அடுத்தடுத்து சமூக வலைதளங்களில் வீரர்கள் புகார்; ராணுவம் அதிர்ச்சி

புதுடில்லி: பிஎஸ்எப் வீரர்களுக்கு மோசமான உணவு வழங்கப்படுவதாக வீரர் தேஜ் பகதூர் புகார் கூறி பரபரப்பை ஏற்படுத்திய நிலையில், ராணுவ வீரர் ஒருவர், தான் அடிமைப்போல் நடத்தப்படுவதாக புகார் கூறியுள்ளது அதிர்ச்சியை ஏற்படுத்தியுள்ளது. இது குறித்து விசாரணை நடத்த ராணுவம் உத்தரவிட்டுள்ளது.

ராணுவ வீரர் சிந்தவ் ஜோகிதாஸ் சமூக வலைதளத்தில் வெளியிட்ட வீடியோ: விடுமுறையை இரண்டு நாள் நீட்டித்ததற்காக எனக்கு கடுமையான தண்டனை அளிக்கப்பட்டது. இதனை ஏற்க மறுத்ததால், 7 நாள் காவலில் வைத்தனர். என்னை அடிமைப்போல் நடத்தினர். போதிய உணவு வழங்கப்படவில்லை. உயிர் வாழவே உணவு வழங்கினர். உதவி கேட்டு பிரதமர் மற்றும் பாதுகாப்பு அமைச்சகத்திற்கு கடிதம் அனுப்பினேன். ஆனால், எந்த உதவியும் கிடைக்கவில்லை. ராணுவம் வெளியிட்ட வாடஸ் அப் எண் மூலம் புகார் அளித்தும் பதில் கூட வரவில்லை. பிரதமர் அலுவலகத்திற்கு புகார் அனுப்பியதற்காக நடவடிக்கை எடுக்க உத்தரவிட்டனர். இவ்வாறு அவர் கூறியுள்ளார். இது குறித்து விசாரணை நடத்தும்படி ராணுவம் உத்தரவிட்டுள்ளது.

இது தொடர்பாக ராணுவ அதிகாரிகள் கூறுகையில், ராணுவ வீரர் ஜோகிதாஸ் தொடர்ச்சியாக தவறு செய்து வந்தார். இதற்காக அவர் சஸ்பெண்ட் செய்யப்பட்டவர் என்றனர். 

Read More

மேலதிகாரிகள் மீது புகார் கூறிய ராணுவ வீரர் தற்கொலை

மும்பை: தனது மேலதிகாரிகளால் கொத்தடிமையாக நடத்தப்பட்டதை சமூக வலைதளங்கள் அம்பலப்படுத்திய ராணுவ வீரர் மர்மமான முறையில் இறந்து கிடந்தார்.

கேரளாவைச் சேர்ந்தவர் ராய் மேத்யூ, 33வயது ராணுவ வீரர், இவர் தாம் பணியாற்றிய இடத்தில் மேல் அதிகாரிகளால் பல வகைகளில் கொத்தடிமையாக ( ஆர்டலியாக) இருந்து வந்ததையும்,

தன்னை போன்று தனது சக ராணுவ வீரர்கள் ஆர்டலிகளாக பணியாற்றியதை ஸ்டிங் ஆபரேஷன் மூலம் வீடியோவாக பதிவு செய்து சமூக வலைதளங்களில் பரப்பினார். இது வைரலாக பரவி சர்ச்சையை ஏற்படுத்தியது.இது தொடர்பாக ராணுவம் உயர்மட்டவிசாரணைக்கு உத்தரவிட்டிருந்தது.இந்நிலையில் கடந்த பிப். 25-ம் தேதி ராய் மேத்யூ திடீரென காணாமல் போனார். போலீசார் தேடி வந்த நிலையில் மகாராஷ்டிரா மாநிலம் நாசிக்கின் தியோலாலி கண்டோன்மென்டில் பாழடைந்த கட்டடம் ஒன்றில் தூக்கில் தொங்கிய நிலையில் பிணமாக மீட்கப்பட்டார். இவரது சாவில் மர்மம் இருப்பதாக உறவினர்கள் தெரிவித்துள்ளனர்.

English summary:

MUMBAI: Social networking sites carried out by his superiors for exposing sweatshop soldier was found dead in mysterious circumstances.

