கேரள தங்கக் கடத்தல் வழக்கு: ஸ்வப்னா சுரேஷுக்கு திடீர் நெஞ்சுவலி... ஐ.சி.யூ-வில் அனுமதி!

திருவனந்தபுரம் யு.ஏ.இ தூதரக பார்சல் வழியாக தங்கம் கடத்திய வழக்கு விசாரணை தொடர்ந்து நடந்துவருகிறது. யு.ஏ.இ தூதரக பார்சல் மூலமாகத் தங்கம் கடத்தியது கடந்த ஜூலை மாதம், 5-ம் தேதி, திருவனந்தபுரம் விமானநிலைய சுங்கத்துறை அதிகாரிகளால் கண்டுபிடிக்கப்பட்டது. தூதரக பார்சலை எடுப்பதற்காகக் கடிதத்துடன் வந்த ஸரித் என்பவர் முதலில் கைது செய்யப்பட்டார். பின்னர் கேரள தலைமைச் செயலகத்தில் ஐடி பிரிவில் தற்காலிகமாகப் பணி செய்துவந்த ஸ்வப்னா சுரேஷ் இதற்குப் பின்புலமாக இருந்ததாகத் தெரியவந்தது. ஸரித்தும் ஸ்வப்னாவும் இதற்கு முன்னர் யு.ஏ.இ தூதரகத்தில் பணி செய்ததும் தெரியவந்தது. இதற்கிடையில் பெங்களூரில் தலைமறைவாக இருந்த ஸ்வப்னா சுரேஷ் மற்றும் அவரின் நண்பர் சந்தீப் நாயர் ஆகியோர் கைது செய்யப்பட்டனர். ஸ்வப்னா சுரேஷுடன் நெருங்கிய தொடர்பிலிருந்த கேரள முதல்வரின் முதன்மைச் செயலாளர் சிவசங்கரன் அந்தப் பதவியிலிருந்து சஸ்பெண்ட் செய்யப்பட்டார். ஸ்வப்னாவின் வங்கி லாக்கரிலிருந்து ஒரு கிலோ தங்கம், சுமார் ஒன்றரை கோடி ரூபாய் பணம் ஆகியவை எடுக்கப்பட்டிருக்கின்றன. இந்த வழக்கில் துபாயிலிருந்து தங்கம் அனுப்பிவைக்கும் பைசல் ஃபரீத் என்பவரை இந்தியா கொண்டுவர முயற்சி நடந்துவருகிறது.ஸ்வப்னா வழக்கு தங்கக் கடத்தல் வழக்கில் தீவிரவாதிகளுக்குத் தொடர்பு இருப்பதாக கூறி, என்.ஐ.ஏ இந்த வழக்கைத் தீவிரமாக விசாரணை நடத்திவருகிறது. சுங்கத்துறை, அமலாக்கத்துறை உள்ளிட்டவையும் இந்த வழக்கு சம்பந்தமாக விசாரணை நடத்திவருகின்றன. கேரள தலைமைச் செயலக அலுவலகத்தின் சிசிடிவி கேமரா காட்சிகள் உள்ளிட்டவற்றை விசாரணை அதிகாரிகள் ஆய்வு செய்துவருகின்றனர். இந்த வழக்கில் சுமார் 20 பேர் கைது செய்யப்படுள்ளனர். நகைகளை விலைக்கு வாங்கிய கோழிக்கோட்டைச் சேர்ந்த நகைக்கடை உரிமையாளர்கள் உள்ளிட்டோர் இதில் அடக்கம். Also Read: கேரளா: `தூதரக அதிகாரியுடன் இணைந்து ரியல் எஸ்டேட்?’ - ஸ்வப்னா லாக்கரில் சிக்கிய பணம், தங்கம் கேரள அரசியலில் பெரும் புயலைக் கிளப்பியிருக்கிறது இந்த வழக்கு. இதில் கைது செய்யப்பட்டிருக்கும் ஸ்வப்னா சுரேஷ் திருச்சூர் விய்யூர் சிறையில் அடைக்கப்பட்டிருந்தார். இந்த நிலையில் நேற்று திடீரென அவருக்கு நெஞ்சுவலி ஏற்பட்டிருக்கிறது. இதையடுத்து அவர் திருச்சூர் மெடிக்கல் காலேஜ் ஆஸ்பத்திரியில் சிகிச்சைக்காக சேர்க்கப்பட்டார். `பெரிய அளவில் பிரச்னை இல்லையென்றாலும், சில நாள்கள் மருத்துவமனையில் தங்கி சிகிச்சை எடுக்க வேண்டும்’ என மருத்துவர்கள் தெரிவித்திருக்கிறார்கள். மருத்துவமனையில் ஐ.சி.யூ-வில் அட்மிட் செய்யப்பட்டிருக்கும் ஸ்வப்னா சுரேஷுக்கு சிகிச்சை அளிக்கப்பட்டு வருகிறது.ஸ்வப்னா சுரேஷ் டாக்டர்கள் நடத்திய எக்கோ பரிசோதனையில் ஸ்வப்னாவுக்கு பெரிய அளவில் பிரச்னை இல்லை எனவும் கூறப்படுகிறது. ஸ்வப்னா சிகிச்சை பெற்றுவரும் வார்டுக்கு வெளிப்பகுதியில் போலீஸார் பாதுகாப்புப் பணியில் ஈடுபட்டிருக்கிறார்கள். ஸ்வப்னாவுக்கு மருத்துவ சிகிச்சை முடித்த பிறகு மீண்டும் சிறையில் அடைக்கப்படுவார் என தெரிவிக்கப்பட்டிருக்கிறது. கேரள தங்கக் கடத்தல் வழக்கில் சிக்கிய ஸ்வப்னாவுக்கு திடீர் நெஞ்சுவலி ஏற்பட்டதால் பரபரப்பு ஏற்பட்டுள்ளது.
http://dlvr.it/RgHX7Y

