பியூன் வேலைக்கு போராடும் சுதந்திர போராட்ட வீரரின் கொள்ளுப்பேரன்

சண்டிகர்: பஞ்சாப் மாநில அரசில், பியூன் வேலைக்காக சுதந்திர போராட்ட வீரர் உத்தம் சிங்கின் கொள்ளுப்பேரன் போராடி வருகிறார்.

உறுதிமொழி:

கடந்த 1919ம் ஆண்டு ஏப்ரல் 13ம் தேதி பஞ்சாப் மாநிலம் ஜாலியன்வாலா பாக்கில் கூடிய அப்பாவி மக்களை ஜெனரல் ஓ டியர் சுட்டுக்கொன்றார். இதற்கு பழிவாங்கும் வகையில், 21 வருடங்களுக்கு பின் லண்டனில் டயரை, உதம் சிங் சுட்டுக்கொன்றார். அவரது மூத்த சகோதரி வழி கொள்ளுப்பேரனான ஜக்கா சிங், தற்போது பஞ்சாபில் வசித்து வருகிறார். 6 பேர் கொண்ட குடும்பத்தில் வசிக்கும் அவரது தந்தை தினக்கூலியாக பணிபுரிந்து வருகிறார். ஜக்கா சிங், துணிக்கடையில் மாதம் ரூ.2,500 சம்பளத்திற்கு பணிபுரிந்து வருகிறார். இவருக்கு கடந்த 2006ம் ஆண்டு அரசுப்பணி வழங்குவதாக முதல்வராக இருந்த அம்ரீந்தர் சிங் உறுதியளித்தார். ஆனால் ஆட்சி மாறியது. இருப்பினும், 10 வருடங்களுக்கு மேலாகியும் இன்னும் அவருக்கு எந்த பணியும் வழங்கப்படவில்லை.

அலைச்சல்:

இது தொடர்பாக ஜக்கா சிங் கூறியதாவது: கடந்த 2006ல் அரசு பணி வழங்வகுதாக முதல்வராக இருந்த அம்ரீந்தர் சிங் கூறினார். இதனை வாங்குவதற்காக பல முறை முயற்சி செய்தும் எந்த பலனும் கிடைக்கவில்லை. பல முறை, தற்போதைய மாநில நிதியமைச்சரை சந்தித்து பேசியுள்ளாம். இதனால், ஒரு முறை, எங்களது கோரிக்கை முதல்வர் அலுவலகத்தில் உள்ளதாக கூறினார். பின்னர், காங்கிரஸ் அளித்த வாக்குறுதி என்பதால், எங்களால் ஒன்றும் செய்ய இயலாது எனக்கூறி விட்டார். அம்ரீந்தர் சிங் வாக்குறுதியை தொடர்ந்து துணை கலெக்டர் எனது தந்தையை சந்தித்து பேசினார். எந்த பணியாக இருந்தாலும் வழங்குவதாக கூறினார். ஆனால், பியூன் வேலை கூட இதுவரை கிடைக்கவில்லை என்றார்.

English summary:

Chandigarh: The Punjab state government, peon freedom fighter Udham Singh's grandson had been battling for the job.

Read More

ஜல்லிக்கட்டு தடை; காங்., மன்னிப்பு கேட்க வேண்டும் ; பொன்.ராதா

மதுரை: காங்கிரஸ் ஆட்சியில் தான் ஜல்லிக்கட்டுக்கு தடை வந்தது. இதற்கு காங்., கட்சி , மக்களிடம் பகிரங்க மன்னிப்பு கேட்க வேண்டும். என மத்திய அமைச்சர் பொன்.ராதாகிருஷ்ணன் கூறியுள்ளார். இது தொடர்பாக அவர் மதுரையில் நிருபர்களிடம் கூறுகையில் : தற்போது அலங்காநல்லூர் போராட்டகளமாக மாறியுள்ளது. மக்களை ஏமாற்றும் அரசியல் கட்சிகள் குறித்து மக்கள் தெரிந்து கொள்வார்கள். ஜல்லிக்கட்டு தடைக்கு காரணமானவர்களை திமுக கண்டிக்காதது ஏன் ? காங்கிரஸ் கூட்டணியில் திமுக இருந்த போது தான் இந்த தவறு நடந்தது. ஜல்லிக்கட்டு நடத்துவதற்கு உரிய வேலைகளை செய்யாமல் போராட்டம் நடத்துவதால் என்ன பயன் ?

