கிர்கிஸ்தான் ராணுவத்தில் இந்தியருக்கு உயர் பதவி

புதுடில்லி: கிர்கிஸ்தான் ராணுவத்தின், கவுரவ மேஜர் ஜெனரலாக, இந்திய வம்சாவளியைச் சேர்ந்தவர் நியமிக்கப்பட்டுள்ளார்.

தொழிலதிபர்:

கேரள மாநிலம் கோழிக்கோட்டை சேர்ந்தவர் ஷேக் ரபிக் முகமது. சிறு வயதிலேயே, சவுதி அரேபியாவுக்கு சென்று தொழில் துவங்கினார். இதன்பின், மத்திய ஆசிய நாடான கிர்கிஸ்தானில் தொழில்களை துவங்கினார். கிர்கிஸ்தானின் தொழில் வளர்ச்சியில், ரபிக்குக்கு அதிக பங்கு உள்ளது. இந்நிலையில், கிர்கிஸ்தான் ராணுவத்தின் மேஜர் ஜெனரல் என்ற கவுரவ பதவியில், ரபீக், நியமிக்கப்பட்டுள்ளார்.

வெளிநாட்டு ராணுவத்தில் உயர் பதவியில், இந்தியர் ஒருவர் நியமிக்கப்பட்டுள்ளது இதுவே முதல் முறை.

English summary:

NEW DELHI : Kyrgyzstan's army, honorary major general, was appointed Indian descent.

Read More

அணு உலைகள் பட்டியல்: இந்தியா - பாக்., பகிர்வு

புதுடில்லி ; 'மற்ற நாட்டில் உள்ள அணு உலைகளை தாக்க மாட்டோம்' என, இந்தியாவும், பாகிஸ்தானும் செய்து கொண்ட ஒப்பந்தத்தின்படி, அணு உலைகளின் பட்டியலை, இரு நாடுகளும், தொடர்ந்து, 26வது ஆண்டாக, நேற்று பகிர்ந்து கொண்டன.

ஒப்பந்தம்:

'மற்ற நாட்டில் உள்ள அணு உலைகளை தாக்க மாட்டோம்' என, இந்தியாவும், பாகிஸ்தானும், 1988ல் ஒப்பந்தம் செய்தன; இது, 1991 முதல் நடைமுறைக்கு வந்தது. இரு நாடுகளும், தங்கள் நாட்டில் உள்ள அணு உலைகளின் பட்டியலை மற்ற நாட்டுடன், ஒவ்வொரு ஆண்டும், ஜனவரி 1ம் தேதியில் பகிர்ந்து கொள்ள வேண்டும்; அதன்படி, இரு நாடுகளும், நேற்று, இந்தப் பட்டியலை பகிர்ந்து கொண்டன.

பகிர்வு:

பாகிஸ்தானின் இஸ்லாமாபாத்தில் உள்ள இந்திய துாதரகம் மூலம், இந்தப் பட்டியல் பாகிஸ்தானிடம் ஒப்படைக்கப்பட்டது. அதேபோல், டில்லியில் உள்ள பாகிஸ்தான் துாதரகம் மூலம், இந்தப் பட்டியல் ஒப்படைக்கப்பட்டது.

'கடந்த, 1992 முதல் இந்தப் பட்டியல் பகிர்ந்து கொள்ளப்படுகிறது. அதன்படி, 26வது ஆண்டாக நேற்றும் இந்தப் பட்டியில் அளிக்கப்பட்டது' என, வெளியுறவு அமைச்சகம் தெரிவித்துள்ளது. இதைத் தவிர, 2008 ஒப்பந்தத்தின்படி, தங்கள் நாட்டின் சிறையில் உள்ள மற்ற நாட்டைச் சேர்ந்தவர்கள் மற்றும் மீனவர்கள் பட்டியலும் நேற்று பகிர்ந்து கொள்ளப்பட்டது.

English Summary:

New Delhi; "We will not attack the other nuclear plants in the country ', as India and Pakistan have made to the agreement, the list of nuclear reactors, the two countries, following the 26th year, shared yesterday.

Read More

கடன்களுக்கான வட்டி விகிதம் 0.9 சதவீதம் குறைப்பு: எஸ்.பி.ஐ., வங்கி அறிவிப்பு

புதுடில்லி: எஸ்.பி.ஐ., வங்கி கடன்களுக்கான வட்டி விகிதத்தை 0.9 சதவீதம் குறைத்தது.

