ராமஜெயம் கொலை வழக்கு: சிபிஐக்கு மாற்ற கோரிய மனு மீதான தீர்ப்பு ஒத்திவைப்பு l

சென்னை: ராமஜெயம் கொலை வழக்கை சிபிஐக்கு மாற்ற கோரும் மனு மீதான தீர்ப்பு ஒத்திவைக்கப்பட்டுள்ளது. வழக்கை விசாரித்த சென்னை உயர்நீதிமன்ற மதுரை கிளை நீதிபதி பஷீர்அகமது தேதி குறிப்பிடாமல் தீர்ப்பை ஒத்திவைத்தார்.

 திமுக முன்னாள் அமைச்சர் கே.என்.நேருவின் சகோதரர் ராமஜெயம், கடந்த 2012ஆம் ஆண்டு மார்ச் 29ஆம் தேதியன்று திருச்சி பாலக்கரையில் கொடுரமான முறையில் கொலை செய்யப்பட்டார்.

 5 ஆண்டுகள் முடிவு :

ராமஜெயம் கொலை நடைபெற்று 5 ஆண்டுகள் கடந்தும் இதுவரை குற்றவாளிகள் ஒருவரைக்கூட போலீஸார் கைது செய்யவில்லை இவ்வழக்கை சிபிசிஐடி போலீஸார் விசாரித்து வருகின்றனர். இதனிடையே ராமஜெயம் கொலை வழக்கை சிபிஐ விசாரணைக்கு மாற்றக் கோரி அவரது மனைவி லதா உயர் நீதிமன்ற கிளையில் மனு தாக்கல் செய்து நிலுவையில் உள்ளது.

சிபிசிஐடி அறிக்கைகள் :

இந்த வழக்கு நீதிபதி பஷீர்அகமது முன் கடந்த வாரம் விசாரணைக்கு வந்தது. சிபிசிஐடி போலீஸார் சார்பில் 12வது விசாரணை அறிக்கை தாக்கல் செய்யப்பட்டது. ராமஜெயம் கொலை தொடர்பாக 300 காரணங்கள் அடிப்படையில் சிபிசிஐடி போலீஸார் விசாரணை நடத்தி வருகின்றனர் என்று அரசு தரப்பு வழக்கறிஞர் கோரினார். குற்றவாளிகளை நெருங்கிவிட்டோம். விசாரணை இறுதிகட்டத்தை அடைந்துள்ளது. எனவே மேலும் கால அவகாசம் வழங்க வேண்டும் என்று கூறினார்.

சிபிஐக்கு மாற்ற கோரிக்கை :

சிபிசிஐடி போலீஸார் ஒவ்வொரு முறையும் குற்றவாளிகளை நெருங்கிவிட்டதாகக் கூறுகின்றனர். ஆனால் இதுவரை குற்றவாளிகளை கண்டுபிடிக்கவில்லை. எனவே சிபிஐக்கு மாற்ற வேண்டும் என்று மனுதாரர் வழக்கறிஞர் ரவி வாதிட்டார்.

இரு தரப்பு வாதம்:

 இதையடுத்து, இந்த வழக்கு தொடர்பாக சிபிசிஐடி போலீஸார் தாக்கல் செய்துள்ள ரகசிய அறிக்கைகளை படித்து பார்க்க வேண்டியதுள்ளது என்று கூறி, விசாரணையை ஏப்ரல் 27ஆம் தேதிக்கு நீதிபதி ஒத்திவைத்தார். அதன்படி வழக்கு இன்று விசாரணைக்கு வந்தது. அப்போது ராமஜெயம் கொலை குறித்து 12 விசாரணை அறிக்கைகளை தாக்கல் செய்துள்ளதாக சிபிசிஐடி தரப்பில் விளக்கம் அளிக்கப்பட்டது. சிபிசிஐடி போலீசார் விசாரணையில் நம்பிக்கை இல்லை என லதா தரப்பு வழக்கறிஞர் நீதிமன்றத்தில் வாதிட்டார். சிபிஐக்கு வழக்கை விசாரிக்கும் தகுதி உள்ளதாகவும் லதா தரப்பு வழக்கறிஞர் வாதிட்டார்.

 சிபிஐ விசாரணைக்கு உத்தரவிடப்படுமா?

இருதரப்பு வாதங்களையும் கேட்ட நீதிபதி தீர்ப்பை ஒத்திவைத்து உத்தரவிட்டுள்ளார். ராமஜெயம் கொலை நடைபெற்று 5 ஆண்டுகள் ஆகின்றன. இதுவரை குற்றவாளியின் நிழலைக்கூட போலீசார் நெருங்கவில்லை. அறிவியல் ரீதியான விசாரணை நடைபெற்றும் குற்றவாளிகள் யார் என்று பிடிபடவில்லை. இந்த வழக்கை சிபிஐ விசாரிக்க நீதிபதி உத்தரவிடுவாரா என்ற எதிர்பார்ப்பு எழுந்துள்ளது.

English summary:

 Wife seeks CBI probe in Ramajayam murder case. Ramajayam murder case being probed from 300 angles cbcid told madras high court madurai bench. HC bench postponed verdict.

Read More

தற்கொலை செய்வேன்.. செத்துருவேன்.. "துடைச்சிக்குவேன்" புகழ் சம்பத் மீது பாயுமா வழக்கு?

சென்னை: அதிமுகவில் இருந்து தினகரனை ஒதுக்கியது முதல் லஞ்ச வழக்கில் கைதானது வரை எதற்கெடுத்தாலும் தற்கொலை செய்து கொள்வேன் என்று மிரட்டல் விடுக்கும் அவரது தீவிர ஆதரவாளர் நாஞ்சில் சம்பத் மீது வழக்கு பாயுமா? என்ற கேள்வி எழுந்துள்ளது.

நாஞ்சில் சம்பத் என்ற "மாபெரும்" மனிதரை தெரியாதவர்கள் யாரும் இல்லை. வைகோவின் மதிமுகவில் கொள்கை பரப்பு செயலாளராக இருந்த சம்பத், வைகோவுடன் ஏற்பட்ட கருத்து வேறுபாடு காரணமாக அதிலிருந்து விலகினார். கடந்த 2012-ல் ஜெயலலிதா முன்னிலையில் அதிமுகவில் இணைந்தார்.

