டென்னிஸ் வீரர் ரஃபேல் நாடலின் ஆடம்பர கைக்கடிகாரம்: விலை என்ன தெரியுமா?

உலகப் புகழ்பெற்ற விளையாட்டு வீரர்கள் விலை மதிப்புள்ள பொருட்களைப் பயன்படுத்துவதில் ஆர்வம் காட்டுவார்கள். ஆடம்பரமான கார்கள், ஷூக்கள், கைக்கடிகாரங்கள் எனப் பட்டியல் நீளமானது. அந்த வரிசையில், பிரெஞ்சு ஓப்பன் போட்டியில் விளையாடும் டென்னிஸ் வீரர் ரஃபேல் நடால் அணிந்திருக்கும் புதிய கைக்கடிகாரத்தின் விலை 7.69 கோடி ரூபாய் எனத் தெரியவந்துள்ளது. அந்த கைக்கடிகாரத்தின் எடை 30 கிராம்தான். ஆனால் விலையோ 1,050,000 டாலர்கள். இந்திய மதிப்பில் ரூ.7.69 கோடி. இந்த வகை கடிகாரங்கள் 50 மட்டுமே தயாரிக்கப்பட்ட லிமிடெட் எடிசன். அவரது கடிகாரம் தண்ணீரில் மிதக்கக்கூடியது என்று தெரிவிக்கப்பட்டுள்ளது மேலும், இந்த வடிவமைப்பு நடாலின் மணிக்கட்டில் வாழ்க்கையின் நம்பமுடியாத சக்திகளைத் தாங்கிக்கொள்ளும் என்றும் தெரிவிக்கப்பட்டுள்ளது. தனது ஆடம்பர கைக்கடிகாரங்களுக்காக ரஃபேல் நடால், சுவிஸ் பிராண்ட் ரிச்சர்ட்டு மல்லேயுடன் கூட்டு சேர்ந்திருந்தார். நடாலின் புதிய கைக்கடிகாரம் தொடர்பாக ஒரு விவாதமே சமூக வலைதளங்களில் நடந்துவருகிறது. அவரது ரசிகர்கள் வாழ்த்துகளுடன் பல்வேறு கருத்துக்களையும் தெரிவித்துவருகின்றனர்.   Richard Mille debuts new RM 27-04 Tourbillon Rafael Nadal - the fifth tourbillon watch developed in collaboration with Rafa, a limited edition to 50 pieces#RichardMille #Rafa #RafaNadal #RM2704 #tourbillon #ultraluxury #luxurywatch #LimitedEdition @Richard_Mille pic.twitter.com/YRgUpzItzn — CPP-LUXURY.COM (@cppluxury) September 24, 2020 வரலாறு காணாத அளவுக்கு உயர்ந்த முட்டை விலை..!        
http://dlvr.it/Rhs27F

Read More

சொதப்பிய முரளி விஜய் வெளியே… இது சென்னையின் மங்காத்தா..!

ஐதராபாத் அணிக்கு எதிரான லீக் ஆட்டத்தில் சென்னை சூப்பர் கிங்ஸ் அணியில் அம்பத்தி ராயுடு சேர்க்கப்பட்டுள்ளார்.  அதே நேரத்தில் ஓப்பனர் முரளி விஜய் வெளியேற்றப்பட்டுள்ளார். மும்பை உடனான முதல் லீக் ஆட்டத்தில் தொடை பகுதியில் ஏற்பட்ட தசைப்பிடிப்பு காரணமாக அதற்கடுத்த இரண்டு போட்டிகளிலும் ராயுடு விளையாடாமல் இருந்தார். தற்போது நூறு சதவிகிதம் ஃபிட்டான அவர் ஐதராபாத் அணிக்கு எதிரான ஆட்டத்தில் அணிக்கு திரும்பியுள்ளார். அதே  போல தொடர்ந்து சொதப்பி வந்த ஓப்பனர் முரளி விஜய் அணியிலிருந்து வெளியேற்றப்பட்டுள்ளார்.  அவரை அணியிலிருந்து நீக்குமாறு ரசிகர்கள் சமூக வலைத்தளங்களில் விமர்சித்து வந்ததும் குறிப்பிடத்தக்கது.
http://dlvr.it/RhqdtP

