தமிழகத்தில் 300க்கும் மேற்பட்ட இடங்களில் விடிய விடிய போராட்டம்

சென்னை : ஜல்லிக்கட்டு மீதான தடையை நீக்கக்கோரி தமிழகம் முழுவதும் இளைஞர்கள் நடத்தி வரும் போராட்டம் மூன்றாவது நாளாக இன்றும் (19ம் தேதி) தொடர்கிறது.

திரண்ட இளைஞர்கள்:

ஜல்லிக்கட்டுக்கு தடை விதித்து சுப்ரீம் கோர்ட் உத்தரவிட்ட காரணத்தால், ஜல்லிக்கட்டை இந்த ஆண்டும் நடத்த முடியாமல் போனது. ஜல்லிக்கட்டை மீண்டும் நடத்தக்கோரியும், தடைக்கு காரணமான பீட்டா அமைப்பை தடை செய்ய கோரியும் இளைஞர்கள், மாணவர்கள், பெண்கள் மற்றும் தன்னார்வலர்கள் என, பல தரப்பினரும் போராடி வருகின்றனர். அவர்களது இப்போராட்டம் 3வது நாளாக இன்றும் தொடர்கிறது.

தமிழகம் முழுவதும்...

தமிழகத்தில் சென்னை, மதுரை, திருச்சி, கோவை உள்ளிட்ட 12 மாநகராட்சிகள், 125 நகராட்சி உள்ளிட்ட 300 இடங்களுக்கும் மேல் தீவிரமாக போராட்டம் நடைபெற்று வருகிறது. கடுங்குளிரையும் பொருட்படுத்தாமல் இரவு முழுவதும் செல்போன் வெளிச்சத்திலும், மெழுகுவர்த்தி வெளிச்சத்திலும் இளைஞர்கள் விடிய விடிய போராட்டம் நடத்தினர். கைக்குழந்தைகளுடன் பெண்கள் பலரும் கலந்து கொண்டது மெய்சிலிர்க்க வைத்தது. அவர்கள் நடத்தி வரும் அறவழிப் போராட்டமானது 3வது நாளாக இன்றும் தொடர்கிறது.

பிரதமருடன் சந்திப்பு:

ஜல்லிக்கட்டுக்கு அவசரசட்டம் இயற்றக்கோரி முதல்வர் பன்னீர் செல்வம் இன்று பிரதமர் நரேந்திர மோடியை சந்திக்க உள்ளார். மாணவர்களுடன் அரசு தரப்பில் நேற்று நடத்திய பேச்சுவார்த்தை தோல்வியடைந்தது குறிப்பிடத்தக்கது. முதல்வர் பிரதமரை சந்தித்து பேச்சுவார்த்தை நடத்தினாலும் ஜல்லிக்கட்டு நடக்கும் வரை போரட்டத்தை தொடரும் என போராட்ட குழுவினர் அறிவித்துள்ளனர்.

கல்லூரிகளுக்கு விடுமுறை:

இந்நிலையில் தமிழகத்தில் பெரும்பாலான கல்லூரிகள் மற்றும் பல்கலைகழகங்கள் இன்று முதல் விடுமுறை அறிவித்துள்ளது. இதனையடுத்து ஜல்லிகட்டுக்கு ஆதரவான இளைஞர்களின் போராட்டம் இன்று மேலும் வலுவடைய உள்ளது. போராட்டக்களத்தில் இன்னும் ஏராளமான மாணவர்கள் திரள்வார்கள் என எதிர்பார்க்கப்படுகிறது. ‛ஜல்லிக்கட்டை நடத்த வேண்டும்; பீட்டா அமைப்புக்கு தடை விதிக்க வேண்டும்' என அறவழியில் போராடும் இளைஞர்களுக்கு தமிழகம் முழுவதும் ஆதரவு பெருகி வருகிறது.

English summary:

Chennai : Tamil Nadu Jallikattu young people around the ban on the ongoing struggle for the third day today (19th) continues.

