சுங்கச்சாவடிகளில் கட்டண வசூல் மீண்டும் தொடங்கியது : பெட்ரோல் நிலையங்களில் சில்லரை தட்டுப்பாடு

சென்னை - தேசிய நெடுஞ்சாலைகளில் உள்ள சுங்கச்சாவடிகளில், வாகனங்களுக்கு சுங்கக் கட்டணம் ரத்து என்ற மத்திய அரசின் கெடு நிறைவடைந்ததை அடுத்து, நேற்று முன்தினம் நள்ளிரவு முதல் மீண்டும் சுங்கக்கட்டணம் வசூலிக்கப்பட்டு வருகிறது. பெட்ரோல் நிலையங்கள், விமான டிக்கெட் விற்பனை மையங்களில் புதிய ரூபாய் நோட்டுகள் மட்டுமே பெறப்படும் என்ற மத்திய அரசின் அறிவிப்பால், பொதுமக்களும், வாகன ஓட்டிகளும் கடும் அவதி அடைந்துள்ளனர். பணத்தட்டுப்பாடு : பழைய 500 மற்றும் 1000 ரூபாய் நோட்டுக்கள் செல்லாது என மத்திய அரசு அதிரடியாக அறிவித்தது. இதனைத் தொடர்ந்து, புதிய 500 மற்றும் 2 ஆயிரம் ரூபாய் நோட்டுகள் புழக்கத்திற்கு வந்த போதிலும், பணத்தட்டுப்பாடு நிலவி வருகிறது.

இதனால், பொதுமக்கள் மிகுந்த சிரமத்திற்கு ஆளாகியுள்ளனர். தொழில்களும் கடுமையாக பாதிக்கப்பட்டுள்ளன. ஸ்வைப் இயந்திரங்கள் : இதனையடுத்து, தேசிய நெடுஞ்சாலைகளில் வாகன போக்குவரத்து தடையின்றி நடைபெறும் வகையில், சுங்கச் சாவடிகளில் 2-ம் தேதி வரை சுங்க வரிக்கட்டணம் வசூலிக்கப்படமாட்டாது என மத்திய அரசு அறிவித்திருந்தது. வாகனங்களுக்கான இந்த சுங்கவரிக் கட்டண ரத்து, நிறைவடைந்ததை அடுத்து, சுங்கச்சாவடிகளில் மீண்டும் சுங்கக்கட்டணம் வசூலிக்கப்பட்டு வருகிறது. ஏற்கெனவே அறிவித்தபடி, வரும் 15-ம் தேதி வரை சுங்கச்சாவடிகளில் பழைய 500 மற்றும் 1,000 ரூபாய் நோட்டுகளை பயன்படுத்தலாம் என தெரிவிக்கப்பட்டுள்ளது.

மேலும், நாடு முழுவதும் 3 ஆயிரத்து 800 சுங்க சாவடிகளில், ஸ்வைப் இயந்திரங்கள் மூலம் கிரெடிட் மற்றும் டெபிட் கார்டுகளை பயன்படுத்தி வாகன ஓட்டிகள் சுங்க கட்டணத்தை செலுத்தவும் ஏற்பாடு செய்யப்பட்டுள்ளது. வாகன ஓட்டிகளும், பொதுமக்களும் அவதி: இதேபோல், பெட்ரோல் நிலையங்கள் மற்றும் விமான டிக்கெட் விற்பனை மையங்களில் வரும் 15ம் தேதி வரை 500 மற்றும் ஆயிரம் ரூபாய் நோட்டுக்கள் பெறப்படும் என தெரிவிக்கப்பட்டிருந்தது. பின்னர், இந்த கால அவகாசம் குறைக்கப்பட்டு, நேற்று முன்தினம் வரை மட்டுமே பழைய 500 ரூபாய் நோட்டுகள் பெறப்படும் என புதிதாக அறிவிக்கப்பட்டது.

