37 ஆண்டுகளுக்குப் பின் நீலகிரியில் தென்பட்ட அரிய பறவை... அதிசயித்த ஆய்வாளர்கள்!

நீலகிரி மாவட்டம் ஊட்டி அருகில் உள்ள கேத்தி பள்ளத்தாக்கு பகுதியில் மலை காய்கறி விவசாயம் மேற்கொண்டு வருபவர் சுப்பிரமணி. இவரது விளை நிலத்துக்கு அருகில் உள்ள ஒரு கேரட் தோட்டத்தில் பறவை ஒன்று பறக்க முடியாமல் தவிப்பதைக் கண்டு, அதனருகில் சென்று காயம் ஏதும் ஏற்பட்டுள்ளதா எனப் பார்த்துள்ளார்.Lesser Cuckoo இதுவரை அந்தப் பகுதியில் அவர் கண்டிராத வகையில் அந்தப் பறவை இருப்பதைக் கண்ட அவர், செல்போனில் புகைப்படம் எடுத்துவிட்டு, காக்கை மற்றும் பூனைகளிடம் இருந்து காப்பாற்றும் நோக்கில் அருகிலுள்ள பகுதியில் பாதுகாப்பாக விடுவித்துள்ளார். பின்னர், இந்தப் பறவையின் புகைப்படங்களை நண்பர்களின் உதவியுடன் பறவையியல் ஆய்வாளர்களுக்கு அனுப்பியுள்ளார். அதைக் கவனித்த ஆய்வாளர்கள், [Lesser Cuckoo] (Cuculus poliocephalus) என்ற அரியவகை சிறுகுயில் இனத்தைச் சேர்ந்ததுதான் அந்தப் பறவை என்பதைக் கண்டு அதிசயித்துள்ளனர்.Lesser Cuckoo அவர்கள் அதிசயிக்கக் காரணம், தமிழ்நாட்டிலேயே இந்த வகை பறவை இனம் இப்போதுவரை ஒன்பது முறை மட்டுமே பதிவு செய்யப்பட்டுள்ளது. நீலகிரியில் 37ஆண்டுகளுக்குப் பின் இரண்டாவது முறையாக இப்போதுதான் பதிவு செய்யப்பட்டுள்ளது. இந்த அரியவகை குயில் குறித்து நம்மிடம் பகிரும், மும்பை இயற்கை வரலாற்றுச் சங்கத்தின் ஆராய்ச்சி உயிரியலாளர் சாம்சன் அரோக்கியநாதன், "ஜம்மு-காஷ்மீர், இமாசலப் பிரதேசம், உத்தரகாண்ட், சிக்கிம் மற்றும் அஸ்ஸாம் உள்ளிட்ட பகுதிகளில் காணப்படும் இந்தப் பறவை இனம், இலங்கை மற்றும் ஆப்பிரிக்க கண்டங்களுக்கு ஒவ்வோர் ஆண்டும் குளிர் காலத்தில் வலசை போகின்றன.சாம்சன் அரோக்கியநாதன் இப்படி, வலசை போகும் இந்த அரியவகை பறவைகளை தமிழ்நாட்டில் 9 முறைகள் மட்டுமே பதிவு செய்துள்ளனர். நீலகிரியில் 1983-ம் ஆண்டு கடைசியாகப் பதிவு செய்யப்பட்டுள்ளது. 37 ஆண்டுகளுக்குப் பின் தற்போது இரண்டாவது முறையாகத் தென்பட்டுள்ளது. இந்தப் பதிவின் மூலம் இவற்றின், வலசை முறைகள் மற்றும் வழித்தடம் ஆகியவற்றை அறிய உதவியாக இருக்கும். இது எங்களுக்கு ஒரு மகிழ்ச்சியான செய்தி" என்றார். இதுகுறித்து நம்மிடம் பேசிய சுப்பிரமணி, "தோட்டத்துக்கு பக்கத்துல பறக்க முடியாம இருந்த இந்தப் பறவைய, காக்கா, பூனை ஏதாச்சும் கொன்னுடுமேன்னு பத்திரமா எடுத்து பக்கத்துல இருக்க காட்டுல விட்டேன். வித்யாசமா இருக்குன்னு படமும் எடுத்தோம்.Lesser Cuckoo கடைசில பாத்தா இது 6,000 கிலோமீட்டர் பறக்கும் குயில்னு சொன்னாங்க. வெயில் காலத்தைக் குளிரான இடத்திலயும் குளிர்காலத்த வெதுவெதுப்பான இடத்திலயும் கழிக்குமுன்னு சொன்னாங்க" என ஆச்சர்யத்துடன் தெரிவிக்கின்றார்.
http://dlvr.it/Rlb8Bd

