தமிழகத்தில் வறட்சி நிலை -வேளாண் பாதிப்புகள் குறித்த விவரங்களை கணக்கெடுக்கும் பணி தீவிரம் நாகை, திண்டுக்கல் உள்ளிட்ட மாவட்டங்களில் அதிகாரிகள்ஆய்வு

சென்னை, ஜன. 07- தமிழகத்தின் பல்வேறு பகுதிகளில் ஏற்பட்டுள்ள வறட்சி நிலை மற்றும் வேளாண் பாதிப்புகள் குறித்த விவரங்களை கணக்கெடுக்கும் பணி தொடர்ந்து நடைபெற்று வருகிறது. நாகை உள்ளிட்ட மாவட்டங்களில்  நேற்று நடைபெற்ற இந்த ஆய்வில் அமைச்சர்கள், அதிகாரிகள் உள்ளிட்டோர் பங்கேற்று விவசாயிகளிடம் விவரங்களை கேட்டறிந்தனர். 

டெல்டாபாசன விவசாயிகளின் நலன் கருதி, மறைந்த  முதல்வர் ஜெயலலிதா  பல்வேறு நடவடிக்கைகளை மேற்கொண்டார். ஜெயலலிதா வழியில் செயல்படும் தமிழக அரசு, வடகிழக்குப் பருவமழை குறைபாட்டினை கருத்தில் கொண்டு விவசாயிகளுக்கு உரிய நிவாரணம் வழங்கும் வகையில், போர்க்கால நடவடிக்கை மேற்கொண்டுள்ளது. பயிர் நிலைமை, வறட்சி நிலைமை குறித்து அரசுக்கு அறிக்கை அளிக்க மாவட்ட ஆட்சித் தலைவர்களுக்கு உத்தரவிடப்பட்டுள்ளது. அதன் அடிப்படையில், பாதிக்கப்பட்ட மாவட்டங்களில் வறட்சி நிலைமை, வேளாண் பாதிப்பு போன்றவை குறித்து அமைச்சர்கள் மற்றும் அதிகாரிகள் அடங்கிய குழுவினர் முழுவீச்சில் ஆய்வு செய்து வருகின்றனர்.

நாகை மாவட்டம்

நாகை மாவட்டத்தின் பல்வேறு இடங்களில் நேற்றும் இந்த ஆய்வு நடைபெற்றது. அகஸ்தியன் பள்ளி, வாய்மேடு, புத்தூர், திருவாய்மூர் உள்ளிட்ட பகுதிகளில் ஆய்வு நடைபெற்றது. அமைச்சர்  ஓ.எஸ். மணியன், மாவட்ட ஆட்சியர்  பழனிச்சாமி, வறட்சி கண்காணிப்பு அதிகாரி  சந்திரமோகன் உள்ளிட்டோர் இந்த ஆய்வில் பங்கேற்றனர். சாகுபடி பகுதிகளில் வாடிய நிலையில் இருக்கும் பயிர்களை பார்வையிட்ட அவர்கள், பாதிக்கப்பட்ட விவசாயிகளுக்கு ஆறுதல் கூறினர். அவர்களுக்கு உரிய நிவாரணத் தொகை வழங்கப்படும் என்றும் உறுதியளித்தனர்.

திண்டுக்கல் மாவட்டம்

திண்டுக்கல் மாவட்டத்தில் அமைச்சர்  திண்டுக்கல் சீனிவாசன் தலைமையில் ஆய்வுக் கூட்டம் நடைபெற்றது. இந்த ஆய்வில், நாடாளுமன்ற, சட்டமன்ற உறுப்பினர்கள், மாவட்ட ஆட்சியர் டாக்டர் வினய், திண்டுக்கல் மாவட்ட கண்காணிப்பு அதிகாரி மற்றும் சிறு, குறு, நடுத்தர நிறுவனத்துறை முதன்மைச் செயலர்  மங்கத்ராம் ஷர்மா உள்ளிட்டோர் கலந்து கொண்டனர். பின்னர், பழனி வட்டத்திற்கு உட்பட்ட மானூர், கோரிக்கடவு, கல்வார்பட்டி போன்ற பகுதிகளில் குடிநீர் தட்டுப்பாடு மற்றும் பயிர்ச்சேதம் குறித்து அதிகாரிகள் ஆய்வு மேற்கொண்டனர்.
தருமபுரி மாவட்டம்

