ரொக்கமற்ற பணப் பரிவர்த்தனை: இளைஞர்கள் உதவ வேண்டும்

ரொக்கமற்ற பணப் பரிவர்த்தனை என்ற இலக்கை அடைய இளைஞர்கள் முகவர்களாக செயல்பட்டு உதவ வேண்டும் என்று மத்திய மனிதவள மேம்பாட்டுத் துறை அமைச்சர் பிரகாஷ் ஜாவடேகர் அழைப்பு விடுத்தார்.
இதுகுறித்து தில்லியில் செய்தியாளர்களிடம் அவர் வியாழக்கிழமை கூறியதாவது: ரொக்கமற்ற பணப் பரிவர்த்தனை மூலம் மேற்கொள்ளப்படும் பணப் பரிவர்த்தனை கணக்கில் கொண்டுவரப்படும். இதனால், ஊழல் ஒழிக்கப்படும். மத்திய பட்ஜெட்டின் மதிப்பு ரூ.18 லட்சம் கோடியாக இருக்கும். அவற்றில் ரூ.6 லட்சம் கோடி வரை ரொக்கமற்ற பரிவர்த்தனை திட்டத்துக்கான உள்கட்டமைப்பு வசதிகளை மேம்படுத்த பயன்படுத்தப்படும்.
அனைவரும் வருமான வரி செலுத்தாததே மொத்த பிரச்னைக்கும் காரணம் ஆகும். ரூபாய் நோட்டு வாபஸ் நடவடிக்கையானது ரொக்கமற்ற பரிவர்த்தனைக்கு இட்டுச் செல்லும். இதன்மூலம், கருப்புப் பணம், ஊழல், கள்ள நோட்டுகள் ஆகியவை ஒழிக்கப்பட்டு வெளிப்படைத்தன்மை கொண்டுவரப்படும். ரொக்கமற்ற பரிவர்த்தனையை அனைவரும் பயன்படுத்துமாறு இளைஞர்கள் விழிப்புணர்வை ஏற்படுத்த வேண்டும் என்றார் பிரகாஷ் ஜாவடேகர்.

English Summary : Cashless transaction: to help young people.Cashless serving as agents to help young people to achieve the goal of a cash transaction that called HRD Minister Prakash Javadekar. 