Read More

நடுங்கிப்போன ஓட்டுநர்... பசியால் பழங்களை மட்டுமே கண்வைத்த யானை - வைரல் வீடியோ

பேருந்தை வழிமறிக்கும் காட்டு யானை ஒன்று, தும்பிக்கையை நீட்டி வாழைப் பழங்களைப் பறிக்கும் காட்சிகள் வெளியாகியுள்ளன. வனப்பகுதியை ஊடறுத்து போடப்பட்டுள்ள நெடுஞ்சாயில் செல்லும் பேருந்தை, யானை ஒன்று வழிமறித்து நிறுத்துகிறது. ஓட்டுநரைக் கடந்து தும்பிக்கையை நீட்டிய அந்த யானை, உள்ளே இருந்த வாழைப்பழங்களை எடுக்க முற்பட்டது. தன் மீது தும்பிக்கையை போட்டதால், நடுங்கிப் போனார் ஓட்டுநர். இதனிடையே, வாழைப்பழங்களை எடுத்த யானை, சாவகாசமாக உண்ணத் தொடங்கியது. அந்த வாய்ப்பில் பேருந்தை அதிரடியாக இயக்கி வேகம் பிடித்து தப்பித்தார் ஓட்டுநர். மாமூல் வசூலிப்பது போல  யானை வழிமறித்து வாழைப்பழங்களை அபகரித்த சம்பவம், எந்த இடத்தில் நிகழ்ந்தது எனத் தெரியவில்லை. பழைய வீடியோவாக இருந்தாலும் இப்போது இந்த வீடியோ வைரல் ஆகி வருகிறது.
http://dlvr.it/RlWH6G

Read More

'சூரரைப் போற்று' திரை விமர்சனம்: சிலிர்ப்பூட்டும் பொழுதுபோக்கு சினிமா!