Read More

இவங்களப் பாத்து கத்துக்கங்க.. ‛குட்டு' வைக்கும் இளைஞர்கள்

சென்னை : ஜல்லிக்கட்டுக்கு ஆதரவாக மெரினாவில் போராடி வரும் இளைஞர்கள், போக்குவரத்து நெரிசலை சீர் செய்ய போலீசாருக்கு உதவியதுடன்,

அங்கிருந்த குப்பைகளை தாங்களே சுத்தம் செய்து மற்றவர்களுக்கு முன்னுதாரணமாக விளங்கினர்.

போராட்டம்:

தமிழக பாரம்பரிய விளையாட்டான ஜல்லிக்கட்டு மீதான தடையை நீக்கி மீண்டும் ஜல்லிக்கட்டு நடத்தக்கோரியும், பீட்டா அமைப்புக்கு தடை விதிக்கக்கோரியும் தமிழகம் முழுவதும் இளைஞர்களும். பெண்களும் ஒன்று திரண்டனர். மாபெரும் இளைஞர் சக்திக்கு முன்னாள் தமிழகமே குலுங்கியது. கடந்த 3 நாட்களாக அறப்போராட்டத்தில் ஈடுபடும் இளைஞர்கள் அனைவரும், தங்களின் வீடு மறந்து, களிப்பு துறந்து ஜல்லிக்கட்டை நடத்தியே தீருவோம் என ஓரணி திரண்டு போராடி வருகின்றனர்.

காவல்துறைக்கு தோழனாக..

சென்னை- மெரினாவில் சுமார் 5 கி.மீ., தூரத்துக்கு திரண்டுள்ள இளைஞர்களும், பெண்களும் கொட்டும் பனியிலும், போராட்டத்தில் ஈடுபட்டுள்ளனர். இரவில் மெரினா சாலையில் போக்குரவத்து நெரிசல் ஏற்படும் போதெல்லாம், போலீசாருக்கு துணையாக களமிறங்கும் இளைஞர்கள், போக்குவரத்து நெரிசலை சீர் செய்கின்றனர்.

மெரினா கடற்கரையில் போராட்டக்காரர்கள் சாப்பிட்டு வீசிய இலைகள், பேப்பர்கள், வாட்டர் கேன்கள் மற்றும் பிளாஸ்டிக் பைகளை அவர்களே அப்புறப்படுத்தினர். நள்ளிரவு நேரத்திலும் சளைக்காமல் அவர்கள் செய்த இப்பணி அனைவரையும் ஆச்சரியத்தில் ஆழ்த்தியுள்ளது.

முன்னுதாரணம்:


கட்சி பொதுக்கூட்டம் போன்று கூட்டம் நடக்கும் இடங்களில் போக்குவரத்து நெரிசலை ஏற்படுத்துவது, குப்பைகளை குவிப்பது அதை அரசு துப்புரவு பணியாளர்களை கொண்ட சுத்தம் செய்வது என்று இருந்த வழக்கத்தை இந்த இளைஞர்கள் மாற்றியிருக்கிறார்கள். ஜல்லிக்கட்டுக்காக திரண்டுள்ள இளைஞர்கள் மது அருந்தாமல், பொதுச்சொத்துக்கு சேதம் விளைவிக்காமல் போராட்டப்பாதையிலிருந்து சிறிதும் விலகாமல், அறவழியில் நடத்தி கொண்டிருப்பது பலருக்கு ‛குட்டு' வைப்பது போல் அமைந்துள்ளது . இவர்கள் அனைத்து தரப்பினருக்கும் முன்னுதாரணமாக திகழ்வதற்காக மக்கள் மனதில் என்றும் நிற்பார்கள் இந்த இளைஞர்கள்..

English Summary:

Chennai: Jallikattu to support young people who are struggling in the Marina, the traffic police helped to mend, to clean the debris themselves, were an inspiration to others.

