முதல்வர ஜெயலலிதா மறைவு : ஜனாதிபதி - பிரதமர் உள்ளிட்ட தலைவர்கள் இரங்கல்

சென்னை : முதல்வர் ஜெயலலிதா மறைவு செய்தி அறிந்ததும், ஜனாதிபதி பிரணாப் முகர்ஜி தெரிவித்துள்ளார். அவர் தெரிவித்துள்ள இரங்கல் செய்தியில்,  ஆளுமைமிக்க தலைவர்களில் ஒருவராக முதல்வர் ஜெயலலிதா திகழ்ந்தார் என்று புகழாரம் சூட்டியுள்ளார்.  இதே போல் பிரதமர் மோடி விடுத்துள்ள இரங்கல் செய்தியில்,

முதல்வர் ஜெயலலிதாவின் மறைவு இந்திய அரசியலில் மிகப்பெரிய வெற்றிடத்தை ஏற்படுத்தியுள்ளது. மேலும், அவரின் மறைவு மிகுந்த வருத்தத்தை தந்துள்ளது என்று அவர் தெரிவித்துள்ளார்.

முதல்வர் ஜெயலலிதாவின் மறைவுக்காக தனது ஆழ்ந்த இரங்கலை தெரிவித்துக்கொள்வதாக மத்திய உள்துறை அமைச்சர் ராஜ்நாத் சிங் தெரிவித்துள்ளார்.

ஆந்திர முதல்வர் சந்திரபாபு நாயுடு விடுத்துள்ள இரங்கல் செய்தியில், முதல்வர் ஜெயலலிதா நமது நினைவுகளில் நீங்காத இடம்பெற்றுவிட்டார் என தெரிவித்துள்ளார்.

முதல்வர் ஜெயலலிதாவின் மறைவு பெரும் துயரத்தை ஏற்படுத்தியுள்ளதாக மேற்குவங்க முதல்வர் மம்தா பானர்ஜி தெரிவித்துள்ளார்.

அகில இந்திய காங்கிரஸ் தலைவர் சோனியா காந்தி விடுத்துள்ள இரங்கல் செய்தியில், ஏழை, எளிய மக்கள் மேம்பாடு அடைய அரசியலை பயன்படுத்தினார் என்று தெரிவித்துள்ளார்.

காங்கிரஸ் கட்சியின் துணைத் தலைவர் ராகுல் காந்தி விடுத்துள்ள இரங்கல் செய்தியில், இந்தியாவின் சிறந்த தலைவர் ஒருவரை இழந்துவிட்டோம் என்று தெரிவித்துள்ளார்.

எளிய மக்களின் தலைவரான முதல்வர் ஜெயலலிதாவை இழந்துவிட்டோம் என்று டெல்லி முதல்வர் கெஜ்ரிவால் தெரிவித்துள்ளார்.
மத்திய இணையமைச்சர் பொன்.ராதாகிருஷ்ணன் விடுத்துள்ள இரங்கல் செய்தியில், தன்னம்பிக்கையும், தைரியமும் மிக்க ஒரு தலைவரை இழந்து விட்டோம் என்று தெரிவித்துள்ளார்.

தி.மு.க பொருளாளரும், எதிர்க்கட்சி தலைவருமான மு.க.ஸ்டாலின் விடுத்துள்ள இரங்கல் செய்தியில், முதல்வர் ஜெயலலிதாவின் மறைவு பெரும் அதிர்ச்சியை ஏற்படுத்தியுள்ளதாக அவர் தெரிவித்துள்ளார்.

தமிழக பா.ஜ.க தலைவர் தமிழிசை சவுந்தரராஜன் விடுத்துள்ள செய்தியில், முதல்வரின் ஆத்மா சாந்தியடைய பிரார்த்திப்பதாக தெரிவித்துள்ளார்.

தே.மு.தி.க தலைவர் விஜயகாந்த் விடுத்துள்ள இரங்கல் செய்தியில், மறைந்த முதல்வர் ஜெயலலிதாவின் ஆத்மா சாந்தியடைய இறைவனை பிரார்த்திப்பதாக தெரிவித்துள்ளார்.

English Summary : Jayalalithaa Rector DIED: President - Prime Minister leaders mourned.Chief Minister Jayalalithaa on hearing news of the death, President Pranab Mukherjee said. He has expressed his condolence message, the Chief Minister was one of the influential leaders named the praise. Similarly, the Prime Minister issued a condolence message, Indian politics has created a huge void in the death of Chief Minister Jayalalithaa. Furthermore, he has said that the death of such distress. Chief Minister Jayalalithaa to extend his deepest condolences for the death of the Union Home Minister Rajnath Singh.Andhra Pradesh Chief Minister Chandrababu Naidu, the condolence message issued by the Chief Minister, has said that she never forgot our memories. Chief Minister of West Bengal Chief Minister Mamata Banerjee said that the death caused great grief. In a condolence message issued by the All India Congress president Sonia Gandhi, the poor, simple people, said to have used politics to achieve development.

Read More

முதல்வர் ஜெயலலிதா - வாழ்க்கைக் குறிப்பு

அ.தி.மு.க. பொதுச்செயலாளரும், தமிழக முதல்வருமான ஜெயலலிதா கடந்த  1948ம் ஆண்டு பிப்ரவரி மாதம் 24ம் தேதியன்று கர்நாடகத்தில் உள்ள மெலுகோடேவில் பிறந்தார்.

இது மாண்டியா மாவட்டத்தில் உள்ளது.  இவரது தாயார் சந்தியா. தந்தை ஜெயராமன். இவரது சகோதரர் ஜெயக்குமார். முதல்வர்  ஜெயலலிதா சென்னை சர்ச் பார்க் கான்வென்ட்டில் படித்தவர்.  அற்புதமான ஆங்கில அறிவை பெற்றவர். 8 மொழிகளில் பேசக்கூடியவர். 

தாயார் சந்தியாவைப்போல, இவரும் கலையுலகில் கொடி கட்டி பறந்தார். இவரது முதல் படம் ஷ்ரீதரின் வெண்ணிற ஆடை.  முதல் படத்திலேயே அற்புதமாக நடித்து  தனது திறமையை  வெளிப்படுத்தினார்.



மக்கள் திலகம் எம்.ஜி.ஆருடன் இவர் நடித்த ஆயிரத்தில் ஒருவன்  படம் வெற்றிக் கொடி நாட்டிய படமாகும். அடுத்தடுத்து  முகராசி, அரசக்கட்டளை, தேர் திருவிழா, கணவன், மாட்டுக்கார வேலன், பட்டி காட்டு பொன்னையா உள்பட எம்.ஜி.ஆருடன் பல படங்களில் நடித்து  புகழின் உச்சிக்கு சென்றார்.



