இன்னமும் இருக்கு : ரூ.1.66 லட்சம் கோடி ‛கறுப்பு'

மும்பை: ரூபாய் நோட்டு வாபஸ் அறிவிப்புக்கு பிறகு, நாட்டில் புழக்கத்தில் உள்ள கறுப்பு பணத்தின் மதிப்பு, 1.66 லட்சம் கோடி ரூபாயாக இருக்கலாம் என்ற சந்தேகம் எழுந்துள்ளது.

ரிசர்வ் வங்கி அறிக்கை: ‛பழைய, 500 மற்றும், 1,000 ரூபாய் நோட்டுகளை டிச., 30ம் தேதி வரை வங்கிகளில் டெபாசிட் செய்யலாம்' என, ரிசர்வ் வங்கி ஏற்கனவே அறிவித்து இருந்தது. இதன் பிறகு, ரிசர்வ் வங்கி, ஜன.,6ம் தேதி வாரந்திர அறிக்கையை வெளியிட்டது. அதில், ‛டிச.,30ம் தேதியில், நாட்டில் புழக்கத்தில் உள்ள கரன்சி நோட்டுகளின் மதிப்பு, 9.38 லட்சம் கோடி ரூபாய்' என, குறிப்பிட்டு இருந்தது.

நவ., 8 ம் தேதி தான் ரூபாய் நோட்டு வாபஸ் அறிப்பு வெளியானது. அதற்கு இரண்டு வேலை நாட்களுக்கு முன், அதாவது, நவ.,4ம் தேதியில், நாட்டில் புழக்கத்தில் இருந்த கரன்சி நோட்டுகளின் மதிப்பு, 17.97 லட்சம் கோடி ரூபாய். எனவே, டிச.,30ம் தேதியில், புழக்கத்தில் இருந்த கரன்சி நோட்டுகளின் மதிப்பில், 8.59 லட்சம் கோடி ரூபாய் குறைந்து விட்டது.

காரணம் என்ன?:

இப்படி, புழக்கத்தில் இருந்த கரன்சி நோட்டுகளின் மதிப்பு குறைந்ததற்கு இரண்டு காரணங்கள் இருக்கலாம்.

1.மக்கள் தங்களிடம் இருந்த பழைய, 500 மற்றும், 1,000 ரூபாய் நோட்டுகளை வங்கிகள் மற்றும் தபால் நிலையங்களில் டெபாசிட் செய்தது.

2. கூடுதல் கரன்சி நோட்டுகளை ரிசர்வ் வங்கி புழக்கத்தில் விட்டது.

மக்கள் செய்த டெபாசிட்டால், புழக்கத்தில் இருந்த கரன்சி நோட்டுகளின் எண்ணிக்கை குறைந்தது; ரிசர்வ் வங்கி கூடுதல் கரன்சி நோட்டுகளை புழக்கத்தில் விட்டதால், புழக்கத்தில் இருந்த கரன்சி நோட்டுகளின் எண்ணிக்கை ஓரளவுக்கு அதிகரித்தது. இந்த நடவடிக்கைகளால் தான், புழக்கத்தில் இருந்த கரன்சி நோட்டுகளின் மதிப்பு, டிச.,30ம் தேதியில், 50 சதவீதம் குறைந்து விட்டது.

புழக்கம்:

கூடுதல் கரன்சி நோட்டுகளை ரிசர்வ் வங்கி இரண்டு வகைகளில் புழக்கத்தில் விட்டது. அதன்படி,

1. ரிசர்வ் வங்கி தன்னிடம் ஏற்கனவே இருந்த, 10, 20, 50 ரூபாய் நோட்டுகளை புழக்கத்தில் விட்டது.

2. புதிய, 2,000 மற்றும், 500 ரூபாய் நோட்டுகளை அச்சிட்டு, நவ.,8 முதல், டிச., 30 வரை புழக்கத்தில் விட்டது.

புழக்கத்தில் விடப்பட்ட கூடுதல், 10,20, 50, 100 ரூபாய் நோட்டுகள்:

டிச.,19ல் ரிசர்வ் வங்கி ஒரு அறிக்கையை வெளியிட்டது. அதன்படி, 2,020 கோடி எண்ணிக்கையிலான, 10, 20, 50, 100 ரூபாய் நோட்டுகள் புழக்கத்தில் வெளியிடப்பட்டன. இதன் மதிப்பை, ரிசர்வ் வங்கி வெளியிடவில்லை. எனினும், 2016 மார்ச் மாதம் ரிசர்வ் வங்கி வெளியிட்ட ஆண்டு அறிக்கையின்படி, ரிசர்வ் வங்கி வசம் இருப்பில் இருந்த குறைந்த மதிப்பு கொண்ட கரன்சி நோட்டுகளின் மூலம் இதை கணக்கிட முடியும்.

அந்த ஆண்டு அறிக்கையில், 10 ரூபாய் நோட்டுகள் 56 சதவீதம்; 20 ரூபாய் நோட்டுகள், 9 சதவீதம்; 50 ரூபாய் நோட்டுகள், 7 சதவீதம்; 100 ரூபாய் நோட்டுகள், 28 சதவீதம் என்ற அளவுக்கு ரிசர்வ் வங்கியிடம் இருப்பில் இருந்தன. இந்த அளவை கொண்டு, கூடுதலாக புழக்கத்தில் விடப்பட்ட, 2,020 கோடி குறைந்த மதிப்பு கொண்ட கரன்சி நோட்டுகளின் மதிப்பை கணக்கிட்டால், 79 ஆயிரம் கோடி ரூபாய் என வரும். இந்த அளவுக்கு தான் ரிசர்வ் வங்கியால், கூடுதலாக, 10, 20, 50, 100 ரூபாய் நோட்டுகள் புழக்கத்தில் விடப்பட்டன.