Read More

மதுவிலக்கு அமல்: நிதீஷுக்கு மோடி பாராட்டு

பிகார் மாநிலத்தில் முழு மது விலக்கை அமல்படுத்தியதற்காக, அந்த மாநிலத்தில் வியாழக்கிழமை நடைபெற்ற விழா ஒன்றில், முதல்வர் நிதீஷ் குமாருக்கு பிரதமர் நரேந்திர மோடி பாராட்டு தெரிவித்தார்.
சீக்கிய குரு கோவிந்த் சிங்கின் 350-ஆவது பிறந்த தின விழா, கடந்த மாதம் 25-ஆம் தேதி தொடங்கியது. விழாவின் நிறைவு நாள் நிகழ்ச்சி, பிகார் மாநிலம், பாட்னாவில் வியாழக்கிழமை நடைபெற்றது. இந்த விழாவில் பிரதமர் நரேந்திர மோடி, பிகார் முதல்வர் நிதீஷ் குமார், ராஷ்ட்ரீய ஜனதா தளத் தலைவர் லாலு பிரசாத் ஆகியோர் ஒரே மேடையில் பங்கேற்றனர்.
மத்திய அமைச்சர்கள் ரவிசங்கர் பிரசாத், ராம்விலாஸ் பாஸ்வான், பஞ்சாப் முதல்வர் பிரகாஷ் சிங் பாதல், ஆளுநர் ராம்நாம் கோவிந்த் ஆகியோரும் விழாவில் கலந்து கொண்டனர். நாடு முழுவதிலும் இருந்து வந்த லட்சக்கணக்கான பக்தர்கள் விழாவுக்கு வந்திருந்தனர்.
நிகழ்ச்சியில் நிதீஷ் குமார் பேசுகையில், ""பிரதமர் மோடி, குஜராத் முதல்வராக இருந்தபோது, அந்த மாநிலத்தில் பூரண மதுவிலக்கை வெற்றிகரமாக அமல்படுத்தினார்;
மதுவுக்கு எதிரான பிரசாரத்தின் தொடக்கப்புள்ளியாக அது இருந்தது. இதேபோல், நாடு முழுவதும் பூரண மதுவிலக்கை அமல்படுத்த பிரதமர் மோடி நடவடிக்கை எடுக்க வேண்டும்'' என்றார்.
அவரைத் தொடர்ந்து மோடி பேசியதாவது:
பிகாரில் பூரண மது விலக்கை அமல்படுத்தியதற்காக மாநில முதல்வர் நிதீஷ் குமாரை மனப்பூர்வமாக வாழ்த்துகிறேன். ஆனால், பூரண மதுவிலக்கு என்பது ஒரு கட்சியால் மட்டுமோ அல்லது நிதீஷ் குமாரால் மட்டுமோ வெற்றிபெற்று விடாது. முதல்வரின் நடவடிக்கைக்கு அனைத்து அரசியல் கட்சிகளும், சமூக அமைப்புகளும், மக்களும் முழு ஆதரவு அளித்து, அதை மக்கள் இயக்கமாக மாற்ற வேண்டும். மது விலக்கை வெற்றிகரமாக அமல்படுத்துவதன் மூலமாக, ஒட்டுமொத்த நாட்டுக்கே முன்னுதாரணமாக பிகார் மாநிலம் விளங்கும் என்றார் அவர்.
அரசியலில் இரு துருவங்களாக இருக்கும் பிரதமர் மோடியும், நிதீஷ் குமாரும் ஒருவரை ஒருவர், நிகழ்ச்சியில் பாராட்டிக்கொண்டது, அனைவரும் வியக்கும் வகையில் இருந்தது.
கடந்த 2014-ஆம் ஆண்டு, பிரதமர் பதவி வேட்பாளராக மோடி முன்னிறுத்தப்படுவதற்கு எதிர்ப்பு தெரிவித்து பாஜக கூட்டணியில் இருந்து வெளியேறியவர் நிதீஷ் குமார்.
அதைத் தொடர்ந்து, 2015-ஆம் ஆண்டு நடைபெற்ற சட்டப்பேரவைத் தேர்தலின்போது, பாஜகவை தோற்கடிப்பற்காக, தனது அரசியல் எதிரியான ராஷ்ட்ரீய ஜனதா தளத்துடன் கூட்டணி வைத்து, தேர்தலை சந்தித்தார். அந்தத் தேர்தலின்போது, மோடியும், நிதீஷ் குமாரும் எதிரெதிராக அனல் பறக்கும் பிரசாரங்களில் ஈடுபட்டனர்.
இந்நிலையில், உயர் மதிப்புடைய ரூபாய் நோட்டுகள் வாபஸ் பெறப்பட்டபோது மத்திய அரசின் முடிவுக்கு நிதீஷ் குமார் ஆதரவு அளித்தார்.

English Summary : Prohibition went into effect: Modi congratulates Nitish.Amalpatuttiyatark full exemption for alcohol in Bihar, at a ceremony held on Thursday in the state, Chief Minister Nitish Kumar praised Narendra Modi.
Sikh Guru Gobind Singh's 350-th birthday celebrations started on the 25th of last month. Closing day of the festival program, Bihar, held in Patna on Thursday. On this occasion, the Prime Minister, Narendra Modi, Bihar Chief Minister Nitish Kumar, Rashtriya Janata Dal leader Lalu Prasad took part in the platform. 

Read More

ரூபாய் நோட்டு வாபஸ்: ஏழைகளின் துயரங்களைத் தீர்க்க கூடுதல் கவனம் தேவை: குடியரசுத் தலைவர் பிரணாப் முகர்ஜி

