#MarinaProtest : ’முழு பாதுகாப்பளிப்போம்’ - காவல்துறை உறுதி

சென்னை மெரினாவில் ஜல்லிக்கட்டுக்கு ஆதரவாக நடந்து வரும் போராட்டத்திற்கு முழு பாதுகாப்பளிப்போம் என்று சென்னை கூடுதல் காவல்துறை ஆணையர் தெரிவித்துள்ளார்.

இளைஞர்கள் கூச்சலிடாமல் போராட்டத்தை அமைதியாக தொடர்ந்தால் காவல்துறை முழு பாதுகாப்பளிக்கும் என்று கூடுதல் காவல்துறை ஆணையர் சங்கர் உறுதியளித்துள்ளார்.

இந்நிலையில் போராட்டம் நடத்திவரும் இளைஞர்கள் நள்ளிரவில், அதிமுக அமைச்சர்களுடன் நடத்திய பேச்சுவார்த்தை திருப்தியளிப்பதாக தெரிவித்துள்ளனர். ஆனால் முதல்வர் அறிக்கைக்கு பிறகே போராட்டத்தை கைவிடுவது பற்றி முடிவெடுப்போம் என்று திட்டவட்டமாக தெரிவித்துள்ளனர்.

English Summary:

Full support for the ongoing struggle in Marina Jallikattu protests Chennai Additional Commissioner of Police said.
If you continue to struggle to calm the youth sound additional police commissioner Shankar promised that the police complete safety.

In this case, the youth staged a midnight meeting with AIADMK Ministers expressed satisfying. But the Chief Minister categorically said that after a struggle to decide to abandon.

Read More

ஜல்லிக்கட்டுக்கு பெருகும் ஆதரவு!

ஜல்லிக்கட்டுக்கு ஆதரவாக சென்னை, நெல்லை, கோவை, பாண்டிச்சேரி என பல்வேறு இடங்களில் தொடர் போராட்டங்கள் நடைபெற்று வரும் நிலையில், மெலும் பல நகரங்களுக்கும் இந்த போராட்டம் பரவத் தொடங்கி உள்ளது.

நெல்லை மாவட்டம் தென்காசியில் போராட்டம் நடப்பதாக ஏற்கெனவே அறிவிக்கப்பட்ட சூழலில், வள்ளியூரிலும் போராட்டம் நடத்த இளைஞர்கள் முடிவு செய்துள்ளனர்.

English Summary:

Jallikattu in favour of Chennai, Tirunelveli, Coimbatore, Pondicherry series of struggles that are taking place in various places in the state, again many cities is beginning to spread this struggle.

Tenkasi in Tirunelveli district has already announced to take place in the context of the struggle, the struggle of young people have decided valliyur.

Read More

‛‛அரசியல்வாதிகளே... செத்தா ஒட்டுத்துணி கூட உடன் வராது...!'' - மயில்சாமி ஆவேசம் ( காணொளி )

ஜல்லிக்கட்டுக்கு ஆதரவு தெரிவிக்காத தமிழக அரசியல்வாதிகளுக்கு நடிகர் மயில்சாமி கடும் கண்டனம் தெரிவித்துள்ளார். 'செத்தா உடம்புல போட்டிருக்குற துணி கூட உடன் வராது' என அவர் எச்சரிக்கை விடுத்துள்ளார்.

மயில்சாமி ஜல்லிக்கட்டுக்கு ஆதரவு

ஜல்லிக்கட்டு தடையை நீக்கக் கோரி தமிழகம் எங்கும் போராட்டம் வெடித்துள்ளது. அலங்காநல்லூர், வாடிப்பட்டி பகுதிகளில் ஜல்லிக்கட்டை ஆதரித்துப் போராட்டம் நடத்திய மாணவர்கள், இளைஞர்கள் கைது செய்யப்பட்டுள்ளனர். கைதானவர்களை போலீசார் வாடிப்பட்டி, சோழவந்தான் திருமண மண்டபங்களில் தங்க வைத்துள்ளனர். அவர்களை உடனடியாக விடுதலை செய்ய வேண்டுமென அப்பகுதியினர் போராடி வருகின்றனர்.

‛தங்களுக்காக போராடிய இளைஞர்கள், மாணவர்கள், பெண்களை உடனே விடுதலை செய்ய வேண்டும்; போராடிய இளைஞர்களுக்கு உணவு கொடுத்ததற்காக கைது செய்தவர்களையும் விடுதலை செய்ய வேண்டும்’ என கோரி அப்பகுதியினர் சாலை மறியல் செய்து வருகின்றனர்.