அதேப்போல் நடிகர் திலகர் சிவாஜி கணேசனுடனும் பல வெற்றிப்படங்களில் நடித்துள்ளார். குறிப்பாக எங்கிருந்தோ வந்தாள், சுமதி என் சுந்தரி, சவாலே சமாளி போன்ற படங்கள் இவரது புகழை உச்சிக்கு கொண்டு சென்றன.



நன்கு பாடும் திறமைப்பெற்றவர் முதல்வர் ஜெயலலிதா . அடிமைப் பெண் படத்தில்  இவர் பாடிய அம்மா என்றால் அன்பு அப்பா என்றால் அறிவு  என்ற பாடல்  அனைவரையும் கவர்ந்த ஒரு பாடலாகும். சூரிய காந்தி படத்தில் ஓ மேரி தில் ரூபா என்ற பாடலையும், அதே படத்தில்  நான்  என்றால் அவளும் நானும் என்ற பாடலையும் ஆங்கிலத்தில் பேசி   பாடியிருப்பார். இப்படி கலையுலகில் கொடி கட்டிப்பறந்த ஜெயலலிதா அரசியலிலும்  பின்னாளில் கொடி கட்டி பறந்தார்.



1982ம் ஆண்டு இவர் எம்.ஜி.ஆர். தலைமையிலான அ.தி.மு.கவில் தன்னை இணைத்து க்கொண்டார். மதுரையில் நடந்த அ.தி.மு.க மாநாட்டில் எம்.ஜி.,ஆருக்கு செங்கோல் பரிசினை ஜெயலலிதா அளித்தார். இவருக்கு அன்றைய முதல்வர் எம்.ஜி.ஆர் கட்சியின் கொள்கை பரப்பு செயலாளர் பதவியை அளித்தார். பிறகு, ஜெயலலிதா ராஜ்ய சபை எம்.பி. ஆனார். ராஜ்யசபையில் அண்ணா இருந்த இருக்கை ஜெயலலிதாவுக்கு அளிக்கப்பட்டது.

பாராளுமன்றத்தில்  கொள்கை முழக்கங்களை எழுப்பினார். எம்.ஜி.ஆர் உடல் நலமற்று இருந்த போது தமிழகம் முழுவதும் பிரச்சாரம் செய்து, மீண்டும் அ.தி.மு.க ஆட்சிக்கு வர வழி வகுத்தார்.  1991-ம் ஆண்டு ஜெயலலிதா தமிழக முதல்வராக முதன் முறையாக பதவியேற்றார். பின்னர் அவர் மீண்டும் 2001ல் ஆட்சியை பிடித்து முதல்வராக ஆனார். இப்படி தமிழகத்தில் 6 முறை  முதல்வராக இருந்தவர் ஜெயலலிதா. தனது ஆட்சி காலத்தில்  இவர் கொண்டு வந்த திட்டங்கள் ஏராளம்.

தொட்டில் குழந்தை திட்டம், அனைத்து மகளிர் காவல் நிலையம், யானைகள் நல வாழ்வு முகாம், அம்மா குடிநீர், அம்மா உணவகம், அம்மா உப்பு, அம்மா சிமெண்ட், என்று இவர் கொண்டு வந்த திட்டங்கள் ஏழை  எளிய மக்களுக்கு பெரிதும் பலனளித்தது. அதன் பிறகு  தாலிக்கு தங்கம், இலவச சைக்கிள், இலவச மடிக்கணினி போன்ற திட்டங்களை கொண்டு வந்த ஜெயலலிதா மக்கள் மனதில் நீங்கா இடம் பிடித்தார். பின்னர், இலவச மிக்சி, கிரைண்டர், மின்விசிறி ஆகியவற்றை ஏழை, எளிய மக்களுக்கு வழங்கினார். 2016ம்ஆண்டு நடந்த சட்டமன்ற தேர்தலில்  வெற்றி பெற்றவுடன் சில முத்தான திட்டங்களில் கையெழுத்திட்டார். 100 யூனிட் இலவச மின்சாரத்தை தேர்தலில் அளித்த வாக்குறுதிப்படி மக்களுக்கு அளித்தார்.

மேலும், பல நல்ல திட்டங்களை அவர் தொடர்ந்து அமல் படுத்தினார். சமீபத்தில் கூட விவசாயிகளுக்கு ரொக்கப்பயிர் கடன் வழங்க ஏற்பாடு செய்தார். அதன் படி 2016-17-ம் நிதியாண்டில் 4லட்சம் விவசாயிகளுக்கு ரூ.2376 கோடி பயிர் கடன் வழங்கி இவரது அரசு சாதனை படைத்தது. இப்படி ஏராளமான திட்டங்களை மக்களுக்காக அளித்தவர் முதல்வர் ஜெயலலிதா. காவிரி பிரச்சினை, பெரியாறு அணை பிரச்சினைகளில் சட்டப் போராட்டம் நடத்தி வெற்றி கண்டவர் முதல்வர். மக்களால் நான். மக்களுக்காகவேநான். என்ற தாரக மந்திரத்தை  எப்போதும் உச்சரித்தவர் முதல்வர் ஜெயலலிதா.  மக்கள் மனதில் நீங்கா இடம் பிடித்தவர் முதல்வர் ஜெயலலிதா என்றால் அது மிகையாகாது.

''அச்சமில்லை அச்சமில்லை அச்சமென்பதில்லையே.உச்சிமீது வானிடிந்து வீழுகின்ற போதினும்,அச்சமில்லை அச்சமில்லை அச்சமென்பதில்லையே''
என்ற பாரதியார் வரிகளுக்கு ஏற்ப வாழ்ந்து காட்டியவர் தான் ஜெயலலிதா. அசாத்திய துணிச்சலுடன் சினிமா, அரசியல் என பல துறைகளிலும் தடம் பதித்தார். காலத்தை வென்று காவியம் படைத்த இவர், தமிழக வரலாற்றில் தனக்கென தனி இடம் பிடித்தார். தமிழக முதல்வராக ஆறு முறை பதவி வகித்தவர்; இந்தியாவின் நீண்டகாலம் பதவி வகித்த பெண் முதல்வர்களில் 2வது நபர்;

29 ஆண்டுகளாக அ.தி.மு.க., வின் பொதுச்செயலர்; தமிழகத்தின் முதல் பெண் எதிர்க்கட்சி தலைவர், சினிமாவிலும் வெற்றிக்கொடி நாட்டியவர்;
ஏழு மொழிகளில் சரளமாக பேசத் தெரிந்தவர்;

திருமணமாகாத பெண் தலைவர்;

தைரியமான பெண்மணி;

 'அம்மா' என அவரது ஆதரவாளர்களால் அழைக்கப்படுபவர் என பல சாதனைகளை கொண்டிருந்தவர் முதல்வர் ஜெயலலிதா. கர்நாடகாவின் மைசூருவில், 1948 பிப்., 24ல் ஜெயலலிதா பிறந்தார். ஜெயலலிதா இரண்டு வயதிலேயே தன் தந்தை ஜெயராமை இழந்தார். பின் அவரின் அம்மா மற்றும் தாய்வழி தாத்தா--பாட்டி வாழ்ந்த பெங்களூருவுக்குச் சென்றார். இங்கு தங்கியிருந்த குறுகிய காலத்தில், சில ஆண்டுகள், 'பிஷப் காட்டன் பெண்கள் உயர்நிலை பள்ளியில்' பயின்றார். ஜெயலலிதா, மூன்று வயதில் இருந்தே பரதநாட்டியத்திலும், கர்நாடக இசையிலும் பயிற்சி பெற்றார். மோகினி ஆட்டம், கதக், மணிபுரி ஆகிய பாரம்பரிய நாட்டியங்களிலும் நன்கு தேர்ச்சி பெற்றவர். பரத நாட்டியக் கலையில் நுாற்றுக்கணக்கான நிகழ்ச்சிகளை நடத்தியுள்ளார்.

