`இனி அனுமதியில்லாமல் சி.பி.ஐ விசாரிக்க முடியாது!' - பொது ஒப்புதலை ரத்து செய்த கேரளா

கேரள முதலமைச்சர் பினராயி விஜயன், ``சி.பி.ஐ தன் அதிகார வரம்பை மீறி, அரசியலமைப்புரீதியாக தேர்ந்தெடுக்கப்பட்ட மாநில அரசாங்கத்தைச் சீர்குலைக்கும் முயற்சியில் ஈடுபட்டுவருகிறது" என்று சமீபத்தில் குற்றம்சாட்டிப் பேசியிருந்தார். இனி கேரளாவில் எந்தவொரு வழக்கின் விசாரணையையும் நடத்த மாநில அரசிடம் சி.பி.ஐ முன் அனுமதி பெற வேண்டும் எனவும். சி.பி.ஐ-க்கு வழங்கப்பட்டிருந்த பொது அனுமதியைத் திரும்பப் பெறுவதாகவும் கேரள அமைச்சரவையில் முடிவெடுக்கப்பட்டிருக்கிறது. சி.பி.ஐ-யின் அதிகார வரம்பு, டெல்லி சிறப்பு காவல் நிறுவனச் சட்டத்தின் (Delhi Special Police Eshtablishment - DSPE 1946) மூலம் வரையறுக்கப்பட்டிருக்கிறது. இந்தச் சட்டம் மத்திய ஆட்சிப் பகுதிகளின் காவல்துறைக்கு இருக்கும் அதே அதிகாரங்களையும், பொறுப்புகளையும் சி.பி.ஐ-க்கும் வழங்குகிறது. டெல்லியைத் தவிர, நாட்டில் எந்தவொரு மாநிலத்திலும் சி.பி.ஐ., தனது அதிகாரத்தைப் பயன்படுத்த சம்பந்தப்பட்ட மாநில அரசின் பொது ஒப்புதல் (General Consent) பெற்றிருப்பது அவசியம். சி.பி.ஐ-க்கு பொது ஒப்புதல் மறுக்கப்பட்டிருக்கும் மாநிலங்களில்,சி.பி.ஐ வழக்கு விசாரணை செய்ய மாநில அரசுகளிடம் ஒப்புதல் பெற வேண்டும்.கேரள முதல்வர் பினராயி விஜயன் பா.ஜ.க ஆட்சியில் இல்லாத மாநிலங்களான ராஜஸ்தான், சத்தீஸ்கர், மேற்கு வங்காளம் ஆகியவை சி.பி.ஐ-க்கு வழங்கியிருந்த பொது ஒப்புதலை ஏற்கெனவே திரும்பப் பெற்றிருக்கின்றன. இதையடுத்து சமீபத்தில், டி.ஆர்.பி மோசடி வழக்கின் முக்கியத் திருப்பமாக மகாராஷ்டிரா மாநிலமும் சி.பி.ஐ பொது ஒப்புதலைத் திரும்பப் பெற்றது. இந்தநிலையில், சி.பி.ஐ-க்கு வழங்கப்பட்டிருந்த பொது ஒப்புதலை ரத்து செய்யும் மாநிலங்களின் பட்டியலில் தற்போது கேரளாவும் இணைந்திருக்கிறது. கேரளா மாநிலத்தில் விசாரணைகளை நடத்துவதற்காக மத்திய புலனாய்வுப் பிரிவுக்கு வழங்கப்பட்ட பொது ஒப்புதலை ரத்துசெய்ய கேரள அரசு முடிவு செய்திருக்கிறது. Also Read: சுஷாந்த் வழக்கு: `உண்மையை நோக்கிய முதல் படி!’ - சிபிஐ விசாரணைக்கு உத்தரவிட்ட உச்ச நீதிமன்றம் இந்த வார தொடக்கத்தில், கேரள முதலமைச்சர் பினராயி விஜயன், ``சி.பி.