25 ரவுண்ட் துப்பாக்கிச்சூடு; மாஜிஸ்திரேட் முன்னிலையில் கொலை செய்த பா.ஜ.க பிரமுகர்! - நடந்தது என்ன?

கடந்த சில நாள்களாகவே உத்தரப் பிரதேச மாநிலத்தில் பல்வேறு வன்முறைச் சம்பவங்கள் அரங்கேறி வருகின்றன. கடந்த மாதத்தின் ஒரே வாரத்தில் இரண்டு தலித் சமூகப் பெண்கள் பாலியல் வன்கொடுமை செய்யப்பட்டதால் உயிரிழந்த சம்பவங்கள் நாடு முழுவதும் பெரும் அதிர்வலைகளை ஏற்படுத்தியது. உத்தரப் பிரதேசம், குற்றப் பிரதேசமாகவும் ரத்தப் பிரதேசமாகவும் மாறி வருகிறது என்ற குற்றச்சாடுகள் நாடு முழுவதுமே எழுந்தன. இதைத்தொடர்ந்து காங்கிரஸ், சமாஜ்வாதி, தி.மு.க உள்ளிட்ட எதிர்க்கட்சிகள் பலவும் யோகி ஆதித்யநாத் அரசைக் கடுமையாக விமர்சித்தனர். இந்தநிலையில், நேற்று மீண்டும் ஒரு குற்றச் சம்பவம் அங்கு அரங்கேறியுள்ளது. பொதுவெளியில், அரசு அதிகாரிகள் முன்னிலையில் நடைபெற்ற கூட்டம் ஒன்றில் தீரேந்திர சிங் என்பவர் துப்பாக்கிச்சூடு நடத்தியதில் ஜெய்பிரகாஷ் பால் என்ற இளைஞர் உயிரிழந்துள்ள சம்பவம் பரபரப்பை ஏற்படுத்தியுள்ளது.ஹத்ராஸ்..! Also Read: உ.பி: வெட்டுப்பட்ட நாக்கு; செயலிழந்த கால்கள்; பாலியல் வன்கொடுமையால் உயிரிழந்த பெண் - நடந்தது என்ன? உத்தரப் பிரதேச மாநிலம் பல்லியா (Ballia) மாவட்டத்தில் அமைந்துள்ள துர்ஜான்பூர் (Durjanpur) கிராமத்தில், நேற்று, ரேஷன் கடை எங்கு அமைக்கலாம் என்று பொதுமக்களிடம் கருத்துக் கேட்கும் கூட்டம் நடைபெற்றுள்ளது. காவல் அதிகாரிகள், சப்-டிவிஷனல் மாஜிஸ்திரேட், வட்டாட்சியர் ஆகியோர் முன்னிலையில் நடைபெற்ற இந்தக் கூட்டத்தில், `கடை எங்கே அமைப்பது' என்பதில் இரு தரப்பினருக்கு இடையே வாக்குவாதம் ஏற்படத் தொடங்கியுள்ளது. பின்னர் வாக்குவாதம் தீவிரமடைந்த போது, தீரேந்திர சிங் (Dheerendra Singh) என்பவர் திடீரென துப்பாக்கியை எடுத்துச் சுடத் தொடங்கியுள்ளார். துப்பாக்கிச் சத்தம் கேட்டதும் அங்கிருந்த மக்கள் அனைவரும் அலறி அடித்து ஓட்டம் பிடித்துள்ளனர். இந்தத் துப்பாக்கிச்சூட்டில் ஜெய்பிரகாஷ் பால் என்கிற இளைஞர் உயிரிழந்துள்ளார். ஓட்டம் பிடித்த பொதுமக்களில் பலரும் காயமடைந்துள்ளதாகவும் சொல்லப்படுகிறது.murder துப்பாக்கிச்சூடு நடத்திய தீரேந்திர சிங், பைரியா (Bairia) தொகுதி பா.ஜ.க எம்.எல்.ஏ சுரேந்திர சிங்கின் (Surendra Singh) உதவியாளர் என்றும் அவருக்கு மிகவும் நெருக்கமானவர் என்றும் செய்திகள் வெளியாயின. துப்பாக்கிச்சூடு நடத்திவிட்டு அங்கிருந்து தப்பிச் சென்றிருக்கிறார் தீரேந்திர சிங். அங்கிருந்த காவல்துறையினர் யாரும் தீரேந்திர சிங் துப்பாக்கிச்சூடு நடத்திய போது அவரைத் தடுக்கவோ அங்கிருந்து தப்பிச் செல்லும் போது அவரைப் பிடிக்கவோ முயற்சி செய்யவில்லை என்றும் சொல்லப்படுகிறது.தீரேந்திர சிங் சுமார் 25 ரவுண்ட் தனது துப்பாக்கியால் சுட்டதாகச் சம்பவ இடத்திலிருந்தவர்கள் தகவல் தெரிவித்துள்ளனர். துப்பாக்கிச்சூடு நடந்த போது எடுக்கப்பட்ட வீடியோ ஒன்று சமூக வலைதளங்களில் பரவி வருகிறது. #WATCH One person dead after bullets were fired during a meeting called for allotment of shops under govt quota, in Ballia. Devendra Nath, SP Ballia, says, "The incident took place after a clash erupted between two groups during the meeting. Probe on." (Note-abusive language) pic.twitter.com/sLwRgkr9s4— ANI UP (@ANINewsUP) October 15, 2020 மாஜிஸ்ட்திரேட், வட்டாச்சியர், காவல்துறையினர் ஆகியோர் முன்னிலையில் நடந்த இந்தத் துப்பாக்கிச்சூடு சம்பவத்தையடுத்து, சம்பவ இடத்திலிருந்த சப்-டிவிஷனல் மாஜிஸ்திரேட் உள்பட அனைத்து அரசு அதிகாரிகளையும் பணியிடை நீக்கம் செய்து உத்தரவிட்டார் உத்தரப் பிரதேச முதல்வர் யோகி ஆதித்யநாத். இந்தச் சம்பவம் குறித்து தீவிர விசாரணை மேற்கொண்டு விரைந்து நடவடிக்கைகளை எடுக்கவும் முதல்வர் உத்தரவிட்டுள்ளார். இதையடுத்து, தலைமறைவாக உள்ள தீரேந்திர சிங்கை வலைவீசித் தேடி வருகிறது காவல்துறை. உயிரிழந்த ஜெய்பிரகாஷ் பாலின் சகோதரர் அளித்த புகாரின் பேரில் 15-20 பேர் மீது வழக்கு பதிவு செய்து நடவடிக்கை எடுத்து வருவதாகப் பல்லியா மாவட்ட எஸ்.பி தகவல் தெரிவித்துள்ளார். ஜெய்பிரகாஷ் பால், அங்கு நடந்த வாக்குவாதம் காரணமாகத்தான் கொலை செய்யப்பட்டாரா அல்லது முன்பகை காரணமாக கொலை செய்யப்பட்டாரா என்கிற கோணத்தில் விசாரணை நடைபெற்று வருகிறது. மேலும், இந்த துப்பாக்கிச்சூடு சம்பவத்துக்கு அங்கிருந்த அதிகாரிகளும் உடந்தையாக இருந்தார்களா என்கிற கோணத்திலும் விசாரணை செய்யப்பட்டு வருகிறது. ஒருவேளை அதிகாரிகள் இந்தச் சம்பவத்துக்குத் துணை போயிருந்தால் அவர்கள் மீதும் குற்றவியல் நடவடிக்கைகள் எடுக்கப்படும் என்று கூடுதல் தலைமைச் செயலாளர் அவனிஷ் குமார் அவஸ்தி (Awanish Kumar Awasthi) தெரிவித்துள்ளார். பா.ஜ.க எம்.எல்.