Read More

`ஒரு லட்சம் மக்களுக்கு 138 காவலர்கள்... கங்கனாவுக்கு மட்டும் Y Plus?’-மஹூவா மொய்த்ரா எம்.பி காட்டம்

பாலிவுட் நடிகர் சுஷாந்த் சிங் மரணம் குறித்துத் தொடர்ந்து பேசிவருகிறார் நடிகை கங்கான ரனாவத். `அவரது மரணத்துக்கு நெப்போடிசம்தான் காரணம்’ என்றும், `பாலிவுட்டில் போதைப் பொருள்கள் அதிக அளவில் புழங்குகின்றன’ என்றும் தொடர்ந்து குற்றச்சாட்டை முன்வைத்துவருகிறார். பின்னர் மகாராஷ்டிரா அரசின் மீதும், மும்பை காவல்துறை மீதும் தொடர் குற்றச்சாட்டுக்களை முன்வைத்தார் கங்கனா. Sanjay Raut Shiv Sena leader has given me an open threat and asked me not to come back to Mumbai, after Aazadi graffitis in Mumbai streets and now open threats, why Mumbai is feeling like Pakistan occupied Kashmir? https://t.co/5V1VQLSxh1— Kangana Ranaut (@KanganaTeam) September 3, 2020 சமீபத்தில் கங்கனா தனது ட்விட்டர் பக்கத்தில், `சஞ்சய் ராவத் என்னை வெளிப்படையாக மும்பைக்கு வரக் கூடாது என்று மிரட்டுகிறார். மும்பை ஏன் பாகிஸ்தான் ஆக்கிரமிப்பு காஷ்மீர்போல் உணரப்படுகிறது?’ என்று பதிவிட்டிருந்தார். இந்தச் செய்தி பெரும் பேசுபொருளானது. கங்கனாவின் இந்தக் கூற்றுக்கு சிவசேனாவின் மூத்த தலைவர் சஞ்சய் ராவத், மகாராஷ்டிரா உள்துறை அமைச்சர் அனில் தேஷ்முக் ஆகியோர் கடும் கண்டனம் தெரிவித்தனர். அதோடு சஞ்சய் ராவத், `மும்பையை பாகிஸ்தான் ஆக்கிரமிப்பு காஷ்மீர் என்று கூறியதற்கு கங்கனா மன்னிப்புக் கேட்க வேண்டும்’ என்றும் தெரிவித்திருந்தார். இவர்களுக்கிடையே வார்த்தை மோதல்கள் பற்றி எரிய ஆரம்பித்தன. कायदा व सुव्यवस्था राखण्यासाठी आपले महाराष्ट्र व मुंबई पोलीस दल सक्षम आहे. त्यांच्याबद्दल आक्षेपार्ह विधान करणाऱ्या अभिनेत्रीचा मी तीव्र निषेध करतो. ज्यांना मुंबईत रहाणं सुरक्षित वाटत नाही, त्यांना मुंबई किंवा महाराष्ट्रात राहण्याचा अधिकार नाही. pic.twitter.com/0e1ucFDdJO— ANIL DESHMUKH (@AnilDeshmukhNCP) September 4, 2020 அதோடு சிவசேனா கட்சி சட்டமன்ற உறுப்பினர் பிரதாப் சர்நாயக் (Pratap Sarnaik) ``தேசவிரோதச் சட்டத்தின்கீழ் கங்கனா கைது செய்யப்பட வேண்டும்’’ என்றும், ``அவர் மும்பைக்கு