இதுவரை கணக்கில் காட்டப்படாத ரூ.4 லட்சம் கோடி வங்கி கணக்குகளில் டெபாசிட் : ஆய்வில் தகவல்

புதுடெல்லி  - உயர் மதிப்புடைய ரூபாய் நோட்டுகள் வாபஸ் பெறப்பட்டதை தொடர்ந்து வரி ஏய்ப்பு செய்யப்பட்ட ரூ. 4 லட்சம் கோடி பணம் வங்கிகளில் டெபாசிட் செய்யப்பட்டு உள்ளது என்று ஆய்வில் தெரியவந்து உள்ளது.

வங்கிகளில் டெபாசிட்:

இது தொடர்பாக ஆவணங்களை ஆய்வுசெய்யவும், ரூ. 3-4 லட்சம் கோடி டெபாசிட் செய்தவர்களுக்கு நோட்டீஸ் அனுப்பவும் வருமான வரித்துறையிடம் கேட்டுக் கொள்ளப்பட்டு உள்ளது மூத்த மத்திய அரசு அதிகாரி கூறிஉள்ளார். நவம்பர் மாதம் 8-ம் தேதி மத்திய அரசு நாட்டில் புழகத்தில் இருந்த  உயர் மதிப்புடைய 500, 1000 ரூபாய் நோட்டுகளை வாபஸ் பெறுவதாக அறிவித்தது. இதனையடுத்து பொதுமக்கள் தங்களிடம் இருந்த ரூபாய் நோட்டுகளை டெபாசிட் செய்தனர். இப்போது மத்திய அரசு இது தொடர்பான தகவல்களை பெற்று உள்ளது.

ஆய்வில் தகவல்:

தகவல்களை கொண்டு ஆய்வு செய்கையில் 60 லட்சத்திற்கும் மேலான வங்கி கணக்குகளில் ரூ. 2 லட்சத்திற்கு மேலாக டெபாசிட் செய்யப்பட்டு உள்ளது என்பது கண்டுபிடிக்கப்பட்டு உள்ளது. இதுபோன்ற வங்கி கணக்குகளில் மட்டுமே ரூ. 7.34 லட்சம் கோடிக்கு மேல் பணம் டெபாசிட் செய்யப்பட்டு உள்ளது என்று மத்திய அரசு அதிகாரி கூறிஉள்ளார்.

வடகிழக்கு மாநிலங்களில் ...:

நவம்பர் 9-ம் தேதியில் இருந்து வடகிழக்கு மாநிலங்களில் பல்வேறு வங்கி கணக்குகளில் ரூ. 10,700 கோடி டெபாசிட் செய்யப்பட்டு உள்ளது.  பல்வேறு கூட்டுறவு வங்கிகளில் ரூ. 16,000 கோடி டெபாசிட் செய்யப்பட்டு உள்ளது. இது தொடர்பாக வருமான வரித்துறை மற்றும் அமலாக்கப்பிரிவு அதிகாரிகள் விசாரணை நடத்தி வருகிறார்கள். நீண்ட நாட்களாக செயல்படாத வங்கி கணக்குகளில் ரூ. 25 ஆயிரம் கோடி டெபாசிட் செய்யப்பட்டு உள்ளது. நவம்பர் 8-ம் தேதி அறிவிப்புக்கு பின்னர் ரூ. 80 ஆயிரம் கோடி கடன் திரும்ப செலுத்தப்பட்டு உள்ளது என்று அதிகாரி கூறிஉள்ளார்.