தருமபுரி மாவட்டத்தில் வறட்சி பாதித்த பகுதிகளில் அமைச்சர்  கே.பி. அன்பழகன், மாவட்ட ஆட்சியர்  விவேகானந்தன், சிறப்பு அதிகாரியாக நியமிக்கப்பட்டுள்ள அரசின் சுகாதாரத்துறை செயலர்  ராதாகிருஷ்ணன் அடங்கிய குழுவினர் ஆய்வு செய்தனர். போதிய நீரின்றி பாதிக்கப்பட்டிருக்கும் பயிர்களை பார்வையிட்ட அவர்கள், அதுகுறித்த விவரங்களை விவசாயிகளிடம் கேட்டறிந்தனர்.

English summary:

Chennai, Jan. 07- The drought conditions in various parts of Tamil Nadu and agricultural impacts, information about the survey work has continued. Ministers held yesterday in this study, including the districts of Nagapattinam, including authorities requesting details of participating farmers.

Read More

இன்று ஒரே நாளில், தொடர்ந்து 5 விவசாயிகள் உயிரிழப்பு: பலி எண்ணிக்கை 79-ஆக உயர்வு

நாகை: நாகை, திருவாரூர், தூத்துக்குடி, திருவண்ணாமலை, கடலூரைச் சேர்ந்த 5 விவசாயிகள் மாரடைப்பால் உயிரிழந்துள்ளனர். தண்ணீரின்றி நெற்பயிர் கருகிறால்  5 பேரும் உயிரிழந்ததாக தகவல் தெரிவிக்கப்பட்டுள்ளது. நாகை மாவட்டம் அறுபதாம் கட்டையில் விவசாயி தம்புசாமி என்பவர் மாரடைப்பால் உயிரிழந்தார். பயிர்கள்  கருகியதால் மனமுடைந்த தம்புசாமி வயலிலேயே சுருண்டு விழுந்து உயிரிழந்தார். நாகை மாவட்டத்தில் தண்ணீரின்றி பயிர்கள் கருகியதால் மனமுடைந்து  விவசாயிகள் உயிரிழப்பது அதிகரித்து வருகிறது. நாகை மாவட்டத்தில் கடந்த 3 நாட்களில் மட்டும் 11 விவசாயிகள் உயிரிழந்துள்ளனர்.

மேலும் திருவாரூர் மாவட்டம் கடம்பர வாழ்க்கையை அடுத்த புத்தாநல்லூரில் வடமலை என்னும் விவசாயி மாரடைப்பால் உயிரிழந்தார். 3 ஏக்கரில் பயிரிடப்பட்ட  நெற்பயிர் கருகியதால் மனமுடைந்த விவசாயி மாரடைப்பால் உயிரிழந்ததாக உறவினர்கள் தகவல் தெரிவித்துள்ளனர். திருவாரூர் மாவட்டத்தில் மட்டும் இதுவரை 12  விவசாயிகள் உயிரிழந்துள்ளனர். தூத்துக்குடி மாவட்டம் வாகைக்குளத்தில் விவசாயி அழகர்சாமி மாரடைப்பால் உயிரிழந்தார். நீரின்றி நெற்பயிர் கருகியதால்  மனமுடைந்த விவசாயி மாரடைப்பால் உயிரிழந்தார்.

திருவண்ணாமலை மாவட்டம் செல்லங்குப்பத்தில் விவசாயி மண்ணு மாரடைப்பால் உயிரிழந்தார். செல்லங்குப்பத்தில் 2 ஏக்கரில் பயிரிடப்பட்டிருந்த கரும்புப்பயிர்  தண்ணீர் இன்றி காய்ந்தது. இதனை கண்ட விவசாயி அதிர்ச்சியில் உயிரிழந்தாக கூறப்படுகிறது. மேலும் கடலூர் மாவட்டம் ஆழங்காத்தான் கிராமத்தில் விவசாயி  செந்தமிழன் மாரடைப்பால் உயிரிழந்தார். இன்று ஒரே நாளில் 5 விவசாயிகள் உயிரிழந்துள்ளது பெரும் சோகத்தை ஏற்படுத்தியுள்ளது. தமிழகத்தில் கடந்த 3  நாட்களில் உயிரிழந்த விவசாயிகள் எண்ணிக்கை 26 ஆக அதிகரித்துள்ளது. தமிழகத்தில் இதுவரை உயிரிழந்துள்ள விவசாயிகளின் எண்ணிக்கை 79-ஆக  உயர்ந்துள்ளது. முன்னதாக நேற்று 3 விவசாயிகளும், நேற்று முன்தினம் ஒரேநாளில் 11 விவசாயிகளும் உயிரிழந்தது குறிப்பிடத்தக்கது.