மக்கள் கேள்வி கேட்பார்கள்:

தமிழ் மக்கள் கோரிக்கை போராட்டம் அல்ல. அரசியல் கட்சிகள் வர வேண்டிய இடம் அலங்காநல்லூர் அல்ல. டில்லியில் தான் இருக்கிறது. பார்லி.,யில் செய்தது என்ன , கோர்ட்டில் செய்தது என்ன என்பது குறித்து மக்கள் கேள்வி கேட்பார்கள் என நான் நம்புகிறேன். காங்கிரஸ் ஆட்சியில் தான் ஜல்லிக்கட்டுக்கு தடை வந்தது. இதற்கு காங்., மக்களிடம் பகிரங்க மன்னிப்பு கேட்க வேண்டும். ஜல்லிக்கட்டு நடத்துவது என்பது தான் எல்லோரது விருப்பம். இது தற்போது கோர்ட்டில் இருக்கிறது. நல்ல தீர்ப்பு வரும்.இவ்வாறு அவர் கூறினார்.

English summary:

Madurai: Congress rule was banned Jallikattu. The Cong., Party, people should apologize to the public. Pon the Union Minister said.

Read More

இரட்டை வேடம் போட வேண்டாம் ; பாகிஸ்தானுக்கு டிரம்ப் கண்டிப்பு

வாஷிங்டன்: பயங்கரவாத விஷயத்தில் இரட்டை வேடம் போட வேண்டாம் என பாகிஸ்தானுக்கு டிரம்ப் கண்டித்துள்ளார். அமெரிக்க அதிபராக தேர்வு செய்யப்பட்டுள்ள டிரம்ப் அவரது டுவிட்டரில்;

பயங்கரவாத விஷயத்தில் பாகிஸ்தான் சரியான நடவடிக்கை எடுக்க வேண்டும். பாகிஸ்தான் இரட்டை வேடம் போட வேண்டாம். பாகிஸ்தான் போக்கை பொறுத்து கொள்ள முடியாது. இவ்வாறு அவர் கூறியுள்ளார்.

மேலும் வட கொரியா அணு ஆயுதம் தயாரித்து வெற்றி கொள்ள முடியாது. இந்த விஷயத்தில் அமெரிக்காவை வெல்ல முடியாது. மிரட்டலுக்கு அமெரிக்கா
அஞ்சாது. இவ்வாறு அவர் கூறியுள்ளார்.

English summary:

Washington: Terrorism not to double standards in the case of Pakistan has condemned Trump. Trump, who has been elected as the US president on his Twitter;

Read More

காஷ்மீரில் துப்பாக்கிச்சண்டை: பயங்கரவாதி சுட்டுக்கொலை

ஜம்மு : காஷ்மீரில் பாதுகாப்பு படையினருக்கும் பயங்கரவாதிகளுக்கும் இடையே நடந்த துப்பாக்கிச் சண்டையில் பயங்கரவாதி ஒருவன் சுட்டுக்கொல்லப்பட்டான்.

சுட்டுக்கொலை:

காஷ்மீரின் பாரமுல்லா மாவட்டம் டார்சூ பகுதியில் பயங்கரவாதிகள் சிலர் பதுங்கி இருப்பதாக பாதுகாப்பு படையினருக்கு ரகசிய தகவல் கிடைத்தது. இதையடுத்து பாதுகாப்பு படையினர் தேடுதல் வேட்டை நடத்தினர். தேடுதல் வேட்டையின் போது பாதுகாப்பு படையினருக்கும், பயங்கரவாதிகளுக்கும் இடையே பயங்கர துப்பாக்கிச்சண்டை நடந்தது. இதில் பயங்கரவாதி ஒருவன் சுட்டுக் கொல்லப்பட்டான். அவனிடமிருந்து ஆயுதங்கள் பறிமுதல் செய்யப்பட்டன. மேலும் ஒரு பயங்கரவாதி பதுங்கியிருப்பதாகவும், பாதுகாப்பு படையினர் அவனை பிடிக்க தீவிர தேடுல் வேட்டையில் ஈடுபட்டுள்ளனர்.

