எனது தந்தையினுடனான உறவை உடைக்க முடியாது : உ.பி . முதல்வர் அகிலேஷ் யாதவ் உறுதி

 லக்னோ  -  எனது தந்தையும் சமாஜ் வாடி கட்சியின் நிறுவனருமான முலாயம் சிங் எனது பயணத்தில் தொடர்ந்து வருவார். அவருடனான உறவை யாரும் உடைக்க முடியாது என கட்சியின் சைக்கிள் சின்னத்தை வென்ற பின்னர் உத்தரப்பிரதேச மாநில முதல்வர் அகிலேஷ் யாதவ் கூறினார். உத்தரப்பிரதேச மாநிலத்தில் தற்போது முலாயம் சிங்கின் சமாஜ் வாடி கட்சியின் ஆட்சி நடக்கிறது. அம் மாநில முதல்வராக முலாயம் சிங் யாதவின் மகன் அகிலேஷ் யாதவ் உள்ளார். அவருக்கும் முலாயம் சிங் யாதவின் தம்பியும் கட்சியின் மாநில தலைவருமான சிவ்பால் யாதவுக்கும் இடையே கடும் கருத்து வேறுபாடு ஏற்பட்ட நிலையில், கட்சி இரு அணிகளாக உடைந்தது. இதனால் கட்சியின் சைக்கிள் சின்னத்தை தேர்தல் நேரத்தில் கைப்பற்ற  இரு அணியினரும் போராடினார்கள். இதில் அகிலேஷ் யாதவுக்கு சைக்கிள் சின்னத்தை தேர்தல் ஆணையம் அளித்தது.

சைக்கிள் சின்னத்தை பெற்ற பின்னர் , அகிலேஷ் யாதவ் நேற்று கூறியதாவது, முலாயம் சிங்கை என்னுடன் அழைத்து செல்வேன். அவருடனான உறவை யாரும் முறிக்க முடியாது. சைக்கிள் சின்னத்தை பெறுவேன் என்ற நம்பிக்கை இருந்தது. அதன் படியே தற்போது சைக்கிள் சின்னம் கிடைத்துள்ளது. இவ்வாறு அவர் கூறினார்.  சைக்கிள் சின்னம் தனது அணிக்கும் கிடைத்ததும், அகிலேஷ் யாதவ் தனது தந்தை முலாயம் சிங்கை சந்தித்து பேசினார். அதன் பின்னர் அவர் ட்விட்டரில் விடுத்த செய்தியில், சைக்கிள் ஓடும். அதன் பயணம் முன்னோக்கி செல்லும் என குறிப்பிட்டு இருந்தார்.  சைக்கிள் சின்னம் பறி போன நிலையில் தனது தம்பி சிவ்பால் யாதவையும் அம்பிகா சவுத்ரியையும் முலாயம் சிங் யாதவ் சந்தித்து பேசினார்.

English Summary:

Lucknow - My father and founder of the Mulayam Singh Samaj Wadi party will continue on my journey. No one can break up with him after he won the party's Uttar Pradesh state Chief Minister Akhilesh Yadav said the bicycle icon. In Uttar Pradesh, Mulayam Singh's currently happening Samaj Wadi party rule. 

Read More

சட்டமன்ற கூட்டத்தொடரில் ஜல்லிக்கட்டு தடையை நீக்க வலியுறுத்தி தீர்மானம் நிறைவேற்றப்படும் - அ.தி.மு.க பொதுச்செயலாளர் சசிகலா உறுதி

சென்னை : வரும் சட்டமன்ற கூட்டத்தொடரில் ஜல்லிக்கட்டுக்கான தடையை நீக்க கோரும் தீர்மானம் முன்மொழியப்பட்டு நிறைவேற்றப்படும் என்று அ.தி.மு.க பொதுச்செயலாளர் சசிகலா அறிவித்துள்ளார்.

இது குறித்து அ.தி.மு.க பொதுசெயலாளர் சசிகலா வெளியிட்ட அறிக்கை வருமாறு:-

மாணவச் செல்வங்கள், இளைஞர்கள் உள்ளிட்ட தமிழக மக்களின் உணர்வுகளுக்கு மதிப்பளிக்கின்ற வகையில், வரவிருக்கும் தமிழ்நாடு சட்டமன்றப் பேரவை கூட்டத் தொடரில் ஜல்லிக்கட்டுக்கு எதிரான தடையை முற்றிலுமாக நீக்கிடக் கோரும் தீர்மானத்தை முன்மொழியவும், அதனை அனைத்துக் கட்சிகளின் ஒருமித்த குரலால் நிறைவேற்றவும் வலியுறுத்துவோம் என்பதை உறுதிபட தெரிவித்துக் கொள்கிறேன்.