ஆய்வு அறிக்கைகள்:

நவம்பர் 8-ம் தேதி அறிவிப்புக்கு பின்னர் பொதுமக்கள் தங்களிடம் இருந்த 500, 1000 ரூபாய் நோட்டுகளை வங்கிகளில் டெபாசிட் செய்ய டிசம்பர் 30-ம் தேதி வரையில் கால அவகாசம் வழங்கப்பட்டது. இதனையடுத்து வங்கிகளிடம் இருந்து பெறப்பட்ட அறிக்கைகள் மற்றும் ஏற்கனவே மத்திய அரசிற்கு கிடைத்த புலனாய்வு தகவல் தரவுகளை கொண்டு ஆய்வு மேற்கொள்ளப்பட்டு உள்ளது. பணம் டெபாசிட் செய்யப்பட்டது தொடர்பாக முழுமையான ஆய்வு அறிக்கைகள் கிடைத்த பின்னர் அறிக்கையானது வருமான வரித்துறை, அமலாக்கப்பிரிவு மற்றும் பிற மத்திய விசாரணை முகமைகளுக்கு தெரிவிக்கப்பட்டு உள்ளது.

விரைவில் நடவடிக்கை:

பயங்கரவாத்தினால் பாதிக்கப்பட்ட மாநிலங்களில் பணம் டெபாசிட் செய்யப்பட்டது தொடர்பான தகவல்கள் சம்பந்தப்பட்ட விசாரணை முகமைகளுக்கு அனுப்பட்டு உள்ளது. இவ்விவகாரம் தொடர்பாக சரியான நடவடிக்கை எடுக்கப்படும் என்று மத்திய அரசு அதிகாரி கூறிஉள்ளார்.

English Summary:

New Delhi - made of high-value banknotes were withdrawn following the tax evasion of Rs. 4 lakh crore has been deposited in banks that have come to study.

Read More

குஜராத்தில் 2 நாள் சுற்றுப்பயணம்: சொந்த ஊரில் தாயை சந்தித்த பிரதமர் மோடி !

காந்திநகர்  - பிரதமர் மோடி 2 நாள் சுற்றுப்பயணமாக தனது சொந்த மாநிலமான குஜராத் சென்றுள்ளார். நேற்று முன்தினம் அவர் காந்திநகர் ரெயில் நிலைய வளர்ச்சி திட்டம் குஜராத் வர்த்தக கண்காட்சி மற்றும் பல்வேறு திட்டங்களையும், நிகழ்ச்சிகளையும் தொடங்கி வைத்தார்.

தாயாருடன் சந்திப்பு:

நேற்று பிற்பகல்  3.30 மணிக்கு அவர்  குஜராத் மாநில வளர்ச்சிக்காக நடைபெறும் சர்வதேச தலைவர்கள் கலந்து கொள்ளும் மாநாட்டை தொடங்கி வைத்தார். முன்னதாக நேற்று காலை பிரதமர்  மோடி ஆமதாபாத் அருகில் உள்ள ரைசன் கிராமத்தில் வசிக்கும் தனது தாயார் ஹீராபாயை சந்தித்தார்.

யோகா பயிற்சி ரத்து:

நீண்ட நேரம் தாயாருடன்  பொழுதை கழித்தார். இதற்காக மோடி தனது வழக்கமான யோகா பயிற்சியை ரத்து செய்து விட்டு ஆமதாபாத்தில் இருந்து புறப்பட்டு சென்றார். தாயாருடன் அவர் காலை உணவு சாப்பிட்டார். ஹீராபாய் மோடியின் இளைய சகோதரர் வீட்டில் வசித்து வருகிறார்.நிகழ்ச்சியில் அவர்களும் கலந்து கொண்டனர்.

English Summary:

Gandhinagar - 2-day visit of Prime Minister Narendra Modi visited his home state of Gujarat. Airport development project in the train yesterday, Gandhinagar, Gujarat trade exhibition and various plans and programs initiated.

