திருவிதாங்கூர் நாணயங்கள் விற்பனை?

திருவனந்தபுரம் : கேரளாவில், திருவிதாங்கூர் மன்னர் கால நாணயங்கள் வெளிச்சந்தையில் விற்பனைக்கு வருவதாக புகார் எழுந்துள்ளது.

கேரளாவில், திருவிதாங்கூர் மன்னர் காலத்தில் வெளியிடப்பட்ட நாணயங்கள், தொல்பொருள் ஆய்வுத்துறையிடம் ஒப்படைக்கப்பட்டன. இத்துறை சார்பில் பழங்கால நாணய கண்காட்சி நடத்தப்படுகிறது. இதற்காக எடுத்துச் செல்லப்படும் நாணயங்கள் விற்கப்படுவதாகவும், அதற்கு பதில் போலி நாணயங்கள் வைக்கப்படுவதாகவும் புகார் எழுந்தது.

இதுகுறித்து, கேரள பண்பாட்டுத்துறை அமைச்சர், ராமச்சந்திரன், துறை செயலர் ராணி ஜார்ஜ் ஆகியோருக்கு நாணய ஆராய்ச்சியாளர், பீனா சரசன் மனு அனுப்பினார். ராணி ஜார்ஜ் கூறுகையில், ''வெளிச் சந்தையில் விற்கப்படுபவை, தொல்பொருள் துறையிடம் உள்ள நாணயங்கள் என கூற முடியாது. துறை வசம் உள்ள நாணயங்களை படத்துடன் பட்டியல் தயாரிக்க உத்தரவிடப்பட்டுள்ளது,'' என்றார்.

Read More

ஆபாச பேச்சு புகார்: கேரள அமைச்சர் ராஜினாமா

திருவனந்தபுரம்: பெண்ணுடன் போனில் ஆபாச பேச்சு பேசியதை தொடர்ந்து கேரள போக்குவரத்து துறை அமைச்சர் ஏ.கே. சசிந்திரன், தனது பதவியை ராஜினாமா செய்தார்.

கேரள மாநில போக்குவரத்து அமைச்சராக இருப்பவர் ஏ.கே. சசிந்திரன். இவர் 5 முறை எம்.எல்.ஏ.,வாக இருந்துள்ளார். இவர், தன்னிடம் புகார் அளிக்க வந்த பெண் ஒருவருடன் மொபைல் போனில் மிகவும் ஆபாசமாக பேசியதாக தனியார் டிவி செய்தி வெளியிட்டது. அவரது பேச்சு அடங்கிய ஆடியோவையும் ஒளிபரப்பியது. இதற்கு எதிர்க்கட்சிகள் கண்டனம் தெரிவித்தன. அவர் பதவி விலக வேண்டும் என கோரிக்கை விடுத்தன. ஆனால் தன் மீதான புகாரை அமைச்சர் மறுத்தார்.
இந்நிலையில், கோழிக்கோட்டில் பத்திரிகையாளர்களை சந்தித்த அமைச்சர் சசிந்திரன், பதவியை ராஜினாமா செய்கிறேன். அரசியல் நாகரிகம் கருதி பதவி விலகுகிறேன். பிரச்னை தொடர்பாக விசாரணை நடத்த முதல்வர் உத்தரவிட வேண்டும். இவ்வாறு அவர் கூறினார்.

Read More

ராகுல் ஒதுங்கி வழிவிட வேண்டும்: கேரள இளைஞர் காங்., யோசனை

திருவனந்தபுரம்: காங்கிரஸ் கட்சிக்கு தலைமையேற்று நடத்த ராகுல்காந்தி விரும்பவில்லை என்றால், அவர் மற்றவர்களுக்கு வழிவிட்டு ஒதுங்க வேண்டும் என்று கேரள இளைஞர் காங்கிரஸ் தலைவர் மகேஷ் கூறி உள்ளார்..