வெள்ளித் திரையில் அவரது தாய்க்கு நடிக்க வாய்ப்புக் கிடைத்ததால், சென்னை சென்றார். ஜெயலலிதா சென்னையிலுள்ள, 'சர்ச் பார்க் ப்ரேசென்டேஷன் கான்வென்ட்டில்' மெட்ரிக்குலேஷன் படிப்பை நிறைவு செய்தார். பள்ளி இறுதி வகுப்பில் நல்ல மதிப்பெண்கள் பெற்றதால், உயர்கல்வி படிக்க மத்திய அரசின் ஸ்காலர்ஷிப் கிடைத்தது. ஆனால் குடும்ப சூழல் காரணமாக சினிமாத் துறையில் நுழைய நேரிட்டது. 15 வயதிலேயே நடிக்கத் தொடங்கினார். அரசியல் அமர்க்களம் தமிழக முதல்வராக இருந்த, எம்.ஜி.ஆரின் வழிகாட்டுதல்படி, 1982ல் அ.தி.மு.க., வின் அடிப்படை உறுப்பினராக சேர்ந்தார். 1983ல் கொள்கை பரப்புச் செயலரானார். 1983ல் நடந்த திருச்செந்துார் இடைத்தேர்தலில், பிரசார பொறுப்பை ஏற்றார். முதல் பணியை வெற்றிகரமாக முடித்து, வேட்பாளரை வெற்றி பெற வைத்தார்.

இதையடுத்து, 1984ல் முதன்முறையாக ராஜ்யசபா எம்.பி., ஆனார். 1989ல் போடி சட்டசபை தொகுதியில் வெற்றி பெற்று, கடந்த 1987ல் எம்.ஜி.ஆர்., மறைவுக்குப் பின், ஜெ., அணி மற்றும் ஜானகி அணி என அ.தி.மு.க., இரண்டாக பிளவுபட்டது. இதன் விளைவாக, தேர்தல் கமிஷனால் 'இரட்டை இலை' சின்னம் முடக்கப்பட்டது. 1989ல் நடந்த சட்டசபை தேர்தலில் ஜெயலலிதா தலைமையிலான அ.தி.மு.க., அணி, 'சேவல்' சின்னத்தில் தனித்து போட்டியிட்டது.

27 இடங்களில் வெற்றி பெற்று எதிர்க்கட்சி அந்தஸ்தை பெற்றது. போடி தொகுதியில் வெற்றி பெற்ற ஜெயலலிதா முதல் பெண் எதிர்க்கட்சி தலைவரானார். 1989 பிப்ரவரியில், அ.தி.மு.க., மீண்டும் ஒன்றிணைந்தது. ஜெயலலிதா பொதுச்செயலரானார். 'இரட்டை இலை' சின்னம் மீட்கப்பட்டது. தமிழக சட்டசபைக்கு நடந்த மருங்காபுரி, மதுரை கிழக்கு, பெரணமல்லுார் ஆகிய இடைத் தேர்தல்களில் அ.தி.மு.க.,வுக்கு வெற்றி தேடித் தந்தார்.

முதன்முறை முதல்வர்

1991ல் நடந்த சட்டசபை தேர்தலில் மொத்தமுள்ள 234 தொகுதிகளில், அ.தி.மு.க, கூட்டணி, 225 தொகுதிகளில் வெற்றி பெற்றது. ஜெயலலிதா பர்கூர் மற்றும் காங்கேயம் ஆகிய இரண்டு தொகுதிகளிலும் வெற்றி பெற்றார். இதையடுத்து முதன்முறையாக தமிழகத்தின் முதல்வராக ஜெயலலிதா பதவியேற்றார். தேர்தல் மூலம் தேர்ந்தெடுக்கப் பட்ட தமிழத்தின் முதல் பெண் முதல்வர், இளம் முதல்வர், 43, என்ற பெருமையை பெற்றார்.
அதே ஆண்டு நடந்த லோக்சபா தேர்தலிலும்,

அ.தி.மு.க., கூட்டணியை தமிழகம் மற்றும் புதுச்சேரியில் உள்ள, 40 தொகுதிகளிலும் வெற்றி பெற வைத்து சாதனை படைத்தார். 1996 சட்டசபை தேர்தலில் அ.தி.மு.க., தோல்வி அடைந்தது. 168 இடங்களில் போட்டியிட்ட, அ.தி.மு.க., வெறும் நான்கு இடங்களில் மட்டுமே வெற்றி பெற்றது. பின், 1998 லோக்சபா தேர்தலில், அ.தி.மு.க., கூட்டணி 30 தொகுதிகளில் வெற்றியடைந்தது. இதற்கு ஜெயலலிதா பெரும் பங்கு வகித்தார். 2001ல் நடந்த சட்டசபை தேர்தலில், அ.தி.மு.க., கூட்டணி, 234 தொகுதிகளில், 195 தொகுதிகளை கைப்பற்றி மீண்டும் ஆட்சியைப் பிடித்தது. ஜெயலலிதா இரண்டாவது முறையாக முதல்வரானார். 2006 தேர்தலில், அ.தி.மு.க., கூட்டணி 68இட ங்களை மட்டுமே கைப்பற்றியது. இதையடுத்து எதிர்க்கட்சி தலைவராக பொறுப்பேற்றார்.

