அ.தி.மு.க.,வுடன் கூட்டணியா? ஜன., 7ல் காங்., செயற்குழு முடிவு

சென்னை : அ.தி.மு.க., உடன் கூட்டணி அமைப்பது குறித்து விவாதிக்க, தமிழக காங்., செயற்குழு, வரும், 7ம் தேதி, சென்னையில் கூடுகிறது.

கூட்டணி?

உள்ளாட்சி தேர்தலில், தி.மு.க., கூட்டணியில், காங்., கட்சிக்கு, 2 சதவீத இடங்களே ஒதுக்கப்பட்டதால், அக்கட்சி, தொண்டர்கள் கடும் அதிருப்தி அடைந்துள்ளனர். 'தனித்து போட்டியிடலாம் அல்லது அ.தி.மு.க.,வுடன் கூட்டணி வைக்கலாம்' என, மாநில தலைவர் திருநாவுக்கரசரிடம், நிர்வாகிகள் வலியுறுத்தி வருகின்றனர்.

செயற்குழு கூட்டம்:

அதற்கேற்ற வியூகம் வகுக்கும் வகையில், தமிழக காங்கிரஸ் செயற்குழு கூட்டம், திருநாவுக்கரசர் தலைமையில், வரும், 7ம் தேதி, சென்னை, சத்தியமூர்த்தி பவனில் நடக்கிறது. மேலிட தலைவர் முகுல் வாஸ்னிக், முன்னாள் மத்திய அமைச்சர் சிதம்பரம், முன்னாள் தலைவர் இளங்கோவன் ஆகியோரும் பங்கேற்கின்றனர்.இதில், உள்ளாட்சி தேர்தல் கூட்டணி குறித்தும், மத்திய, மாநில அரசுகளுக்கு எதிராக போராட்டங்கள் நடந்துவது குறித்தும் ஆலோசிக்கப்பட உள்ளது.

English summary:

Chennai: AIADMK, to discuss forming a coalition with, TN Cong., Committee, the, 7th, held in Chennai.

Read More

அனைவருக்கும் வீடு' திட்டம்; 44 லட்சம் பேர் பயன் அடைய வாய்ப்பு

புதுடில்லி: மத்திய அரசின் பிரதான் மந்திரி ஆவாஸ் யோஜனா அனைவருக்கும் வீடு வழங்கும் திட்டத்தில் 44 பேர் லட்சம் பேர் பயன் அடைய வாய்ப்பு உள்ளதாக கிராமப்புற வளர்ச்சி செயலாளர் அமர்ஜீத் சின்ஹா தெரிவித்தார்.

இலவச கேஸ் மற்றும் குடிநீர் இணைப்பு:

இதுகுறித்து டில்லியில் நடந்த பத்திரிக்கையாளர்கள் கூட்டத்தில் அவர் பேசியதாவது: மத்திய அரசின் பிரதான் மந்திரி ஆவாஸ் யோஜனா திட்டத்தில் பயனைடைய இருக்கும் அனைவருக்கும் இலவச வீடு மட்டுமின்றி, இலவச கேஸ் மற்றும் குடிநீர் இணைப்பு வழங்கப்பட உள்ளது. அடுத்த நிதியாண்டில் இத்திட்டம் செயல்படுத்தப்பட உள்ளது.

பிரதான் மந்திரி ஆவாஸ் யோஜனா:

பிரதான் மந்திரி ஆவாஸ் யோஜனா திட்டத்தின் அடிப்படையில் பயனாளிகள் அனைவருக்கும் அவர்களது வங்கிக் கணக்கில் சமவெளிப் பகுதிகளில் வசிப்பவர்களாக இருந்தால் 1.3 லட்சமும், மலைப்பகுதியில் வசிப்பவர்களாக இருந்தால் ரூ 1.5 லட்சமும் வரவு வைக்கப்படும். டாய்லட் கட்டிக் கொள்ள கூடுதலாக ரூ 12,000 வழங்கப்பட உள்ளது.