Read More

சமூக வலைதளங்களில் கசிந்த கேரள பட்ஜெட்

திருவனந்தபுரம்: சட்டசபையில் தாக்கல் செய்யப்படும் முன்னரே சமூக வலைதளங்களில் கேரள மாநில அரசின் பட்ஜெட், கசிந்து விட்டதாக எதிர்க்கட்சிகள் குற்றம்சாட்டியுள்ளன.

கேரளாவில் பினராயி விஜயன் தலைமையில் இடதுசாரிகளின் ஆட்சி நடைபெற்று வருகிறது. நிதியமைச்சராக தாமஸ் ஐசக் உள்ளார். இன்று அவர் அரசின் முழுமையான முதல் பட்ஜெட்டை தாக்கல் செய்தார். இதில் பல்வேறு திட்டங்கள் அறிவிக்கப்பட்டன. ஆனால், பட்ஜெட் தாக்கலுக்கு முன்னர் பேஸ்புக் உள்ளிட்ட சமூக வலைதளங்களில் வெளியானதாக எதிர்க்கட்சிகள் குற்றம்சாட்டியுள்ளன. மாநில அரசிற்கு கண்டனம் தெரிவித்துள்ளன.

எதிர்க்கட்சி தலைவர் ரமேஷ் சென்னிதாலா கூறுகையில், சட்டசபையில் பட்ஜெட் தாக்கலுக்கு முன்னர் சமூக வலைதளங்களில் கசிந்து விட்டது. இதனால் பட்ஜெட் தனது நம்பகத்தன்மையை இழந்தவிட்டது . மேலும் சட்டசபையில் நிதியமைச்சர் பட்ஜெட் தாக்கல் செய்த போது, சட்டசபை வளாகத்தில் ரமேஷ் சென்னிதாலா, சமூக வலைதளங்களில் கசிந்த பட்ஜெட் அறிக்கையை வாசித்து காட்டினார்.

Read More

இன்று முதல் சமூக வலைதளங்களில் பிரசாரம்: பாண்டியராஜன்

சென்னை : சென்னை கிரீன்வேஸ் சாலையில் உள்ள முன்னாள் முதல்வர் ஓ.பன்னீர்செல்வத்தின் வீட்டில், அவரது ஆதரவு எம்.எல்.ஏ.,க்களின் ஆலோசனைக் கூட்டம் நடந்தது. ஆலோசனைக்கு பிறகு செய்தியாளர்களிடம் பேசிய முன்னாள் அமைச்சர் மாபா பாண்டியராஜன், இன்று முதல் சமூக வலைதளங்களில் பிரசாரம் மேற்கொள்ளப்படும். விரைவில் தமிழகம் முழுவதும் சுற்றுப் பயணம் செல்ல உள்ளோம் என தெரிவித்துள்ளார்.

Read More

வைரலாக பரவும் சசி சிறைக்குள் செல்லும் வீடியோ

பெங்களூரு: சொத்துக்குவிப்பு வழக்கில் 4 ஆண்டுகள் சிறை தண்டனை விதிக்கப்பட்ட சசிகலா, பெங்களூரு சிறைக்குள் செல்லும் காட்சி, சமூக வலைதளங்களில் வைரலாக பரவி வருகிறது.

வைரல் வீடியோ:

சொத்து குவிப்பு வழக்கில், நான்காண்டு தண்டனை பெற்ற, சசிகலாவும், இளவரசியும், பெங்களூரு பரப்பன அக்ரஹாரா மத்திய சிறையில், நேற்று (பிப்.,15) மாலை அடைக்கப்பட்டனர். இந்நிலையில் சிறைக்குள் சசிகலாவையும், இளவரசியையும் போலீசார் சிறைக்குள் அழைத்து சென்ற வீடியோ, சமூக வலைதளங்களில் தற்போது வைரலாக பரவி வருகிறது.

English Summary:

Bangalore: Sasikala was sentenced to 4 years in the case of assets, the display goes to prison in Bangalore, the viral spread of social networking sites.