3வது முறையாக முதல்வர்:

எதிர்க்கட்சியாக இருந்த போது, அப்போதைய தி.மு.க. ஆட்சியை எதிர்த்து தொடர் போராட்டம், ஆர்ப்பாட்டம், அறிக்கைகள் மூலம் ஜெயலலிதா கட்சியை வழி நடத்தினார். கோவை, திருச்சி, மதுரை ஆகிய பிரமாண்ட பொதுக்கூட்டங்களை நடத்தினார். இதன் பின், 2011ல் நடந்த சட்டசபை தேர்தலில், அ.தி.மு.க., கூட்டணி 203 இடங்களை கைப்பற்றி சரித்திர வெற்றி பெற்றது. அ.தி.மு.க., மட்டும் தனியாக, 150 தொகுதிகளை கைப்பற்றியது. இதையடுத்து, 2011, மே 16ல் மூன்றாவது முறையாக தமிழக முதல்வராக பதவியேற்றார். இந்த ஆட்சிக் காலத்தில் நடந்த திருச்சி மேற்கு, சங்கரன்கோவில் மற்றும் புதுக்ேகாட்டை, ஏற்காடு, ஸ்ரீரங்கம் இடைத்தேர்தலில் அ.தி.மு.க., வெற்றி பெற்றது. 2014 லோக்சபா தேர்தலில் தனியாக போட்டியிட்ட, 39 தொகுதிகளில், 37 இடங்களில் அ.தி.மு.க.,வை வெற்றி பெற வைத்தார். தடைகளை மீறி... கடந்த, 2014 செப்., 27ல் சொத்துக்குவிப்பு வழக்கில் ஜெயலலிதாவுக்கு, கர்நாடக சிறப்புநீதிமன்றத்தால் நான்கு ஆண்டு சிறை தண்டனை விதித்தது. இதையடுத்து முதல்வர் பதவியை இழந்தார். 22 நாட்களுக்குப் பின் ஜாமினில் வெளிவந்தார்.தீர்ப்பை எதிர்த்து கர்நாடக ஐகோர்ட்டில்மேல்முறையீடு செய்தார். 2015 மே 11ல் கர்நாடக ஐகோர்ட் இவரை விடுதலை செய்து தீர்ப்புவழங்கியது. இதையடுத்து மே 23ல் முதல்வராக பதவியேற்றார். 2016 சட்டசபை தேர்தலில் 227 இடங்களில்அ.தி.மு.க., தனித்து போட்டியிட்டது.இதில் 134 தொகுதிகளில் வெற்றி பெற்று ஆட்சியை பிடித்தார். எம்.ஜி.ஆர்., க்குப்பின் தொடர்ந்து இரண்டாவது முறையாக முதல்வராக
பதவியேற்று சாதித்தார்.

கடந்து வந்த பாதை

1948: மைசூருவில் பிப்., 24ம் தேதி பிறந்தார்.
1961: 'எபிஸில்' என்ற ஆங்கில படம் மூலமாக திரையுலகுக்கு அறிமுகமானார்.
1964: கன்னட படத்தில் அறிமுகம்
1965: வெண்ணிற ஆடை என்ற படத்தின் மூலம் தமிழ் படங்களில் அறிமுகம்
1965: தெலுங்கு படத்தில் அறிமுகம்
1968: இந்தி படத்தில் அறிமுகம்
1982: எம்.ஜி.ஆர்., துவக்கிய அ.தி.மு.க., வில் உறுப்பினரானார்.
* 'பெண்ணின் பெருமை' என்ற தலைப்பில் முதன்முறையாக கட்சித் கூட்டத்தில் உரை.
1983: திருச்செந்துார் இடைத்தேர்தலில் அ.தி.மு.க., வேட்பாளரை ஆதரித்து முதன்முறையாக

தேர்தல் பிரசாரம்.

1983: கொள்கை பரப்பு செயலராக எம்.ஜி.ஆரால் நியமனம்.
1984 - 89: ராஜ்யசபா எம்.பி.,
1984: சட்டசபை தேர்தலில் எம்.ஜி.ஆர்., வெளிநாட்டில் சிகிச்சை. ஜெ., வின் சூறாவளி சுற்றுப்
பயணத்தால் அ.தி.மு.க., வெற்றி.
1987: எம்.ஜி.ஆர்., மறைவுக்குப் பின் அ.தி.மு.க., இரண்டாக பிரிவு. இரட்டை இலை சின்னம் முடக்கம்.
1989: சட்டசபை தேர்தலில் வெற்றி. முதல் பெண் எதிர்க்கட்சி தலைவரானார்.
* அ.தி.மு.க., மீண்டும் ஒன்றானது. இரட்டை சிலை சின்னம் மீண்டும் ஒதுக்கீடு. ஜெ., பொதுச் செயலர் ஆனார்.
1991: முதல் முறையாக தமிழக முதல்வர். தேர்தல் மூலம் வெற்றி பெற்ற முதல் பெண் முதல்வர், இளம் முதல்வர் என்ற பெருமை பெற்றார்.
1991: லோக்சபா தேர்தலில் இவரது தலைமையிலான கூட்டணி 39 இடங்களிலும் வெற்றி.
1996: எதிர்க்கட்சி தலைவர்
2001: 2வது முறையாக தமிழக முதல்வர்.
2002 : 3வது முறையாக தமிழக முதல்வர்.
2006: எதிர்க்கட்சி தலைவர்
2011: 4வது முறையாக தமிழக முதல்வர்.

2014: செப்., : சொத்து குவிப்பு வழக்கில் தண்டனை.
2015 மே: விடுதலை
2015 மே: 5வது முறையாக தமிழக முதல்வர்.
2016 : 6வது முறையாக தமிழக முதல்வர்.

6 முறை முதல்வர்

1) 1991 ஜூன் 24 முதல் 1996 மே 12 வரை
2) 2001 மே 14 முதல் செப்., 21 வரை
3) 2002 மார்ச் 2 முதல் 2006 மே 12 வரை
4) 2011 மே 16 முதல் 2014 செப்., 27 வரை
5) 2015 மே 23 முதல் - 2016 மே 22
6) 2016 மே 23 முதல் நேற்று வரை

எதிர்க்கட்சித்தலைவர்

1989 பிப்., 9 முதல் டிச., 12 வரை
2006 மே 29 முதல், 2011, மே 13 வரை

ராஜ்யசபா எம்.பி.,

1984 ஏப்., 3 முதல் 1989 ஜன., 28 வரை எம்.எல்.ஏ.,
1) 1989 ஜன., 27 முதல், 1991 ஜன., 30 வரை
2) 1991 ஜூன் 24 முதல், 1996 மே 12 வரை
3) 2002 மார்ச் 2 முதல், 2006 மே 11 வரை
4) 2006 மே 11 முதல், 2011 மே 13 வரை
5) 2011 மே 14 முதல், 2014 செப்., 27 வரை
6) 2015 ஜூன் 27 முதல், 2016 மே 18
7) 2016 மே, 19 முதல்

04.தேர்தல் களத்தில்

ஆண்டு தொகுதி முடிவு வித்தியாசம்
1989 போடி வெற்றி 28,731
1991 பர்கூர் வெற்றி 37,215
1991 காங்கேயம் வெற்றி 33,291
1996 பர்கூர் தோல்வி 8,366
2002 ஆண்டிபட்டி வெற்றி (இடைத்தேர்தல்) 41,201
2006 ஆண்டிபட்டி வெற்றி 25,186
2011 ஸ்ரீரங்கம் வெற்றி 41,848
2015 ஆர்.கே.நகர் வெற்றி (இடைத்தேர்தல்) 1,41,062
2016 ஆர்.கே.நகர்., வெற்றி 39,545
2001 தேர்தலில் நான்கு தொகுதிகளில் வேட்புமனு தாக்கல் செய்தார். அனைத்தும் தள்ளுபடி செய்யப்பட்டன.

