சசிகலா புஷ்பா மீதான புகார் திடீர் வாபஸ்

சென்னை: சசிகலா புஷ்பா எம்.பி., நிர்வாணமாக இருந்து கொண்டு, மசாஜ் செய்ய சொன்னார். செய்யாததால் எங்களை அடித்து உதைத்தார். இதற்கு அவரது தாய் கவுரியும் உடந்தை. மேலும், சசிகலா புஷ்பாவின் கணவர் லிங்கேஸ்வர திலகனும், மகன் பிரதீப் ராஜாவும் எங்களை பாலியல் ரீதியில் துன்புறுத்தினர் என்று கூறி, தூத்துக்குடி மாவட்டம், புதுக்கோட்டை அனைத்து மகளிர் காவல் நிலையத்தில், அணைக்குடியைச் சேர்ந்த சகோதரிகள் பானுமதியும், ஜான்சிராணியும், கடந்த 8.8.16ல் புகார் அளித்தனர்.
அதையடுத்து, குற்றச்சாட்டுக்கு ஆளான அனைவர் மீதும் வழக்குப் பதியப்பட்டது. உடனே, உச்ச நீதிமன்றம் வரை சென்று, ஜாமீன் வாங்கினார் சசிகலா புஷ்பா. இது பொய்யாக புனையப்பட்ட வழக்கு; இதிலிருந்து நான் வெளியே வருவேன் என்றும், சசிகலா புஷ்பா சொல்லி வந்தார்.

திடீர் வாபஸ்:

இந்நிலையில், இந்த வழக்கிற்காக, நாங்கள் கொடுத்த புகார் பொய்யானது என்று சொல்லி, புகார் அளித்த சகோதரிகள் பானுமதியும், ஜான்சிராணியும், புகாரை வாபஸ் பெறுகிறோம் என்று, புதுக்கோட்டை இன்ஸ்பெக்டருக்கு கடிதம் கொடுத்துள்ளனர்.
அதில், சிலருடைய தூண்டுதலின் பேரில், அரசியல் காரணங்களுக்காக புகார் கொடுக்கச் சொன்னதால், நாங்கள் பொய்யாக புகார் கொடுத்து விட்டோம். அதை, மேற்கொண்டு விசாரிக்க வேண்டாம் என்றும் பானுமதியும், ஜான்சிராணியும் கேட்டுள்ளனர். இதையடுத்து, மேற்கொண்டு, இந்த வழக்கை ரத்து செய்வது குறித்து, போலீசார் யோசித்து வருகின்றனர்.

இது குறித்து, சசிகலா புஷ்பா கூறியதாவது: அ.தி.மு.க.,வில் இருப்பவர்கள் சிலருக்கு என் மீது காழ்ப்புணர்ச்சி இருந்தது. என்னை எப்படியாவது, கட்சியில் இருந்து ஓரங்கட்ட வேண்டும் என்று, தொடர்ந்து திட்டம் போட்டு வந்தனர். அதனால்தான், திருச்சி சிவா மேட்டரை பெரிதாக்கி, என்னை சிக்கலுக்குள் ஆழ்த்தப் பார்த்தனர். அந்த பிரச்னை பெரிதாகவில்லை என்றதும், என் மீது பொய்யாக வழக்குப் போட்டு, என்னை அரசியல் செய்ய விடாமல் முடக்கி விடலாம் என கணக்குப் போட்டு செயல்படத் துவங்கினர். அப்படியொரு வழக்குத்தான், என் வீட்டில் வேலைபார்த்த பெண்களை வைத்து, பொய் புகார் கொடுக்க வைத்தனர். அதை நான், சட்டரீதியாகவே அணுகினேன்.
சிலர் நினைத்தபடி, எதுவுமே நடக்கவில்லை. சட்ட உதவி கொண்டு, நான், அவர்களை எதிர்கொண்டு தொடர்ந்து வெற்றி பெற்று வரும் சூழலில், என் மீது பொய் புகார் கொடுத்த அந்த பெண்கள், புகாரை வாபஸ் பெற்றுள்ளனர். சிலரது தூண்டுதலின் பேரிலேயே, பொய்யாக புகார் கொடுத்ததாகவும், அவர்கள், தங்கள் புதிய மனுவில் குறிப்பிட்டுள்ளனர்.
நான் தர்மத்தை நம்பி பயணிக்கிறேன். அதனால், இந்த மாதிரி புனைவுகளுக்கெல்லாம் பயப்பட மாட்டேன். அன்றைக்கு சொன்னதுதான்… தர்மம் என்றைக்கும் ஜெயிக்கத்தான் செய்யும். என் மீது பொய் வழக்குப் போட வைத்தவர்கள், நிஜ வழக்கில் ஜெயிலுக்குப் போய் உள்ளனர். அதுதான், இறைவன் திருவிளையாடல்.
இவ்வாறு அவர் கூறினார்.

English Summary:

Chennai: Sasikala Pushpa MP, while nude, told to massage. If they do not beat us. The complicity of her mother Gauri. Moreover, Tilak Lingeshwara Sasikala Pushpa's husband, son Pradeep sexually pestered us, saying that the king, Thoothukudi District, Pudukkottai all-women police station, the sisters  Bhanumathi, jancyrani, had complained in the past 8.8.16.

Read More

சசிகலாவை பொதுச் செயலராக ஏற்கக் கூடாது: தேர்தல் கமிஷனுக்கு கடிதம் அனுப்பினார் சசிகலா புஷ்பா

அ.தி.மு.க., தலைமைக் கழகத்தில் வைத்து, என் கணவரை அடித்து உதைத்து விட்டால், நியாயம் கேட்டு நான் போராட மாட்டேன் என நினைத்து விட்டனர்; அது நடக்காது. எனக்கு நியாயம் கிடைக்கும் கடைசி நிமிடம் வரை போராடுவேன் என, அடித்துச் சொல்லும் சசிகலா புஷ்பா எம்.பி., சசிகலாவை, அ.தி.மு.க.,வின் பொதுச் செயலராக நியமித்ததே செல்லாது. அதை தேர்தல் கமிஷன் ஏற்கக் கூடாது என, இந்திய தேர்தல் ஆணையத்துக்கு கடிதம் அனுப்பி உள்ளார்.

இது குறித்து, சசிகலா புஷ்பா கூறியதாவது:ஜெயலலிதாவின் மரணத்தில் மர்மம் இருக்கிறது என்பதை, உலகமே அறிந்து வைத்துள்ளது. கூடவே இருந்து ஜெயலலிதாவைப் பார்த்துக் கொண்டதாக கூறும் சசிகலாதான், ஜெயலலிதா மரணத்தில் உள்ள மர்மத்தை விலக்க வேண்டும். அது வரை, அவர் மீதான சந்தேகம் இருந்து கொண்டேதான் இருக்கும்.

ஜெயலலிதா அப்பல்லோ மருத்துவமனையில் சிகிச்சைக்காக அனுமதிக்கப்பட்டு, இறந்து போன நாள் வரையிலான 75 நாட்களும், சசிகலாதான் கூடவே இருந்திருக்கிறார். அவர்தான், கவர்னர் உள்ளிட்ட யாரையுமே, ஜெயலலிதாவை சந்திக்கவே விடாமல் தவிர்த்துள்ளார். ஜெயலலிதாவின் ரத்த உறவான தீபாவையும் கூட, அவர் மருத்துவமனைக்குள்ளேயே விடவில்லை.