இதனையடுத்து, பெட்ரோல் நிலையங்கள் மற்றும் விமான டிக்கெட் விற்பனை மையங்களில் நேற்று முதல் புதிய ரூபாய் நோட்டுகள் மட்டுமே பெறப்படுவதால், வாகன ஓட்டிகளும், பொதுமக்களும் கடும் அவதிக்கு ஆளாகியுள்ளனர். ஏற்கெனவே, புதிய ரூபாய் நோட்டுகள் முழுவதும் புழக்கத்திற்கு வராத நிலையில், இந்த அறிவிப்பால் கடும் அதிருப்தியடைந்துள்ள பொதுமக்கள், பழைய ரூபாய் நோட்டுகளை பயன்படுத்துவதற்கான கால அவகாசத்தை மேலும் நீட்டிக்க வேண்டும் என கோரிக்கை விடுத்துள்ளனர். இதனிடையே, ஏற்கெனவே அறிவித்தபடி, ரயில்வே டிக்கெட் கட்டணத்திற்கு, வரும் 15-ம் தேதி வரை பழைய 500 ரூபாய் நோட்டுகளை பயன்படுத்திக் கொள்ளலாம் என மத்திய ரயில்வே துறை தெரிவித்துள்ளது.

English Summary : Tolls on the charges began again: a shortage of retail petrol stations.Tolls on national highways, the vehicles in the wake of the completion of the Customs cancel the payment deadline of the central government, has solicited ...

Read More

2016 - 2017-ம் ஆண்டு நிதியாண்டில் 4 லட்சம் விவசாயிகளுக்கு ரூ.2376 கோடி பயிர்க்கடன் வழங்கி தமிழக அரசு சாதனை

சென்னை, 2016 - 2017-ம் ஆண்டு நிதியாண்டில், 4 லட்சம் விவசாயிகளுக்கு ரூ.2376 கோடி பயிர்க்கடன் வழங்கி தமிழக அரசு சாதனை படைத்துள்ளது. மேலும் நவ. 23 முதல் டிச. 2 வரை வரை, 40,892 விவசாயிகளுக்கு ரூ.148.22 கோடி பயிர்க்கடன் ரொக்கமாக வழங்கப்பட்டுள்ளது.

ரிசர்வ் வங்கி அறிவுறுத்தல்

இந்திய ரிசர்வ் வங்கி, புழக்கத்திலிருந்த  500 மற்றும் 1000 ரூபாய் நோட்டுகள், 9.11.2016 முதல் சட்டப்படி செல்லத்தக்கதல்ல என்று அறிவித்தது.  இதனைத் தொடர்ந்து, செல்லத்தக்கவை அல்ல என அறிவிக்கப்பட்ட ரூபாய் நோட்டுகளை, 30.12.2016 வரை வங்கிக் கணக்குகளில் செலுத்தும் முறை பற்றியும் மேலும் அவற்றை மாற்றிக் கொள்வது குறித்தும் உரிய வழிகாட்டுதல்களை அறிவித்தது.

பழைய நோட்டுகளை பெற இயலாத நிலை

வங்கிகள் ஒழுங்குமுறைச் சட்டம் 1949-ன்படி, வங்கிகள் என பட்டியலிடப்பட்ட நிறுவனங்களும் மற்றும் அதில் குறிப்பாக சொல்லப்பட்ட நிறுவனங்களும்,  இந்திய ரிசர்வ் வங்கி வெளியிடும் வழிகாட்டு நெறிமுறைகளின்படி இத்திட்டத்தை செயல்படுத்தும் என்று இந்திய நிதியமைச்சகத்தின் பொருளாதார விவகாரத் துறை 9.11.2016 அன்று அறிவிப்பு வெளியிட்டது.  தொடக்க வேளாண்மைக் கூட்டுறவுக் கடன் சங்கங்கள், வங்கி என்ற வரன்முறைக்குள் வரவில்லை. இதனால் செல்லத்தக்கதல்ல என அறிவிக்கப்பட்ட  பழைய 500   மற்றும்  1000 ரூபாய் நோட்டுகளை தொடக்க வேளாண்மைக் கூட்டுறவுக் கடன் சங்கங்கள்  விவசாயிகளிடமிருந்து பெற  இயலாத நிலை ஏற்பட்டது.

கடன் வழங்க முடியாத நிலை

மாவட்ட மத்திய கூட்டுறவு  வங்கிகளில்  தொடக்க வேளாண்மை கூட்டுறவு கடன் சங்கங்கள் கணக்கு வைத்திருப்பதால்  இச்சங்கங்கள் வாடிக்கையாளராகவே கருதப்படுகின்றன. இதன் காரணமாக, தொடக்க வேளாண்மைக் கூட்டுறவுக் கடன் சங்கங்களும் ஒரு வாரத்திற்கு  24,000 ரூபாய் மட்டுமே ரொக்கமாக பெற இயலும் நிலை ஏற்பட்டது. எனவே,  தொடக்க வேளாண்மைக் கூட்டுறவுக் கடன் சங்கங்கள் வாயிலாக  விவசாயிகளுக்கு  பயிர்க்கடன் வழங்க இயலாத  நிலை   ஏற்பட்டு, தொடக்க வேளாண்மைக் கூட்டுறவுக் கடன் சங்கங்கள் முடங்கும் நிலை ஏற்பட்டது.