பிரதமர் நரேந்திர மோடி நேற்று ‛டிவி' மூலம் நாட்டு மக்களுக்கு உரை நிகழ்த்தினார். அந்த உரையில் ஏழை, மற்றும் நடுத்தர வர்க்கத்தினர் வீடு கட்டவும், சிறு, குறு தொழில் தொடங்குவோருக்கும் குறைந்த வட்டியில் வங்கிகள் மூலம் கடன் வழங்கப்படும் என அறிவித்தார்.

0.9 சதவீதம் குறைப்பு:

இதையடுத்து, இந்தியாவின் மிகப்பெரிய பொதுத்துறை வங்கியான பாரத ஸ்டேட் வங்கி கடன்களுக்கான வட்டி விகிதத்தை 0.9 சதவீதம் குறைத்தது. அதாவது, தற்போதை வட்டி விகிதமான 8.9 சதவீதத்திலிருந்து 8 ஆக இன்று குறைத்துள்ளது.

இதேபோல், எஸ்.பி.ஐ., வங்கியின் கிளை வங்கிகளும் வட்டி விகிதத்தை குறைத்துள்ளன. ஐ.டி.பி.ஐ., வங்கி 0.6 சதவீதம் குறைத்துள்ளது. பஞ்சாப் நேஷனல் வங்கி தனது கடன் வட்டி விகிதத்தை 8.20 ஆக குறைத்துள்ளது.

English Summary:

NEW DELHI: The SBI, bank lending rate was cut by 0.9 per cent. Prime Minister Narendra Modi yesterday 'TV' was addressed by the people. In that speech, poor, and middle-class homes, small and marginal to the entrepreneurs to borrow at low rates announced by banks.

Read More

அரவிந்த் கெஜ்ரிவால் மீது ஷூ வீச்சு

ரோஹ்டக்: அரியானாவில் டில்லி முதல்வர் அரவிந்த் கெஜ்ரிவால் பங்கேற்ற பிரசார கூட்டத்தில் அவரை நோக்கி ஷூ வீசப்பட்டது.

ஆம் ஆத்மி கூட்டம்:

அரியானா மாநிலம் ரோஹ்டக் பகுதியில் ஆம் ஆத்மி கட்சியின் பிரசார கூட்டம் இன்று நடந்தது. அக்கூட்டத்தில் டில்லி முதல்வரும் ஆம் ஆத்மி கட்சி தலைவருமான கெஜ்ரிவால் கலந்து கொண்டு பேசினார்.

ஷூ வீச்சு:

அவர் பேசி கொண்டிருந்த போது, கூட்டத்திலிருந்த இளைஞர் ஒருவர் கெஜ்ரிவாலை நோக்கி ஷூ வீசினார். அந்த ஷூ மேடைக்கு மிக அருகில் விழுந்தது. கெஜ்ரிவால் மீது படவில்லை. இதையடுத்து, அங்கிருந்த போலீசார் ஷூ வீசிய நபரை கைது செய்தனர்.

இச்சம்பவத்திற்கு கெஜ்ரிவால் கண்டனம் தெரிவித்துள்ளார். பிரசார கூட்டத்தில், பிரதமர் மோடியின் கறுப்பு பண நடவடிக்கைக்கு எதிராக அவர் பேசியதால் இச்சம்பவம் நிகழ்ந்ததாக கூறப்படுகிறது.

English summary:

Rohtak: Delhi Chief Minister Arvind Kejriwal, who participated in the campaign in Haryana in the crowd hurled a shoe towards him.

Read More

ஜன.,3-ல் பிரதமர் மோடி திருப்பதியில் சாமி தரிசனம்

திருப்பதி: பிரதமர் நரேந்திர மோடி நாளை மறுநாள் (ஜன.,3) திருப்பதி கோயிலில் சாமி தரிசனம் செய்ய உள்ளார்.

இந்திய அறிவியல் காங்கிரஸ் மாநாடு:

ஆந்திர மாநிலம் திருப்பதியில் உள்ள வெங்கடேஸ்வரா பல்கலைகழக வளாகத்தில் ஜன., 3-ம் தேதி முதல் 7-ம் தேதி வரையில் 104-வது இந்திய அறிவியல் காங்கிரஸ் மாநாடு நடைபெற உள்ளது. இந்த மாநாட்டில் பிரதமர் கலந்து கொள்கிறார்.