ரூபாய் நோட்டு வாபஸ் நடவடிக்கையால் பாதிக்கப்பட்டுள்ள ஏழைகளின் துயரங்களைக் குறைப்பதில் கூடுதல் கவனம் செலுத்த வேண்டும் என்று குடியரசுத் தலைவர் பிரணாப் முகர்ஜி வலியுறுத்தினார்.
தில்லியில் குடியரசுத் தலைவர் மாளிகையில் இருந்து ஆளுநர்கள், துணை நிலை ஆளுநர்கள் ஆகியோருடன் காணொலிக் காட்சி வழியாக பிரணாப் முகர்ஜி, வியாழக்கிழமை உரையாற்றினார். அப்போது அவர் கூறியதாவது:
அதிக மதிப்புடைய ரூபாய் நோட்டு வாபஸ் நடவடிக்கையால் பொருளாதார மந்த நிலை ஏற்பட்டுள்ளது தவிர்க்க முடியாதது.
இந்த நடவடிக்கையின் நோக்கம் நிறைவேற நீண்ட காலம் ஆனாலும் ஆகலாம். அதுவரை ஏழைகளால் பொறுமை காக்க முடியுமா? என்று தெரியவில்லை. அவர்கள் எதிர்கொண்டுள்ள சிரமங்களைக் குறைப்பதில் கூடுதல் கவனம் செலுத்தப்பட வேண்டும்.
ஏழைகளை தொழில்முனைவோராக்கும் மத்திய அரசின் அணுகுமுறையைப் பாராட்டுகிறேன். ஏழைகளின் துயர் தீர்க்கப்பட வேண்டும். அப்போதுதான், பசி, வேலையின்மை, சுரண்டல் ஆகியவை இல்லாத இந்தியா என்ற இலக்கை நோக்கிய பயணத்தில் அவர்களும் பங்கெடுக்க முடியும்.
அண்மையில் பிரதமர் மோடி வெளியிட்ட அறிவிப்புகள் ஏழைகள் எதிர்கொண்டுள்ள துயரங்களைக் குறைக்க உதவும்.
இந்த ஆண்டில் 7 மாநிலங்களுக்கு சட்டப் பேரவைத் தேர்தல் நடைபெற உள்ளது. அவற்றில் உத்தரப் பிரதேசம், கோவா உள்பட 5 மாநில சட்டப் பேரவைத் தேர்தல்களுக்கான தேதி அறிவிக்கப்பட்டுவிட்டது.
சுதந்திரமான மற்றும் நியாயமான முறையில் நடத்தப்படும் நமது தேர்தல் முறை உலகிலேயே மிகவும் சிறப்பு வாய்ந்ததாகக் கருதப்படுகிறது.
மக்களின் மனப்பான்மை, நம்பிக்கை, மதிப்புகள் ஆகியவை தேர்தல்களில் பிரதிபலிக்கின்றன. தேர்தல் காலங்களில் யார் பெரியவர் என்பதில் போட்டி, வாக்கு வங்கி அரசியல் ஆகியவை சமூகத்தில் மேலும் பல பிரச்னைகளுக்கு அடித்தளம் அமைத்துக் கொடுத்துவிடும்.
தேர்தல் சமயங்களில் இனவாத பிரச்னைகள் தலை தூக்கத் தொடங்கும். அப்போது மாறுபட்ட சமூகத்தினரிடையே ஒற்றுமை நிலவ வேண்டும்.
இதுபோன்று சமூகத்தில் எழும் பல்வேறு சவால்களை சட்டத்தின் மூலம் கையாள வேண்டும்.
மாநில மக்களின் பிரச்னைகளைத் தீர்க்கவும், சமூகத்தில் எழும் பதற்றங்களைத் தணிக்கவும் நீங்கள் (ஆளுநர்கள்) முக்கியப் பங்காற்ற வேண்டும்.
பன்முகத்தன்மை வாய்ந்த இந்தியா போன்ற ஜனநாயக நாடுகளில் சகிப்புத்தன்மை, பொறுமை, மாறுபட்ட கருத்துகளுக்கு மரியாதை அளித்தல் ஆகியவை இருக்க வேண்டியது அவசியம். அவற்றை நாம் பாதுகாக்க வேண்டும்.
"வேற்றுமையில் ஒற்றுமை' என்பதில்தான் இந்தியாவின் வலிமை அடங்கியுள்ளது. பல்வேறு மொழிகள், வேறுபட்ட கலாசாரங்கள், நம்பிக்கைகள் போன்றவற்றில்தான் இந்தியாவின் தனித்துவம் அடங்கி இருக்கிறது.
மாறுபட்ட கருத்துகள் குறித்து விவாதிக்கலாம். அவற்றை ஏற்காமலும் இருக்கலாம். ஆனால், அத்தகைய கருத்துகளைக் கண்டுகொள்ளாமல் தவிரித்துவிட முடியாது.
இதுபோன்ற அடிப்படை பண்பாடு, நாகரீகத்தை மாநில மக்களுக்கு நீங்கள் எடுத்துரைக்க வேண்டும்.
மாநிலங்களில் கலை, கலாசாரத்தை ஊக்குவிக்க வேண்டும்.
உலகில் பொருளாதாரம் மந்த நிலையில் இருக்கின்ற போதிலும் நமது தேசத்தின் பொருளாதார நிலை வலிமையாக உள்ளது.
கடந்த 2014, 2015 ஆகிய ஆண்டுகளில் போதிய அளவு மழை பெய்யாததால் கிராமப்புறங்கள் பாதிக்கப்பட்டன. கடந்த ஆண்டில் பெய்த பருவமழையால் வேளாண் உற்பத்தியும், கிராமப்புறங்களில் வேலைவாய்ப்பும் பெருகும் என்று எதிர்பார்க்கப்படுகிறது என்றார் பிரணாப் முகர்ஜி.