Read More

“காவிரிக்காக போராடாத நடிகர் சங்கம் எங்கள் போராட்டத்தில் தலையிட வேண்டாம்!” இளைஞர்களின் குரல்

தமிழகத்தில் சென்னை உள்பட மாநிலம் முழுவதும், ஜல்லிக்கட்டுக்கு ஆதரவான போராட்டம், இளைஞர்கள் போராட்டமாக வெடித்துள்ளது. ஒரு சிறு பொறியாக கிளம்பும் நெருப்பு ஒரு ஊரையே அல்லது மிகப்பெரிய வனப்பகுதியையே எரித்துச் சாம்பலாக்கி விடும். அதுபோன்று, சிறிய அளவில் அலங்காநல்லூரில் திரண்ட இளைஞர்கள், அடுத்தடுத்து சென்னை மெரினா, மதுரை,கடலூர், திருச்சி, புதுச்சேரி, திருநெல்வேலி என தொடர்ந்து மாநிலம் முழுவதும் பரவி விட்டது.

தமிழர் திருநாள், தமிழர்கள் பண்டிகை, உழவர் திருநாள் என்றெல்லாம் இதுவரை பேசிவந்த நிலையில், உண்மையான தமிழர் பண்டிகையாக, தமிழர்களின் உணர்வுகளை வெளிப்படுத்தும் பொங்கல் திருநாளாக இந்த ஆண்டு பண்டிகை அமைந்துள்ளது எனலாம்.

இளைஞர் சக்தி என்பதை தமிழகமும், மத்திய, மாநில அரசுகளும், ஒட்டுமொத்த அரசியல்வாதிகளும் நீண்ட இடைவெளிக்குப் பின்னர் அறிந்து கொள்ள ஒரு வாய்ப்பாக ஜல்லிக்கட்டுக்கு ஆதரவான போராட்டம் அமைந்துள்ளது.

இந்த நிலையில் இதுவரை இல்லாத அக்கறையாக தென்னிந்திய நடிகர் சங்கத்தினர், நாளை (ஜனவரி 20) மவுனப் போராட்டம் நடத்தப்போவதாக அறிவித்துள்ளனர். இதுவரை இந்த நடிகர்-நடிகைகள் எங்கே சென்றிருந்தார்கள்? இளைஞர்கள், மாணவ-மாணவிகள், தனியார் நிறுவன ஊழியர்கள், தகவல் தொழில்நுட்பப் பொறியாளர்கள், மருத்துவ மாணவர்கள் என்று பல்வேறு தரப்பினரும் ஒன்று திரண்ட பின்னரே, திடீரென சுதாரித்துக் கொண்டு, இளைஞர்கள் இல்லாவிட்டால், திரைப்படம் இல்லை என்ற உணர்வு உரைத்து, மவுனப் போராட்டத்தை அறிவித்துள்ளனர்.

ஜல்லிக்கட்டு என்பது தமிழர்களின் பாரம்பரிய வீர விளையாட்டு. தமிழர்களின் உணர்வுகளுடன் தொடர்புடையது என்பதைக் கருத்தில் கொண்டு, உச்ச நீதிமன்ற தீர்ப்புக்கு முன்பாக, இடைக்கால ஏற்பாடாக மத்திய அரசு ஏதாவது செய்திருக்கலாம். மாநில அரசாவது அதற்கான முயற்சிகளில் இறங்கியிருக்கலாம். கடைசி வரை நம்ப வைத்து கழுத்தை அறுத்தது போன்ற சூழலில்தான், இளைஞர்கள் வீதியில் இறங்கி அறப்போராட்டத்தில் ஈடுபட்டுள்ளனர்.

இளைஞர்களின் போராட்டத்தில் சென்னை மெரினாவில் நடிகர் ராகவா லாரன்ஸ் பங்கேற்றார். "தங்களுக்கு எந்தவொரு அரசியல் கட்சியின் சாயமும் வேண்டாம். எந்த திரைப்பட நடிகரும் தங்களுக்குத் தேவையில்லை. இது இளைஞர்களின் ஒற்றுமைப் போராட்டம்" என மிகத் தெளிவாகக் கூறி விட்டதால், இந்தப்போராட்டத்தால், தாங்கள் அரசியல் செய்ய முடியவில்லையே என்ற ஆதங்கம் அரசியல்வாதிகளுக்கும், அனைத்து நடிகர்களுக்குமே உள்ளது எனலாம்.