கரன்சி நோட்டுகளின் மதிப்பு :

இந்த விஷயத்தை மற்றொரு தகவல் மூலமும் உறுதிப்படுத்த முடியும். தகவல் பெறும் உரிமை சட்டத்தின் கீழ் கேட்கப்பட்ட கேள்விக்கு ரிசர்வ் வங்கி பதில் அளித்து இருந்தது. அதன்படி, 2016 நவ.,8 ம் தேதியில், நாட்டில் இருக்கும், குறைந்த மதிப்பு கொண்ட கரன்சி நோட்டுகளின் மதிப்பு, 3.43 லட்சம் கோடி ரூபாய். இது, 41 ஆயிரம் கோடி ரூபாய் மதிப்புள்ள, 10 ரூபாய் நோட்டு; 19 ஆயிரம் கோடி ரூபாய் மதிப்புள்ள, 20 ரூபாய் நோட்டு;33 ஆயிரம் கோடி ரூபாய் மதிப்புள்ள, 50 ரூபாய் நோட்டு; 2.50 லட்சம் கோடி ரூபாய் மதிப்புள்ள, 100 ரூபாய் நோட்டு என்ற அளவில் இருந்தது. நவ., 8 ம் தேதிக்கு முன், 17.97 லட்சம் கோடி ரூபாய் அளவுக்கு கரன்சி நோட்டுகள் நாட்டில் புழக்கத்தில் இருந்தன.

இதில், 15.44 லட்சம் கோடி ரூபாய் மதிப்புள்ள, 500 மற்றும், 1,000 ரூபாய் நோட்டுகளை அரசு வாபஸ் பெற்றது. ஏற்கனவே புழக்கத்தில் இருந்த, 17.97 லட்சம் கோடி ரூபாயில், 15.44 லட்சம் கோடி ரூபாயை கழித்தால், 2.53 லட்சம் கோடி ரூபாய் என்ற விடை கிடைக்கும். இது தான், அப்போது நாட்டில் புழக்கத்தில் இருந்த குறைந்த மதிப்பு கொண்ட கரன்சி நோட்டுகளின் மதிப்பு.

ஏற்கனவே தகவல் பெறும் உரிமை சட்டத்தின் மூலம் கிடைத்த தகவலான, 3.43 லட்சம் கோடி ரூபாயில் இருந்து, 2.53 லட்சம் கோடி ரூபாயை கழித்தால், 90 ஆயிரம் கோடி ரூபாய் என்ற விடை கிடைக்கும். ஏற்கனவே நாம் ஒரு கணக்கு போட்டு இருப்போம். அதில், 79 ஆயிரம் கோடி ரூபாய் மதிப்புக்கு குறைந்த மதிப்பு கொண்ட கூடுதல் கரன்சி நோட்டுகளை ரிசர்வ் வங்கி புழக்கத்தில் விட்டது என கணக்கிட்டு இருப்போம். தற்போது, தகவல் பெறும் உரிமை சட்டத்தின் கீழ் கிடைத்த தகவல் மூலம், இது, 90 ஆயிரம் கோடி ரூபாய் என்ற உறுதியான விஷயமாகி உள்ளது.

புதிய கரன்சி நோட்டுகள்:

ரிசர்வ் வங்கி, டிச.,1ம் தேதி வெளியிட்ட அறிக்கையில், ‛2,200 கோடி எண்ணிக்கையிலான புதிய, 500 மற்றும், 2,000 ரூபாய் கரன்சி நோட்டுகள் புழக்கத்தில் விடப்பட்டுள்ளன' என, தெரிவிக்கப்பட்டு இருந்தது. ஆனால், அதில் புதிய கரன்சி நோட்டுகளின் மதிப்பை ரிசர்வ் வங்கி தெரிவிக்கவில்லை. இதை கணக்கிட, தகவல் பெறும் உரிமை சட்டத்தின் கீழ், ரிசர்வ் வங்கி வெளியிட்ட பதில் பெரிதும் உதவுகிறது. அந்த பதிலில், ‛2016 நவ.,8 ம் தேதியில், ரிசர்வ் வங்கியிடம் புதிய, 500 ரூபாய் கரன்சி நோட்டு ஒன்று கூட இல்லை' என, தெரிவிக்கப்பட்டு இருந்தது.

அத்துடன், நவ.8 ம் தேதியில் ரிசர்வ் வங்கியிடம், 2,473 கோடி எண்ணிக்கையிலான புதிய, 2,000 ரூபாய் நோட்டுகள் கையிருப்பாக இருந்தது எனவும், அந்த பதிலில் கூறப்பட்டு இருந்தது. எனவே, 2,200 கோடி எண்ணிக்கையிலான புதிய, 2,000 ரூபாய் நோட்டுகளை தான் ரிசர்வ் வங்கி புழக்கத்தில் விட்டு இருந்தது என, இதன் மூலம் தெரிய வருகிறது.

இதன் பிறகு டிச., 19 தேதி முதல் புதிய, 500 ரூபாய் கரன்சி நோட்டுகளை ரிசர்வ் வங்கி புழக்கத்தில் விட தொடங்கியது.

எனவே, புழக்கத்தில் இருக்கும் புதிய கரன்சி நோட்டுகளின் மதிப்பு, 90:10 என்ற விகிதாச்சாரத்தில் இருக்கும். இந்த விகிதாச்சாரப்படி, 2,200 கோடி எண்ணிக்கையிலான புதிய கரன்சி நோட்டுகளின் மதிப்பை கணக்கிட்டால், 4.07 லட்சம் கோடி ரூபாய் என வரும்.

நாட்டில் உள்ள கரன்சி நோட்டு அச்சிடும் அச்சகங்களின் உற்பத்தி திறன், ஆண்டுக்கு, 24 ஆயிரம் கோடி கரன்சி நோட்டுகள். அதாவது, மாதத்திற்கு 200 கோடி கரன்சி நோட்டுகளை மட்டுமே அச்சிட முடியும்.

எனவே, டிச., 19 முதல், டிச.,30ம் தேதி வரை, 10 நாட்களில் அனைத்து அச்சகங்களையும் பயன்படுத்தி, 34 ஆயிரம் கோடி ரூபாய் மதிப்புள்ள புதிய, 500 ரூபாய் கரன்சி நோட்டுகளை தான் அச்சிட்டு இருக்க முடியும்.

1.79 ஆயிரம் கோடி ரூபாய் மதிப்புள்ள குறைந்த மதிப்புள்ள கரன்சி நோட்டுகள்

2. 4.07 லட்சம் கோடி ரூபாய் மதிப்புள்ள புதிய, 2,000 ரூபாய் கரன்சி நோட்டுகள்

3.34 ஆயிரம் கோடி ரூபாய் மதிப்புள்ள புதிய, 500 ரூபாய் கரன்சி நோட்டுகள் ஆகிய மூன்றையும் கூட்டினால், 5.20 லட்சம் கோடி ரூபாய் என்ற விடை கிடைக்கும். இது தான், ரூபாய் நோட்டு வாபசிற்கு பிறகு ரிசர்வ் வங்கி புழக்கத்தில் விட்ட கரன்சி நோட்டுகளின் மதிப்பு.