இதற்கிடையே, ஜல்லிக்கட்டுக்கு ஆதரவு தெரிவித்து  நடிகர் மயில்சாமி யு- டியூப்பில் வீடியோ ஒன்றை வெளியிட்டுள்ளார். அதில் ஆவேசமாக தன் வாதத்தை முன்வைத்துள்ளார்.

''அலங்கா நல்லூரில் ஜல்லிக்கட்டு நடக்கனும். நீதியரசர் சொன்னதற்காக தமிழ்நாட்டு மக்கள் அதனை மதித்து தங்கள் உரிமைக்காக போராடி வருகின்றனர். தமிழன் என்ற முறையில் பேசுகிறேன். இந்தியனாக எனக்கு ஓட்டுரிமை இருக்கிறது. இந்தியக் குடிமகன் தனது உரிமையை எங்கு வேண்டுமானாலும் பேசலாம். அந்த நீதிமன்ற உத்தரவுக்கு இந்தியாவே தலை குனிய வேண்டும். இந்தியனாக தலை குனிய வேண்டும். முக்கியமாக தமிழக அரசு ரொம்பவே தலை குனியனும்.

மக்கள் இவ்வளவு பெரிய போராட்டத்தைக் கையில் எடுத்துள்ளனர். அரசு ஆறுதல் கூட கூற வேண்டாமா?.  முனுசாமி விமர்சித்தால் 10 நிமிடத்தில் அவரிடம் பேசுகிறீர்கள். ஆனால் சோறு தண்ணியில்லாமல் ஆயிரக்கணக்கான மக்கள் போராடுகின்றனர். அரசு தரப்பில் இருந்து யாராவது ஒருத்தர் வந்து பேசுறீங்களா? யாருக்கு எது நடந்தா என்னன்னு இருக்காதீங்க அரசியல்வாதிகளே. செத்தா ஒட்டுத்துணி கூட உடன் வராது. வெள்ளைக்காரன் காலத்துல இருந்தே ஜல்லிக்கட்டு இருக்குது. பாலியல் தொழிலுக்கு அனுமதி இருக்குது. ஆனா ஒரு விளையாட்டுக்குத் தடை விதிச்சா என்ன அர்த்தம்?



வெளிநாட்டுல இருந்து வந்த ஒரு அமைப்பு, நம்ம பாரம்பர்ய விளையாட்டு மேல கேஸ் போட்டு, நமது கலாசாரத்தையே அழிக்க நினைக்குது. இந்தியாவில்தானே நாமும் இருக்கோம். சோறு தண்ணி இல்லாம மக்கள் போராடுறதைப் பார்க்கும் போது ரொம்பவே வேதனையா இருக்கு. அரசாங்கமே அடிக்க ஆள் வச்சுருக்குது. சட்டம் - ஒழுங்கை பாதுகாக்க கலெக்டரையும் வச்சுருக்குது. யாருக்காகவும் நமது உரிமையை விட்டுக் கொடுக்க முடியாது. போராட்டத்தில் இருந்து ஒருபோதும் பின்வாங்க வேண்டாம். நான் போலீஸ்காரர்களைப் பார்த்து ஒன்று கேட்கிறேன். லஞ்சம் வாங்காத போலீஸ்தான் அடிக்கனும்னு சொன்னா உங்களால கம்பை ஓங்க முடியுமா? அப்படிப் பார்த்தா 100க்கு பத்து பேருதான் அடிக்க முடியும். தயவு செய்து மக்களை சித்ரவதை செய்யாதீர்கள். தனக்கு தேவையான ஒன்றைப் பெற போராட்டம் வெடிக்கத்தான் செய்யும். எங்கள் மாணவர்கள் நல்லவர்கள். அவர்கள் அமைதி வழியில் போராட்டம் நடத்தி வருகின்றனர். இறுதி வரை போராடுவார்கள். வெற்றி நிச்சயம் கிடைக்கும்'' என தெரிவித்துள்ளார்.

