நோபல் பரிசு பெறும் விஞ்ஞானிகளுக்கு ரூ.100 கோடி பரிசு

திருப்பதி : ''நோபல் பரிசு பெறும், ஆந்திர விஞ்ஞானிகளுக்கு, 100 கோடி ரூபாய் பரிசளிக்கப்படும்,'' என, அம்மாநில முதல்வரும், தெலுங்கு தேசம் கட்சி தலைவருமான, சந்திரபாபு நாயுடு அறிவித்து உள்ளார்.

இந்திய அறிவியல் மாநாடு:

ஆந்திர மாநிலத்தில், தெலுங்கு தேசம் கட்சியைச் சேர்ந்த, சந்திரபாபு நாயுடு முதல்வராக உள்ளார். இங்குள்ள திருப்பதியில், இந்திய அறிவியல் மாநாட்டை, பிரதமர் நரேந்திர மோடி, சமீபத்தில் துவக்கி வைத்தார். ஐந்து நாட்கள் நடக்கும் இந்த மாநாட்டில், அமெரிக்கா, ஜப்பான் உள்ளிட்ட, உலக நாடுகளைச் சேர்ந்த, நோபல் பரிசு பெற்ற விஞ்ஞானிகள் உட்பட, 10 ஆயிரத்துக்கும் மேற்பட்ட விஞ்ஞானிகள் பங்கேற்றுள்ளனர்.

மெகா பரிசு:

இந்த மாநாட்டின் ஒரு பகுதியாக, குழந்தைகளுக்கான அறிவியல் மாநாட்டை துவக்கி வைத்த, முதல்வர் சந்திரபாபு நாயுடு பேசுகையில், ''நோபல் பரிசு பெறும், வருங்கால ஆந்திர விஞ்ஞானிகளுக்கு, 100 கோடி ரூபாய் பரிசாக வழங்கப்படும்,'' என்றார். வழக்கமாக, நோபல் பரிசுடன், 5.96 கோடி ரூபாய் ரொக்கப் பரிசும் வழங்கப்படும். அதைவிட பல மடங்கு அதிகமான தொகையை, சந்திரபாபு நாயுடு பரிசாக அறிவித்துள்ளார்.

English summary:

Tirupati: '' will receive the Nobel Prize, AP scientists, prize as 100 crore, '' as the state chief minister and Telugu state Party leader Chandrababu Naidu has announced.

Read More

சிறப்பான நிலையில் இந்தியப் பொருளாதாரம்: அருண்ஜெட்லி

புதுடில்லி: உலக அளவிலான பொருளாதாரத்தில் இந்திய பொருளாதாரம் சிறப்பான நிலையில் உள்ளதாக மத்திய நிதியமைச்சர் அருண் ஜெட்லி தெரிவித்துள்ளார்

டில்லியில் நடந்த நிதி நிலைத்தன்மை மற்றும் வளர்ச்சி கவுன்சில் கூட்டத்தில் மத்திய நிதியமைச்சர் அருண்ஜேட்லி மற்றும் ரிசர்வ் வங்கி கவர்னர் உர்ஜித் படேல் உள்ளிட்டோர் பங்கேற்றனர்.

ஜி.டி.பி., அதிகரிக்க வாய்ப்பு:

அவர் தெரிவித்ததாவது: மத்திய அரசின் கறுப்பு பண ஒழிப்பு நடவடிக்கை காரணமாக நாட்டின் பொருளாதாரத்தை நிர்ணயிக்கும் முக்கிய காரணியான பெரும் முதலீட்டில் தொடங்கப்படும் தொழில்கள் நல்ல வளர்ச்சிப் பாதையில் செல்லும். இது மொத்த உள்நாட்டு உற்பத்தியை குறிக்கும் ஜி.டி.பி., யை அதிகரிக்க உதவும். வங்கிகளில் இருந்து பெறப்படும் கடன்களின் வட்டி விகிதம் கணிசமாக குறைக்கப்பட்டுள்ளது.

வரி ஏய்ப்பு தவிர்ப்பு:

ரொக்கமில்லா பண பரிவர்த்தனை மூலமாக நாட்டில் வரி ஏய்ப்பு முற்றிலுமாக தவிர்க்கப்பட வாய்ப்பு உள்ளது.