நவ., 8ம் தேதிக்கு முன், 17.97 லட்சம் கோடி ரூபாய் அளவுக்கு கரன்சி நோட்டுகள் புழக்கத்தில் இருந்தன. இதில், 15.44 லட்சம் கோடி ரூபாய் மதிப்புள்ள, 500 மற்றும், 1,000 ரூபாய் நோட்டுகளை அரசு வாபஸ் பெற்றது. டிச.,30ம் தேதியில், 13.78 லட்சம் கோடி ரூபாய் மதிப்புள்ள பழைய, 500 மற்றும், 1,000 ரூபாய் நோட்டுகள் வங்கிகளுக்கு டெபாசிட் மூலம் வந்து விட்டன. 15.44 லட்சம் கோடி ரூபாயில், 13.78 லட்சம் கோடி ரூபாயை கழித்தால், 1.66 லட்சம் கோடி ரூபாய் வரும். இந்த தொகை தான் இன்னும் வங்கிகளுக்க வரவில்லை. எனவே, கணக்கில் வராத கறுப்பு பணத்தின் அளவு இந்த தொகையாக இருக்கலாம் என்ற சந்தேகம் எழுந்துள்ளது.

English Summary:

Mumbai: The rupee note after the announcement of the withdrawal, the value of black money in circulation in the country, 1.66 lakh crore was aroused suspicion.

Read More

ஜல்லிக்கட்டுக்கு அவசரச் சட்டம் தேவை: பிரதமருக்கு முதல்வர் கடிதம்

தமிழகத்தில் ஜல்லிக்கட்டு நடத்துவதற்கு அவசரச் சட்டம் கொண்டுவர வேண்டும் என்று பிரதமர் மோடியை, தமிழக முதல்வர் ஓ.பன்னீர் செல்வம் வலியுறுத்திக் கேட்டுக்கொண்டுள்ளார்.

இது தொடர்பாக பிரதமருக்கு முதல்வர் எழுதிய கடிதத்தின் விவரம்:
பாரம்பரியத்துடன் இணைந்த விளையாட்டு: தமிழகத்தின் கலாசார பாரம்பரியத்துடன் இணைந்த விளையாட்டாக விளங்கும் ஜல்லிக்கட்டு பொங்கல் பண்டிகையை ஒட்டி நடத்தப்படுகிறது. சங்ககாலத்தில் இருந்தே காளைகளை அடக்கும் வீரர்களிடையே இந்தப் போட்டி மிக பிரபலமாக இருந்து வந்துள்ளது. சுமார் 2 ஆயிரம் ஆண்டுகள் மிகப் பழமையானது இந்த விளையாட்டுப் போட்டி. ஜல்லிக்கட்டு மூலமாக, காளைகள் நல்ல உடல்கட்டுடன் தயாராவதால், அவற்றின் இனம் நல்ல முறையில் காக்கப்படுகின்றன.

நீதிமன்ற உத்தரவுகள்: தமிழகத்தில் ஜல்லிக்கட்டுப் போட்டி நடத்த தடை விதித்து கடந்த 2014-ஆம் ஆண்டு மே 7-ஆம் தேதியன்று உச்ச நீதிமன்றம் தடை உத்தரவு பிறப்பித்தது. தமிழகத்திலும், மகாராஷ்டிரத்திலும் ஜல்லிக்கட்டு, எருதுப் போட்டிகள் மூலமாக விலங்குகளை காட்சிப்படுத்துவதை அனுமதிக்க முடியாது என்றும் நீதிமன்றம் தெரிவித்துள்ளது. இதனால் தமிழக மக்கள் கடும் அதிருப்தி அடைந்துள்ளனர்.
தமிழகத்தில் ஜல்லிக்கட்டுப் போட்டியை நடத்தக் கோரியும், கடந்த 2011 ஆம் ஆண்டு ஜூலை 11-ஆம் தேதி வெளியிடப்பட்ட அரசு அறிவிக்கையில் காட்சி விலங்குகள் பட்டியலில் இடம்பெற்றுள்ள காளையை அதிலிருந்து நீக்க வேண்டுமென தமிழக அரசு கடந்த இரண்டு ஆண்டுகளுக்கு முன்பு கோரிக்கை விடுத்திருந்தது.

மறைந்த முதல்வர் ஜெயலலிதா கடந்த 2015-ஆம் ஆண்டு ஆகஸ்ட்டில் தங்களிடம் அளித்த மனுவில் ஜல்லிக்கட்டுத் தடைக்கான கோரிக்கையை முன்வைத்திருந்தார். அதைத் தொடர்ந்து கடந்த 2015 டிசம்பர் 22-இல் அவர் எழுதிய கடிதத்தில், ஜல்லிக்கட்டுப் போட்டியை நடத்த உரிய சட்ட மசோதாவையோ அல்லது விலங்குகள் வதைத் தடுப்புச் சட்டத்தில் தகுந்த திருத்தங்களையோ நடப்பு நாடாளுமன்ற கூட்டத் தொடர் அல்லது சிறப்பு கூட்டத்தைக் கூட்டியோ கொண்டு வர வேண்டும் என வலியுறுத்தியிருந்தார். பொங்கலை முன்னிட்டு ஜல்லிக்கட்டுப் போட்டியை நடத்த அவசர சட்டம் கொண்டு வரவும் கோரிக்கை விடுத்திருந்தார்.

நடத்த முடியாத நிலை தொடர்கிறது: அவரது இந்தக் கோரிக்கையை ஏற்று, கடந்த ஆண்டு ஜனவரி 7-ஆம் தேதியன்று மத்திய அரசு அறிவிக்கையை வெளியிட்டது. இந்த அறிவிக்கைக்கு உச்ச நீதிமன்றம் திடீரென இடைக்கால தடை விதித்தது. இதனால், இரண்டாவது ஆண்டாக ஜல்லிக்கட்டுப் போட்டியை நடத்த முடியாத நிலை ஏற்பட்டது.