வந்தால் மராட்டியப் பெண்கள் அவரின் கன்னத்தில் அறையாமல்விடக் கூடாது’’ என்றும் தெரிவித்திருந்தார். இந்தநிலையில் கங்கனா ரனாவத், `வரும் 9-ம் தேதி (இன்று) மும்பை வருகிறேன். முடிந்தால் தடுத்துப் பாருங்கள்’ என்று சவால் விடுத்திருந்தார். இந்நிலையில், கங்கனாவின் குடும்பத்தினர் ஹிமாச்சலப்பிரதேச முதல்வரைத் தொடர்புகொண்டு கங்கனாவுக்குப் பாதுகாப்பு அளிக்கக் கோரினர். இதற்கிடையே கங்கனாவுக்கு மத்திய ரிசர்வ் போலீஸ் படையின் ஒய் ப்ளஸ் பாதுகாப்பு வழங்க மத்திய உள்துறை அமைச்சகம் உத்தரவிட்டது. இதையடுத்து ஆயுதம் தாங்கிய 10 கமாண்டோக்கள் ஷிஃப்ட் முறையில் 24 மணி நேரமும் கங்கனாவுக்குப் பாதுகாப்பு அளிப்பார்கள் என்று தகவல்கள் வெளியாகியுள்ளன.ஒய் ப்ளஸ் பிரிவு பாதுகாப்பில், 11 காவலர்களால் பாதுகாப்புப்பணியில் ஈடுபடுவர். இரண்டு தனிப்பட்ட பாதுகாப்பு அதிகாரிகளும் இதில் அடங்குவர். மகாராஷ்டிரா உள்துறை அமைச்சர் அனில் தேஷ்முக் ``மகாராஷ்டிராவையும் மும்பையையும் அவமானப்படுத்திய ஒருவருக்கு ஒய் ப்ளஸ் பிரிவு பாதுகாப்பு வழங்கப்படுவதை கேட்கும்போது வலியும் வேதனையும் உண்டாகின்றன. மகாராஷ்டிராவை அவமதிக்கும் எவரையும் அனைவரும், அனைத்துக் கட்சியினரும் கண்டிக்க வேண்டும்’’ என்று கூறியிருக்கிறார்.மஹூவா மொய்த்ரா திரிணாமுல் காங்கிரஸ் நாடாளுமன்ற உறுப்பினர் மஹூவா மொய்த்ரா, ``குறைந்த அளவு காவலர்கள் உள்ள இந்தியா போன்ற நாட்டில், நடிகர்களுக்கு ஒய் ப்ளஸ் பாதுகாப்பு வழங்கப்படுவது ஆச்சர்யமளிக்கிறது” என்றார். ஒவ்வொரு லட்சம் மக்களுக்கும் 138 காவலர்கள் மட்டுமே இந்தியாவில் இருக்கிறார்கள் என்று சுட்டிக்காட்டிய அவர், பாலிவுட் நடிகைக்கு ஒய் ப்ளஸ் பாதுகாப்பை வழங்குவதன் பின்னணியிலுள்ள காரணம் என்ன என்று கேள்வி எழுப்பியிருக்கிறார். அதோடு, ``ஒரு லட்சம் மக்களுக்கு 138 காவலர்கள், உலக அளவில் 71 நாடுகளில் குறைந்த அளவு காவலர்களைக்கொண்ட நாடுகள் பட்டியலில் ஐந்தாவது இடத்தில் இந்தியா இருக்கும்போது பாலிவுட் கலைஞருக்கு ஏன் உயர்மட்ட பாதுகாப்பு வழங்கப்படவேண்டும்... இருக்கும் காவலர்களைச் சிறப்பாகப் பயன்படுத்த வேண்டாமா உள்துறை அமைச்சரே?" என்று விமர்சனமும் செய்திருக்கிறார்.
http://dlvr.it/RgHX7M