ஏ சுரேந்திர சிங்கின் உதவியாளர்தான் துப்பாக்கிச்சூடு நடத்திய தீரேந்திர சிங் என்ற குற்றச்சாட்டுகள் எழுந்து வந்த நிலையில், ``அவர் எனக்கு நெருக்கமானவர் என்பதை எப்படி மறுக்க முடியும்? எனக்கு மட்டுமல்ல அவர் பா.ஜ.க-வுக்கே நெருக்கமானவர். பா.ஜ.க-வுக்கு வாக்களிக்கும் அனைவரும் எங்களுக்கு நெருக்கமானவர்கள்தான்'' என்று கூறியுள்ளார் எம்.எல்.ஏ சுரேந்திர சிங்.எம்.எல்.ஏ சுரேந்திர சிங் Also Read: தனிஷ்க் ஜுவல்லரி: `டைட்டன்' மேலாளருக்கு மிரட்டல்; `லவ் ஜிகாத்' ஆதரவு - விளம்பரம் நீக்கப்பட்டது ஏன்? தற்காப்புக்காகத்தான் தீரேந்திர சிங் துப்பாக்கிச்சூடு நடத்தியதாகவும் எம்.எல்.ஏ சுரேந்திர சிங் கூறியுள்ளார். இதுகுறித்து செய்தியாளர்களிடம் பேசிய எம்.எல்.ஏ சுரேந்திர சிங், ``ஒருதலைபட்சமாக நடவடிக்கை எடுக்க வேண்டாமென பல்லியா மாவட்ட நிர்வாகத்திடம் முறையிட விரும்புகிறேன். தீரேந்திர சிங் துப்பாக்கிச்சூடு நடத்தாமல் இருந்திருந்தால் அவரது குடும்பத்தைச் சேர்ந்த பலரும் கொல்லப்பட்டிருப்பார்கள். என்ன நடந்திருக்கிறதோ, அது நிச்சயம் தண்டிக்கப்பட வேண்டிய விஷயம்தான், ஆனால் அது ஒருதலைபட்சமான நடவடிக்கையாக இருக்கக்கூடாது. துப்பாக்கிச்சூடு நடத்தியவரைத் தண்டிக்க வேண்டும். அதேநேரத்தில், கம்பிகளாலும் கட்டைகளாலும் தாக்கியவர்களும் தண்டிக்கப்பட வேண்டும். இந்தத் தாக்குதலில் காயமடைந்துள்ள 6 பெண்கள் குறித்து யாரும் பேசியதாகத் தெரியவில்லை. தற்காத்துக் கொள்ள வேறு வழியில்லாமல்தான் தீரேந்திர சிங் துப்பாக்கிச்சூடு நடத்தியுள்ளார்'' என்று கூறியுள்ளார்.அகிலேஷ் யாதவ் இதையடுத்து இந்தச் சம்பவத்துக்கு அகிலேஷ் யாதவ் தலைமையிலான சமாஜ்வாதி கட்சி கடும் கண்டனங்களைப் பதிவு செய்துள்ளது. ``பல்லியா மாவட்டத்தில் நடைபெற்ற சட்டம் ஒழுங்கை மீறிய ஒரு கொடூரச் சம்பவம் வெளிச்சத்துக்கு வந்துள்ளது. பா.ஜ.க பிரமுகர் ஒருவர் ஜெய்பிரகாஷ் பால் என்கிற இளைஞரை மாவட்ட அதிகாரிகள் முன்பே சுட்டுக் கொன்றுள்ளார். சுட்டுக் கொன்ற பின் காவல்துறையினர் முன்பாக அவர் தப்பிச் சென்றுள்ளார்'' என்று அக்கட்சியின் அதிகாரப்பூர்வ ட்விட்டர் பக்கத்தில் பதிவிடப்பட்டுள்ளது. இதைத் தொடர்ந்து சமாஜ்வாதி கட்சியின் செய்தித் தொடர்பாளர் சுனில் சிங், ``உ.பி அரசே கிரிமினல்களால் நடத்தப்படுகிறது. இதற்கு இந்தத் துப்பாக்கிச்சூடு சம்பவமே சாட்சி!'' என்று கூறியுள்ளார். மேலும்,சுனில் சிங், சமாஜ்வாதிபா.ஜ.க குண்டர்கள் மாவட்ட அதிகாரிகள் முன்பே கொலை செய்யத் தொடங்கிவிட்டனர். கொலை செய்துவிட்டு அவரால் அந்த இடத்திலிருந்து தப்பிக்க முடிகிறது. இதை ராம ராஜ்ஜியம் என்பீர்களா யோகி ஜி?... ராவண ராஜ்ஜியமே உங்கள் ஆட்சியைவிட 100 மடங்கு சிறந்தது. நீங்கள் ராஜினாமா செய்துவிட்டு உங்களுக்குத் தெரிந்த மிகப் பெரிய குற்றவாளியை முதல்வராக அமரச் செய்யுங்கள். இந்த அரசாங்கம் கை நிறையக் குற்றவாளிகளைக் கொண்டுள்ளது. ``உ.பி-யில் சட்டம் ஒழுங்கு இறந்துவிட்டது. பெண்களுக்கு எதிராக நடைபெற்ற பாலியல் வன்கொடுமைச் சம்பவங்களின் மூலமும் பல்லியா சம்பவத்தின் மூலமும் இது தெளிவாகிறது. இது குறித்து மாநில அரசு கவனம் செலுத்தினால் நல்லது. இதுதான் பகுஜன் சமாஜ் கட்சியின் அறிவுரை'' என்று பகுஜன் சமாஜ் கட்சித் தலைவர் மாயாவதி கூறியுள்ளார்.மாயாவதி Also Read: `விஜய் சேதுபதி இனப் பற்றாளர்தான்... ஆனால்?’ - முரளிதரன் பயோபிக்கால் மீண்டும் வெடிக்கும் சர்ச்சை! உத்தரப் பிரதேசத்தில் அடுத்தடுத்து நடந்து வரும் வன்முறை சம்பவங்களால் சட்டம் ஒழுங்கு குறித்த கேள்விகளை அடுக்கி பா.ஜ.க அரசை எதிர்க்கட்சிகள் தொடர்ந்து விமர்சனம் செய்து வருகின்றன. சமீபத்தில், வெளியான மத்திய குற்ற ஆவணக் காப்பக அறிக்கையின்படி, `பெண்களுக்கு எதிரான குற்றங்கள்', அதிகம் நடைபெறும் மாநிலங்களின் பட்டியலில் உத்தரப் பிரதேசம் முதலிடம் பிடித்துள்ளது. 2019-ம் ஆண்டு மட்டும் உத்தரப் பிரதேசத்தில், 59,853 பெண்களுக்கு எதிரான குற்றங்கள் தொடர்பான வழக்குகள் பதியப்பட்டுள்ளன. கொலைக் குற்றங்கள் அதிகம் நடைபெறும் மாநிலங்களின் பட்டியலிலும் உத்தரப் பிரதேசமே முதலிடம் வகிக்கிறது. 2019-ல் மட்டும் உத்தரப்பிரதேசத்தில் 4,002 பேர் கொலை செய்யப்பட்டுள்ளனர். இது தொடர்பாக 3,806 கொலைக் குற்ற வழக்குகள் பதியப்பட்டுள்ளன. யோகி ஆதித்யநாத்``2017-ம் ஆண்டிலிருந்து பா.ஜ.க-வின் கோட்டையாக இருந்து வருகிறது உத்தரப் பிரதேசம். அதுவும் அயோத்தியில் ராமர் கோயில் கட்டும் பணி தொடங்கிய பிறகு உ.பி-யில் பா.ஜ.க-வை அசைக்கவே முடியாது என்கிற நிலைதான் தொடர்ந்து வருகிறது. ஆனால், இப்படி வன்முறைச் சம்பவங்கள் அதிகரித்துக் கொண்டே இருந்தால் இன்னும் இரண்டே ஆண்டுகளில், சமாஜ்வாதி அல்லது பகுஜன் சமாஜ் கட்சியின் கைக்கு உ.பி அரசு மாறுவதற்கான வாய்ப்புகள் அதிகம் உள்ளன'' என்கிறார்கள் அரசியல் விமர்சகர்கள்.
http://dlvr.it/RjlYQb