இதனிடையே, ஜல்லிக்கட்டுக்கு தடை விதித்த உச்ச நீதிமன்றத்தின் உத்தரவை சீராய்வு செய்யக் கோரி தமிழக அரசின் சார்பில் மனு தாக்கல் செய்யப்பட்டது. இந்த மனுவை கடந்த ஆண்டு நவம்பரில் விசாரித்த உச்ச நீதிமன்றம், தடையை நீக்க முடியாது எனக்கூறி தமிழக அரசின் சீராய்வு மனுவைத் தள்ளுபடி செய்து உத்தரவிட்டது.

தமிழகத்தில் ஜல்லிக்கட்டுப் போட்டியை நடத்தும் வகையில், பிரமாணப் பத்திரம் ஒன்றையும் உச்ச நீதிமன்றத்தில் மாநில அரசு தாக்கல் செய்தது. காளைகளுக்கு எந்தத் தீங்கும் ஏற்படாமல் ஜல்லிக்கட்டு நடத்துவதற்கான திட்டத்தையும் வகுத்து அளித்தது. ஆனால், அவற்றை ஏற்காமல் ஜல்லிக்கட்டுக்கான தடையை நீட்டித்து உச்ச நீதிமன்றம் உத்தரவிட்டது.
கடந்த ஆண்டு ஜூன் மாதம் மறைந்த முன்னாள் முதல்வர் ஜெயலலிதா உங்களைச் சந்தித்த போதும், நான் கடந்த 19-ஆம் தேதியன்று தங்களை நேரில் சந்தித்த போதும் கோரிக்கை மனுக்களை அளித்திருந்தோம். அதில், ஜல்லிக்கட்டுப் போட்டிகளை நடத்தத் தேவையான நடவடிக்கைகளை எடுக்க வேண்டுமென கோரிக்கை விடுத்திருந்தோம்.

இதுவரை நடவடிக்கை இல்லை: மத்திய அரசிடம் தமிழகத்தின் சார்பில் அளிக்கப்பட்ட கோரிக்கை மனுக்களின் மீது இதுவரை எந்த நடவடிக்கையும் எடுக்கப்படவில்லை.

இந்த ஆண்டு பொங்கல் பண்டிகையில் ஜல்லிக்கட்டுப் போட்டியை நடத்துவதற்குத் தடையாகவுள்ள சட்டப்பூர்வ அம்சங்களை அவசர சட்டத்தின் மூலம் அகற்ற மத்திய அரசு உடனடியாக நடவடிக்கை எடுக்க வேண்டும் என்று பிரதமருக்கு எழுதிய கடிதத்தில் முதல்வர் ஓ.பன்னீர்செல்வம் வலியுறுத்தியுள்ளார்.

ஜல்லிக்கட்டில் காளைகள் கொடுமைப்படுத்தப்படுகின்றன என்று பீட்டா அமைப்பு கூறியதன்பேரில் இதற்கு தடை விதிக்கப்பட்டுள்ளது. வெளிநாட்டு அமைப்பான பீட்டாவுக்கு தமிழர்களின் பாரம்பரியத்தை பற்றி என்ன தெரியும்? முதலில் பீட்டா அமைப்புக்கு தடை விதிக்க வேண்டும்.
கேரளத்தில் மரம் இழுப்பது உள்ளிட்ட பல்வேறு வேலைகளுக்கு யானைகளைப் பயன்படுத்துகின்றனர். யானைகளை சங்கிலியால் கட்டிதான் வேலை வாங்குகின்றனர். வடமாநிலங்களில் ஒட்டகங்களை வேலைகளுக்குப் பயன்படுத்துகின்றனர். ஜல்லிக்கட்டுக்குத் தடை விதித்தவர்கள் யானைக்கும், ஒட்டகத்துக்கும் தடை விதிக்கலாமே. திமுக ஆட்சியில்தான் ஜல்லிக்கட்டுக்கு தடை விதிக்கப்பட்டது. அதை மறைக்க இங்கு வந்து ஆர்ப்பாட்டம் நடத்துகின்றனர்.

பொங்கல் பண்டிகைக்கு இன்னும் 5 தினங்களே உள்ள நிலையில், ஜல்லிக்கட்டு தொடர்பாக மத்திய அரசு அறிவிப்பு எதையும் வெளியிடவில்லை. எனவே ஜல்லிக்கட்டு நடத்த மாநில அமைச்சரவை கூடி அவசரச் சட்டத்தை உடனடியாகக் கொண்டு வர வேண்டும். பொங்கல் தினத்தன்று ஜல்லிக்கட்டு கட்டாயம் நடத்தப்பட வேண்டும்.
- மதுரை மாவட்டம் அலங்காநல்லூர் ஆர்ப்பாட்டத்தில் தேமுதிக தலைவர் விஜயகாந்த்


ஜல்லிக்கட்டு என்பதைவிட ஏறுதழுவுதல் என்பதுதான் சரியான பெயர். மாடு பிடித்தல் என்று கூட சொல்வார்கள். ஏறுதழுவுதல் என்ற பெயரில் இருக்கும் கருணை, அந்த விளையாட்டு எப்படிப்பட்டது என்பதை விளக்குகிறது.
மேற்கத்திய நாடுகளில் நடக்கும் காளைச் சண்டையோடு ஜல்லிக்கட்டை ஒப்பிடக்கூடாது. அது இறைச்சியாகி அனைவரது தட்டிலும் போய்ச் சேரும். நம் நாட்டில் அப்படி அல்ல. இங்குள்ள மாடுகள் மறுபடியும் பரிவுடன் வளர்க்கப்படும், மறுபடியும் விளையாட்டில் கலந்து கொள்ளும்.
- நடிகர் கமல்ஹாசன்

200 வகையான காளைகள் இருந்த நம் நாட்டில், இப்போது 30 வகைகள்கூட இல்லை என்கிறார்கள். அவை அப்படியே அழிந்து கொண்டிருக்கின்றன; அவற்றை எப்படி நாம் பராமரிக்கப் போகிறோம் என்பதுதான் எனது முதல் கேள்வியாக இருக்கிறது.
ஜல்லிக்கட்டு என்பது நமது கலாசாரத்தோடு, அடையாளத்தோடு கலந்த ஒரு விஷயம். அதை தடை செய்யக்கூடாது என்பது என் கருத்து.
- நடிகர் சூர்யா

English Summary : Ordinance to bring in the state to conduct jallikattu Modi, the Chief Minister emphasized asked OPS wealth. Bulls calming players from Sangam literature has been very popular with the competition. This tournament is about 2 thousand years old. By Jallikattu, bulls with good utalkat prepares protected in the good times of their ethnicity. Court orders: Mavericks hold jallikkattu match ban on the 7th of May 2014 the Supreme Court issued a prohibition order. Tamilnadu, makarastirattilum jallikattu, displaying animals would not allow the court to perform at bullfights said. Thus the people are discontent. In August 2015, the late Chief Minister Jayalalithaa last jallikkattu their petition to ban the proposed request. Pongal jallikkattu honor to host the competition, made a request to bring the emergency law.

