கடனை செலுத்த வங்கிகளுடன் பேச தயார்: மல்லையா

லண்டன்: வங்கியில் வாங்கிய கடனை ஒரே தவணையில் திருப்பி செலுத்துவது தொடர்பாக வங்கிகளுடன் பேச தயாராக உள்ளதாக லண்டனில் உள்ள விஜய் மல்லையா கூறியுள்ளார்.
ரூ.9 ஆயிரம் கோடி கடன் வாங்கிய பின் அதை திருப்பி செலுத்தாமல் லண்டனில் வசித்து வரும் மல்லையா டுவிட்டரில் வெளியிட்ட செய்தி:
ஒரே தவணையில் கடனை திருப்பி செலுத்தும் கொள்கை பொதுத்துறை வங்கிகளிடம் உள்ளன. இதன்படி கடன் வாங்கிய நூற்றுக்கணக்கானோர் திருப்பி செலுத்தியுள்ளனர். ஆனால், எங்களுக்கு மட்டும் இந்த வாய்ப்பு மறுக்கப்படுகிறது. இது தொடர்பாக சுப்ரீம் கோர்ட்டில் நாங்கள் கூறிய கோரிக்கைகளை ஆலோசனை செய்யாமல் வங்கிகள் நிராகரித்து விட்டன. நேர்மையான முறையில் கடனை திருப்பி செலுத்த வங்கிகளுடன் பேச தயாராக உள்ளேன். சுப்ரீம் கோர்ட் இந்த விவகாரத்தில் தலையிட்டு, வங்கி நிர்வாகம் எங்களுடன் பேச உத்தரவிட வேண்டும். இவ்வாறு அவர் கூறியுள்ளார்.

Read More

மல்லையாவுக்கு இறுகுது பிடி; மத்திய அரசு அதிரடி

புதுடில்லி: பிரிட்டனில்தங்கியுள்ள மல்லையாவை நாடு கடத்தி கொண்டு வர நடவடிக்கை எடுக்கப்பட்டுள்ளதாக மத்திய அரசு சுப்ரீம் கோர்ட்டில் தெரிவித்துள்ளது.

எஸ்.பி.ஐ., உட்பட, 17 வங்கிகளிடம் வாங்கிய, 6,000 கோடி ரூபாய் கடன் மற்றும் வட்டியுடன் சேர்த்து, 9,000 கோடி ரூபாயை, பிரபல தொழிலதிபர் விஜய் மல்லையா பாக்கி வைத்துள்ளார். அந்தக் கடனை மீட்க,சுப்ரீம் கோர்ட்டை வங்கிகள் அணுகிய நிலையில், பிரிட்டனின் லண்டன் நகருக்கு, மல்லையா தப்பிச் சென்றார்.

இந்நிலையில் சுப்ரீம் கோரட்டில் எஸ்.பி.ஐ., தொடர்ந்த வழக்கு விசாரணைக்கு வந்தது. மத்திய அரசின் சார்பில் ஆஜரான அட்டார்னி ஜெனரல் முகுல் ரோத்தகியிடம், மல்லையாவை நாடு கடத்தி கொண்டு வர மேற்கொள்ளப்பட்ட நடவடிக்கை என்ன? மல்லையா சொத்துகளின் உண்மையான பட்டியலை சுப்ரீம் கோர்ட்டில் தாக்கல் செய்தாரா? உள்ளிட்ட கேள்விகள் கேட்கப்பட்டன.

இதற்கு பதிலளித்த ரோத்முகி, மல்லையாவை இந்தியாவுக்கு நாடு கடத்தி கொண்டு வர, பிரிட்டன் அரசுக்கு மத்திய அரசு கடிதம் எழுதியுள்ளது எனத் தெரிவித்தார்.

Read More

கோடி கணக்கில் ஏமாற்றியவரை விட்டுவிட்டு, சேலை திருடியவருக்கு ஓராண்டு சிறையா?

புதுடில்லி: ‛‛கோடி கணக்கில் பணத்தை ஏமாற்றியவர்கள் வெளிநாட்டில் சுகமாக வாழும் போது, சேலை திருடியவருக்கு ஓராண்டு சிறையா?'' என சுப்ரீம் கோர்ட் நீதிபதி கேள்வியெழுப்பினார்.