பாதுகாப்பான பொருளாதாரம்:

உலக அளவில் பொருளாதாரம் உறுதியற்ற நிலையில் இருக்கும் போது. இந்தியாவின் பொருளாதாரம் நீண்டகால அடிப்படையில் தொடர்ந்து ஆரோக்கியமாக இருக்க வாய்ப்பு உள்ளது. இவ்வாறு அவர் தெரிவித்தார்.

English summary:

NEW DELHI: The global economy is in a better position in the Indian economy, said Finance Minister Arun Jaitley Financial Stability and Development Council meeting held in New Delhi, Union Finance Minister Arun Jaitley and Reserve Bank Governor urjit Patel participated.

Read More

மீனவர்களை விடுவிக்க கோரி பிரதமருக்கு முதல்வர் கடிதம்

சென்னை: 'இலங்கை சிறையில் உள்ள, 61 தமிழக மீனவர்களையும், 116 படகுகளையும், உடனே விடுவிக்க நடவடிக்கை எடுக்க வேண்டும்' என, பிரதமருக்கு, முதல்வர் பன்னீர்செல்வம் கடிதம் எழுதி உள்ளார்.

சிறையில் வாடும் மீனவர்கள்:

கடிதத்தில், அவர் கூறியிருப்பதாவது: புதுக்கோட்டை மாவட்டம், ஜெகதாம்பட்டிணத்திலிருந்து மீன்பிடிக்க சென்ற, பத்து மீனவர்களை, இலங்கை கடற்படை, கைது செய்து, சிறையில் அடைத்துள்ளது. மேலும் இலங்கை சிறையில் வாடும் தமிழக மீனவர்கள் 61 பேர் மற்றும் 116 படகுகளை விடுவிக்க தேவையான நடவடிக்கைகளை மத்திய அரசு எடுக்க வேண்டும்.

நடவடிக்கை:

இரு நாடுகளுக்கும் இடையே உள்ள மீனவர்கள் பிரச்னைக்கு நிரந்திர தீர்வு காண பேச்சுவார்த்தைகள் நடந்து வரும் நிலையில், இலங்கை அரசின் இந்த நடவடிக்கை கண்டிக்கத்தக்கது. மீனவர்களின் படகுகளை இலங்கை அரசு கைப்பற்றி விடுவதால், அவர்களின் வாழ்வாதாரம் வெகுவாக பாதிக்கப்படும். எனவே, தமிழக மீனவர்களை பாதுகாக்க வெளியுறவுத் துறை அதிகாரிகள் மூலம் மத்திய அரசு உடனடியாக நடவடிக்கை எடுக்க வேண்டும். இவ்வாறு முதல்வர் பன்னீர்செல்வம் தெரிவித்துள்ளார்.

English summary:

Chennai : Sri Lanka at the prison, 61 Tamil Nadu fishermen and 116 boats, should take immediate action to release that, to the prime minister, sent a letter to Chief Minister Panneerselvam.

Read More

காந்தி படம் இல்லாத 2,000 ரூபாய் நோட்டுகள்!

போபால்: மத்திய பிரதேசத்தில், வங்கியில் வழங்கப்பட்ட, 2,000 ரூபாய் நோட்டுகளில், காந்தியின் படம் இல்லாததை பார்த்து, அதிர்ச்சி அடைந்த வாடிக்கையாளர்கள், அவற்றை வங்கியில் திரும்ப ஒப்படைத்தனர்.

காந்தி படம் இல்லை:

ம.பி., மாநிலத்தில், முதல்வர் சிவ்ராஜ் சிங் சவுகான் தலைமையிலான, பா.ஜ., ஆட்சி நடக்கிறது. ஷிவ்பூர் மாவட்டம், பிச்சுகாவடி கிராமத்தை சேர்ந்தவர் கிருஷ்ண மீனா. விவசாயியான இவர், சமீபத்தில், அங்குள்ள, எஸ்.பி.ஐ., வங்கிக் கிளையில், தன் கணக்கில் இருந்து, 2,000 ரூபாய் எடுத்தார். வங்கியில் இருந்து வெளியில் வந்தபின், ரூபாய் நோட்டில் காந்தி படம் இல்லாததை கவனித்தார். அங்கு வந்த அவரது நண்பரிடமும், காந்திப் படம் இல்லாத, 2,000 ரூபாய் நோட்டுகள் இருந்தன. இதையடுத்து, இருவரும் மீண்டும் வங்கிக்கு சென்று, தங்களிடம் இருந்த, 2,000 ரூபாய் நோட்டுகளில் காந்திப் படம் இல்லை என்று கூறி, திரும்ப ஒப்படைத்தனர்.