Read More

திமுக தலைவர் ஸ்டாலின் உட்பட 200பேர் மீது வழக்குப்பதிவு

புதுசத்திரம் பகுதியில் தடையை மீறி கிராமசபை கூட்டம் நடத்தியதாக கொரட்டூர் கிராம நிர்வாக அலுவலர் அளித்த புகாரில், திமுக தலைவர் ஸ்டாலின் மீது வெள்ளவேடு காவல்துறையினர் வழக்குப்பதிவு செய்துள்ளனர். திருவள்ளூர் மாவட்டம் பூந்தமல்லியை அடுத்த புதுசத்திரம் பகுதியில் திமுக தலைவர் மு.க.ஸ்டாலின் தலைமையில் கிராமசபை கூட்டம் நடைபெற்றது. இதில் 200-க்கும் மேற்பட்டோர் கலந்து கொண்டனர். கொரோனா தடை உத்தரவு அமலில் உள்ளதால் கிராம சபை கூட்டத்தை அரசு ரத்து செய்துள்ளது.  இந்நிலையில், கூட்டம் கூடியதாக கொரட்டூர் கிராம நிர்வாக அலுவலர் அல்போன்சா, வெள்ளவேடு காவல் நிலையத்தில் புகார் அளித்திருந்தார். அதில் கொரோனா தடை உத்தரவை மீறி கொரட்டூர் ஊராட்சி மன்ற தலைவர் பாஸ்கர் ஏற்பாட்டில் நடத்தப்பட்ட கிராமசபை கூட்டத்தில் பங்கேற்ற திமுக தலைவர் மு.க. ஸ்டாலின், திருவள்ளூர் திமுக தெற்கு மாவட்ட செயலாளர் ஆவடி நாசர், பூந்தமல்லி எம்.எல்.ஏ கிருஷ்ணசாமி உள்ளிட்ட 200 பேர் மீது புகார் அளித்திருந்தார்.   அந்தப் புகாரின் பேரில் வெள்ளவேடு காவல் துறையினர், தடை உத்தரவை மீறுதல், அரசு உத்தரவை மீறுதல், கொரோனா பேரிடர் சட்டத்தை மீறுதல் (143 பிரிவு, 188 பிரிவு, 15 டி.எம்) ஆகிய 3 பிரிவுகளின் கீழ் 200 பேரின் மீதும் வழக்குப்பதிவு செய்துள்ளனர்.
http://dlvr.it/RhpWNn

Read More

`பெங்களூரில் மாயமான சிறுமி களியக்காவிளையில் மீட்பு!’ - கர்நாடக போலீஸாரிடம் ஒப்படைப்பு