Read More

அவுட்டுக்காய் ஏற்படுத்திய காயம்! - தமிழக, கேரள எல்லையில் சுற்றி வந்த மக்னா யானை உயிரிழந்தது

கோவை மருதமலை அருகே வாயில் காயத்துடன் உணவு சாப்பிட முடியாமல் ஓர் மக்னா யானை கண்டறியப்பட்டது. வனத்துறை அந்த யானைக்கு சிகிச்சை அளிக்க முயன்றபோது, அது ஆனைக்கட்டி வழியாக கேரளாவுக்குள் சென்றுவிட்டது. கேரள வனத்துறையினர் அந்த யானைக்கு சிகிச்சை அளித்தநிலையில்,மக்னா யானை Also Read: கைவிட்ட தமிழக, கேரள வனத்துறை - வலியுடன் சுற்றித் திரியும் மக்னா யானை! மக்னா மீண்டும் தமிழகத்துக்குள் வந்தது. இதையடுத்து, கோவை வனத்துறையினர் அந்த யானைக்கு நோய் எதிர்ப்பு சக்தி மருந்துகளை வழங்கினர். வீடுகளை அதிகம் இடிப்பதால், கேரள மக்கள் அந்த யானைக்கு 'புல்டோசர்' எனப் பெயரிட்டிருந்தனர். அவுட்டுக்காய் எனப்படும் நாட்டு வெடிகுண்டால் யானையின் வாய் பகுதி காயமடைந்தது. முக்கியமாக, நாக்குப்பகுதி சிதறி, மேல் தாடை கடுமையாக பாதிக்கப்பட்டிருந்தது. காயமடைந்த மக்னா யானைக்கு உரிய சிகிச்சை கொடுக்காமல்,மக்னா யானை தமிழக – கேரள வனத்துறையினர் பரஸ்பரம் யானையை விரட்டிவிடுவதாக புகார் எழுந்தது. யானையை பட்டாசு வைத்து, சைரன் ஒலி எழுப்பி விரட்டியதற்கு வனவிலங்கு ஆர்வலர்கள் கண்டனமும் தெரிவித்திருந்தனர். "மயக்க ஊசி போட்டு பிடித்து சிகிச்சை கொடுத்தால், யானை உயிரிழக்க வாய்ப்புள்ளது. வாய்ப்பகுதி முழுவதும் சேதமடைந்திருப்பதால், அதனால் உணவும் சாப்பிட முடிவதில்லை. யானை சில நாள்கள்தான் உயிருடன் இருக்கும்" என்று வனத்துறையினர் கூறியிருந்தனர். இதனிடையே, மக்னா யானை நேற்று முன்தினம் மீண்டும் கேரளாவுக்கு சென்றது. மக்னா யானை இந்நிலையில், சோலையூர் அருகே மரப்பாலம் பகுதியில் சென்று கொண்டிருந்த யானை, முடியாமல் அப்படியே சாலை ஓரமாக படுத்துவிட்டது. பிறகு, அந்த யானை பரிதாபமாக உயிரிழந்துவிட்டது. உயிரிழந்த மக்னா யானைக்கு கேரள மக்கள் மலர் மாலையிட்டு அஞ்சலி செலுத்தினர்.
http://dlvr.it/RgFLRC