அவருக்கு அதிமுகவின் கொள்கை பரப்பு துணை செயலாளர் பதவியை கொடுத்தார் ஜெயலலிதா. அத்துடன் தேர்தல் பிரசாரத்துக்கு பயன்படுத்துவதற்காக இன்னோவா காரையும் ஜெயலலிதா பரிசாக கொடுத்தார்.

சர்ச்சையில் சிக்கினார்:

இந்நிலையில் கடந்த 2015-ஆம் ஆண்டு சென்னையே வெள்ளத்தில் தத்தளித்தது. அதற்கு அதிமுக அரசு எவ்வித நடவடிக்கையும் எடுக்கவில்லை என்று மக்களே கொதித்து போய் இருந்தனர். அந்த நேரத்தில் அதிமுக செயற்குழு கூட்டம் வெகு விமரிசையாக நடந்தது. இதை எதிர்க்கட்சிகள் கண்டித்தன. அப்போது நாஞ்சில் சம்பத், பக்கத்து வீட்டில் இழவு விழுந்ததற்காக நம் வீட்டில் திருமணம் நடத்தாமல் இருக்க முடியுமா?, எறும்புகள் போகும் பாதை என்பதற்காக யானைதான் நடக்காமல் இருக்க முடியுமா? என்று கேள்வி கேட்டு சர்ச்சையை கிளப்பினார்.

பதவியை பறித்தார்:

இதைத் தொடர்ந்து அவருக்கு வழங்கிய கட்சிப் பதவியை ஜெயலலிதா பறித்துக் கொண்டார். கிட்டத்தட்ட கட்சியிலிருந்து ஓரங்கட்டப்பட்ட நிலையில் இருந்தார். இந்நிலையில் ஜெயலலிதா மறைவுக்கு பின்னர் சசிகலா தலைமையை ஏற்க மறுத்து கடந்த ஜனவரி 3-ந் தேதி கடுமையாக விமர்சித்தார் சம்பத், இன்னோவா காரை திருப்பி அனுப்பினார். அந்த நேரத்தில் சசிகலா பக்கம் அனைத்து அமைச்சர்கள், எம்எல்ஏ-க்கள் ,நிர்வாகிகள் சாயந்த நிலையில் ஒரு மானஸ்தனாவது அந்தக் கட்சியில் இருக்காரே என்று தமிழக மக்கள் பெருமை கொண்டனர்.

 தனது சுய நிறத்தை வெளிப்படுத்தினார் :

கட்சியிலிருந்து விலகிய 3 நாள்களில் சின்னம்மாவை தவிர வேறு யாராலும் கட்சியை சிறப்பாக நடத்த முடியாது, அவரது பெருமையை பறைசாற்ற தமிழகம் முழுவதும் சூறாவளி சுற்றுப்பயணம் மேற்கொள்ளவுள்ளதாக தெரிவித்து அந்தர் பல்டி அடித்தார் சம்பத். அதிமுக தலைமை அலுவலகத்தில் கொடுத்த இன்னோவாவையும் திரும்ப பெற்றுக்கொண்டார். இதுதான் தாமதம், நெட்டிசன்கள் அவரை கலாய்த்துவிட்டனர். சிலர் அவருக்கு போன் செய்து நீங்கள் என்ன சாப்பிடுகிறீர்கள் என்றும் கேட்டனர்.

 துடைச்சுக்குவேன் :

அண்மையில் அதிமுக இணைப்பு குறித்து சன் நியூஸ் சேனலுக்கு பேட்டி கொடுத்த சம்பத், தினகரனுக்கு ஆதரவு தருவதால் மக்கள் காறி துப்பினால் துடைச்சுக்குவேன் என்றார். ஒரு வேளை ஓபிஎஸ்ஸை அண்டி பிழைக்கும் நிலை ஏற்பட்டால் செத்துவிடுவேன்... தற்கொலை செய்து கொள்வேன் என்றும் தெரிவித்தார். இந்த பரபரப்பு அடங்குவதற்குள் , தினகரன் ஜெயிலுக்கு போனால் தற்கொலை செய்து கொள்வேன் என்கிறார்.

சட்டப்படி குற்றம் :

இந்திய சட்டப்படி கொலை செய்வது எப்படி குற்றமோ? தற்கொலை செய்து கொள்வது அதை விட குற்றம். தினகரன் சுதந்திர போராட்டத்தில் பாடுபட்டு ஜெயிலுக்கு போகிறாரா என்ன? தேர்தல் ஆணையத்துக்கு லஞ்சம் கொடுக்க முயற்சித்த வழக்கில்தான் சிறைக்கு செல்லவுள்ளார். இதற்கு உயிரை மாய்த்து கொள்வேன் என்பதா?. இவர் மீது சட்டப்படி வழக்கு பதிவு செய்ய வேண்டாமா? இவ்வாறு கூவினால் தினகரன் வெளியே வந்தவுடன் இன்னும் சற்று கூடுதலாக எலும்புத் துண்டுகளை வீசுவார் என்ற விசுவாசம் இருந்தாலும் இவரது பேச்சு அடுத்தவர்களை தற்கொலைக்கு தூண்டிவிடும் படி உள்ளது. எனவே இவர் மீது சட்ட நடவடிக்கை எடுக்க வேண்டுடாமா? என்பதுதான் பொதுமக்களின் கேள்வி.

English Summary:

Strict Action against Nanjil Sampath for stating if TTV Dinakaran will be put in jail, he will do suicide.

Read More

அதிமுகவை இணைத்திருப்பது எது தெரியுமா?: போட்டு உடைக்கும் எஸ்.வி.சேகர்

சென்னை : அதிமுக அம்மா அணி மற்றும் அதிமுக புரட்சித் தலைவி அம்மா அணி இணைப்பால் தமிழகத்தின் நிகழ்காலம் எப்படி இருக்கும் என்று நடிகரும். பாஜகவைச் சேர்ந்த மூத்தத் தலைவருமான எஸ்.வி.சேகர் டுவிட்டரில் ஒரு புதிரான கருத்தை பதிவிட்டுள்ளார்.