இப்படியெல்லாம் செய்த சசிகலாவைத்தான், ஏற்கனவே துரோகி என கூறி, போயஸ் தோட்டத்தை விட்டு வெளியேற்றினார் ஜெயலலிதா. அதனால்தான், ஜெயலலிதா மரணத்தில் உள்ள மர்மங்கள் குறித்து தமிழக அரசு வெள்ளை அறிக்கை வெளியிட வேண்டும் என்றும்; மத்திய அரசு சி.பி.ஐ., விசாரணைக்கு விட வேண்டும் என்றும் கேட்டு, நியாயத்தை நோக்கி போராடிக் கொண்டிருக்கிறேன்.

ஜெயலலிதாவாலேயே துரோகி என பட்டம் சூட்டி, போயஸ் தோட்டத்தை விட்டு வெளியேற்றப்பட்ட சசிகலாதான், இன்று, ஜனநாயகத்தை காலில் போட்டு மிதித்து விட்டு, பொதுக் குழுவால், தற்காலிகமாக அ.தி.மு.க.,வின் பொதுச் செயலராக நியமிக்கப்பட்டுள்ளார். இதில், கட்சியின் அடிப்படையான விதிகள் அனைத்தும் மீறப்பட்டுள்ளது.
அப்படி இருக்க, சசிகலாவை நிரந்தரப் பொதுச் செயலர் போல, பொதுக் குழு தீர்மானங்களையெல்லாம், தேர்தல் கமிஷனுக்கு அனுப்பி உள்ளனர். கட்சியின் செய்தி தொடர்பாளர்களில் ஒருவரான பொன்னையனும், அதையே சொல்கிறார்.

ஆக, சசிகலா, பொதுச் செயலராக தேர்ந்தெடுக்கப்பட்டதே முறையானது அல்ல என்கிற போது, தேர்தல் கமிஷன், சசிகலாவின் தேர்வை ஏற்றுக் கொண்டு அங்கீகரிக்கக் கூடாது நிரந்தர ஏற்பாடாக, நியாயமான; நேர்மையான தேர்தலை நடத்த உத்தரவிட வேண்டும். கட்சியின் அடிப்படை விதிகளின்படி, கட்சியின் உறுப்பினர்கள் அனைவரும் கூடி, ஓட்டளித்து, பொதுச் செயலரை தேர்ந்தெடுக்க, தேர்தல் கமிஷன் ஏற்பாடு செய்ய வேண்டும்.

அப்படி செய்யும் போது, சசிகலாவால், கட்டாயம், கட்சியின் பொதுச் செயலராக வர முடியாது. எதிர்த்து ஒரு மூத்த தலைவர் நின்றால், அவரே, கட்சியின் பொதுச் செயலராக முறைப்படி தேர்ந்தெடுக்கப்படுவார். இதை விட்டு விட்டு, புற வழியில், கட்சியின் பொதுச் செயலராக நியமிக்கப்பட்டு விட்ட, சசிகலாவின் நியமனத்தை, எக்காரணம் கொண்டும் தேர்தல் கமிஷன் ஏற்றுக் கொள்ளக் கூடாது.

இதற்கான சட்ட ரீதியிலான போராட்டங்களை நான் தொடர்ந்து வருகிறேன். இப்படி பொதுச் செயலர் தேர்வுக்கு, தேர்தல் நடத்தினால், அதில் போட்டியிட வேண்டும் என்பதற்காகத்தான், கட்சியின் உறுப்பினர் என்ற வகையில், என் கணவர் யோகேஸ்வர் திலகன், அ.தி.மு.க., தலைமை அலுவலத்துக்குச் சென்றார். அவரை, சுற்றிய சசிகலா ஆட்கள், அவரை கடுமையாகத் தாக்கி உள்ளனர். அராஜகத்தின் மூலம், சசிகலா வெகு நாட்களுக்கு வெற்றி பெற்றுவிட முடியாது. நியாத்துக்கான கடைசி நிமிடம் வரையில் போராடுவேன்.
இவ்வாறு, அவர் கூறினார்.

English summary:

Digg, and put at the head, beaten and kicked my husband, if you will not fight with the thought that I had a fair hearing; It will not happen. I will fight until the last minute to get justice, Sasikala Pushpa MP's assertion, Sasikala, AIADMK general secretary nominated valid. It would not be acceptable to the Election Commission, has sent a letter to the Election Commission of India. 

Read More

ராஜ்நாத் சிங் உத்தரவு ;சசிகலா புஷ்பா உற்சாகம்

சென்னை: ஜெயலலிதா மரணத்தில் மர்மம் இருக்கிறது. அதனால், ஜெ., மரணம் தொடர்பாக சி.பி.ஐ., விசாரணைக்கு விட வேண்டும் என கேட்டு, உச்ச நீதிமன்றத்தில் வழக்குத் தொடர்ந்தார், அ.தி.மு.க.,வில் இருந்து நீக்கப்பட்டதாகக் கூறப்படும் ராஜ்யசபா உறுப்பினர் சசிகலா புஷ்பா. மனுவை விசாரித்த நீதிமன்றம், வழக்கைத் தள்ளுபடி செய்தது. இதனால், அப்செட் ஆன, சசிகலா புஷ்பா, சசிகலாவுக்கு எதிரான நடவடிக்கைகளில் கொஞ்சம் தீவிரத்தை குறைத்திருந்தார்.

மீண்டும் உற்சாகம்:

இந்நிலையில், மத்திய உள்துறை அமைச்சர் ராஜ்நாத் சிங்கிடம், ஜெயலலிதா மரணத்தில் உள்ள மர்மத்தை வெளியுலகிற்கு கொண்டு வர வேண்டும்; அதற்கு சி.பி.ஐ., விசாரணைக்கு விட வேண்டும் என்று கேட்டு, ஏற்கனவே மனு அளித்திருந்தார். அந்த மனுவை தற்போது பணியாளர் நலத்துறைக்கு அனுப்பி இருக்கும் அமைச்சர் ராஜ்நாத் சிங், இது தொடர்பான முதல்கட்ட விசாரணைய மேற்கொள்ளுமாறு, கடிதத்தை பரிந்துரைத்துள்ளார். முகாந்திரம் இருக்குமானால், சி.பி.ஐ., விசாரணைக்கு உத்தரவிடலாம் எனவும், ராஜ்நாத் சிங் கடிதத்தில் கூறப்பட்டுள்ளது. இதனால், சோர்ந்திருந்த சசிகலா புஷ்பா, திடீர் உற்சாகம் ஆகி உள்ளார்.

சசிகலா அப்செட்:

இது குறித்து, அ.தி.மு.க., வட்டாரங்கள் கூறியதாவது: சமீபத்தில் கட்சி நிர்வாகிகளை சந்திக்க அதிமுக அலுவலகத்திற்கு சசிகலா வந்தார். அப்போது, அவரது உறவினர் ஒருவர், அவசர அவசரமாக சசிகலாவை நெருங்கி, சசிகலா புஷ்பாவின் மனு மீது, விசாரிக்குமாறு மத்திய உள்துறை அமைச்சர் ராஜ்நாத் சிங் உத்தரவிட்டிருக்கும் தகவலை தெரிவித்தார்.