ஐ தன் அதிகார வரம்பை மீறி, அரசியலமைப்புரீதியாக, தேர்ந்தெடுக்கப்பட்ட மாநில அரசாங்கத்தைச் சீர்குலைக்கும் முயற்சியில் ஈடுபடுகிறது" என்று மத்திய புலனாய்வுப் பிரிவைக் குற்றம்சாட்டிப் பேசினார். அப்போதே, சி.பி.ஐ பொது ஒப்புதலை முதல்வர் ரத்து செய்வார் என்று எதிர்பார்க்கப்பட்ட நிலையில், தற்போது மாநில அமைச்சரவையில் அந்த முடிவு எடுக்கப்பட்டிருக்கிறது. கடந்த செப்டம்பர் மாதம், கேரள அரசாங்கத்தின் முதன்மைத் திட்டமான நிலம் அல்லது வீடில்லாத குடும்பங்களுக்கு வீடுகளை நிர்மாணிக்கும் லைஃப் மிஷன் (Life Mission) திட்டத்தில் வெளிநாட்டுப் பங்களிப்பு ஒழுங்குமுறைச் சட்டத்தை மீறியதாக, ஊழல் குற்றச்சாட்டுகளுக்கு உள்ளான காங்கிரஸ் எம்.எல்.ஏ அனில் அக்கரா அளித்த புகாரின் அடிப்படையில் சி.பி.ஐ வழக்கு பதிவு செய்தது. இதையடுத்து, லைஃப் மிஷன் தலைமை நிர்வாக அதிகாரி யு.வி.ஜோஸின் மனுவின் அடிப்படையில், கேரள உயர் நீதிமன்றம் இரண்டு மாத காலத்துக்கு விசாரணையை நிறுத்த உத்தரவிட்டிருந்தது. இருப்பினும், ஒப்பந்த நிறுவனம் உட்பட பிரச்னையின் பிற அம்சங்களை ஆராய்வதை நீதிமன்றம் தடுக்கவில்லை. சி.பி.ஐ சி.பி.ஐ பதிவு செய்த இந்த வழக்கு ``மாநில அரசை இழிவுப்படுத்தும் திட்டமிட்ட முயற்சியைக் குறிக்கிறது’’ என்று நீதிமன்றத்தில் மனுதாரர் தரப்பில் தெரிவிக்கப்பட்டதையடுத்து, மத்திய அரசின் கட்டுப்பாட்டிலுள்ள புலனாய்வு அமைப்புகள் மாநில அரசின் கொள்கைகள் மற்றும் திட்டங்களில் தலையிடும் சூழ்நிலை எழுந்திருப்பதாக கேரள முதலமைச்சர் பினராயி விஜயன் கூறியிருக்கிறார். சமீபத்தில், மகாராஷ்டிராவில் உத்தவ் தாக்கரே அரசாங்கமும் இது போன்ற சம்பவத்தில் பொது அனுமதியை ரத்து செய்து உத்தரவிட்டதையடுத்து, சில நாள்களிலேயே கேரள அரசும் முடிவெடுத்திருக்கிறது. மேலும், கேரள மாநிலம் தேர்தலைச் சந்திக்க இன்னும் ஆறு மாதங்களே இருக்கும் நிலையில் ஸ்வப்னா சுரேஷ் தங்கக் கடத்தல் விவகாரம், மார்க்சிஸ்ட் கம்யூனிஸ்ட் மாநிலச் செயலாளா் கொடியேறி பாலகிருஷ்ணனின் இளைய மகன் பினீஷ் கொடியேறி போதைப்பொருள் கடத்தல் விவகாரம் உள்ளிட்ட பிரச்னைகளால் தற்போதைய கம்யூனிஸ்ட் ஆட்சிக்கு அடுத்த முறை ஆட்சி அமைப்பது சவாலாகிவரும் சூழலில்., இந்த வழக்குகளை விசாரித்துவரும் மத்தியப் புலனாய்வுப் பிரிவின் பொது ஒப்புதலை ஆளும் கம்யூனிஸ்ட் அரசு ரத்து செய்வதாக அமைச்சரவையில் முடிவெடுத்திருப்பது குறிப்பிடத்தக்கது.
http://dlvr.it/Rl2jF5

Read More

பாஜகவின் வேல் யாத்திரைக்கு தடையா?