ஐதராபாத்தை சேர்ந்த எலியா என்பவர் 5 சேலைகளை திருடியாதாக அம்மாநில போலீசார் ஒரு வருடத்திற்கு முன்பு கைது செய்தனர். ஆனால் இது வரை அவர் எந்த வித விசாரணையும் இன்றி சிறையிலேயே இருந்து வருகிறார். வழக்கும் நிலுவையில் இருந்து வருகிறது.

சேலை திருடியவருக்கு 1 வருடம் சிறையா?

இதை எதிர்த்து அவரது மனைவி சுப்ரீம் கோர்ட்டில் வழக்கு தொடர்ந்துள்ளார். இந்த மனுவை விசாரித்த நீதிபதி கேகர் கூறுகையில் ‛‛ கோடி கணக்கில் பணத்தை ஏமாற்றியவர்கள் சுகமாக வாழ்ந்து கொண்டிருக்கும் போது, 5 சேலை திருடியவர் விசாரணையின்றி சிறையில் இருக்கிறார்'' என தெலுங்கானா போலீசிற்கு கண்டனம் தெரிவித்தார்.

நீதிபதி கேகர் கோடி கணக்கான பணத்தை கடனாக பெற்று விட்டு வெளிநாட்டில் வாழும் விஜய் மல்லையாவின் பெயரை சொல்லாமல் அவர் சுதந்திரமாக இருப்பதை சுட்டிக்காட்டி பேசியிருப்பது பரபரப்பை ஏற்படுத்தியள்ளது.

English Summary:

NEW DELHI: '' betrayed millions of money while living comfortably abroad, sari-year jail for theft? '' Asked the Supreme Court judge.

Read More

மோசமான இன்ஜின்களே காரணம்: மல்லையா

லண்டன்: ‛கிங்பிஷர் விமான நிறுவனம் மூடப்பட்டதற்கு மோசமான விமான இன்ஜின்களே காரணம்' என அந்நிறுவன உரிமையாளர் விஜய் மல்லையா தெரிவித்துள்ளார்.

தலைமறைவு:

வங்கிகளில் வாங்கிய பல கோடி ரூபாய் கடனை திருப்பிச் செலுத்தாமல், 'கிஷ்பிஷர்' குழும தலைவர் விஜய் மல்லையா, பிரிட்டனில், தலைமறைவாக இருந்து வருகிறார். அமலாக்கப்பிரிவு மற்றும், சி.பி.ஐ., சார்பில் பல்வேறு வழக்குகள் பதிவு செய்யப்பட்டுள்ளன. மல்லையாவை, இந்தியாவுக்கு நாடு கடத்தி வருவதற்கான நடவடிக்கைகளை, மத்திய அரசு மேற்கொண்டு வருகிறது.

காரணம் என்ன?

இந்நிலையில், மல்லையா தனது டுவிட்டர் பதிவில் தெரிவித்துள்ளதாவது: 'கிங்பிஷர்' விமான நிறுவனம், நாட்டு மக்களுக்கு மிகச் சிறந்த சேவை வழங்கியது. எங்கள் நிறுவன விமானங்களில், மோசமான இன்ஜின்கள் பொருத்தப்பட்டதாலேயே, 'கிங்பிஷர்' நிறுவனம் நஷ்டத்தை சந்திக்க நேர்ந்தது. சிறப்பாக இயங்கிய ஒரு நிறுவனம் திடீரென ஏன் வீழ்ச்சியை சந்தித்தது என்பதை சிந்திக்க வேண்டும். என் மீதான குற்றச்சாட்டுகள் பொய்யானவை. இவ்வாறு அவர் தனது பதிவில் தெரிவித்துள்ளார்.

English summary:

London: Kingfisher Airline's closure due to bad air engineer "said the company's owner Vijay Mallya.

Read More

நான் பந்தாடப்படுகிறேன்; மல்லையா

லண்டன்: கடன் சர்ச்சையில் சிக்கி லண்டனில் வசிக்கும் விஜய் மல்லையா, தான் கால்பந்தாடப்படுவதாக கூறியுள்ளார்.

வங்கிகளில் கடன் வாங்கி மோசடி செய்தது தொடர்பான சர்ச்சையில் சிக்கியுள்ள விஜய் மல்லையா, தற்போது அவர் லண்டனில் வசித்து வருகின்றார். இந்நிலையில், வங்கியில் கடன் பெறுவதற்காக விஜய் மல்லையா, தனக்கு உள்ள முழு செல்வாக்கையும் பயன்படுத்தினார் என குற்றம்சாட்டியதாக செய்திகள் வெளியாகின.