அதிமுகவில் எதிர்ப்பு கோஷத்தை கையில் எடுத்து ஓ.பன்னீர்செல்வம் பிப்ரவரி 7-ம் தேதி நடத்திய 45 நிமிட தியானத்தில் தொடங்கிய தமிழக அரசியல் அனல் 2 மாதங்களைக் கடந்தும் பரபரப்புக்கு பஞ்சமில்லாமல் சசிகலா,தினகரனை சிறைக்கு அனுப்பியது வரை அனுமார் வாலாக நீண்டு கொண்டே வருகிறது.

 அதிமுக அம்மா அணி(இபிஎஸ்), மற்றும் அதிமுக புரட்சித் தலைவி அம்மா அணி எப்போது வேண்டுமானாலும் இணையும் நாங்களெல்லாம் அண்ணன் தம்பிகள், இரு அணி பேச்சுவார்த்தை விரைவில் நடக்கும் என்று இரு அணியினரும் புதிர் போட்டு வருகின்றனர்.

 கடிவாளம் :

முதல்வர் எடப்பாடி பழனிசாமி தங்கள் அணியினர் மீடியாக்களிடம் பேச கடிவாளம் போட்டுள்ளார். அதனை மீடியாக்களை சந்திக்கும் அனைத்து அமைச்சர்களுமே இரு அணி பேச்சுவார்த்தை சுமூகமாக நடப்பதாக சொல்லி வைத்தார் போல ஒரே மாவை அரைத்து வருகின்றனர்.

குற்றச்சாட்டு ;

இந்நிலையில் அதிமுக இரு அணிகள் பேச்சுவார்த்தை நடத்துவது பற்றியும் கட்சியை இணைப்பது பற்றி மட்டுமே கவனம் செலுத்துவதாகவும் அரசு முற்றிலும் செயல்படாமல் முடங்கியிருப்பதாகவும் எதிர்க்கட்சியினர் குற்றம் சாட்டி வருகின்றனர்.

சுயநலம்:

இந்த வரிசையில் அதிமுக இணைப்பு பற்றி தனது டுவிட்டர் பக்கத்தில் கருத்து பதிவிட்டுள்ள நடிகரும் பாஜக மூத்தத் தலைவருமான எஸ்.வி.சேகர் இப்போது அதிமுகவின் இரு அணிகளும் இணைந்திருப்பதற்கு சுயநலம் ஒன்றே ஒன்று தான் காரணம் என்று கூறியுள்ளார்.

ஆபத்து :

அதுமட்டுமில்லையாம் இந்த சுயநல முடிவால் அதிமுகவின் எதிர்காலத்துக்கும் தமிழகத்தின் நிகழ்காலத்துக்கும் ஆபத்தாக இருக்கலாம் என்றும் எஸ்.வி சேகர் தெரிவித்துள்ளார்.

டவுட் :

2006 ஆம் ஆண்டு தமிழ்நாடு மாநில சட்டமன்றத் தேர்தலில், அ.தி.மு.க சார்பில் மைலாப்பூர் தொகுதி சட்டமன்ற உறுப்பினராகத் தேர்தெடுக்கப்பட்ட எஸ்.வி.சேகர் 2009ம் ஆண்டு அ.தி.மு.க-விலிருந்து வெளியேற்றப்பட்டார். இதையடுத்து தற்போது பாஜகவில் இணைந்து செயல்பட்டு வருகிறார் என்பது நோட் பண்ணப்பட வேண்டிய விஷயமாக உள்ளதால், இவர் தரப்பு கருத்தை எப்படி எடுத்துக்கொள்வது என்று டவுட்டாக உள்ளது.

English Summary:

 Film actor and bjp's senior leader s.ve.shekher tweeted that admk merger is not good for admk's future and tn's current situation

Read More

ஓ.பி.எஸ் சொல்றதுக்கெல்லாம் பதில் சொல்ல முடியாதுங்க... சி.வி. சண்முகம் காட்டம்

சென்னை: தமிழகத்தில் சட்டம்- ஒழுங்கு கெட்டுவிட்டதாக முன்னாள் முதல்வர் ஓ.பன்னீர் செல்வம் கூறுவதற்கெல்லாம் தன்னால் பதில் கூற முடியாது என்று அமைச்சர் சி.வி. சண்முகம் காட்டமாக தெரிவித்தார்.

அதிமுகவின் இரு அணிகளும் இணைவதற்கான பேச்சுவார்த்தைகள் நடப்பதற்கு முன்னரே இரு அணியினரும் முரண்பாடான கருத்துகளை தெரிவித்து அவர்களும் குழம்பி மக்களை குழப்பி வருகின்றனர்.

இந்நிலையில் ஒரு அணியினர் மீது மற்றொரு அணியினர் குறை கூறுவதும் என தொடர்ந்து நடைபெற்றுகத் கொண்டே வருகிறது.

நேற்று பேச்சுவார்த்தை :

இந்நிலையில் நேற்று நிறைந்த அமாவாசை தினம் என்பதால் பேச்சுவார்த்தை நடைபெறும் என்று எதிர்பார்க்கப்பட்டது. மேலும் அதிமுகவின் தலைமை கழகத்தில் கடந்த 3 நாள்களாக மாவட்ட செயலாளர்களுடன் முதல்வரும், மூத்த அமைச்சர்களும் ஆலோசனை நடத்தி வருகின்றனர்.

நல்ல நாள் என்பதால் :

அதிமுக தலைமை அலுவலகத்துக்கு நேற்று வந்த அமைச்சர் சிவி சண்முகம் மிகவும் பிரஸ்ஸான முகத்துடன் இன்று நல்ல நாள் என்பதால் பேச்சுவார்த்தை நடக்கலாம் என்றார். மேலும் தினகரன் குறித்து நிருபர்கள் கேட்டதற்கு, அவரை கட்சியிலிருந்து ஒதுக்கி விட்டோம். எங்களுக்கும், அவருக்கும் சம்பந்தமில்லை என்றார்.

சுயமுடிவு :

ஓ.பன்னீர் செல்வத்தின் கோரிக்கையை ஏற்று கட்சி அலுவலகத்தில் இருந்த சசிகலா பேனர்கள் அகற்றப்பட்டதாக கூறும் தகவல்கள் தவறு. இது எங்களது சொந்த முடிவு. அவர்கள் சொன்னதற்காக நாங்க செய்யவில்லை என்றார்.