திருச்சி, தஞ்சாவூர், நாகை, புதுக்கோட்டை உள்ளிட்ட காவிரி  டெல்டா மாவட்டங்களில் சுமார் 10 லட்சம் ஏக்கரில் விவசாயிகள் சம்பா சாகுபடி செய்தனர். காஞ்சிபுரம்,  திருவள்ளூர், ஈரோடு, மதுரை,  தூத்துக்குடி உள்ளிட்ட பல்வேறு மாவட்டங்களில் நெல், மஞ்சள், உளுந்து, மக்காச்சோளம் போன்றவற்றை பயிரிட்டு இருந்தனர்.  டெல்டா பாசனத்துக்காக, மேட்டூர் அணையில் தண்ணீர் திறந்து விடப்பட்டது. ஆனால், தண்ணீர் பற்றாக்குறையால் அணை மூடப்பட்டது.

இதனால், பயிர்கள் கருகி, வயல்களில் வெடிப்பு விழுந்தது. மேலும், பருவ மழை கைவிட்டதாலும், ஆறு, ஏரிகளில் தண்ணீர் வற்றியதாலும்  பல மாவட்டங்களில்  பயிர்கள் கருகின. இந்த வேதனையை தாங்காமல் அதிர்ச்சியிலும் மாரடைப்பிலும் விவசாயிகள் பரிதாபமாக  இறக்கின்றனர். தமிழக அளவில்  74 விவசாயிகள்  இறந்தனர். இந்நிலையில் மேலும் 5 விவசாயிகள் இறந்தனர். இதனையடுத்து தமிழகத்தில் உயிரிழந்துள்ள விவசாயிகளின் எண்ணிக்கை 79-ஆக உயர்ந்துள்ளது.

பி.ஆர்.பாண்டியன் வலியுறுத்தல்:

சென்னையில் திமுக பொருளாளர் மு.க.ஸ்டாலினை சந்தித்த பின் விவசாய சங்கங்களின் ஒருங்கிணைப்பாளரான பி.ஆர்.பாண்டியன் பத்திரிக்கையாளர்களை  சந்தித்தார். இதில், தமிழகத்தில் வரலாறு காணாத வறட்சி நிலவுவதாகவும், வறட்சியால் விவசாயிகளின் உயிரிழப்பு தொடர்வதாக பி.ஆர்.பாண்டியன்  தெரிவித்துள்ளார். விவசாயிகளின் உயிரிழப்புகளை தடுக்க நடவடிக்கை எடுக்க வேண்டும் எனவும் அவர் வலியுறுத்தியுள்ளார். மேலும் ஜனவரி 5ம் தேதி நடைபெற  உள்ள போராட்டத்திற்கு ஆதரவு அளிக்க ஸ்டாலினை சந்தித்ததாக பி.ஆர்.பாண்டியன் தெரிவித்தார்.

English Summary:

Nagapattinam: Nagapattinam, Thiruvarur, Tuticorin, Tiruvannamalai, kadalurai 5 farmers who died of a heart attack. 5 persons were reported killed by destroyed rice without water.

Read More

நாகை மீனவர்கள் தாயகம் திரும்பினர்

நாகை: பலத்த காற்று காரணமாக இலங்கையில் கரை ஒதுங்கிய நாகை மீனவர்கள் தாயகம் திரும்பினர். கடலோர காவல்படையினர் விசாரணைக்குப்பின்னர் 10 மீனவர்களையும் இந்திய கடலோர படையினரிடம் ஒப்படைத்தனர் இலங்கை அதிகாரிகள். பின்னர் 10 மீனவர்களும் நாகை கரைக்கு பத்தி
ரமாக வந்தடைந்தனர்.

English Summary:

Nagapattinam: Nagapattinam fishermen washed in Sri Lanka due to strong winds and returned home. Coast Guard forces and handed over to the Indian Coast Guard after reconciliation 10 fishermen and Sri Lankan authorities. Nagai after 10 fishermen arrived safely ashore.

