`நம்மிடம் இருந்து பறித்தவற்றை நாம் திரும்பப் பெற வேண்டும்!’ - விடுதலைக்குப் பின் மெஹ்பூபா முப்தி

ஜம்மு காஷ்மீர் மாநிலத்துக்குச் சிறப்பு அந்தஸ்து வழங்கிய சட்டப்பிரிவு 370, மத்திய அரசால் கடந்த ஆண்டு ஆகஸ்ட் மாதம் ரத்துசெய்யப்பட்டது. மேலும், அந்த மாநிலத்தை ஜம்மு - காஷ்மீர் மற்றும் லடாக் என இரண்டு யூனியன் பிரதேசங்களாகவும் அறிவித்தது மத்திய அரசு. இதற்கு எதிர்ப்பு தெரிவித்து நடக்கும் போராட்டங்களையொட்டி முன்னெச்சரிக்கை நடவடிக்கையாக, மத்திய அரசு, பல கட்டுப்பாடுகளை அந்தப் பகுதிகளில் விதித்தது. அணிவகுப்பு மற்றும் பேரணிகளைத் தடைசெய்தல், இணையதள சேவை மற்றும் மொபைல் சேவைகளைத் தடை செய்தல் ஆகியவையும் இதில் அடங்கும். பாதுகாப்புக்காக ராணுவ வீரர்களை அந்தப் பகுதியில் அதிக அளவில் நிறுத்தியதோடு மட்டுமல்லாமல், நூற்றுக்கணக்கான முக்கிய அரசியல் தலைவர்களையும் தடுப்பு காவலில் வைத்தனர்.மெஹ்பூபா முப்தி இந்தச் சம்பவம் நடைபெற்று ஓராண்டு கடந்துவிட்ட நிலையில், அங்கு படிப்படியாக தளர்வுகள் வழங்கப்பட்டுவருகின்றன. தடுப்பு காவலில் வைக்கப்பட்டிருந்த தலைவர்களும் படிப்படியாக விடுதலை செய்யப்பட்டுவந்தனர். இருப்பினும், ஜம்மு காஷ்மீர் முன்னாள் முதல்வர் மெஹ்பூபா முப்தி மட்டும் தொடர்ந்து தடுப்பு காவலில் வைக்கப்பட்டிருந்தார். இதற்கிடையே அவர் மீது பொது பாதுகாப்புச் சட்டமும் பாய்ந்தது. மெஹ்பூபா முப்தியை விடுதலை செய்யக் கோரி உச்ச நீதிமன்றத்தில் வழக்கு ஒன்றும் தொடரப்பட்டிருந்தது. அவரின் விடுதலை தொடர்பாக நீதிமன்றமும் கேள்வி எழுப்பியிருந்தது. இந்தநிலையில் 14 மாதங்களாக வீட்டுச் சிறையில் அடைக்கப்பட்டிருந்த மெஹ்பூபா முப்தி விடுதலை செய்யப்பட்டிருக்கிறார். இதை ஜம்மு-காஷ்மீர் யூனியன் பிரதேசத்தின் நிர்வாக செய்தித் தொடர்பாளர் ரோஹித் கன்சால் அறிவித்திருக்கிறார். மெஹ்பூபா முப்தியின் ட்விட்டர் பக்கத்திலும் அவரது விடுதலை தொடர்பாகக் கருத்துகள் பதியப்பட்டிருந்தன. Also Read: `சப்பாத்தியில் மறைத்துக் கடிதம் எழுதினேன்!’ -தாயுடன் பேசிய ரகசியத்தைப் பகிரும் மெஹ்பூபா முப்தி மகள்மகள் இல்டிஜா -மெஹ்பூபா விடுதலை செய்யப்பட்டப் பின்னர் மெஹ்பூபா முப்தி ஆடியோ மூலம் மக்களிடம் பேசுகையில், ``டெல்லி தர்பார் சட்ட விரோதமாகவும், ஜனநாயகத்துக்கு எதிராகவும் நம்மிடமிருந்து பறித்தவற்றை நாம் திரும்பப் பெற வேண்டும். அதுமட்டுமல்ல, காஷ்மீரின் பிரச்னைகள் தீர்க்கப்பட வேண்டும். அதற்காகத்தான் எத்தனையோ காஷ்மீரிகள் தங்கள் உயிர்களைத் தியாகம் செய்திருக்கிறார்கள். அதை நாம் பெறுவதற்கான பாதை நிச்சயம் எளிதானதாக இருக்காது. ஆனால் கடினமான முயற்சிகள் தொடர வேண்டும். இன்னும் சட்டவிரோதமாகத் தடுப்பு காவலில் இருப்பவர்களை உடனடியாக விடுதலை செய்ய வேண்டும்” எனக் கேட்டுக்கொண்டார். வரும் வெள்ளிக்கிழமை அன்று மெஹ்பூபா, செய்தியாளர்களை சந்திக்கவிருப்பதாகக் கூறப்படுகிறது. உமர் அப்துல்லாவும் அவரின் தந்தை ஃபரூக் அப்துல்லாவும் தடுப்பு காவலிலிருந்து கடந்த மார்ச் மாதம் விடுதலை செய்யப்பட்டனர். Also Read: `டிப்ஸ் வேண்டுமா.. குவாரன்டைனில் 8 மாத அனுபவம் இருக்கு..!’ -விடுவிக்கப்பட்டார் உமர் அப்துல்லா
http://dlvr.it/RjZlTx