இதனால், சசிகலா அப்செட் ஆனார். அதிர்ச்சியில் இரண்டு நிமிடம் மட்டுமே, பேசி விட்டு, அங்கிருந்து கிளம்பி சென்று விட்டார். சசிகலா நிறைய பேசுவார்; அவர் யோசனைகள் படி கட்சியை வளர்க்கலாம் என எதிர்பார்த்து வந்த முன்னாள் எம்.பி.,க்களும், எம்.எல்.ஏ.,க்களும் அதிர்ச்சியடைந்தனர். இவ்வாறு அக்கட்சி வட்டாரங்கள் கூறின.

English summary:

Chennai is the mystery of her death. So, J., In connection with the death of a CBI inquiry should be heard as the Supreme Court lawsuit, Digg, a Rajya Sabha member from Sasikala Pushpa allegedly deleted. Petition the court dropped the case. Thus, getting upset, Sasikala Pushpa, Shashikala and reduced the severity of some of the measures.

Read More

ஜெ., மரணத்தில் சந்தேகம்: சி.பி.ஐ.,விசாரணை கோரிய மனுக்கள் தள்ளுபடி

புதுடில்லி: மறைந்த முதல்வர் ஜெயலலிதா மரணம் தொடர்பாக சி.பி.ஐ.,விசாரணை கோரிய மனுக்கள் சுப்ரீம் கோர்ட்டில் தள்ளுபடி செய்யப்பட்டன.கடந்த டிசம்பர் 5 ம் தேதி ஜெயலலிதா அப்பல்லோ மருத்துவமனையில் காலமானார். இவரது மரணத்தில் சந்தேகம் இருப்பதாக பலரும் பேசி வருகின்றனர். இந்நிலையில் அதிமுகவில் இருந்து வெளியேற்றப்பட்ட ராஜ்யசபா எம்.பி சசிகலாபுஷ்பா சுப்ரீம் கோர்ட்ட்டில் ஒரு மனு தாக்கல் செய்தார். ஜெயலலிதா மரணத்தில் சந்தேகம் இருப்பதாகவும், இது தொடர்பாக சி.பி.ஐ.,விசாரணை நடத்த உத்தரவிட வேண்டும் என கோரினார். இன்று வழக்கை விசாரித்த கோர்ட் நீதிபதிகள், இது தொடர்பா
ன இரு மனுக்களை தள்ளுபடி செய்தனர்.

English summary:

NEW DELHI: CBI in connection with the death of the late Chief Minister Jayalalithaa, the Supreme Court rejected petitions calling for an investigation. Apollo hospital she passed away on the 5th of December. No doubt many people have been talking to his death. The Rajya Sabha MP expelled from AIADMK sasikala puspa filed a petition in the Supreme court. There was no doubt in her death, over which CBI inquiry demanded order. Today the Supreme Court judges who heard the case, two of which were dismissed by the court.

Read More

சசியை விட மாட்டேன்: சசிகலா ஆவேசம்

'அ.தி.மு.க., பொதுச் செயலர் பதவிக்கு போட்டியிடுவேன்; குறுக்கு வழியில், சசிகலா பொதுச்செயலராக விடமாட்டேன்' என, சசிகலா புஷ்பா தெரிவித்தார்.

அவர் கூறியதாவது:தேர்தல் அறிவிக்காமல், குறுக்கு வழியில், பொதுக்குழுக் கூட்டத்தில், பொதுச்செயலராக சசிகலா திட்டமிட்டுள்ளார். பொதுக்குழு உறுப்பினர்களை, பஸ்சில் அழைத்து வந்து, கையெழுத்து வாங்க திட்டமிட்டுள்ளனர். நான், அ.தி.மு.க., - எம்.பி.,யாக உள்ளேன்; கட்சியின் அடிப்படை உறுப்பினராக உள்ளேன். நான் கட்சியில் இருந்து, நீக்கப்பட்டதற்கான கடிதம் எதுவும் எனக்கு வரவில்லை. என் கணவர் லிங்கேஸ்வரனும், கட்சியின் அடிப்படை உறுப்பினராக உள்ளார். அவர், மும்பையை சேர்ந்த, பொதுக்குழு உறுப்பினர் மணி மற்றும் சிலருடன், கட்சி அலுவலகத்தில் மனு கொடுக்கச் சென்றார்.

ஜனநாயக முறைப்படி, போட்டியிட மனு கொடுக்க சென்றவரை, சசிகலாவின் ஆதரவாளர்கள் தாக்கி உள்ளனர். கட்சி அடிப்படை உறுப்பினரில், யார் வேண்டுமானாலும் போட்டியிடலாம். ஒன்றரை கோடி தொண்டர்கள் சேர்ந்து, பொதுச்செயலரை தேர்வு செய்ய வேண்டும்.ஆனால், சசிகலா, குறுக்கு வழியில் பொதுச்செயலராக விரும்புகிறார். அவருக்கு ஆதரவு உள்ளது என்றால், முறைப்படி தேர்தலை நடத்தலாம். அவரை, தொண்டர்கள் ஏற்றுக் கொள்ளவில்லை.
பொதுக்குழு உறுப்பினர்கள் மட்டும், பொதுச்செயலரை தேர்வு செய்ய முடியாது. போட்டியிட விரும்புவோருக்கு, வாய்ப்பு அளிக்க வேண்டும். நான், பொதுச்செயலர் பதவிக்கு போட்டியிடுவேன்; சசிகலா, பொதுச்செயலராக விட மாட்டேன்; சட்டப்படி நடவடிக்கை எடுப்பேன்.இவ்வாறு அவர் தெரிவித்தார்.

English Summary:

'AIADMK, contesting for the post of general secretary; In short, let Shashikala Secretary-General that, Sasikala Pushpa said. 

Read More

சசிகலா புஷ்பா வக்கீல்களுக்கு அடி, உதை

சென்னை: சென்னை, ராயப்பேட்டையில் உள்ள அ.தி.மு.க., தலைமை அலுவலகத்தில், இன்று மதியம் கடும் மோதல் ஏற்பட்டது. சசிகலா புஷ்பாவின் வக்கீலுக்கு அடி, உதை விழுந்தது. ஏராளமான போலீசார் குவிக்கப்பட்டுள்ளனர்.முதல்வர் ஜெயலலிதா மறைவுக்கு பிறகு அ.தி.மு.க., பொதுச்செயாலாளர் யார் என்ற கேள்வி எழுந்துள்ளது. அக்கட்சியின் பொதுக்குழு, சென்னை, வானரகத்தில் நாளை நடக்க உள்ளது. இதில், சசிகலாவை பொதுச்செயலாளராக பொறுப்பேற்க சொல்லி தீர்மானம் நிறைவேற்ற உள்ளனர் என்ற தகவல் வெளியாகி உள்ளது. அதே நேரத்தில், சசி
கலாவுக்கு கட்சியின் தொண்டர்களிடம் கடும் எதிர்ப்பு உள்ளது.