* ஏழைகளை தொழில்முனைவோராக்கும் மத்திய அரசின் அணுகுமுறையைப் பாராட்டுகிறேன். ஏழைகளின் துயர் தீர்க்கப்பட வேண்டும். அப்போதுதான், பசி, வேலையின்மை, சுரண்டல் ஆகியவை இல்லாத இந்தியா என்ற இலக்கை நோக்கிய பயணத்தில் அவர்களும் பங்கெடுக்க முடியும். *

English Summary : Withdrawal of bill: to alleviate the suffering of the poor in need of extra care: President Pranab Mukherjee.Action to reduce the suffering of the poor who are suffering from withdrawal bill that would focus more on President Pranab Mukherjee stressed.
Rashtrapati Bhavan in New Delhi from the Governors, Lt. Governors via Video Conferencing with Pranab Mukherjee on Thursday addressed. Then he added:
High-value currency note has been withdrawn by the economic recession is inevitable. 

Read More

போக்குவரத்து நெரிசல் மிகுந்த பகுதிகளில் வாழ்பவர்களுக்கு மனநல பாதிப்பு ஏற்படலாம்

போக்குவரத்து மிகுந்த சாலையோரத்தில் வாழ்பவர்கள் டிமென்ஷியா எனப்படும் மனநல பாதிப்பு உருவாவதற்கான ஆபத்தை அதிகரிப்பதாக கனடாவில் உள்ள விஞ்ஞானிகள் முடிவுக்கு வந்துள்ளனர்.

லேன்செட் என்ற மருத்துவ இதழில் வெளியான இந்த ஆய்வில், ஓன்டோரியோவை சேர்ந்த சுமார் 6 லட்சத்திற்கும் அதிகமானவர்கள் பங்கேற்றனர். சுமார் பத்து ஆண்டுகளுக்கு இந்த ஆய்வு நடத்தப்பட்டது.

முக்கிய போக்குவரத்தி மையத்திலிருந்து 50 மீட்டர்களுக்கும் குறைவான தூரத்தில் வாழ்பவர்களுடன் அங்கிருந்து தள்ளி வாழ்பவர்களை ஒப்பிடும் போது, ல்சைமர்ஸ் எனப்படும் மூளைச்சிதைவு மற்றும் மனநல பாதிப்பின் பிற வடிவங்களின் பாதிப்பு ஏற்படுவதற்கு 12% கூடுதல் வாய்ப்பு இருப்பதை இந்த ஆய்வு கண்டறிந்துள்ளது.

கரித்துண்டுகளின் நுண்ணிய துகள்கள் மற்றும் நைட்ரோஜன் ஆக்சைடு அடங்கிய புகையை நீண்ட காலமாக சுவாசித்து வருவது மற்றும் போக்குவரத்து சத்தம் ஆகியன மூளை சுருங்குவதற்கும், மனநல பிரச்சினைகள் ஏற்படுவதற்கும் வழிவகுக்கும் என்று இந்த கண்டுபிடிப்புகள் வலியுறுத்துகின்றன.