Read More

சென்னை சூப்பர் கிங்ஸ் தரமான வெற்றி : மேட்ச் ரிவ்யூ

ஐபிஎல் தொடரின் 29வது லீக் போட்டி இன்று சென்னை சூப்பர் கிங்ஸ் மற்றும் சன்ரைசர்ஸ் ஹைதராபாத் அணிகள் இடையே துபாய் மைதானத்தில் நடைபெற்றது. இந்தப் போட்டியில் டாஸ் வென்ற சென்னை சூப்பர் கிங்ஸ் அணியின் கேப்டன் தோனி முதன் முறையாக பேட்டிங்கை தேர்வு செய்தார். தோனியின் இந்த புதிய முடிவு அவருக்கு வெற்றியை கொடுக்குமா ? என்று நினைத்துக்கொண்டிருக்கும் நேரத்தில், இளம் வீரர் சாம் கர்ரனை தொடக்க வீரராக களமிறக்கி அடுத்த சர்ப்ரைஸ் கொடுத்தார் தோனி. தொடக்க வீரர்களாக டு பிளசிஸ் மற்றும் சாம் கர்ரன் களமிறங்கியதால், ஒரு சிறப்பான அதிரடி ஆட்டத்தை சென்னை சூப்பர் கிங்ஸ் கொடுக்கப்போகிறது என அனைவரும் எண்ணிக்கொண்டிருக்கும்போது ரன் எதுவும் எடுக்காமல் டக் அவுட் ஆகி அதிர்ச்சிக்கொடுத்தார் டு பிளசிஸ். அவர் போனால் என்ன ? அடிப்பதற்கு  நான் இருக்கிறேன் என்றபடி, சிக்ஸர்கள் மற்றும் பவுண்டரிகளை விளாசிய சாம் கர்ரன், சட்டென விக்கெட்டை பறிகொடுத்து 31 (21) ரன்களில் நடையைக்கட்டினார். அதன்பின்னர் ஜோடி சேர்ந்த வாட்சன் மற்றும் அம்பத்தி ராயுடு நிலையான ஒரு பார்ட்னர்ஷிப்பை கொடுத்தனர். சீரான வேகத்தில் அவர்கள் ரன்களை குவிக்க 15 ஓவர்களில் சென்னை சூப்பர் கிங்ஸ் அணி 100 ரன்களை கடந்திருந்தது. 41 (34) ரன்கள் எடுத்திருந்த ராயுடு கலீல் அகமது பந்தில் கேட்ச் அவுட் ஆனார். அடுத்த ஓவரிலேயே வாட்சனும் கேட்ச் ஆகி வெளியேறினார். அதன்பின்னர் ஜோடி சேர்ந்த தோனி மற்றும் ஜடேஜா அணியின் ஸ்கோரை உயர்த்த முனைப்பு காட்டினர். 13 பந்துகளை சந்தித்த தோனி 21 ரன்களை எடுத்துவிட்டு பெவிலியன் திரும்பினார். இறுதிவரை விக்கெட்டை இழக்காத ரவீந்திர ஜடேஜா 10 பந்துகளில் 25 ரன்களை விளாசினார். இதனால் 20 ஓவர்கள் முடிவில் சென்னை அணி 6 விக்கெட்டுகள் இழப்பிற்கு 167 ரன்களை குவித்தது. சென்னை பேட்டிங்கில் தொடக்க வீரர் டு பிளசிஸ் ரன் எதுவும் எடுக்காமல் சென்றது பின்னடைவாக அமைந்தது. மிடில் ஆர்டர் பேட்ஸ்மேன்கள் சிறப்பாக பேட்டிங் செய்தாலும், எந்த ஒரு பேட்ஸ்மேனும் அதிரடி ஆட்டத்தை வெளிப்படுத்தாது அணியின் ஸ்கோர் 180 ரன்களை கடக்க முடியாத நிலையை ஏற்படுத்தியது. கடைசி நேரத்தில் ஜடேஜா அதிரடியை வெளிப்படுத்தியது பலமாக அமைந்தது. ஹைதராபாத் அணியில் பந்துவீச்சில் தொடக்கத்திலேயே இரண்டு முக்கிய விக்கெட்டுகளை வீழ்த்தி சந்தீப் ஷர்மா அசத்தினார். 