குந்தகம் விளைவிக்கும் பீட்டா:

மேலும், அந்நிய நாட்டில் உருவான அமைப்பாகிய `பீட்டா' தமிழ்நாட்டின் கலாச்சார பெருமைகளுக்கு குந்தகம் விளைவிக்கின்ற செயல்களில் ஈடுபடுவதை முற்றிலும் தடுத்து நிறுத்துவதற்கான முயற்சிகளை சட்ட ரீதியாக மேற்கொள்வோம்.

மக்களுக்காகத்தான் சட்டமே தவிர, சட்டத்திற்காக மக்கள் அல்ல என்பதைக் கருத்தில் கொண்டு கடந்த காலங்களில் இந்திய அரசியல் சாசனத்தில் எத்தனையோ திருத்தங்களை, மாற்றங்களை, புதிய முன்மொழிவுகளை கொண்டுவந்திருக்கும் மேதகு பாராளுமன்றத்தின் இரு அவைகளும், உலகெங்கும் வாழும் தமிழர்களின் உள்ளார்ந்த வருத்தத்தை உணர்ந்துகொண்டு, தமிழர்தம் பாரம்பரிய கலாச்சார பெருமைக்கு ஓர் அடையாளமாகிய ஜல்லிக்கட்டுக்கான தடையை நீக்க ஓர் சட்டத் திருத்தத்தை முன்மொழிய வேண்டும் என்பதே ஜெயலலிதாவின் விருப்பமாகக் கடைசிவரை இருந்தது என்பதனை உணர்த்தும் அவரது கடந்த கால கடிதங்கள், கோரிக்கைகள், நீதிமன்ற முன்னெடுப்புகள் உள்ளிட்ட அனைத்தையும் இத்தருணத்தில் மத்திய பா.ஜ.க. அரசு கருத்தில் கொண்டு, மறைந்த அந்த மாபெரும் மக்கள் தலைவியின் வேண்டுகோளை நிறைவேற்றும் வண்ணம் தகுந்த நடவடிக்கைகளை விரைந்து மேற்கொள்ள வேண்டும் என்று அதிமுக சார்பாகவும், தமிழக அரசின் சார்பாகவும், களத்தில் நின்று போராடி வரும் லட்சோபலட்ச மாணவச் செல்வங்கள் மற்றும் இளைஞர்களின் சார்பாகவும் வலியுறுத்திக் கேட்டுக் கொள்கிறேன். இவ்வாறு அந்த அறிக்கையில் சசிகலா தெரிவித்துள்ளார்.

English Summary:

Chennai: The proposed legislative session adopted a resolution urging the lifting of the ban on Jallikattu Shashikala AIADMK general secretary said.

Read More

ஜல்லிக்கட்டு வழக்குகள் இதுவரை...

சென்னை: கடந்த, 2006 முதல் தற்போது வரை 10 ஆண்டுகளாக ஜல்லிக்கட்டு தொடர்பான வழக்குகள் பல்வேறு நீதிமன்றங்களில் நடந்துள்ளன. அவற்றின் விவரம் வருமாறு:2016 மார்ச் 29: உயர்நீதிமன்ற மதுரை கிளை தான் முதன் முதலில் ஜல்லிக்கட்டுக்கு தடை விதித்தது. எல்.ஷாஜி செல்லான் என்ற வழக்கறிஞர், ராநாதபுரம் மாவட்டம், தானிகோட்டம் என்றஇடத்தில், ரேக்ளா ரேஸ் நடத்த அனுமதி கோரி உயர்நீதிமன்ற மதுரை கிளையில் மனு தாக்கல் செய்தார். இந்த மனுவை விசாரித்த நீதிபதி பானுமதி( தற்போது சுப்ரீம் கோர்ட் நீதிபதி),

விலங்குகள் துன்புறுத்தல் தடுப்பு சட்டத்தின் கீழ், ஜல்லிக்கட்டு, ரேக்ளா ரேஸ் உள்ளிட்ட விளையாட்டுகளுக்கு தடை விதித்தார்.