சசிகலாவை பொதுச்செயலாளராக தேர்வு செய்யக்கூடாது எனக்கோரி, எம்.பி., சசிகலா புஷ்பா சென்னை உயர்நீதிமன்றத்தில் மனு தாக்கல் செய்துள்ளனர். இந்த சூழ்நிலையில், பொதுச்செயலாளர் பதவிக்கு, சசிகலா புஷ்பாவும் போட்டியிட உள்ளார் எனக்கூறப்படுகிறது.

இதற்காக, விண்ணப்பம் தாக்கல் செய்ய, அவர் இன்று அ.தி.மு.க., தலைமை அலுவலகத்திற்கு வர உள்ளார் என தகவல் பரவியது. இதையடுத்து, இணை ஆணையர் மனோகரன் தலைமையில், அ.தி.மு.க., தலைமை அலுவலகத்தில் நூற்றுக்கும் மேற்பட்ட போலீசார் குவிக்கப்பட்டனர். கட்சி தொண்டர்களும் ஏராளமான அளவில் குவிந்து இருந்தனர்.

அடி, உதை:

ஆனால், எதிர்பார்த்தபடி சசிகலா புஷ்பா வரவில்லை. அவர் சார்பில், அவரது வழக்கறிஞர்கள் சிலர் வந்து இருந்தனர். இதனால், கட்சி அலுவலகத்தில் தள்ளுமுள்ளு ஏற்பட்டது. கூட்டத்தினர் தாக்கியதில் சிலர் படுகாயம் அடைந்தனர். ரத்தம் சொட்ட சொட்ட இருந்த சிலரை போலீசார் அங்கு இருந்து அகற்றினர். கட்சி அலுவலகத்தில் தொடர்ந்து பதட்டமான சூழ்நிலை காணப்பட்டது.

English Summary:

Chennai: Chennai, Royapettah the AIADMK headquarters, there was heavy fighting in the afternoon. Sasikala Pushpa's lawyers

Read More

ராம் மோகன் ராவ் வீடு, அலுவலகத்தில் ரெய்டு; பின்னணியில் சசிகலா புஷ்பா திரட்டிய தகவல்கள்

சென்னை: மொட்டைத் தலைக்கும் முழங்காலுக்கும் முடிச்சு போடலாமா? என்பது போலத்தான் இந்தத் தகவல் இருக்கும். ஆனால், அதுதான் உண்மை என்கிறது டில்லி அரசியல் வட்டாரங்கள்.

திடீர் வேகம் :

கரூர் அன்புநாதனில் ஆரம்பித்த விவகாரம், நத்தம் விசுவநாதனை அடைந்து, வேலூர் சேகர் ரெட்டியிடம் சென்று, தற்போது தலைமைச் செயலர் ராம் மோகன் ராவிடம் வந்து நிற்கிறது. இத்தனை காலமும் அமைதியாக இருந்த வருமான வரித் துறை, ஜெயலலிதா மறைந்த பின், ஏன் வேகமாகி இருக்கிறது. இதன் பின்னணியில் அரசியல் சூழ்ச்சி இருக்கிறது; சதி இருக்கிறது என்று சொல்லி, தமிழகத்தின் அரசியல் கட்சிகள் சில, பா.ஜ.,வை நோக்கி சுட்டு விரல் நீட்டுகின்றன.

துவங்கிய ஆட்டம்:

ஆனால், இந்த விஷயம் இன்று - நேற்று ஆரம்பமானதல்ல. என்றைக்கு, சசிகலா புஷ்பாவை ஜெயலலிதா போயஸ் தோட்டத்தில் வைத்து அடித்ததாக, ராஜ்யசபாவில் சசிகலா புஷ்பா பரபரப்பு கிளப்பினாரோ, அன்றைக்கே துவங்கி விட்டது பா.ஜ.,வின் ஆட்டம். சசிகலா புஷ்பா, ராஜ்யசபாவில் ஜெயலலிதா மீது குற்றச்சாட்டுக்களை அள்ளி வீசிய பின், சில நாட்களில், பிரதமர் மோடியை சந்தித்தார். தமிழகத்தில் என்ன நடக்கிறது என்று அவர் கேட்க, தயாராக வைத்திருந்த மொத்த விஷயங்களையும் அவர் ஆதாரங்களுடன் எடுத்து வைத்தார்.

பக்கபலமாக பா.ஜ., :

ஒன்றும் கவலைப்பட வேண்டாம்; உங்களுக்கு பா.ஜ., அரசு முழு பக்கபலமாக இருக்கும். தமிழகத்தில் இருக்கும் ஆட்சி அதிகாரங்களின் மோசடிகளை மட்டும் ஆதாரங்களுடன் திரட்டி, மத்திய அரசுக்கு அனுப்பி வையுங்கள். உள்துறை அமைச்சர் ராஜ்நாத் சிங் மற்றும் நிதியமைச்சர் அருண் ஜெட்லியிடம் விவரங்களை சொல்லி விடுகிறேன். அவர்களை நீங்கள் எப்போது வேண்டுமானாலும் சந்திக்கலாம் என்று சொன்ன பிரதமர் மோடி, சொன்னபடியே, சசிகலா புஷ்பாவுக்கு முழு பாதுகாப்பு வழங்கினார். தன்னை கைது செய்யும் ஆபத்து இருந்த நிலையிலும், துளியும் கவலையின்றி சசிகலா புஷ்பா தமிழகம் வந்து போனது, பலருக்கும் ஆச்சரியத்தை ஏற்படுத்தி இருக்கலாம். ஆனால், பின்புலத்தில் பா.ஜ., என்ற மாபெரும் சக்தி இருந்ததால்தான், அவர் தைரியமாக தமிழகம் வந்தார்.

சந்திப்பு:

சென்னை, அண்ணா நகரில் உள்ள தன் வீட்டில் தங்கியபடியே அவர், தமிழக அரசு நிர்வாகத்தின் மீது அதிருப்தியுடன் உள்ள பலரையும் சந்தித்தார். விவரங்களை ஆதாரங்களுடன் திரட்டி, மத்திய அரசுக்கு அனுப்பினார். அவர் அனுப்ப அனுப்ப விவரங்களை திரட்டிக் கொண்ட மத்திய அரசு, தான் ஏற்கனவே திரட்டி வைத்திருந்த விவரங்களை சேர்த்துக் கொண்டு, அதிரடி ஆபரேஷனை துவங்கியது. அந்த ஆபரேஷனில்தான், அன்புநாதன், நத்தம் விசுவநாதன், சேகர் ரெட்டி, ராம் மோகன் ராவ் என வரிசையாக பலரும் சிக்கினர்.

விரைவில் சிக்குவர் :

சேகர் ரெட்டியிடம் தொடர்புடையவர்களாக சொல்லப்படும் அமைச்சர்கள் ஐந்து பேரும் முன்னாள் அமைச்சர்கள் சிலரும் கூட விரைவில் சிக்குவர் என்கிறது வருமான வரித் துறை வட்டாரங்கள். ராம் மோகன் ராவ் போலவே, தமிழக அரசு அதிகார மட்டங்களில் இருந்து கொண்டு, அதிகாரத்தை பயன்படுத்தி அளவுக்கு அதிகமாக சொத்துக்களை வாங்கிக் குவித்திருக்கும் அதிகாரிகள் பலரது பெயர்களையும், பிரதமர் மோடி, சேகரித்து வைத்துள்ளார். விரைவில் அவர்களை நோக்கியும் வருமான வரித் துறையினரை பாய விடுவார் என்கிறது, டில்லி அதிகார வட்டாரங்கள்.