Read More

"பெயருக்கு கொஞ்சம் மரியாதை கொடுங்கள்" கிறிஸ் கெயில் !

பேட்டில் பொறிக்கப்பட்டிருக்கும் பெயருக்கு கொஞ்சம் மரியாதை கொடுங்கள் என்று கிங்ஸ் லெவன் பஞ்சாப் அணியின் நட்சத்திர பேட்ஸ்மேன் கிறிஸ் கெயில் தெரிவித்துள்ளார். பெங்களூரு அணிக்கு எதிரான நேற்றைய ஐபிஎல் போட்டியில் பஞ்சாப் அணி, கடைசி பந்தில் த்ரில் வெற்றி பெற்றது. இந்தப் போட்டியில் யுனிவர்ஸ் பாஸ் என்று அழைக்கப்படும் கிறிஸ் கெயில் 45 பந்துகளில் 53 ரன்களை எடுத்து ஆட்டமிழந்தார். அரைசதம் அடித்த கிறிஸ் கெயில் தனது பேட்டில் பொறிக்கப்பட்டிருக்கும் "தி பாஸ்" என்ற வார்த்தையை சுட்டிக்காட்டினார். போட்டி முடிந்த பின்பு பேசிய கிறிஸ் கெயில் "ஆடுகளம் மிகவும் மெதுவாக இருந்தது. ஆனால் இரண்டாவதாக விளையாடியபோது கொஞ்சம் பரவாயில்லை. என்னை மூன்றாவது வீரராக களமிறங்கச் சொன்னார்கள். அதுதான் எனக்கு கொடுத்த பணி. தொடக்க வீரர்களாக அகர்வாலும் ராகுலும் மிகவும் சிறப்பாகவே விளையாடினார்கள். பின்பு எனக்கு கொடுக்கப்பட்ட வேலையை நான் சிறப்பாக செய்து முடித்தேன்" என்றார். மேலும் "நான் சொல்வது ஒன்றே ஒன்றுதான். பேட்டில் பொறிக்கப்பட்டிருக்கும் பெயருக்கு மரியாதை கொடுங்கள். கிரிக்கெட் விளையாடுவதற்கு உடல்தகுதி மிகவும் முக்கியம். எனக்கு பெவிலியனில் விளையாடாமல் அமர்ந்திருப்பது பிடிக்காது. உடற்தகுதி சரி இல்லை என்றாலும் விளையாடுவதுதான் எனக்கு மகிழ்ச்சியை தரும். விரைவில் முழு உடற் தகுதியை பெறுவேன்" என்றார் கெயில்.
http://dlvr.it/Rjjqny

