அமெரிக்க அதிபராக டிரம்ப் அதிகாரப்பூர்வமாக தேர்வு

வாஷிங்டன் : அமெரிக்க அதிபர் தேர்தலில் வெற்றி பெற்ற டொனால்டு டிரம்ப், தேர்தல் சபை ஓட்டெடுப்பிலும் வெற்றி பெற்று அமெரிக்க அதிபராக அதிகாரப்பூர்வமாக தேர்வு செய்யப்பட்டார்.

டிரம்ப் வெற்றி :


அமெரிக்காவில், சமீபத்தில் நடந்த அதிபர் தேர்தலில், குடியரசு கட்சி வேட்பாளராக போட்டியிட்ட, டொனால்டு டிரம்ப், 70, வெற்றி பெற்றார்; ஜனவரியில், அவர் பதவி ஏற்க உள்ளார். அதிபர் தேர்தலில் மக்கள் ஓட்டெடுப்பில் வெற்றி பெறுபவர், மாநிலங்களில் உள்ள தேர்தல் சபை ஓட்டெடுப்பிலும் வெற்றி பெற வேண்டும்.

அதிகாரப்பூர்வ தேர்வு :

இந்நிலையில் தேர்தல் சபை உறுப்பினர்களின் கூட்டம் நேற்று (டிச.,19) நடத்த முடிவு செய்யப்பட்டது. 538 பிரதிநிதிகளை கொண்ட இக்கூட்டத்தில் 270 பேரின் ஓட்டுகளை டிரம்ப் பெற வேண்டும். இக்கூட்டத்தில் 304 எலக்ட்ரோல் ஓட்டுகளை பெற்று டிரம்ப், அமெரிக்க அதிபராக அதிகாரப்பூர்வமாக தேர்வு செய்யப்பட்டார். ஹிலாரிக்கு 227 எலக்ட்ரோல் ஓட்டுகள் கிடைத்தது.

English summary:

Washington : The US presidential election winner Donald Trump, won the US presidential election officially was chosen voted Council.

Read More

தான் மீண்டும் அதிபர் பதவிக்கு போட்டியிடபோவதில்லை:பிரான்ஸ் அதிபர் அறிவிப்பு

பாரீஸ்:பிரான்ஸில் அடுத்த ஆண்டு நடைபெறவுள்ள அதிபர் தேர்தலில் போட்டியிடப் போவதில்லை என்று தற்போதைய அதிபர் பிரான்சுவா ஹொலாந்த் வெள்ளிக்கிழமை(நேற்று) அறிவித்தார்.

7 சதவீத ஓட்டுக்கள் மட்டுமே கிடைக்கும்:

கடந்த 2012-ஆம் ஆண்டு நடைபெற்ற தேர்தலில் இடது சாரி சோஷலிச கட்சி சார்பில் போட்டியிட்டு பிரான்சுவா ேஹாலண்ட் வெற்றி பெற்று அதிபரானார்.பொருளாதாரத் தேக்க நிலை, இஸ்லாமிய தேச பயங்கரவாத தாக்குதல்கள் உள்ளிட்டவை அவரது ஆட்சிக் காலத்தை குறிப்பிடத் தக்க அளவுக்கு பாதித்தன. அடுத்த ஆண்டு ஏப்ரலில் நடைபெறவிருக்கும் அதிபர் தேர்தலில் மீண்டும் போட்டியிட்டால் அவருக்கு ஏழு சதவீத ஓட்டுக்கள் மட்டுமே கிடைக்கும் என்று கருத்துக் கணிப்பில் தெரிய வந்தது.

தற்போது பிரதமராகப் பொறுப்பு வகித்து வருகிற மானுவல் வால்ஸ் சோஷலிச கட்சி சார்பில் எதிராகத் தேர்தல் களத்தில் இறங்குவார் என்று கூறப்பட்டு வந்தது. இந்த நிலையில், தான் மீண்டும் அதிபர் பதவிக்குப் போட்டியிடப் போவதில்லை என்று பிரான்சுவா ேஹாலண்ட் அறிவித்திருக்கிறார். இதையடுத்து, அதிபர் தேர்தலில் சோஷலிச கட்சி வேட்பாளராக மானுவல் வால்ஸ் அறிவிக்கப்படுவது ஏறக்குறைய உறுதியாகியுள்ளது. சோஷலிச கட்சியின் வேட்பாளர் தேர்வு ஜனவரி 22, 29 தேதிகளில் நடைபெறும்.பிரான்ஸ் அதிபர் தேர்தல் அடுத்த ஆண்டு ஏப்ரல் 23-ஆம் தேதி நடைபெறும். அதில் எந்த வேட்பாளருக்கும் பெரும்பான்மை கிடைக்காவிட்டால், இரண்டாம் கட்டத் தேர்தல் மே மாதம் 7-ஆம் தேதி நடைபெறும் என தெரியவந்துள்ளது.

English summary:

Paris: France will not stand in the presidential election to be held next year, the current President Francois Hollande on Friday (yesterday) announced.

Read More