Read More

நடுக்கடலில் தத்தளித்த 73 மீனவர்கள் மீட்பு… இன்னும் 20 பேரை தேடும் பணி தீவிரம்

நாகை: கடந்த 25ம் தேதி மீன் பிடிக்க கடலுக்குள் சென்ற நாகை மாவட்ட மீனவர்கள் 93 பேர் கரை திரும்பவில்லை. நடுக்கடலில் தத்தளிப்பதாக தகவல் வந்ததை அடுத்து உள்ளூர் மீனவர்கள் தேடும் பணியில் ஈடுபட்டுள்ளனர். அதில் 73 மீனவர்கள் பத்திரமாக மீட்கப்பட்டுள்ளனர்.

நாகை மாவட்டம் கிச்சாங்குப்பம், அக்கரைப்பேட்டை, கோடியக்கரை ஆகிய பகுதிகளைச் சேர்ந்த மீனவர்கள் 93 பேர் மீன் பிடிக்க கடந்த 25ம் தேதி கடலுக்குள் சென்றுள்ளனர். அவர்கள் கரை திரும்பவில்லை என்ற அதிர்ச்சித் தகவல் வெளியாகி இருந்த நிலையில், 73 பேர் பத்திரமாக மீட்கப்பட்டுள்ளனர்.

 வங்க கடலில் காற்றழுத்த தாழ்வு நிலை உருவாகி பலத்த மழை கடலோர மாவட்டங்களில் பெய்தது. இன்று அதிகாலை நாடா புயல் காரைக்கால் அருகில் கரையைக் கடந்தது. புயல் உருவாகியதால் தமிழக மீனவர்கள் கடலுக்குள் செல்ல வேண்டாம் என்று சென்னை வானிலை ஆராய்ச்சி மையம் எச்சரிக்கைவிடுத்திருந்தது. இந்த எச்சரிக்கைக்கு பிறகு மீனவர்கள் யாரும் கடலுக்குள் செல்லாமல் இருந்தனர்.

ஆனால், 25ம் தேதியே கடலுக்குள் சென்ற 93 மீனவர்கள் கரை திரும்புவதில் சிக்கல் ஏற்பட்டது. நாடா புயலால் கடலுக்குள் சென்றவர்களுக்கு ஏதாவது ஆகி இருக்குமோ என்ற அச்சத்தில் இருந்த உறவினர்கள் இதுகுறித்து புகார் ஒன்றையும் அளித்தனர்.

 இந்நிலையில், காணாமல் போன மீனவர்கள் கோடியக்கரைப் பகுதியில் நடுக்கடலில் தத்தளித்து வருவதாக தகவல் கிடைத்தது. இதனால் உள்ளூர் மீனவர்கள் தாங்களாகவே கரை திரும்பாத மீனவர்களை தேடும் பணியில் ஈடுபட்டனர்.

மேலும், காணாமல் போன மீனவர்களை தேடும் பணியில் கடலோர காவல் படைகளும் ஈடுபட்டது. காணாமல் போன மீனவர்களை தேடும் பணியின் மூலம் நடுக்கடலில் தத்தளித்துக் கொண்டிருந்த 73 மீனவர்கள் பத்திரமாக மீட்கப்பட்டு கரை திரும்பியுள்ளனர். இதனால் மீனவர்களின் உறவினர்கள் மகிழ்ச்சி அடைந்துள்ளனர். மீதியுள்ளவர்களை 20 மீனவர்களை தேடும் பணி தீவிரப்படுத்தப்பட்டுள்ளது.

English summary:

 93 Nagapattinam fishermen, who went for fishing on November 25th, are missing.

Read More

கடலூர் பள்ளி, கல்லூரிகளுக்கு நாளை விடுமுறை - அண்ணாமலை பல்கலைக்கழக தேர்வுகள் ரத்து

கடலூர் : நாடா புயல் எதிரொலியால் மழை பெய்து வருவதால் கடலூர் மாவட்டத்தில் உள்ள அனைத்து பள்ளி மற்றும் கல்லூரிகளுக்கு நாளை விடுமுறை விடப்பட்டுள்ளதாக மாவட்ட ஆட்சியர் ராஜேஷ் அறிவித்துள்ளார்.