எனக்கு தெரியாது:

இந்நிலையில் கட்சி அலுவலகத்துக்கு காட்டமாக வந்திருந்த சிவி சண்முகத்திடம், பே்ச்சுவார்த்தை குறித்து நிருபர்கள் கேள்வி எழுப்பினர். அதற்கு எனக்கு எதுவும் தெரியாது. நாங்க பேச்சுவார்த்தைக்கு தயார்னு சொல்லிட்டோம். ஆனால் அவர்கள் தினம் ஒரு பேச்சு பேசுகிறார்கள் என்றார்.

பதில் சொல்ல முடியாது :

கொடநாடு எஸ்டேட்டில் காவலாளி கொலை தொடர்பாக கருத்து தெரிவித்த ஓபிஎஸ், தமிழகத்தில் சட்டம்- ஒழுங்கு கெட்டுள்ளது என்றார். இதுகுறித்த கேள்விக்கு சிவி சண்முகம் பதிலளிக்கையில், ஆங்.. அவர் எல்லாத்தையும் சொல்வாரு... அதுக்கெல்லாம் நாங்க பதில் சொல்ல முடியாது என்று காட்டமாக தெரிவித்துவிட்டார்.

English summary:

ADMK Merger talks are going to start soon. Minister CV Shanmugam condemns O.Panneer selvam on his Kodanad Estate Security guard murder comment.

Read More

மழை வந்தது: மதுரை மண் குளிர்ந்தது

மதுரை: மதுரையில் கோடை வெயில் மக்களை வாட்டி வருகிறது. இதனால் குழந்தைகள் முதல் பெரியவர்கள் வரை மக்கள் பெரிதும் அவதிப்பட்டு வந்தனர். மக்கள் வெளியில் வரவே அச்சமடைந்தனர். மழை வருமா என எதிர்பார்த்து காத்திருந்த மக்களுக்கு ஏமாற்றம் தான் கிடைத்தது.

இந்நிலையில், இன்று 23 ம் தேதி மாலை திடீரென பலத்த இடி மின்னலுடன் பலத்த மழை பெய்தது. மதுரையின் கோரிப்பாளையம், பெரியார் பஸ் நிலையம் பகுதி, தெப்பக்குளம், அண்ணா நகர், கேகே நகர், பைபாஸ் ரோடு, தினமலர் அவின்யூ உள்ளிட்ட பல பகுதிகளில் நல்ல மழை பெய்தது. மழை காரணமாக வெயிலால் அவதிப்பட்ட மக்கள் மகிழ்ச்சியடைந்தனர். மழை தொடர வேண்டும் என கடவுளை வேண்டுவதாக கூறினர்.

English Summary:

Madurai: The summer heat in Madurai is gaining people. So people have been suffering from children and adults. People were afraid to come out. People who were waiting for the rain would get disappointed. 

Read More

ஆம்பூரில் பா.ஜ., செயற்குழு கூட்டம்

ஆம்பூர்: வேலூர் மாவட்டம் ஆம்பூரில் தமிழக பா.ஜ., செயற்குழு கூட்டம் துவங்கி நடந்து வருகிறது. மாநில தலைவர் தமிழிசை, மத்திய அமைச்சர் பொன்.ராதா கிருஷ்ணன் பா.ஜ., தேசிய செயலர் எச்.ராஜா மற்றும் மூத்த நிர்வாகிகள் பங்கேற்றுள்ளனர்.

Read More

பந்த்: பெருகும் ஆதரவு; வணிகர்கள் சங்கம் கடை அடைக்க முடிவு

சென்னை: விவசாயிகளுக்கு ஆதரவாக வரும் 25 ல் தமிழகத்தில் பந்திற்கு அழைப்ப விடுக்கப்பட்டுள்ளது. இந்த போராட்டத்தில் தி.மு.க., செயல் தலைவர் ஸ்டாலின் திருவாரூரில் கலந்து கொள்கிறார்.

வணிகர் சங்கம் ஆதரவு:

இதனிடையே, இந்த பந்திற்கு தமிழக வணிகர் சங்க பேரவையும் ஆதரவு தெரிவித்துள்ளது. 60 லட்சத்திற்கு மேற்பட்ட வணிகர்கள் இந்த போராட்டத்தில் கலந்து கொள்வார்கள் எனவும், மாவட்ட தலைநகரங்களில் நடக்கும் போராட்டங்களிலும் அவர்கள் கலந்து கொள்வர் என வணிகர் சங்க தலைவர் வெள்ளையன் கூறினார்.

புதுச்சேரியில் ஆதரவு:

பந்திற்கு புதுச்சேரி தொழில் வர்த்தக சங்கங்களின் பேரமைப்பு ஆதரவு தெரிவித்துள்ளது. போராட்டத்திற்கு ஆதரவாக கடைகள் அடைக்கப்படும் என அறிவிக்கப்பட்டுள்ளது.

English Summary:

Chennai: In Tamil Nadu in favor of farmers In this struggle, DMK leader Stalin is attending Tiruvarur.

Read More

தினகரன் மீது புகார் அளிக்க முடிவு: மைத்ரேயன்

சென்னை: பணப்பட்டுவாடா தொடர்பாக தினகரன் மீது தேர்தல் ஆணையத்திடம் புகார் அளிக்க பன்னீர் அணியினர் முடிவு செய்துள்ளனர்.

பணப்பட்டுவாடா:

இதுதொடர்பாக பன்னீர் அணியை சேர்ந்த மைத்ரேயன் தெரிவிக்கையில், ஆர்.கே.நகரில் அமைச்சர்கள் மூலம் டி.டி.வி.தினகரன் பணப்பட்டுவாடா செய்கிறார். இதுகுறித்து தேர்தல் ஆணையத்திடம் புகார் அளிக்க உள்ளோம். டில்லியில் இன்று (மார்ச்,28) மதியம் 12 மணி அளவில் புகார் அளிக்க முடிவு செய்யப்பட்டுள்ளது. இவ்வாறு அவர் தெரிவித்தார்.