4 ஓவர்கள் பந்துவீசிய அவர் 19 ரன்களை மட்டுமே விட்டுக்கொடுத்து சென்னைக்கு நெருக்கடி கொடுத்திருந்தார். இதுதவிர கலீல் அகமது மற்றும் நடராஜன் இருவரும் தலா 2 விக்கெட்டுகளை கைப்பற்றியிருந்தாலும், இருவருமே 4 ஓவர்களுக்கு 40 ரன்களுக்கு மேல் கொடுத்திருந்தது மைனஸாக அமைந்தது. இதையடுத்து 168 ரன்கள் என்ற எட்டக்கூடிய இலக்கை எதிர்த்து ஆடிய ஹைதராபாத் அணியில் தொடக்க வீரரான கேப்டன் வார்னர் 9 ரன்களிலேயே அவுட் ஆகியது சறுக்கலாக அமைந்தது. மற்றொரு தொடக்க வீரரான பேரிஸ்டோவ் நிலைத்து ஆட, இதற்கிடையே வந்த மணிஷ் பாண்டே 4 (3) ரன்களில் ரன் அவுட் ஆனது ஹைதராபாத் அணிக்கு துர்தஷ்டவசமாக அமைந்தது. நிதானமான ஆட்டத்தை வெளிப்படுத்திய பேரிஸ்டோவ் 24 பந்துகளில் 23 ரன்களை எடுத்துவிட்டு நடையைக்கட்டினார். மிடில் ஆர்டரில் பட்டையை கிளப்பிய வில்லியம்சன் 39 பந்துகளுக்கு 57 ரன்களை விளாசி சென்னைக்கு அச்சத்தைக் கொடுத்தார். 57 (39) ரன்கள் எடுத்திருந்தபோது வில்லியம்சன் விக்கெட்டை பறிகொடுத்ததும் சென்னைக்கு வெற்றி நெருங்கியது. இதற்கிடையே வந்த பிரியம் கார்க் மற்றும் விஜய் ஷங்கர் ஆகியோர் தங்கள் பங்கிற்கு 16 மற்றும் 12 ரன்களை எடுத்துவிட்டு பெவிலியன் திரும்பினர். அதன்பின்னர் களமிறங்கிய ரஷீத் கான் ஒரு சிக்ஸர், ஒரு பவுண்டரி என விளாசி ஆட்டத்தில் சூட்டை ஏற்படுத்தினார். அவரும் 14 (8) ரன்களில் விக்கெட்டை இழக்க சென்னை வெற்றி உறுதியானது. கடைசி ஓவரில் 22 ரன்கள் தேவைப்பட்ட நிலையில், ஹைதராபாத் அணி ஒரு ரன்னை மட்டுமே எடுக்க சென்னை சூப்பர் கிங்ஸ் அணி 20 ரன்கள் வித்தியாசத்தில் வெற்றி பெற்றது. ஹைதராபாத் பேட்டிங்கில் டாப் ஆர்டர் பேட்ஸ்மேன்கள் யாரும் ரன்களை குவிக்காமல் விட்டது பிழையாக அமைந்தது. மிடில் ஆர்டரில் வில்லியம்சன் சிறப்பாக ஆடிய போதிலும், அவருக்கு உரிய பார்ட்னர்ஷிப் கிடைக்காததால் விக்கெட்டுகள் சரிந்து நெருக்கடி ஏற்பட்டது. ஆல்ரவுண்டர்கள் யாரும் ஜொலிக்காததால் வெற்றி கை நழுவியது. சென்னை அணியில் எந்த பவுலரும் ரன்களை அதிகம் வழங்கவில்லை. கர்ன் ஷர்மா 4 ஓவர்களுக்கு 37 ரன்களை கொடுத்திருந்தாலும் 2 விக்கெட்டுகளை வீழ்த்தியது பலமாக அமைந்தது. ரன்களை அளவாக கொடுத்திருந்த சாம் கர்ரன், ஜடேஜா மற்றும் ஷர்துல் தகூர் தங்கள் பங்கிற்கு தலா ஒரு விக்கெட்டை வீழ்த்தி அசத்தினர். கடைசி நேரத்தில் சிறப்பாக பந்துவீசிய பிராவோ 2 விக்கெட்டுகளையும் வீழ்த்தி அணிக்கு வெற்றியை பெற்றுக்கொடுத்தார். தொடர் தோல்விகளில் இருந்து மீண்ட சென்னை தரமான வெற்றியை பதிவு செய்து தங்கள் அரையிறுதி தகுதியிழப்பை தவிர்த்தது. தொடர் தோல்விகளுக்கு பிறகு கிடைத்துள்ள இந்த வெற்றி சென்னை அணி ரசிகர்களை மகிழ்ச்சியில் ஆழ்த்தியுள்ளது.
http://dlvr.it/RjYfks