ஆதாரங்கள் :

தமிழக பா.ஜ., தலைவர்கள் மூலமாகவும் பல்வேறு தகவல்களை திரட்டி வைத்திருக்கும் பிரதமர் மோடி, முதல்வர் பன்னீர் செல்வத்தையும், முழுமையாக தன் கரங்களுக்குள் கொண்டு வந்து விட்டார் என்றும், முதல்வர் பன்னீர்செல்வமும், தமிழகத்தில் கொள்ளையடித்துக் கொண்டிருக்கும் அதிகார மட்டம் குறித்து, நிறைய விஷயங்களை சொல்லி இருப்பதாகவும் டில்லியில் பரபரப்பாக பேசப்பட்டு வருகிறது.

சூசகம்:

தேவையானால், போயஸ் தோட்டத்தை நோக்கியும் வருமான வரித் துறையினர் செல்ல வெகு நேரம் ஆகாது என்று சூசகமாக எதையோ சொல்கிறார் வருமான வரித்துறை அதிகாரி ஒருவர்.தமிழகத்தைப் பொறுத்த வரையில், பன்னீர்செல்வம் தலைமையிலான அ.தி.மு.க., அரசு தொடர்ந்து செயல்படுவதில், இப்போதைக்கு, பிரதமர் மோடி தொந்தரவு கொடுக்க விரும்பவில்லை. ஆனால், சுய நலனுக்காக, பன்னீர்செல்வம் ஆட்சியை கலைக்க முயல்வது; அவரை அப்பதவியில் இருந்து விரட்டிவிட நினைப்பது என யார் நினைத்தாலும், அவர்களுக்கு எதிரான நிலைப்பாட்டில் பா.ஜ., அரசு இயங்கி செயல்படும் என, டில்லி மூத்த அரசியல்வாதிகள் அடித்து கூறுகின்றனர்.

சி.பி.ஐ., விசாரணை?

இதற்கிடையில், தற்போதைய ரெய்டுக்கு பின்னணியில் சசிகலா புஷ்பாவின் கரங்கள் இருப்பதை சொல்லும், டில்லி அரசியல் வட்டாரங்கள் சொன்ன லேட்டஸ்ட் தகவல் - சசிகலா புஷ்பாவுக்கு, பிரதமர் அலுவலகத்திலிருந்து வந்திருக்கும் தகவலின்படி, அவர் எந்த நேரமும் பிரதமர் மோடியை சந்திப்பார். அப்போது, ஜெயலலிதா மரணத்தில் மறைந்து கிடக்கும் மர்மங்களை வெளியில் கொண்டு வர வேண்டும்; அதற்கு, சி.பி.ஐ., விசாரணைக்கு விட வேண்டும் என்று கோரிக்கையும் விடுக்க உள்ளார். இத்தனைக்கும் பின்னும் முழக்காலுக்கும் மொட்டைத் தலைக்கும் முடிச்சிடலாமா என கேட்டால், யாரிடமும் பதில் இருக்க முடியாது.

English Summary:

Chennai: forehead medley knot knee to the head? This information will be the same. But that is the fact that political circles in Delhi.

Read More

செங்கோட்டையனை உசுப்பிய சசிகலா புஷ்பா: மடக்கிப் போட்ட சசிகலா உறவுகள்

சென்னை: புதிய பொது செயலராக போட்டியின்றி தன்னை அ.தி.மு.க., தேர்ந்தெடுக்க வேண்டும் என்பதற்கான தீவிர முயற்சியில், ஜெயலிதாவின் தோழி சசிகலா இறங்கி உள்ளார். அதற்கு உறுதுணையாக இருந்து, அவரது குடும்பத்தினர்களும் பாடுபட ஆரம்பித்துள்ளனர்.

கொம்பு சீவப்பட்ட செங்கோட்டையன்:

அந்த வகையில், எதிர்ப்பு கோஷ்டியினரால் கொம்பு சீவப்பட்ட முன்னாள் அமைச்சர் செங்கோட்டையனை முதல் கட்டமாக சரி செய்துள்ளது, சசிகலா தரப்பு. செங்கோட்டையன், சசிகலாவுக்கு எதிராக பொதுச் செயலர் பதவிக்கு போட்டியிடக்கூடும் என தகவல் கிளம்பியதையடுத்து, அவரை, சிலர் மிரட்டிப் பார்த்துள்ளனர். அதற்கு மடங்கவில்லை என்றதும், சமாதானம் பேசியுள்ளனர், சசிகலா உறவினர்கள். சமாதானம் பேசச் சென்றவர்கள், உங்களுடைய பலம் எல்லோரும் அறிந்ததுதான். இடையில் உங்கள் குடும்பத்தில் ஏற்பட்ட பிரச்னையைத் தொடர்ந்துதான், ஜெயலலிதா அம்மா உங்களை, அமைச்சரவையில் இருந்து ஒதுக்கி வைத்தார். இருந்தபோதும் உங்களுக்குள்ள மக்கள் செல்வாக்கை அம்மா என்றைக்கும் மறந்தது இல்லை; அதற்காக, உங்களுக்கான வாய்ப்பை மறுத்ததும் இல்லை. அப்படித்தான், கடந்த சட்டசபை தேர்தலின் போதும் அம்மா, உங்களுக்கான வாய்ப்பை வழங்கினார். ஆக, கட்சியில் நீங்கள் எப்போதும் ஆசிர்வதிக்கப்பட்ட நபராகத்தான் இருந்துள்ளீர்கள். அம்மாவும், உடல் நிலை மோசமாவதற்கு முன், மீண்டும் உங்களை அமைச்சராக்கத்தான் திட்டம் வைத்திருந்தார். அதற்குள், அவருக்கு உடல்நிலை மோசமாகி விட்டது. அம்மாவின் கனவுகளை; லட்சியங்களை எல்லாவிதங்களிலும் நிறைவேற்றி வரும் சசிகலா, உங்களுக்கு கட்சியிலும்; ஆட்சியிலும் முக்கியப் பொறுப்பை வழங்கத் திட்டமிட்டுள்ளார். அதற்கு முன்னதாக, ஒரு காரியத்தை நீங்கள் செய்துவிட்டு சசிகலாவை சந்தியுங்கள் என்று சொல்லி, ஏற்கனவே தயார் செய்யப்பட்ட ஒரு அறிக்கையை அவரிடம் கொடுத்து, அதில் கையெழுத்திட்டு, அதை வெளியிட வைத்துள்ளனர்.

அறிக்கை ஏன்:

அந்த அறிக்கையின் சாராம்சமாக, ஜெயலலிதாவின் எண்ணங்களுக்கு விரோதமாக தான் செயல்பட மாட்டேன் என்பது போல இருந்தாலும், மறைமுகமாக, சசிகலாவுக்கு எதிர்ப்பாக நான் இருக்க மாட்டேன் என்பதுதான். இப்படி அறிக்கை வெளியிட வைத்தவர்கள், அடுத்த சில மணிகளிலேயே, செங்கோட்டையனை, போயஸ் கார்டனுக்கு அழைத்துச் சென்றுள்ளனர். அங்கு, செங்கோட்டையனை சசிகலாவும், அவரது உறவினர்கள் சிலரும் சந்தித்துள்ளனர். அவர்கள், செங்கோட்டையன் புகழ் பாடி உள்ளனர். சசிகலாவும், முடிந்த அளவுக்கு செங்கோட்டையன் புகழ் பாடி உள்ளார். போயஸ் தோட்டத்துக்கு போய் வந்த பின், செங்கோட்டையன், சசிகலா புகழ் பாட ஆரம்பித்து விட்டதாகக் கூறுகின்றனர்.