இது தொடர்பாக டுவிட்டரில் விஜய் மல்லையா கூறுகையில், சி.பி.ஐ.,யின் குற்றச்சாட்டுகள் தனக்கு அதிர்ச்சியளிக்கிறது. அனைத்தும் தவறானவை. சிபிஐக்கு தொழில் பற்றியும் பொருளாதாரம் பற்றியும் தெரியுமா என்பது கருத வேண்டியுள்ளது. மீடியா கால்பந்தாட்ட மைதானமாக பயன்படுத்தப்பட்டு, அதில் நான் கால்பந்தாடப்படுகிறேன். இந்த மைதானத்தில் தேசிய ஜனநாயக கூட்டணி மற்றும் ஐக்கிய முற்போக்கு கூட்டணி வேகமாக விளையாடுகின்றன. ஆனால், அங்கு நடுவர்கள் யாரும் இல்லை. இவ்வாறு அவர் கூறியுள்ளார்.

English summary:

London: Stuck in debt dispute Vijay Mallya, who lives in London, has just football

Read More

மல்லையாவுக்கு 'நோட்டீஸ்' அனுப்ப கோர்ட் உத்தரவு

புதுடில்லி: கோர்ட் உத்தரவுகளை மீறி, 273 கோடி ரூபாயை, தன் குழந்தைகளின் பெயருக்கு மாற்றியதாக, வங்கிகள் கூறிய புகார் குறித்து பதிலளிக்கும்படி, பிரபல தொழிலதிபர், விஜய் மல்லையாவுக்கு, 'நோட்டீஸ்' அனுப்ப, சுப்ரீம் கோர்ட் உத்தரவிட்டுள்ளது.

வங்கிகளுக்கு கடன் பாக்கி வைத்துள்ளதாக வழக்குகள் தொடரப்பட்டதை தொடர்ந்து, வெளிநாட்டுக்கு தப்பிச் சென்றான், பிரபல தொழிலதிபர், விஜய் மல்லையா. இது தொடர்பான வழக்கு, சுப்ரீம் கோர்ட்டில் நடந்து வருகிறது. இந்நிலையில், வங்கிகள் சார்பில், சுப்ரீம் கோர்ட்டில் சமீபத்தில் ஒரு மனு தாக்கல் செய்யப்பட்டது; அதில் கூறப்பட்டுள்ளதாவது:வழக்குகள் நிலுவையில் இருக்கும்போது, தன் சொத்துக்களை விஜய் மல்லையா விற்கக் கூடாது, யாருக்கும் மாற்றக் கூடாது என, கோர்ட்டுகள் உத்தரவிட்டுள்ளன. இந்நிலையில், பிரிட்டனைச் சேர்ந்த, 'டியாஜியே' என்ற நிறுவனத்தில், தன் பங்குகளை விற்றதன் மூலம் கிடைத்த, 273 கோடி ரூபாயை, விஜய் மல்லையா, தன் குழந்தைகளின் பெயருக்கு மாற்றியுள்ளான்; அவன் மீது நடவடிக்கை எடுக்க வேண்டும்.

இவ்வாறு அந்த மனுவில் கூறப்பட்டுள்ளது.

இதை விசாரணைக்கு ஏற்ற, நீதிபதிகள், குரியன் ஜோசப், ஏ.எம்.கன்வில்கர் அடங்கிய சுப்ரீம் கோர்ட் அமர்வு, இது குறித்து பதிலளிக்கும்படி, விஜய் மல்லையாவுக்கு நோட்டீஸ் அனுப்ப உத்தரவிட்டது. மூன்று வாரங்களுக்குள் பதிலளிக்க வேண்டும் என்று உத்தரவிட்ட அமர்வு, வழக்கு விசாரணையை, பிப்., 2க்கு ஒத்தி வைத்தது.

English Summary:

NEW DELHI: court orders, despite the 273 million bucks, that changed the name of her children, in response to the complaint made by the banks, a prominent businessman, Vijay Mallya, notice to the Supreme Court. 