தமிழக அரசு சட்டம்:

2009 ஜூலை 21: ஜல்லிக்கட்டுக்காக, அப்போதைய தி.மு.க., அரசு தமிழ்நாடு ஜல்லிக்கட்டு ஒழுங்குமுறை சட்டத்தை கொண்டு வந்தது. இந்த சட்டத்தின்படி, ஜல்லிக்கட்டு நடத்த பல்வேறு நிபந்தனைகள் விதிக்கப்பட்டன. மாவட்ட கலெக்டரின், எழுத்துபூர்வமான அனுமதி பெற வேண்டும்;

ஒரு ஆண்டில் ஜனவரி முதல் மே மாதம் வரை எப்போது வேண்டுமானாலும் இந்த போட்டியை நடத்த அனுமதி பெற வேண்டும். தொடர்ந்து ஐந்து ஆண்டுகளுக்கு நடத்த வேண்டும் உள்ளிட்ட பல நிபந்தனைகள் விதிக்கப்பட்டன.

2010 நவ.,27: தி.மு.க., அரசு கொண்டு வந்த சட்டத்தின் கீழ், சில விதிமுறைகளின்படி, ஜல்லிக்கட்டு நடத்த சுப்ரீம் கோர்ட் அனுமதி வழங்கியது. போட்டியில் பங்கேற்கும் காளைகளை,விலங்குகள் நல வாரியத்திடம் பதிவு செய்ய வேண்டும். போட்டி நடக்கும் இடங்களுக்கு வாரிய பிரதிநிதிகள் வந்து பார்வையிடுவார்கள் என சுப்ரீம் கோர்ட் கூறியது.

மத்திய அரசு தடை:

2011 ஜூலை 11: காட்சிப்படுத்தப்படும் விலங்குகள் தடுப்பு பட்டியலில், காளைகளை மத்திய சுற்றுசூழல் மற்றும வனத்துறை அமைச்சகம் சேர்த்தது. இதனால், ஜல்லிக்கட்டு நடத்த முடியாத நிலை ஏற்பட்டது.

2014 மே 7: தி.மு.க., அரசு கொண்டு வந்த ஜல்லக்கட்டு தொடர்பான சட்டத்தை சுப்ரீம் கோர்ட் ரத்து செய்தது. மேலும், விலங்குகள் துன்புறுத்தல் தடுப்பு சட்டத்தின் கீழ் காளைகளை கொண்டு வரும் வகையில் சட்டத்திருத்தம் கொண்டு வர வேண்டும் என மத்திய அரசுக்கு உத்தரவிட்டது.

இத்துடன், ‛இதுபோன்ற போட்டிகளில் விலங்குகள் துன்புறுத்தப்படுவது உள்ளார்ந்த விஷயமாகவே உள்ளது. இதுபோன்ற போட்டிகளில் பங்கேற்கும் வகையில், காளைகளின் உடல்வாகு இல்லை. போட்டிகளில் காளைகள் பங்கேற்றால் துன்புறுத்தப்படும்' எனவும், சுப்ரீம் கோர்ட் கூறியது.

2016 ஜன.,7: காட்சிப்படுத்தப்படும் விலங்குகள் தடுப்பு பட்டியலில் இருந்து காளைகள் மற்றும் எருதுகளுக்கு விலக்கு அளித்து, ஒரு அறிவிப்பாணையை, மத்திய சுற்றுசூழல் மற்றும் வனத்துறை அமைச்சகம் வெளியிட்டது. இதன் மூலம், தமிழகத்தில் ஜல்லிக்கட்டும், மகாராஷ்டிரா, கர்நாடகா, குஜராத் மாநிலங்களில் எருது போட்டியும் நடத்த வாய்ப்பு உருவானது.

எனினும், மாவட்ட கலெக்டர் அனுமதி பெற வேண்டும் உள்ளிட்ட பல நிபந்தனைகள் விதிக்கப்பட்டன.

2016 ஜூலை 16: மத்திய சுற்றுசூழல் மற்றும் வனத்துறை அமைச்சகம் கொண்டு வந்த அறிவிப்பணையை சுப்ரீம் கோர்ட் தடை செய்தது. ஜல்லிக்கட்டு உள்ளிட்ட போட்டிகளை நடத்த மீண்டும் தடை விதித்தது.