கேரள மாநிலம் திருவனந்தபுரம் காட்டாக்கடை பகுதியை சேர்ந்த ஜோசப் ஜான் என்பவர் தனது மூன்றாவது மனைவி எஸ்தருடன் நேற்று முன்தினம் இரவு களியக்காவிளை பேருந்து நிலையத்தில் நின்றுகொண்டிருந்தார். அப்போது அவர்களிடம் இருந்த ஐந்து வயது குழந்தை விடாமல் அழுதுகொண்டிருந்தது. எட்டு வயதுடைய மற்றொரு சிறுவனும் அங்கு நின்றுகொண்டிருந்தான். பெண் குழந்தையின் அழுகையை அங்கு ரோந்து சென்ற களியக்காவிளை இன்ஸ்பெக்டர் எழிலரசி கவனித்தார். சந்தேகம் அடைந்த இன்ஸ்பெக்டர் அவர்களிடம் விசாரணை நடத்தினர். அதில் ஜோசப் ஜாண் அந்த பெண் குழந்தையை கர்நாடகா மாநிலம்.பெங்களூரில் இருந்து கடத்தி வந்தது தெரியவந்தது. இதையடுத்து ஜோசப் ஜாண் மற்றும் அவரது மனைவி எஸ்தர் மற்றும் இரண்டு குழந்தைகளையும் களியக்காவிளை காவல் நிலையம் அழைத்துச் சென்று விசாரணை நடத்தினர்.தாயுடன் குழந்தை விசாரணையில் அந்த எட்டு வயது சிறுவனின் பெயர் ஜோபின் என்றும். அவன் ஜோசப் ஜானின் இரண்டாவது மனையின் மகன் என்பது தெரியவந்தது. ஐந்து வயது சிறுமியின் பெயர் ரோஹிதா என்றும் தெரியவந்தது. ரோஹிதாவை பெங்களூரில் வைத்து காணவில்லை என குழந்தையின் தாய் கார்த்திகேஸ்வரி உப்பர்பேட்டா காவல் நிலையத்தில் ஏற்கெனவே புகார் அளித்திருப்பது தெரியவந்தது. இதையடுத்து கன்னியாகுமரி மாவட்ட எஸ்.பி பத்ரி நாராயணன் கர்நாடகா காவல்துறைக்கு தகவல் அளித்தார். மேலும் எட்டு வயது சிறுவனின் தாய்க்கும் தகவல் அளித்தனர். அவர் வரும் வரை சிறுவனை காப்பகத்தில் பாதுகாப்பாக வைக்க குமரி போலீஸார் முடிவு செய்துள்ளனர். இதற்கிடையே கர்நாடகா போலீஸ் மற்றும் சிறுமியின் தாய் கார்த்திகேஸ்வரி ஆகியோர் நாகர்கோவிலுக்கு இன்று வந்தனர். கார்த்திகேஸ்வரி அது தனது குழந்தை என அடையாளம் காட்டினார். அந்த குழந்தையும் தாயிடம் சென்றது. இதையடுத்து கர்நாடக காவல்துறை அதிகாரிகளிடம் குழந்தை ஒப்படைக்கப்பட்டது.குழந்தை கடத்தல் வழக்கில் கைது செய்யப்பட்டவர்கள் கர்நாடகா காவல்துறை குழந்தை கடத்தப்பட்டது குறித்து ஏற்கெனவே வழக்கு பதிவு செய்துள்ளதால் குழந்தையை கடத்தி வந்த ஜோசப் ஜான் மற்றும் எஸ்தர் ஆகியோரும் கர்நாடக போலீஸாரிடம் ஒப்படைக்கப்பட்டனர். ரோட்டோரம் நின்ற சிறுமிக்கு ஐஸ்கிரீம் வாங்கிகொடுத்து ஜோசப் ஜான் கடத்தியுள்ளது தெரியவந்துள்ளது. ஜோசப் ஜாணுக்கு வேறு கடத்தல்களில் தொடர்பு உள்ளதா என்பது குறித்து கர்நாடகா போலீஸார் விசாரணை நடத்துவார்கள் என கூறப்படுகிறது. Also Read: `ஐஸ்க்ரீம் வாங்கிக்கொடுத்து சிறுமியைக் கடத்தினேன்!' - அதிரவைத்த சிறுவன்; சிக்கிய கேரளத் தம்பதி
http://dlvr.it/RhnTDx

Read More

ஹத்ராஸ்: பெண்ணின் குடும்பத்தைச் சந்திக்க சென்ற ராகுல், பிரியங்கா... தடுத்து நிறுத்தப்பட்டு கைது!