Read More

தரமற்ற உணவுப்பொருட்கள் வழங்கப்படுவதாக எல்லைப் பாதுகாப்பு படை வீரர் பகீர் குற்றச்சாட்டு விசாரணைக்கு ராஜ்நாத் சிங் உத்தரவு

புதுடெல்லி  - இந்திய ராணுவ வீரர் தேஜ் பதூர் யாதவ் எல்லையில் ராணுவ வீரர்களுக்கு தரமற்ற உணவுப்பொருட்கள் வழங்கப்படுவது தொடர்பான வீடியோவை சமூக வலைதளத்தில் வெளியிட்டு பெரும் அதிர்ச்சியை ஏற்படுத்தி உள்ளார். இதுதொடர்பாக விசாரணைக்கு மத்திய உள்துறை அமைச்சர் ராஜ்நாத் சிங் உத்தரவிட்டுள்ளார். வீடியோ வெளியீடு இந்தியா-பாகிஸ்தான் எல்லையில் எல்லைப் பாதுகாப்புப் படையின் 29-வது பட்டாலியன் பிரிவை சேர்ந்த தேஜ் பதூர் யாதவ் வீடியோ ஒன்றை வெளியிட்டு உள்ளார். யாதவ் பேசுகையில் எல்லையில் பணியாற்றும் வீரர்கள் வெறும் வயிற்றுடன் தூங்க செல்கிறோம் என்று கூறியிருந்தார். குற்றச்சாட்டு விளக்கமாக பேசிஉள்ள யாதவ், உயர் அதிகாரிகள் சட்டவிரோதமாக ராணுவ வீரர்களுக்கு வழங்கப்படும் உணவுப்பொருட்களை விற்பனை செய்கின்றனர் என்ற பரபரப்பு குற்றச்சாட்டையும் முன்வைத்து உள்ளார். “காலை உணவாக ஒரு பரோட்டா மற்றும் டீ வழங்கப்படுகிறது. அதுவும் ஒரு ஊருகாய் அல்லது காய்கள் வழங்கப்படுவது கிடையாது.

நாங்கள் 11 மணி நேரம் எல்லையில் பணியாற்றுகிறோம். எல்லையில் பணிநேரத்தின் போது நாங்கள் பாதுகாப்பு பணிக்கு நின்றுக் கொண்டே உள்ளோம். மதியம் உணவாக ரொட்டியுடன் பருப்பு வழங்கப்படுகிறது. பருப்பில் வெறும் மஞ்சள் தூள் மற்றும் உப்பு மட்டுமே உள்ளது. இதுவே எங்களுக்கு கிடைக்கும் உணவின் தரமாகும். ஒரு ராணுவ வீரர் எப்படி இதனை சாப்பிட்டு பணியாற்ற முடியும்? என்று யாதவ் குற்றம் சாட்டியிருந்தார். பிரதமருக்கு கோரிக்கை மேலும் பேசுகையில் “இவ்விவகாரம் தொடர்பாக விசாரிக்கவேண்டும் என்று பிரதமர் மோடிக்கு கோரிக்கை விடுக்கின்றேன். எங்களுடைய நிலையை யாரும் வெளிக்காட்டவில்லை,” என்று கூறிஉள்ளார். எனக்கு எதிராக நடவடிக்கை எடுக்கப்படலாம் என்றும் கூறிய யாதவ், இவ்விவகாரம் தொடர்பாக சரியான நடவடிக்கையானது மேற்கொள்ளப்படவேண்டும்,

மக்கள் முன்னெடுத்து செல்லவேண்டும் என்றும் குறிப்பிட்டு உள்ளார். வீரர்கள் மகிழ்ச்சி இந்தியா டுடே பத்திரிக்கைக்கு பேட்டியளித்து பேசிஉள்ள யாதவ் என்னுடைய வீடியோ பதிவினால் பிற ராணுவ வீரர்கள் மகிழ்ச்சி அடைவார்கள் என்று கூறிஉள்ளார். மேலும் உணவின் தரம் குறித்து பதிவிடப்பட்ட வீடியோவை நீக்கம் செய்ய உயர் அதிகாரிகள் முயற்சி செய்கிறார்கள் என்றும் கூறிஉள்ளார். 1996-ம் ஆண்டு ராணுவத்தில் சேர்ந்த யாதவ் “என்னுடைய பணியை இழப்பது குறித்து பயப்படவில்லை. எது உண்மையே அதனைத்தான் வெளிக்கொண்டு வந்து உள்ளேன். என்னால் ராணுவ வீரர்கள் பயன் அடைந்தால், பின்னர் நான் எதிர்க்கொள்ள தயாராக உள்ளேன். இது தொடர்பாக விசாரணை நடத்தினால் அதிகமான உண்மைகள் வெளியே வரும்,” என்றும் கூறிஉள்ளார். பணியிட மாற்றம் வீடியோவை சமூக வலைதளத்தில் வெளியிட்டதை தொடர்ந்து எல்லையில் அவருடைய பணியானது மாற்றப்பட்டு உள்ளது என்றும் அவர் தெரிவித்து உள்ளார்.