பாரதிய ஜனதா நடத்தும் வேல் யாத்திரைக்கு தடை விதிக்கக்கோரி சென்னை உயர்நீதிமன்றத்தில் தொடரப்பட்ட வழக்கு இன்று விசாரணைக்கு வருகிறது. வேல் யாத்திரையை நாளை திருத்தணியில் தொடங்கி, டிசம்பர் 6ஆம் தேதி திருச்செந்தூரில் நிறைவு செய்ய பாரதிய ஜனதா திட்டமிட்டுள்ளது. இந்நிலையில், வேல் யாத்திரைக்கு தடை விதிக்கக்கோரி செந்தில்குமார் என்பவர் சென்னை உயர்நீதிமன்றத்தில் வழக்கு தொடர்ந்தார். பக்தர்கள் கூட்டமாக கூடுவதை தடுக்க விநாயகர் சதுர்த்தி, மொகரம் உள்ளிட்ட மத விழாக்கள் நிறுத்தப்பட்ட நிலையில், வேல் யாத்திரைக்கு அனுமதி வழங்கினால் கொரோனா தொற்று அதிகரிக்கும் என மனுவில் குறிப்பிடப்பட்டுள்ளது. பாபர் மசூதி இடிப்பு தினத்தில் வேல் யாத்திரை நிறைவடைய இருப்பதால் சட்டம்-ஒழுங்கு பிரச்னை ஏற்பட வாய்ப்புள்ளதாகவும் மனுவில் அச்சம் தெரிவிக்கப்பட்டுள்ளது. எனவே வேல் யாத்திரைக்கு அனுமதி வழங்கக்கூடாது என மனுவில் கோரிக்கை விடுக்கப்பட்டுள்ளது. இந்த வழக்கில் தமிழக உள்துறை செயலாளர், சுகாதாரத் துறை செயலாளர், தமிழக டிஜிபி, பாரதிய ஜனதா மாநில தலைவர் எல்.முருகன் ஆகியோர் எதிர் மனுதாரர்களாக சேர்க்கப்பட்டுள்ளனர். இந்த வழக்கை இன்று விசாரிப்பதாக நீதிபதிகள் சத்தியநாராயணன், ஹேமலதா அமர்வு தெரிவித்துள்ளது.
http://dlvr.it/Rl1jym