Read More

உ.பி: தூங்கிக் கொண்டிருந்த 3 பட்டியலின சகோதரிகள் மீது ஆசிட் வீச்சு! - தொடரும் சாதிய கொடுமைகள்

சம்பவம் 1:  உத்திரபிரதேச மாநிலம் ஹத்ராஸ் மாவட்டத்தில் பட்டியலினத்தைச் சேர்ந்த 19 வயது பெண், பாலியல் வன்கொடுமை செய்யப்பட்டு உயிரிழந்த பின், அப்பெண்ணின் உடலை காவல்துறையினர் இரவோடு இரவாக தகனம் செய்த விவகாரம் பொது மக்களிடம் பெரும் அதிர்வலைகளை ஏற்படுத்தியது. இந்த வழக்கில் உ.பி. அரசின் செயல் மனித நேயமற்றது என்று பலர் குரல் எழுப்பி வரும் நிலையில், தற்போது உ.பி. கோண்டா மாவட்டத்தில் வீட்டில் உறங்கி கொண்டிருந்த பட்டியலினத்தைச் சேர்ந்த 3 சகோதரிகள் மீது அதிகாலை 2 மணிக்கு ஆசிட் வீசப்பட்ட சம்பவம் பெரும் பரபரப்பை ஏற்படுத்தியுள்ளது.ஹத்ராஸ் இளம்பெண் உடல் தகனம் உத்திரபிரதேச மாநிலத் தலைநகர் லக்னோவிலிருந்து 117 கி.மீ. தூரத்தில் உள்ளது கோண்டா மாவட்டம். இந்த மாவட்டத்திலுள்ள கிராமம் ஒன்றில் தன் வீட்டில் தூங்கி கொண்டிருந்த 3 சகோதரிகள் மீது மர்ம நபர் ஒருவர் இன்று அதிகாலை 2 மணிக்கு மொட்டை மாடி வழியாக வீட்டிற்குள் நுழைந்து ஆசிட் வீசிவிட்டு தப்பிச் சென்று விட்டார். தன் 3 பெண்களின் அழுகுரல் கேட்ட தந்தை அறைக்குள் சென்று பார்த்த போது மூவரும் பாதிக்கப்பட்ட நிலையில் இருக்க, அவர்களை பத்திரமாக மீட்டு கோண்டா மாவட்டத்திலுள்ள அரசு மருத்துவமனையில் சிகிச்சைக்காக அனுமதித்தார். பாதிக்கப்பட்ட 3 சகோதரிகளில், 17 வயதான மூத்த பெண்ணுக்கு 30 சதவீத காயமும், 12 வயதான இரண்டாவது சகோதரிக்கு 20 சதவீத காயமும், 8 வயதான மூன்றாவது சகோதரிக்கு 5 முதல் 7 சதவீத தீக்காயம் ஏற்பட்டுள்ளதாக மருத்துவமனை சார்பில் தெரிவிக்கப்பட்டுள்ளது. கோண்டா மாவட்டத்தில் உள்ள அந்த கிராமத்தில் துணி இஸ்திரி செய்யும் தொழில் செய்து வரும் அந்த பெண்களின் தந்தையிடமும், அக்கம் பக்கம் வீட்டினரிடமும், பாதிக்கப்பட்ட பெண்களிடமும் காவல்துறை அதிகாரிகள் விசாரணை நடத்தி வருகின்றனர். இச்சம்பவம் குறித்து காவல்துறை கண்காணிப்பாளர் ஷைலேந்திர குமார் பாண்டே, "ஆசிட் வீசிய நபர்களை பாதிக்கப்பட்ட பெண்ணின் குடும்பத்தினர் அடையாளம் காட்டவில்லை, பெயரும் குறிப்பிடவில்லை. எனவே, தெரியாத நபர்கள் மீதான புகாரின் அடிப்படையில் விசாரணை மேற்கொள்ளப்பட்டு வருகிறது. இருப்பினும், இதில் அந்த குடும்பத்தில் உள்ளவர்களுக்கு தெரிந்த நபருக்கு பங்கு இருப்பதாக நாங்கள் சந்தேகிக்கின்றோம்” என்றார். மேலும், தடயவியல் குழு மற்றும் மோப்ப நாய்கள் கொண்டு விசாரணை செய்யப்பட்டு வருகிறது என்று தெரிவித்தார்.க்ரைம் - கொலை முயற்சி சம்பவம் 2: உத்திர பிரதேச மாநிலம் லலித்பூர் மாவட்டம் ரோடா கிராமத்தில் பட்டியலினத்தை சேர்ந்த 65 வயதான அமர் என்பவர் தாக்கப்பட்டு சிறுநீர் குடிக்க நிர்பந்திக்கப்பட்டுள்ளார். இச்சம்பவத்தில் குற்றம் சாட்டப்பட்டுள்ள, சோனு யாதவ் என்பவர், சில நாட்களுக்கு முன்பு அமரின் மகனை கோடரியால் தாக்கியதாகக் கூறப்படுகிறது. தந்தையும் மகனும் காவல்துறையில் புகாரளித்தால், இந்த விஷயத்தை பேசி தீர்த்துக் கொள்ளவும், புகாரை வாபஸ் பெறவும் யாதவ் கட்டாயப்படுத்தியுள்ளார். இதற்கு தந்தை, மகன் இருவரும் மறுக்கவே, சோனு யாதவ் அமரை சிறுநீரைக் குடிக்குமாறு துன்புறுத்தியுள்ளார். இது குறித்து அமர் அளிக்கப்பட்டுள்ள புகாரில், "என்னை சிறுநீர் குடிக்க சொல்லி கட்டாயப்படுத்தினார்கள், நான் மறுக்கவே, அவர் என்னை தடியால் அடித்தார். அப்போது அதைத் தடுக்க வந்த என் மகனையும் அடித்துக் கொடுமைப்படுத்தினார்” என்று தெரிவிக்கப்பட்டுள்ளது. இது குறித்து வழக்கு பதிவு செய்து விசாரணை நடத்தி வரும் லலித்பூர் காவல்துறை கண்காணிப்பாளர் மிர்சா மன்சார் பேக், எஃப்.ஐ.ஆர் பதிவு செய்யப்பட்டுள்ளதாகவும், சோனு யாதவை தேடி வருவதாகவும் தெரிவித்தார். ரோடா கிராமத்தில் செல்வாக்கு மிக்க இரண்டு நபர்கள் இதில் சம்பந்தபட்டுள்ளனர், தகவல் கிடைத்தவுடன் போலீஸார் எஃப்.ஐ.ஆர் பதிவு செய்ததோடு குற்றம் சாட்டப்பட்ட முக்கிய நபர் கைது செய்யப்பட்டு, இந்த வழக்கில் தொடர்புடைய மற்றவர்களை தீவிரமாக தேடி வருவதாக கூறினார். மேலும், பொது மக்களை எந்தவிதத்திலும் கொடுமைப்படுத்துவதை நாங்கள் பொறுத்துக்கொள்ள மாட்டோம் என்றார்.போலீஸ் இந்த இரண்டு சம்பவங்களும் உத்திரபிரதேசம் மட்டுமல்லாது நாடு முழுவதும் அதிர்வலைகளை ஏற்படுத்தி உள்ளது.
http://dlvr.it/RjYfk5