மாற்றம் செய்யவும் தடை

9.11.2016 முதல் செல்லத்தக்கதல்ல என அறிவிக்கப்பட்ட ரூபாய் நோட்டுகளை மாவட்ட மத்தியக் கூட்டுறவு வங்கிகள், தங்களது வாடிக்கையாளர்களிடமிருந்து பெற்று வந்த நிலையில்,  14.11.2016 அன்று இந்திய ரிசர்வ் வங்கி வெளியிட்ட அறிவிப்பின் மூலம், மாவட்ட மத்தியக் கூட்டுறவு வங்கிகளில்,  செல்லத்தக்கதல்ல என அறிவிக்கப்பட்ட 500  மற்றும் 1000 ரூபாய் நோட்டுகளை வாடிக்கையாளர்களிடமிருந்து பெற்று அவர்களது கணக்கிற்கு வரவு வைக்க இயலவில்லை. மேலும், செல்லத்தக்கதல்ல என அறிவிக்கப்பட்ட நோட்டுகளை மத்தியக் கூட்டுறவு வங்கிகள் வாயிலாக மாற்றம் செய்வதும் தடை செய்யப்பட்டது.

இந்திய ரிசர்வ் வங்கியின் அறிவிப்புகளினால், தேசிய மயமாக்கப்பட்ட மற்றும் தனியார் வங்கிகளின் வாடிக்கையாளர்கள் 30.12.2016 வரை செல்லத்தக்கதல்ல என அறிவிக்கப்பட்ட ரூபாய் நோட்டுகளை அவர்களது கணக்குகளில் செலுத்த அனுமதியிருந்தும், மாவட்ட மத்தியக் கூட்டுறவு வங்கி வாடிக்கையாளர்களும் மற்றும் தொடக்க வேளாண்மைக் கூட்டுறவுக் கடன் சங்கங்களின் உறுப்பினர்கள் மற்றும் வாடிக்கையாளர்களும், இந்த ரூபாய் நோட்டுகளைச் செலுத்த இயலவில்லை.

பயிர்க்கடன் வழங்க நடவடிக்கை

விவசாயிகளுக்கு தொடர்ந்து தடையின்றி பயிர்கடன் வழங்க ஏதுவாக அரசாணை எண். 132, கூட்டுறவு உணவு மற்றும் நுகர்வோர் பாதுகாப்பு துறை, நாள்.22.11.2016-ன் படி 22.11.2016 முதல் கீழ்க்காணும் நடவடிக்கைகள் மேற்கொள்ள ஆணையிடப்பட்டு, நடைமுறைபடுத்தப்பட்டுள்ளது.
1.தொடக்க வேளாண்மைக் கூட்டுறவுக் கடன் சங்கங்கள் தற்போதுள்ள நடைமுறைகளைப் பின்பற்றி விவசாய உறுப்பினர்களுக்குத் தொடர்ந்து பயிர்க்கடன்கள்  அனுமதிக்கப்பட்டு வருகிறது.

2.விவசாயிகளுக்கு விவசாயக் கடனின் ரொக்கப் பகுதியினை வழங்க ஏதுவாக, தொடக்க வேளாண்மைக் கூட்டுறவுக் கடன் சங்கம் இணைக்கப்பட்டுள்ள மத்தியக் கூட்டுறவு வங்கிக் கிளையில் பயிர்க்கடன் பெறும் விவசாய உறுப்பினர்களின் பெயரில் “உங்கள் வாடிக்கையாளரை அறிதல்” விதிமுறைகளைக் கடைபிடித்து கணக்குகள், பயிர்க் கடன் பெறும் ஒவ்வொரு கடன்தாரருக்கும்  கட்டணம் ஏதும் வசூலிக்காமல், துவக்கப்பட்டு வருகிறது.