பிழைகள் சகஜமே:

சம்பவம் குறித்து, வங்கியின் கிளை மேலாளர் ஆகாஷ் ஸ்ரீவாத்சவ் கூறியதாவது: கடந்த, 1996ல் இருந்து, காந்திப் படத்துடன் கூடிய ரூபாய் நோட்டுகள் அச்சிடப்பட்டு வருகின்றன. அச்சுப் பிழை காரணமாக, 2,000 ரூபாய் நோட்டில், காந்தி படம் இடம் பெறவில்லை; இந்த நோட்டுகள் போலியானவை அல்ல; குறைபாடுள்ள ரூபாய் நோட்டுகள் திரும்பப் பெறப்படுகின்றன. நோட்டுகள் அச்சிடும்போது, சில நேரங்களில் இதுபோன்ற பிழைகள் ஏற்படுவது சகஜமானது தான். இவ்வாறு அவர் கூறினார்.

English summary:

Bhopal: Madhya Pradesh, the Bank issued 2,000 banknotes, in the absence of Gandhi's movie watching, Horrified customers, and handed them back to the bank.

Read More

'தனியார் அமைப்புகள் மூலம் ஆதார் விபரம் சேகரிப்பதா?

'புதுடில்லி:'ஆதார் கார்டுக்கு தேவையான, விரல் ரேகை பதிவு மற்றும் கண் கருவிழி பதிவு போன்ற விபரங்களை, தனியார் அமைப்புகள் மூலம் சேகரிப்பதுசரியான நடவடிக்கை அல்ல' என, சுப்ரீம் கோர்ட் கருத்து தெரிவித்துள்ளது.

அரசின் பல்வேறு நலத்திட்டங்களுக்காக, ஆதார் எண் பயன்படுத்தப்படுகிறது;இதை பெற, பொதுமக்களிடம் கைரேகை மற்றும் கண் கருவிழி பதிவு செய்யப்படுகிறது; தவிர, அவர்களின் முகவரி, பிறந்த தினம்உள்ளிட்ட விபரங்களும் பெறப்படுகின்றன.

இந்த விபரங்கள், ஒப்பந்தஅடிப்படையில் தனியார் அமைப்புகள் மூலம்சேகரிக்கப்படுகின்றன. இது, நாட்டின் அரசியலமைப்பு சட்டத்தின் படி, தனிப்பட்ட உரிமைகளை அச்சுறுத்தும் வகையில் இருப்பதாக, சுப்ரீம் கோர்ட்டில் மனுத் தாக்கல் செய்யப்பட்டது.

இந்த மனு விசாரணைக்கு வந்தது. வழக்கை விசாரித்த சுப்ரீம் கோர்ட் நீதிபதிகள், என்.வி.ரமணா மற்றும் டி.ஒய். சந்திரசூட் அடங்கிய அமர்வு பிறப்பித்த உத்தரவு:

இந்த மனுவை அவசர வழக்காக விசாரிக்க முடியாது. எனினும், ஆதார் கார்டுக்காக, பொதுமக்களின் தனிப்பட்ட விபரங்கள் அடங்கிய தகவல் தொகுப்பை, தனியார்அமைப்புகள் மூலம் சேகரிப்பது சரியான நடவடிக்கை அல்ல. இவ்வாறு அந்த அமர்வு உத்தரவிட்டது.

English summary:

'NEW DELHI: Aadhaar card is required for the registration of fingerprints and iris of the eye, such as registration details, deposit action by private organizations and not, as suggested by the Supreme Court. 

Read More

விவசாயிகள் மரணம் : மனித உரிமைகள் ஆணையம் கேள்வி

சென்னை: தமிழகத்தில் விவசாயிகள் உயிரிழப்பு தொடர்பாக தமிழக தலைமை செயலாளருக்கு தேசிய மனித உரிமைகள் ஆணையம் நோட்டீஸ் அனுப்பியுள்ளது.