English Summary:

Archives: the past, from 2006 until now, there have been 10 years jallikattu related cases in various courts. Their details are as follows: March 29, 2016: In the first branch of the Madurai High Court banned Jallikattu. Go s.saji the lawyer, ranadhapuram district, thanikottam that wise the High Court seeking permission to hold Race rekla filed in the Madurai branch. The petitioner Justice Bhanumathi (now Supreme Court Justice), Animal Harassment Prevention Act, jallikattu, including rekla Race games banned.

Read More

ஜல்லிக்கட்டுக்கு அவசர சட்டம்: கட்ஜூ ஐடியா

புதுடில்லி: ஜல்லிக்கட்டு நடத்த மத்திய அரசு, சுப்ரீம் கோர்ட் உத்தரவிற்காக காத்திருக்க வேண்டிய அவசியமில்லை. பிரச்னையை தீர்க்க அவசர சட்டம் கொண்டு வரலாம் என சுப்ரீம் கோர்ட் முன்னாள் நீதிபதி மார்கண்டேயே கட்ஜூ தெரிவித்துள்ளார்.

முன்னுதாரணம் உள்ளது:

இது தொடர்பாக அவர் கூறியதாவது: தற்போது நடக்கும் சூழ்நிலைகளை பார்க்கும் போது, ஜல்லிக்கட்டு விவகாரத்தில் சுப்ரீம் கோர்ட் தீர்ப்புக்காக மத்திய அரசு காத்திருப்பது போல் தோன்றுகிறது. வழக்கு நிலுவையில் உள்ளதால், அவசர சட்டம் கொண்டு வர தயங்குவது தவறானது.
வழக்கு நிலுவையில் இருக்கும் போது, பல முறை சட்டங்கள் மாற்றப்பட்டுள்ளது. உதாரணமாக, தேர்தல் தொடர்பான வழக்கு கோர்ட்டில் இருந்த போது தனக்கு எதிராக தாக்கல் செய்யப்பட்ட போது முன்னாள் பிரதமர் இந்திரா சுப்ரீம் கோர்ட்டிற்கு சென்றார். வழக்கு நிலுவையில் உள்ள போதே, பார்லிமென்டில் மக்கள் பிரதிநிதித்துவ சட்டம் திருத்தப்பட்டது. பார்லிமென்ட் அரசியல் சட்டத்தில் திருத்தம் செய்தது.

தற்போது பிரச்னையை தீர்க்க, பிரதமர் பரிந்துரை பேரில், ஜனாதிபதி அவசர சட்டம் கொண்டு வர வேண்டும். அவசர சட்டம் என்பது, பார்லிமென்ட் இயற்றும் சட்டத்தை போன்றது. காளைகளை துன்புறுத்துவதை தடுக்க அவசர சட்டத்தில் கட்டுப்பாடு விதிக்கலாம்.

போராட்டம் தவறு:

மாணவர்கள் போராட்டம் புத்திசாலித்தனம் அல்ல. மெரினா கடற்கரையில் மாணவர்கள் போராட்டம் நடத்துவதால் என்ன பயன் கிடைக்கப்போகிறது. முதல்வர், எம்.பி., எம்.எல்.ஏ.,க்களை முற்றுகையிட்டு அமைதியாக போராட்டம் நடத்த வேண்டும். தங்களது தலைவர்களை டில்லி செல்ல அவர்களை கட்டாயமாக்க வேண்டும். ஜல்லிக்கட்டு நடத்தப்பட வேண்டும். அதேநேரத்தில் பீட்டா அமைப்பும் செயல்பட அனுமதிக்க வேண்டும் எனக்கூறியுள்ளார்.

English summary:

New Delhi: The central government jallikattu, the Supreme Court does not have to wait for orders. Former Justice of the Supreme Court to resolve the issue can be brought ordinance markandeya katju, said.