உத்தரப்பிரதேச மாநிலம் ஹத்ராஸ் பகுதியில் 19 வயது இளம் பெண் நான்கு பேரால் கூட்டுப் பாலியல் வன்கொடுமை செய்யப்பட்டார். முதுகுத் தண்டு பாதிக்கப்பட்டு, நாக்கு துண்டான நிலையில் மருத்துவமனையில் அனுமதிக்கப்பட்ட இவர் கடந்த இரண்டு வாரத் தொடர் சிகிச்சைக்குப் பிறகு நேற்று முன் தினம் மருத்துவமனையிலேயே உயிரிழந்தார். இந்த பெண்ணின் மரணம் மொத்த நாட்டையும் உலுக்கியுள்ளது. மேலும் இவரின் பெற்றோரின் அனுமதியில்லாமலேயே காவலர்கள் அவரது உடலைத் தகனம் செய்ததாக ஒரு தகவலும், அப்படி எதுவும் இல்லை தகனம் செய்யப்பட்ட இடத்தில் பெண்ணின் தந்தை இருந்தார் என்ற மாறுபட்ட தகவல்களும் சொல்லப்படுகின்றன. Rahul gandhi உத்தரப்பிரதேசத்தில் தொடர்ந்து பாலியல் வன்கொடுமை மற்றும் பெண்களுக்கு எதிரான குற்றச் சம்பவங்கள் நடந்துவருவதாக தேசிய குற்றவியல் அமைப்பின் புள்ளி விவரங்கள் தெரிவிக்கின்றன. இதனால் உத்தரப்பிரதேச முதல்வர் யோகி ஆதித்யநாத் பதவி விலக வேண்டும் எனப் பல அரசியல் தலைவர்களும் பொது மக்களும் கருத்து தெரிவித்து வருகின்றனர். இந்நிலையில் ஹத்ராஸ் சம்பவம் தொடர்பாகப் பேசியுள்ள காங்கிரஸ் தலைவர் சோனியா காந்தி. ``முதல்வர் யோகி ஆதித்யநாத் தலைமையிலான அரசு இந்த கொடூரச் செயலை மூடி மறைக்கப் பார்க்கிறது. ஹத்ராஸின் நிர்பயாவை சரியாகச் சிகிச்சை பெற விடவில்லை. அந்த பெண் இறந்ததுக்கு மாநில அரசின் அலட்சியமும் பொறுப்பற்ற செயலும்தான் காரணம். அப்பெண் உயிருக்குப் போராடிய போதும் அவருக்குச் சரியான சிகிச்சை அளிக்காமல், இறந்த பின்னும் அவருக்குச் செய்ய வேண்டிய காரியங்களை குடும்பத்தைச் செய்ய விடாமல், போலிசார்களே உடலை எரித்துள்ளனர். இறக்கும் போதும் அவருக்கு மரியாதை அளிக்காமல் அனாதைபோல் நடத்தியுள்ளனர். அவரின் குடும்பத்திற்கும் அழுகும் அவர் தாயாருக்கும் அவர்களின் மகளைக் கடைசியாக பார்க்ககூட முடியாதவாறு செய்துவிட்டனர். இது மிகப் பெரிய பாவம். இது போன்ற அநீதிகளைப் பார்த்து இந்த நாடு அமைதியாக இருக்காது. கேள்விகள் கேட்கப்படும்” என்று தெரிவித்துள்ளார். இதே சம்பவம் தொடர்பாகப் பேசிய கிழக்கு உத்தரப்பிரதேச காங்கிரஸ் பொதுச் செயலாளர் பிரியங்கா