English Summary:

Jammu and Kashmir in a firefight between the terrorists and security forces shot and killed one terrorist.

Read More

கூடுதல் பணி நேரத்துக்கும் சம்பளம்: வங்கி ஊழியர்கள் சங்கம் கோரிக்கை

சென்னை: ரூபாய் நோட்டு வாபஸ் நடவடிக்கை அமலில் இருந்த 50 நாட்களில், கூடுதலாக பணிபுரிந்த நேரத்திற்கு சம்பளம் வழங்க வேண்டும் என வங்கி ஊழியர் சங்கம் கோரிக்கை விடுத்துள்ளது.

50 நாட்கள்:

கடந்த நவம்பர் 8 ம் தேதி பிரதமர் மோடி, கள்ள நோட்டுகளை ஒழிக்கவும், கறுப்பு பணத்தை வெளிக்கொண்டு வரவும் ரூ.500 மற்றும் ரூ.1000 நோட்டுகள் வாபஸ் பெறப்படுவதாக அறிவித்தார். இதனையடுத்து பணப்புழக்கம் பாதிக்கப்பட்டதால், வங்கிகளில் இருந்து பணம் எடுக்க அதிக கட்டுப்பாடுகள் விதிக்கப்பட்டன. வங்கி ஊழியர்கள் அதிக நேரம் வேலை செய்ய வேண்டிய நிலை ஏற்பட்டது. இந்நிலையில் ரூபாய் நோட்டு வாபஸ் நடவடிக்கை அமலில் இருந்த 50 நாட்களில், கூடுதலாக பணிபுரிந்த நேரத்திற்கு சம்பளம் வழங்க வேண்டும் என வங்கி ஊழியர்கள் கோரிக்கை விடுத்துள்ளது.

கூடுதல் சம்பளம்:

இதுகுறித்து இந்திய வங்கி ஊழியர்கள் சம்மேளனம் வெளியிட்டுள்ள அறிக்கையில் தெரிவிக்கப்பட்டுள்ளதாவது: கடந்த 50 நாட்களில் வங்கி ஊழியர்கள் 12 முதல் 18 மணி நேரம் வரை பணி புரிந்தனர். சில வங்கிகள் கூடுதலாக பணியாற்றிய நேரத்தை ஓவர் டைமாக ஏற்றுக் கொண்டது. வேலை நேரத்தை தாண்டி கூடுதலாக பணிபுரிந்த நேரத்திற்கு வங்கிகள் சம்பளம் வழங்க வேண்டும். இவ்வாறு அந்த அறிக்கையில் குறிப்பிடப்பட்டுள்ளது.

English Summary:

Chennai: The bill on the withdrawal measure was kept in force for 50 days, in addition to salary, working hours, demanding that the Bank Employees' Association.

Read More

காஷ்மீர் சட்டசபையில் தேசிய கீதத்துக்கு அவமதிப்பு

ஜம்மு : ஜம்மு-காஷ்மீர் மாநில சட்டசபையின் பட்ஜெட் கூட்டத்தொடரில் தேசிய கீதம் இசைக்கப்பட்ட போது, எதிர்கட்சி எம்.எல்.ஏ.,க்கள் கோஷம் போட்டு தேசிய கீதத்தை அவமதிப்பு செய்தனர்.

பட்ஜெட் கூட்டத்தொடர்:

ஜம்மு-காஷ்மீரில் முதல்வர் மெஹபூபா முப்தி தலைமையில் பி.டி.பி.,-பா.ஜ., கூட்டணி ஆட்சி செய்து வருகிறது. அம்மாநில சட்டசபையின் பட்ஜெட் கூட்டத்தொடரின் முதல் நாளான நேற்று(ஜன.,2), எதிர்க்கட்சிகள் கடும் அமளியில் ஈடுபட்டனர். இதனால் கவர்னர் என்.என்.வோரா தனது உரையை பாதியில் முடித்தார்.