Read More

ஜல்லிக்கட்டு விவகாரம் மத்திய அரசுக்கு ஜி.கே. வாசன் கோரிக்கை

சென்னை - ஜல்லிக்கட்டுக்கு ஆதரவான மாணவர்கள் போராட்டம் எழுச்சியை ஏற்படுத்தி உள்ளது என்று த.மா.கா தலைவர் வாசன் கூறியுள்ளார். இது தொடர்பாக  அவர் வெளியிட்ட அறிக்கையில் கூறியிருப்பதாவது , ''தமிழகத்தின் வீர விளையாட்டான ஜல்லிக்கட்டு நடைபெற வேண்டும் என்பதற்காக சென்னை, அலங்காநல்லூர் உட்பட பல்வேறு மாவட்டங்களில் மாணவர்கள் தொடர் உண்ணாவிரதம் ஒரு புறம் எழுச்சியை ஏற்படுத்தியிருக்கிறது என்றாலும் கூட மறுபுறம் மிகுந்த வருத்தத்தை ஏற்படுத்தியிருக்கிறது. காரணம் மாணவர்களைப் பொறுத்தவரை வருங்கால இந்தியாவை உருவாக்கக் கூடிய தூண்கள், நினைத்ததை சாதிக்கக் கூடியவர்கள். அப்படிப்பட்ட மாணவர்கள் ஒரு குறிக்கோளுக்காக பண்பாட்டை, கலாச்சாரத்தை காப்பதற்காக தங்களது படிப்பை, வேலையை, வீட்டை, உறவினர்களை விட்டு,விட்டு  தமிழகத்தில் ஜல்லிக்கட்டு நடைபெறுவதற்கு தடை இருக்கக்கூடாது என்பதற்காக தங்களை வருத்திக்கொண்டு போராட்டம் நடத்துகிறார்கள்.

நம்பிக்கை ஏற்படுத்த வேண்டும் :

முதலில் இதில் எந்த உள்நோக்கமும் கிடையாது என்பதை மத்திய,  அரசு புரிந்து கொள்ள வேண்டும். அதன் அடிப்படையிலே அரசாங்கம் மாணவர்களுக்கு நம்பிக்கை கொடுக்க வேண்டும். மாணவர்களிடம் அரசு பிரதிநிதிகள், அதிகாரிகள் ஜல்லிக்கட்டு தொடர்பான வழக்கின் நிலையை எடுத்துக் கூறி விளக்கி, நம்பிக்கை ஏற்படுத்த வேண்டும். தமிழக அரசு ஜல்லிக்கட்டு நடத்துவதற்கு, மத்திய அரசு மூலம் உச்ச நீதிமன்றம் ஆணை பிறப்பிப்பதற்கான வழி வகைகள், சாத்தியக்கூறுகள் ஆகியவற்றை உடனடியாக அரசு அதிகாரிகள் கலந்து அறிவிப்பு வெளியிட வேண்டும்.

ஜல்லிக்கட்டு நடைபெறும் என்பதற்கான மத்திய அரசினுடைய நிலைப்பாட்டிற்கு உச்ச நீதிமன்றம் வலு சேர்க்க வேண்டும். இதன் மூலம் ஒரு காலக்கெடுவிற்குள் ஜல்லிக்கட்டு நடத்துவதற்கான சட்டத்தை உச்ச நீதிமன்றம் ஏற்படுத்த வேண்டும். இதற்காக மத்திய அரசும், தமிழக முதல்வரும், மத்திய அரசின் தமிழகப் பிரதிநிதிகளும் ஆக்கபூர்வமான நடவடிக்கைகளை எடுத்து மாணவ சமுதாயத்திற்கும், மக்களுக்கும் நம்பிக்கையை ஏற்படுத்த வேண்டும். இதனையே பொதுமக்கள் எதிர்பார்க்கிறார்கள். இந்த பணியை தமிழக நலன் கருதி, மாணவர்கள் நலன் கருதி அரசு உடனடியாக செய்யும் என்று நம்புகிறேன். எனவே இத்தகைய பணியை மத்திய, மாநில அரசுகள் மேற்கொள்ள வேண்டும்'' என்று வாசன் கூறியுள்ளார்.

English summary:

Chennai - Jallikattu has resulted in a rise in support of the struggle of students TMK leader Vasan said. As for the students, because that would create future pillars of the country, who thought achievable. A goal of the culture for the students, in order to preserve their culture, study, work, home, away from relatives, leaving the ban in the state should be done to ensure jallikattu protest themselves.

Read More

ஜல்லிக்கட்டு நடக்குமா?: கைவிரித்தார் பிரதமர்

புதுடில்லி: ஜல்லிக்கட்டு வழக்கு சுப்ரீம் கோர்ட்டில் வழக்கு உள்ளதால், தற்போது உதவ இயலாது என பிரதமர் மோடி கூறியுள்ளார்.