இது குறித்து மகேஷ் தனது பேஸ்புக் பக்கத்தில், ‛மதிப்பிற்குரிய ராகுல்காந்தி அவர்களே, மிகப் பெரிய இயக்கமான காங்கிரஸ் கட்சிக்கு தலைமையேற்று நடத்த தாங்கள் விரும்பாவிட்டால், மற்றவர்களுக்கு வழிவிட்டு, ஒதுங்கி விடுங்கள்,' என்று குறிப்பிட்டுள்ளார்.
மேலும், காங்கிரஸ் மேலிடத்தில் என்ன நடந்து கொண்டிருக்கிறது என்பது குறித்து முன்னாள் மத்திய அமைச்சரான ஏ.கே. அந்தோணி வெளிப்படையாக கூற வேண்டும் என மகேஷ் கேட்டுக் கொண்டுள்ளார். காங்கிரஸ் புதுப்பொலிவுடன் மேலெழுந்து வருவதற்கு நாங்கள் எங்கள் உயிரைக் கூட தரத் தயாராக உள்ளோம் என்று கூறி உள்ள அவர், கட்சியில் அதற்கான மரியாதை கிடைக்க வேண்டும் என்று குறிப்பிட்டுள்ளார்.

Read More

கேரளாவில் 7 சிறுமிகளுக்கு பாலியல் தொல்லை: 6 பேர் கைது

திருவனந்தபுரம்: கேரளாவில் வயநாட்டில், காப்பகம் ஒன்றில் 2 மாதமாக மிரட்டி 6 சிறுமிகளுக்கு பாலியல் தொந்தரவு கொடுத்த 6 பேரை போலீசார் கைது செய்தனர்.

புகார்:

இது தொடர்பாக போலீசார் கூறியதாவது: பள்ளி முடித்து காப்பகம் திரும்பும் அந்த சிறுமிகளை, 6 பேர் கும்பல் ஒன்று, கடைக்கு அழைத்து சென்று பலவற்றை வாங்கிக்கொடுத்து பாலியல் தொந்தரவு கொடுத்தனர். இதனை வெளியில் சொல்லக்கூடாது எனவும் மிரட்டல் விடுத்தனர். கடந்த சில நாட்களுக்கு முன்னர் பாதுகாவலர் ஒருவர் இதனை நேரில் பார்த்து காப்பகத்திற்கு தகவல் அளித்துள்ளார். இதனையடுத்து கடந்த 5ம் தேதி போலீசில் புகார் அளிக்கப்பட்டது.

வழக்கு:

இதனையடுத்து போலீசார் 6 பேரை கைது செய்தனர். பாதிக்கப்பட்ட சிறுமிகளுக்கு மருத்துவ சோதனை நடத்தியதில் சிறுமிகளுக்கு பாலியல் தொந்தரவு அளிக்கப்பட்டது உறுதியானது. இதனையடுத்து அந்நபர்கள் மீது, கற்பழிப்பு மற்றும் குழந்தைகளுக்கு எதிரான பாலியல் தடுப்பு சட்டத்தின் கீழ் வழக்குப்பதிவு செய்யப்பட்டுள்ளது.

சந்தேகம்:

அந்த கும்பலில் இருந்து சிலர் தப்பி சென்றிருக்கலாம் என்ற சந்தேகத்தின் பேரில் போலீசார் அவர்களை தேடி வருகின்றனர். காப்பகத்தில் வசிக்கும் மேலும் சில சிறுமிகளுக்கு, கும்பலால் பாலியல் தொந்தரவு அளிக்கப்பட்டிருக்கலாம் என போலீசார் கூறியுள்ளனர்.

English summary:

Thiruvananthapuram: Kerala Wayanad, the archive of one of the girls in the 2 to 6 month threat of sexual molestation, police arrested 6 persons.

Read More

கேரளாவில் ஆர்எஸ்எஸ் அலுவலகம் மீது தாக்குதல்: 4 பேர் காயம்

திருவனந்தபுரம்: கேரளாவில், ஆர்.எஸ்.எஸ்., அலுவலகம் மீது குண்டுவீசப்பட்டது. இதில் 4 பேர் காயமடைந்தனர்.
கேரளாவில் இடதுசாரிகள் மற்றும் பா.ஜ., ஆர்எஸ்எஸ் தொண்டர்கள் இடையே அடிக்கடி மோதல் நடந்து வருகிறது. ஆர்எஸ்எஸ் தொண்டர்கள் சிலர் கொல்லப்பட்டனர். இதனை கண்டித்து அங்கு போராட்டம் நடந்துள்ளது.