கோவிலுக்கு வருகை:

மாநாட்டில் கலந்து கொள்ளும் பிரதமர் தொடர்ந்து திருப்பதி கோவிலுக்கும் சென்று சாமி தரிசனம் செய்ய உள்ளார் என திருமலை திருப்தி தேவஸ்தான அதிகாரி தெரிவித்துள்ளார்.. கடந்த 2014-ம் ஆண்டு பிரதமராக மோடி பதவியேற்ற பின்னர் திருப்பதி கோவிலுக்கு சாமி தரிசனம் செய்ய வருகை தருவது இது இரண்டாவது முறையாகும். முதன் முறையாக கடந்த ஆண்டு அக்டோபர் மாதம் 22-ம் தேதி திருப்பதியில் சாமி தரிசனம் செய்தார்.

English summary:

Tirupati: Prime Minister Narendra Modi after tomorrow (Jan. 3) is to perform darshan at Tirupati temple.

Read More

பெட்ரோல், டீசல் விலை உயர்வு

புதுடில்லி: பெட்ரோல் விலை லிட்டருக்கு ரூ.1.29 ம், டீசல் விலை லிட்டருக்கு 97 காசுகளும் உயர்த்தப்பட்டுள்ளன.

சர்வதேச சந்தையில் நிலவும் கச்சா எண்ணெய் விலை நிலவரத்தின் அடிப்படையில், எண்ணெய் நிறுவனங்கள் அவ்வப்போது, பெட்ரோல், டீசல் விலைகளை மாற்றம் செய்து அறிவிக்கின்றன.

அதன்படி, பெட்ரோல் விலை லிட்டருக்கு ரூ.1.29 ம், டீசல் விலை லிட்டருக்கு 97 காசுகளும் உயர்த்தி உள்ளன. இந்த விலை உயர்வு இன்று நள்ளிரவு முதல் அமலுக்கு வருகிறது.

English summary:

New Delhi: Rs .1.29 per liter on petrol, diesel price per liter of 97 rupees raised.

Read More

உள்ளாட்சி தனி அதிகாரிகளின் பதவி காலம் நீட்டிப்பு

சென்னை: உள்ளாட்சி அமைப்பை நிர்வகித்து வரும் தனி அதிகாரிகளின் பதவி காலம் ஜூன் மாதம் வரை நீடிக்கப்பட்டுள்ளது.

தமிழகத்தில் உள்ளாட்சி அமைப்புகளுக்கு 2011 -ம் ஆண்டு நடைபெற்ற தேர்தலில் தேர்ந்தெடுக்கப்பட்ட பிரதிநிதிகளின் பதவி காலம் கடந்த அக்.,24 ஆம் தேதியுடன் முடிவடைந்தது. அவர்கள் பதவி காலம் முடிவதற்குள் தேர்தல் நடத்தி புதிய உள்ளாட்சி பிரதிநிதிகளை தேர்தல் ஆணையம் தேர்ந்தெடுக்க வேண்டும்.

தேர்தல் ரத்து:

அதற்காக, அக்.,17 மற்றும் 19 ஆகிய தேதிகளில் உள்ளாட்சி தேர்தல் 2 கட்டங்களாக நடைபெறும் என மாநில தேர்தல் ஆணையம் அறிவித்தது. ஆனால், உள்ளாட்சி தேர்தல் தொடர்பான வழக்கில், இடஒதுக்கீடு முறை சரியாக பின்பற்றபடவில்லை என கூறி சென்னை ஐகோர்ட் தேர்தலை ரத்து செய்தது. மேலும், டிச.,31 ம் தேதிக்குள் தேர்தல் நடத்தி முடிக்க வேண்டும் எனவும் உத்தரவிட்டது.

பதவி காலம் நீட்டிப்பு:

இதற்கிடையே, மாநகராட்சி, நகராட்சி, பேரூராட்சி, ஊராட்சி ஒன்றியம் உள்ளிட்ட உள்ளாட்சி அமைப்புகளை நிர்வகிப்பதற்காக தனி அதிகாரிகளை நியமினம் செய்து தமிழக அரசு அரசாணை வெளியிட்டது. அவர்களின் பதவி காலம் நேற்றுடன் முடிவடைந்தது. இந்நிலையில், உள்ளாட்சி தேர்தல் நடத்தப்படாத காரணத்தால் தனி அதிகாரிகளின் பதவி காலம் ஜூன் வரை நீட்டிக்கப்பட்டுள்ளது.

English summary:

Chennai: Local system managed by separate authorities extended his term until June.
By the end of his term, they held elections to elect new local representatives to the Election Commission.

Read More