இடைத்தேர்தல்:

ஏப்ரல் 12 ம் தேதி ஆர்.கே.நகர் இடைத்தேர்தல் நடைபெற உள்ளது. இதில் சசிகலா அணியிலிருந்து, அ.தி.மு.க., அம்மா கட்சி சார்பில் டி.டி.வி.தினகரனும், பன்னீர் அணியிலிருந்து அ.தி.மு.க. புரட்சி தலைவி அம்மா கட்சி சார்பில் மதுசூதனன் போட்டியிடுவது குறிப்பிடத்தக்கது.

Read More

எம்.ஜி.ஆர் அம்மா தீபா பேரவை தேர்தல் அறிக்கை

ஆர்.கே.நகர்: ஆர்.கே. நகர் இடைத் தேர்தலில் போட்டியிடும் எம்.ஜி.ஆர் அம்மா தீபா பேரவை தனது தேர்தல் அறிக்கையினை வெளியிட்டுள்ளது.

வாக்குறுதிகள்:

மாணவர்கள் பயன்பெறும் வகையில் இலவச ஐஏஎஸ் பயிற்சி மையங்கள் அமைக்கப்படும். கொருக்குப்பேட்டையில் புதிதாக சுரங்க வழிப்பாதை ஏற்படுத்தி தரப்படும், பெண்களுக்கு இலவச தையல் பயிற்சி அளிக்கப்பட்டு இலவச தையல் மிஷின்கள் வழங்கப்படும். மீனவர்களுக்கு மானிய விலையில் படகுகள் மற்றும் உபகரணங்கள் வழங்கப்படும். மகளிர் சுயஉதவிக் குழுக்களுக்கு கடன் உதவி வழங்கப்படும். தண்டையார்பேட்டை சுற்றுவட்டார பகுதிகளில் குடிநீர் வசதி ஏற்படுத்தி தரப்படும். இவ்வாறு எம்.ஜி.ஆர் அம்மா தீபா பேரவை தேர்தல் அறிக்கை வெளியிட்டுள்ளது

Read More

ஆர்.கே.நகர் வேட்பாளர்களுக்கு தேர்தல் அதிகாரி அறிவுறுத்தல்

சென்னை:ஆர்.கே.நகர். இடைத்தேர்தலில் போட்டியிடும் வேட்பாளர்கள் என்ன செய்ய வேண்டும், என்ன செய்யக்கூடாது என தேர்தல் அதிகாரி பிரவீன் நாயர் அறிவுறுத்தி உள்ளார். வாக்காளர்களிடம் தவறாக நடந்து கொள்ளக்கூடாது. தேர்தல் முகவராக நியமிக்கப்பட்டவர் தகுதி உடையவராக இருத்தல் வேண்டும். முறைகேடுகளை தேர்தல் அலுவலரிடமே தெரிவிக்க வேண்டும். தேர்தல் அலுவலர் நடத்தும் கூட்டங்களில் வேட்பாளர்கள் கலந்து கொள்ள வேண்டும். வாக்காளர்கள் சுதந்திரமாக வாக்களிப்பதை நேரடியாகவோ, மறைமுகமாகவோ தடுக்க கூடாது. தேர்தல் முடிவு வெளியான 30 நாட்களில் வேட்பாளர்கள் வரவு செலவு கணக்கை தாக்கல் செய்ய தவறக்கூடாது. வேட்பாளர்கள் பெயர், சின்னம் குறித்த பூத் சிலிப் கட்சியினர் வழங்க கூடாது. இவ்வாறு வேட்பாளர்களுக்கு தேர்தல் அதிகாரி பிரவீன் நாயர் அறிவுறுத்தி உள்ளார்.

Read More

போராட்டக்குழுவினரிடம் புதுக்கோட்டை கலெக்டர் உறுதி

புதுக்கோட்டை: வடகாடு, நல்லாண்டார்கொல்லை போராட்டக்குழுவினரிடம் ஹை ட்ரோ -கார்பன் திட்டம் செயல்படுத்தப்படாது என்ற உத்தரவாத படிவத்தை அளித்தார் மாவட்ட கலெக்டர் கணேஷ். சட்டம் ஒழுங்கை பாதுகாக்கும் நோக்கில் இத்திட்டத்தை செயல்படுத்த மாட்டோம். வடகாட்டில் எண்ணெய் கிணற்றை அகற்ற தயாராக உள்ளோம் என மாவட்ட கலெக்டர் கணேஷ் உறுதி அளித்தார்.

Read More

மதுரை டி.எஸ்.பி.,க்கு பிடிவாரன்ட்

சத்தியமங்கலம்: மதுரை குடிமைப்பொருள் குற்ற புலனாய்வு டி.எஸ்.பி., முத்துச்சாமிக்கு பிடிவாரன்ட் பிறப்பிக்கப்பட்டுள்ளது. 2012ல் மதுவிலக்கு தொடர்பான வழக்கில் கோர்ட் சம்மன் அனுப்பியது. பலமுறை சம்மன் அனுப்பியும் விசாரணைக்கு ஆஜராகாததால் சத்தியமங்கலம் கோர்ட் பிடிவாரன்ட் பிறபிக்கப்பட்டுள்ளது.

Read More

இறுதி பட்டியலில் 62 வேட்பாளர்கள்: பிரவீன் நாயர்

சென்னை:சென்னை, ஆர்.கே.நகர் தொகுதியில் ஏப்ரல் 12ல் நடைபெற உள்ள இடைத்தேர்தலில் போட்டியிடும் இறுதி வேட்பாளர்கள் பட்டியலில் 62 பேர் போட்டியிடுகின்றனர். ஆர்.கே..நகர் தொகுதியில் 20க்கும் மேற்பட்ட பறக்கும் படையினர் சோதனையில்ஈடுபட்டுள்ளதாக தேர்தல் அதிகாரி பிரவீன் நாயர் தெரிவித்துள்ளார்.

Read More

பறக்கும் படையாக பன்னீர் டீம்: பணம் கொடுக்க தடுமாறும் அமைச்சர்கள்

சென்னை: ஆர்.கே.நகர் தொகுதி இடைத்தேர்தலில், போட்டியிடுகிறேன்; வெற்றி பெறுவேன் என்று, சசிகலா அணியின் வேட்பாளர் தினகரன், தைரியமாக சொல்லி வந்தாலும், உள்ளுக்குள் கடும் உதறலில் இருப்பதாக கூறப்படுகிறது.