Read More

அமலாக்கத்துறை வழக்கு: அவசர குற்றப்பத்திரிகை? - ஸ்வப்னா சுரேஷுக்கு ஜாமீன்

கேரள மாநிலம் திருவனந்தபுரம் யு.ஏ.இ தூதரக பார்சல் வழியாக தங்கம் கடத்திய வழக்கில் முக்கியக் குற்றவாளியாகக் கருதப்படும் ஸ்வப்னா சுரேஷ் கைதுசெய்யப்பட்டிருக்கிறார். ஏற்கெனவே ஏர் இந்தியா நிறுவனத்தில் வேலை பார்த்த ஸ்வப்னா, சில வருடங்கள் திருவனந்தபுரத்திலுள்ள யு.ஏ.இ தூதரகத்தில் பணிபுரிந்துவந்தார். அதன் பிறகு கேரள அரசின் தகவல் தொழில்நுட்பப் பிரிவில் தற்காலிகப் பணியாளராக வேலை பார்த்துவந்தார். கேரள ஐடி துறையில் ஸ்வப்னா வேலை பார்த்த நேரத்தில், திருவனந்தபுரம் விமான நிலையத்தில் வந்த யு.ஏ.இ தூதரக பார்சலில் 30 கிலோ தங்கம் கடத்தியது கண்டுபிடிக்கப்பட்டது. அந்தத் தங்கத்தைப் பெற வந்த ஸரித் என்பவர் கஸ்டம்ஸ் அதிகாரிகளால் கைதுசெய்யப்பட்டார். அவர்களை விடுவிக்கும்படி அதிகாரிகளுக்கு போனில் பேசிய ஸ்வப்னா சுரேஷ் தலைமறைவானார். அவரை பெங்களூரில்வைத்து என்.ஐ.ஏ கைதுசெய்தது. சுங்கத்துறை, அமலாக்கத்துறை, என்.ஐ.ஏ உள்ளிட்ட மத்திய அரசு ஏஜென்சிகள் இந்த வழக்கு சம்பந்தமாக விசாரணை நடத்திவருகின்றன. தங்கக் கடத்தலில் ஈடுபட்ட 20-க்கும் மேற்பட்டவர்கள் கைதுசெய்யப்பட்டிருக்கிறார்கள். தங்கக் கடத்தலில் தீவிரவாதிகளுக்கும் தொடர்பு இருப்பதாக கூறப்பட்டுவருகிறது.ஸ்வப்னா சுரேஷ் கேரள முதல்வர் பினராயி விஜயனின் முதன்மைச் செயலாளராக இருந்த சிவசங்கரன், ஐடி துறை செயலாளராகவும் இருந்தார். இந்த வழக்கு விசாரணையில் ஐடி செயலாளர் சிவசங்கரனுக்கும் ஸ்வப்னாவுக்கும் நெருங்கிய நட்பு இருந்தது தெரியவந்தது. இதைத் தொடர்ந்து சிவசங்கரன் சஸ்பெண்ட் செய்யப்பட்டார். ஸ்வப்னா சுரேஷ் கேரள அரசின் ஏழைகளுக்கு வீடு கட்டிக்கொடுக்கும் `லைஃப் மிஷன்' திட்டத்தில் ஒப்பந்ததாரரிடமிருந்து கமிஷனாகப் பணம் பெற்றதாகப் புகார் எழுந்தது. இது குறித்து சி.பி.ஐ விசாரணை நடத்திவருகிறது. இந்தநிலையில், அமலாக்கத்துறை பதிவு செய்த வழக்கில் எர்ணாகுளம் முதன்மை அமர்வு நீதிமன்றம் ஸ்வப்னாவுக்கு ஜாமீன் வழங்கியிருக்கிறது. ஏற்கெனவே சுங்கத்துறை பதிவு செய்த வழக்கில் ஸ்வப்னாவுக்கு ஜாமீன் கிடைத்த நிலையில், அமலாக்கத்துறை பதிவு செய்த வழக்கிலும் ஜாமீன் வழங்கப்பட்டிருக்கிறது. அதேசமயம் என்.ஐ.ஏ பதிவு செய்த வழக்கில் ஜாமீன் கிடைக்காததால் ஸ்வப்னா தொடர்ந்து சிறையில் இருக்க வேண்டிய நிலை ஏற்பட்டிருக்கிறது. சட்டப்படி ஸ்வப்னாவை ஒரு வருடம் தடுப்புக் காவலில் வைக்க வேண்டும் என்று சுங்கத்துறை கூறியிருப்பதால், என்.ஐ.ஏ வழக்கில் ஜாமீன் கிடைத்தாலும், ஸ்வப்னா சுரேஷ் வெளியே வர முடியாத நிலை ஏற்பட்டிருக்கிறது.சஸ்பெண்ட் செய்யப்பட்ட ஐ.ஏ.எஸ் அதிகாரி சிவசங்கரன் தங்கக் கடத்தலில் சுங்கத்துறை வழக்கு பதிவு செய்ததைத் தொடர்ந்து கறுப்பு பணத்தை வெள்ளையாக்குவது குறித்து ஸ்வப்னா மீது அமலாக்கத்துறை ஏற்கெனவே வழக்கு பதிவு செய்திருந்தது. இந்த வழக்கில் 60 நாடள்கள் ஆன பிறகும் குற்றப்பத்திரிகை தாக்கல் செய்யாததால், ஜாமீன் வேண்டி ஸ்வப்னா சுரேஷ் மனுத்தாக்கல் செய்திருந்தார். இதற்கிடையில் ஸ்வப்னா சுரேஷ் கைதுசெய்யப்பட்ட 60-வது நாளில் அமலாக்கத்துறை குற்றப்பத்திரிகை தாக்கல் செய்திருக்கிறது. ஆனால் ஸ்வப்னாவை வெளியேவிடக் கூடாது என அவசரமாக குற்றப்பத்திரிகை தாக்கல் செய்ததாக ஸ்வப்னாவின் வழக்கறிஞர் வாதிட்டதைத் தொடர்ந்து கோர்ட் ஜாமீன் வழங்கியிருப்பது குறிப்பிடத்தக்கது.
http://dlvr.it/RjVzwn