Read More

அர்னாப் கோஸ்வாமிக்கு 14 நாள்கள் நீதிமன்றக் காவல்

அர்னாப் கோஸ்வாமிக்கு 14 நாள்கள் நீதிமன்றக் காவல் விதித்து மும்பை நீதிமன்றம் உத்தரவிட்டுள்ளது.    இன்டீரியர் டிசைனரான அன்வை நாயக் என்பவர் 2018 ஆம் ஆண்டு தாயாருடன் தற்கொலை செய்துகொண்டார். இந்த வழக்கு கடந்த ஆண்டே முடிக்கப்பட்ட போதும், நாயக்கின் மகள் அளித்த புகாரின் பேரில் அர்னாப் கோஸ்வாமியை மும்பை காவல் துறை கைது செய்தது.   ஒர்லி பகுதியில் உள்ள தமது வீட்டில் நுழைந்து தம்மையும் குடும்பத்தினரையும் காவல் துறையினர் தாக்கியதாகவும் வலுக்கட்டாயமாக அழைத்துச் சென்றதாகவும் அர்னாப் கோஸ்வாமி குற்றம்சாட்டினார். இந்நிலையில், கைது நடவடிக்கையின்போது பெண் காவலர் ஒருவரை தாக்கியதாக அர்னாப் கோஸ்வாமி, அவரது மனைவி, மகன் மற்றும் 2 பேர் மீது, 3 பிரிவுகளின் கீழ் வழக்குகள் பதிவு செய்யப்பட்டுள்ளன.   கைது செய்யப்பட்ட அர்னாப் கோஸ்வாமி, அலிகாப் நடுவர் நீதிமன்ற மாஜிஸ்திரேட் முன் ஆஜர்படுத்தப்பட்டார். அவருக்கு, 14 நாள்கள் நீதிமன்றக் காவல் விதிக்கப்பட்டது. இதுபற்றி செய்தியாளர்களுடன் பேசிய அர்னாப்பின் வழக்கறிஞர் கௌரவ் பார்க்கர், காவல் துறையுடன் அனுப்பாமல் நீதிமன்றக் காவல் அளித்ததே தங்களுக்கு கிடைத்த வெற்றி என்று கூறினார்.   அர்னாப்பை ஜாமீனில் விடுவிக்கக் கோரும் மனுவை, நீதிமன்றம் இன்று விசாரிக்க உள்ளதாகவும் அவர் தெரிவித்தார்.
http://dlvr.it/Rl1jv6

Read More

`2019-ல் முடித்து வைக்கப்பட்ட வழக்கு; மறு விசாரணை!’ - அர்னாப்-ஐ அழைத்துச் சென்ற மும்பை போலீஸ்