சிகிச்சை:

இந்நிலையில், நாடாபுரம் என்ற இடத்தில் ஆர்எஸ்எஸ் அலுவலகம் மீது மர்மநபர்கள் குண்டு வீசி தாக்குதல் நடத்தினர். இதில் 4 பேர் காயமடைந்து மருத்துவமனையில் அனுமதிக்கப்பட்டுள்ளனர்.
அதேநேரத்தில் கோழிக்கோட்டில் உள்ள மார்க்சிஸ்ட் கம்யூனிஸ்ட் கட்சி அலுவலகம் தீவைத்து எரிக்கப்பட்டது. பாலக்காட்டில் டி.ஓய்.எப்.ஐ., தொண்டர் ஒருவர் மர்ம நபர்களால் கத்தியால் குத்தி கொலை செய்யப்பட்டார். இந்த சம்பவங்கள் காரணமாக அங்கு பரபரப்பு ஏற்பட்டுள்ளது. இது தொடர்பாக விசாரணை நடத்தி வரும் போலீசார் பாதுகாப்பை பலப்படுத்தியுள்ளனர்.

Read More

சமூக வலைதளங்களில் கசிந்த கேரள பட்ஜெட்

திருவனந்தபுரம்: சட்டசபையில் தாக்கல் செய்யப்படும் முன்னரே சமூக வலைதளங்களில் கேரள மாநில அரசின் பட்ஜெட், கசிந்து விட்டதாக எதிர்க்கட்சிகள் குற்றம்சாட்டியுள்ளன.

கேரளாவில் பினராயி விஜயன் தலைமையில் இடதுசாரிகளின் ஆட்சி நடைபெற்று வருகிறது. நிதியமைச்சராக தாமஸ் ஐசக் உள்ளார். இன்று அவர் அரசின் முழுமையான முதல் பட்ஜெட்டை தாக்கல் செய்தார். இதில் பல்வேறு திட்டங்கள் அறிவிக்கப்பட்டன. ஆனால், பட்ஜெட் தாக்கலுக்கு முன்னர் பேஸ்புக் உள்ளிட்ட சமூக வலைதளங்களில் வெளியானதாக எதிர்க்கட்சிகள் குற்றம்சாட்டியுள்ளன. மாநில அரசிற்கு கண்டனம் தெரிவித்துள்ளன.

எதிர்க்கட்சி தலைவர் ரமேஷ் சென்னிதாலா கூறுகையில், சட்டசபையில் பட்ஜெட் தாக்கலுக்கு முன்னர் சமூக வலைதளங்களில் கசிந்து விட்டது. இதனால் பட்ஜெட் தனது நம்பகத்தன்மையை இழந்தவிட்டது . மேலும் சட்டசபையில் நிதியமைச்சர் பட்ஜெட் தாக்கல் செய்த போது, சட்டசபை வளாகத்தில் ரமேஷ் சென்னிதாலா, சமூக வலைதளங்களில் கசிந்த பட்ஜெட் அறிக்கையை வாசித்து காட்டினார்.

Read More

என் தலைக்கு ரூ. 1 கோடி பரிசா? : மிரட்டலுக்கு பயப்படமட்டேன் என்கிறார் பினராயி

திருவனந்தபுரம்: கேரள முதல்வர் பினராயி விஜயனின் தலையை கொண்டு வருபவர்களுக்கு ரூ. 1கோடி பரிசளிக்கப்படும் என ஆர்.எஸ்.எஸ் பிரமுகர் பேசியது சர்ச்சையை ஏற்படுத்தியுள்ளது.

கேரள மாநிலத்தில் பினராயி விஜயன் தலைமையிலான இடது சாரிகளின் ஆட்சி நடக்கிறது. சமீபத்தில் நிகழ்ச்சி ஒன்றில் பேசிய முதல்வர் பினராயி விஜயன், ஆர்.எஸ்.எஸ் மற்றும் பா.ஜ.க.-வுக்கு எதிராக கடுமையான விமர்சனங்களை தெரிவித்தார்.