காவிரிப் பிரச்னையில் கர்நாடக அரசு, உச்ச நீதிமன்றத் தீர்ப்பை மதிக்காமல் தண்ணீர் திறந்து விட முடியாது என்று கொக்கரித்தபோது, இந்த தமிழ் திரைப்படத்துறையினர் எங்கே இருந்தார்கள்? அனைத்து நடிகர்-நடிகைகளும் வெளிநாட்டுக்கு அவுட்டோர் சென்று விட்டார்களா? ஏனென்றால், தங்களின் திரைப்படம் கர்நாடக மாநிலத்தில் திரையிடப்பட வேண்டும் அல்லது அந்த மொழியில் உரிமைக்கு விற்கப்பட வேண்டும் என்பது அவர்களின் நிலைப்பாடாக இருந்திருக்கலாம். திரைப்பட நடிகர்களிலேயே ஆளுங்கட்சி, எதிர்க்கட்சி என்ற பேதம் உள்ளது.

"கர்நாடக அரசு தண்ணீர் திறந்து விடாததாலும், பருவமழை பொய்த்துப் போனதாலும், விவசாயிகள் கொத்து கொத்தாக மரணம் அடைந்தது, தற்கொலை செய்து கொண்டது பற்றி எந்தவொரு திரைப்பட நடிகராவது கவலைப்பட்டிருப்பாரா? அல்லது தாங்கள் வாங்கும் கோடிக்கணக்கான சம்பளத்தில், ஏதாவது ஒரு சிறு தொகையை உயிரிழந்த விவசாயிகளின் குடும்பத்துக்கு உதவித்தொகையாக இதுவரை அளித்துள்ளார்களா? இல்லையே. இப்போது, எதிர்பாராத வகையில், இளைஞர்கள் போராட்டம் அனைவரின் கவனத்தையும் திசைதிருப்பியுள்ளதால், திரைத்துறையினரும் பெயரளவுக்கு உணர்வுகளைத் தெரிவிப்பதாக காலங்கடந்து அறிவித்துள்ளனர்." என்கிறார்கள் போராட்ட களத்தில் நிற்கும் இளைஞர்கள்.

'காவிரிக்காக போராடாத நடிகர் சங்கம் எங்கள் போராட்டத்தில் தலையிட வேண்டாம்' என்ற கோஷம் மெரினாவில், அலங்காநல்லூரில், கும்பகோணத்தில், தமுக்கத்தில் உரக்க கேட்கிறது.

இந்தப் போராட்டம் என்பது அரசியல்வாதிகள், கட்சிகளுக்கு மட்டுமல்ல, திரைப்படத்துறையினருக்கும், புகழ்பெற்ற நடிகர்களுக்கும் ஒரு எச்சரிக்கைதான் என்பதை அவர்கள் உணர வேண்டும். இது ஏதோ ஒரு நடிகருக்கான அறிவுறுத்தல் அல்ல. அனைத்து நடிகர்-நடிகைகளுக்குமானது.

Read More

மெரினாவில் விஸ்வரூபம்: மிரண்ட போலீஸ்

சென்னை : ஜல்லிக்கட்டுக்கு ஆதரவாக, சென்னை மெரினாவில் குவிந்தோரின் எண்ணிக்கை, 50 ஆயிரத்திற்கும் அதிகம் எனக் கூறும் போலீசார், எதிர்பா

ராத வகையில் கூட்டம் திரண்டதால், மிரண்டுள்ளனர்.