ரிபப்ளிக் டி.வி தலைமை ஆசிரியர் அர்னாப் கோஸ்வாமியை மும்பை போலீஸார் இன்று விசாரணைக்காக அழைத்துச் சென்றனர். தன்னை வலுக்கட்டாயமாக விசாரணைக்கு அழைத்துச் சென்றதாக அவர் போலீஸார் மீது புகார் தெரிவித்துள்ளார். #WATCH Republic TV Editor Arnab Goswami detained and taken in a police van by Mumbai Police, earlier today pic.twitter.com/ytYAnpauG0— ANI (@ANI) November 4, 2020 பாலிவுட் நடிகர் சுஷாந்த் சிங் தற்கொலை வழக்கில் ரிபப்ளிக் டிவி, மகாராஷ்டிராவில் ஆளும் சிவசேனா கட்சிக்கு எதிராக பல செய்திகளை வெளியிட்டு பரபரப்பை ஏற்படுத்தியாகக் கூறப்பட்டது. இந்நிலையில், டிஆர்பி ரேட்டிங் முறைகேடு தொடர்பான விவகாரத்தில் மும்பை காவல்துறை வழக்கு பதிந்தது அனைவரும் அறிந்ததே. என்றாலும், டிஆர்பி முறைகேடு விவகாரத்தில் அர்னாப், தற்போது போலீஸாரால் அழைத்து செல்லப்படவில்லை. Also Read: `அனுமதியில்லாமல் விசாரிக்க முடியாது!’- டி.ஆர்.பி வழக்கில் சி.பி.ஐ-க்குக் கடிவாளம்போட்ட மகாராஷ்டிரா என்ன வழக்கு? 2018-ம் ஆண்டு அலிபாக் பகுதியை சேர்ந்த கட்டட உள்வடிவமைப்பாளர் அன்வய் நாயக் அவரது தாயாருடன் தற்கொலை செய்துகொண்டார். அவர் எழுதி வைத்திருந்த கடிதத்தில், அர்னாப் உள்ளிட்ட மூவர் தனக்கு தர வேண்டிய 5.4 கோடி ரூபாயைத் தரவில்லை எனவும், அதனால் தனக்கு பொருளாதார நெருக்கடி ஏற்பட்டது எனவும், அதுவே தனது தற்கொலைக்கு காரணம் எனவும் குறிப்பிட்டிருந்தார்.அர்னாப் கோஸ்வாமி இந்த நிலையில் 2018-ம் ஆண்டு தற்கொலைக்கு தூண்டியதாக வழக்கு பதியபட்டது. இந்த வழக்கு 2019 -ல் முடித்தும் வைக்கப்பட்டது. இந்த நிலையில் மகாராஷ்டிரா மாநில உள்துறை அமைச்சர் அனில் தேஷ்முக் கடந்த மே மாதம் இந்த வழக்கு மறு விசாரணை செய்யப்படும் என்றார். அன்வய் நாயக் மகள், அர்னாப் தனது தந்தைக்கு தர வேண்டிய பணம் தொடர்பாக விசாரிக்காமலே வழக்கு முடித்து வைக்கப்பட்டதாக உள்துறை அமைச்சர் அனில் தேஷ்முக்-கை சந்தித்து புகார் தெரிவித்ததை தொடர்ந்து இந்த வழக்கின் மறு விசாரணை தொடங்கப்பட்டது. Also Read: ரிபப்ளிக் டிவி: வீட்டுக்கு மாதம் ரூ.400; `இந்தியா டுடே' பகை - டி.ஆர்.பி விவகாரத்தில் என்ன நடக்கிறது? தற்போது இந்த வழக்கின் விசாரணைக்காக அர்னாப் போலீஸாரால் அழைத்து செல்லப்பட்டிருக்கிறார். இந்த சம்பவத்தின் போது போலீஸார் தன்னை தாக்கியதாகவும் அர்னாப் தெரிவித்துள்ளார். இந்த நிலையில் அர்னாப் கைதுக்கு ஆதரவாகவும் எதிராகவும் பல்வேறு கருத்துகள் பதியப்பட்டு வருகிறது. மகாராஷ்டிரா அரசு பழிவாங்கும் நடவடிக்கையாக இதனை செய்து வருவதாக குற்றம்சாட்டப்படுகிறது.சஞ்சய் ராவத் இந்த நிலையில் சிவசேனா கட்சியின் எம்.பி சஞ்சய் ராவத், ``பழிவாங்கலுக்காக எந்த நடவடிக்கையும் மகாராஷ்டிரா அரசு எடுக்கவில்லை. காவல்துறைக்கு ஒருவருக்கு எதிரான ஆதாரங்கள் கிடைத்தால் நடவடிக்கை எடுக்கத்தான் செய்யும்” என்றார். முன்னதாக மத்திய அமைச்சர் பிரகாஷ் ஜவடேகர், மகராஷ்டிரா அரசின் இந்த நடவடிக்கை பத்திரிகை சுதந்திரத்தை தாக்குவதாக குறிப்பிட்டார்.
http://dlvr.it/RkykhY