Read More

கிளையில் ஓய்வெடுத்த பாம்பு.. கச்சிதமாக தலையை தாவிப்பிடித்த கீரிப்பிள்ளை: த்ரில் வீடியோ

கீரிப்பிள்ளை மற்றும் பாம்புக்கு இடையில் நடக்கும் மற்றொரு சண்டைதான் தற்போது சமூக ஊடகங்களில் பெரும் வைரல். இந்த வீடியோவில் கீரிப்பிள்ளை அச்சமில்லாமல் கிளையில் பாய்ந்து பாம்பின் தலையை லாவகமாக பிடிக்கிறது. இக்காணொலியை மகாராஷ்டிராவின் மேற்கு நாசிக் பிரிவின் துணை வனபாதுகாவலர் அலுவலகம் ட்விட்டரில் பகிர்ந்துள்ளது. விஷமுள்ள பாம்புகளை, குறிப்பாக கோப்ராக்களை எதிர்த்துப் சண்டையிடுவதிலும் மற்றும் கொல்வதிலும் திறன் மிக்கது கீரிப்பிள்ளை. தற்போது வெளிவந்துள்ள 45 வினாடி குறுகிய வீடியோ கிளிப்பில்,  மரத்தின் குறைந்த உயரத்தில் தொங்கும் கிளைகளில் ஒரு பாம்பு ஓய்வெடுப்பதைக் காணலாம். அதன் அமைதியான ஓய்வில் ஒரு கீரிப்பிள்ளை குறுக்கிடுகிறது, அந்த கீரிப்பிள்ளை அமைதியாக உறங்கும் பாம்பின் தலைப்பகுதியை குறிவைத்து லாவகமாக கவ்வுகிறது, அதன்பிறகு கிளையிலிலிருந்து பாம்பினை தரையில் இழுத்து தள்ளுகிறது கீரி. பாம்பின் தலையை லாவகமாக பிடித்துள்ள காரணத்தால், பாம்பினால் கீரியுடன் எதிர்த்து சண்டையிட முடியவில்லை. இதனால் பாம்பை வீழ்த்துவதில் கீரிப்பிள்ளை வெற்றிகரமாக உள்ளது, பின்னர் கீரி, அந்த பாம்பை உறுதியாகப் பிடித்துக் கொண்டு இழுத்துசெல்வது தெரிகிறது. The smaller the creature, the bolder its spiritSurvival of the Fittest#wildearth #wildlife #greenscreen pic.twitter.com/wFLnGSRh3a — DCF West Nashik (@wnashik_forest) September 8, 2020 விஷமுள்ள பாம்புகளை எதிர்த்து கீரி துணிவுடன் போராடும்போது அவற்றின் சிறப்பு அசிடைல்கொலின் ஏற்பிகள், அவற்றை விஷத்திலிருந்து காக்கும் நோய் எதிர்ப்பு சக்தியை அளிக்கின்றன. டி.சி.எஃப் வெஸ்ட் நாசிக் இந்த வீடியோவை இன்று காலை ட்விட்டரில் பகிர்ந்துகொண்டபோது, "மிகச்சிறந்த உயிர்வாழ்வதற்கு" ஒரு எடுத்துக்காட்டு என்று பாராட்டினார். "சிறிய உயிரினம், தைரியமான உறுதி" என்று எழுதியுள்ளார். இதேபோல கடந்த மாதம், இந்திய வன சேவை அதிகாரி டாக்டர் அப்துல் கயூம் ஒரு சாலையின் நடுவில் ஒரு பாம்பு மற்றும் கீரி சண்டையிடும் வீடியோவைப் பகிர்ந்திருந்தார். The smaller the creature, the bolder its spirit Survival of the Fittest#wildearth #wildlife #greenscreen pic.twitter.com/wFLnGSRh3a— DCF West Nashik (@wnashik_forest) September 8, 2020
http://dlvr.it/RgCs43