போன் உத்தரவு:

ஒவ்வொரு முறை தேர்தல் பிரசாரத்துக்கு புறப்படுவதற்கு முன்னும், களத்தில் இருக்கும் அத்தனை அமைச்சர்களுக்கும் போன் போட்டு பேசுகிறார்.இன்றைக்கு எந்தப் பகுதிக்குச் சென்றீர்கள்? எவ்வளவு பேரை பார்த்தீர்கள்? எவ்வளவு பேருக்கும் எவ்வளவு கொடுக்கப்பட்டது என்ற விவரங்களையெல்லாம் கேட்கிறார். துவக்கத்தில் உற்சாகமாக பதில் அளித்த அமைச்சர்கள், சில நாட்களாக, தினகரன் கேட்கும் கேள்விகளுக்கு உற்சாகமாக பதில் அளிக்க முடியாமல் தடுமாறி வருவதாகக் கூறப்படுகிறது.

காரணம், அமைச்சர்கள் எங்கு பணம் கொடுக்கச் சென்றாலும், அந்தப் பகுதியில் முன் கூட்டியே, பன்னீர் தரப்பு ஆட்கள் குவிந்து விடுகின்றனர். பல இடங்களில் மக்களை வளைக்கவும் முடியாமல், பணம் கொடுக்கவும் முடியாமல் அமைச்சர்கள் சிக்கலை எதிர்கொண்டு வருகின்றனர்.
இது குறித்து, அமைச்சர் ஒருவர் கூறியதாவது:பணம் கொடுத்தால், நிச்சய வெற்றி என்று தினகரன் நினைத்துக் கொண்டு இடைத்தேர்தல் களத்துக்கு வந்து விட்டார். பணம் வாங்குகிறவர்கள் இருக்கத்தான் செய்கிறார்கள். ஆனால், பணம் கொடுப்பதில் ஏகப்பட்ட சிக்கல்கள் உள்ளன. பன்னீர்செல்வம் தரப்பினரும், நேற்று வரை நம்மோடு இருந்தவர்கள் தானே. கட்சியினர் அவ்வளவு பேரும், அவர்களிடமும் இன்றளவிலும் தொடர்பில் இருக்கின்றனர்.

பணம் கொடுக்க முயற்சி:

மக்களுக்கு பணம் கொடுக்க, என்னதான் ரகசியமாக திட்டம் போட்டு செயல்பட்டாலும், பன்னீர்செல்வம் தரப்பினர், குறிப்பிட்ட ஏரியாவுக்கு, நாம் போய் சேர்வதற்கு முன்பாகவே சென்று விடுகின்றனர். நாம் போகும் போது, நம்மை பணம் கொடுக்கவிடாமல் தடுக்க அவர்கள் தயாராக இருக்கின்றனர். பல இடங்களிலும் இப்படி ஆகி விட்டது. பறக்கும் படை போல பன்னீர்செல்வம் அணியினர் செயல்படுகின்றனர். மதுசூதனன் லோக்கல் வேட்பாளர் என்பதால், நம்மைக் காட்டிலும் தொகுதிக்குள் அவர்கள் பலமாக உள்ளனர். இந்த யதார்த்தத்தைச் சொன்னால், தினகரன் புரிந்து கொள்வதில்லை. கோபப்படுகிறார். பணத்தை செலவழிக்க, அமைச்சர்கள் தயங்குவது போல நினைக்கிறார். இதற்கெல்லாம் என்ன செய்வதென்றே புரியவில்லை.இவ்வாறு அந்த அமைச்சர் புலம்பித் தீர்த்தார்.

Read More

அ.தி.மு.க. அம்மா அணியின் தேர்தல் அறிக்கை வெளியீடு

சென்னை: அ.தி.மு.க. அம்மா அணியின் தேர்தல் அறிக்கை இன்று வெளியிடபட்டது. ஆர்.கே. நகர் தொகுதிக்கு ஏப். 12-ம் தேதி இடைத்தேர்தல் நடக்கிறது. இதில் அ.தி.மு.க. அம்மா அணியின்

தினகரன் போட்டியிடுகிறார். இதையடுத்து அந்த அணியின் தேர்தல் அறிக்கையை பண்ருட்டி ராமச்சந்திரன் வெளியிட முதல்வர் பழனிசாமி பெற்றுக்கொண்டார்.

அறிக்கை விவரம்:

* ஆர்.கே. நகரில் 10 நடமாடும் மருத்துவமனைகள் அமைக்கப்படும்.
* 57 ஆயிரம் பேருக்கு வீடுகள் வழங்கப்படும்.

* வேலைவாய்ப்புக்கான ஆலோசனை மையம் அமைக்கப்படும்.

* அரசு மற்றும் வங்கி பணியாளர் தேர்வுகளுக்கு பயிற்சி மையம் அமைக்கப்படும்.

* அரசு வசதிகளுடன் கூடிய பல்நோக்கு மருத்துவமனை அமைக்கப்படும்.

* கொடுங்கையூர் குப்பை கிடங்கு மாசு இல்லாமல் பராமரிக்க நடவடிக்கை எடுக்கப்படும்.

* இத்தொகுதியில் அரசு, தனியார் வங்கி கிளைகள் திறக்க நடவடிக்கை எடுக்கப்படும் என்பன உள்ளிட்ட தேர்தல் வாக்குறுதிகள் இடம் பெற்றிருந்தனர்.

Read More

தீபாவுக்கு படகு சின்னம்

சென்னை: இடைத்தேர்தல் நடக்கும் ஆர்.கே., நகர் தேர்தலில் எம்.ஜி.ஆர்., அம்மா தீபா பேரவை சார்பில் போட்டியிடும் ஜெ., அண்ணன் மகள் தீபாவுக்கு படகு சின்னம் ஒதுக்கப்பட்டுள்ளது.

Read More

ஆர்.கே.நகர் தேர்தல் : நேற்று இறுதி வேட்பாளர் பட்டியல் வெளியீடு

சென்னை : சென்னை, ஆர்.கே.நகர் இடைத்தேர்தலுக்கான இறுதி வேட்பாளர் பட்டியல் நேற்று (மார்ச் 27) வெளியிடப்பட உள்ளது. மாலை 3 மணி வரை வேட்புமனுக்களை திரும்ப பெற்றுக் கொள்ளலாம் என அறிவிக்கப்பட்டுள்ளது.