Read More

’என் அம்மா ஈழத்தமிழர்; அதனால் முடியாது என்றேன்’ -முரளிதரன் படத்தில் நடிக்க மறுத்த நடிகர்.!

இலங்கை கிரிகெட் வீரர் முத்தையா முரளிதரனின் வாழ்க்கை 800 எனும் பெயரில் திரைப்படமாகிறது. இந்தப் படத்தில் விஜய் சேதுபதி நடிப்பதற்கு ஆரம்பத்தில் இருந்தே பலரும் தெரிவித்து வருகின்றனர். படத்தின் மோஷன் போஸ்டர் வெளியிடப்பட்டுள்ள நிலையில், அதில் இலங்கை கொடியை கொண்ட சீருடையை அணிந்து இருப்பதை குறிப்பிட்டு விஜய் சேதுபதியை விமர்சித்து வருகின்றனர். இந்தப் படத்தில் விஜய் சேதுபதி நடிக்கக் கூடாது என திரையுலகைச் சேர்ந்த பலரும் கோரிக்கை விடுத்து வருகின்றனர். அதேவேளையில் இது குறித்து தர் மோஷன் பிக்சர்ஸ் நிறுவனம் வெளியிட்டுள்ள அறிக்கையில், முத்தையா முரளிதரன் வேடத்தில், நடிகர் விஜய் சேதுபதி நடிக்கும் '800‌' என்ற திரைப்படம் முழுக்க ஒரு கிரிக்கெட் வீரரின் வாழ்க்கை சம்பந்தப்பட்டதே தவிர, இதில் எந்தவித அரசியலும் கிடையாது எனத் தெரிவித்துள்ளது. இந்நிலையில் இப்படத்தில் தனக்கு வந்த வாய்ப்பை தான் நிராகரித்துவிட்டதாக நடிகர் டிஜே அருணாச்சலம் தெரிவித்துள்ளார். அசுரன் படம் மூலம் நடிகராக திரையுலகில் கால்பதித்தவர் டிஜே அருணாச்சலம். இவர் 800 திரைப்படம் குறித்து டைம்ஸ் ஆஃப் இந்தியாவுக்கு பேசியுள்ளார். அதில், ''நான் இந்தியாவில் இருந்தபோது 800 படக்குழு என்னை அணுகினர். என்னை முரளிதரனின் இளமைக்கால கதாபாத்திரத்தில் நடிக்க வேண்டுமென தெரிவித்தனர். கதைக்களம் குறித்து கூறினர். இலங்கை - தமிழர்களுக்கும் இடையிலான போர் வாழ்க்கை வரலாற்றில் சித்தரிக்கப்பட்டுள்ளது, அது எனக்கு சரியாகப்படவில்லை. என் அம்மா ஒரு ஈழத்தமிழர். போரில் ஏராளமான கொடுமைகள் இருந்தன, மேலும் படத்தின் அரசியலில் நான் ஈடுபட விரும்பவில்லை. அதனால் முடியாது'' எனத் தெரிவித்துவிட்டேன் என தெரிவித்துள்ளார் Courtesy: https://timesofindia.indiatimes.com/entertainment/tamil/movies/news/exclusive-teejay-said-no-to-vijay-sethupathis-muralidaran-biopic-because-of-its-politics/articleshow/78677869.cms
http://dlvr.it/Rjjqk3

Read More

கடந்த ஆண்டைவிட உயர்ந்த மோடியின் சொத்து : சரிந்த அமித் ஷா சொத்து..!