தரமற்ற உணவுப்பொருட்கள் தொடர்பாக ஏற்கனவே உயர்மட்ட அதிகாரிகளிடம் புகார் தெரிவிக்கப்பட்டும் எந்தஒரு நகர்வும் ஏற்படவில்லை என்றும் தெரிவித்து உள்ளார் யாதவ். அறிக்கை தாக்கல் செய்ய உத்தரவு இந்த நிலையில் இது தொடர்பாக விரிவான விசாரணைக்கு உத்தரவிட்டு உள்ளதாக மத்திய உள்துறை அமைச்சர் ராஜ்நாத் சிங் தெரிவித்து உள்ளார். எல்லை பாதுகாப்பு படை ஜவான் மூலம் பகிரபட்ட வீடியோ வருந்தத்தக்கது. இது குறித்து உள்துறை செயலாளரிடம் மத்திய அமைச்சர் ராஜ்நாத் சிங் அறிக்கை தாக்கல் செய்யும்படி உத்தரவிட்டுள்ளார்.

English Summary:

Union Home Minister Rajnath Singh has ordered the case to trial. Video output in India-Pakistan border, the Border Security Force Battalion of the 29th Division has published a video of the Tej Bathur Yadav. Yadav peciulla charge interpretation, the high officials of illegally selling food provided to military veterans has presented a sensational accusations. "A Parotta breakfast and tea are provided. It has not been paid a pickle or pods.

Read More

மக்கள் தொகை உயர்வு தொடர்பாக சர்ச்சைக்குரிய கருத்து: பா.ஜ.க எம்.பி. சாக்ஷி மகராஜூக்கு தேர்தல் ஆணையம் நோட்டீஸ்

புதுடெல்லி  - மக்கள் தொகை உயர்வு தொடர்பாக சர்ச்சைக்குரிய கருத்தை தெரிவித்த பா.ஜனதா  சாக்ஷி மகராஜூக்கு தேர்தல் ஆணையம் நோட்டீஸ் விடுத்து உள்ளது.

சர்ச்சை கருத்து: 

பா.ஜனதாவின் மூத்த தலைவர்களில் ஒருவரும், உன்னாவ் பாராளுமன்ற தொகுதி எம்.பி.யுமான சாக்ஷி மகராஜ் மீரட் நகரில் ஒரு நிகழ்ச்சியில் கலந்து கொண்டு பேசினார். அப்போது அவர் கூறும்போது, ‘‘இந்தியாவில் மக்கள் தொகை பெருகிக் கொண்டே போவதற்கு இந்துக்கள் காரணம் அல்ல. 4 பெண்களை திருமணம் செய்யவும், 40 குழந்தைகளை பெற்றுக் கொள்ளவும் அனுமதிப்பவர்கள்தான் காரணம். எனவே, நாட்டின் மக்கள் தொகையை கட்டுப்படுத்த கடுமையான சட்டதிட்டங்களை வகுக்கவேண்டும்’’ என்று குறிப்பிட்டார்.