3.இப்பணி தொடர்பாக ஏற்படும் பணிப்பளுவினைச் சமாளிக்க ஏதுவாக மத்தியக் கூட்டுறவு வங்கிகள் ஓய்வு பெற்ற பணியாளர்களை தற்காலிகமாக ஈடுபடுத்தி வருகின்றனர்.

4.தொடக்க வேளாண்மை கூட்டுறவுக் கடன் சங்கங்களில் பயிர்க்கடன்  அனுமதிக்கப்பட்ட உடன் கடன் தொகையின் ரொக்கப் பகுதியை மாவட்ட மத்தியக் கூட்டுறவு வங்கிக் கிளைகளில் துவக்கப்பட்டுள்ள விவசாய உறுப்பினர்களின் வங்கிக் கணக்கில் வரவு வைக்க ஏதுவாக தொடர்புடைய மத்திய கூட்டுறவு வங்கிக்கு பற்றுச் சீட்டு தொடக்க வேளாண்மை கூட்டுறவுச் சங்கத்தால் அனுப்பி வைக்கப்பட்டு விவசாயிகள் தொடர்புடைய மத்திய கூட்டுறவு வங்கிக் கிளையில் விவசாய உறுப்பினர் கணக்கில் வரவு வைக்கப்பட்ட கடன் தொகையில், விவசாயி ஒரு வாரத்திற்கு 25,000 ரூபாய் ரொக்கமாக வங்கிக் கணக்கிலிருந்து பணத்தை பெற்று வருகின்றனர்.

5.விவசாயிகளுக்குத் தேவையான இடுபொருட்களான உரம், விதைகள் ஆகியவைக்கான தொகையை ரொக்கமாக செலுத்த வலியுறுத்தாமல், அவர்களுக்கு பயிர்க் கடன் வழங்கும்போது அக்கணக்கில் பற்று வைத்து, தொடக்க வேளாண்மைக் கூட்டுறவுக் கடன் சங்கங்கள் வழங்கி வருகின்றன.  அதாவது, ரொக்கமாகப் பணம் செலுத்தாமலேயே விவசாயிகள் இடுபொருட்களைப் பெற இயலும்.

6.பயிர்க்காப்பீட்டுத் தொகையினை விவசாயிகளின் பயிர்க்கடன் கணக்கில் பற்று வைத்து, தொடர்புடைய காப்பீடு நிறுவனத்திற்கு மத்தியக் கூட்டுறவு வங்கிகள் 5.12.2016 க்கு முன்னர் செலுத்தும்.

7.தொடக்க வேளாண்மைக் கூட்டுறவுக் கடன் சங்கங்களில் பயிர்க் கடன் பெறாத விவசாயிகள், வரைவோலை அல்லது ரொக்கமாக செலுத்தி தங்களுக்குத் தேவையான உரம், இடுபொருட்கள் மற்றும் விவசாயப் பணிகளுக்குத் தேவையான வேளாண் இயந்திரங்களை வாடகைக்கு எடுத்துக் கொள்ளவும் வழிவகை செய்யப்பட்டுள்ளது.

பயிர்க்கடன் வழங்கி அரசு சாதனை

2015-16ம் நிதியாண்டில் 30.11.2015 வரை 7,42,629 விவசாயிகளுக்கு  ரூ.4061.14 கோடி  பயிர்கடன் வழங்கப்பட்டுள்ளது.  2016-17ம் ஆண்டில், 30.11.2016 வரை 4,07,387 விவசாயிகளுக்கு  ரூ.2376.83 கோடி  பயிர்கடன் வழங்கப்பட்டுள்ளது.  23.11.2016 முதல் 02.12.2016 வரை மத்திய கூட்டுறவு வங்கிக் கிளைகளில் 76,440 விவசாய உறுப்பினர்களுக்கு கணக்குகள் துவங்கப்பட்டுள்ளது. இதில் 40,892 விவசாயிகளுக்கு ரூ.148.22 கோடி பயிர்க்கடன் ரொக்கமாக வழங்கப்பட்டுள்ளது.  32,430 விவசாயிகளுக்கு ரூ.23.99 கோடி அளவிற்கு ரொக்கமாகப் பணம் செலுத்தாமலேயே விவசாயிகள் இடுபொருட்கள் வழங்கப்பட்டுள்ளது.  மேலும், 19,250 விவசாயிகளுக்கு ரூ.1.78 கோடி  பயிர்க்காப்பீட்டுத் தொகையினை விவசாயிகளின் பயிர்க்கடன் கணக்கில் பற்று வைத்து தொடர்புடைய காப்பீடு நிறுவனத்திற்கு 02.12.2016 வரை வழங்கப்பட்டுள்ளது.