கொரோனா பாதிப்பு... தியேட்டர்கள் மூடல் போன்ற பிரச்னைகளால் சரியாக லேண்டிங் சிக்னல் கிடைக்காமல் காத்திருந்த சூரரைப் போற்று திரைப்படம் வெற்றிகரமாக அமேசான் OTT யில் தரையிறங்கி இருக்கிறது.     சூர்யா தயாரித்து நடித்திருக்கும் இப்படத்தை சுதா கொங்கரா இயக்கியிருக்கிறார். சூர்யா, அபர்னா பாலமுரளி, ஊர்வசி, காளி வெங்கட், கருணாஸ் உள்ளிட்டோர் நடித்திருக்கும் இத்திரைப்படம் மிகப்பெரிய எதிர்பார்ப்புக்குப் பிறகு இன்று வெளியாகியிருக்கிறது. மதுரை மாவட்டம் சோழவந்தானில் வசிக்கும் எளிய ஆசிரியரின் மகன் நெடுமாறன் ராஜாங்கமாக வருகிறார் சூர்யா. இந்தியாவின் கடைக்கோடி குடிமகனும் விமானத்தில் பறக்க வேண்டும். ஏழை முதல் பணக்காரன் வரை எல்லோரையும் விமானத்தில் பறக்க வைக்க வேண்டும் என்பதே நெடுமாறன் ராஜாங்கத்தின் கனவு.  சூர்யாவின் இந்த கனவிற்கு பக்கபலமாக உடனிருந்து டேக் ஆஃப் கியரை தட்டி உற்சாகப்படுத்துகிறார் மாறனின் மனைவி சுந்தரியாக நடித்திருக்கும் அபர்னா பாலமுரளி. சுந்தரிக்கு தான் ஒரு பேக்கரி முதலாளியாக வேண்டும் என்பதே ஆசை. இவ்விருவரும் ஒருவரின் கனவிற்கு ஒருவர் துணையாக இருந்து எப்படி? வெற்றிவானில் பறந்தார்களா? என்பதே ஷாலினி உஷா தேவியுடன் இணைந்து சுதா கொங்கரா அமைத்திருக்கும் திரைக்கதை. தன் சொந்த ஊரான சோழவந்தானுக்கு மின்சாரம் கொண்டுவரவும், அவ்வூரில் ரயில்கள் நின்று செல்லவும் அரசாங்கத்திற்கு மனு எழுதிப் போட்டு அகிம்சை வழியில் முயல்பவர் மாறனின் தந்தை ராஜாங்கம். ஊர் நன்மைக்காக மகன் எடுக்கும் சில அதிரடி முடிவுகளால் தந்தைக்கும் மகனுக்கும் இடையே மனக்கசப்புகள் உருவாக வெளியூர் சென்று விமான அகாடமியில் இணைகிறார் சூர்யா. பிறகு ஒரு துயர நிகழ்வு சூர்யாவை குறைந்த விலையில் விமான சேவை வழங்கும் நிறுவனத்தை துவங்கத் தூண்டுகிறது.   20,000 ரூபாய் வரை விற்றுக் கொண்டிருந்த உள்நாட்டு விமான டிக்கெட்டுகளை 1000 ரூபாய்க்கு ஏன் ஒரு ரூபாய்க்கு கூட விற்க முடியும் என நம்புகிறார் சூர்யா. தனது முதல் விமானத்தை வாங்க வங்கி வங்கியாக ஏறி இறங்கும் சூர்யாவிற்கு ஏமாற்றமே மிஞ்சுகிறது. மேலும் ஏற்னெனவே ஏவியேசன் தொழிலில் இருக்கும் பெரு நிறுவனங்கள் சூர்யாவிற்கு முடிந்த வரை இடையூறு செய்கின்றன. என்றாலும் நெடுமாறன் ராஜாங்கம் எப்படி அனைத்து தடைகளையும் உடைத்து எளிய மக்களுக்கான சிறகுகளை நீல வானில் வரைந்தார் என்பதே சிலிர்ப்பூட்டும் திரைக்கதை. நிகித் பொம்மி ரெட்டியின் ஒளிப்பதிவு கதைக்கு ஏற்றார்போல மிகச் சிறப்பாக அமைந்துள்ளது. ஜிவி பிரகாஷ் இசையமைப்பில் பாடல்கள் ஒவ்வொன்றும் அருமை. ஏகாதசி எழுதி செந்தில் கணேஷ் பாடியிருக்கும் ‘மண்ணுருண்ட மேல இங்க மனுச பய ஆட்டம் பாரு’ பாடல் நெத்தியடி தத்துவம். இப்படத்திற்காக சுதா கொங்கரா தேர்வு செய்திருக்கும் கதாபாத்திரம் ஒவ்வொன்றும் ரொம்பவே பொருத்தம். சூர்யாவின் நடிப்பு இப்படத்தில் ரொம்பவே அருமை.  