Read More

பால்கன்' பறவைகளுக்கு விமான டிக்கெட் எடுத்த சவுதி இளவரசர்

துபாய் : விமான பயணத்தில் பயணிகளுக்கு இணையாக, பால்கன் பறவைகளும் பயணம் செய்ய சவுதி இளவரசர் டிக்கெட் எடுத்த விவகாரம் மற்றும் விமானத்தில் பால்கன் பறவைகள் இருக்கும் போட்டோ, சமூகவலைதளங்களில் வைரலாக பரவிவருகிறது.

இதுதொடர்பாக, துபாயில் இருந்து வெளியாகும் கலீஜ் டைம்ஸ் பத்திரிகையில் வெளியாகியுள்ள செய்தியில் தெரிவிக்கப்பட்டுள்ளதாவது:

பால்கன் பறவைகள், ஐக்கிய அரபு எமிரேட்ஸ் நாட்டின் தேசிய பறவை. சவுதி இளவரசர், இந்த பால்கன் பறவைகளை ஓரிடத்திலிருந்து வேறொரு இடத்திற்கு கொண்டு செல்லும் பொருட்டு, 80 டிக்கெட்களை புக் செய்து, அப்பறவைகளை சீட் உடன் கட்டி பாதுகாப்பான பயணம் மேற்கொள்ள வழிவகை செய்ய உத்தரவிட்டதாக அதில் தெரிவிக்கப்பட்டுள்ளது.

ஐக்கிய அரபு எமிரேட்ஸ் நாடுகளில், பால்கன் பறவைகளுக்கு என்று பிரத்யேக பசுமை பாஸ்போர்ட்கள் இருப்பதாகவும், இந்த பாஸ்போர்ட், பால்கன் பறவைகளை, பஹ்ரைன், குவைத், ஓமன், கத்தார், சவுதி அரேபியா, பாகிஸ்தான், மொனாக்கோ மற்றும் சிரியா நாடுகளின் வான்பரப்பில் பறக்க அனுமதி அளிக்கிறது.

இந்த 80 பால்கன் பறவைகளில், ஆறு பறவைகள், எகனாமி வகுப்பில் பயணம் செய்ததாக கத்தார் ஏர்வேஸ் தரப்பில் தெரிவிக்கப்பட்டுள்ளது.

English Summary:

Dubai: Flight passengers traveling parallel to the Balkans, the issue of birds and a plane ticket to travel to Saudi Prince Balkans are birds photo, social networking
as viral Spreading. 

Read More

சமூக வலைதளங்களில் பிரச்னையை பேசக்கூடாது : ராணுவ வீரர்களுக்கு எச்சரிக்கை

புதுடில்லி : சமூக வலைதளங்கள் மூலமாக தங்களது பிரச்சனைகளை ராணுவ வீரர்கள் பேசுவது தவறானது என்று அதிகாரிகள் தரப்பில் தெரிவிக்கப்பட்டுள்ளது.

இந்தியா - பாகிஸ்தான் எல்லையில் பணிபுரியும் எல்லைப் பாதுகாப்பு படையை சேர்ந்த ஒரு வீரரின் பேச்சு அடங்கிய வீடியோ சமூக வலைதளத்தில் பகிரப்பட்டு பரபரப்பை ஏற்படுத்தி வருகிறது. அதில் ராணுவ வீரர் ஒருவர், எல்லை பாதுகாப்பு படையில் மோசமான உணவு வழங்கப்படுவதாகவும், சில நேரங்களில் வெறும் வயிற்றோடு படுக்க செல்வதாகவும் குற்றம்சாட்டி இருந்தார். இது தொடர்பாக விசாரணை நடத்துமாறு மத்திய உள்துறை அமைச்சர் ராஜ்நாத் சிங் உத்தரவிட்டுள்ளார்.

இந்நிலையில், சமூக வலைதளங்கள் மூலமாக தங்களது பிரச்சனைகளை ராணுவ வீரர்கள் பேசுவது என்பது மிகவும் தவறானது என்று அவர்களது அதிகாரிகள் தரப்பில் தெரிவிக்கப்பட்டுள்ளது. இது தொடர்பாக துணை ராணுவத்தின் மூத்த கமாண்டே பிரசாத் கூறுகையில், சமூக வலை தளங்கள் மூலமாக பேசுவது ஆரோக்கியமானது அல்ல மற்றும் சரியானதும் அல்ல என்று தெரிவித்துள்ளார்.

English summary:

New Delhi: social networking sites to talk through their problems would be invalid soldiers, official sources said. 

Read More