செங்கோட்டையன் எதையும் செய்யாமல், விரக்தியில் ஒதுங்கித்தான் இருந்தார். ஆனால், செங்கோட்டையன் பெயரை குறிப்பிட்டு, அவரைப் போன்ற சீனியர்கள்தான், கட்சியின் அடுத்த பொது செயலராக வர வேண்டும் என, கட்சியில் இருந்து நீக்கப்பட்டுள்ள சசிகலா புஷ்பா கூறியதோடு, பொது செயலர் தேர்வுக்காக, கட்சியில் முறையான தேர்தல் நடத்தப்பட வேண்டும்; அதை தேர்தல் கமிஷன் கண்காணிக்க வேண்டும் என, தேர்தல் கமிஷனுக்கு கடிதம் எழுதினார். சீனியர் தலைவர்கள் ஆதரித்தால், தானே சசிகலாவை எதிர்த்து போட்டியிடுவேன் எனவும் கூறியிருந்தார். இதையடுத்துத்தான், சசிகலா புஷ்பா பெயர் குறிப்பிட்டு கூறிய சீனியர் தலைவர்கள், தனக்கு எதிராக திரண்டு விடக்கூடாது என, ஒவ்வொருவராக, சமாதானப்படுத்தி, அவர்களை அணி திரளாமல் பார்த்துக் கொள்ளும் பணியில் படு தீவிரமாக களம் இறங்கி பாடுபட்டு வருகிறார் சசிகலா.

சசிகலா புஷ்பா கடித விபரம்:

தலைமைத் தேர்தல் கமிஷனுக்கு சசிகலா புஷ்பா எழுதிய கடித விவரம்;
அ.தி.மு.கவில் வலிமை வாய்ந்த பொதுச் செயலர் பதவிக்கான தேர்வு விரைவில் நடக்க இருக்கிறது. கட்சியின் விதிகளுக்குட்பட்டு தேர்தல் நடத்தப்படுகிறதா என்பதை, தேர்தல் ஆணையம் கண்காணிக்க வேண்டும். பொதுக்குழு உறுப்பினர்களுக்கு அழுத்தம் கொடுத்து, சிலர் பதவிக்கு வர நினைக்கின்றனர். தேர்தல் கமிஷனின் முழுக் கண்காணிப்பில் தேர்தல் நடத்தப்பட வேண்டும். தேர்தலில் போட்டியிட விரும்புகின்றவர்களுக்கு உரிய வாய்ப்பு வழங்கப்பட வேண்டும்.இவ்வாறு அந்தக் கடிதத்தில் குறிப்பிடப்பட்டுள்ளது.

சசிகலாவுக்கு எதிரான மனநிலையில் உள்ளவர்களைத் திரட்டி, பொதுக் குழு உறுப்பினர்களுக்கு முழு சுதந்திரம் தரும் வகையில் இந்தக் கடிதத்தை எழுதியிருந்தார்.சசிகலாவுக்கு எதிராக கிளம்பிய செங்கோட்டையனை மடக்கிப் போட்டதைப் போல, எதிர் கோஷ்டியைச் சேர்ந்த தலைவர்கள் பலரையும் வரிசையாக மடக்கவும், சசிகலா தரப்பினர் திட்டமிட்டு செயல்படுகின்றனர். ஆனால், சசிகலாவின் இத்தனை முயற்சிகளுக்கும் எதிராக கட்சித் தொண்டர்களின் மனநிலை இருப்பதால், அவர்களையும் சமாதானப்படுத்தும் வகையில், சில திட்டங்களையும் சசிகலா உறவினர்கள் தீட்டி, அதை செயல்படுத்த தயாராக இருப்பதாகக் கூறப்படுகிறது.

சசிகலாவுக்கு எதிராக சசிகலா:

கட்சியில் இருந்து நீக்கப்பட்டிருந்தாலும், சசிகலா புஷ்பா இன்றளவிலும், கட்சியின் ராஜ்யசபா உறுப்பினராக உள்ளதால், பொதுக் குழு உறுப்பினராக பொதுக் குழு கூட்டம் நடத்தினால், போலீஸ் பாதுகாப்போடு கூட்டத்திற்கு வர திட்டமிட்டுள்ளார். கூடவே, சசிகலா பொதுச் செயலர் பதவிக்கு போட்டியிட்டால், அவரை எதிர்த்து போட்டியிடவும், கட்சியினரிடம் ஆதரவு திரட்டி வருவதால், பொதுக் குழு கூட்டத்தை சச்சரவுகள் இல்லாமல் பாதுகாப்பாக நடத்தவும், சசிகலாவும் உறவினர்களும் யோசித்து வருகின்றனர்.

English Summary:

Chennai: The new general secretary unopposed Digg itself, a serious effort to choose, jayalalithaa Shashikala's girlfriend is down. From thereto, have started to work with his family.

Read More

நடராஜனை சிறையில் தள்ளியதற்காக ஜெ.வை பழிவாங்கி விட்டார் சசிகலா.. சசிகலா புஷ்பா பகீர் குற்றச்சாட்டு

சென்னை : 2011ஆம் ஆண்டு சதி செய்த துரோகிகள் என சசிகலா நடராஜன் கும்பலை பற்றி ஜெயலலிதா கூறியுள்ளார். 2011ம் ஆண்டு கணவர், அண்ணனை சிறையில் தள்ளியதற்கு ஜெயலலிதாவை பழிவாங்கிவிட்டார் சசிகலா என்றும் சசிகலா புஷ்பா குற்றம் சாட்டியுள்ளார்.

அதிமுக ராஜ்யசபா எம்.பியாக இருந்த சசிகலா புஷ்பா கடந்த சில மாதங்களுக்கு முன்பாக கட்சியை விட்டு நீக்கப்பட்டார். அது முதலே ஊடகங்களில் பரபரப்பாக பேட்டியளித்து வருகிறார்.

ஜெயலலிதா உடல் நலக்குறைவால் அப்பல்லோவில் அனுமதிக்கப்பட்ட நாள் முதலே சசிகலாவிற்கு எதிராக பேட்டியளித்து வருகிறார். ஜெயலலிதா மரணமடைவதற்கு முன்பாகவே அவர் உயிருடன்தான் இருக்கிறாரா என்று சந்தேகம் எழுப்பினார். இந்த நிலையில் இன்று சசிகலா நடராஜனுக்கு எதிராக புதிய புகார் ஒன்றை கிளப்பியுள்ளார் சசிகலா புஷ்பா.