சிறப்பு பயிற்சி:

முதலில் 33 லட்சம் பேர் மட்டுமே பயனடைய திட்டம் வகுக்கப்பட்டது. தற்போது 44 லட்சம் பேர் பயனடையும் வகையில் திட்டம் விரிவுபடுத்தப்பட்டுள்ளது. இத்திட்டம் வெற்றிகரமாக செயல்பட ஏதுவாக மத்திய அரசு 30,000 கட்டட தொழிலாளர்களுக்கு சிறப்பு பயிற்சி அளித்து வருகிறது. இவ்வாறு அவர் தெரிவித்தார்.

English summary:

New Delhi: The central government's Pradhan Mantri Awaz Yojana, a housing scheme, everyone is likely to benefit the 44 million people of the rural development secretary Amarjeet Sinha said.

Read More

பீகார் முதல்வர் நிதிஷ், அமைச்சர்களின் சொத்து விவரம் வெளியீடு

பாட்னா: பீகார் முதல்வர் நிதிஷ் குமார் மற்றும் 28 அமைச்சர்கள் தங்களது சொத்து விவரத்தை வெளியிட்டனர்.

சொத்து விவரம்:

பீகாரில் ஐக்கிய ஜனதா தள கட்சி தலைவர் நிதிஷ் குமார் முதல்வராக உள்ளார். நிதிஷ் குமார் மற்றும் அவருடைய அமைச்சரவையில் இடம்பெற்றுள்ள 28 அமைச்சர்கள் தங்களது சொத்து விவரங்களை நேற்று முன்தினம்(டிச.,31) வெளியிட்டனர்.

4 மடங்கு அதிகம்:

நிதிஷ் குமாரிடம் ரூ.16.49 லட்சம் மதிப்பில் அசையும் சொத்து இருப்பதாக தெரிவித்துள்ளார். மேலும், டில்லியில் ரூ.40 லட்சம் மதிப்புடைய 1,000 சதுரஅடி பரப்பில் பிளாட் இருப்பதாகவும் தெரிவித்துள்ளார். மேலும், 10 மாடுகள் மற்றும் 5 கன்றுகள் உள்ளன. அவருக்கு ரூ.3.79 லட்சம் வாகன கடன் நிலுவையில் உள்ளது. அவரின் மொத்த சொத்து மதிப்பு ரூ.56.49 லட்சம்.

அதேசமயம், அவருடைய மகன் நிஷாந்திடம் தந்தையை காட்டிலும் 4 மடங்கு அதிகமாக ரூ.2.36 கோடி மதிப்பில் சொத்து இருப்பதாக தெரிவிக்கப்பட்டுள்ளது.

ராஷ்ட்ரிய ஜனதா தள கட்சி தலைவர் லாலு பிரசாத் யாதவ்வின் மகன்களான, பீகார் மாநில துணை முதல்வர் தேஜஸ்வி பிரசாத் யாதவ் மற்றும் சுகாதார துறை அமைச்சர் தேஷ் பிரதாப் யாதவ்வும் சொத்து விவரங்களை வெளியிட்டுள்ளனர். பிற அமைச்சர்களும் தங்களும் சொத்து விவரங்களை வெளியிட்டுள்ளனர்.

English summary:

Patna: Bihar Chief Minister Nitish Kumar and 28 ministers released details of their property.

Read More

பிரேசில் சிறையில் பெரும் கலவரம்: 60 பேர் பலி

மனோவ்ஸ்: பிரேசில் சிறையில் கைதிகளிடையே ஏற்பட்ட கலவரத்தில் 60க்கும் மேற்பட்டோர் உயிரிழந்தனர்.

அதிகார மோதல்:

பிரேசில் நாட்டில் அமேசான் காட்டு பகுதியை ஒட்டிய மனோவ்ஸ் சிறை உள்ளது. அங்கு, போதை பொருள் கடத்தல் உள்ளிட்ட குற்றசம்பங்களில் தொடர்புடைய கைதிகள் அடைக்கப்பட்டுள்ளனர். அவர்களுள் இரு கும்பல்களுக்கு இடையே நேற்று இரவு ஏற்பட்ட அதிகார மோதல் பெரும் கலவரமாக மாறியது. அந்த கலவரம் இன்று காலை 7 மணி வரை நீடித்தது.