2வது இடம் இந்தியாவில் பதவி வகித்த பெண் முதல்வர்களில் நீண்டகாலம் பதவியில் இருந்தவர்களின் பட்டியலில் ௨வது இடத்தில் ஜெயலலிதா உள்ளார். இவர், நேற்றுடன் சேர்த்து 5,௨௪4 நாட்கள் தமிழக முதல்வராக இருந்தார். முதலிடத்தில் டில்லி முன்னாள் முதல்வர் ஷீலா தீட்சித் (5,504) உள்ளார். ஜெயலலிதா முதலிடம் பெற வாய்ப்பிருந்தது. ஆனால் காலம் கைகொடுக்கவில்லை.

குருவை மிஞ்சினார்: ஜெயலலிதாவின் அரசியல் ஆசான் எம்.ஜி.ஆர்., கூட தனித்து போட்டியிட தயங்கினார். ஆனால், 2014ல் நடந்த லோக்சபா தேர்தலில் அ.தி.மு.க., தனித்து போட்டியிடும் என்ற துணிச்சலான முடிவை எடுத்தார் ஜெயலலிதா. புதுச்சேரி சேர்த்து மொத்தம் 40 இடங்களில் போட்டியிட்டு, 37 இடங்களில் வென்ற அ.தி.முக., லோக்சபாவில் மூன்றாவது பெரிய கட்சி என்ற அந்தஸ்தை பெற்றது.

நீங்கள் செய்வீர்களா... பிரசாரத்தின் போது மக்களிடம் கேள்வி கேட்டு அவர்களிடம் இருந்தே பதிலை பெறும் புது 'டிரெண்டை' ஜெயலலிதா பிரசாரத்தில் அறிமுகம் செய்தார். 'நீங்கள் செய்வீர்களா' என இவர், கேட்க, மக்களும் 'செய்வோம்' என ஓட்டுகளை தவறாமல் அளிக்க, வெற்றி மேல் வெற்றி பெற்றார்.

English Summary : Chief Minister Jayalalithaa - Biography.

Read More

முதல்வர் ஜெயலலிதா காலமானார் - கண்ணீர் கடலில் மிதக்கும் தொண்டர்கள் - பொதுமக்கள்

சென்னை : சென்னை, அப்பல்லோ மருத்துவமனையில் கடந்த 75 நாட்களாக சிகிச்சை பெற்று வந்த முதல்வர் ஜெயலலிதா சிகிச்சை பலனின்றி நேற்று இரவு 11.30 மணியளவில் காலமானார். இத்தகவல் நள்ளிரவு 12.15 மணிக்கு அதிகாரப்பூர்வமாக அறிவிக்கப்பட்டது. முதல்வரின் மரணச் செய்தியால் தமிழக மக்களும், அவரது கட்சித் தொண்டர்களும் கண்ணீர் கடலில் மூழ்கினர். அ.தி.மு.க. தொண்டர்கள் அப்பல்லோ மருத்துவமனை முன்பு கதறி அழுதது நெஞ்சை உருக்குவதாக இருந்தது. முதல்வர் ஜெயலலிதாவின் உடல் பொதுமக்கள் அஞ்சலிக்காக சென்னை ராஜாஜி ஹாலில் பார்வைக்கு வைக்கப்படுகிறது. முதல்வரின் மரணத்தை அடுத்து தமிழகம் முழுவதும் பள்ளி, கல்லூரிகளுக்கு 3 நாட்கள் விடுமுறை அளிக்கப்பட்டுள்ளது. முதல்வர் ஜெயலலிதா மறைவுக்கு ஜனாதிபதி பிரணாப் முகர்ஜி, பிரதமர் மோடி உள்ளிட்ட தலைவர்கள் இரங்கல் தெரிவித்துள்ளனர்.

உடல் நலக்குறைவு

முதல்வர்  ஜெயலலிதா காய்ச்சல் மற்றும் நீர் சத்து குறைபாடு காரணமாக கடந்த  செப்டம்பர் மாதம் 22-ம் தேதியன்று சென்னை கிரீம்ஸ் சாலையில் உள்ள அப்பல்லோ மருத்துவமனையில்  சிகிச்சைக்காக அனுமதிக்கப்பட்டார். அவருக்கு அப்பல்லோ மருத்துவமனையின் அக சுரப்பியல், சர்க்கரை நோய் மருத்துவ நிபுணர், இதய சிகிச்சை நிபுணர்,  சுவாச சிகிச்சை நிபுணர், தீவிரசிகிச்சை மருத்துவ நிபுணர் ஆகியோரைக் கொண்ட மருத்துவக்குழு சிகிச்சை அளித்தது. அந்த குழுவினரின் தீவிர கண்காணிப்பில் அளிக்கப்பட்ட சிகிச்சையில் முதல்வர் ஜெயலலிதா உடல் நிலையில் நல்ல முன்னேற்றம் ஏற்பட்டது. இந்த நிலையில் லண்டனில் உள்ள சர்வதேச மருத்துவ நிபுணர் ரிச்சர்ட் பீலே அப்பல்லோ மருத்துவமனைக்கு வந்து முதல்வருக்கு சிகிச்சை அளிக்கும் அப்பல்லோ மருத்துவக்குழுவுடன் ஆலோசனை நடத்தினார். அவருடன் நடத்திய ஆலோசனைப்படி தொடர் மருத்துவ சிகிச்சை அளிக்கப்பட்டது.

எய்ம்ஸ் மருத்துவக்குழு

முதல்வர் ஜெயலலிதாவிற்கு அளிக்கப்படும் சிகிச்சை முறை குறித்து அறிய நாட்டின் முதன்மை மருத்துவ கல்வி அமைப்பான டெல்லி எய்ம்ஸ் மருத்துவமனையில் இருந்து ஒரு மருத்துவக்குழு சென்னை வந்தது. அந்த குழுவில் இடம் பெற்றிருந்த நாட்டின் தலை சிறந்த மருத்துவ நிபுணர்கள் முதல்வருக்கு சிகிச்சை அளிக்கும் அப்பல்லோ மருத்துவக்குழுவிடம் சிகிச்சை விவரங்களை கேட்டறிந்தனர். முதல்வர் ஜெயலலிதா உடல் நிலை தொடர்ந்து முன்னேற்றம் அடைந்த நிலையில், அவரை காண சில வாரங்களுக்கு முன் மாநில கவர்னர் வித்யாசாகர் ராவ் அப்பல்லோ வந்து முதல்வரின் சிகிச்சை வார்டுக்கு சென்று அவரது உடல் நிலை குறித்து கேட்டார். பின்னர் அவர் வெளியிட்ட அறிக்கையில் முதல்வர் ஜெயலலிதா உடல் நிலை நல்ல முன்னேற்றம் அடைந்து வருவதாக தெரிவித்தார்.