களத்தில் இருப்பது யார் யார்? :

முன்னாள் முதல்வர் ஜெயலலிதா மரணம் அடைந்ததை தொடர்ந்து, ஆர்.கே.நகர் தொகுதி காலியானதாக அறிவிக்கப்பட்டது. இந்நிலையில் அந்த தொகுதிக்கு ஏப்ரல் 12ம் தேதி இடைத்தேர்தல் நடைபெறுகிறது. திமுக சார்பில் மருது கணேஷ், அதிமுக புரட்சி தலைவி அம்மா அணி சார்பில் மதுசூதனன், அதிமுக அம்மா அணி சார்பில் டிடிவி தினகரன், பாஜக சார்பில் கங்கை அமரன் உள்ளிடோர் போட்டியிடுகின்றனர்.

நேற்று கடைசி நாள் :

தற்போது 82 பேரின் வேட்புமனுக்கள் ஏற்றுக் கொள்ளப்பட்டுள்ளன. வேட்பு மனுக்களை வாபஸ் பெற்றுக் கொள்ள இன்று கடைசி நாள் ஆகும். பிற்பகல் 3 மணிக்குள், மனுக்களை வாபஸ் பெற்றுக் கொள்ளலாம் என தேர்தல் கமிஷன் அறிவித்துள்ளது. இதையடுத்து மாலை 5 மணிக்கு, இறுதி வேட்பாளர் பட்டியல் வெளியிடப்பட உள்ளது.

Read More

ஆர்.கே.நகரில் பண நடமாட்டத்தை கண்காணிக்கும் அதிகாரிகள்

சென்னை: ஆர்.கே.நகர் இடைத்தேர்தல் களம் கடும் சூடாகி இருக்கிறது. தி.மு.க., வேட்பாளர் மருது கணேஷ் மற்றும் அ.தி.மு.க., புரட்சித் தலைவி அம்மா கட்சி சார்பில் போட்டியிடும் மதுசூதனன் ஆகியோர், தீவிர பிரசாரத்தில் இருக்கின்றனர்.

ஆனால், எப்படியாவது வெற்றி பெற்றே ஆக வேண்டும் என்ற முனைப்பில், தொகுதியில் மற்றவர்களைக் காட்டிலும் பம்பரமாக சுழன்று கொண்டிருக்கிறார் அ.தி.மு.க., அம்மா கட்சி வேட்பாளர், டி.டி.வி.தினகரன். அவரது ஆதரவாளர்களும், கட்சியினரும் கூட தீவிரமாக தேர்தல் வேலை பார்த்துக் கொண்டிருக்கின்றனர்.

கேள்விக்குறி:

இருந்தும், தினகரனுக்கு வெற்றி கேள்விக்குறியாக இருப்பதால், ரொம்பவும் அச்சப்படுகிறார். அதனால், மொத்தமுள்ள 33 அமைச்சர்களையும் தொகுதிக்கு அனுப்பி தேர்தல் வேலை பார்த்து வருகிறார். இதனால், அங்கே பணம் தண்ணீராக செலவழிக்கப்படுகிறது. மக்களுக்கு கேட்டதெல்லாம் செய்து கொடுக்கும் நிலைக்கு நாம் வந்து விட்டால், மக்கள் நமக்குத்தான் ஓட்டளிப்பர் என, தினகரன் தரப்பு முடிவெடுத்து, அதற்கான காரியங்களில் இறங்கி தீவிரமாக வேலை செய்து வருகிறது.

பண விளையாட்டு:

ஆனால், இந்த விஷயம், தேர்தல் பார்வையாளருக்கு கட்டாயம் தெரிந்திருக்கிறது. அதனால், பண விளையாட்டு மூலம் ஜனநாயகத்தை முடக்கப் பார்க்கின்றனர் என்ற குற்றச்சாட்டும் எழுந்துள்ளதால், தேர்தல் பார்வையாளர்கள் மூலம், அறிக்கை பெற்று, ஜனநாயகத்தின் குரல் வளையை நசுக்க விடமாட்டோம் என்று தேர்தல் கமிஷன் அதிகாரிகள் சொல்லிக் கொண்டிருக்கின்றனர்.

புகார்:

இந்நிலையில், தேர்தல் கமிஷன் நடத்தை விதிகள் உட்பட, பல்வேறு விஷயங்களை தி.மு.க., தரப்பில் படித்துக் கொண்டிருக்கின்றனர். விரைவில், ஆர்.கே.நகரில் பணநடமாட்டம் அதிகமாக உள்ளது என்று புகார் கொடுக்க உள்ளனர். மற்ற கட்சிகளும், இதே கருத்தை வலியுறுத்தி, தேர்தல் கமிஷனில் புகார் கொடுப்பர்.
தேர்தல் நிறுத்தம்?

அதை வைத்து, தேர்தல் நெருக்கத்தில், ஆர்.கே.நகர் தொகுதி இடைத்தேர்தலை, தேர்தல் கமிஷன் நிறுத்தும் யோசனையில் உள்ளது. இதற்கு, சமீபத்திய உதாரணங்களாக, தஞ்சாவூர் மற்றும் அரவக்குறிச்சி தேர்தல்கள் இருப்பதால், அதே பாணியில், ஆர்.கே.நகர் தொகுதியிலும் தேர்தல் நிறுத்தப்பட கூடுதல் வாய்ப்புள்ளது.

பின்னடைவு:

இதையறிந்துள்ள அ.தி.மு.க., அம்மா தரப்பினர், கடும் அதிருப்தி அடைந்துள்ளனர். இருந்தாலும், தேர்தலில் வெற்றி பெற கூடுதலாக உழைக்க வேண்டும் என தங்களுக்குள் கூறிக் கொண்டு, தொடர்ந்து அதிகார துஷ்பிரயோகத்திலும், சட்ட விரோதமாகவும் ஈடுபடுவது, தற்போதைய அரசைப் பாதிக்கிறது; அரசின் செயல்பாடுகளும் கடும் பாதிப்பை நோக்கி சென்று கொண்டிருக்கிறது என, வருவாய்த் துறை கீழ் நிலை அதிகாரமட்டங்கள் கூறுகின்றன. அ.தி.மு.க.,வைச் சேர்ந்த, இத்தகைய செயல்பாடுகள், அக்கட்சிக்கு பெரும் பின்னடைவை ஏற்படுத்தலாம்.