Read More

தினம் ஒரு திருக்குறள் : வான்சிறப்பு : குறள் 15

குறள் பால்: அறத்துப்பால். குறள் இயல்: பாயிரவியல். அதிகாரம்: வான்சிறப்பு.

கெடுப்பதூஉம் கெட்டார்க்குச் சார்வாய்மற் றாங்கே

எடுப்பதூஉம் எல்லாம் மழை.

கலைஞர் மு.கருணாநிதி உரை:

பெய்யாமல் விடுத்து உயிர்களின் வாழ்வைக் கெடுக்கக் கூடியதும், பெய்வதன் காரணமாக உயிர்களின் நலிந்த வாழ்வுக்கு வளம் சேர்ப்பதும் மழையே ஆகும்.

மு.வரதராசனார் உரை:

பெய்யாமல் வாழ்வைக் கெடுக்க வல்லதும் மழை; மழையில்லாமல் வளம் கெட்டு நொந்தவர்க்கும் துணையாய் அவ்வாறே காக்க வல்லதும் மழையாகும்.

சாலமன் பாப்பையா உரை:

பெய்யாமல் மக்களைக் கெடுப்பதும்; பெய்து கெட்டவரைத் திருத்துவதும் எல்லாமே மழைதான்.

பரிமேலழகர் உரை:

கெடுப்பதூஉம் - பூமியின்கண் வாழ்வாரைப் பெய்யாது நின்று கெடுப்பதூஉம்; கெட்டார்க்குச்சார்வாய் மற்று ஆங்கேஎடுப்பதூஉம்-அவ்வாறு கெட்டார்க்குத் துணையாய்ப் பெய்து முன் கெடுத்தாற் போல எடுப்பதூஉம்; எல்லாம் மழை - இவை எல்லாம் வல்லது மழை. ('மற்று' வினை மாற்றின்கண் வந்தது, ஆங்குஎன்பது மறுதலைத் தொழிலுவமத்தின்கண் வந்த உவமச்சொல். கேடும் ஆக்கமும் எய்துதற்கு உரியார் மக்கள் ஆதலின், 'கெட்டார்க்கு என்றார்'. 'எல்லாம்' என்றது, அம்மக்கள் முயற்சி வேறுபாடுகளால் கெடுத்தல் எடுத்தல்கள் தாம் பலவாதல் நோக்கி. 'வல்லது' என்பது அவாய் நிலையான் வந்தது. மழையினது ஆற்றல் கூறியவாறு.).

மணக்குடவர் உரை:

பெய்யாது நின்று எல்லாப் பொருளையுங் கெடுப்பதும் அவை கெடப் பட்டார்க்குத் துணையாய்த் தான் பெய்து பொருள்களெல்லாவற்றையும் அவ்விடத்தே யுண்டாக்குவதும் மழை. இஃது இரண்டினையுஞ் செய்யவற்றென்றவாறு.

திருக்குறளார் வீ. முனிசாமி உரை:

பெய்யாமல் மக்களைக் கெடுப்பதும், கெட்டார்க்குத் துணையாய் நின்று, பெய்து காப்பாற்றுவதும் ஆகிய எல்லாம் மழையே யாகும்.

Translation:

'Tis rain works all: it ruin spreads, then timely aid supplies; As, in the happy days before, it bids the ruined rise.

Explanation:

Rain by its absence ruins men; and by its existence restores them to fortune.

Read More

சிறந்த கல்வி எதையும் சாதிக்கும்: ஒபாமாவின் மனைவி பேச்சு

வாஷிங்டன் : அமெரிக்காவின் முதல் பெண்மணியாக உங்களை கவுரப்படுத்தியிருக்கிறேன் என நம்புவதாக மிச்செல் ஒபாமா வெள்ளை மாளிகையில் தனது கடைசி உரையில் நெகிழ்ச்சியாக பேசியுள்ளார். மேலும் அவர் பேசும்போது "சிறந்த கல்வி எதையும் சாத்தியமாக்கும் அமெரிக்க அதிபர் பதவி என் கணவருக்கு அதனாலேயே சாத்தியமாயிற்று" என்றார்.

நன்றி தெரிவித்து பேச்சு :

வெள்ளை மாளிகையில்  அமெரிக்காவின் முதல் பெண்மணியாக தனது ஆதரவாளர்களுக்கு நன்றி தெரிவித்து மிச்செல் பேசியதாவது,

 "அமெரிக்காவின் முதல் பெண்மணியாக இருந்தது எனது வாழ்வில் கிடைத்த மிகப் பெரிய கவுரவமாகும். அந்தவகையில் அமெரிக்காவின் முதல் பெண்மணியாக இருந்து உங்களை கவுரவப்படுத்தி இருக்கிறேன் என்று நம்புகிறேன்.

நானும் என் கணவரும் பொருளாதார ரீதியாக மிகுந்த சிரமங்களை அனுபவித்திருக்கிறோம். ஆனால், கல்வி எங்களை காப்பாற்றியது. சிறந்த கல்வி எதையும் சாத்தியமாக்கும். அமெரிக்க அதிபர் பதவி என் கணவருக்கு அதனாலேயே சாத்தியப்பட்டது.