காந்தி, ``பாதிக்கப்பட்டவரையும் அவர் குடும்பத்தையும் பாதுகாக்காமல் இந்த அரசு அவரின் இறப்பின் போதுகூட மனிதநேயத்துடன் நடத்த மறுத்திருக்கிறது. முதலமைச்சர் யோகி ஆதித்யநாத் தன் பதவியிலிருந்து விலக வேண்டும்” என்று கூறியுள்ளார். Priyanka gandhi and Rahul gandhi இந்த சம்பவத்துக்குப் பிறகு மொத்த உத்தரப்பிரதேசமும் கொதிப்பில் உள்ளது. உயிரிழந்த பெண்ணுக்கு நீதிகேட்டு மாநிலத்தின் பல்வேறு இடங்களில் போராட்டங்கள் நடந்து வருகின்றன. இதற்கிடையில் காங்கிரஸ் முன்னாள் தலைவர் ராகுல் காந்தியும் அவரது சகோதரி பிரியங்கா காந்தியும் ஹத்ராஸ் சென்று பாதிக்கப்பட்ட குடும்பத்தை நேரில் சந்தித்து ஆறுதல் தெரிவிக்கவுள்ளதாகத் தகவல் வெளியானது. இதனையடுத்து மாவட்டம் முழுவதும் 144 தடை உத்தரவு பிறப்பிக்கப்பட்டு மாவட்ட எல்லைகள் முற்றிலுமாக அடைக்கப்பட்டன. இருந்தும் ராகுலும், பிரியங்காவும் இன்று பிற்பகல் ஹத்ராஸ் பகுதிக்கு காரில் வந்துள்ளனர். பாதி வழியிலேயே அவர்களை போலீஸார் தடுத்து நிறுத்தியதால் காரை விட்டு இறங்கி இருவரும் சாலையில் நடந்து சென்றனர். இதனால் அங்கு பெரும் பரபரப்பு நீடிக்கிறது. ``காவலர்கள் என்னைத் தள்ளுகிறார்கள் என் மீது லத்தி சார்ஜ் செய்து கீழே தள்ளுகிறார்கள். எனக்கு ஒன்று தெரியவேண்டும், இந்த நாட்டில் பிரதமர் மோடி மட்டும் சாலையில் சுதந்திரமாக நடக்க வேண்டுமா? சாதாரண மனிதர்கள் நடக்கக்கூடாதா. என்னுடைய வாகனம் நிறுத்தப்பட்டது. அதனால் நான் இறங்கி நடந்து செல்கிறேன். ஆனால், அதற்கும் போலீஸார் அனுமதி மறுக்கின்றனர்” என்று ராகுல் காந்தி பேசியுள்ளார். Rahul gandhi ஹத்ராஸில் இருந்து 142 கிலோ மீட்டர் தொலையில் உள்ள கிரேட்டர் நொய்டாவிலேயே ராகுல் காந்தியின் கார் நிறுத்தப்பட்டுள்ளது. அங்கிருந்து காங்கிரஸ் தொண்டர்களுடன் இருவரும் நடந்து சென்றுள்ளனர். அப்போது முதல்வர் யோகி ஆதித்யநாத்துக்கு எதிரான கோஷங்களையும் எழுப்பியுள்ளனர். ராகுல் காந்தியும், பிரியங்கா காந்தியும் ஊரடங்கு உத்தரவுகளை மீறியதாகக் கூறி அவர்கள் இருவரும் கைது செய்யப்பட்டுள்ளதாக தகவல் வெளியாகியுள்ளது. இதனால் உத்தரப்பிரதேசத்தில் பதற்றம் அதிகரித்துள்ளது.
http://dlvr.it/Rhkjd7