இந்நிலையில் மத்தியப்பிரதேச மாநிலம் உஜ்ஜைனையைச் சேர்ந்த ஆர்.எஸ்.எஸ் பிரமுகர் குந்தன் சந்திரவாத் என்பவர், கேரள முதல்வர் பினராயி விஜயன் தலையை வெட்டி கொண்டு வருபவர்களுக்கு ரூ. 1 கோடி பரிசு அளிக்கப்படும் என்றார். இந்த பேச்சு சர்ச்சையை ஏற்படுத்தி சமூக வலைதளங்களில் வைரலாக பரவியது. இதையடுத்து குந்தன் சந்திரவாத் கூறுகையில், நான் தெரிவித்தது என்னுடைய சொந்த கருத்து என்றார்.

இதற்கு பதிலடி கொடுத்துள்ள கேரள முதல்வர் பினராயி விஜயன், “சங்பரிவார் அமைப்புகள் ஏற்கனவே பலரது தலைகளை எடுத்துள்ளது. அவர்கள் மிரட்டலுக்கெல்லாம் நான் பயப்படப் போவதில்லை” என்றார்.

English Summary:

Thiruvananthapuram: Kerala Chief Minister Pinarayi Vijayan's head to come up with Rs. RSS leader spoke as 1 million gift causing controversy. 

Read More

5 மாநில தேர்தல்: இடதுசாரிகள் தனித்துப் போட்டி

திருவனந்தபுரம் : உ.பி., பஞ்சாப் உள்ளிட்ட 5 மாநில சட்டசபை தேர்தலில் இடதுசாரி கட்சிகள் தனித்து போட்டியிடும் என மார்க்சிஸ்ட் கட்சி அறிவித்துள்ளது.

தனித்துப் போட்டி:

உ.பி., பஞ்சாப், கோவா, மணிப்பூர் மற்றும் உத்திரகண்ட் ஆகிய 5 மாநில சட்டசபை தேர்தல் பிப்., மற்றும் மார்ச் மாதங்களில் நடைபெறுகிறது. இத்தேர்தலில் பிற இடதுசாரிகள் கட்சியுடன் சேர்ந்து தனித்து போட்டியிடுவதாக சி.பி.எம்.,(மார்க்சிஸ்ட் கம்யூனிஸ்ட்) வெளியிட்ட அறிக்கையில் தெரிவித்துள்ளது.

வாய்ப்பில்லை :

கேரள மாநிலம் திருவனந்தபுரத்தில் மார்க்சிஸ்ட் கட்சியின் 3 நாள் கூட்டம் நடைபெற்றது. கூட்டத்துக்குப் பின் சி.பி.எம்., பொதுச் செயலர் சீதாராம் யெச்சூரி தெரிவித்ததாவது: உ.பி.,யில் மதச்சார்பற்ற மகா கூட்டணி அமைவதற்கு வாய்ப்பில்லை. அங்கு மதவாத சக்திகளுக்கு எதிராக களமிறங்க அதிக கவனம் செலுத்தப்படும்.

மேலும் மதவாத சக்திகளின் அச்சுறுத்தல்கள், தற்போதைய தாராளமய கொள்கைகளின் அபாயங்கள் ஆகியவற்றின் காரணமாக 5 மாநில சட்டசபைகளில் இடதுசாரிகள் தனித்துப் போட்டியிடும். இவ்வாறு அவர் தெரிவித்தார்.

English Summary:

Thiruvananthapuram : UP, Punjab, including 5 in the state assembly elections, the Left parties, CPI will run separately.

Read More

கேரளாவில் அமைச்சர்களின் உதவியாளர்கள் வெகுமதி பெற பினராயி விஜயன் தடை

திருவனந்தபுரம்  - கேரளாவில் அமைச்சர்களின் உதவியாளர்கள் யாரிடமும் வெகுமதி பெறக்கூடாது என்று முதல்வர் பினராயி விஜயன் உத்தரவிட்டுள்ளார்.