அவமதிப்பு:

சமீபத்தில் காஷ்மீரில் நடந்த வன்முறையில் பலர் பலியானதை கண்டித்து, காங்., மார்க்சிஸ்ட், தேசிய மாநாடு கட்சி உள்ளிட்ட எதிர்கட்சிகளும், சுயேட்சை எம்.எல்.ஏ.,க்களும் கோஷங்களை எழுப்பினர். தேசிய கீதம் இசைக்கப்பட்ட நேரத்திலும் அதனை மதிக்காமல் எம்.எல்.ஏ.,க்கள் கோஷங்களை எழுப்பி தேசிய கீதத்துக்கு அவமதிப்பு செய்தனர்.

English Summary:

Jammu: Jammu-Kashmir state assembly orchestrated the national anthem during the budget session, opposition MLAs to put the slogan of the national anthem were unprofessional.

Read More

51 மீனவர்களை விடுவிக்க இலங்கை சம்மதம்

புதுடில்லி: தமிழகத்தைச் சேர்ந்த, 51 மீனவர்களை விடுவிக்கவும், மீன்பிடி படகுகளை திரும்ப ஒப்படைக்கவும், இலங்கை அரசு சம்மதித்துள்ளது.

இந்தியா - இலங்கை மீனவர்கள் இடையே, மீன் பிடிப்பதில், நீண்ட காலமாக பிரச்னை உள்ளது. இலங்கை கடல் எல்லைக்குள் மீன் பிடித்ததாக, ஏராளமான தமிழக மீனவர்களையும், மீன்பிடி படகுகளையும், இலங்கை அரசு பிடித்து வைத்துள்ளது.

சம்மதம்:

இந்நிலையில், இலங்கை தலைநகர் கொழும்பில், இந்தியா - இலங்கை நாடுகள் இடையே, நேற்று, உயர்மட்டக் குழு கூட்டம் நடந்தது. இக்கூட்டத்தில் ஏற்பட்ட சுமுக முடிவின் அடிப்படையில், தமிழகத்தைச் சேர்ந்த, 51 மீனவர்களையும், மீன்பிடி படகுகளையும் விடுவிக்க, இலங்கை அரசு சம்மதித்தது. அதேபோல், இந்திய சிறையில் அடைக்கப்பட்டுள்ள, மூன்று இலங்கை மீனவர்களை விடுவிக்க, இந்திய அரசு சம்மதித்தது.

சுமுக முடிவுகள்:

வெளியுறவுத்துறை செய்தித் தொடர்பாளர், விகாஸ் ஸ்வரூப், டில்லியில், நிருபர்களிடம் நேற்று கூறியதாவது: மீனவர் பிரச்னை தொடர்பாக, அமைச்சர்கள் அளவிலான, உயர்மட்டக் குழு கூட்டம், கொழும்பு நகரில் நடந்தது. இக்கூட்டத்தில் சுமுக முடிவுகள் எடுக்கப்பட்டன. இரு தரப்பும், மீனவர்களை பரஸ்பரம் ஒப்படைக்கும் நடவடிக்கைகளை விரைவுபடுத்த, சர்வதேச செயல்பாட்டு நடைமுறைகளை பின்பற்ற சம்மதித்துள்ளன.இவ்வாறு அவர் கூறினார்.

இலங்கை அரசு, தன் பிடியில் உள்ள தமிழக மீனவர்களை அவ்வப்போது விடுவித்து வந்தாலும், அவர்களின் மீன்பிடி படகுகளை விடுவிக்க முடியாதென, பிடிவாதமாக இருந்தது. தற்போது நடந்த பேச்சில், மீனவர்களின் விலை உயர்ந்த மீன்பிடி படகுகளை ஒப்படைக்க சம்மதித்துள்ளது, முக்கியத்துவம் வாய்ந்ததாக கருதப்படுகிறது.

நேற்று நடந்த உயர் மட்டக் கூட்டத்தில்,மத்திய அரசு சார்பில், விவசாயத்துறை அமைச்சர், ராதாமோகன் சிங்கும், இலங்கை சார்பில், அந்த நாட்டின் மீன்வளத்துறை அமைச்சர், மஹிந்தா அமரவீராவும் பங்கேற்றனர்.

English summary:

NEW DELHI: Tamil Nadu, fishermen release 51, and the return of the fishing boats, the Sri Lankan Government agreed. India - Sri Lanka between fishermen, fish, is a long-standing problem. Sri Lankan waters for fishing, many fishermen, fishing boats, and with the Government of Sri Lanka.

Read More