 தென்மேற்கு வங்கக்கடலில் மையம் கொண்டுள்ள நாடா புயல் வலுவிழந்து புதுச்சேரிக்கு தென்கிழக்கே 210 கி.மீ தொலைவில் ஆழ்ந்த காற்றழுத்த தாழ்வு மண்டலமாக புயல் மையம் கொண்டுள்ளது. காற்றழுத்த தாழ்வு மண்டலம் கடலூர் - வேதாரண்யம் இடையே நாளை அதிகாலை கரையை கடக்கும் என எதிர்பார்க்கப்படுவதாக வானிலை ஆய்வு மையம் எச்சரித்துள்ளது.

 மீனவர்களுக்கு எச்சரிக்கை :

தமிழகம் மற்றும் புதுச்சேரியின் ஒரு சில இடங்களில் மிதமான மழை பெய்ய வாய்ப்பு உள்ளது என வானிலை ஆய்வு மைய இயக்குநர் பாலச்சந்திரன் கூறியுள்ளார். காற்று பலமாக வீசும் என்பதால் மீனவர்கள் கடலுக்கு செல்ல வேண்டாம் எனவும் பாலச்சந்திரன் எச்சரித்துள்ளார்.

புயல் கூண்டு:

மீன்வர்களுக்கு எச்சரிக்கை விடுக்கும் வகையில் கடலூர் துறைமுகத்தில் 7ம் எண் புயல் எச்சரிக்கை கூண்டு ஏற்றப்பட்டுள்ளது. புதுச்சேரி துறைமுகத்தில் 6ம் எண் புயல் எச்சரிக்கை கூண்டு ஏற்றப்பட்டுள்ளது. இதேபோல் நாகை, காரைக்கால் துறைமுகங்களில் 5ம் எண் புயல் எச்சரிக்கை கூண்டு ஏற்றப்பட்டுள்ளது. மேலும் சென்னை துறைமுகத்தில் 2ம் எண் புயல் எச்சரிக்கை கூண்டு ஏற்றப்பட்டுள்ளது.

விடுமுறை - தேர்வு ரத்து:

 கனமழை காரணமாக கடலூர் மாவட்டத்தில் உள்ள அனைத்து பள்ளி மற்றும் கல்லூரிகளுக்கு நாளை விடுமுறை விடப்பட்டுள்ளதாக மாவட்ட ஆட்சியர் ராஜேஷ் அறிவித்துள்ளார். நாளை நடைபெற இருந்த சிதம்பரம் அண்ணாமலை பல்கலைக்கழக தேர்வுகள் ஒத்திவைக்கப்பட்டுள்ளன. கனமழை காரணமாக நாளைய தேர்வுகள் ரத்து செய்யப்படுவதாக பல்கலைக்கழக பதிவாளர் தெரிவித்துள்ளார்.

 சென்னையிலும் விடுமுறை :

நாடா புயல் தாக்கும் என்று எச்சரிக்கப்பட்டுள்ள சென்னை உள்ளிட்ட 6 மாவட்டங்களுக்கு நேற்றே இரண்டு தினங்கள் விடுமுறை அறிவிக்கப்பட்டுள்ளது. அண்ணா பல்கலைக்கழக தேர்வுகள் ரத்து செய்யப்பட்டுள்ளன. திருவள்ளூவர் பல்கலைக்கழக தேர்வுகள் ஒத்திவைக்கப்பட்டுள்ளன என்பது குறிப்பிடத்தக்கது.

English summary:

 A cyclonic storm named Nada expected make landfall close to Cuddalore, around 185 km from Chennai, between Vedaranyam in Tamil Nadu and Puducherry, it said. Schools in Tamil Nadu's Cuddalore and Nagapattinam districts, and Puducherry will remain closed tomorrow.

Read More

நாடா புயலால் காவிரி டெல்டா மாவட்டங்களில் கனமழை: தயார் நிலையில் மீட்புக்குழு

தஞ்சாவூர்: நாடா புயல் காரணமாக கடலோர மாவட்டங்களில் 45 முதல் 65 கிலோ மீட்டர் வேகத்தில் காற்று வீசக்கூடும். தஞ்சை, திருவாரூர், நாகை, விழுப்புரம், கடலூர் மற்றும் சென்னை ஆகிய மாவட்டங்களில் மழை பெய்யும் என்றும் வானிலை ஆய்வு மையம் எச்சரித்திருந்தது. சென்னைக்கு தென்கிழக்கே 350 கி.மீ. தூரத்திலும் புதுவையிலிருந்து 290 கி.மீ. தூரத்தில் புயல் மையம் கொண்டுள்ளது.