உலகளவில் சுமார் 50 மில்லியன் மக்கள் டிமென்ஷியா எனப்படும் மனநல பாதிப்பின் பிற வடிவங்களால் பாதிக்கப்பட்டுள்ளனர் என்பது குறிப்பிடத்தக்கது.

English summary:

Living in the great road traffic can increase the risk of developing dementia prevalence of psychiatric scientists in Canada have concluded.

Read More

டில்லியிலும் பெண் மானபங்கம்; போலீசை தாக்கிய கும்பல்

புதுடில்லி: பெங்களூருவை தொடர்ந்து, புத்தாண்டு தினத்தில் டில்லியிலும் பெண்ணை மானபங்கப் படுத்திய இளைஞர்கள் சிலர், போலீசார் மீதும் தாக்குதல் நடத்தியுள்ளனர்.

புத்தாண்டு அன்று டில்லியின் முகர்ஜி நகர் பகுதியில் பைக் ஒன்றில் வந்த இளம் பெண் ஒருவரை, அங்கு வந்த கும்பல் ஒன்று, தடுத்து நிறுத்தி மானபங்க முயற்சி செய்தனர். அவர்கள் குடிபோதையிலும் இருந்துள்ளனர்.

அங்கு பாதுகாப்பு பணியில் இருந்த போலீசார் தடுக்க முயன்றனர். ஆனால் அவர்கள், போலீசாரையும் கற்கள் வீசி தாக்கினர். இதில் பெண் போலீசார் உள்ளிட்ட பலர் காயமடைந்தனர். தொடர்ந்து அருகில் இருந்த போலீசாருக்கு சொந்தமான வாகனங்கள் மற்றும் சொத்துகளை அந்த கும்பல் தாக்கி சேதப்படுத்தி விட்டு தப்பி சென்றனர். போலீஸ் ஸ்டேசனையும் சேதப்படுத்தினர்.

தப்பி சென்ற கும்பலை போலீசார் தேடி வருகின்றனர். சம்பவம், அங்கு இருந்த ரகசிய கண்காணிப்பு கேமராவில் பதிவாகியுள்ளது.

English summary:

New Delhi, Bangalore, following the New Year's Day  Delhi made it some young girl, police, attack. 

Read More

அமெரிக்க பாராளுமன்ற உறுப்பினர்களாக 5 இந்திய வம்சாவழியினர் பதவி ஏற்றனர்

வாஷிங்டன்  - அமெரிக்க பாராளுமன்ற உறுப்பினர்களாக இந்திய வம்சாவழியை சேர்ந்த ஐந்துபேர் பதவி ஏற்று கொண்டனர்.

இந்திய வம்சாவழியினர் வெற்றி:

அமெரிக்க பாராளுமன்றத்துக்கு கடந்த நவம்பர் மாதம் நடைபெற்ற தேர்தலில் போட்டியிட்டு வெற்றிபெற்ற இந்திய வம்சாவழியினரான கமலா ஹாரிஸ், ரோ கண்ணா, ராஜா கிருஷ்ணமூர்த்தி, துல்சி கப்பார்ட், பிரமிளா ஜெய்பால் ஆகியோர் நேற்று முன்தினம் பதவி ஏற்று கொண்டனர். இவர்களில் ராஜா கிருஷ்ணமூர்த்தி ‘பகவத் கீதை’யின் மீது கைவைத்து சத்திய பிரமாணம் செய்தார்.

5 இடங்களை...:

அமெரிக்காவில் வாழும் இந்தியர்களின் எண்ணிக்கை அந்நாட்டின் மக்கள்தொகையில் ஒருசதவீதமாக மட்டுமே உள்ள நிலையில் பாராளுமன்ற உறுப்பினர்களின் மொத்த எண்ணிக்கையான 100 உறுப்பினர்களின் இடத்தில் 5 இடங்களை இந்திய வம்சாவழியினர் பிடித்துள்ளது, குறிப்பிடத்தக்கது. முன்னதாக, அமெரிக்காவில் வாழும் இந்தியர்களின் சார்பில் அமெரிக்கா பாராளுமன்ற உறுப்பினர்களாக பதவி ஏற்ற இவர்கள் ஐந்து பேரையும் வாழ்த்தும் வகையில் மாபெரும் பாராட்டி விழா நடத்தப்பட்டது.