மற்றொரு காமெடி நடிகர் சூரியும் ஜல்லிக்கட்டுக்கு ஆதரவு தெரிவித்து சில கேள்விகளை எழுப்பியுள்ளார் ''மாடு பிடிக்கும்போது காயங்கள் ஏற்படத்தான் செய்யும். அதையெல்லாம் வீரத் தழும்பாகத்தான் தமிழர்கள் பார்க்கிறார்கள். நாங்க இந்த பீட்டா அமைப்புக்கிட்ட போயி மாடு முட்டிடுச்சு.. மருந்து தாங்கன்னு கேட்டோமா? வீடியோ கேம்ல விளையாடுங்கன்னு சொல்றாங்க. வீடியோ கேமை சாப்பிட முடியுமா? கல்யாணம் கட்டிக்க முடியுமா? வீடியோ கேம்ல குழந்தை பெத்துக்க முடியுமா? ''என ஆவேசமாக கேள்வி எழுப்பியுள்ளார்.

English Summary :

The state demanded the removal of the ban jallikattu struggle has broken out everywhere. Alanganallur, Vadipatti students who struggle in defense of the gravel, young people have been arrested. Palamedu kaitanavarkalai police, colavantan have to stay in the wedding halls. And the region are struggling to release them immediately.

Read More

தினம் ஒரு திருக்குறள் : வான்சிறப்பு : குறள் 20

குறள் பால்: அறத்துப்பால். குறள் இயல்: பாயிரவியல். அதிகாரம்: வான்சிறப்பு.

நீர்இன்று அமையாது உலகெனின் யார்யார்க்கும்
வான்இன்று அமையாது ஒழுக்கு.


பரிமேலழகர் உரை:

யார்யார்க்கும் நீர் இன்று உலகு அமையாது எனின் - எவ்வகை மேம்பாட்டார்க்கும் நீரை இன்றி உலகியல் அமையாது ஆயின்; ஒழுக்கு வான் இன்று அமையாது - அந்நீர் இடையறாது ஒழுகும் ஒழுக்கும் வானை இன்றி அமையாது. ( பொருள் இன்பங்களை 'உலகியல்' என்றார், அவை இம்மைக்கண்ண ஆகலின், இடையறாது ஒழுகுதல் எக்காலத்தும் எவ்விடத்தும் உளதாகல், நீர் இன்று அமையாது உலகு என்பது எல்லாரானும் தெளியப்படுதலின்,அது போல ஒழுக்கும் வான் இன்று அமையாமை தெளியப்படும் என்பார், 'நீர் இன்று அமையாது உலகம் எனின்' என்றார். இதனை,'நீரை இன்றி அமையாது உலகு ஆயின் எத்திறத்தார்க்கும் மழையை இன்றி ஒழுக்கம் நிரம்பாது' என உரைப்பாரும் உளர். இவை மூன்று பாட்டானும் அறம் பொருள் இன்பங்கள் நடத்தற்கு ஏதுவாதல் கூறப்பட்டது.).

கலைஞர் மு.கருணாநிதி உரை:

உலகில் மழையே இல்லையென்றால் ஒழுக்கமே கெடக்கூடும் என்ற நிலை இருப்பதால், நீரின் இன்றியமையாமையை உணர்ந்து செயல்பட வேண்டும்.

மு.வரதராசனார் உரை:

எப்படிப்பட்டவர்க்கும் நீர் இல்லாமல் உலக வாழ்க்கை நடைபெறாது என்றால், மழை இல்லையானால் ஒழுக்கமும் நிலைபெறாமல் போகும்.

சாலமன் பாப்பையா உரை:

எத்தனை பெரியவரானாலும் நீர் இல்லாமல் வாழமுடியாது; அந்த நீரோ மழை இல்லாமல் கிடைக்காது.

மணக்குடவர் உரை:

நீரையின்றி யுலகம் அமையாதாயின் யாவர்க்கும் மழையையின்றி ஒழுக்கம் உண்டாகாது. ஒழுக்கம்- விரதம். இஃது ஆசாரங்கெடுமென்றது. இவை மூன்றினானும் நான்கறமுங் கெடுமென்று கூறினார்.

திருக்குறளார் வீ. முனிசாமி உரை:

எப்படிப்பட்ட மேலானவர்களுக்கும் நீரில்லாமல் உலகியல் நடைபெறாது. மழையில்லாமல், அந்நீர் இடைவிடாமல் ஒழுகும் ஒழுக்கும் அமையாது.

Translation:

When water fails, functions of nature cease, you say; Thus when rain fails, no men can walk in 'duty's ordered way'.

Explanation:

If it is said that the duties of life cannot be discharged by any person without water, so without rain there cannot be the flowing of water.