தலைவர்கள் விசாரித்தனர்

முதல்வரை சந்திக்க தமிழகத்தின் முக்கிய தலைவர்களும்  மருத்துவமனைக்கு வந்தனர். டெல்லியில் இருந்து பா.ஜ.க தலைவர்கள் அமித் ஷா, வெங்கய்யா நாயுடு மற்றும் காங்கிரஸ் துணை தலைவர் ராகுல் காந்தி ஆகியோரும் சென்னை வந்து முதல்வரின் உடல் நலம் குறித்து விசாரித்து விட்டு சென்றனர். முதல்வர் ஜெயலலிதா பூரண நலம் பெற வேண்டி பொது மக்களும் , கட்சித்தொண்டர்களும் கடந்த இரு மாதமாக தொடர்ந்து பிரார்த்தனை செய்தனர்.

திடீர் மாரடைப்பு

முதல்வர் ஜெயலலிதா உடல் நிலை நல்ல முன்னேற்றம் அடைந்த நிலையில் அவர்  தீவிரசிகிச்சை பிரிவில் இருந்து தனி வார்டுக்கு மாற்றப்பட்டார். அங்கு அவருக்கு பிசியோ தெரபி சிகிச் சை அளிக்கப்பட்டது. இந்த நிலையில்தான் நேற்று முன்தினம் மாலையில் அப்பல்லோ மருத்துவமனை ஒரு அறிக்கை வெளியிட்டது. அந்த அறிக்கையில், முதல்வர் ஜெயலலிதாவுக்கு சுகவீனம் ஏற்பட்டுள்ளது. அவருக்கு திடீரென்று மாரடைப்பு ஏற்பட்டது. எனவே அவருக்கு இதய மருத்துவ நிபுணரும், சுவாசவியல் மருத்துவ நிபுணரும் சிகிச்சை அளிக்கிறார்கள் என்று அப்பல்லோ மருத்துவமனை தெரிவித்திருந்தது.

கவர்னர் வருகை

மேலும் முதல்வருக்கு இதய துடிப்பை சீராக்கும் கருவியுடன் சிகிச்சை அளிக்கப்பட்டது. முதல்வரின் உடல் நிலை குறித்து மும்பையில் இருந்த தமிழக பொறுப்பு கவர்னர் வித்யாசாகர் ராவுக்கு தெரிவிக்கப்பட்டது. இதனையடுத்து அவர் தனி விமானம் மூலம், உடனடியாக சென்னை புறப்பட்டு நேற்று முன்தினம் இரவு 10.50 மணியளவில் வந்தார். நள்ளிரவு 12 மணிக்கு அவர் அப்பல்லோ மருத்துவமனை சென்றார். முன்னதாக முதல்வர் ஜெயலலிதா உடல் நலம் தேற வேண்டும் என்பதற்காக, ஜனாதிபதி பிரணாப் முகர்ஜி, மத்திய அமைச்சர்கள்  வெங்கய்யா நாயுடு, நிர்மலா சீதாராமன்,  காங்கிரஸ் துணை தலைவர் ராகுல் காந்தி ஆகியோர் உள்பட பலரும் பிரார்த்தனை செய்தனர்.

தொண்டர்கள் குவிந்தனர்

மேற்கு வங்க மாநில முதல்வர் மம்தா பானர்ஜியும் முதல்வர்  ஜெயலலிதாவுக்காக பிரார்த்தனை செய்தார். முதல்வரின் உடல் நலம் குறித்து பிரதமர் மோடி மத்திய அமைச்சர்கள் ராஜ் நாத்  சிங், ஜே.பி. நட்டா ஆகியோர் கேட்டறிந்தனர். இதனிடையே அப்பல்லோ மருத்துவமனையில்  அ.தி.மு.க தொண்டர்களும், பொது மக்களும் திரளாக குவிந்தனர். அவர்கள் கவலை தோய்ந்த முகத்துடன் காணப்பட்டனர். அப்பல்லோ மருத்துவமனை முன்பாக மக்கள் குவிந்ததால், போலீசார் குவிக்கப்பட்டனர். இரவு முழுவதும் தொண்டர்கள் கவலையுடன் மருத்துவமனையிலேயே நின்று  பிரார்த்தனை செய்தபடி இருந்தனர்.

உடல்நிலை கவலைக்கிடம்

இந்நிலையில், நேற்று காலை அப்பல்லோ மருத்துவமனையில் இருந்து மீண்டும் ஒரு அறிக்கை வெளியிடப்பட்டது. அந்த அறிக்கையில், முதல்வர் ஜெயலலிதாவின் உடல்நிலை கவலைகிடமாக இருப்பதாகவும், அவருக்கு எக்மோ கருவி மூலம் சிகிச்சை அளிக்கப்படுவதாகவும், மருத்துவ நிபுணர்கள் தொடர்ந்து அவரை உன்னிப்பாக கண்காணித்து வருவதாகவும், கூறப்பட்டிருந்தது.

'எக்மோ' மூலம் சிகிச்சை

மாரடைப்பு ஏற்பட்ட நோயாளிகளுக்கு பயன்படுத்தப்படும் உயிர்காக்கும் கருவியே எக்மோ. வழக்கமாக மாரடைப்பு ஏற்பட்டால் இதயத்தை இயங்கச்செய்ய செயற்கை சுவாச உதவியுடன் மார்பை அமுக்கி இயங்க வைக்க முயற்சிகள் மேற்கொள்ளப்படும். இந்த மரபு மருத்துவ சிகிச்சைக்கு பலன் இல்லையெனில் எக்மோ உயிர்காக்கும் கருவி பயனளிக்கும். இந்த கருவி மூலம் முதல்வருக்கு சிகிச்சை அளிக்கப்பட்டது. பின்னர் லண்டனில் இருந்து வந்த டாக்டர் ரிச்சர்ட் பீலே ஒரு அறிக்கை வெளியிட்டார். அதில் சர்வதேச தரத்தில் முதல்வருக்கு தொடர்ந்து சிகிச்சை அளிக்கப்படுவதாக அவர் கூறியிருந்தார். மேலும், முதல்வர் ஜெயலலிதாவின் உடல்நிலை மிக மோசமாக இருப்பதாக அவரும் ஒப்புக்கொண்டார்.

இந்தநிலையில், சில தொலைக்காட்சிகளில் முதல்வரை பற்றி சில செய்திகள் வெளியாகின. இந்த செய்தியை முதலில் நம்பிய மக்கள் கண்ணீர் விட்டு கதறி அழுதனர். கடைகள் அடைக்கப்பட்டன. ஆனால், சற்று நேரத்திலேயே அப்பல்லோ மருத்துவமனை ஒரு மறுப்பு அறிக்கை வெளியிட்டது.