நாடாபுயல் காரணமாக காவிரி டெல்டா மாவட்டங்களாக தஞ்சாவூர், திருவாரூர், நாகப்பட்டிணம், திருச்சி, புதுக்கோட்டை மாவட்டங்களில் கனமழை நள்ளிரவு முதலே மழை பெய்து வருகிறது. அதிகாலை காற்றுடன் கனமழை பெய்து வருவதால் இந்த மாவட்டங்களில் பள்ளி, கல்லூரிகளுக்கு விடுமுறை அறிவிக்கப்பட்டுள்ளது.

திருச்சி மற்றும் அதன் சுற்றுவட்டாரங்களில் மிதமான மழை பெய்து வருகிறது. தஞ்சாவூர் மாவட்டம் பட்டுக்கோட்டை, மதுக்கூர் மற்றும் அதன் சுற்றுவட்டாரங்களில் மிதமான மழை பெய்து வருகிறது.

நாடா புயல் நள்ளிரவு கரையை கடக்கும் என வானிலை ஆய்வு மையம் தெரிவித்துள்ளது. இதனை தொடர்ந்து கடலோர மாவட்டங்களில் மழை பெய்து வருகிறது. இதனை தொடர்ந்து நாகை மாவட்டத்திற்கு முன்னெச்சரிக்கை நடவடிக்கையாக 40 பேர் கொண்ட பேரிடர் மீட்பு குழுவினர் சென்றடைந்தனர்.

English summary:

 Northeast monsoon and the Cyclone Nada in Bay of Bengal caused a fresh wet spell on Thursday, bringing copious rains to Thanjavur, Tiruvarur and Nagapattinam districts in Tamil Nadu.

Read More

வங்கக் கடலில் புயல்... சென்னை, புதுச்சேரியில் 1ம் எண் புயல் எச்சரிக்கை கூண்டு

சென்னை: வடகிழக்கு பருவமழை காலத்தில் வங்கக் கடலில் காற்றழுத்த தாழ்வு மண்டலங்களினால் கனமழை கொட்டும். ஒரு ஆண்டிற்குத் தேவையான தண்ணீர் பிரச்சினையை ஈடு செய்வது வடகிழக்குப் பருவமழைதான். இந்த ஆண்டு அக்டோபர் 29ம் தேதி மழை தொடங்கினாலும், புயலோ, காற்றழுத்த தாழ்வு மண்டலமோ ஏற்பட்டு
மழை பெய்யவில்லை.


நவம்பர் மாதத்தில் பகலில் வெயிலும், இரவில் கடுங்குளிரும் தாக்கி வருகிறது. மழையை எதிர்பார்த்து காத்திருந்த மக்களுக்கு ஏமாற்றமே மிஞ்சியது. இந்த நிலையில் தென்கிழக்கு வங்கக்கடல் பகுதியில் குறைந்த காற்றழுத்த தாழ்வு பகுதி உருவாகியிருக்கிறது.

அது, 48 மணி நேரத்தில் வலுப்பெற்று காற்றழுத்த தாழ்வு மண்டலமாக மாறி, வடமேற்கு திசை நோக்கி நகரும். இதன் காரணமாக டிசம்பர் 1ம் தேதி முதல் தமிழகம் மற்றும் புதுவையில் மழை பெய்யும் என்று வானிலை ஆய்வு மைய இயக்குநர் பாலச்சந்திரன் எச்சரிக்கை விடுத்தார்.

வங்கக் கடலில் 'நடா' புயல்: 

வங்கக் கடலில் உருவாகியிருக்கும் காற்றழுத்த தாழ்வு நிலை காற்றழுத்த தாழ்வு மண்டலமாக வலுப்பெற்றுள்ளது. தாழ்வு மண்டலம் 12 மணி நேரத்தில் புயலாக மாற வாய்ப்பு உள்ளதாக சென்னை வானிலை மையம் தெரிவித்துள்ளது. இந்த புயலுக்கு நடா என்று பெயர் சூட்ட உள்ளதாகவும் தகவல் வெளியாகியுள்ளது. டிசம்பர் 2ம் தேதி சென்னை - வேதாரண்யம் இடையே புயல் கரையை கடக்க வாய்ப்பு உள்ளதாக வானிலை மையம் எச்சரித்துள்ளது.