Read More

‛முனுசாமி மனசாட்சி பேசியது': பன்னீர் மனசாட்சி மகிழ்ச்சி

சென்னை: சசிகலா தரப்பினரிடம், நான் கேட்க நினைத்த கேள்விகளையெல்லாம், முன்னாள் அமைச்சர் முனுசாமி கேட்டுள்ளார் என, முதல்வர் பன்னீர்செல்வம், தன் குடும்பத்தினரிடம் சந்தோஷத்தை பகிர்ந்து கொண்டதாக, அவருக்கு நெருக்கமான வட்டாரங்களில் இருந்து தகவல்கள் கசிந்துள்ளன.

தஞ்சையில், பொங்கல் விழாவை, வழக்கம் போல இந்தாண்டும் சசிகலாவின் கணவர் நடராஜன் நடத்தினார். அதில் கலந்து கொண்ட சசிகலாவின் சகோதரர் திவாகரன், 1972ல் நடந்த திண்டுக்கல் இடைத்தேர்தலில், எஸ்.டி.சோமசுந்தரத்தோடு இணைந்து, நடராஜன் பணியாற்றினார். அதனால்தான் அ.தி.மு.க.,வுக்கு வெற்றி கிடைத்தது. இரட்டை இலை சின்னத்தை வாங்கிக் கொடுத்தது நடராஜன்தான். ஆனால், அ.தி.மு.க.,வை பிளக்க சதி செய்திகின்றனர். அ.தி.மு.க.,வை எங்கள் பிணத்தின் மீதுதான் பிளக்க முடியும் என்றெல்லாம், படு காட்டமாகவும்; ஆவேசமாகவும் பேசினார்.

பாஜ மீது பாய்ந்த நடராஜன்:

மறுநாள் விழாவில் பேசிய நடராஜன், இதற்கு ஒரு படி மேலே சென்று, மத்திய பா.ஜ., அரசும்; தலைவர்களும் சேர்ந்து, அ.தி.மு.க., அரசை கலைக்க சதி செய்கின்றனர்; அ.தி.மு.க.,வை பிளந்து, கட்சியை காவி மயமாக்கத் துடிக்கின்றனர். 36 ஆண்டுகளாக, ஜெயலலிதாவை தோளில் சுமந்தவர் சசிகலா. ஜெயலலிதாவுக்கு நாங்கள்தான் பாதுகாப்பளித்தோம். நாங்கள் குடும்ப அரசியல் செய்வதாக சொல்கின்றனர். அப்படி சொன்னால், அதில் தவறில்லை; நாங்கள் குடும்ப அரசியல்தான் செய்கிறோம்; செய்வோம் என்றெல்லாம், மிகக் கடுமையாகப் பேசினார்.

இந்நிலையில் தான், முன்னாள அமைச்சர் கே.பி.முனுசாமி, திவாகரன் மற்றும் நடராஜனுக்கு எதிராக பொங்கினார். கூடவே, தமிழகத்தில் பன்னீர்செல்வம் தலைமையில் நல்லாட்சி நடக்கிறது. பன்னீர்செல்வம், மிகச் சிறப்பாக செயல்படுகிறார். தமிழகத்துக்கு கிருஷ்ணா நதி நீரை பெற்றுக் கொடுத்திருக்கிறார்; வார்தா புயல் நிவாரண நடவடிக்கையில் சிறப்பாக செயல்பட்டிருக்கிறார் என்றெல்லாம் பாராட்டு பத்திரம் வாசித்தார். இதனால், அவர் மீது கடும் கோபம் அடைந்திருக்கிறது சசிகலா தரப்பு. அதே நேரம், நான் நினைப்பதையெல்லாம் முனுசாமி பேசி இருக்கிறார் என, சந்தோஷத்தில் இருக்கிறாராம் பன்னீர்செல்வம். இதை தன் குடும்ப உறுப்பினர்களிடம் சொல்லி, மகிழ்ச்சியை பகிர்ந்து கொண்டிருக்கிறார்.

பன்னீர்செல்வம் உறுதி;

இது குறித்து, பன்னீர்செல்வத்துக்கு நெருக்கமானவர்கள் கூறியதாவது: முதல்வர் பன்னீர்செல்வம், தன் பணியில் ஆழ்ந்த கவனம் செலுத்தி செயல்பட முடியாத அளவுக்கு, சசிகலா தரப்பினர் அவருக்கு கடும் நெருக்கடிகளை கொடுத்து வருகின்றனர். ஆனாலும், அதையெல்லாம் மீறி, தன்னிச்சையாக செயல்பட்டு, மக்கள் மத்தியில் நல்ல பெயரை ஈட்ட வேண்டும் என்பதில், பன்னீர்செல்வம் உறுதியாக இருக்கிறார். இருந்தபோதும், அவருக்கு கடும் மன உளைச்சல் இருந்து கொண்டே இருக்கிறது. இந்நிலையில், தஞ்சையில் ஆவேசமாக பேசிய திவாகரன் மற்றும் நடராஜனின் பேச்சு பற்றிய தகவல்கள், முதல்வர் பன்னீர்செல்வத்தை அடைந்ததும், அவர் கடும் அதிர்ச்சி அடைந்தார். உண்மைக்குப் புறம்பாக பேச துவங்கி விட்டனரே என, புலம்பினார்.