மேலும், 23.11.2016 முதல் 02.12.2016 வரை கூட்டுறவு சங்கங்களில் பயிர்க்கடன் பெறாத 2,64,967 விவசாயிகளிடமிருந்து ரூ.18.6 கோடி பயிர்காப்பீட்டுத்தொகை வசூலிக்கப்பட்டு தொடர்புடைய காப்பீட்டு நிறுவனங்களுக்கு வழங்கப்பட்டுள்ளது.



English Summary :2016 - 2017 fiscal year .2376 crore and Rs 4 lakh farmers a government record crop.2016 - 2017 fiscal year, and 4 million farmers Rs .2376 crore a government record crop. More Nov. Dec. 23. Up to 2, 40.892 cash crop farmers have been granted Rs .148.22 crore.RBI, 500 and 1000 banknotes in circulation, 9.11.2016, announced that the first legally invalid. Following this, declared null and void banknotes, up to 30.12.2016 in the accounts of the payment system, and announced them to change the relevant guidelines.

Read More

டெல்லியில் அடுத்த மாதம் முதல் பிளாஸ்டிக் பொருட்களுக்கு தடை : தேசிய பசுமை தீர்ப்பாயம் அதிரடி உத்தரவு

புதுடெல்லி   - டெல்லி மற்றும் அதனையொட்டிய பகுதிகளில், பயன்படுத்தி தூக்கி எறியும் பிளாஸ்டிக் பொருட்களுக்கு ஜனவரி 1ம் தேதி முதல் தடை விதிக்கப்படுவதாக தேசிய பசுமை தீர்ப்பாயம் தெரிவித்துள்ளது.

ஜனவரி மாதம் ஒன்றாம் தேதி :

டெல்லியில், தேசிய பசுமைத் தீர்ப்பாய தலைவர் ஸ்வதந்தர்குமார் தலைமையிலான அமர்வு முன்னிலையில் நடைபெற்ற கூட்டத்தில் இந்த முடிவு எடுக்கப்பட்டது. அதன்படி, வரும் ஜனவரி மாதம் ஒன்றாம் தேதி முதல் ஒருமுறை பயன்பாட்டு பிளாஸ்டிக் பொருட்களுக்கு தடை விதிக்கப்படும். இந்த தடை டெல்லி மற்றும் அதனை சுற்றியுள்ள பகுதிகளுக்கு பொருந்தும் என அறிவிக்கப்பட்டுள்ளது.இந்த தடையின்கீழ், பிளாஸ்டிக் கப்கள், மளிகைப் பொருட்களுக்கான பிளாஸ்டிக் பைகள் உள்ளிட்ட பல்வேறு பொருட்கள் அடங்கும்.

பசுமை தீர்ப்பாயம் கண்டனம் : 
இதற்கான சுற்றறிக்கையை டெல்லி நகர மேம்பாட்டு ஆணையம் மற்றும் பிற பொதுத்துறை அதிகாரிகளுக்கு தேசிய பசுமைத் தீர்ப்பாயம் அனுப்பியுள்ளது. முன்னதாக, டெல்லியில் காற்று மாசு மற்றும் மூடுபனி காரணமாக ஏற்படும் விபத்துகள் உள்ளிட்டவற்றை கையாளுவதில் டெல்லி அரசு மெத்தனம் காட்டி வருவதாக தேசிய பசுமைத் தீர்ப்பாயம் கடும் கண்டனம் தெரிவித்தது குறிப்பிடத்தக்கது.

English Summary : Ban on plastic products in Delhi next month: The National Green Tribunal Action directive.Delhi and its nearer parts, plastic throw-away items banned from January 1, according to the National Green Tribunal. On the first of January.

Read More

ரயில் முன்பதிவு டிக்கெட் கவுண்டர்களில் வருகிறது ஸ்வைப் மெஷின் வசதி

புதுடில்லி: நாட்டில் உள்ள அனைத்து ரயில் நிலையங்களிலும் விரைவில் ஸ்வைப் மெஷின் வர உள்ளது என ரயில்வேதுறை திட்டமிட்டுள்ளதாக தகவல்கள் தெரிவிக்கின்றன.