எதிர்க்கட்சிகள் கண்டனம்:

அவருடைய இந்த பேச்சு அண்மையில் சுப்ரீம் கோர்ட்டு பிறப்பித்த சாதி, மதத்தின் பெயரை பயன்படுத்தி ஒட்டுக் கேட்கக் கூடாது என்று உத்தரவை மீறுவதாக உள்ளது என்றும் எனவே அவரை எம்.பி. பதவியில் இருந்து நீக்க வேண்டும் எனவும் உத்தரபிரதேச காங்கிரஸ் எம்.எல்.ஏ. அகிலேஷ் பிரதாப் சிங் பிரதமர் மோடிக்கு கோரிக்கை விடுத்து உள்ளார். சாக்ஷி மகராஜின் பேச்சுக்கு காங்கிரஸ், ஐக்கிய ஜனதா தளம் உள்ளிட்ட எதிர்க்கட்சிகள் கடும் கண்டனம் தெரிவித்துள்ளன.

பா.ஜ.க விளக்கம்:

சாக்ஷி மகராஜின் கருத்துகள், அவரது சொந்த கருத்துகள் என்று பாரதீய ஜனதா விளக்கம் அளித்துள்ளது. இதுகுறித்து பாரதீய ஜனதா மூத்த தலைவரும், மத்திய மந்திரியுமான முக்தார் அப்பாஸ் நக்வி கூறுகையில், "சாக்ஷி மகராஜ் கருத்துக்கும், பாரதீய ஜனதாவுக்கும் சம்பந்தம் கிடையாது; அது அவருடைய சொந்தக் கருத்து' என்றார். சாக்ஷி மகராஜூம், தாம் பாரதீய ஜனதா கட்சியின் நிகழ்ச்சியில் இக்கருத்தை தெரிவிக்கவில்லையென்று விளக்கம் அளித்துள்ளார்.

வழக்குப்பதிவு:

உத்தரபிரதேசத்தில் 7 கட்டங்களாக சட்டசபை தேர்தல் நடைபெற இருக்கும் நிலையில் சாக்ஷி மகராஜின் மீரட் பேச்சு குறித்து மாவட்ட நிர்வாகம் அறிக்கை தாக்கல் செய்யும்படி தேர்தல் கமி‌ஷன் கேட்டுக் கொண்டது. இந்த அறிக்கை கிடைத்த பிறகே அவர் தேர்தல் நடத்தை விதிமுறையை மீறினரா? இல்லையா? என்பதை ஆய்வு செய்து அதுபற்றி முடிவு செய்யப்படும் என்று தேர்தல் கமி‌ஷன் வட்டாரங்கள் தெரிவித்தன. இதனிடையே, சர்ச்சைக்குரிய வகையில் பேசியது தொடர்பாக சாக்ஷி மகராஜூக்கு எதிராக மீரட் நகர போலீஸ் வழக்குப்பதிவு செய்து உள்ளது.

தேர்தல் ஆணையம் நோட்டீஸ்:

இந்நிலையில் காங்கிரஸ் அளித்த புகாரை ஏற்றுக் கொண்ட தேர்தல் ஆணையம் சாக்ஷி மகராஜூக்கு நோட்டீஸ் விடுத்து உள்ளது. மத அடிப்படையில் இருதரப்பினர் இடையே எதிர்ப்பை உருவாக்க முயற்சிசெய்தல் என குற்றம் சாட்டப்பட்டு உள்ளது. ஜனவரி 11-ம் தேதிக்குள் பதிலளிக்க வேண்டும் என்று தேர்தல் ஆணையம் உத்தரவிட்டு உள்ளது. பதிலளிக்கவில்லை என்றால் அடுத்தக்கட்ட நடவடிக்கை எடுக்கப்படும் எனவும் எச்சரிக்கை விடுக்கப்பட்டு உள்ளது.

English Summary:

NEW DELHI - As the population increases, commenting on the controversial BJP makaraju Sakshi has issued notice to the Election Commission.