இளைஞர்கள் எதற்கும் பயம் கொள்ளக் கூடாது. உங்களால் முடியும் என்று நம்பிக்கைக் கொள்ள வேண்டும். எதற்கும் பயம் கொள்ள வேண்டாம். கவனமாக இருங்கள், தீர்க்கமாய் இருங்கள், நம்பிக்கையுடன் இருங்கள், அதிகாரத்துடன் இருங்கள், தரமான கல்வியுடன் உங்களை அடையாளப்படுத்திக் கொள்ளுங்கள்.  அந்தக் கல்வியை பயன்படுத்தி நாட்டை வளர்ச்சி பாதையில் கொண்டுச் செல்லுங்கள். நம்பிக்கையுடன் எடுத்துக்காட்டாய் வாழுங்கள்" என்று பேசினார்.

ஆதர்வாளர்கள்  கண்ணீர் :

மிச்செல் பேசுகையில் அவரை சுற்றியிருந்த ஆதர்வாளர்கள் பலர் கண்ணீருடன் அவரை உற்சாகப்படுத்தினர்.  அமெரிக்க அதிபராக 8 ஆண்டுகள் பதவி வகித்த பாரக் ஒபாமாவின் பதவிக்காலம், இம்மாதத்தில் முடிவடைகிறது. இதனைத் தொடர்ந்து வரும் ஜனவரி மாதம் 20ஆம் நாள் அமெரிக்காவின் புதிய அதிபராக டொனால்டு ட்ரம்ப் பதவி ஏற்க உள்ளார் என்பது குறிப்பிடத்தக்கது.

English summary:

Washington: America's First Lady Michelle Obama at the White House believed that you respect his last speech speaks elasticity. And he said: "the best education possible for any US president and that is why my husband was made possible," he said.

Read More

நடிகர் ஓம் புரியின் மறைவுக்கு பாகிஸ்தான் பிரதமர் இரங்கல்

இஸ்லாமபாத் : பழம்பெரும் இந்தி நடிகர் ஓம் புரியின் மறைவுக்கு பாகிஸ்தான் பிரதமர் நவாஸ் ஷெரிப், நடிகர்கள், பாகிஸ்தான் இந்து சபை மற்றும் பொதுமக்கள் இரங்கல் தெரிவித்துள்ளனர்.

ஓம் புரியின் மரணம் குறித்து பாகிஸ்தான் பிரதமர் நவாஸ் ஷெரிப், "ஓம் புரி இந்தியாவுக்கும் பாகிஸ்தானுக்கும் இடையிலான கலாச்சார உறவுகளை இணைப்பதில் குறிப்பிடத்தக்க பங்கை ஆற்றியுள்ளதாகக் குறிப்பிட்டார்.  மேலும் அமைதிக்கு எதிரான இயக்கங்களின் அச்சுறுத்தல்களுக்கு இணங்கவும் ஓம் புரி மறுத்துவிட்டதாக ஷெரிப் தெரிவித்தார்.

அனைத்து பாகிஸ்தான் செய்தி சேனல்களும் ஓம் புரியின் மறைவை ஒளிபரப்பி அவருக்கு அஞ்சலி செலுத்தின. ஓம் புரிக்கு இரங்கல் தெரிவித்த பாகிஸ்தான் இந்து சபையின் தலைவர் ரமேஷ் வங்க்வானி, கடந்த வருடம் இந்தியாவுக்கு பாகிஸ்தான் திரைக்கலைஞர்கள் வரக்கூடாது என்று கூறப்பட்ட நிலையில் ''கலையையும், அரசியலையும் பிரித்து வையுங்கள். பாகிஸ்தான் நடிகர்களுக்கு தடை விதிப்பதால் எந்த மாற்றமும் ஏற்படாது. அந்நாட்டு நடிகர்கள் இங்கு சட்டவிரோதமாக பணிபுரியவில்லை. முறையான 'விசா'வுடன் தான் வருகிறார்கள்'' என்று ஓம் புரி கூறியதை நினைவு கூர்ந்தார்.

ஏராளமானோர் இரங்கல் :

இந்தியப் படங்களோடு, ஏராளமான பாகிஸ்தான் படங்களிலும் நடித்து பிரபலமானவர் ஓம் புரி. இந்தியாவில் உருவான படங்கள் மட்டுமன்றி இங்கிலாந்து மற்றும் அமெரிக்காவில் தயாரான படங்களிலும் நடித்துள்ளார்.

ஓம் புரி ஜனவரி 6  ம் தேதி காலை  ஏற்பட்ட திடீர் மாரடைப்பால் காலமானார். அவருக்கு வயது 66. ஓம் புரியின் மறைவுக்கு இந்திய பிரதமர் மோடி, சோனியா காந்தி மற்றும் ஏராளமான திரையுலக நட்சத்திரங்கள் அஞ்சலி செலுத்தி வருகின்றனர்.

English Summary:

Islamabad: Veteran actor Om Puri Hindi Pakistani Prime Minister Nawaz Sharif's death, the actors, and the public condoled Pakistan Hindu Council.

Read More

எரிபொருள் விலை 20சதவீத உயர்வு - மெக்சிகோவில் பயங்கர கலவரம்: 4 பேர் பலி

மெக்சிகோ சிட்டி : எரிசக்தித் துறை விலை நிர்ணயத்தை அரசுக் கட்டுப்பாட்டிலிருந்து விலக்கும் ஒரு பகுதியாக வாகன எரிபொருள் விலையை மெக்சிகோ அரசு 20சதவீத உயர்த்தியதையடுத்து ஆங்காங்கே பயங்கர கலவரம் வெடித்து, கடைகள் அடித்து நொறுக்கப்பட்டதோடு பல வர்த்தக நிலையங்கள் சூறையாடப்பட்டன. இதில் 4 பேர் பலியானார்கள்.

மக்களிடையே கொந்தளிப்பு :

இந்தியா உள்ளிட்ட மற்ற நாடுகளைப் போலவே அமெரிக்காவின் ஐ.எம்.எஃப். மற்றும் உலக வங்கி ஆகியவற்றின் நெருக்குதலுக்கேற்ப கேசோலின் மானியங்களைக் குறைத்து விலைகளை சர்வதேச சந்தைகளுக்கு ஏற்ப மாற்றியமைக்கும் கட்டுப்பாட்டுத் தளர்வு நடைமுறையை மெக்சிகோவும் கடைபிடித்தது.