அப்பல்லோ அறிக்கை

அதில் கூறப்பட்டிருந்ததாவது:-

முதல்வர் ஜெயலலிதாவுக்கு தொடர்ந்து உயிர்காக்கும் கருவிகள் மூலம் சிகிச்சை அளிக்கப்பட்டு வருகிறது. அவரை அப்பல்லோ மருத்துவமனை டாக்டர்களும், டெல்லி எய்ம்ஸ் மருத்துவமனை நிபுணர்களும் உன்னிப்பாக கண்காணித்து வருகிறார்கள். ஆனால், சில தொலைக்காட்சிகளில் முதல்வரை பற்றி தவறான செய்திகள் வெளியாகியுள்ளன. அந்த செய்திகள் அடிப்படையற்றவை, தவறானவை ஆகவே, தொலைக்காட்சிகள் தங்களது தவறை திருத்திக் கொள்ளுமாறு அறிவுறுத்தப்பட்டிருக்கிறார்கள். இவ்வாறு அப்பல்லோ மருத்துவமனை செய்திக்குறிப்பில் தெரிவிக்கப்பட்டுள்ளது.

ஆனாலும் முதல்வர் ஜெயலலிதா இரவு 11.30 மணிக்கு காலமானதாக அதே அப்பல்லோ மருத்துவமனை நள்ளிரவு 12.15 மணிக்கு அதிகாரப்பூர்வமாக அறிவித்தது. அந்த அப்பல்லோ செய்தி குறிப்பில் கூறப்பட்டிருந்ததாவது.,

வார்த்தைகளால் விவரிக்க முடியாத வேதனையுடன், தமிழக முதல்வர் ஜெயலலிதா இன்று இரவு (நேற்று) 11.30 மணிக்கு காலமானார் என்பதை இதன் மூலம் அறிவிக்கிறோம். முதல்வர் ஜெயலலிதா கடந்த செப்டம்பர் 22-ம் தேதி அப்பல்லோ மருத்துவமனையில் காய்ச்சல் மற்றும் நீர்சத்து குறைவு காரணமாக அனுமதிக்கப்பட்டார். அன்று முதல் அவருக்கு தீவிர சிகிச்சை அளிக்கப்பட்டது. அந்த சிகிச்சைக்கு முதல்வர் ஜெயலலிதா நல்ல ஒத்துழைப்பு அளித்து வந்தார். தீவிர சிகிச்சை பிரிவில் அனுமதிக்கப்பட்டிருந்த அவர், உடல்நிலையில் நல்ல முன்னேற்றம் ஏற்பட்ட பிறகு வழக்கமான உணவை உட்கொண்டார். அதன்பிறகு, அவர் தனி வார்டுக்கு மாற்றப்பட்டார்.

எங்களது மருத்துவ நிபுணர்களின் தொடர் கண்காணிப்பால் முதல்வரின் உடல்நிலையில், நல்ல முன்னேற்றம் ஏற்பட்டு வந்தது. ஆனால், துரதிஷ்டவசமாக முதல்வருக்கு கடந்த 4-ம் தேதி மாலையில் தீவிர மாரடைப்பு ஏற்பட்டது. இதை தொடர்ந்து அவருக்கு 'எக்மோ' கருவி உதவியுடன் சிகிச்சை அளிக்கப்பட்டது. அவரை காப்பாற்ற நாங்கள் எல்லாவிதமான முயற்சிகளையும் மேற்கொண்டோம். ஆனால், அவற்றையும் தாண்டி அவரை நோயிலிருந்து மீட்க இயலாமல் போய்விட்டது. இதையடுத்து,  இன்றிரவு (நேற்றிரவு) 11.30 மணி அளவில் முதல்வர் ஜெயலலிதா காலமானார்.

அப்பல்லோ குடும்பத்தில் உள்ள அனைவரும் முதல்வருக்கு உயர்தர சிகிச்சை அளித்தோம். இக்குடும்பத்தில் அனைவரும் களைப்பின்றி ஓய்வின்றி முதல்வரை காப்பாற்றுவதற்காக போராடினோம், பணியாற்றினோம். ஆனால், துரதிர்ஷ்டவசமாக அது இயலாமல் போய்விட்டது. எனவே தமிழக மக்களின் துயரம் மற்றும் இந்த தேசத்தின் துயரத்தில் நாங்களும் பங்கேற்கிறோம்.
இவ்வாறு அந்த அறிக்கையில் முதல்வரின் மரணம் பற்றி அதிகாரப்பூர்வமாக அறிவிக்கப்பட்டது.

இன்று நல்லடக்கம்

முதல்வர் ஜெயலலிதாவின் உடல் போயஸ் தோட்டத்தில் உள்ள அவரது இல்லத்திற்கு கொண்டு செல்லப்பட்டு, அங்கு இறுதி சடங்குகள் நடக்கின்றன. அதன்பிறகு, அவரது உடல் பொதுமக்கள் அஞ்சலிக்காக சென்னை ராஜாஜி ஹாலில் வைக்கப்படுகிறது. பொதுமக்கள் அஞ்சலிக்குப்பின், முதல்வர் ஜெயலலிதாவின் உடல் ஊர்வலமாக எடுத்துச்செல்லப்பட்டு இன்று மாலை நல்லடக்கம் செய்யப்படுகிறது. சென்னை மெரீனா கடற்கரையில் உள்ள எம்.ஜி.ஆர் நினைவிட வளாகத்தில் முதல்வர் ஜெயலலிதாவின் உடல் நல்லடக்கம் செய்யப்படுகிறது.

7 நாள் துக்கம்

முதல்வரின் மரணச் செய்தி வெளியானதும், அ.தி.மு.க கொடிகள் அரை கம்பத்தில் பறக்க விடப்பட்டன. முதல்வரின் மறைவையடுத்து 7 நாட்கள் அரசு முறை துக்கம் அனுஷ்டிக்கப்படும் என அறிவிக்கப்பட்டுள்ளது. தமிழகத்தில் பள்ளி, கல்லூரிகளுக்கு 3 நாட்கள் விடுமுறை அறிவிக்கப்பட்டுள்ளது. அதுபோல், புதுச்சேரியில் இன்று விடுமுறை அறிவிக்கப்பட்டுள்ளது. முன்னதாக, நேற்று இரவு கிரீம்ஸ் சாலையில் இருந்து போயஸ் தோட்டம் வரை போக்குவரத்து நிறுத்தப்பட்டு ஆம்புலன்ஸ் மூலம் முதல்வரின் உடல் அவரது இல்லத்திற்கு பலத்த பாதுகாப்புடன் கொண்டு செல்லப்பட்டது.