இந்நிலையில்தான், முன்னாள் அமைச்சர் கே.பி.முனுசாமி, நடராஜனையும், திவாகரனையும் கடுமையாக விமர்சித்து பேட்டி அளித்தார். அது, பன்னீர்செல்வத்துக்கு இதமாக இருக்க, சந்தோஷமாகி விட்டார். நான் கேட்க நினைப்பதையெல்லாம், முனுசாமி, பக்குவமாக கேட்டு விட்டார்; என் மனசாட்சியாகவே பேசியிருக்கிறார் என, மகிழ்ச்சியில், தன் கருத்துக்களை குடும்ப உறுப்பினர்களிடம் பகிர்ந்து கொண்டுள்ளார். இவ்வாறு அவர்கள் கூறினர்.

English Summary:

Chennai: Shashikala parties, Every question I wanted to hear, as the former minister asked Munisamy, Chief Panneerselvam, to share the joy with her family, reports from sources close to him have been leaked.

Read More

அரசியல் பிரவேசம் எப்போது?: தீபா பேட்டி

சென்னை: மறைந்த முதல்வர் ஜெயலலிதாவின் பிறந்த நாளன்று, அரசியல் பயணம் குறித்த அடுத்த கட்ட முக்கிய அறிவிப்பை வெளியிட உள்ளதாக ஜெ., வின் அண்ணன் மகள் தீபா நிருபர்களிடம் கூறினார்.

அரசியல் பிரவேசம்:

இது தொடர்பாக இன்று பத்திரிகையாளர்களை சந்தித்த தீபா கூறியதாவது: ஜெயலலிதா தமிழக மக்களுக்காக உழைத்தவர். ஜெ.,வை இழந்ததால், தமிழக மக்கள் தவிக்கின்றனர். தெய்வமாக இருந்து ஜெயலலிதா மக்களை வழிநடத்த வேண்டும். 1971ல் அதிமுகவை உருவாக்கி மக்களாட்சியை உருவாக்கியவர் எம்.ஜி.ஆர்., அவரது மறைவுக்கு அந்த பணியை துவங்கி சாதனை படைத்தவர் ஜெயலலிதா. 2 மாதங்களுக்கு மேலாக சிகிச்சை பெற்ற பலனின்றி மறைந்தார் என்பது தொண்டர்களுக்கும் மக்களுக்கும் அதிர்ச்சியாக உள்ளது. அதிர்ச்சியில் மக்கள் மீள்வதற்குள் அரசியல் மாற்றங்கள் ஏற்பட்டு விட்டன.

அழைத்ததற்கு நன்றி :

நான் அரசியலுக்கு வர வேண்டும் என மக்கள விரும்புகின்றனர். நான் சாதாரணமான குடும்பத்தை சேர்ந்த பெண். இதழியல் படித்து பத்திரிகையாளராக பணியாற்றினேன். எனக்கு குடும்பம் என சில பணிகள் உள்ளது. இருப்பினும், என்மீது நம்பிக்கை வைத்து அழைத்ததற்கு நன்றி. என் மீது வைத்த நம்பிக்கைக்கு நன்றி. இனி வரும் காலங்களில் தமிழக மக்களுக்காகவும், தொண்டர்களுக்காகவும் பணியாற்றுவேன். தமிழகமும், தமிழும் எனது இரு கண்களாக இருக்கும். எனது வாழ்க்கையை மக்களுக்கு அர்ப்பணித்து ஜெயலலிதாவின் நல்லாசியோடு, அவர்கள் பாதசுவடு வழிநடந்து, மக்கள் பணியை மேற்கொள்ள உள்ளேன்.