4 பேர் பலி:

இதனையடுத்து கடந்த வார இறுதியில் கேசோலின் விலை 20சதவீத அதிகரிக்கப்பட்டது, இது மக்களிடையே கொந்தளிப்பை ஏற்படுத்த ஆங்காங்கே பயங்கர கலவரம்  வெடித்தது,  300க்கும் மேற்பட்ட கடைகள் சூறையாடப்பட்டு அடித்து நொறுக்கப்பட்டன. இந்த கலவரங்களுக்கு 4 பேர் பலியாக, சுமார் 700 பேர் கைது செய்யப்பட்டுள்ளனர்.  நெடுஞ்சாலை, துறைமுகம் ஆகியவை முழுதும் செயலற்று போனதற்குக் காரணம் மக்கள் கடும் ஆவேசத்துடன் மறியலில் ஈடுபட்டுள்ளதே.

அதிபர் பேச்சு :

மக்களின் கோபத்தை அங்கீகரித்த அதிபர் என்ரிக் பெனா நியட்டோ, “சர்வதேச விலைகளுக்கு ஏற்ப கேசோலின் விலையை அதிகரிப்பது கடினமான முடிவுதான். ஆனால் ஒரு அதிபராக கடினமான முடிவுகளை எடுக்க வேண்டிய கட்டாயத்தில் நான் இருக்கிறேன். ஏனெனில் எதிர்காலத்தில் இதைவிட மோசமான விளைவுகள் ஏற்படாமல் தடுக்கவே. எரிவாயு விலையை செயற்கையாக குறைவாக வைத்திருப்பது ஏழை மெக்சிகர்களிடமிருந்து பணத்தை பறித்து அதிகம் பணம் உள்ளவர்களிடம் கொடுப்பதற்குச் சமமாகும்” என்று இவரும் தொலைக்காட்சி உரையில் ‘ஏழை நலன்’ என்ற பிரச்சாரத்தை பயன்படுத்தினார்.

மேலும் மெக்சிகோவுக்கான 2017-ம் ஆண்டு சவால் என்னவென்பதை குறிப்பிட்ட அதிபர் நியட்டோ, “புதிய அமெரிக்க ஆட்சியினிடத்தில் உடன்பாடான உறவுகளை கட்டமைத்தலாகும். இதனை மெக்சிகோவின் உடைக்க முடியாத கவுரவத்தை காப்பாற்றுவதுடன் சேர்த்து செய்ய வேண்டிய தேவை உள்ளது” என்றார்.

ஆங்காங்கே மக்கள் போராட்டத்தினால் இயல்பு வாழ்க்கை கடுமையாகப் பாதிக்கப்பட்டு மெக்சிகோ நகரமே போர்க்களமாக காட்சியளிக்கிறது. லாரி மற்றும் கார் ஓட்டுநர்கள் இந்த 20சதவீத எரிபொருள் விலை உயர்வினால் கடும் பாதிப்படைந்துள்ளனர்.

English summary:

Mexico City: Exempt from energy-pricing as part of a state-controlled prices of automotive fuel increased 20 percent in Mexico state, sporadic deadly riots broke out in many stores and businesses were looted beaten. In which 4 people were killed.

Read More

விழுப்புரம் மாவட்டத்தில் வறட்சியால் பாதிப்படைந்த பயிர் சேதங்களை கணக்கெடுக்கும் பணிகள் குறித்த ஆய்வுக் கூட்டம்

விழுப்புரம், விழுப்புரம் கலெக்டர் அலுவலக கூட்டரங்கில், வடகிழக்குப் பருவமழை பெய்யாததால் வறட்சியால் பாதிப்படைந்த பயிர் சேதங்களை கணக்கெடுப்பு பணிகள் குறித்து, கலெக்டர் இல.சுப்பிரமணியன்,  தலைமையில்  வருவாய்த்துறை மற்றும் வேளாண்மைத்துறை அலுவலர்களுடன் ஆய்வுக் கூட்டம் நடைபெற்றது.

2016 வடகிழக்கு பருவமழை பொய்த்ததால் வறட்சி ஏற்பட்டு, பயிர்கள் சேதமடைந்தததை முன்னிட்டு, விழுப்புரம் மாவட்டத்தில் வறட்சியால் பாதிப்படைந்த கிராமங்களின் பயிர் சேதங்களின் உண்மை நிலை அறிதல் மற்றும் விரிவான கணக்கெடுப்பு பணி செய்தல் குறித்தும், புள்ளி விவரங்கள் மற்றும் அறிக்கைகளை உடனுக்குடன் சமர்ப்பித்தல் தொடர்பாக, விழுப்புரம் மாவட்டத்தில் உள்ள 13 வட்டங்களுக்கு வட்ட அளவில் துணை ஆட்சியர் நிலையில், மண்டல அலுவலர்கள் நியமனம் செய்யப்பட்டுள்ளது.

விழுப்புரம் வட்டத்திற்கு விழுப்புரம் வருவாய் கோட்டாட்சியர் கைபேசி எண்.9445000424, வானூர் வட்டத்திற்கு தனித்துணை ஆட்சியர் (ச.பா.தி.) விழுப்புரம் கைபேசி எண்.9445461760, விக்கிரவாண்டி வட்டத்திற்கு வடிப்பக அலுவலர்  துணை ஆட்சியர், ராஜஸ்ரீ சர்க்கரை ஆலை லிமிடெட். முண்டியம்பாக்கம் கைபேசி எண்.9445074612, திண்டிவனம் வட்டத்திற்கு சார் ஆட்சியர் திண்டிவனம் கைபேசி எண்.9445000423, செஞ்சி வட்டத்திற்கு வடிப்பக அலுவலர்  துணை ஆட்சியர், ராஜஸ்ரீ சர்க்கரை ஆலை லிமிடெட். செம்மேடு, செஞ்சி கைபேசி எண்.9442587841, மரக்காணம் வட்டத்திற்கு உதவி ஆணையர் (கலால்) விழுப்புரம் கைபேசி எண்.9445074604, மேல்மலையனூர் வட்டத்திற்கு தனித்துணை ஆட்சியர் (சிப்காட்) திண்டிவனம் கைபேசி எண்.8526596322, திருக்கோவிலூர் வட்டத்திற்கு வருவாய் கோட்டாட்சியர் திருக்கோவிலூர் கைபேசி எண்.9445000422, உளுந்தூர்பேட்டை வட்டத்திற்கு மாவட்ட ஆதிதிராவிடர் மற்றும் பழங்குடியினர் நல அலுவலர் விழுப்புரம் கைபேசி எண்.7338801282, கண்டாச்சிபுரம் வட்டத்திற்கு தனித்துணை ஆட்சியர்  விழுப்புரம் கைபேசி எண்.9940421295, கள்ளக்குறிச்சி வட்டத்திற்கு வருவாய் கோட்டாட்சியர் கள்ளக்குறிச்சி கைபேசி எண்.9445000421, சங்கராபுரம் வட்டத்திற்கு மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலர் விழுப்புரம் கைபேசி எண்.9894347350, சின்னசேலம் வட்டத்திற்கு மாவட்ட வழங்கல் அலுவலர் விழுப்புரம் கைபேசி எண்.9445000200 ஆகியோர் நியமிக்கப்பட்டுள்ளனர்.