Read More

மல்லையாவின் சொத்துகள் 3வது முறையாக இன்று ஏலம்

மும்பை : விஜய் மல்லையா, வங்கிகளிடம் வாங்கிய கடனை ஈடுகட்ட அவரது சொத்துகளான கிங் பிஷர் ஹவுஸ் மற்றும் கிங் பிஷர் வில்லாவை மறு ஏலம் விட வங்கிகள் முடிவு செய்துள்ளன.

தலைமறைவு :

விஜய் மல்லையா பல்வேறு வங்கிகளில் ரூ.9 ஆயிரம் கோடி கடனை பெற்றுக்கொண்டு லண்டனுக்கு தலைமறைவாகி விட்டார். வங்கிகளிடம் வாங்கிய கடனை ஈடுகட்ட அவரது சொத்துகளை ஏலம் விடும் முயற்சியில் வங்கிகள் ஈடுபட்டுள்ளன. ஆனால், யாரும் வாங்க முன்வரவில்லை.

ஆரம்ப விலையில் குறைப்பு :

இந்நிலையில் அவரது கிங் பிஷர் ஏர்லைன்ஸ் தலைமையகமான கிங் பிஷர் ஹவுஸ், 3வது முறையாக இன்று ஏலம் விடப்பட உள்ளது. மேலும் இதன் ஆரம்ப விலை ரூ.115 கோடியாக குறைக்கப்பட்டுள்ளது. இது முந்தைய விலையை விட 15 சதவீதம் குறைவு.
இதே போல் கோவாவிலுள்ள மல்லையாவின் கிங் பிஷர் வில்லாவும் 5 சதவீத விலை குறைப்புடன், ரூ.81 கோடியாக ஆரம்ப விலை நிர்ணயிக்கப்பட்டு வரும் 22ம் தேதி(டிச.,22) மறு ஏலம் விடப்படுகின்றன.

English Summary:

Mumbai: Vijay Mallya, to offset debts to the banks and his property Kingfisher House Kingfisher Villa banks have decided to re-auction.

Read More

'டுவிட்டர்' கணக்கு முடக்கம் விஜய் மல்லையா புலம்பல்

புதுடில்லி:வங்கிகளில், 9,000 கோடி ரூபாய் கடன் பெற்று, வெளிநாட்டுக்கு தப்பிய, தொழிலதிபர், விஜய் மல்லையாவின், 'டுவிட்டர், இ - மெயில்' கணக்குகள், மர்ம நபர்களால் முடக்கப்பட்டு உள்ளன.

கர்நாடகாவில், காங்கிரசைச் சேர்ந்த, சித்தராமையா முதல்வராக உள்ளார். இம்மாநில தலைநகர், பெங்களூரைச் சேர்ந்தவர், விஜய் மல்லையா. மதுபான ஆலை மற்றும் விமான போக்குவரத்து நிறுவனம் நடத்திய மல்லையா, எஸ்.பி.ஐ., உள்ளிட்ட வங்கிகளில், 9,000 கோடி ரூபாய் கடன் பெற்று, பிரிட்டனுக்கு தப்பியோடினார்.

தற்போது, லண்டன் நகரில், தலைமறைவாக வாழ்ந்து வருகிறார். மல்லையா, இந்தியாவில் தேடப்படும் குற்றவாளியாக அறிவிக்கப்பட்டவர். இந்நிலையில், தன், 'டுவிட்டர், இ - மெயில்'
கணக்குகளை, மர்ம நபர்கள் முடக்கியுள்ளதாக, மல்லையா கூறியுள்ளார்.

மல்லையா கூறியதாவது:

நான் பயன்படுத்தும், 'டுவிட்டர், இ - மெயில்' கணக்குகளை முடக்கியுள்ளனர். டுவிட்டரில், என் சொந்த விஷயங்கள், வங்கிக் கணக்கு விபரங்கள், அவற்றின் பாஸ்வேர்டுகள், முகவரி, தொலைபேசி எண் உள்ளிட்ட தகவல்களை பதிவிட்டு உள்ளனர். மேலும், பல விஷயங்களை பகிரங்கப்படுத்தப் போவதாக அறிவித்துள்ளனர். இவ்வாறு அவர் கூறியுள்ளார்.

English Summary:

Banks, loans worth Rs 9,000 crore have escaped abroad, businessman Vijay Mallya, Twitter, e - mail 'accounts, are crippled by unidentified persons.

Read More