அதிகாரிகள் சிறைபிடிப்பு:

சிறை அதிகாரிகள் 12 பேரை பிணையமாக பிடித்த கைதிகள் அவர்களிடமிருந்த ஆயுதங்களை பறித்தனர். துப்பாக்கி உள்ளிட்ட ஆயுதங்களை பயன்படுத்தி ஒருவரையொருவர் சரமாரி தாக்கிக்கொண்டனர்.

60 கைதிகள் பலி:

இந்த கொடூர கலவரத்தில் 60 க்கும் மேற்பட்டார் உயிரிழந்ததாக அந்நாட்டு பத்திரிக்கைகளில் செய்தி வெளியாகி உள்ளன. கைதிகள் ரத்த வெள்ளத்தில் கிடக்கும் வீடியோ காட்சியும் வெளியாகி உள்ளது., கலவர சம்பவத்தை பயன்படுத்தி பல கைதிகள் சிறையிலிருந்து தப்பியோடியிருக்கலாம் என கூறப்படுகிறது.

English summary:

Manovs: Brazil prison riot the prisoners were killed in the 60-plus.

Read More

ஜன.,1 வரை நடந்த ஐ.டி., ரெய்டில் ரூ.562 கோடி பறிமுதல்

புதுடில்லி: நாடு முழுவதும் நடந்த வருமான வரித் துறை சோதனையில் 562 கோடி ரூபாய் பறிமுதல் செய்யப்பட்டுள்ளது. ரூ. 4,663 கோடி கணக்கில் வராத பணம் கண்டுபிடிக்கப்பட்டுள்ளது.

கறுப்பு பணம் மற்றும் கள்ள நோட்டை ஒழிப்பதற்காக 500, 1000 ரூபாய் நோட்டுகள் செல்லாது என பிரதமர் மோடி நவ.,8 ம் தேதி அறிவித்தார்.இதையடுத்து, வருமான வரித் துறை அதிகாரிகள் கறுப்பு பணத்தை கண்டுபிடிக்க அதிரடி சோதனையில் ஈடுப்பட்டு வருகின்றனர்.

இந்நிலையில், சோதனை விவரம் குறித்து வருமான வரித் துறை இன்று வெளியிட்டுள்ள தகவல்:

ரூபாய் நோட்டு வாபஸ் அறிவிப்புக்கு பிறகு, ஜன., 1ம் தேதி வரை இந்தியா முழுவதிலும் வருமான வரித் துறையால் 1,100 நடவடிக்கைகள் மேற்கொள்ளப்பட்டன. அவற்றுள் 556 ஆய்வுகள், 253 சோதனைகள் மற்றும் 289 பறிமுதல் சம்பவங்கள் அடங்கும்.

ரூ. 4,663 கோடி கணக்கில் வராத பணம்:

இந்த நடவடிக்கைகளால் 110 கோடி புதிய நோட்டுகள் உட்பட 562 கோடி ரூபாய் பறிமுதல் செய்யப்பட்டுள்ளது. ரூ. 4,663 கோடி கணக்கில் வராத பணம் கண்டுபிடிக்கப்பட்டுள்ளது.

5062 நோட்டீஸ் அனுப்பி உள்ளோம். 500 வழக்குகளில் சி.பி.ஐ., மற்றும் அமலாக்கத் துறைக்கு பரிந்துரைத்துள்ளோம்.

English Summary:

New Delhi: The Income Tax Department in the country of 562 crore was seized in the raid. Rs. 4,663 crore unaccounted money was found.

Read More

புதுச்சேரியில் அரசு தகவல்களை ‛வாட்ஸ் அப்'பில் அனுப்ப தடை

புதுச்சேரி: புதுச்சேரியில் அரசு அதிகாரிகள் அரசு தகவல்களை ‛வாட்ஸ் அப்'பில் அனுப்ப தடை விதிக்கப்பட்டடுள்ளது.

அதிகாரி சஸ்பெண்ட்:

சில தினங்களுக்கு முன்னர், புதுச்சேரி மாநில அரசு அதிகாரி ஒருவர் புதுச்சேரி கவர்னர் இடம்பெற்று இருந்த வாட்ஸ் அப் குரூப்பில் ஆபாச செய்தியை பரப்பிய சம்பவம் அதிர்ச்சியை ஏற்படுத்தியது. இதையடுத்து, அந்த அதிகாரி உடனடியாக சஸ்பெண்ட் செய்யப்பட்டார்.