Read More

"தோற்றாலும் அதிபர் பதவியை விட்டுத்தரமாட்டேன்"-அடம்பிடித்த ட்ரம்ப் !

தேர்தலில் தோற்றாலும், அதிபர் பதவியை விட்டுத்தரமாட்டேன் என அதிபர் ட்ரம்ப் அடம்பிடித்தது சலசலப்பை ஏற்படுத்தியுள்ளது. அமெரிக்க அதிபர் தேர்தலையொட்டி நேருக்கு நேர் விவாதத்தில் ஈடுபட்ட அதிபர் ட்ரம்பும், ஜோ பைடனும் பரஸ்பர குற்றச்சாட்டுக்களை முன்வைத்தனர். அமெரிக்க அதிபர் தேர்தலுக்கான முதலாவது நேரடி விவாதம் இன்று நடைபெற்றது. இதில்‌ குடியரசு கட்சி சார்பில் போட்டியிடும் தற்போதைய அதிபர் ட்ரம்பும், ‌ஜனநாயக கட்சி சார்பில் போட்டியிடும் ஜோ பைடனும் பங்கேற்றனர். 90 நிமிடங்கள் நடைபெற்ற இந்த விவாதத்தில் ட்ரம்பும் ஜோ பைடனும் அனல் தெறிக்க மோதிக்கொண்டனர். இந்நிகழ்ச்சியை கிஸ் வாலஸ் என்பவர் தொகுத்து வழங்கினார். கொரோனா ப‌ரவலால் பார்வையாளர்கள் இன்றி, கைக்குலுக்கல், வாழ்த்து பரிமாற்றங்களின்றி வி‌வாத நிகழ்ச்சி நடைபெற்றது. உச்சநீதிமன்ற நீதிபதி நியமனம், கொரோனா தொற்று, பொருளாதாரம், இனவெறி வன்முறை உள்ளிட்ட ஆறு முக்கிய தலைப்புகள் குறித்து இரு தலைவர்களும் விவாதித்தனர். தேர்தல் பணி ஆரம்பித்த பின் உச்சநீதிமன்ற நீதிபதிகளை நியமிப்பதா? என ஜோ பைடன் கேள்வி எழுப்பினார். இதற்கு பதிலளித்த அதிபர் ட்ரம்ப், 4 ஆண்டுகள் நாட்டை ஆள உரிமை பெற்ற தனக்கு நீதிபதியை நியமிக்க உரிமை இருப்பதாக வாதிட்டார். தொடர்ந்து பேசிய ஜோ பைடன், கொரோனா பரவலை கட்டுப்படுத்த நடவடிக்கை எடுக்கவில்லை என குற்றஞ்சாட்டினார். கொரோனா நெருக்கடியிலும் சிறப்பாக செயல்பட்டுவருவதாக ஆளுநர்களே பாராட்டியுள்ளனர் என ட்ரம்ப் தற்புகழ் பாடினார். எந்த அளவுக்கு பொருளாதாரத்தை சிதைக்க முடியுமோ அந்த அளவிற்கு ட்ரம்ப் சிதைத்துவிட்டார் என சாடிய ஜோ பைடனுக்கு பதிலடி கொடுத்த ட்ரம்ப், சீன வைரஸே பொருளாதாரத்தை சீர்குலைத்தது என்றும், ஒரு கோடி பேருக்கு புதிய வேலைவாய்ப்பை தந்துவிட்டோம் என்றும் தெரிவித்தார். ட்ரம்ப் ஒரு கோமாளி என விமர்சித்த ஜோ பைடனிடம், தன்னை தவறாக சித்தரிக்க வேண்டாம் என அதிபர் ட்ரம்ப் கடிந்து கொண்டார். ட்ரம்ப் கறுப்பி‌னத்தவர்களுக்கு எதிரானவர் என விமர்சித்தார் ஜோ பைடன். இதற்கு, "ஆப்பிரிக்க அமெரிக்கர்களை, வேட்டையாடுபவர்கள் என பைடன் கூறவில்லையா என ட்ரம்ப் எதிர் கேள்வி எழுப்பினார். தேர்தலில் தோற்றுவிட்டால் அமைதியான முறையில் பதவி விலகமாட்டேன் என்றும், தபால் மூலம் வாக்களிப்பது மோசடிக்கு வழிவகுக்கும் என்றும் அதிபர் ட்ரம்ப் மீண்டும் குற்றஞ்சாட்டினார். பல்லாயிரக்கணக்கான வாக்குகளை தனக்கு ஆதரவாக பைடன் மாற்ற முயற்சிப்பதாக தெரிவித்த ட்ரம்ப், தேர்தலில் மோசடி நடந்தால் உச்சநீதிமன்றம் வரை செல்வேன் என்றும் அதிரடியாக தெரிவித்தார். தொடர்ந்து ஜோ பைடனை ஊக்கமருந்து சோதனைக்கு உட்படுத்த வேண்டும் என அதிபர் ட்ரம்பும், ட்ரம்ப் வருமான வரியை முறையாக செலுத்தவில்லை என பைடனும் மாறி மாறி குற்றஞ்சாட்டியதால் விவாத அரங்கம் போர்களமானது. விவாதத்திற்கு பின் நடத்தப்பட்ட கருத்துக்கணிப்பின்படி, 10இல் 6 பேர் ஜோ பைடன் நியாயமாக வாதிட்டதாக கருத்து தெரிவித்துள்ளனர். முதல் விவாதமே அதிபர் ட்ரம்புக்கு எதிராக திரும்பியுள்ளது. இரண்டாவது மற்றும் மூன்றாவது விவாதங்கள் அக்டோபர் மாதம் 15, 22 ஆம் தேதி நடைபெறவுள்ளன.
http://dlvr.it/RhjF8G

Read More

`ஐஸ்கிரீம் வாங்கிக்கொடுத்து சிறுமியைக் கடத்தினேன்!' - அதிரவைத்த சிறுவன்; சிக்கிய கேரளத் தம்பதி