பிரதமர் மோடியின் சொத்து மதிப்பு கடந்த ஆண்டைவிட ரூ.36 லட்சம் உயர்ந்திருப்பதாக பிரதமர் அலுவலகம் வெளியிட்டுள்ள தகவலில் தெரிவிக்கப்பட்டுள்ளது. பிரதமர் மோடி, உள்துறை அமைச்சர் அமித் ஷா மற்றும் மத்திய அமைச்சர்கள் தொடர்பான சொத்து விவரங்களை பிரதமர் அலுவலகம் வெளியிட்டிருக்கிறது. அதன்படி, பிரதமர் மோடியின் சொத்து மதிப்பு கடந்த ஆண்டு ரூ.2.49 கோடியாக இருந்தது என்றும், தற்போது அது ரூ.2.85 கோடியாக உயர்ந்திருப்பதாகவும் தெரிவிக்கப்பட்டுள்ளது. கடந்த ஆண்டைவிட இது ரூ.36 லட்சம் உயர்வு என்று கூறப்பட்டுள்ளது. இதில் ரூ.3.3 லட்சம் வங்கியில் டெபாசிட் செய்யப்பட்டிருப்பதாகவும், ரூ.33 லட்சம் பாதுகாப்பான முதலீடுகள் செய்யப்பட்டிருப்பதாகவும் தெரிவிக்கப்பட்டுள்ளது. அத்துடன் பிரதமர் மோடியின் கையிருப்பில் ரூ.31,450 இருப்பதாகவும், இதுதவிர குஜராத் காந்திநகர் எஸ்.பி.ஐ வங்கிக்கணக்கில் ரூ.3,38,173 லட்சம் இருப்பதாகவும் கூறப்பட்டிருக்கிறது. அத்துடன் ரூ.1.6 கோடிக்கு நிரந்த வைப்பு தொகை மற்றும் பாதுகாப்புத்துறையில் இருப்பு வைக்கப்பட்டிருப்பதாகவும் தெரிவிக்கப்பட்டுள்ளது. அத்துடன் தேசிய பாதுகாப்பு சான்றிதழ்களாக ரூ.8.43 லட்சமும், ஆயுள் காப்பீடு திட்டத்தில் ரூ.1,50 லட்சம் இருப்பதாகவும் தெரியவந்திருக்கிறது. அசையும் சொத்துக்கள் ரூ.1.75 கோடிக்கும், அசையா சொத்துக்கள் ரூ.1.10 கோடிக்கும் இருப்பதாக பிரதமர் அலுவலகம் தெரிவித்துள்ளது. இந்த சொத்துக்களில் மோடியின் குடும்பத்தினருக்கு பங்கு இருப்பதாக தெரியவந்துள்ளது. அதேசமயம் மோடியில் பெயரில் சொந்தமாக ஒரு கார் கூட இல்லை என்பதும், தனிப்பட்ட வகையில் அவர் வங்கியில் எந்த கடனும் பெறவில்லை என்பதும் அறிவிக்கப்பட்டுள்ளது. மறுபுறம் மத்திய உள்துறை அமைச்சர் அமித் ஷாவின் சொத்துமதிப்பு கடந்த ஆண்டு ரூ.32.3 கோடியாக இருந்த நிலையில், நடப்பு ஆண்டில் ரூ.28.63 கோடியாக சரிவடைந்திருப்பதாக தெரிவிக்கப்பட்டுள்ளது. இதில் அமித்தாவின் பரம்பரை சொத்து ரூ.13.56 கோடி எனவும், அவை அசையா சொத்துகளும் எனவும் கூறப்பட்டுள்ளது. அமித் ஷாவின் கையிருப்பில் ரூ.15,814 மட்டுமே பணம் இருப்பதாக தெரிவிக்கப்பட்டுள்ளது. அத்துடன் வங்கிக்கணக்கு மற்றும் காப்பீடு திட்டத்தில் ரூ.1.04 கோடியும், ஓய்வூதியத்தில் ரூ.13.47 லட்சமும் இருப்பதாகவும் அறிவிக்கப்பட்டுள்ளது. மேலும், நகையாக ரூ.44.47 லட்சம் மதிப்பிற்கு அமித் ஷாவின் சொத்துக்கள் உள்ளன.
http://dlvr.it/RjgdVw

Read More

'100 மீ. தாண்டி அடிக்கப்படும் சிக்ஸர்களுக்கு கூடுதல் ரன் தேவை' கே.எல்.ராகுல் !

100 மீட்டர் தூரத்துக்கு மேல் அடிக்கப்படும் சிக்ஸர்களுக்கு கூடுதலாக ரன் வழங்க வேண்டும் என கிங்ஸ் லெவன் பஞ்சாப் அணியின் கேப்டன் கே.எல்.ராகுல் வேண்டுகோள் விடுத்துள்ளார். ஐபிஎல் கிரிக்கெட் தொடரின் இன்றைய ஆட்டத்தில் ராயல் சேலஞ்சர்ஸ் பெங்களூரு மற்றும் கிங்ஸ் லெவன் பஞ்சாப் அணிகள் பலப்பரீட்சை நடத்துகின்றன. ஷார்ஜாவில் இந்தப் போட்டி இந்திய நேரப்படி இரவு 7.30 மணிக்கு தொடங்குகிறது. விராட் கோலி தலைமையிலான பெங்களூரு அணி நடப்பு சீசனில் 7 போட்டிகளில் விளையாடி 5 வெற்றிகளைப் பதிவு செய்துள்ளது. ராகுல் தலைமையிலான பஞ்சாப் அணி விளையாடிய 7 போட்டிகளில் ஒரு வெற்றியை ‌மட்டுமே பதிவு செய்துள்‌ளது. இவ்விரு அணிகளும் இதுவரை 2‌5 முறை நேருக்கு நேர் மோதியுள்ளன. அவற்றில் பஞ்சாப் அணி 13 போட்டிகளிலும், பெங்களூரு அணி 12 போட்டிகளிலும் வெற்றி பெற்றுள்ளன‌. இந்நிலையில் விராட் கோலியும், கே.எல்.ராகுலும் காணொலி விவாதத்தில் பங்கேற்றனர். அப்போது பேசிய ராகுல், அதிரடியாக விளையாடும் பெங்களூரு வீரர்கள் கோலியையும், டிவில்லியர்ஸையும், ஐபிஎல் தொடரிலிருந்து நீக்க வேண்டும் என கிண்டலாக குறிப்பிட்டார். குறிப்பாக இன்று நடைபெறும் ஆட்டத்தில் இருந்து நீக்க வேண்டும் எனத் தெரிவித்தார். மேலும் 100 மீட்டர் தாண்டி அடிக்கப்படும் சிக்ஸர்களுக்கு கூடுதல் ரன் தேவை என்றும் குறிப்பிட்டார்.
http://dlvr.it/RjdtXH

Read More

`தமிழகத்தில் கொரோனா பாதிப்பு குறைந்து வருகிறதா?!' - உண்மை நிலவரம் என்ன?