Read More

டேபிள் டாப்பர்களை வீழ்த்தி பிளே ஆப் சுற்றுக்குள் நுழைந்தது சன்ரைசர்ஸ் ஹைதராபாத்

ஷார்ஜாவில் நடைபெற்ற நடப்பு ஐபிஎல் சீசனின் கடைசி லீக் ஆட்டத்தில் மும்பை இந்தியன்ஸ் அணியும், சன்ரைசர்ஸ் ஹைதராபாத் அணியும் விளையாடின. மும்பை அணி பிளே ஆப் சுற்றுக்கு தகுதி பெற்ற நிலையில் சன்ரைசர்ஸ் ஹைதராபாத் அணி அதற்கான இறுதி வாய்ப்பாக இந்த ஆட்டத்தில் விளையாடியது.  வெற்றி பெற்றால் ஹைதராபாத் பிளே ஆப் சுற்றுக்கு முன்னேறும் என்ற நிலையில் டாஸ் வென்ற அந்த அணியின் கேப்டன் வார்னர் பவுலிங் தேர்வு செய்தார். இதையடுத்து மும்பை அணி முதலில் பேட்டிங் செய்தது. அந்த அணியின் கேப்டன் ரோகித் ஷர்மா இந்த ஆட்டத்தில் விளையாடினார். அவரது வருகை மும்பை அணிக்கு பலமாக சேர்ந்த நிலையில், போல்ட் மற்றும் பும்ராவுக்கு ஓய்வு கொடுக்கப்பட்டது.     டி காக்கும், ரோகித் ஷர்மாவும் இன்னிங்க்ஸை ஓப்பன் செய்தனர். இருவரும் POWERFUL நாக் கொடுப்பார்கள் என எதிர்பார்க்கப்பட்ட நிலையில் சந்தீப் ஷர்மா வீசிய மூன்றாவது ஓவரில் மிட் ஆப் திசையில் பெரிய ஷாட் அடிக்க முயன்று வார்னரிடம் கேட்ச் கொடுத்து வெளியேறினார் ரோகித் ஷர்மா.  தொடர்ந்து சூர்யகுமார் யாதவ் கிரீஸுக்குள் வந்தார். மறுபக்கம் விளையாடிக் கொண்டிருந்த டி காக் 13 பந்துகளில் 25 ரன்களை அடித்த நிலையில் சந்தீப் ஷர்மா வீசிய ஐந்தாவது ஓவரில் ஆப் ஸ்டெம்புக்கு வெளியே போடப்பட்ட ஃபுள் டாஸ் பந்தை ஷாட் அடிக்க முயன்று இன்சைட் எட்ஜாகி, பந்து ஸ்டெம்பை பதம் பார்த்ததால் வெளியேறினார். பவர்பிளே ஓவர் முடிவில் இரண்டு விக்கெட் இழப்பிற்கு 48 ரன்களை எடுத்து தடுமாறியது மும்பை.  இஷான் கிஷனும், சூர்யகுமார் யாதவும் இணைந்து 42 ரன்களுக்கு பார்ட்னர்ஷிப் அமைத்தனர். இருப்பினும் ஏழு பந்துகளில் சூரியகுமார் யாதவ், குருனால் பாண்ட்யா மற்றும் சவுரப் திவாரியின் விக்கெட்டை வீழ்த்தி ஆட்டத்தை தங்கள் பக்கமாக திருப்பினர் ஹைதராபாத் பவுலர்கள்.  அதில் ஷபாஸ் நதீம் 12வது ஓவரில் இரண்டு விக்கெட்டை வீழியிருந்தார். இஷான் கிஷனும் 17வது ஓவரில் 33 ரன்களுக்கு விக்கெட்டை இழந்ததால் மும்பையின் பேட்டிங் லைன் அப் டோட்டலாக டேமேஜானது.  அந்த அணியின் பொல்லார்ட் மட்டும் ஒற்றையாளாக 25 பந்துகளில் 41 ரன்களை குவித்து அதிரடியாக விளையாடினார். 20 ஓவர் முடிவில் 8 விக்கெட் இழப்பிற்கு 149 ரன்களை எடுத்தது மும்பை.  ஹைதரபாத் அணிக்காக சந்தீப் ஷர்மா மூன்று விக்கெட்டுகளை வீழ்த்தியிருந்தார்.  அதோடு ஐபிஎல் போட்டிகளில் பவர்பிளே ஓவர்களில் அதிக விக்கெட்டுகளை வீழ்த்தியவர் என்ற சாதனையையும் படைத்திருந்தார் சந்தீப் ஷர்மா.  150 ரன்கள் எடுத்தால் வெற்றி என்ற நிலையில் ஹைதராபாத் அணிக்காக கேப்டன் டேவிட் வார்னரும், சாஹாவும் இன்னிங்க்ஸை ஓப்பன் செய்தனர்.  இருவரும் கடைசி வரை விக்கெட்டை இழக்காமல் மும்பை பவுலர்களின் பந்து வீச்சை துவம்சம் செய்தனர். பெரிய ஷாட்களை ஆடாமல் கிளாசிக்காக பவுண்டரி விளாசி இருந்தனர் இருவரும்.  வார்னர் 58 பந்துகளில் 85 ரன்களும், சாஹா 45 பந்துகளில் 58 ரன்களும் எடுத்தனர்.  17.1 ஓவர்கள் முடிவில் 151 ரன்களை எடுத்து மும்பையை பத்து விக்கெட் வித்தியாசத்தில் வீழ்த்தி வெற்றி பெற்றது ஹைதராபாத்.  இந்த வெற்றியின் மூலம் ரன் ரேட் வித்தியாசத்தில் கொல்கத்தா அணியை வெளியேற்றி பிளே ஆப் சுற்றுக்குள் நுழைந்துள்ளது ஹைதராபாத் அணி.  டெல்லி, பெங்களூர் மற்றும் மும்பை என தொடர்ச்சியாக புள்ளிப்பட்டியலில்  முதலிடத்தில்  இருந்த மூன்று அணிகளை வீழ்த்தி பிளே ஆப் வாய்ப்பை உறுதி செய்தது வார்னர் தலைமையிலான ஹைதராபாத்.  எலிமினேட்டரில் பெங்களூர் அணியுடன் ஹைதராபாத் வரும் 6ஆம் தேதியன்று விளையாட உள்ளது ஹைதராபாத். 
http://dlvr.it/Rkxlq5