பரிசு பெறுவதாக புகார்:

கேரளாவில் பினராயி விஜயன் தலைமையிலான கம்யூனிஸ்டு ஆட்சி நடந்து வருகிறது. இவரது அரசில் இடம் பெற்றுள்ள அமைச்சர்களின் உதவியாளர்கள், அமைச்சர்களை சந்திக்க வருவோரிடம் இருந்து வெகுமதி பெறுவதாகவும், சிலர் செல்போன் உள்ளிட்ட பொருட்களை பரிசாக பெற்றுக் கொள்வதாகவும் முதல்வர் பினராயி விஜயனுக்கு புகார்கள் வந்தன.புகார்களின் எண்ணிக்கை அதிகரித்ததை தொடர்ந்து பினராயி விஜயன், அனைத்து அமைச்சர்களுக்கும் ஒரு சுற்றறிக்கை அனுப்பி உள்ளார்.

அதில், கூறப்பட்டிருப்பதாவது:-

முதல்வர் சுற்றறிக்கை:

கேரள அமைச்சரவையில் இடம் பெற்றுள்ள அமைச்சர்களின் உதவியாளர்கள், பி.ஏ.க்கள் யாரும் அமைச்சர்களை சந்திக்க வரும் யாரிடமும் கைநீட்டக் கூடாது. அவர்களிடம் இருந்து எந்த பொருளையும் வாங்கக்கூடாது. அவ்வாறு வாங்கினால் அது உதவியாளருக்கு வழங்கப்பட்ட வெகுமதியாகவே கருதப்படும். மேலும் ஒரு அமைச்சரின் உதவியாளர், இன்னொரு துறையில் எக்காரணமும் கொண்டும் தலையிடக் கூடாது.

அமைச்சர் - உதவியாளர்களுக்கு உத்தரவு:

அரசு துறைகளின் முடிவுகளில் அரசியலுக்காகவோ அல்லது தனிநபருக்காகவோ எந்த சலுகையும், யாருக்கும் காட்டக்கூடாது. யாருக்கேனும் இவ்வாறு செய்தால், அதனை சந்தேக கண்கொண்டுதான் பார்க்க தோன்றும். சந்தேகமே ஒரு நோயாக மாறி விடக்கூடாது. அமைச்சர்களை சந்திக்க வருவோரிடம், உதவியாளர்கள் பொறுமையுடன் அமைதியாக நடந்து கொள்ள வேண்டும். அமைச்சர்களும், தங்களின் பார்வைக்கு வரும் கோப்புகளை உடனுக்குடன் பார்வையிட்டு அனுப்ப வேண்டும். எந்த நிலையிலும் கோப்புகள் தேங்கக்கூடாது. விரைவாக முடிவுகள் எடுக்க அனைவரும் ஒத்துழைக்க வேண்டும்.இவ்வாறு அந்த அறிக்கையில் அவர் கூறி உள்ளார்.

English Summary:

Thiruvananthapuram - Kerala Chief Minister Pinarayi Vijayan's aides ordered anyone would receive the reward.

Read More

2017ல் மேலும் 200 ரயில் நிலையங்களில் வை-பை வசதி: சுரேஷ் பிரபு

திருவனந்தபுரம்: 2017-ம் ஆண்டு மேலும் 200 ரயில் நிலையங்களில் வை-பை வசதி ஏற்படுத்தப்படும் என மத்திய அமைச்சர் சுரேஷ் பிரபு தெரிவித்துள்ளார்.

துவக்க விழா:

கேரளாவில் கண்ணூர், எர்ணாகுளம் மற்றும் கொல்லம் உள்ளிட்ட 6 ரயில் நிலையங்களில், வை-பை வசதி துவக்க விழாவில் ரயில்வே அமைச்சர் சுரேஷ் பிரபு கலந்து கொண்டார். விழாவில் கேரள முதல்வர் பினராயி விஜயன், அம்மாநில பொதுத் துறை அமைச்சர் சுதாகரன் மற்றும் ரயில்வே துறை அதிகாரிகளும் கலந்து கொண்டனர்.