Read More

நெருக்கடியில் சிஎஸ்கே... புது வியூகம் வகுப்பாரா தோனி?

ஐபிஎல் கிரிக்கெட் தொடரின் இன்றைய ஆட்டத்தில் சென்னை சூப்பர் கிங்ஸ் மற்றும் சன் ரைசர்ஸ் ஹைதராபாத் அணிகள் பலப்பரீட்சை நடத்துகின்றன. துபாயில் நடைபெறும் இந்தப் போட்டி இந்திய நேரப்படி இரவு 7.30 மணிக்கு தொடங்குகிறது. தோனி தலைமையிலான சென்னை அணி நடப்பு சீசனில் 7 போட்டிகளில் விளையாடி 2 வெற்றிகளை மட்டுமே பதிவு செய்துள்ளது. வார்னர் தலைமையிலான ஹைதராபாத் அணி, விளையாடிய 7 போட்டிகளில் 3 வெற்றிகளைப் பதிவு செய்துள்‌ளது. இவ்விரு அணிகளும் இதுவரை 13 முறை நேருக்கு நேர் மோதியுள்ளன. அவற்றில் சென்னை அணி 9 போட்டிகளிலும், ஹைதராபாத் அணி ‌4 போட்டிகளிலும் வெற்றி பெற்றுள்ளன‌. ‌சீசனின் முதல் பாதியை மோசமாகக் கடந்துள்ள சென்னை மற்றும் ஹைதராபாத் அணிகளின் பலம் மற்றும் பலவீனம்... நடப்பு சீசனில் மீண்டும் ஒரு ஹாட்ரிக் தோல்வி காண்பதை தவிர்க்க வேண்டிய கட்டாயத்தில் உள்ளது மகேந்திர சிங் தோனியின் சென்னை படை. பேட்டிங்கில் அதிரடிக்கான சுவடே தென்படாததால், இலக்குகளைக் கடக்க சிரமப்பட்டு வருகிறது சென்னை. பேட்டிங்கில் வாட்சன், டூபிளசி மற்றும் ராயுடு சுமாரான ஃபார்மில் உள்ளனர். களமிறங்கிய முதல் போட்டியிலேயே ஜெகதீசன் ஜொலித்துள்ளது சென்னைக்கு நல்ல செய்தி. மத்திய வரிசையில் நம்பிக்கையளிக்கும் அளவிற்கு பேட்ஸ்மேன்கள் இல்லாதது அணிக்கு பலவீனமாக உள்ளது. 12 சீசன்களாக தூணாக வலம் வந்த கேப்டன் தோனி, வளமையான ஆட்டத்தை வெளிப்படுத்த சிரமப்பட்டு வருகிறார். பந்து வீச்சில் இறுதி ஓவர்களில் ரன்களை அதிகளவில் விட்டுக்கொடுப்பது அணிக்கு பெரும் சிக்கலாக உள்ளது. ஆல்ரவுண்டர்கள் ஜடேஜா, சாம் கரண், பிராவோ ஆகியோர் அழுத்தமான நம்பிக்கையைக் கொடுக்க தவறி வருகின்றனர். ராஜஸ்தானுக்கு எதிரான போட்டியில் கண்ட தோல்வியால் அதிர்ச்சியில் உள்ளது ஹைதராபாத். கேப்டன் வார்னர், பேர்ஸ்ட்டோவ், வில்லியம்சன், மணீஷ் பாண்டே ஆகியோர் எதிரணிக்கு சிம்ம சொப்பனமாக வலம் வருகின்றனர். அபிஷேக் சர்மா, விஜய் சங்கர் ஆகிய ஆல்ரவுண்டர்களும், இளம் வீரர் பிரியம் கார்க் ஆகியோர் மத்திய வரிசைக்கு கூடுதல் வலு சேர்க்கின்றனர். பந்து வீச்சில் நடராஜன், கலீல் அகமது, சந்தீப் சர்மா ஆகியோர் விக்கெட்டுகளை வீழ்த்தினாலும் ரன்களை வாரி வழங்குவது பின்னடைவே. ரஷீத் கானின் மாயாஜால பந்து வீச்சு அணிக்கு மிகப்பெரிய பலம். இனி வரும் போட்டிகள் அனைத்தையும் 'வாழ்வா சாவா' என்னும் அழுத்தத்துடன் சந்திக்கவுள்ளதால், இரு அணிகளும் வித்தியாசமான வியூகங்களை வகுத்தே களமிறங்கும் என எதிர்பார்க்கலாம்.
http://dlvr.it/RjTtB9