Read More

வெளிநாடுகளில் இருக்கும் கருப்பு பணத்தை மீட்க வேண்டும் பிரதமருக்கு பாபா ராம்தேவ் வலியுறுத்தல்

ராய்பூர்-  வெளிநாடுகளில் இந்தியர்கள் பதுக்கி வைத்திருக்கும் கருப்பு பணத்தையும் மீட்பதற்கு பிரதமர் நரேந்திர மோடி தீவிர நடவடிக்கை எடுக்க வேண்டும் என பாபா ராம்தேவ் வலியுறுத்தியுள்ளார். பாராட்டு சத்தீஸ்கர் மாநில தலைநகர் ராய்பூரில் செய்தியாளர்களுக்கு பேட்டியளித்த பிரபல யோகாசன குரு பாபா ராம்தேவ் பிரதமரின் கருப்புப் பண ஒழிப்பு நடவடிக்கை பெரிதும் பாராட்டினார். ஓட்டுவங்கி அரசியலில் கவனம் செலுத்தாமல் வளர்ச்சியை நோக்கி நாட்டை கட்டமைக்கும் நடவடிக்கைகளில் பிரதமர் நரேந்திர மோடி அக்கறை காட்டி வருகிறார்.

85 சதம் ஒழிப்பு பெரிய மதிப்பிலான ரூபாய் நோட்டுகளை மதிப்பிழக்க வைத்துள்ள அவரது துணிச்சலான நடவடிக்கை தொடர்பாக யாரும் கேள்வி எழுப்ப முடியாது. இந்த அதிரடி நடவடிக்கையால் நாட்டில் உலவிவந்த 80-85 சதவீதம் அளவிலான கருப்புப் பணம் ஒழிக்கப்பட்டுள்ளது. வெளிநாடுகளில்... இதேபோல், பாராளுமன்ற தேர்தல் பிரசாரத்தின்போது வாக்குறுதி அளித்திருந்தபடி, வெளிநாடுகளில் இந்தியர்கள் பதுக்கி வைத்திருக்கும் கருப்பு பணத்தையும் மீட்பதற்கு பிரதமர் நரேந்திர மோடி தீவிர நடவடிக்கை எடுக்க வேண்டும் என பாபா ராம்தேவ் வலியுறுத்தியுள்ளார்.

English Summary:

To reverse black money stashed by Indians abroad holding raypur Narendra Modi, Ramdev urged to take serious action. Speaking to reporters in the state capital Raipur, Chattigarh praise famous yoga guru Baba Ramdev, the Prime Minister praised the action of the Money-Laundering Prevention. 

Read More

நாடுமுழுவதும் அமலானது:ஓட்டுநர் உரிமம் உள்ளிட்ட 13 சேவைகளுக்கான கட்டணம் அதிரடியாக உயர்வு

சென்னை  - நாடுமுழுவதும் ஓட்டுநர் உரிமம், புதுப்பிப்பு, வாகன பதிவு உட்பட 13 சேவைகளுக்கான கட்டணத்தை மத்திய அரசு பல மடங்கு உயர்த்தியுள்ளது. இந்த கட்டண உயர்வு நேற்று முதல் அமலுக்கு வந்துள்ளது.

வாகனப் பதிவு:

தமிழகத்தில் மொத்தம் 63 வட்டார போக்குவரத்து அலுவலகங்கள் (ஆர்டிஓக்கள்) உள்ளன. இது தவிர 60-க்கும் மேற்பட்ட யூனிட் அலுவலகங்கள் உள்ளன. இவற்றில் தினமும் 3 ஆயிரத்துக்கும் மேற்பட் டோர் புதிதாக ஓட்டுநர் உரிமம் பெறுகின்றனர். சராசரியாக 6,210 பேர் புதிய வாகனங்களை பதிவு செய்து வருகின்றனர். வாகனங்களுக்கு பதிவு எண் வழங்குதல், ஆட்டோ உரிமையாளர்களின் பெயர் மாற்றம் உட்பட பல்வேறு பணிகள் நடக்கின்றன. வாகனங்களுக்கான வரி வசூல் மாநில அரசுக்கும், இதர கட்டணங்களின் வசூல் மத்திய அரசிடமும் வழங்கப்படுகிறது.