Read More

கொரிய நிறுவனத்தின் வசம் செல்லும் பப்ஜி : மீண்டும் இந்தியாவிற்கு வர வாய்ப்பு..!

பப்ஜி கேம் செயலியின் மொத்த கட்டுப்பாட்டையும் தென் கொரிய நிறுவனம் வாங்கயிருப்பதால் இந்தியாவில் மீண்டும் அந்த கேம் வர வாய்ப்பு ஏற்பட்டுள்ளது. இந்திய பயன்பாட்டாளர்களின் பாதுகாப்பு மற்றும் நாட்டின் இறையான்மை நலன் கருதி 118 மொபைல் செயலிகளுக்கு மத்திய தொழில்நுட்பத்துறை அண்மையில் தடை விதித்தது. இதில் பப்ஜி கேம் செயலியும் ஒன்று. சீனா நிறுவனமான டென்செண்ட்டின் கட்டுப்பாட்டில் இருக்கும் இந்த பப்ஜி கேம் செயலியை, இந்தியாவில் 33 லட்சத்திற்கும் மேலானோர் பயன்படுத்தி வந்தனர். இந்நிலையில் திடீர் தடையால் அந்த கேமின் நிறுவனம் பெரும் இழப்பை சந்தித்தது. இருப்பினும் பப்ஜி இன்னும் இந்திய பயன்பாட்டாளர்களால் பயன்படுத்தப்பட்டு வருகிறது. அது விரைவில் பயன்படுத்தமுடியாத நிலைக்கு வரும் வகையில் நடவடிக்கை எடுக்கப்பட்டிருப்பதாக மத்திய தொழில்நுட்பத்துறை சார்பில் தெரிவிக்கப்பட்டுள்ளது. இந்நிலையில் இந்தியாவில் மீண்டும் அதிகாரப்பூர்வ இடத்தை பிடிப்பதற்கு பப்ஜி கார்ப்ரேஷன் நிறுவனம் முடிவு செய்துள்ளது. அதற்காக தங்கள் செயலின் கட்டுப்பாடுகள் முழுவதையும் சீன நிறுவனமான டென்செண்ட்டிடம் இருந்து மாற்றி, தென் கொரிய நிறுவனம் ஒன்றின் வசம் கொண்டு செல்லவுள்ளது. தொழில்நுட்ப கொள்கை ஒப்பந்தத்தின் படி, தென் கொரிய செயலிகளுக்கு இந்தியாவில் தடைவிதிக்க வாய்ப்பில்லை என்பதால் இந்த முடிவுக்கு பப்ஜி கார்ப்ரேஷன் சென்றுள்ளது. இதனால் இந்தியாவில் மீண்டும் பப்ஜி அதிராப்பூர்வமாக பயன்பாட்டுக்கு வரும் என எதிர்பார்க்கப்படுகிறது. போதைப் பொருள் விவகாரம் : நீண்ட விசாரணைக்கு பின் சுஷாந்த் சிங் காதலி ரியா கைது
http://dlvr.it/RgCs3V

Read More

தியேட்டர்களை எப்போது திறக்கலாம்?: திரையரங்க பிரதிநி‌திகளுடன் மத்திய அரசு இன்று பேச்சு