Read More

வயநாடு வனப்பகுதியில் அதிகாலை துப்பாக்கிச்சூடு... சுட்டுக்கொல்லப்பட்ட மாவோயிஸ்ட்!

தமிழ்நாட்டின் நீலகிரி, கேரளாவின் வயநாடு, கர்நாடகாவின் பந்திப்பூர் இந்த முச்சந்திப்பு வனப்பகுதியில் மாவோயிஸ்ட்களுக்கும் அதிரடிப்படையினருக்கும் அவ்வப்போது மோதல்கள் ஏற்படுகின்றன.துப்பாக்கி இந்தநிலையில், வயநாடு அருகில் உள்ள படிஞ்சாறை தாரா மீன்முட்டி வனப்பகுதியில் மாவோயிஸ்ட்கள் பதுங்கி இருப்பதாக கேரளா தண்டர்போல்டு அதிரடிப் படையினருக்குத் தகவல் கிடைத்துள்ளது. இன்று காலை ஆயுதங்களுடன் வனத்துக்குள் இறங்கிய கேரள அதிரடிப்படையினர், தேடுதலில் ஈடுபட்டனர். அங்கு பதுங்கி இருந்த மவோயிஸ்ட்டுகளுக்கும் அதிரடிப் படையினருக்கும் இடையே கடும் துப்பாக்கிச் சூடு நடந்துள்ளது.கேரள காவல்துறை மற்றும் அதிரடிப்படை இந்த துப்பாக்கிச் சூட்டில், 35 வயது மதிக்கத்தக்க ஆண் மாவோயிஸ்ட் ஒருவர் சுட்டுக்கொல்லப்பட்டதாக கேரள அதிரடிப்படை தெரிவித்துள்ளது. மேலும், குண்டடி காயத்துடன் மாவோயிஸ்ட் ஒருவர் தப்பியதாகவும் தெரிவித்துள்ளது. சுட்டுக்கொல்லப்பட்ட மாவோயிஸ்ட் தேனியைச் சேர்ந்தவர் என்றும் சொல்லப்படுகிறது. Also Read: வயநாடு ரிசார்ட்டில் மாவோயிஸ்ட்டுகள் - அதிரடிப்படையினர் இடையே துப்பாக்கிச் சூடு -ஒருவர் சுட்டுக்கொலை! இதனைத் தொடர்ந்து நீலகிரி - கேரள எல்லையோரத்தில் உள்ள சோதனைச் சாவடிகளில் பாதுகாப்பு தீவிரப்படுத்தப்பட்டள்ளது. பாதுகாப்பு ஏற்பாடுகள் குறித்து நீலகிரி மாவட்ட காவல் கண்காணிப்பாளர் சசிமோகன்,``கேரளா மாநிலம் வயநாடு மாவட்டம் பனசுரா என்ற வனப்பகுதியில் கேரளா தண்டர்போல்ட் படையினரால் 35 வயது மதிக்கத்தக்க மாவோயிஸ்ட் சுட்டுக் கொல்லப்பட்டார். இதன் காரணமாக நீலகிரி மாவட்டத்தில் பாதுகாப்புப் பலப்படுத்தப்பட்டுள்ளது.கேரள காவல்துறை மற்றும் அதிரடிப்படை மாவட்டம் முழுவதும் காவல்துறையினர் ரோந்துப் பணிகளைத் தீவிரப்படுத்தியுள்ளனர். சோலாடி, மணல்வயல் உட்பட எல்லைேயாரங்களில் உள்ள 11 சோதனைச் சாவடிகளில் துப்பாக்கி ஏந்திய பாதுகாப்பு போடப்பட்டுள்ளது. நக்சல் தடுப்பு பிரிவினர் வனப்பகுதிகளில் ரோந்து பணிகளில் ஈடுபட்டு வருகின்றனர். காயமடைந்தவர்கள் யாரேனும் வருகிறார்களா என வாகன சோதனை செய்யப்பட்டு வருகிறது. இதுதவிர கிராமப்பகுதிகளில் யாரேனும் புதிதாக காயத்துடன் நடமாடுவது தெரியவந்ததால் உடனடியாக காவல்துறைக்கு தெரிவிக்குமாறு பொதுமக்களுக்கு தெரிவிக்கப்பட்டுள்ளது" என்றார்.
http://dlvr.it/Rkxllp