இதுவரை பார்க்காத சூர்யாவை நாம் திரையில் பார்க்க முடியும். வில்லனாக வரும் பரேஷ் ராவலின் உடல் மொழி நேர்த்தி. கருணாஸ், ஊர்வசி, காளி வெங்கட் என அனைவரையும் சரியாக தேர்வு செய்து பயன்படுத்தி இருக்கிறார். ஆனால் சுதா கொங்கராவால் எவ்வளவு முயன்றும் அசல் மதுரை மண்ணின் வட்டாரத் தன்மையினை, அசல் மொழி வழக்கை திரையில் கொண்டு வர முடியவில்லை. இக்கதைக்கும் வட்டாரத் தன்மைக்கும் தொடர்பு இல்லை என்றாலும் கூட இது ஓர் உறுத்தலாகவே இருக்கிறது. குடியரசுத் தலைவரை சூர்யா சந்திக்கும் காட்சி சுத்த போலித்தனம். டெக்கான் ஏர்லைன்ஸ் நிறுவனர் ஜி.ஆர். கோபிநாத்தின் வாழ்க்கையினைத் தழுவி ஒரு திரைக்கதை எழுதும்போது அதில் தன் சொந்த கற்பனைகளுக்கான எல்லை என ஒன்றை வகுத்திருக்கலாம் சுதா கொங்கரா. தாம்பரம் விமான படைத்தளத்தில் சூர்யா அசால்ட்டாக விமானத்தை தரையிறக்கும் காட்சியும் கூட இதே போலித் தன்மையினை உணரவைக்கிறது.  இக்கதையின் பின்னணியில் இருக்கும் உண்மை நாயகன் கேப்டன் கோபிநாத் தனது மூன்று நண்பர்களுடன் இணைந்து ஏர் டெக்கான் என்ற நிறுவனத்தை துவங்கினார். அது இந்திய விமானத்துறை வரலாற்றையே மாற்றி எழுதியது. கோபிநாத் ஒரு ரூபாய்க்கு இந்தியர்களை விமானத்தில் பறக்கச் செய்தார். இதன் மூலம் இரண்டே வருடங்களில் 20 மில்லியன் பேர் தனது முதல் விமானப் பயண அனுபவத்தைப் பெற முடிந்தது. பல விமானங்களில் இன்று முதல் வகுப்பு இரண்டாம் வகுப்பு என்ற பொருளாதார பாகுபாடுகள் இல்லை. இத்தகைய பொருளாதார பிரிவினையை விமானத் துறையில் முதன் முதலில் அடித்து உடைத்தவர் கோபிநாத். அதுமட்டுமல்ல ஏர் டெக்கான் துவங்கப்பட்ட முதல் மூன்று ஆண்டுகளில் இந்நிறுவனத்திற்குச் சொந்தமாக 45 விமானங்கள் பறந்தன. ஒரே நாளில் ஏர் டெக்கான் விமான சேவையினை 25,000 பேர் பயன்படுத்தினர். 67 விமான நிலையங்களுக்கு ஏர் டெக்கான் விமானங்கள் ஒரு நாளில் பறந்தன. 70 சதவிகித நடுத்தர குடும்பத்து மக்களால் விமானத்தை பயன்படுத்த முடிந்தது என்றால் அதற்கு காரணம் கோபிநாத் மற்றும் கோபிநாத்தின் மனைவி பார்க்கவி நடத்தி வந்த the bun world பேக்கரி.இதன் மூலம் ஏர் டெக்கான் விமானிகளுக்கு உணவு சேவை வழங்கினார். முதல் வருடத்திலேயே 7 கோடி ரூபாய் வரை லாபம் ஈட்டினார்.   கோபிநாத் தன் கனவு நிறுவனத்தின் மூலம் சுமார் 3 மில்லியன் இந்தியர்களை ஒரு ரூபாய்க்கு பறக்க வைத்தார். இப்படி கேப்டன் கோபிநாத் குறித்து அசத்தலான பல விசயங்களைச் சொல்லிச் செல்லலாம் என்றாலும் இவை அனைத்தும் வெறும் தகவல்களாக End Cardல் மட்டும் Scroll ஆவது ஏமாற்றம். இவற்றை அழுத்தமாக சுதா கொங்கரா சினிமாவாக்கத் தவறிவிட்டார். ஏவியேசன் நாயகன் கோபிநாத்தை இன்னுமே சிறப்பாக பதிவு செய்திருக்கலாம். சுதா கொங்கரா கமர்ஸியலாக இப்படம் தோற்றுவிடக் கூடாது என்பதில் அதிக கவனம் செலுத்தியிருக்கிறார் எனத் தெரிகிறது. அதனால் தான் ஒரு வெற்றியாளரின் வாழ்க்கை வரலாற்றுப் படம் ஒரு சாதாரண கமர்ஸியல் ட்ராமாவாக, ஹீரோ வில்லன் மோதலாக முடிந்திருக்கிறது. கமர்ஸியல் விரும்பிகளுக்கு நிச்சயம் இது ஒரு நல்ல பொழுது போக்கு சினிமாவாக இருக்கும் என்றாலும் சுதா கொங்கராவின் கனவுத் திரைப்படமான சூரரைப் போற்று திரைப்படத்திற்கு அவர் வழங்கி இருக்கும் உழைப்பும், அதனை தாங்கிப் பறந்திருக்கும் சூர்யாவின் நடிப்பும் படத்தை அனைத்து கோணங்களிலும் பேலன்ஸ் செய்கிறது.
http://dlvr.it/RlWH3v