நாடெங்கும் ‌உள்ள திரையரங்குகளை மீண்டும் திறப்பது குறித்து அவற்றின் உரிமையாளர்களுடன் மத்திய அரசு இன்று ஆலோசனை நடத்த உள்ளது. மத்திய உள்துறை அமைச்சகத்தின் பேரிடர் மேலாண்மை பிரிவு நடத்தும் இந்த ஆலோசனை கூட்டம் காணொலி முறையில் நடைபெற உள்ளது. முதலில், வட மாநில திரையரங்குகளின் பிரதிநி‌திகளுக்கு இக்கூட்டத்திற்கு அழைப்பு ‌விடுக்கப்பட்ட நிலையில் தென்னிந்திய திரையரங்க பிர‌‌திநிதிகளுக்கு மட்டும் அழைப்பு எதுவும் வரவில்லை. இது சர்ச்சையை கிளப்பிய நிலையில் பிரச்னைக்கு முற்றுப்புள்ளி வைக்கும் வகையில் தென்னிந்திய பிரதிநிதிகளுக்கும் அழைப்பு விடுக்கப்பட்டது. இக்கூட்டத்தில் திரையரங்குகளை எப்போது திறப்பது என்ற முடிவு எடுக்கப்படும் எனத் தெரிகிறது. கொரோனா பொது முடக்கத்தால் கடந்த ஐந்தரை மாதங்களாக திரையரங்குகள் மூடப்பட்டுள்ளதால் திரைத்துறை ‌பல்லாயிரக்கணக்கா‌ன கோடி ரூபாய் இழப்பை சந்தித்துள்ளது. உரிய கட்டுப்பாடுகளுடன் திரையரங்குகளை மீண்டும்‌ திறக்க அனுமதிக்குமாறு திரையரங்க உரிமையாளர்கள் தொடர்ந்து கோரிக்கை வைத்து வருகின்றனர்.
http://dlvr.it/Rg9fmj

Read More

கேரளா: கொரோனா பாதித்த இளம் பெண்... ஆம்புலன்ஸில் பாலியல் வன்கொடுமை! - சிக்கிய ஓட்டுநர்