கண்ணீர் கடலில் மக்கள்

முதல்வரின் மறைவையடுத்து எய்ம்ஸ் மருத்துவர்கள் டெல்லிக்கு புறப்பட்டு சென்றனர். அரசு செயலாளர்கள் மற்றும் அதிகாரிகளும் அப்பல்லோ மருத்துவமனையிலிருந்து புறப்பட்டு சென்றனர். முதல்வரின் மரணச் செய்தியை அறிந்ததும் தொண்டர்களும், பொதுமக்களும் கண்ணீர் விட்டு கதறி அழுதனர். தமிழகமே கண்ணீர் கடலில் மூழ்கியது. முன்னதாக நேற்று மாலையே தமிழகம் முழுவதும் கடைகள், நிறுவனங்கள் அனைத்தும் அடைக்கப்பட்டு தமிழகம் வெறிச்சோடியது. சுருக்கமாக சொன்னால் தமிழகமே சோகத்தில் மூழ்கியுள்ளது.

English Summary : Chief Minister Jayalalithaa has passed away - tears volunteers floating in the ocean - the public.Chennai, Apollo Hospital undergoing treatment for the last 75 days, the Chief Minister, who is receiving treatment died at around 11.30 last night. This information was officially announced at 12.15 midnight. If the people of Tamil Nadu Chief Minister's death, drowned in the sea of ​​tears and his party apparatchik. Digg Volunteers wept before Apollo Hospital was touching. Chief Minister Jayalalithaa Chennai Rajaji Hall for a tribute to the public's health is placed at the sight. Throughout the school following the death of Chief Minister of Tamil Nadu, colleges are given 3 days off. Chief Minister Jayalalithaa on the death of President Pranab Mukherjee, Prime Minister Narendra Modi condoled the leaders.

Read More

தமிழகத்தில் செல்போன் சிக்னல்கள் திடீரென ஜாம்.. மக்கள் திண்டாட்டம்

சென்னை: முதல்வர் ஜெயலலிதாவின் உடல் நலம் குறித்து சில ஊடகங்களில் வெளியான நெகட்டிவ் தகவல்களை தொடர்ந்து, தமிழகத்தில் செல்போன் சிக்னல்கள் ஜாமாகியுள்ளன. ஒருவருக்கொருவர் தொடர்பு கொள்ள முடியாமல் மக்கள் திணறுகிறார்கள்.

வன்முறை சம்பவங்கள் பரவாமல் இருக்க அரசும், தொலைதொடர்பு நிறுவனங்களும் இணைந்து, செல்போன் சிக்னல்களை ஜாம் செய்துள்ளனவா அல்லது, ஒரே நேரத்தில் அதிகம் பேர் தொடர்பு கொண்டு தகவல்களை பரிமாறிக்கொண்டதால் இவ்வாறு செல்போன் சிக்னல்கள் ஜாம் ஆனதா என தெரியவில்லை.

அதேநேரம், இணையதள சேவைகள் இதுவரை தடையின்றி கிடைத்து வருகிறது. வணிக வளாகங்கள் மூடப்பட்டு வருகின்றன.

English summary:

 Mobile phone networks has been jammed in Tamilnadu after Jayalalitha health issue.

Read More

அரைக்கம்பத்தில் பறந்த அதிமுக கொடி மீண்டும் ஏற்றப்பட்டது

தமிழக முதல்வர் ஜெயலலிதா, உடல்நலக்குறைவு காரணமாக கடந்த செப்டம்பர் 22-ஆம் தேதி சென்னை ஆயிரம்விளக்கு கிரீம்ஸ் சாலையில் உள்ள அப்பல்லோ மருத்துவமனையில் அனுமதிக்கப்பட்டார்.

இந்நிலையில் அவருக்கு ஞாயிற்றுக்கிழமை மாரடைப்பு ஏற்பட்டது. இதனால் அவர் சாதாரண சிகிச்சைப் பிரிவில் இருந்து, தீவிர சிகிச்சைப் பிரிவுக்கு மாற்றப்பட்டார். இதற்கிடையே திங்கள்கிழமை அவரது உடல்நிலை மிகவும் கவலைக்கிடமாக இருப்பதாக அந்த மருத்துவமனை தெரிவித்தது.

இந்நிலையில் அவர் காலமானார் என்று தவறான தகவல் வெளியானது. இந்நிலையில் இந்த தகவல்  உண்மை இல்லை என்று அப்பல்லோ மருத்துவமனை தெரிவித்துள்ளது.

மேலும் கூடுதல் மருத்துவர்கள் முதல்வர் ஜெயலலிதாவுக்கு சிகிச்சை அளித்து வருவதாக தெரிவித்துள்ளனர். 

Read More

முதல்வர் ஜெயலலிதாவுக்கு கூடுதல் மருத்துவர்கள் தீவீர சிகிச்சை அளித்து வருகின்றனர்: அப்பல்லோ

சென்னை

தமிழக முதல்வர் ஜெயலலிதா காலமானதாக செய்தி வெளியானதை அடுத்து அப்பல்லோவில் அதிமுக தொண்டர்கள் கலவரத்தில் ஈடுபட்டுள்ளனர்.

இதையடுத்து அப்பல்லோ வெளியிட்ட அறிக்கையில் முதல்வர் காலமானதாக ஊடகங்களில் வெளியான செய்தி தவறானது. முதல்வர் ஜெயலலிதாவுக்கு கூடுதல் மருத்துவர்கள் தீவீர சிகிச்சை அளித்து வருகின்றனர்.

அவர் உடல் நிலை உன்னிப்பாக கவனிக்கப்பட்டு வருகிறது. என்று அறிக்கை வெளியிட்டுள்ளது.

Read More

தமிழகத்தில் செல்போன் சிக்னல்கள் திடீரென ஜாம்.. மக்கள் திண்டாட்டம்

சென்னை: முதல்வர் ஜெயலலிதாவின் உடல் நலம் குறித்து சில ஊடகங்களில் வெளியான நெகட்டிவ் தகவல்களை தொடர்ந்து, தமிழகத்தில் செல்போன் சிக்னல்கள் ஜாமாகியுள்ளன. ஒருவருக்கொருவர் தொடர்பு கொள்ள முடியாமல் மக்கள் திணறுகிறார்கள்.

வன்முறை சம்பவங்கள் பரவாமல் இருக்க அரசும், தொலைதொடர்பு நிறுவனங்களும் இணைந்து, செல்போன் சிக்னல்களை ஜாம் செய்துள்ளனவா அல்லது, ஒரே நேரத்தில் அதிகம் பேர் தொடர்பு கொண்டு தகவல்களை பரிமாறிக்கொண்டதால் இவ்வாறு செல்போன் சிக்னல்கள் ஜாம் ஆனதா என தெரியவில்லை.

அதேநேரம், இணையதள சேவைகள் இதுவரை தடையின்றி கிடைத்து வருகிறது. வணிக வளாகங்கள் மூடப்பட்டு வருகின்றன.

Read More