houses of Parliament yesterday was buzzing.

Read More

மேற்கு வங்க தலைமைச்செயலகத்தில் ராணுவம் குவிப்பு : எதிர்ப்பு தெரிவித்து மம்தா உள்ளிருப்பு போராட்டம்

கொல்கத்தா: மேற்கு வங்க தலைமைச்செயலகத்தில் ராணுவ வீரர்கள் குவிக்கப்பட்டுள்ளதால் பரபரப்பு ஏற்பட்டுள்ளது. தலைமைச்செயலகத்தில் ராணுவ வீரர்கள் குவிக்கப்பட்டுள்ளதற்கு அம்மாநில முதல்வர் மம்தா பானர்ஜி எதிர்ப்பு தெரிவித்துள்ளார். ராணுவ வீரர்களை வாபஸ் பெறும் வரை தலைமைச் செயலகத்தை விட்டு வெளியேற மாட்டேன் என உறுதிபட தெரிவித்துள்ள அவர், அங்கேயே உள்ளிருப்பு போராட்டத்தில் ஈடுபட்டுள்ளதால் பெரும் பரபரப்பு நிலவுகிறது.

English Summary : West Bengal head quarters sensation experienced by the soldiers deployed.

Read More