சேவை கட்டணம் உயர்வு:

இந்நிலையில், கடந்த 10 ஆண்டுகளுக்கு பிறகு வட்டார போக்குவரத்து அலுவலகங்களில் அளிக்கப்படும் சேவைகளுக்கான கட்டணம் பல மடங்கு உயர்த்தப் பட்டுள்ளது. ஓட்டுநர் பழகுநர் உரிமம், ஓட்டுநர் உரிமம், வாகன உரிமம் புதுப்பிப்பு, முகவரி மாற்றம், வாகன பதிவு, பயிற்சி பள்ளி தொடங்குதல் மற்றும் புதுப்பித்தல் உட்பட 13 சேவைகளுக்கான கட்டணம் பல மடங்கு உயர்த்தப்பட்டுள்ளது.

நேற்று முதல் அமல்:

இதற்கான உத்தரவை மத்திய அரசு கடந்த சில தினங்களுக்கு முன்  வெளியிட்டது. இந்த உத்தரவு நேற்று முதல் அமலுக்கு வந்துள்ளது. ஓட்டுநர் உரிமம் உள்ளிட்ட பல சேவைகள் உயர்ந்துள்ளதால், ஓட்டுநர் பயிற்றுவிக்கும் நிறுவனங்களும் கட்டணம் உயர்த்தப்பட வாய்ப்புள்ளதாக கூறப்படுகிறது.

English Summary:

Chennai - nationwide driver's license renewal, vehicle registration fees for services, including a 13 times increased the number of federal government. The hike comes into effect from yesterday.

Read More

பிரபல நீர்பாசனத்துறை வல்லுனர் ஹணுமந்த ராவ் மரணம்

ஐதராபாத்  - நாட்டில் நிலத்தடி நீர்மட்டத்தை அதிகரிக்க பல திட்டங்களை வகுத்த பிரபல நீர்பாசனத்துறை வல்லுனர் ஹணுமந்த ராவ் காலமானார்.

நிலத்தடி நீரை சேமிக்க:;

தெலுங்கானா மாநிலப் பிரிவினைக்கு முன்னர் ஒருங்கிணைந்த ஆந்திரப்பிரதேச மாநிலத்தின் தலைமை நீர்ப்பாசன பொறியாளராக பணியாற்றிய ஹணுமந்த ராவ், தனது பணிக்காலத்தில் குறைந்த பொருட்செலவில் வேளாண் பயிர்களுக்கு உதவும் சிறப்பு நீர்பாசன திட்டங்கள் மற்றும் எளிதாக நிலத்தடி நீரை சேமிப்பது குறித்து பல திட்டங்களை உருவாக்கினார்.

உடல்நலக் குறைவு:

86 வயதான ஹணுமந்த ராவ், கடந்த சில நாட்களாக உடல்நிலை சரியில்லாமல் தனியார் மருத்துவமனையில் அனுமதிக்கப்பட்டிருந்தார். நேற்று முன்தினம் சிகிச்சை பலனின்றி உயிரிழந்தார்.  நிலத்தில் இயந்திரங்கள் மூலமாக போர் போட்டு நீர் எடுப்பதை விட, பழங்கால கிணறு முறையால் நிலத்தடி நீரை கணிசமாக சேமிக்க  முடியும் என நாட்டின் பிற மாநிலங்கள் மற்றும் ஐக்கிய நாடுகள் சபைகளுக்கு ஹணுமந்த ராவ் ஆலோசனை கூறியிருந்தார் என்பது குறிப்பிடத்தக்கது.

English summary:

Hyderabad - underground water level in the country and plans to increase the number of specialist famous Irrigation expert hanumantha Rao died

Read More