கேரள மாநிலம் திருவனந்தபுரம் காட்டாக்கடை பகுதியைச் சேர்ந்த ஜோசப் ஜான் என்பவர் தனது மனைவி எஸ்தர், ஒரு ஆண் மற்றும் ஒரு பெண் குழந்தைகளோடு களியக்காவிளை பேருந்து நிலையத்தில் பேருந்துக்காக நின்றுகொண்டிருந்தனர். அப்போது அந்தப் பெண் குழந்தை தொடர்ந்து அழுதுகொண்டே இருந்தது. அந்த பகுதியில் ரோந்து சென்றுகொண்டிருந்த களியக்காவிளை இன்ஸ்பெக்டர் எழிலரசி இதைப் பார்த்து குழந்தை அழுவதற்கு என்ன காரணம் என கேட்டுள்ளனர். அதற்கு அந்த தம்பதியினர் முன்னுக்குப் பின் முரணாகத் தகவல் கூறியுள்ளனர். இதனால், சந்தேகம் அடைந்த இன்ஸ்பெக்டர் அவர்களுடன் வந்த சிறுவனை தனியாக அழைத்து விசாரணை நடத்தினர். அதில், ``கடந்த 25 நாளுக்கு முன்னாடி பெங்களூர் மெஜஸ்டிக் பகுதியில இருந்து அந்த குழந்தைக்கு ஐஸ்கிரீம் வாங்கி கொடுத்து, நான்தான் கடத்தினேன்" எனக்கூறி அதிர வைத்தான் அந்த சிறுவன்.போலீஸ் பிடியில் கேரளத் தம்பதி இதையடுத்து அவர்களை களியக்காவிளை காவல் நிலையத்திற்கு அழைத்துச் சென்று போலீஸார் விசாரணை நடத்தினர். இதில், அந்த சிறுமி கர்நாடக மாநிலம் பெங்களூரில் காணாமல்போன குழந்தை என தெரியவந்துள்ளது. இதுகுறித்து போலீஸார் கூறுகையில், ``திருவனந்தபுரம் காட்டாக்கடையைச் சேர்ந்த ஜோசப் ஜான் மற்றும் அவரது மூன்றாவது மனைவி எஸ்தர் ஆகியோர்தான் குழந்தைகளுடன் களியக்காவிளை காவல் நிலையத்தில் சிக்கியவர்கள். அவர்களுடன் வந்த எட்டு வயது சிறுவன் பெயர் ஜோபின். அந்த சிறுவன் ஜோசப் ஜானின் இரண்டாவது மனைவியின் மகன் எனக் கூறப்படுகிறது. அவர்கள் அழைத்து வந்த 5 வயது சிறுமியின் பெயர் ரோஹிதா. இந்த இரண்டு குழந்தைகள் பெயரிலும் ஆதார் கார்டு வைத்துள்ளனர். அது போலியாக இருக்கலாம் என சந்தேகிக்கிறோம். Also Read: பஞ்சாப்: `எனக்கு பயமில்லை!' திருடர்களை மடக்கி பிடித்த 15 வயது சிறுமி இதற்கிடையில், கர்நாடகா மாநிலம் உப்பர்பேட்டா காவல் நிலைய எல்லைக்குள் காணமல்போன குழந்தை குறித்த புகைப்படம் அம்மாநில காவல்துறையால் வெளியிடப்பட்டுள்ளது. அந்த புகைப்படமும் இந்த சிறுமியின் புகைப்படமும் ஒத்துப்போகிறது. எனவே, இதுகுறித்து கன்னியாகுமரி எஸ்.பி பத்திரி நாராயணன் கர்நாடக போலீஸாருக்குத் தகவல் தெரிவித்துள்ளார்.குழந்தை காணாமல் போனது குறித்து கர்நாடகா போலீஸார் வெளியிட்ட தகவல் கர்நாடக போலீஸாருடன் அந்தக் குழந்தையின் பெற்றோரான விஜயகுமார், கார்த்திகேஸ்வரி ஆகியோர் அங்கிருந்து களியக்காவிளைக்கு வந்துகொண்டிருக்கிறார்கள். அவர்கள் வந்த பிறகுதான் முழு தகவலும் வெளியே வரும். இரண்டு குழந்தைகளும் நாகர்கோவில் காப்பகத்தில் ஒப்படைக்கப்பட்டுள்ளனர். கர்நாடக போலீஸார், சிறுமி காணாமல்போனது குறித்து ஏற்கெனவே வழக்குப்பதிவு செய்துள்ளதால் களியக்காவிளை காவல் நிலையத்தில் தனியாக வழக்குப்பதிவு செய்யவில்லை" என்றனர்.
http://dlvr.it/RhjF5f

Read More