Read More

முதலமைச்சர் பழனிசாமியின் தாயார் காலமானார்.!

முதலமைச்சர் பழனிசாமியின் தாயார் உடல்நலக்குறைவால் காலமானார். அவருக்கு வயது 93. சேலம் தனியார் மருத்துவமனையில் சிகிச்சைக்காக அனுமதிக்கப்பட்டிருந்த முதல்வரின் தயார் அதிகாலை 1 மணிக்கு காலமானார். அவரது உடலுக்கு முதல்வர் பழனிசாமி கண்ணீர்மல்க அஞ்சலி செலுத்தினார். மேலும் அதிகாரிகள், உறவினர்கள், அமைச்சர்களும் அஞ்சலி செலுத்தி வருகின்றனர். தவுசாயம்மாள் உடலுக்கு இறுதிச்சடங்கு இன்று காலை 9 மணியளவில் சிலுவம்பாளையத்தில் நடைபெறும் என தெரிவிக்கப்பட்டுள்ளது. தாயார் காலமானதை அடுத்து முதல்வரின் ஆய்வு சுற்றுப்பயணங்கள் இன்றும் நாளையும் ரத்து செய்யப்பட்டுள்ளன. தூத்துக்குடி, கன்னியாகுமரி,விருதுநகர் ஆகிய இடங்களில் முதல்வர் சுற்றுப்பயணம் மேற்கொள்ள இருந்தார் என்பது குறிப்பிடத்தக்கது
http://dlvr.it/RjTt90

Read More

`சாமி வந்தால் ஆசாமிகள் வெளிப்பட்டுவிடுவார்களோ?’ - பினராயி விஜயனைச் சீண்டிய பொன்.ராதாகிருஷ்ணன்