ஜெ., வின் கனவு :

அதிமுக என்ற ஆலமரத்தின் பசுமை காக்கும் இலைகளாக அதன் உண்மை தொண்டர்கள் உள்ளனர். இன்று முதல் புதிய பயணத்தை துவங்க உள்ளேன். எம்ஜிஆரின் நுாற்றாண்டு பிறந்தநாளின் இன்று வாழ்க்கையின் புதிய அத்தியாத்தை துவங்க உள்ளேன். மக்களின் புன்னகையால், வாழ்ந்து வழிகாட்டிய எம்ஜிஆர் ஜெயலலிதா காட்டிய வழியில்மக்களையும், தமிழகத்தையும் வழிநடத்திட உங்களில் ஒருவராக. உங்களில் ஒருவராக உங்களின் அன்பு சகோதரியாக கேட்டு கொள்கிறேன்.

மக்கள் நலத்திட்டங்கள், மக்களுக்கான பணிகள் தொடர வேண்டும். ஜெயலலிதாவின் கனவை ஒன்று சேர்ந்து இன்று முதல் தமிழகத்தை ஆசியாவிலேயே சிறந்த மாநிலமாக்கும் நோக்கத்துடன் நற்பணிகளை மேற்கொள்வேன். எம்.ஜி. ஆர் விட்டு சென்ற நல்லாட்சியை அவர்களின் வாரிசான ஜெ.,வின் நல்லாட்சியை தொடர செய்வதே, அதிமுக தொண்டர்களின் நோக்கமாகும்.

இந்த நேரத்தில் எனது உரிமைகளையும் கடமைகளையும் நிலைநாட்டிட பேராதரவு அளித்த தொண்டர்களுக்கும் மக்களுக்கும் நன்றி. ஜெ., கனவை நிறைவேற்றும் வகையில் நம் அனைவரின் களப்பணிகள் இருக்க வேண்டும் என்பது எனது வேண்டுகோள் . ஜெ., பிறந்த நாளன்று, அரசியலில் ஈடுபடுவது குறித்த அடுத்த கட்ட நடவடிக்கையை வெளியிட உள்ளேன். மக்களின் கருத்தையும், தொண்டர்களின் கருத்தையும் சேகரித்து விட்டு உரிய காலகட்டத்தில் அரசியல் பயணத்தை மேற்கொள்ளலாம் என நினைக்கிறேன். மக்களுக்காக பணியாற்ற காத்திருக்கிறேன். இவ்வாறு அவர் கூறினார்.

தொடர்ந்து அவர் எம்.ஜி.ஆர்., ஜெயலலிதாவை தவிரவேறு யாரையும் அதிமுக பொதுச்செயலாளராக ஏற்க மாட்டேன். ஜெ., சொத்துக்களை அரசுடமையாக்க வேண்டும் என்ற கோரிக்கை தொடர்பாக மக்களிடம் கேட்க வேண்டும். இதற்காக நான் வரவில்லை. இதுவரை யாரிடமும் பேச்சுவார்த்தை நடத்தவில்லை. இவ்வாறு அவர் கூறினார்.

English Summary:

Chennai: Late Chief Minister Jayalalithaa's birthday, the political declaration is a key to the next stage of the journey j., The niece Deepa told reporters.

Read More

தடையை மீறி தொடரும் ஜல்லிக்கட்டு

சேலம்: சேலத்தில் தடையை மீறி ஜல்லிக்கட்டு நடத்தப்பட்டது. தொடர்ந்து, தடியடி நடத்திய போலீசார் மீது மக்கள் கற்களை வீசி தாக்கினர்.

சேலம் மாவட்டம் ஆத்தூர் அருகே கூலமங்கலத்தில் ஆண்டாண்டு காலம் ஜல்லிக்கட்டு நடைபெற்று வருகிறது. இந்நிலையில், அங்கு இன்று தடையை மீறி ஜல்லிக்கட்டு நடத்தப்பட்டது. போலீசார் குவிக்கப்பட்டனர். இருப்பினும் ஜல்லிக்கட்டு நடத்தப்பட்டது. இதனையடுத்து போலீசார் தடியடி நடத்தினர். இதில் வெங்கடேசன் என்பவர் காயமடைந்தார். இதனையடுத்து அங்கிருந்தவர்கள் தர்ணா போராட்டம் நடத்தினர். அவர்கள் போலீசார் மீது கற்களை வீசி தாக்கினர்.

சிவகங்கை மாவட்டம் சிங்கம்புணரி அருகே மருதிப்பட்டியில் தடையை மீறி மஞ்சு விரட்டு நடந்தது. இதில் 20க்கும் மேற்பட்ட காளைகள் கலந்து கொண்டன.

English Summary:

Salem: Salem jallikattu was conducted in violation of the ban. Followed by batons, throwing stones at police and attacked people

Read More