Read More

அண்ணா பல்கலை.,க்கு சிறப்பு அந்தஸ்து தேவையில்லை - தமிழக அரசு கடிதம்

அண்ணா பல்கலைக்கழகத்திற்கு உயர் சிறப்பு அந்தஸ்து தேவையில்லை என தமிழக அரசு மத்திய அரசுக்கு கடிதம் எழுதியுள்ளது. தருமபுரியில் உயர்க் கல்வித்துறை அமைச்சர் கே.பி.அன்பழகன் செய்தியாளர்களை சந்தித்தார். அப்போது பேசிய அவர், “அண்ணா பல்கலைக்கழகத்திற்கு உயர் சிறப்பு அந்தஸ்து கிடைத்தால் 69 சதவீத இடஒதுக்கீடு பாதிக்கப்படும். அத்துடன் கல்விக்கட்டணம் அதிகரித்து மாணவர்கள் பாதிக்கப்படும் நிலை உருவாகும். சிறப்பு அந்தஸ்திற்காக தமிழக அரசு எதையும் பறிகொடுக்க தேவையில்லை. எனவே அண்ணா பல்கலைக்கழகத்திற்கு உயர் சிறப்பு தகுதி தேவையில்லை என தமிழக அரசு முடிவெடுத்துள்ளது” எனத் தெரிவித்திருந்தார். இந்நிலையில் அண்ணா பல்கலைக்கழகத்திற்கு உயர் சிறப்பு அந்தஸ்து தேவையில்லை என தமிழக அரசு மத்திய அரசுக்கு கடிதம் எழுதியுள்ளது. கே.பி.அன்பழகன், செங்கோட்டையன், சி.வி.சண்முகம், ஜெயக்குமார், தங்கமணியை கொண்ட தமிழ அரசு அமைத்த குழு மத்திய அரசுக்கு அதிகாரப்பூர்வமாக இந்த பதிலை அளித்துள்ளது.
http://dlvr.it/RktqbG

Read More