மேற்கண்ட சம்மந்தப்பட்ட அலுவலர்கள், அந்தந்த வட்டத்தில் கிராம நிர்வாக அலுவலர்கள் மற்றும் வருவாய் ஆய்வாளர்கள், மண்டல துணை ஆட்சியர், வட்டாட்சியர் ஆகியோருடன் கூட்டம் நடத்தி, கீழ்காணும் அறிவுரைகளை வழங்கி வறட்சி குறித்த கணக்கெடுப்புப் பணிகளை துரிதமாக முடிக்க வேண்டுமென கலெக்டர் இல.சுப்பிரமணியன்,  கேட்டுக்கொண்டார்.

விழுப்புரம் மாவட்டத்தில் வறட்சியால் பாதிக்கப்பட்ட கிராமங்களை கண்டறியப்பட்டு, அவற்றில் 10 சதவிகித பாதிப்படைந்த கிராமங்களில், கிராமத்தில் உள்ள ஒரு பயிருக்கு, அதிகம் பாதிப்படைந்த 5 நிலங்கள் என தெளிவு செய்து, டீhரஎயn யுpp என்ற செயலி மூலம் பாதிப்படைந்த பயிர்களை புகைப்படம் எடுத்து இயங்கலையில் பதிவேற்றம் செய்தல் வேண்டும்.

மேற்படி  உண்மைத் தன்மை அறிந்தும், ஆய்வினை உதவி வேளாண்மை அலுவலர் மற்றும் கிராம நிர்வாக அலுவலர்கள் இணைந்து செயல்பட வேண்டும்.  ஆய்வு செய்யப்பட்ட நிலங்களில் 25 சதவீதம் நிலங்களை உதவி இயக்குநர் வேளாண்மை மற்றும் வருவாய் ஆய்வாளர் (அ) துணை வட்டாட்சியர் நிலையில் மேலாய்வு செய்யப்பட வேண்டும்.  மேற்படி பயிர் சேதத்தினை சம்பந்தப்பட்ட மண்டல அலுவலர்கள் வருவாய் கோட்டாட்சியர்கள் உள்ளிட்ட அனைவரும் பயிர்சேத கணக்கெடுப்பினை கண்காணித்து உரிய படிவத்தில் அறிக்கையினை  அனுப்பி வைக்க வேண்டும்.

மற்றும் அனைத்து கிராமங்களிலும் சம்பந்தப்பட்ட கிராம நிர்வாக அலுவலர்கள் மற்றும் வேளாண்மை அல்லது தோட்டக்கலை அலுவலர் இணைந்து விரிவான கணக்கெடுப்பு பணியினை தெளிவாக பதிவு செய்தல் வேண்டும்.  கிராமம் வாரியாக படிவத்தினை தயார் செய்து, தகுந்த புகைப்படங்களை இணைத்து வட்டத்திற்கான ஒருங்கிணைந்த அறிக்கையினை அனுப்ப வேண்டும்.  மேற்படி பணியினை மண்டல அலுவலர்கள் கண்காணித்து, தினசரி பணி முன்னேற்ற அறிக்கையினை கலெக்டர் அவர்களின் மின்னஞ்சலுக்கு அனுப்ப வேண்டும்.

பாதிப்படைந்த நிலத்தின் விவசாயியினை நிற்க வைத்து, சம்பந்தப்பட்ட கிராமம் தான் என்று அடையாளம் காணும் வகையில் தேதி மற்றும் நேரத்துடன் புகைப்படம் எடுத்து புகைப்படத்தின் பின்புறம் கிராமத்தின் பெயர், விவசாயியின் பெயர், புல எண், விஸ்தீரணம், பயிர்வகை, தேதி மற்றும் நேரம் ஆகியவற்றை ளுமநவஉhஆல் எழுதி சமர்ப்பிக்க வேண்டும்.

இதுவரை பிரதான் மந்திரி பசல் பீமா யோஜனா 2016  பயிர் பாதுகாப்பு திட்டத்தின் கீழ் காப்பீட்டு மாத சந்தா செலுத்த தவறியவர்கள் அடுத்த 2 நாட்களுக்குள் செலுத்தி பயிர்களை காப்பீடு செய்தல் வேண்டும் என்று விவசாயிகளை அறிவுறுத்த கிராம நிர்வாக அலுவலர்கள் மற்றும் வேளாண்மை அலுவலர்கள் மூலம் தெரிவிக்கப்பட வேண்டும். பாதிப்படைந்த விவசாயிகள் அனைவரும் விடுபடாமல் மேற்படி கணக்கெடுப்பில் பயிர்சேதங்கள் முழுமையான அளவில் கணக்கெடுக்கப்பட வேண்டும் என கலெக்டர் இல.சுப்பிரமணியன்,  அறிவுறுத்தினார்.

இக்கூட்டத்தில், மாவட்ட வருவாய் அலுவலர் சி.ராஜசேகரன், திண்டிவனம் சார் ஆட்சியர் பி.என்.ஸ்ரீதர், மாவட்ட ஆட்சியரின் நேர்முக உதவியாளர் (பொது) அனுசுயாதேவி, வேளாண்மை இணை இயக்குநர் கார்த்திகேயன் மற்றும் வருவாய்த்துறை, வேளாண்மைத்துறை அலுவலர்கள் கலந்து கொண்டனர்.

English Summary:

Villupuram Collector Office meeting  in the drought-affected crop da
mage  northeast monsoon survey on work, collector E.l.Subramaiyan chaired the review meeting with the chief officers of the Revenue and the Department of Agriculture.

Read More