Read More

ஊடகவியலாளர் அர்னாப் கோஸ்வாமிக்கு இடைக்கால ஜாமீன்

கட்டட வடிவமைப்பாளர் தற்கொலை தொடர்பான வழக்கில் ரிபப்ளிக் தொலைக்காட்சியின் ஆசிரியர் அர்னாப் கோஸ்வாமிக்கு இடைக்கால ஜாமீன் வழங்கி உச்சநீதிமன்றம் உத்தரவிட்டுள்ளது. அவசர வழக்காக விசாரித்த உச்சநீதிமன்றம் ரூ50 ஆயிரம் பிணைத் தொகை செலுத்த உத்தரவிட்டு ஜாமீன் வழங்கியது. அதேபோல், இந்த வழக்கில் தொடர்புடைய நிதிஷ் சர்தா மற்றும் பர்வீன் ராஜேஸ் சிங் ஆகியோருக்கும் ரூ50 ஆயிரம் பிணைத் தொகை செலுத்த உத்தரவிட்டு ஜாமீன் வழங்கியது. முன்னதாக, கடந்த 2018இல் அலிபாக் பகுதியை சேர்ந்த கட்டிட வல்லுநர் அன்வாய் நாயக் என்பவரும், அவரது தாயாரும் தற்கொலை செய்து கொண்டனர். அதற்கு காரணம் அர்னாப் தான் என குற்றச்சாட்டு முன்வைக்கப்பட்டது. விசாரணைக்கு பிறகு அந்த வழக்கும் முடித்து வைக்கப்பட்டது. அந்த வழக்கை மீண்டும் தூசு தட்டிய மகாராஷ்டிரா போலீசார் அர்னாப் மற்றும் இருவரை கடந்த 4ஆம் தேதி கைது செய்தது. மாஜிஸ்ரேட் முன்னிலையில் போலீசார் ஆஜர் படுத்திய நிலையில் அர்னாபை நவம்பர் 18 வரை நீதிமன்ற காவலில் வைக்க உத்தரவிடப்பட்டது. அதனையடுத்து அவர் தற்போது சிறையில் வைக்கப்பட்டார். தனக்கு ஜாமீன் வழங்குமாறு நீதிமன்றத்தில் அவர் மனு கொடுத்திருந்த நிலையில் அதை தள்ளுபடி செய்தது மும்பை உயர்நீதிமன்றம். மும்பை உயர்நீதிமன்றம் இடைக்கால ஜாமீன் மனு வழங்க மறுத்த நிலையில் உச்சநீதிமன்றத்தை நாடினார் அர்னாப் கோஸ்வாமி. அந்த மனுவை விசாரித்த உச்சநீதிமன்றம் அவருக்கு இன்று இடைக்கால ஜாமீன் வழங்கியுள்ளது.
http://dlvr.it/RlVt93

Read More

’’அதிகமான மருந்துகளை உட்கொண்டதால் குண்டானேன்’’ - விமர்சனங்களுக்கு பதிலளித்த நடிகை தமன்னா

கொரோனாவிலிருந்து மீண்டுவந்த நடிகை தமன்னா, சிகிச்சையின்போது தனக்குள் மரணபயம் குடிகொண்டிருந்ததாக கூறியுள்ளார்.  பிரபல தென்னிந்திய மற்றும் பாலிவுட் நடிகை தமன்னா பாட்டியாவுக்கு கடந்த மாதம் கொரோனா தொற்று உறுதி செய்யப்பட்டது. சமீபத்தில் மருத்துவமனையில் சிகிச்சை பெற்று குணமாகி வீடு திரும்பினார். அடுத்து தெலுங்கில் வெளிவரவுள்ள 11th Hour என்ற வெப் சீரீஸ் ப்ரொமோஷன் நிகழ்ச்சியில் கலந்துகொண்ட அவர், கொரோனா பாதிப்பின்போது ஏற்பட்ட அனுபவத்தை பகிர்ந்துகொண்டுள்ளார். அதில், ‘’எனக்கு சிகிச்சை அளிக்கப்பட்டபோது நான் மிகவும் பயந்தேன். எனக்குள் மரணபயம் இருந்துகொண்டே இருந்தது. எனக்கு அறிகுறிகள் மிகவும் அதிகமாக இருந்ததால், சிகிச்சையின்போது மற்றவர்கள் உயிரிழந்ததை நினைத்து பயம் அதிகமாகிவிட்டது. ஆனால் மருத்துவர்கள் என்னை காப்பாற்றிவிட்டார்கள். மேலும் எனக்கு பக்கபலமாக இருந்த என் பெற்றோருக்கும் நன்றி சொல்லுகிறேன். வாழ்க்கை எவ்வளவு மகத்தானது என்பதை புரியவைத்துவிட்டது’’ என்று கூறியுள்ளார். மேலும், ‘’மருத்துவ சிகிச்சையின் போது அதிகப்படியான மருந்துகளை எடுத்துக்கொண்டதால் நான் குண்டானேன். அந்த புகைப்படத்தை நான் பகிர்ந்தேன். ஆனால் சமூக ஊடகங்களில் மக்கள் என்னை குண்டாகிவிட்டதாகக் கூறி விமர்சனம் செய்தார்கள். ஒருவர் எவ்வளவு கஷ்டங்கள் இருந்தாலும் அதை புரிந்துகொள்ளாமல் குறைகளை மட்டுமே கண்டுபிடிக்கும் ஆட்கள்தான் அதிகம் இருக்கிறார்கள் என்பதைப் புரிந்துகொண்டேன்’’ என்று பேசியுள்ளார். 
http://dlvr.it/RlRMHZ