தமிழக முதல்வர் ஓ.பன்னீர்செல்வம் டில்லி சென்று பிரதமர் மோடியை சந்தித்தார். ஜல்லிக்கட்டுக்கு அவசர சட்டம் கொண்டு வர வேண்டும் எனவும், வறட்சிக்கு உதவ வேண்டும் எனவும் வலியுறுத்தினார்.

கைவிரிப்பு:

இதன் பின்னர் பிரதமர் மோடி கூறுகையில், ஜல்லிக்கட்டு வழக்கு சுப்ரீம் கோர்ட்டில் உள்ளதால் தற்போது உதவ இயலாது. ஜல்லிக்கட்டு கலாசார முக்கியத்துவம் வாய்ந்தது என்பதை ஒப்புக்கொள்கிறேன். ஜல்லிக்கட்டு தமிழர்களின் உணர்வுடன் ஒன்றிப்போனது என்பதை உணர்ந்துள்ளேன். ஜல்லிக்கட்டு தொடர்பாக தமிழக அரசு எடுக்கும் நடவடிக்கைக்கு மத்திய அரசு ஆதரவு அளிக்கும். ஜல்லிக்கட்டுக்கு ஆதரவு அளித்தாலும், இது தொடர்பாக வழக்கு சுப்ரீம் கோர்ட்டில் உள்ளது. இதனால், ஜல்லிக்கட்டு விவகாரத்தில் உடனடியாக ஏதும் செய்ய முடியாது.

மத்திய குழு:

வறட்சியை சமாளிக்க மாநில அரசுக்கு தேவையான உதவிகளை மத்திய அரசு செய்யும். விரைவில் மத்திய குழு ஒன்று தமிழகம் வரும் எனக்கூறியுள்ளார்.

English summary:

NEW DELHI: The Supreme Court case in jallikattu case because it would not help now, Modi said. O pannerselvam met Delhi Chief Minister Modi to visit. Jallikattu will have to come up with emergency legislation, insisting that aid to drought.

Read More

சீருடையில் ஜல்லிக்கட்டுக்காக சீறிய எஸ்.ஐ.,

சென்னை : மதுரையில் நடந்த ஜல்லிக்கட்டு ஆதரவு போராட்டத்தில் ஒரு போலீஸ் எஸ்.ஐ., சீருடையுடன் வந்து, தனது ஆதரவை தெரிவித்தார். இதனால் மாணவர்கள் உற்சாகமடைந்தனர்.

ஜல்லிக்கட்டு நடத்த வலியுறுத்தி தமிழகம் முழுவதும் பல்வேறு போராட்டங்கள் நடந்து வருகிறது. மதுரையில் மாணவர்கள் தமுக்கம் மைதானத்தில் இரண்டாவது நாளாக இன்றும் போராட்டம் நடத்தி வருகின்றனர்.

இந்த நிலையில் இங்கு பணியில் இருந்த டிராபிக் எஸ்.ஐ., சேகர,ன் சீருடையுடன் போராட்டம் நடத்திய மாணவர்கள் மத்தியில் வந்தார். இந்த போராட்டத்திற்கு எனது ஆதரவை தெரிவிக்கிறேன் என அனைவரையும் பார்த்து கை கூப்பி வணங்கினார்.

மெய்சிலிர்க்க வைக்கிறது;

தொடர்ந்து அவர் பேசுகையில் ; இந்த போராட்டம் என்னை மெய்சிலிர்க்க வைக்கிறது. எனது பணியே போனாலும் , பரவாயில்லை . நான் உங்களோடு நிற்பேன் என்றார்.

மாணவர்கள் கரகோஷம் எழுப்பினர். தொடர்ந்து அவருக்கு நன்றி தெரிவித்தனர். மேலும் , அய்யா நீங்கள் சீருடை போட்டுள்ளீர்கள் . ஆதலால் நீங்கள் போராட வேண்டாம். உங்கள் சார்பில் உங்கள் குடும்பத்தை சேர்ந்த மகன், மகள்களை எங்கள் போராட்டத்தில் சேர வையுங்கள் என கூறி எஸ்.ஐ.,யை வழி அனுப்பி வைத்தனர். எஸ்.ஐ., அளித்த ஆதரவால் மாணவர்கள் மேலும் உற்சாகமடைந்தனர்.

English Summary:

Chennai, Madurai jallikattu support the police in the fight SIS, came in uniform, offered his support. Inspired by the students.

Read More