மரணமடைந்த ஜெயலலிதாவின் உடன் ராஜாஜி ஹாலில் வைக்கப்பட்டிருந்தது. ஜெயலலிதாவின் உடலை சுற்றியும் அவரது மன்னார்குடி குடும்பத்தினர்தான் நின்று கொண்டிருந்தனர். சசிகலா குடும்பத்தினர் நின்று கொண்டிருந்தது பலருக்கும் பல கேள்விகளை எழுப்பியது. அதுவும் பார்வையாளர்கள் அருகில் சென்று விடாமல் ஒருவர் நந்தி போல நின்று கொண்டிருந்தார். பிரதமர் மோடி வந்தபின்னரே அந்த நபர் நகர்ந்தார்.

இந்த நிலையில் இன்று சென்னையில் பேட்டியளித்துள்ள சசிகலா புஷ்பா, ஜெயலலிதாவின் உடலை சுற்றிக் கொண்டு சசிகலா கும்பல் சிரித்து கொண்டிருந்தது வேதனையாக இருந்தாக குறிப்பிட்டுள்ளார்.

ஜெயலலிதா உடல் பக்கத்தில் நின்று ஒருசொட்டு கண்ணீர் கூட வடிக்காதவர் சசிகலா. அவரது உடலை சுற்றிக் கொண்டு சசிகலா கும்பல் சிரித்து கொண்டிருந்தது வேதனையாக இருந்தது என்று கூறியுள்ளார். மேலும் அவர், சசிகலா கும்பலால் ஒன்றும் ஜெயலலிதா உருவாக்கப்படவில்லை என்றும் குறிப்பிட்டுள்ளார்.

துரோகிகள் :

2011-ம் ஆண்டு சதி செய்த துரோகிகள் என சசிகலா நடராஜன் கும்பலை பற்றி ஜெயலலிதா கூறியுள்ளார். 2011ம் ஆண்டு தம்மை வெளியேற்றியதற்கு ஜெயலலிதாவை பழிவாங்கிவிட்டார் சசிகலா என்றும் குற்றம் சாட்டியுள்ளார். கணவர், அண்ணனை சிறையில் தள்ளியதற்கு பழிவாங்கிவிட்டார் சசிகலா என்றே அதிமுக தொண்டர்கள் வேதனை படுகின்றனர் என்றும் சசிகலா குற்றம் சாட்டியுள்ளார்.

சசிகலா கும்பல்:

தனது கணவனை பழிவாங்கிவிட்டார் என்பதற்காக ஜெயலலிதாவை சசிகலா பாடாய் படுத்திவிட்டார். ஜெயலலிதாவை ஏன் இழந்தோம் என்பதை அதிமுக தொண்டர்கள் சிந்தித்து பார்க்க வேண்டும். மேலும் ஜெயலலிதா உடல்நலம் ஏன் திடீரென்று குன்றியது என்பதையும் யோசிக்க வேண்டும் எனவும் கூறியுள்ளார் சசிகலா புஷ்பா. ஜெயலலிதா மறைவு எனக்கு அரசியல் ரீதியாக பேரிழப்பு என்றும் தெரிவித்துள்ளார்.

சசிகலா புஷ்பா குற்றச்சாட்டு :

சசிகலா கும்பலின் ஆட்டத்தால்தான் சொத்துக்குவிப்பு வழக்கு பதிவுசெய்யப்பட்டது என சசிகலா புஷ்பா குற்றம் சாட்டியுள்ளார். ஒரு டிவி சேனலுக்கு பேட்டியளித்த சசிகலாவின் கணவர் நடராஜன், புரட்சித்தலைவரின் இரட்டை இலையும் புரட்சித்தலைவி அம்மாவுடைய உழைப்பும் இருக்கும் வரை அதிமுக தொடரும். புரட்சித்தலைவரை அடக்கம் செய்தபோது யார் அடுத்த தலைவர் என்பதை தேர்வு செய்த மிக முக்கியமான தலைவர்களாக நாங்கள் இருந்தோம். அவர்களில் பலர் பல்வேறு இடங்களில் இருக்கிறார்கள் என்று கூறியிருந்தார் என்பது குறிப்பிடத்தக்கது.

English summary:

Expelled AIADMK MP Sasikala Pushpa talked about Jayalalithaa's death,amma fell sick naturally or was forced to become sick, the expelled Rajya Sabha MP said.

Read More

இந்தியாவை உற்று பார்க்க வைத்த மோடியின் அந்த இரு போட்டோக்கள்!

சென்னை: ஜெயலலிதா மறைவு அஞ்சலி நிகழ்ச்சியில் பங்கேற்க வந்திருந்த மோடியின் இரு போட்டோக்கள் அகில இந்தியாவையும் உற்று பார்க்க வைத்தது.

 ராஜாஜிஹாலில் ஜெயலலிதா உடல் அருகே நின்றிருந்த சசிகலா, மோடியை பார்த்ததும் குலுங்கி அழ, அவரது தலையில் தனது இடது கையை வைத்து, மோடி ஆறுதல் கூறிய போட்டோ ஒன்று என்றால், தேம்பிய பன்னீர்செல்வத்தை அரவணைத்து கட்டிபிடித்துக் கொண்டது மற்றொன்று.

இரு போட்டோக்களுமே வேறு வகையான விவாதப்பொருளை உருவாக்கியுள்ளன.

மோடியின் பரிவு:

பதவியிலிருந்த ஒரு முதல்வர் இறந்ததால் அவருக்கு அஞ்சலி செலுத்த பிரதமர் வருகை தந்தது நட்பையும் கடந்த புரோட்டோக்கால் நடைமுறையாகும். எனவே அவர் நடைமுறைப்படி பூங்கொத்தை, ஜெயலலிதாவின் உடல் அருகே வைத்துவிட்டு சென்றிருக்க வேண்டும். ஆனால், அதையும் கடந்து குடும்பத்தில் ஒருவரை போல பரிவு காட்டினார் மோடி.

பன்னீர் செல்வம் பிறகுதான்:

ஜெயலலிதாவுடனான தனிப்பட்ட நட்பிற்காக மோடி இதை செய்திருப்பார் என்றாலும் கூட, அதற்காக அவர் ஆறுதல் கூற தேர்ந்தெடுத்த நபர் இதில் முக்கியமானவர். ஆம்.. ஜெயலலிதாவுக்கு பிறகு தமிழகத்தில் முதல்வராக பதவியேற்ற பன்னீர் செல்வம், தரையில் அமர்ந்திருக்க, அரசு பதவியில் இல்லாத சசிகலாவுக்கு பிரதமர் முதலில் ஆறுதல் கூறினார் என்பது சிலருக்கு கேள்வியாக எழுந்துள்ளது. சசிகலாவின் உறவினர்களையும் தேடி தேடி மோடி ஆறுதல் கூறியது அதில் இன்னொரு பெரும் கேள்வி.

உறவுக்காரர்களையும் தேடிபிடித்தார் :

சசிகலா அன்டு கோவுக்கு ஆறுதல் கூறியபிறகே, முதல்வரான பன்னீர்செல்வத்தின் பக்கம் வந்தார் மோடி. சசிகலா, ஜெயலலிதாவின் உடன்பிறவாத தோழி என்ற வகையில் ஆறுதல் கூறியதாகவே இருந்தாலும், அவரின் உறவுக்காரர்களையும் தேடி தேடி மோடி ஆறுதல் கூறி அந்த இடத்தையே சோகமயமாக்கிவிட்டார்.