புயல் எச்சரிக்கை கூண்டு:  

வானிலை மையத்தில் புயல் எச்சரிக்கையை அடுத்து சென்னை, புதுச்சேரி, பாம்பன் துறைமுகங்களில் 1ம் எண் புயல் எச்சரிக்கை கூண்டு ஏற்றப்பட்டுள்ளது சென்னையில் கடந்த நவம்பர் 30ம் தேதி நள்ளிரவு தொடங்கி டிசம்பர் 2ம் தேதி அதிகாலை வரை நூற்றாண்டுகளில் பெய்யாத மழை பெய்தது. சென்னை, காஞ்சிபுரம், திருவள்ளூர் மாவட்டங்களில் வெள்ளம் சூழ்ந்தது என்பது குறிப்பிடத்தக்கது.

அச்சம் வேண்டாம்:  

இந்த ஆண்டு புயல் எச்சரிக்கை அறிவிப்பு வெளியிட்டாலும் கடந்த ஆண்டைப் போல வெள்ளம் வர வாய்ப்பு இல்லை என்று வானிலை ஆய்வாளர்கள் ஆறுதல் செய்தி கூறியுள்ளனர். இந்த ஆண்டு அக்டோபர் மாதம் தொடங்கிய வடகிழக்கு பருவத்தில் இதுவரை 10 சதவீதம் அளவுக்குத்தான் மழை பெய்துள்ளது. நவம்பர் மாதத்தில் மழை சொல்லிக்கொள்ளும்படியாக பெய்யவில்லை.

கடுங்குளிர்:

 
தமிழகத்தில் பெரும்பாலான இடங்களில் கடுமையான குளிர்காற்று வீசியது. அதனால் பனிப் பொழிவும் அதிகமாக காணப்பட்டது. குறிப்பிட்டு சொல்லும் அளவுக்கு தமிழகத்தில் மழையும் பெய்யவில்லை. டிசம்பர் மாதம் 1ம் தேதி முதல் மழை பெய்யும் என்று வானிலை ஆய்வு மையம் கூறியுள்ளதால் சென்னைவாசிகள் சற்றே ஆறுதல் அடைந்துள்ளனர்.

English summary:

The present low pressure in Bay of Bengal is likely to intensify into Depression today and is also likely to intensify further into Deep Depression by 30th or atleast by December 1st morning and cross Tamil Nadu Coast between Nagapattinam and Chennai on 1st December.Chennai and Pudhucherry have sounded a cyclone warning, Flag Number 1 was hoisted at port on Wednesday.

Read More

நாகை அருகே வயலில் பேருந்து கவிழ்ந்து விபத்து- ஒருவர் பலி; 40 பேர் படுகாயம்

நாகை: நாகை அருகே பொறவச்சேரியில் வயலில் அரசு பேருந்து கவிழ்ந்து விபத்து ஏற்பட்டது. இதில் ஒருவர் உயிரிழந்தார். மேலும் பேருந்தில் இருந்த 40 பயணிகள் காயமடைந்துள்ளனர். பேருந்தில் சிக்கியுள்ளவர்களை மீட்கும் பணியில் தீயணைப்பு துறையினர், போலீசார் ஈடுபட்டனர்.

காலை நேரம் என்பதால் ஏராளமான பள்ளி மாணவர்களும் அரசுப் பேருந்தில் பயணம் செய்தனர். வேகமாக வந்த பேருந்து நிலை தடுமாறி சாலையோரத்தில் இருந்த வயலில் கவிழ்ந்தது. இதில் பயணம் செய்த அனைவரும் பேருந்துக்குள் சிக்கி கூக்குரலிட்டனர். சம்பவ இடத்திற்கு வந்த தீயணைப்பு படையினர் அனைவரையும் மீட்டனர். மீட்கப்பட்ட அனைவரும் அருகில் உள்ள மருத்துவமனைக்கு 108 ஆம்புலன்ஸ் மூலம் கொண்டு செல்லப்பட்டு சிகிச்சைக்காக அனுமதிக்கப்பபட்டுள்ளனர்.

கடந்த சில மாதங்களுக்கு முன்பு கும்பகோணம் அருகே மினி பேருந்து வயலில் கவிழ்ந்து விபத்துக்குள்ளானதில் 10 பேர் படுகாயமடைந்தனர் என்பது நினைவிருக்கலாம்.

English summary:

 One person was killed and up to 40 others were injured in an accident near Nagapattinam.

Read More