Read More

இரட்டை இலை முடக்கத்துக்கு பா.ஜ.,வே காரணம்; அன்வர் ராஜாவை இழுத்து தெருவில் விடும் தினகரன்

அ.தி.மு.க.,வின் இரட்டை இலை சின்னத்துக்கு, கட்சியின் சசிகலா அணியும், பன்னீர்செல்வம் அணியும் தனித்தனியாக தேர்தல் கமிஷனிடம் மனு கொடுத்து மோதின. இதனால், இது தொடர்பாக விசாரணை மேற்கொண்ட கமிஷன், ஆர்.கே.நகர் தேர்தலுக்காக மட்டும், இரட்டை இலையைத் தற்காலிகமாக முடக்கி வைத்துள்ளது.

வரும் ஏப்., 17ம் தேதிக்குள், இரு தரப்பும் கூடுதல் விவரங்கள் ஏதும் அளிக்க விரும்பினால், தேர்தல் கமிஷனிடம் அளிக்கலாம். அதன்பின், இதன் மீது மீண்டும் விசாரணை நடத்தி, இறுதி முடிவெடுக்கப்படும் என அறிவித்தது. கூடவே, ஆர்.கே.நகர் தேர்தலுக்காக, இரண்டு கட்சிகளும் அ.தி.மு.க., என்னும் கட்சிப் பெயரையும் பயன்படுத்தக் கூடாது என்றும் அறிவித்தது.

புதிய சின்னம்:

இதனால், சசிகலா அணி, அ.தி.மு.க., அம்மா என பெயர் சூட்டிக் கொண்டதோடு, தொப்பி சின்னத்தையும் கேட்டுப் பெற்றது. அதேபோல, அ.தி.மு.க., புரட்சித்தலைவி அம்மா என பன்னீர்செல்வம் அணி, கட்சிக்கு பெயர் சூட்டிக் கொண்டதோடு, இரட்டை மின் விளக்கு சின்னத்தைக் கோரிப் பெற்றது.


இந்நிலையில், இரட்டை இலை சின்னம் தங்களுக்குத்தான் கிடைக்கும் என்று, டில்லி வழக்கறிஞர்கள், சல்மான் குர்ஷித் மற்றும் வீரப்ப மொய்லி ஆகியோர் சொன்னதை நம்பி, நம்பிக்கையுடன் காத்திருந்த சசிகலா தரப்பு, இரட்டை இலை சின்னம் முடக்கப்பட்டதும் கடும் அப்செட் ஆகி உள்ளது.

மோடி தான் காரணம்:

இதையடுத்து, இப்படி இரட்டை இலை சின்னம் முடக்கப்பட்டதற்கு காரணம், பா.ஜ.,வும்; மோடியும்தான் என்று சொல்லி கூவத் துவங்கி உள்ளனர். இந்த பிரச்னையை துவக்கத்தில் இருந்தே சொல்லிக் கொண்டிருப்பவர் அ.தி.மு.க.,வின் சிறுபான்மை பிரிவு செயலராக இருக்கும் அன்வர் ராஜா எம்.பி., ஜெயலலிதா இறந்ததும், பன்னீர்செல்வம் முதல்வர் ஆக்கப்பட்டதில் இருந்தே, அ.தி.மு.க., விஷயத்தில், பிரதமர் மோடியும், பா.ஜ.,வும் மூக்கை நுழைத்து வருகிறது என்று சொல்லி வருகிறார்.

அன்வர் ராஜாவிற்கு அவசர அழைப்பு:

இரட்டை இலை சின்னம் முடக்கப்பட்டதும், டில்லியில் இருந்த அன்வர் ராஜாவை, அவசர அவசரமாக தமிழகம் வரவழைத்த, கட்சியின் துணைப் பொதுச் செயலரும், ஆர்.கே.நகர் தொகுதி சசிகலா அணி வேட்பாளருமான டி.டி.வி.தினகரன், இரட்டை இலை சின்னம் முடக்கப்பட்டதற்கான காரணம், பிரதமர் மோடியும், பா.ஜ.,வும்தான் என்று பேசுங்கள். தேவையானால், ஜெயா டி.வி.,யை பயன்படுத்திக் கொள்ளுங்கள் என்று சொல்லியிருக்கிறார்.

அதைத் தொடர்ந்து, ஏற்கனவே பா.ஜ.,வையும், மோடியையும் கடுமையாக விமர்சித்துக் கொண்டிருக்கும், அன்வர் ராஜா, இப்படி தலைமையே கேட்டுக் கொண்டதும், உற்சாகமாகி விட்டார்.

Read More

பேனா, படகு, திராட்சை: தீபாவிற்கு எந்த சின்னம்

சென்னை: ஜெ., அண்ணன் மகள் தீபா, பேனா, படகு, திராட்சை கொத்து ஆகிய மூன்று சின்னங்களில், ஒன்றை ஒதுக்கும்படி கேட்டுள்ளார்.

ஆர்.கே.நகர் தொகுதியில், ஜெயலலிதாவின் அண்ணன் மகள் தீபா போட்டியிடுகிறார். தேர்தல் கமிஷனிடம், 'தனக்கு பேனா, படகு, திராட்சை கொத்து ஆகிய மூன்றில், ஏதாவது ஒரு சின்னத்தை ஒதுக்க வேண்டும்' என, கேட்டுள்ளார். அவருக்கான சின்னம் என்ன என்பது இன்று தெரிந்து விடும்.

தண்டையார்பேட்டை அருணாசலேஸ்வரர் தெருவில், அவர் இன்று(மார்ச்,27) மாலை பிரசாரம் துவக்குகிறார். தொடர்ந்து, 14 நாட்கள், இரவு நேர பொதுக்கூட்டங்களில் ப
ங்கேற்க திட்டமிட்டுள்ளார்.

Read More