கடந்த நவம்பர் மாதம் 8-ம் தேதி புழக்கத்தில் இருந்த 500,1,000 ரூபாய் நோட்டுக்கள் செல்லாது என அறிவிக்கப்பட்டது. அதைத் தொடர்ந்து புதிய 500,2000 ரூபாய் அறிமுகப்படுத்தப்பட்டு பொதுமக்களுக்கு விநியோகிக்கப்பட்டது. மேலும் பழைய நோட்டுகளை டிசம்பர் 30ம் தேதி வரை வங்கிகளில் டிபாசிட் செய்து கொள்ளலாம் எனவும் மத்திய அரசு அறிவித்தது.இதனை தொடர்ந்து பொதுமக்கள் தங்களிடம் உள்ள பழைய நோட்டுகளை வங்கிகளில் டிபாசிட் செய்து வருகின்றனர்.

பணமில்லா பரிவர்த்தனைகள் ஊக்குவிக்க திட்டம்:

புதிய நோட்டுக்கள் போதிய அளவு புழக்கத்திற்கு இன்னும் வராததால் ரூபாய் நோட்டுகளுக்கு தட்டுப்பாடு ஏற்பட்டுள்ளது. இதனிடையே நாடு முழுவதும் பணமில்லா பரிவர்த்தனைகளை ஊக்குவிக்கும் வகையில் மத்திய அரசு பல்வேறு திட்டங்களை அறிமுகப்படுத்தி வருகிறது. இந்நிலையில் ரயில்வே கவுண்டர்களில் ஸ்வைப் மெஷின் வசதியை அறிமுகம் செய்ய ரயில்வே நிர்வாகம் திட்டமிட்டு வருவதாக கூறப்படுகிறது. இதற்காக எஸ்பிஐ, ஐசிஐசிஐ வங்கிகளிடம் ரயில்வே நிர்வாகம் 15,000 ஸ்வைப் மெஷின்களை கேட்டுள்ளதாகதகவல்கள் வெளியாகியுள்ளன.

English Summary:

 All the stations in the country as soon as possible to Swipe Machine Railways have drawn a plan. 

Read More

புதிய காற்றழுத்த தாழ்வு உருவாக வாய்ப்பு

ஹேக்: நெதர்லாந்து நாட்டின் ேஹக் நகரில் 16வது சர்வதேச குழந்தைகளுக்கான அமைதி விருது வழங்கும் விழா நடந்தது.
16வது சர்வேத குழந்தைகளுக்கான அமைதி விருது
இவ்விருது வழங்கும் விழாவில்,இந்தியாவை பூர்வீகமாக கொண்ட துபாய் வாழ் சிறுமி கேஹாசன் பாசுவுக்கு அமைதிக்கான விருது வழங்கப்பட்டது. 16 வயதான கேஹாசன் பாசு, சுற்றுச்சூழலை பாதுகாக்க போராடி வருவதற்காக இவ்விருது அளிக்கப்பட்டது
.
English Summary:

The Hague: The Netherlands in the 16th International Children's Peace ehak took the award ceremony. 16th International Children's Peace Prize award ceremony, the Dubai-based Indian-origin girl's life kehacan Basu was awarded the Peace. Kehacan 16-year-old Basu, the award was given to fighting to protect the environment.

Read More

பண்ணை குட்டையுடன் சோலார்: பம்புசெட் அமைத்து விவசாயம்

ராமநாதபுரம்:

ராமநாதபுரம் மாவட்டத்தில் பண்ணை குட்டை, சோலார் பம்புசெட் மூலமாக விவசாயம் அதிகரித்து வருகிறது. ராமநாதபுரம் அருகே தினைக்குளத்தை சேர்ந்தவர் ஜவஹீர். இவர், திருப்புல்லாணி அருகே பஞ்சந்தாங்கி கிராமத்தில் 25 ஏக்கரில் மா, தென்னை, வாழை, தானியங்கள், நெல், நிலக் கடலை விவசாயம் செய்கிறார். விவசாயத்தோடு இணைந்து பரண்மேல் ஆடு வளர்ப்பு முறையில் உயர்ரக தலச்சேரி, ஜமுனாபாரி வகை ஆடுகளையும், 10க்கும் மேற்பட்ட கறவை மாடுகள், நாட்டுக்கோழி வளர்ப்பிலும் ஈடுபட்டுள்ளார். கால்நடை உரங்களை பயன்படுத்தி முழுமையாக இயற்கை விவசாயம் செய்கிறார். சுமார் 2 ஏக்கரில் 12 அடி ஆழத்தில் பெரிய பண்ணை குட்டை அமைத்துள்ளார். அதில், ஆண்டு முழுவதும் மழை நீரை தேக்கி விவசாயத்திற்கு பயன்படுத்துகிறார். புதுப்பிக்கவல்ல எரிசக்தி அமைச்சகம் மற்றும் தேசிய வேளாண்மை அபிவிருத்தி திட்டத்தில் 80 சதவீதம் அரசு மானியத்தில் சோலார் பம்புசெட் அமைத்துள்ளார்.இதற்கான மொத்த செலவு 5 லட்சத்து 1,152 ரூபாய். இதில் 3 லட்சத்து 84 ஆயிரம் ரூபாய் அரசு மானியமாக வழங்கியுள்ளது. சோலார் மோட்டாரை பயன்படுத்தி பகல் முழுவதும் பயிர்களுக்கு தண்ணீர் பாய்ச்சுகிறார்.இவற்றை பார்வையிட்ட கலெக்டர் நடராஜன் கூறுகையில், ''மாவட்டத்தில் கடந்த ஆண்டில் 20 'சோலார் பம்புசெட்' அமைக்கப்பட்டுள்ளது. இது இன்னும் அதிகரிக்கப்படும். வரும், ஆண்டில் 30 விவசாயிகளுக்கு அமைத்து தரப்படும்,'' என்றார்.பஞ்சந்தாங்கியில் விவசாயப்பணிகளை நிர்வகிக்கும் அருள் கூறுகையில், ''நிலத்தடி நீர் உப்பாக உள்ளதால் பண்ணை குட்டை அமைத்து பாசனம் செய்கிறோம். சோலார் பேனல் மூலம் ஐந்தரை குதிரை திறன் கொண்ட மோட்டார் பகல் முழுவதும் இயக்கப்படுகிறது, கறவை மாடுகள், ஆடுகளுக்கு தேவையான பசுந்தீவனங்களை சாகுபடி செய்கிறோம்,'' என்றார்.

English Summary:

Ramanathapuram district pond farming, agriculture is increasing by solar pump set. wall-pond near Ramanathapuram javahir belonged. He tiruppullani pancantanki near the village on 25 acres of mango, coconut, banana, cereals, rice, nuts and agriculture land. Combined with the high quality Thalassery paranmel goat farming, sheep jamunapari category, with more than 10 dairy cows, nattukkoli involved in farming. Is completely natural farming using animal manures.

Read More

மீட்கப்பட்ட இளைஞர்கள் : மத்திய அமைச்சருக்கு நன்றி

சென்னை: மத்திய அமைச்சர் பொன்.ராதாகிருஷ்ணன் முயற்சியால், ஷார்ஜாவில், கப்பல் ஒன்றிலிருந்து மீட்கப்பட்ட, மூன்று தமிழக இளைஞர்கள், நேற்று அவரை சந்தித்து, நன்றி தெரிவித்தனர்.நாகை, தஞ்சை, கரூர் மாவட்டங்களைச் சேர்ந்த, மூன்று இளைஞர்கள், சென்னையைச் சேர்ந்த தனியார் நிறுவனம் மூலம், ஐக்கிய அரபு அமீரகத்தில் உள்ள ஷார்ஜாவில் பணிக்காக சென்றனர்.

அங்கு கப்பலில், பல நாட்களாக, அவர்கள் அடைத்து வைக்கப்பட்டு இருந்த தகவலை, பெற்றோர் மூலம் அறிந்து, அவர்களை மீட்க, பொன்.ராதாகிருஷ்ணன் ஏற்பாடு செய்தார். அதைத் தொடர்ந்து, நேற்று சென்னை வந்த அவர்கள், பொன்.ராதாகிருஷ்ணனை, கமலாலயத்தில் சந்தித்து, நன்றி தெரிவித்தனர்.

English Summary:

Chennai: Union Minister pon.Radhakrishnan initiative, Sharjah, the ship recovered from the three Indian youth, yesterday met him, told thanks , Thanjavur, Karur in the districts, three teenagers, a Chennai-based private company from the United Arab Emirates in Sharjah missions carried .

Read More