தடை:

இந்நிலையில், புதுச்சேரியில் அரசு அதிகாரிகள் அரசு தகவல்களை வாட்ஸ் அப்பில் அனுப்ப கூடாது என தலைமை செயலர் மனோஜ் பரீதா இன்று உத்தரவிட்டுள்ளார்.

English summary:

Puducherry: Puducherry government information to the state authorities' banned Whats app to send.

Read More

புத்தாண்டு தினத்தில் ஜெயலலிதா நினைவிடத்தில் 1 லட்சம் பேர் அஞ்சலி

சென்னை, புத்தாண்டு தினமான நேற்று முன் தீனம் முன்னாள் முதல்வர் ஜெயலலிதா நினைவிடத்தில் 1 லட்சம் பேர் வந்து அஞ்சலி செலுத்தினர்.

தமிழக முதல்-அமைச்சராக இருந்த ஜெயலலிதா கடந்த மாதம் 5-ந்தேதி காலமானார்.

உடல்நலக்குறைவு காரணமாக 75 நாட்களாக அப்பல்லோ ஆஸ்பத்திரியில் சிகிச்சை பெற்று வந்த ஜெயலலிதாவின் உடல்நிலை சீராகி வந்த நிலையில் திடீரென அவர் மரணம் அடைந்தது அ.தி.மு.க. தொண்டர்களையும் தமிழக மக்களையும் கடும் அதிர்ச்சியில் ஆழ்த்தி உள்ளது.ஜெயலலிதாவின் உடல் மறுநாள் (6-ந்தேதி) மெரினா கடற்கரையில் எம்.ஜி.ஆர். சமாதி அருகில் அடக்கம் செய்யப்பட்டது. அன்று முதல் அவரது சமாதியில் மக்கள் கூட்டம் கூட்டமாக சென்று அஞ்சலி செலுத்தி வருகிறார்கள்.சென்னை மட்டுமின்றி வெளி மாவட்டங்களைச் சேர்ந்த மக்களும் திரண்டு வந்து அஞ்சலி செலுத்திய வண்ணம் உள்ளனர்.

தினமும் 40 ஆயிரம் பேர் வரை ஜெயலலிதா சமாதியில் அஞ்சலி செலுத்தி வருகிறார்கள். விடுமுறை நாட்களில் கூட்டம் அதிகமாக உள்ளது. குறிப்பாக பள்ளிக்கூடங்களுக்கு விடுமுறை அளிக்கப்படும் நாட்களில் மாணவ - மாணவிகள் தங்களது பெற்றோர்களுடன் வந்து அஞ்சலி செலுத்துகின்றனர்.

புத்தாண்டு தினமான நேற்று ஜெயலலிதா சமாதிக்கு சாரை சாரையாக மக்கள் திரண்டு வந்தனர். நேற்று முன் தீனம் மட்டும் அதிகபட்சமாக 1 லட்சம் பேர் அஞ்சலி செலுத்தினர். இதனால் கூடுதல் போலீசார் பாதுகாப்பு பணியில் ஈடுபடுத்தப்பட்டிருந்தனர்.ஜெயலலிதாவின் உடல் அடக்கம் செய்யப்பட்டு 28 நாட்களாகிறது. இருப்பினும் அவரது சமாதியில் அஞ்சலி செலுத்த வருவோரின் கூட்டம் குறையாமலேயே உள்ளது.இது தமிழக மக்கள் அவர் மீது வைத்திருக்கும் அளவு கடந்த அன்பை காட்டுவதாக உள்ளது. ஜெயலலிதா சமாதியில் தினமும் 150-க்கும் மேற்பட்ட போலீசார் பாதுகாப்பு பணியில் ஈடுபட்டுள்ளனர். 3 உதவி கமிஷனர்கள், 9 இன்ஸ்பெக்டர்கள் ஆகியோர் பாதுகாப்பு பணிகளை மேற்கொள்கிறார்கள்.

English Summary:

Chennai, New Year's Day before yesterday  1 million people came to pay homage at the memorial of the former Chief Minister Jayalalithaa.

Read More