நிகழ்ச்சியில் சுரேஷ் பிரபு பேசியதாவது: நடப்பு ஆண்டில் மட்டும் 100 ரயில் நிலையங்களில் வை-பை வசதி துவக்கப்பட்டுள்ளது. சிறிய நகரங்களில் உள்ள ரயில் நிலையங்களிலும் வை-பை வசதி ஏற்படுத்தும் நோக்கில், அடுத்த ஆண்டில்(2017) மேலும் 200 ரயில் நிலையங்களில் வை-பை வசதி ஏற்படுத்தப்படும். இவ்வாறு அவர் தெரிவித்தார்.

English summary:

Thiruvananthapuram : In the year 2017 more than 200 railway stations will be established in the Wi-Fi facility, said the Union minister Suresh Prabhu.

Read More

கேரள கூட்டுறவு வங்கிகளில் அதிரடி சோதனை

திருவனந்தபுரம் : கூட்டுறவு வங்கிகளில் ஹவாலா பணம் அதிக அளவில் டிபாசிட் செய்யப்பட்டதாக வந்த புகாரை அடுத்து கேரளாவின் பல்வேறு பகுதிகளில் உள்ள கூட்டுறவு வங்கிகளில் சிபிஐ மற்றும் அமலாக்கப்பிரிவினர் அதிரடி சோதனை நடத்தி வருகின்றனர்.
நவம்பர் 8 ம் தேதி முதல் நவம்பர் 14 ம் தேதி வரை போலி கணக்குகளை பயன்படுத்தி அதிக அளவில் பணம் டிபாசிட் செய்யப்பட்டதாகவும், இவற்றில் பெரும்பாலான தொகை ஹவாலா பணம் எனவும் சிபிஐ மற்றும் அமலாக்கத்துறைக்கு புகார் வந்துள்ளது. இதன் அடிப்படையில் கண்ணூர், கோழிக்கோடு, திரிச்சூர் ஆகிய பகுதிகளில் உள்ள கூட்டுறவு வங்கிகளில் அமலாக்கத்துறையினரும், கொல்லம், மணப்புரம் உள்ளிட்ட பகுதிகளில் சிபிஐ அதிகாரிகளும் சோதனை நடத்தி வருகின்றனர்.

English Summary:

On this basis, Kannur, Kozhikode, Thrissur and cooperative banks in areas amalakkatturaiyinarum, Kollam, CBI officials raided manappuram areas are included.

Read More

'சோலார்' படகு சேவை: கேரளா அசத்தல்

திருவனந்தபுரம்: கேரளாவில், முதன் முறையாக, சோலார் எனப்படும் சூரிய மின்சக்தி மூலம் இயங்கும், படகுச் சேவை, ஜனவரி, 12ல் துவங்க உள்ளது.

'சோலார்' படகு :

கேரளாவில், மார்க்சிஸ்ட் கம்யூனிஸ்ட் கட்சியைச் சேர்ந்த பினராயி விஜயன் முதல்வராக உள்ளார். அம்மாநிலத்தில், கோட்டயம், ஆலப்புழா, கொச்சி மாவட்டங்களில் பயணிகள் மற்றும் சுற்றுலா பயன்பாட்டிற்கு படகுகள் இயக்கப்படுகின்றன. இந்த படகுகள், பெரும்பாலும் டீசல் அல்லது பெட்ரோல் மூலமே இயக்கப்படுகின்றன. இந்நிலையில், அம்மாநில அரசு, மாற்று எரிசக்தியை ஊக்குவிக்க முயற்சித்து வருகிறது. இதன் ஒருபகுதியாக, சூரிய மின் சக்தியில் இயங்கும், படகு போக்குவரத்து துவங்கப்பட உள்ளது.

ஜன., 12 முதல் :

இதுகுறித்து, அம்மாநில போக்குவரத்து துறை அமைச்சர் சசிதரன் கூறியதாவது: கேரளாவில், சாலை போக்குவரத்திற்கு மாற்றாக, நீர் வழி போக்குவரத்தையும் ஊக்குவித்து வருகிறோம். இதன் ஒருபகுதியாக, சூரிய மின் சக்தி மூலம் இயங்கும் படகு சேவை துவக்கப்படுகிறது. முதல் சேவை, கோட்டயம் மாவட்டம் வைக்கத்தில் இருந்து, கொச்சிக்கு, 180 கி.மீ., தொலைவிற்கு, ஜனவரி, 12ல், துவங்கும்; இதில், 75 பயணிகள் பயணம் செய்யலாம்.இவ்வாறு அவர் கூறினார்.