உச்ச நீதிமன்ற தடையால், தமிழகத்தில், இந்த ஆண்டும், பொங்கலுக்கு, ஜல்லிக்கட்டை நடத்த முடியவில்லை. 'தடையை நீக்கி, இந்த ஆண்டே ஜல்லிக்கட்டு நடத்த வேண்டும்' என, மாணவர்கள், இளைஞர்கள், பெண்கள் என, பல தரப்பினரும் போராடி வருகின்றனர்.

சென்னை மெரினாவில், மாணவர்கள், இளைஞர்கள் என, ஏராளமானோர் போராடினர். நேற்று, கூட்டம் கட்டுக்கடங்காமல் இருந்ததால், 12 ஆயிரம் போலீசார், சுற்று அடிப்படையில், பாதுகாப்புக்கு குவிக்கப்பட்டனர். போராட்டத்தில் ஈடுபட்டோரின் எண்ணிக்கை, 50 ஆயிரத்திற்கும் அதிகம் என, போலீசார் கணித்துள்ளனர்.அத்துடன், இந்த போராட்டத்தின் வரலாற்று தன்மை கருதி, 'வீடியோ'விலும் பதிவு செய்துள்ளனர்; புகைப்படங்களும் எடுக்கப்பட்டு உள்ளன. இவ்வளவு பெரிய கூட்டம் எப்படி திரண்டது, அதன் பின்னணியில் உள்ளோர் யார் என்பது குறித்து, உளவுத் துறை மூலமும் விசாரித்து வருகின்றனர்.

இது குறித்து, போலீஸ் அதிகாரி ஒருவர் கூறுகையில், 'இந்த கூட்டம் நாங்கள் எதிர்பாராதது. சென்னையே ஸ்தம்பித்து போகும் அளவுக்கு, மாணவர்கள், இளைஞர்கள், பெண்கள் திரண்டு உள்ளனர். 'இதை பாடமாக கொண்டு, எதிர்காலத்தில், இதுபோன்று கூட்டம் திரண்டால் எப்படி சமாளிப்பது என, ஆவணம் தயாரித்து வருகிறோம்' என்றார்.

English summary:

Chennai: Jallikattu in favor of a number of crowd in Marina, found that more than 50 thousand police, but to the surprise of the crowd gathered, stunned.

Read More

‛பீட்டா'வுக்கு பாடை கட்டிய இளைஞர்கள்

சென்னை : ஜல்லிக்கட்டுக்கு ஆதரவாக போராட்டம் நடத்தி வரும் இளைஞர்கள், ஜல்லிக்கட்டு தடைக்கு காரணமான பீட்டா அமைப்புக்கு பாடை கட்டி ஊர்வலம் நடத்தினர்.

எழுச்சி:

சுப்ரீம் கோர்ட் தடையால், தமிழகத்தில், இந்த ஆண்டும், பொங்கலுக்கு, ஜல்லிக்கட்டை நடத்த முடியவில்லை. 'தடையை நீக்கி, இந்த ஆண்டே ஜல்லிக்கட்டு நடத்த வேண்டும்' என, மாணவர்கள், இளைஞர்கள், பெண்கள் என, பல தரப்பினரும் போராடி வருகின்றனர். மெரினாவில் ஜல்லிக்கட்டுக்கு ஆதரவாக திரண்ட பெண்களும், இளைஞர்களும், தொடர் போராட்டத்தில் ஈடுபட்டு வருகின்றனர்.

பீட்டாவுக்கு பாடை:

இந்நிலையில் ஜல்லிக்கட்டுக்கு எதிராக வழக்கு தொடுத்து, ஜல்லிக்கட்டு தடைக்கு காரணமான ‛பீட்டா' அமைப்புக்கு சென்னை- மெரினா, மற்றும் நெல்லை பாளையங்கோட்டை ஆகிய பகுதிகளில் பாடை கட்டி ஊர்வலம் நடத்தினர். ‛பீட்டா' அமைப்புக்கு தடை விதிக்க வேண்டும் எனவும் அவர்கள் முழக்கமிட்டனர். இதனால் பரபரப்பு ஏற்பட்டது.