நவராத்திரி விழாவுக்காக கன்னியாகுமரி மாவட்டம், பத்மநாபபுரம் அரண்மனை அருகிலுள்ள சரஸ்வதி கோயிலிலிருந்து சரஸ்வதி தேவி திருவனந்தபுரம் செல்வது வழக்கம். ஆண்டுதோறும் விமரிசையாக நடக்கும் விழாவில் சரஸ்வதி தேவி, சுசீந்திரம் முன்னுதித்த நங்கை, குமாரகோவில் முருகன் ஆகிய சுவாமிகள் யானை மற்றும் பல்லக்கில் திருவனந்தபுரம் செல்வது வழக்கம். இந்தப் பயணத்துக்கு மூன்று நாள்கள் வரை ஆகும். அதற்கு முன்னர் பத்மநாபபுரம் அரண்மனையிலிருந்து மன்னரின் உடைவாள் வழங்கும் நிகழ்வு நடைபெறும். கொரோனா காரணமாக இந்த ஆண்டு, `ஒரே நாளில் சுவாமிகளை திருவனந்தபுரம் கொண்டு வர வேண்டும்’ என்று கேரள அரசு கூறியிருக்கிறது. எனவே, சுவாமிகளை டெம்போ போன்ற வாகனத்தில் எடுத்துச் செல்ல குமரி மாவட்ட நிர்வாகம் முடிவு செய்திருப்பதாகக் கூறப்படுகிறது. இதற்கு குமரி மாவட்ட இந்து அமைப்புகள் கடும் எதிர்ப்பு தெரிவித்திருக்கின்றன. `இது ஊர்வலம் அல்ல, வழிபாட்டுமுறை. எனவே இதை மாற்றக் கூடாது’ என முன்னாள் மத்திய அமைச்சர் பொன்.ராதாகிருஷ்ணன் வலியுறுத்தியிருக்கிறார்.பத்மநாபபுரம் அரண்மனை இது பற்றி பொன்.ராதாகிருஷ்ணன் கூறுகையில், ``கோயிலுக்குச் செல்லும் அளவுக்கு ஊரடங்கு தளர்த்தப்பட்டிருக்கிறது. கொரோனா ஊரடங்கிலும், எல்லா ஆலையங்களிலும் முறைப்படி வழிபாடுகள், பூஜைகள் நடப்பதற்கு எந்தத் தடையும் இதுவரை வந்ததில்லை. குமரியில் அதி முக்கிய விழாவான விஜயதசமி, சரஸ்வதி பூஜை கொண்டாடப்பட்டுக்கொண்டிருக்கிறது. குமரி மாவட்டத்தில் அனைத்து மதத்தினரும் ஒன்று சேர்ந்து சரஸ்வதி பூஜை, ஆயுத பூஜை விழாக்களைக் கொண்டாடுவார்கள். சரஸ்வதி பூஜைக்கு அடிப்படையாக அமைந்தது பத்மநாபபுரம் அரண்மனையிலிருக்கும் சரஸ்வதி தேவி. இந்த சரஸ்வதி தேவி, சுசீந்திரம், முன்னுதித்த நங்கை, குமாரகோயில் முருகன் ஆகிய சுவாமிகள் 1700-ம் ஆண்டிலிருந்து திருவனந்தபுரம் சென்று நவராத்திரி பூஜையில் கலந்துகொள்வது நடந்திருக்கிறது. 1839-ல் ஸ்வாதி திருநாள் மஹாராஜா இந்த விழாவில் சில முறைப்படுத்தல்களைச் செய்திருக்கிறார். கம்பரால் வழிபாடு செய்யப்பட்ட சரஸ்வதி சிலைதான் பத்மநாபபுரத்தில் இருக்கிறது. பின்னர், குலசேகர பெருமாளிடம் கொடுக்கப்பட்டு பூஜை செய்யப்பட்டுவருகிறது. வழக்கமாக பெண் தெய்வங்கள் பல்லக்கில் செல்வது வழக்கம். ஆனால் சரஸ்வதி தேவி யானை மீது செல்வார்கள். அவரை எடுத்துச் செல்லக்கூடியவர்கள் கிருஷ்ணவகை சமுதாய மக்கள். திருவிதாங்கூர் மன்னர் கார்த்திகை திருநாள் ராமவர்மா மஹாராஜா காலத்தில் சகல மரியாதைகளுடன் அழைத்துச் செல்லப்படுகிறார்கள். இந்த வழிபாட்டில் கோயிலுக்குள் உண்டான வழிமுறைகள், கோயிலுக்கு வெளியேயுள்ள வழிமுறைகள் என இருக்கின்றன.பொன்.ராதாகிருஷ்ணன் இந்த தெய்வங்களை மூன்று ஆறுகளையும் கடந்து திருவனந்தபுரம் அழைத்துப் போவார்கள். அதனால் சுமந்து சென்றவர்களுக்கு அன்று மூன்று தங்க எலுமிச்சைப்பழங்களை மன்னர் கொடுத்திருக்கிறார். கொரோனா காலத்தில் கோயிலுக்கு உள்ள முறைகள் தடுக்கப்படவில்லை. பூசாரிகள் பூஜை செய்தனர். அதுபோல, சரஸ்வதி சுவாமி நவராத்திரி விழாவுக்காக திருவனந்தபுரம் புறப்பட்டுச் செல்வது ஊர்வலம் அல்ல; வழிபாட்டு முறை. 1700 முதல் வகுக்கப்பட்ட இந்த முறையை மாற்ற யாருக்கும் அதிகாரம் இல்லை. அந்த விதிமுறையை மாற்றுவது சரியான விஷயம் அல்ல. Also Read: `அ.தி.மு.க தலைமையின் கீழ், எங்கள் கூட்டணி!’ - பொன்.ராதாகிருஷ்ணன் இன்று கேரள அரசாங்கம் சில காரணங்களைச் சொல்லி ஒரே நாளில் எடுத்து வர வேண்டும் என்கிறார்கள். வாகனத்தில் எடுத்துச் சென்றால் இரண்டு மணி நேரத்தில் செல்லலாம். இது டிராவல்ஸ் சர்வீஸ் அல்ல. சுவாமியை அழைத்துச் செல்வதும் பூஜை முறைகளில் ஒன்றுதான். வழியில் குழித்துறை தாமிரபரணி ஆறு மற்றும் கரமனை ஆற்றில் சுவாமிக்கு ஆராட்டு நடக்கும். எனவே, இதில் கேரள அரசு கொரோனா காரணங்களைக் காட்டக் கூடாது. எல்லா ஆண்டும்போல இந்த ஆண்டும் நவராத்திரி பவனி நடக்க வேண்டும். இது தேரோட்டம்போலக்கூட அல்ல. இது இப்படி ஆரம்பித்து, இப்படித்தான் முடிக்க வேண்டும் என நடமுறைகள் உள்ளன. எனவே, `இந்த முறைகளை மாற்றாதீர்கள்’ என கேரள முதல்வருக்கு என்னுடைய வேண்டுகோளை வைக்கிறேன்.கேரள முதல்வர் பினராயி விஜயன் சுவாமிக்கு நடக்க வேண்டிய பூஜைகள் நடக்கட்டும். கேரள முதல்வர் நவராத்திரி பவனியைத் தடுப்பதற்கு கொரோனா அச்சம் காரணமாக இருக்கலாம் அல்லது அரசியல் அச்சம் காரணமாக இருக்கலாம். கேரளத்தில் சட்டமன்றத் தேர்தல் வருவதால், சாமி வந்தால் ஆசாமிகள் வெளிபட்டுவிடுவார்களோ என அச்சப்படுகிறார்கள்" என்றார்.
http://dlvr.it/RjRL8h

Read More