தமிழகத்தின் தற்போதைய நிலவரம் என்ன.? தற்போது தமிழகத்தைப் பொறுத்தவரை நாளொன்றுக்கு 95,000-க்கும் அதிகமான ஆர்.டி.பி.சி.ஆர் பரிசோதனைகள் மேற்கொள்ளப்படுகின்றன. ஒட்டுமொத்த இந்தியாவில் நாளொன்றுக்கு அதிகமான ஆர்.டி.பி.சி.ஆர் பரிசோதனை மேற்கொள்ளும் மாநிலம் தமிழகம்தான். இதுவரை 85,84,041 பேருக்குப் பரிசோதனை மேற்கொள்ளப்பட்டிருக்கிறது.தமிழக முதலமைச்சர்நாள்தோறும் 85,000 கொரோனா பரிசோதனைகள் மேற்கொள்ள ரூ.6.8 கோடி செலவாகிறது. 14.10.2020 அன்றைய நிலவரப்படி, பாதிப்படைந்தவர்கள் மொத்தம் 6,70,392 பேர். அவர்களில் குணமடைந்தவர்கள் 6,17,403 பேர். உயிரிழந்தவர்கள் 10,423 பேர். தற்போது சிகிச்சையில் இருப்பவர்கள் 42,566 பேர். தற்போதைய நிலையில் பாதிப்படைப்பவர்களைவிட, குணமடைந்து வீடு திரும்புபவர்களின் எண்ணிக்கை அதிகமாக இருக்கிறது. புதிய பாதிப்புகள் குறைத்துக் காட்டப்படுகின்றனவா? பொது முடக்கம் அமலிலிருந்தபோது பாதிப்பு எண்ணிக்கை அதிகரித்துக் காணப்பட்ட நிலையில், தற்போது தமிழகம் இயல்புநிலையை அடைந்திருக்கிறது. இப்போது பாதிப்பு எண்ணிக்கை குறைந்திருக்கிறதே என்ற சந்தேகம் நம்மில் பலரின் மனதில் எழக்கூடும். அதே சந்தேகம் நமக்கும் ஏற்பட, பரிசோதனை மேற்கொள்ளும் சில லேப்களில் இருப்பவர்களிடம் உண்மை நிலவரம் என்ன என்பதைக் கேட்டறிந்தோம்.கொரோனா பரிசோதனை ``ஆரம்பத்திலிருந்து இப்போதுவரை, பரிசோதனை முடிவு என்னவாக வருகிறதோ அதை அப்படியேதான் கொடுத்து வருகிறோம். இருப்பவர்களுக்கு `இல்லை’ என்றோ, இல்லாதவர்களுக்கு `இருக்கிறது’ என்றோ மாற்றிக் கொடுத்ததும் இல்லை. அப்படிக் கொடுக்கச் சொல்லி யாரும் கட்டாயப்படுத்தியதும் இல்லை. உண்மையைச் சொல்லப்போனால், முன்பெல்லாம் மதியத்தோடு அன்றைய நிலவர கணக்கைக் கேட்டு வாங்கிக்கொள்வார்கள். ஆனால், தற்போது மாலை வரை புதிய பாதிப்பு எண்ணிக்கை விவரங்களைச் சேகரிக்கிறார்கள்" என்று கூறினார்கள். தமிழக அரசு எடுத்திருக்கும் நடவடிக்கைகள் என்னென்ன? இந்திய அளவில் கொரோனா தடுப்பு நடவடிக்கைகளில் பல்வேறு யுக்திகளைத் தமிழக அரசு கையாண்டுவருகிறது. குறிப்பாக `சென்னை ஃபார்முலா’ என்பதைத் தமிழகம் மட்டுமல்லாமல், பிற மாநிலங்களும் கடைப்பிடித்துவருகின்றன. தெருதோறும் கொரோனா பரிசோதனை மருத்துவ முகாம்கள் நடத்துவது; வீடு வீடாகச் சென்று அறிகுறிகள் இருக்கும் நபர்களைக் கண்டறிவது; பாதிக்கப்பட்ட வீடுகளில் இருப்பவர்களுக்கு தனி கவனம் செலுத்த ஃபோகஸ்டு வாலன்டியர்; நகரத்தின் அனைத்துப் பகுதிகளிலும் காய்ச்சல் முகாம்களை நடத்துவது... எனப் பல்வேறு சிறப்பு நடவடிக்கைகளை மேற்கொண்டது தமிழக அரசு. இந்த நடவடிக்கைகளின் விளைவாக அதிகரித்துவந்த பாதிப்பு பெருமளவு கட்டுக்குள் கொண்டுவரப்பட்டது. இந்த கொரோனா பரவல் தடுப்பு நடவடிக்கைகளைத் தமிழகத்தின் பிற மாவட்டங்களும் செயல்படுத்தத் தொடங்கின. 59,721 Fever clinics were conducted in Chennai from 08-05-2020 till 14-10-2020. 30,22,598 people attended the clinics and 1,74,873 symptomatic patients were identified & tested for COVID-19 and others given medicines for minor ailments.#Covid19Chennai#GCC #ChennaiCorporation pic.twitter.com/Gmhwx3cROr— Greater Chennai Corporation (@chennaicorp) October 14, 2020 பொதுமக்களின் பங்களிப்பு: நீங்கள் இந்த செய்தியைப் படிக்கும்போது, நீங்களும் சரி... உங்களைச் சுற்றியிருப்பவர்களும் சரி... எத்தனை பேர் முகக்கவசம் அணிந்திருக்கிறீர்கள் என்று பாருங்கள். பொதுமக்களாகிய நம் பொறுப்புணர்வு என்ன என்பது தெளிவாகப் புரிந்துவிடும். உலக சுகாதார நிறுவனம் தொடங்கி கொரோனா விவகாரத்தில் அனைவரும் கூறுவது முகக்கவசமும், தனி மனித இடைவெளியும்தான். இதை நம்மில் எத்தனை பேர் சரியாகக் கடைப்பிடிக்கிறோம்?