English Summary:

Chennai : Jallikattu staged in support of the youth, which led to the ban jallikattu beta system hearse procession staged tumor.

Read More

இன்று முதல் கல்லூரிகள் விடுமுறை; போராட்டம் மேலும் வலுவடையும்

சென்னை: தமிழகத்தில் பெரும்பாலான கல்லூரிகள் மற்றும் பல்கலைகழகங்கள் இன்று முதல் விடுமுறை அறிவித்துள்ளதால் ஜல்லிகட்டுக்கு ஆதரவான இளைஞர்களின் போராட்டம் இன்று மேலும் வலுவடையும் சூழல் உருவாகி உள்ளது.

தமிழகம் முழுவதும் கடந்த 4 நாட்களாக ஜல்லிகட்டிற்காக இளைஞர்களின் போராட்டம் தீவிரமாக நடந்து வருகிறது. சென்னை, மதுரை, கோவை, சேலம், திருச்சி, நெல்லை உட்பட தமிழகத்தின் அனைத்து மாவட்டங்களிலும் இரவு பகலாக போராட்டம் தொடர்ந்து நடந்து வருகிறது.

இந்நிலையில் கடந்த செவ்வாய்க்கிழமை வரை பொங்கல் மற்றும் எம்.ஜி.ஆர்., நூற்றாண்டு விழாவை முன்னிட்டு கல்வி நிறுவனங்கள் விடுமுறையில் இருந்தன. இந்நிலையில் நேற்று கல்வி நிறுவனங்கள் திறந்த நிலையில் பல கல்லூரிகளில் மாணவர்கள் வகுப்புகளை புறக்கணித்து போராட்டத்தில் இறங்கினர். இதனால், தமிழகத்தில் பல்வேறு கல்லூரிகள் நேற்று செயல்படவில்லை.

இந்நிலையில், கல்லூரி கல்வி இயக்குநரகம் வெளியிட்டுள்ள உத்தரவில் ‛கல்லூரிகள் அமைந்துள்ள இடங்களில் நிலவும் சூழலை பொறுத்து கல்லூரி நிர்வாகங்கள் விடுமுறை குறித்த முடிவுகளை எடுக்கலாம்' என அறிவித்தது. இதையடுத்து தமிழகம் முழுவதும் உள்ள கல்லூரிகள் மற்றும் பல்கலைகழகங்கள் இன்று முதல் விடுமுறை அறிவித்துள்ளன. அதன் விபரம் வருமாறு:

* சென்னையில் 31 கல்லுாரிகள் இன்று முதல் விடுமுறை

*அம்பேத்கர் சட்ட பல்கலைகழகத்தின் கீழ் இயங்கும் சட்ட கல்லுாரிகளுக்கு இரண்டு நாள் விடுமுறை.

*கோவை வேளாண்மை பல்கலை கழகத்தின் கீழ் இயங்கும் அனைத்து கல்லூரிகளுக்கும் காலவரையற்ற விடுமுறை

*சிதம்பரம் அண்ணாமலை பல்கலைகழகத்திற்கு வரும் 22ம் தேதி வரை விடுமுறை

*கோவை அரசு கல்லூரிகளுக்கு இன்று விடுமுறை

* கோவை பாரதியார் பல்கலைகழகத்திற்கு இரண்டு நாட்களுக்கு விடுமுறை

*மதுரை மாவட்டத்தில் உள்ள அனைத்து கல்லூரிகளுக்கும் இன்று விடுமுறை
மேலும் சிதம்பரம் அண்ணாமலை பல்கலைகழக விடுதியில் உள்ள மாணவ மாணவிகள் விடுதியை விட்டு வெளியேற உத்தரவிடப்பட்டுள்ளது. மேலும் பல கல்லூரிகளில் விடுதி மாணவர்களை வீட்டிற்கு அனுப்பும் நடவடிக்கையும் எடுக்கப்பட்டு வருகிறது.