English summary:

Thiruvananthapuram : Kerala, for the first time, powered by solar energy, the sun, ferry service, on January, 12 is set to begin.

Read More

தேசிய கீதத்தை அவமதித்து கருத்து பதிவிட்ட கேரள எழுத்தாளர் கைது

திருவனந்தபுரம் : தேசிய கீதத்தை அவமதிக்கும் வகையில் பேஸ்புக்கில் கருத்து பதிவு செய்ததாக கேரள எழுத்தாளர் கமல் சி.சவரா கைது செய்யப்பட்டுள்ளார்.

சுப்ரீம் கோர்ட்டின் உத்தரவுப்படி நாடு முழுவதும் உள்ள சினிமா தியேட்டர்களில் திரைப்படம் போடுவதற்கு முன்னால் தேசிய கீதம் இசைக்கப்பட வேண்டும் என்ற நடைமுறை தற்போது கடைபிடிக்கப்பட்டு வருகிறது. இந்நிலையில், கொல்லம் மாவட்டத்தில் உள்ள கருனகப்பள்ளி காவல் நிலையத்தில் கமல் சி.சவரா மீது தேசிய கீதத்தை அவமதித்ததாக பா.ஜ.,வின் இளைஞர் பிரிவான யுவா மோர்சா அமைப்பு சார்பில் புகார் அளிக்கப்பட்டுள்ளது

இதன் அடிப்படையில் கொல்லம் போலீசாரின் உத்தரவின் பேரில் கோழிக்கோடு பகுதியில் நடக்கவு போலீசாரால் எழுத்தாளர் கமல் கைது செய்யப்பட்டார்.

English Summary:

 Thiruvananthapuram: The national anthem was an affront to post a comment on Facebook  Kerala writer Kamal was arrested. 

Read More

ஊழலை ஒழிக்க மொபைல் ஆப்கள் அறிமுகம்

திருவனந்தபுரம்: ஊழலை ஒழிக்கும் வகையிலும், மக்கள் ஊழலுக்கு எதிராக போராடும் வகையிலும் இரண்டு மொபைல் ஆப்களை கேரள முதல்வர் பினராயி விஜயன் வெள்ளிக்கிழமை(09-12-16) அறிமுகம் செய்துவைத்தார்.

சர்வதேச ஊழல் எதிர்ப்பு தினம் உலகம் முழுவதும் கடைப்பிடிக்கப்பட்டது. இதை முன்னிட்டு திருவனந்தபுரத்தில் நடைபெற்ற நிகழ்ச்சியில் கலந்து கொண்ட கேரள முதல்வர் பினராயி விஜயன், ஊழலுக்கு எதிரான 2 மொபைல் ஆப்களை அறிமுகம் செய்துவைத்தார்.

ஊழலற்ற , நிலையான வளர்ச்சி:

'அரைஸிங் கேரளா' (Arising Kerala), விசில் நவ் (Whistle Now) என்று பெயரிடப்பட்டுள்ள ஆப்களை அறிமுகம் செய்து வைத்த பினராயி விஜயன், "ஊழலற்ற மற்றும் நிலையான வளர்ச்சி என்பதே மாநில அரசின் நோக்கம். ஊழலை ஒழிக்க மாநில அரசு பல்வேறு நடவடிக்கைகளை எடுத்து வருகிறது. அரசு, அரசு சாரா நிறுவனங்களில் ஊழலை முடிவுக்குக் கொண்டு வர நடவடிக்கைகள் எடுக்கப்பட்டு வருகின்றன" என்றார்.

ஊழலை ஒழிப்பது தொடர்பான பரிந்துரைகளையும், ஆலோசனைகளையும் கேரள மக்கள் இந்த ஆப்கள் மூலம் வழங்கலாம் என்றார்பினராய் விஜயன்.

English Summary:

Thiruvananthapuram: to eradicate corruption, the fight against corruption to the people of Afghanistan both mobile Pinarayi Vijayan, Kerala Chief Minister on Friday (09-12-16) introduced.International Anti-Corruption Day observed across the globe. 

Read More