`தமிழகத்தில், கொரோனா பரவல் ஆரம்பித்த காலகட்டத்தில் இருந்ததைவிட தற்போது 35 சதவிகிதத்துக்கும் அதிகமானோர் எந்தப் பாதுகாப்பு விதிமுறைகளையும் கடைப்பிடிப்பதில்லை’ என்று சமீபத்திய ஓர் ஆய்வறிக்கை கூறுகிறது. `அனைவரும் தொடர்ந்து மூன்றே வாரங்களுக்கு முகக்கவசம் அணிந்து, சரியான தனிமனித இடைவெளியைப் பின்பற்றினால் கொரோனா பரவல் என்பது இல்லாமல் போய்விடும்’ என்று அரசு கூறிவருகிறது. கொரோனா காலத்திலும் அரசின் மீது பல்வேறு ஊழல் குற்றச்சாட்டுகள் இருக்கின்றன. முறைகேடு புகார்கள் இருக்கின்றன. அதேவேளையில், தமிழக அரசின் கொரோனா தடுப்பு நடவடிக்கைகள், இந்தியாவின் மற்ற மாநிலங்களைவிடச் சிறப்பாக இருக்கின்றன என்பதிலும் மாற்றுக் கருத்தில்லை. அதற்கு மிக முக்கியக் காரணம் தமிழகத்தின் வலுவான பொது சுகாதாரக் கட்டமைப்பு.மகாளய அமாவாசை அன்று சென்னையில் கூடிய மக்கள் கூட்டம் கேரளாவிலிருந்து கற்றுக்கொள்ள வேண்டியது! இந்தியாவில் முதல் கொரோனா தொற்று கண்டறியப்பட்டது கேரளாவில்தான். மற்ற மாநிலங்களில் தொற்றின் பாதிப்பு மிக அதிகமாக இருந்த காலகட்டத்திலேயே கேரளாவில் பாதிப்பு 500-க்கும் குறைவாகத்தான் இருந்தது. அப்போது கொரோனா தடுப்பு நடவடிக்கைகளுக்காகக் கேரளா பெரிதும் பாராட்டப்பட்டது. ஆனால் , தற்போது கேரளாவின் நிலைமை மிக மோசமாக இருக்கிறது. நாளொன்றுக்குப் புதிதாக 10,000-க்கும் அதிகமான தொற்றுகள் உறுதிசெய்யப்படுகின்றன. தொற்றின் பாதிப்பு நாளுக்கு நாள் அதிகரித்துக்கொண்டே செல்கிறது. தற்போது கேரளாவில் மருத்துவ அவசரநிலை பிறப்பிக்கப்பட்டிருக்கிறது. இது நடந்தது ஓணம் பண்டிகைக்குப் பிறகுதான். மக்களின் கவனக்குறைவும் அலட்சியப்போக்கும்தான், பாதிப்பு அதிகமாவதற்குக் காரணங்களாக இருக்கின்றன.கொரோனா தமிழகத்தில் தீபாவளிப் பண்டிகை நெருங்கிக்கொண்டிருக்கிறது. கடைத்தெருக்களில் மக்கள் கூட்டம் அலைமோதுவதை நம்மால் கண்கூடாகக் காண முடிகிறது. ``அட... கொரோனால்லாம் நமக்கு வராதுப்பா... சும்மா சளி இருந்தாலே கொரோனானு புடிச்சிட்டுப் போயிடுறாங்க. இந்த அரசாங்கம் காசு சம்பாதிக்கிறதுக்கு கொரோனான்னு நம்மைப் பிடிச்சுக்கிட்டுப் போறாங்க" என்று பேசும் மக்களை நாம் பார்த்திருப்போம். இப்படிப் பேசுமளவுக்கு கொரோனா வெறும் சாதாரண பாதிப்பல்ல என்பதை நாம் உணர வேண்டும். அப்படி உணராமல், பெரும் பாதிப்பைச் சந்தித்த ஒரு நாட்டின் கதையை உங்களுக்குச் சொல்ல ஆசைப்படுகிறோம். ஈக்வடார் நாட்டின் மிகப்பெரிய நகரங்களில் குவயாக்வில் (Guayaquil) முக்கியமான நகரம். இந்த நகரின் மொத்த மக்கள்தொகை 20 லட்சம். இயல்புநிலையிலிருந்த நகரில் திடீரென கொரோனா பரவல் வேகமெடுக்க ஆரம்பித்தது. தொடர்ந்து நிலைமை மிகவும் மோசமடையத் தொடங்கியது. உயிரிழப்பு உச்சத்தைத் தொட்டுக்கொண்டிருந்தது. கொரோனா பாதிப்பில் இறந்தவர்களின் உடல்களை ஆங்காங்கே சாலைகளில் வீசும் கொடுமை நடந்தது. நகரின் பல இடங்களில் அழுகிய நிலையில் உடல்கள் காணப்படும் அவலநிலைக்கு அந்த நகரம் ஆளானது. Also Read: வேகமெடுக்கும் `கொரோனா இரண்டாம் அலை'... என்ன செய்யப்போகிறது இந்தியா? இப்படி பல்வேறு சம்பவங்கள் இன்னும் பல இடங்களில் நடந்துகொண்டேதான் இருக்கின்றன. இந்தநிலைக்கு இன்னும் இந்தியா தள்ளப்படவில்லை. இந்தியாவில் 97,000 வரை சென்ற புதிய தொற்றுகளில் எண்ணிக்கை தற்போது 55,000-க்கு வந்திருக்கிறது. ஐ.சி.எம்.ஆர் மேற்கொண்ட ஆய்வில் பலருக்கு நோய் எதிர்ப்பு சக்தி உருவாகியிருப்பதாகத் தெரியவந்திருக்கிறது. அரசின் கொரோனா தடுப்பு முன்னெச்சரிக்கை நடவடிக்கைகள் ஒருபுறம் இருந்தாலும். கொரோனவைக் கட்டுக்குள் வைப்பதும், அதைக் கட்டவிழ்த்து விடுவதும் மக்களாகிய நம் கையில்தான் இருக்கிறது.
http://dlvr.it/RjdtNJ