கல்லூரி, பல்கலை., நிர்வாகங்கள் விடுமுறை அளிக்கப்பட்டுள்ளதால் ஜல்லிக்கட்டிற்காக தமிழகம் முழவதும் நடந்து வரும் போராட்டம் மேலும் வலுவடையும் சூழல் ஏற்பட்டுள்ளது.

English Summary:

Chennai: Tamil Nadu by most colleges and universities, today announced the first holiday jallikattu fight today's youth-friendly environment has also become stronger. 

Read More

பிரதமர் மோடியை சந்திக்கிறார் மத்திய அமைச்சர் பொன் ராதாகிருஷ்ணன்

சென்னை: ஜல்லிக்கட்டு நடத்தகோரி போராட்டம் நடத்தும் இளைஞர்களின் பிரதிநிதிகளிடம் பேசிய மத்திய அமைச்சர் பொன்.ராதாகிருஷ்ணன், இன்று(ஜன.,19) இது தொடர்பாக பிரதமர் மோடியை நேரில் சந்திக்க இருப்பதாக தெரிவித்துள்ளார்.

ஜல்லிக்கட்டிற்காக தமிழகம் முழுவதும் இளைஞர்கள் போராட்டம் வலுத்து வருகிறது. இரவு பகலாக நடந்து வரும் இந்த போராட்டத்திற்கு தமிழகம் முழுவதும் பெரும் ஆதரவு அலை எழுந்து வருகிறது. பல்வேறு பிரபலங்கள் நேரில் சென்று ஆதரவளித்து வருகின்றனர். இவ்விவகாரம் குறித்து பேசுவதற்காக பிரதமர் மோடியை தமிழக முதல்வர் பன்னீர் செல்வம் இன்று சந்திக்க உள்ளார்.

இந்நிலையில் மத்திய அரசு சார்பில் அமைச்சர் பொன்.ராதாகிருஷ்ணன் சென்னை மெரினாவில் போராட்டத்தில் ஈடுபடும் இளைஞர்களின் பிரதிநிதிகள் 5 பேரிடம் பா.ஜ., தலைமை அலுவலகமான கமலாலயத்தில் வைத்து பேச்சுவார்த்தை நடந்தது. இதில் இளைஞர்கள் ஜல்லிக்கட்டு நடத்தப்படும் வரை போராட்டம் தொடரும் என்பதில் உறுதியாக இருந்ததாக கூறப்படுகிறது. மேலும் ஜல்லிக்கட்டு மீதான தடையை நீக்க மத்திய அரசு நடவடிக்கை எடுக்க வேண்டும் என கடும் வாதம் நடந்ததாகவும் கூறப்படுகிறது.

இதையடுத்து பொன்.ராதாகிருஷ்ணன் கூறுகையில் :‛‛ ஜல்லிக்கட்டு விவகாரம் தொடர்பாக பிரதமர் மோடியை சந்திக்க தொடர்ந்து முயற்சி மேற்கொண்டு வருகிறேன். பிரதமரை சந்திக்க இன்று டில்லி செல்கிறேன். தொடர்ந்து நாளை மத்திய சுற்றுசூழல் துறை அமைச்சர் அணில் குமார் தவேவை சந்திக்க இருக்கிறேன். இதில் ஜல்லிக்கட்டு ஆர்வலர்களும் கலந்து கொள்கின்றனர். ஜல்லிக்கட்டிற்காக போராடி வரும் இளைஞர்கள் விரும்பினால் அவர்களையும் அழைத்து செல்ல தயாராக உள்ளளோம். இளைஞர்களின் போராட்டம் நியாமானது. பீட்டா அமைப்பை பற்றி பேசவே அவமானமாக இருக்கிறது. ஜல்லிக்கட்டிற்கு நிரந்தர தீர்வு கிடைக்கும் என நம்புகிறேன்'' இவ்வாறு அவர் தெரிவித்தார்.

English summary:

Chennai : Union Minister spoke to the representatives of the youth struggle jallikattu happening pon, today (Jan., 19), which will meet Prime Minister Modi said.

Read More