கேரள மாநிலம் பத்தணம்திட்டா மாவட்டம் அடூர் வடக்கோடத்துகாவு பகுதியில் இருந்து கொரோனா பாதித்த 45 வயது மற்றும் 20 வயது ஆன இரண்டு பெண்களுக்கு முதற்கட்ட சிகிச்சை அளிக்க 108 ஆம்புலன்ஸில் கொரோனா சிகிச்சை மையத்துக்கு நேற்று இரவு அழைத்துச் செல்லப்பட்டனர். ஆம்புலன்ஸ் டிரைவர் நெளஃபல் மற்றும் இரண்டு பெண்கள் மட்டுமே ஆம்புலன்ஸில் இருந்தனர். 42 வயது பெண்ணை கோழஞ்சேரி பொது மருத்துவமனையிலும், 20 வயது பெண்ணை பந்தளத்திலும் சிகிச்சைக்காக சேர்க்க வேண்டும் என நெளஃபலுக்கு அறிவுறுத்தப்பட்டிருந்தது. வடக்கோடத்துகாவு பகுதியில் இருந்து சுமார் 18 கிலோ மீட்டர் தூரத்தில் உள்ள கோழஞ்சேரி மருத்துவமனையில் 45 வயது பெண்ணை கொண்டுபோய் விட்டார் நெளஃபல். அடுத்ததாக பந்தளம் மருத்துவமனைக்கு 20 வயது பெண்ணை ஆம்புலன்ஸில் அழைத்துச் சென்றார். பந்தளம் செல்லும் வழியில் ஆறன்முளா விமான நிலையத்துக்காக நிலம் எடுக்கப்பட்ட ஒதுக்குப்புறமான பகுதியில் ஆம்புலன்சை நிறுத்தியுள்ளார் நெளஃபல். அங்கு ஆம்புலன்ஸில் இருந்த பெண்ணை மிரட்டி பாலியல் வன்கொடுமை செய்துள்ளார்.கேரள 108 ஆம்புலன்ஸ் அந்த பெண்ணிடம் தவறாக நடந்துவிட்டு, தன்னை மன்னிக்கும்படி வேண்டியிருக்கிறார் ஆம்புலன்ஸ் டிரைவர் நெளஃபல். மேலும் இதுபற்றி வெளியே கூற வேண்டாம் எனவும் அவர் கெஞ்சியிருக்கிறார். நெளஃபல் மன்னிப்புக் கேட்டதை அந்த பெண் தனது மொபைலில் ரகசியமாக பதிவு செய்திருக்கிறார். பின்னர் நெளஃபல் மீண்டும் ஆம்புலன்ஸை இயக்கி பந்தளம் மருத்துவமனையில் அந்த பெண்ணை இறக்கி விட்டுவிட்டு சென்றுவிட்டார். இதுகுறித்து அந்த பெண் நேற்று இரவு போலீஸில் புகார் அளித்ததைத் தொடர்ந்து ஆம்புலன்ஸ் டிரைவர் நெளஃபல் உடனடியாக கைது செய்யப்பட்டார். கொரோனா நோயாளிகளை ஆம்புலன்ஸில் அழைத்துச் செல்லும்போது சுகாதார பணியாளர் உடன் இருக்க வேண்டும் என்ற விதியை மீறி ஆம்புலன்ஸ் டிரைவர் செயல்பட்டுள்ளதாக கூறப்படுகிறது. கைது செய்யப்பட்ட ஆம்புலன்ஸ் டிரைவர் நெளஃபலுக்கு கொரோனா பரிசோதனை செய்ததில் கொரோனா தொற்று இல்லை என ரிசல்ட் வந்துள்ளது. இதையடுத்து கொட்டாரக்கரை சிறையில் உள்ள தனிமை மையத்துக்கு அவர் மாற்றப்பட்டுள்ளார். ஆம்புலன்ஸ் டிரைவர் நெளஃபல் மீது கடத்தல், பட்டியலின சித்திரவதை தடுப்புச்சட்டம் உள்ளிட்டவைகளின் கீழ் வழக்குப்பதிவு செய்யப்பட்டுள்ளது.கேரள சுகாதாரத்துறை அமைச்சர் கே.கே.சைலஜா இந்த வழக்கில் ஆம்புலன்ஸ் டிரைவர் நெளஃபலை காவலில் எடுத்து விசாரணை நடத்த போலீஸார் நடவடிக்கை எடுத்துள்ளனர். கேரள சுகாதாரத்துறை அமைச்சர் கே.கே.சைலஜா உத்தரவின்பேரில் நெளஃபல் ஆம்புலன்ஸ் டிரைவர் பணியில் இருந்து நீக்கப்பட்டார். பாதிக்கப்பட்ட பெண்ணுக்கு தனி அறையில் வைத்து சிகிச்சை அளிக்கப்பட்டு வருகிறது. இதுகுறித்து கேரள சுகாதாரத்துறை அமைச்சர் கே.கே. சைலஜா கூறுகையில், "ஆம்புலன்ஸ் டிரைவரின் இந்த செயல் எதிர்பாரதவிதமானது. கடந்த ஆட்சியில்தான் இந்த டிரைவர் நியமிக்கப்பட்டார். அனைத்து ஆம்புலன்ஸ் டிரைவர்களின் பின்னணிகள் குறித்து விசாரணை நடத்தப்படும். அபாய நிலையில் உள்ள நோயாளிகள் மட்டுமே இரவு நேரத்தில் ஆம்புலன்ஸில் அழைத்துச் செல்லப்படுவார்கள். பெண்களின் பாதுகாப்பு உறுதிப்படுத்தப்படும்" என்றார்.
http://dlvr.it/Rg6rRk

Read More