Read More

`நம்மிடம் இருந்து பறித்தவற்றை நாம் திரும்பப் பெற வேண்டும்!’ - விடுதலைக்குப் பின் மெஹ்பூபா முப்தி

ஜம்மு காஷ்மீர் மாநிலத்துக்குச் சிறப்பு அந்தஸ்து வழங்கிய சட்டப்பிரிவு 370, மத்திய அரசால் கடந்த ஆண்டு ஆகஸ்ட் மாதம் ரத்துசெய்யப்பட்டது. மேலும், அந்த மாநிலத்தை ஜம்மு - காஷ்மீர் மற்றும் லடாக் என இரண்டு யூனியன் பிரதேசங்களாகவும் அறிவித்தது மத்திய அரசு. இதற்கு எதிர்ப்பு தெரிவித்து நடக்கும் போராட்டங்களையொட்டி முன்னெச்சரிக்கை நடவடிக்கையாக, மத்திய அரசு, பல கட்டுப்பாடுகளை அந்தப் பகுதிகளில் விதித்தது. அணிவகுப்பு மற்றும் பேரணிகளைத் தடைசெய்தல், இணையதள சேவை மற்றும் மொபைல் சேவைகளைத் தடை செய்தல் ஆகியவையும் இதில் அடங்கும். பாதுகாப்புக்காக ராணுவ வீரர்களை அந்தப் பகுதியில் அதிக அளவில் நிறுத்தியதோடு மட்டுமல்லாமல், நூற்றுக்கணக்கான முக்கிய அரசியல் தலைவர்களையும் தடுப்பு காவலில் வைத்தனர்.மெஹ்பூபா முப்தி இந்தச் சம்பவம் நடைபெற்று ஓராண்டு கடந்துவிட்ட நிலையில், அங்கு படிப்படியாக தளர்வுகள் வழங்கப்பட்டுவருகின்றன. தடுப்பு காவலில் வைக்கப்பட்டிருந்த தலைவர்களும் படிப்படியாக விடுதலை செய்யப்பட்டுவந்தனர். இருப்பினும், ஜம்மு காஷ்மீர் முன்னாள் முதல்வர் மெஹ்பூபா முப்தி மட்டும் தொடர்ந்து தடுப்பு காவலில் வைக்கப்பட்டிருந்தார். இதற்கிடையே அவர் மீது பொது பாதுகாப்புச் சட்டமும் பாய்ந்தது. மெஹ்பூபா முப்தியை விடுதலை செய்யக் கோரி உச்ச நீதிமன்றத்தில் வழக்கு ஒன்றும் தொடரப்பட்டிருந்தது. அவரின் விடுதலை தொடர்பாக நீதிமன்றமும் கேள்வி எழுப்பியிருந்தது. இந்தநிலையில் 14 மாதங்களாக வீட்டுச் சிறையில் அடைக்கப்பட்டிருந்த மெஹ்பூபா முப்தி விடுதலை செய்யப்பட்டிருக்கிறார். இதை ஜம்மு-காஷ்மீர் யூனியன் பிரதேசத்தின் நிர்வாக செய்தித் தொடர்பாளர் ரோஹித் கன்சால் அறிவித்திருக்கிறார். மெஹ்பூபா முப்தியின் ட்விட்டர் பக்கத்திலும் அவரது விடுதலை தொடர்பாகக் கருத்துகள் பதியப்பட்டிருந்தன. Also Read: `சப்பாத்தியில் மறைத்துக் கடிதம் எழுதினேன்!’ -தாயுடன் பேசிய ரகசியத்தைப் பகிரும் மெஹ்பூபா முப்தி மகள்மகள் இல்டிஜா -மெஹ்பூபா விடுதலை செய்யப்பட்டப் பின்னர் மெஹ்பூபா முப்தி ஆடியோ மூலம் மக்களிடம் பேசுகையில், ``டெல்லி தர்பார் சட்ட விரோதமாகவும், ஜனநாயகத்துக்கு எதிராகவும் நம்மிடமிருந்து பறித்தவற்றை நாம் திரும்பப் பெற வேண்டும். அதுமட்டுமல்ல, காஷ்மீரின் பிரச்னைகள் தீர்க்கப்பட வேண்டும். அதற்காகத்தான் எத்தனையோ காஷ்மீரிகள் தங்கள் உயிர்களைத் தியாகம் செய்திருக்கிறார்கள். அதை நாம் பெறுவதற்கான பாதை நிச்சயம் எளிதானதாக இருக்காது. ஆனால் கடினமான முயற்சிகள் தொடர வேண்டும். இன்னும் சட்டவிரோதமாகத் தடுப்பு காவலில் இருப்பவர்களை உடனடியாக விடுதலை செய்ய வேண்டும்” எனக் கேட்டுக்கொண்டார். வரும் வெள்ளிக்கிழமை அன்று மெஹ்பூபா, செய்தியாளர்களை சந்திக்கவிருப்பதாகக் கூறப்படுகிறது. உமர் அப்துல்லாவும் அவரின் தந்தை ஃபரூக் அப்துல்லாவும் தடுப்பு காவலிலிருந்து கடந்த மார்ச் மாதம் விடுதலை செய்யப்பட்டனர். Also Read: `டிப்ஸ் வேண்டுமா.. குவாரன்டைனில் 8 மாத அனுபவம் இருக்கு..!’ -விடுவிக்கப்பட்டார் உமர் அப்துல்லா
http://dlvr.it/RjZlTx

Read More