6 வார காலத்திற்குள் பதிலளிக்க உத்தரவு:

கடந்த ஒரு மாதத்தில் 106 விவசாயிகள் உயிரிழந்தது தொடர்பாக 6 வார காலத்திற்குள் தமிழக அரசு பதில் அளிக்க வேண்டும் என கூறப்படுள்ளது.

தொடர்ந்து விவசாயிகள் மரணம் என்ற ஊடகங்களின் செய்தி அடிப்படையில் ஆணையம் நோட்டீஸ் அனுப்பியுள்ளது. விவசாயிகளின் உயிரிழப்பை தடுக்க எடுத்த அல்லது எடுக்க போகும் நடவடிக்கை குறித்தும் தெரிவிக்க உத்தரவிட்டுள்ளது.

ஸ்டாலின் குற்றச்சாட்டு:

இந்நிலையில் மு.க. ஸ்டாலின் வெளியிட்டுள்ள அறிக்கையில் விவசாயிகளை பாதுகாக்க தமிழக அரசு ஆமை வேகத்தில் செயல்படுகிறது என குற்றம் சாட்டியுள்ளார். மேலும் வறட்சியால் மாநிலம் முழுவதும் குடிநீர் பஞ்சம் ஏற்படும் நிலை உருவாகியுள்ளது என கூறினார். தமிழகத்தை வறட்சி மாநிலமாக அறிவிக்க மத்திய அரசுக்கு தமிழக அரசு அழுத்தம் தர வேண்டும்.

English Summary:

Chennai: Tamil Nadu Chief Secretary of Tamil Nadu farmers in relation to the death of the National Human Rights Commission issued a notice.

Read More

இந்தியாவை சீண்டும் நவாஸ்

இஸ்லாமாபாத்: ''பாகிஸ்தானின் ஒருங்கிணைந்த பகுதி காஷ்மீர்,'' எனக்கூறி, மீண்டும் வம்பிழுத்துள்ளார், பாக்., பிரதமர் நவாஸ் ஷெரீப்.

பாக்., தலைநகர் இஸ்லாமாபாத்தில், காஷ்மீர் பிரச்னை குறித்த, இரண்டு நாள் கருத்தரங்கை துவக்கி வைத்து, அவர் பேசியதாவது: காஷ்மீர், பாகிஸ்தானின் ஒருங்கிணைந்த பகுதி என்பதில், யாருக்கும் எந்த சந்தேகமும் இல்லை. காஷ்மீரில் நியாயம் கிடைக்க, அந்த மாநில மக்கள், தொடர்ந்து மன உறுதியுடன் போராடி வருகின்றனர். நம் இதயம், காஷ்மீர் மக்களுக்காக, எப்போதும் துடிக்கும்.

காஷ்மீர் பிரச்னையில் தலையிடுவதை நிறுத்துங்கள் என, இந்தியாவிடம், உலக நாடுகள் வலியுறுத்த வேண்டும். காஷ்மீர் இளைஞர்களின் ஹீரோவாக இருந்த, பர்ஹான் வானி சுட்டுக் கொல்லப்பட்டது, காஷ்மீர் போராட்டத்தில், மாபெரும் திருப்பத்தை ஏற்படுத்தி உள்ளது. பர்ஹான் வானி கொல்லப்பட்டதை கண்டித்து, காஷ்மீரில் போராட்டம் நடத்திய மக்கள் மீது, இந்திய ராணுவம் வன்முறையை கட்டவிழ்த்துவிட்டது; இது கண்டிக்கத்தக்கது.

காஷ்மீர் போராளிகளை, பாக்., தொடர்ந்து ஆதரிக்கும்; அது நம் உரிமை. பல நாடுகளுக்கு, நம் பிரதிநிதிகளை அனுப்பி, காஷ்மீரில் நிலவும் நிலைமை குறித்து உண்மையை விளக்கியுள்ளோம். இவ்வாறு அவர் பேசினார்.

நவாஸ் ஷெரீபின் இந்த திமிர் பேச்சுக்கு, மத்திய அரசு கடும் கண்டனம் தெரிவித்துள்ளது.

English summary:

ISLAMABAD: '' integral part of Pakistani Kashmir, '' claiming back trouble, Bach., Prime Minister Nawaz Sharif. 

Read More