English summary:

Washington - The US and five MPs of Indian origin, who accepted the position.

Read More

பாராளுமன்றம் ஒப்புதலோடு துருக்கியில் அவசரநிலை சட்டம் மேலும் 3 மாதங்கள் நீட்டிப்பு

அன்காரா, துருக்கி நாட்டில் மக்களால் தேர்ந்தெடுக்கப்பட்ட அரசை கவிழ்க்க நடந்த கலகத்தை அடுத்து, கடந்த ஜூலை மாதம் நாடு முழுவதும் பிறப்பிக்கப்பட்ட அவசரநிலை சட்டத்தை மேலும் 3 மாதங்களுக்கு நீட்டிக்க பாராளுமன்றம் ஒப்புதல் அளித்துள்ளது.

ராணுவ புரட்சி:

துருக்கி நாட்டில் கடந்த ஆண்டு ஜூலை மாதம் நடைபெற்ற ராணுவ புரட்சிக்கான முயற்சி, பொதுமக்களால் முறியடிக்கப்பட்டது. அப்போது நடைபெற்ற மோதல்களில் சுமார் 200 பேர் கொல்லப்பட்டனர். ஆயிரத்துக்கும் அதிகமானவர்கள் காயம் அடைந்தனர். ராணுவ புரட்சி முறியடிக்கப்பட்ட நிலையில், அரசுக்கு எதிராக செயல்பட்ட ராணுவ அதிகாரிகள், வீரர்கள் மற்றும் நீதிபதிகளை சுற்றி வளைக்கும் முயற்சியில் அந்நாட்டு அரசு ஈடுபட்டது. அதற்கு வசதியாக 3 மாதங்களுக்கு நாடு முழுவதும் அவசரநிலை சட்டம் பிறப்பிக்கப்பட்டது.

அவசரநிலை சட்டம்:

பத்திரிகை மற்றும் இதர ஊடகங்களின் செய்திகளை தணிக்கை செய்யவும், தேவை ஏற்பட்டால் பாராளுமன்றத்தின் ஒப்புதலை பெறாமலேயே சில முக்கிய சட்டங்களை இயற்றவும் இந்த அவசரநிலை சட்டம் பிரதமருக்கு தனிஅதிகாரத்தை வழங்கியுள்ளது. கடந்த அக்டோபர் மாதத்தில் இந்த சட்டம் மேலும் 3 மாதங்களுக்கு நீட்டிக்கப்பட்டது.

மேலும் 3 மாதங்களுக்கு....:

பிரதமர் எர்டோகன் தலைமையிலான ஆட்சியை கவிழ்க்கும் புரட்சிக்கு சதி திட்டம் தீட்டியதாக சந்தேகிக்கப்பட்ட ராணுவ துணை தளபதிகள், நீதிபதிகள், அரசு உயரதிகாரிகள் உள்ளிட்டோர் பதவி நீக்கம் செய்யப்பட்டனர். இவர்களில் பலர் கைது செய்யப்பட்டுள்ளனர். இந்த அதிரடி நடவடிக்கை தொடர்ந்துவரும் நிலையில் இதற்கு வசதியாக அவசரநிலை சட்டத்தை மேலும் 3 மாதங்களுக்கு நீட்டிக்க அரசு தீர்மானித்துள்ளது.

பாராளுமன்றம் ஒப்புதல்:

இந்த தீர்மானத்துக்கு ஒப்புதல் பெறுவதற்காக நேற்று துருக்கி பாராளுமன்றத்தில் அனுமதி கோரப்பட்டது. பாராளுமன்றமும் இதற்கு ஒப்புதல் அளித்துள்ள நிலையில் வரும் 19-ம் தேதியுடன் முடிவடையை இருந்த இந்த அவசரநிலை பிரகடன உத்தரவு மேலும் மூன்று மாதங்களுக்கு நீட்டிக்கப்படும் என அரசு அறிவித்துள்ளது.

English summary:

Ankara, Turkey in the wake of the rebellion to topple the elected government, imposed emergency in the country last July, the parliament has approved legislation to extend for a further 3 months.

Read More