தமிழ்நாட்டில் இப்படி:

ஆனால், மோடியின் ஆறுதல் சொல்லும் போட்டோ அகில இந்தியாவிலும் வைரலாகியுள்ளது. அதே சமயம், பன்னீர் செல்வத்திற்கு கை கொடுத்து திமுக பொருளாளர் ஸ்டாலின் கூறிய ஆறுதல் போட்டோ தமிழக நெட்டிசன்களிடம் வைரலாக ஷேர் செய்யப்பட்டு வருகிறது.

English summary:

PM Modi's friendly approach towards Sasikala and O.Pannerselvam is become debatable topic across the India.

Read More

ஜெயலலிதாவின் கோடநாடு சொத்து சசிகலாவுக்கு, போயஸ் இல்லம் இளவரசி மகனுக்கு?

சென்னை: முன்னாள் முதல்வர் ஜெயலலிதாவின் பெயரிலுள்ள சொத்துக்கள் யார் யாருக்கு செல்லும் என்பது குறித்து, ஆங்கில செய்தி ஊடகம் ஒன்று பரபரப்பு டிவிட்டை வெளியிட்டுள்ளது.

ஜெயலலிதா பொது வாழ்க்கைக்கு வரும் முன்பே, சினிமா மூலம் கணிசமாக வருவாய் ஈட்டியவர். அவருக்கு ரூ.113.73 கோடி மதிப்புள்ள சொத்துக்கள் உள்ளன. இதில் அசையக்கூடிய சொத்துக்கள் மதிப்பு ரூ.41.63 கோடியாகும். அசையாத சொத்துக்கள் மதிப்பு ரூ.72.09 கோடியாகும். ரூ.2.04 கோடி கடன் இருப்பதாகவும் ஜெயலலிதா அறிவித்திருந்தார்.

இந்நிலையில், ஜெயலலிதாவின் கொடநாடு சொத்து சசிகலா நடராஜனுக்கும், போயஸ் கார்டன் இல்லம், இளவரசியின் மகன் விவேக் கிற்கும் செல்ல உள்ளதாக இந்தியா டுடே செய்தி நிறுவனம் ஒரு டிவிட்டில் தெரிவித்துள்ளது.

English summary

Jayalalithaa's Kodanadu & Seervayi property will go to Sasikala Natarajan; Poes Garden to Vivek, son of Ilavarasi, says India Today.

Read More

ஜெ.வுக்கு என்னாச்சு? மக்கள் தெரிந்து கொள்ள விரும்புகின்றனர்- சசிகலா புஷ்பா

டெல்லி: சென்னை அப்பல்லோ மருத்துவமனையில் அனுமதிக்கப்பட்டுள்ள முதல்வர் ஜெயலலிதாவின் உடல்நிலைக்கு என்னதான் ஆனது? என்பதை அறிய மக்கள் விரும்புவதாக அதிமுகவில் இருந்து நீக்கப்பட்ட ராஜ்யசபா எம்பி சசிகலா புஷ்பா வலியுறுத்தியுள்ளார்.

அப்பல்லோவில் சிகிச்சை பெற்று வரும் ஜெயலலிதாவுக்கு நேற்று திடீரென மாரடைப்பு ஏற்பட்டது. இச்செய்தி தமிழகம் முழுவதும் பெரும் அதிர்ச்சியை ஏற்படுத்தியது.

 இச்செய்தி வெளியானதைத் தொடர்ந்து அதிமுகவினர் அப்பல்லோ மருத்துவமனையில் பல்லாயிரக்கணக்கில் பதற்றத்துடன் குவிந்துள்ளனர். இந்த நிலையில் டெல்லியில் ஏஎன்ஐ செய்தி நிறுவனத்துக்கு சசிகலா புஷ்பா அளித்த பேட்டியில், ஜெயலலிதா உடல்நிலை பற்றிய தகவலில் வெளிப்படைத்தன்மையே இல்லை.

அவருக்கு என்னதான் ஆனது? என்பது குறித்து அறிய பொதுமக்கள் ஆவலாக உள்ளனர். இந்த விவகாரத்தில் பிரதமர் மோடி கண்டிப்பாக தலையிட வேண்டும் எனக் கூறியுள்ளார்.

ஏற்கனவே ஜெயலலிதாவின் உடல்நிலை பாதிப்புக்கு சசிகலா நடராஜனே காரணம் என குற்றம்சாட்டி வருகிறவர் சசிகலா புஷ்பா என்பது குறிப்பிடத்தக்கது.

English summary:

 Expelled ADMK MP Sasikala Pushpa Sasikala Pushpa said that there needs to be transparency and asks PM to intervene in the Tamilnadu CM Jayalalithaa health issue.

Read More

தமிழக போலீசின் கைது நடவடிக்கை... ராஜ்யசபா உரிமை மீறல் குழுவிடம் சசிகலா புஷ்பா தஞ்சம்

சென்னை: பாலியல் புகார் வழக்கு, வக்கீல் வீடு தாக்கப்பட்ட வழக்கு என்று ஏதாவது ஒரு வழக்கில் சசிகலா புஷ்பாவை ஒருமுறையாவது கைது செய்து விடவேண்டும் என்பதில் குறியாக இருக்கிறது தமிழக காவல்துறை. கைது நடவடிக்கையில் இருந்து தப்பிக்க உச்சநீதிமன்றத்தின் உதவியை நாடி தடை உத்தரவு பெற்று தப்பித்து வருகிறார் புஷ்பா.

பாலியல் புகார் வழக்கு, வக்கீல் வீடு தாக்கப்பட்ட வழக்கு என்று மாறி மாறி வழக்குகள் பதிவு செய்யப்பட்டாலும் முன்ஜாமீன் கோரி மனு தாக்கல் செய்கிறார். உயர்நீதிமன்றத்தில் மனு தள்ளுபடி செய்யப்பட்டாலும் உச்சநீதிமன்றம் ஆபத்பாந்தவானாக இருக்கிறது சசிகலா புஷ்பாவிற்கு.

இந்த நிலையில், தமிழக காவல்துறையின் தனக்கு எதிரான நடவடிக்கைக்குறித்து பா.ஜ.க.தலைவர்களிடம் பேசினார் சசிகலா புஷ்பா. அப்போது அவர்கள் வேறு ஒரு புது யோசனை கூறியுள்ளார்களாம்.

அதன்படி ராஜ்யசபாவின் உரிமை மீறல் குழுவின் சேர்மனுக்கு ஒரு கடிதம் தந்துள்ளார் புஷ்பா. அதில் பல விபரங்களை சொல்லியிருக்கிறாராம். நாடாளுமன்றத்தின் குளிர்கால கூட்டத்தொடர் முடிவதற்குள், தமிழக அரசின் உயரதிகாரிகளுக்கு சம்மன் அனுப்பி விளக்கம் கேட்கவிருக்கிறதாம் உரிமை மீறல் குழு.

அதே நேரத்தில் ரூபாய் நோட்டுக்கள் விவகாரத்தில் நாடாளுமன்றமே முடக்கப்பட்டு வரும் சூழலில், புஷ்பாவின் கோரிக்கை சாத்தியப்படாது என்கிறது அதிமுக எம்.பி.க்கள் வட்டாரம்.

English summary:

 Sacked ADMK MP Sasikala Puhpa has approached the Parliamentary panel to save herself from the TN police from arrest.

Read More