Read More

டெல்லியை கலங்க வைத்து கெத்தாக கோப்பையை வென்ற மும்பை அணி!

துபாயில் நடப்பு ஐபிஎல் சீசனின் இறுதிப்போட்டியில் மும்பை இந்தியன்ஸ் அணியும், டெல்லி கேபிடல்ஸ் அணியும் விளையாடுகின்றன.   டாஸ் வென்ற டெல்லி அணி முதலில் பேட்டிங் செய்தது. 20 ஓவர் முடிவில் 7 விக்கெட் இழப்பிற்கு 156 ரன்களை சேர்த்தது. தொடர்ந்து விளையாடிய மும்பை அணிக்காக ரோகித்தும், டி காக்கும் இன்னிங்க்ஸை ஓப்பன் செய்தனர்.  ஆரம்பம் முதல் டெல்லி பந்துவீச்சை அதிரடியாக அடித்து விளையாடினர் இருவரும். A well made half-century for @ImRo45 in his 200th outing in the IPL.He also breaches the 3000-run mark as Captain.#Dream11IPL #Final pic.twitter.com/siJMPAWEWW — IndianPremierLeague (@IPL) November 10, 2020 21 பந்துகளில் 41 ரன்களை குவித்தனர். அதில் 5 பவுண்டரிகளும், 3 சிக்ஸர்களும் அடங்கும்.  டி காக் 20 ரன்களில் அவுட்டானார். ரோகித் தொடர்ந்து விளையாடி வருகிறார்.  அவர்களது ஆட்டம் ‘மும்பைக்கு தான் கோப்பை’ என அடித்து சொல்வதை போல இருந்தது. தொடர்ந்து களம் இறங்கிய சூர்யகுமார் யாதவ், கேப்டன் ரோகித்துடன் அதிரடியாக விளையாடினார்.  4000 runs in Blue & Gold for @ImRo45 ??#Dream11IPL pic.twitter.com/59YXjn9obB— IndianPremierLeague (@IPL) November 10, 2020 அஷ்வின் வீசிய 11வது ஓவரில் சிங்கிள் எடுக்க முயன்றார் ரோகித். இருப்பினும் அதற்கு ‘நோ’ சொல்லியிருந்தார் சூர்யகுமார் யாதவ். அதற்குள் ரோகித் கிரீஸை  கடந்துவிட்டார். இரு பேட்ஸ்மேன்களும் ஒரே எண்டில் நிற்க ரோகித்துக்காக தனது விக்கெட்டை தியாகம் செய்தார் சூர்யகுமார் யாதவ்.  அதையடுத்து களம் இறங்கிய இஷான் கிஷன் ஆட்டத்தை விரைவில் முடிக்கும் நோக்கத்துடன் 33 ரன்களை சேர்த்தார்.  மறுபக்கம் ரோகித் 68 ரன்களில் அவுட்டானார். பொல்லார்டும் இரண்டு பவுண்டரிகளை அடித்த கையேடு பெவிலியன் திரும்பினார். #MumbaiIndians WIN #Dream11IPL 2020 pic.twitter.com/1zU6GOj6Mj — IndianPremierLeague (@IPL) November 10, 2020 ரபாடா, அஷ்வின், அக்சர் பட்டேல் மாதிரியான பவுலர்கள் விக்கெட் வீழ்த்தாமல் போனதும் டெல்லியின் வீழ்ச்சிக்கு காரணமானது.  18.4 ஓவர் முடிவில் 5 விக்கெட் இழப்பிற்கு 157 ரன்களை எடுத்து வெற்றி பெற்றது மும்பை.  இந்த வெற்றியின் மூலம் மும்பை ஐந்தாவது முறையாக கோப்பையை வென்றுள்ளது.
http://dlvr.it/RlQyrj

Read More

''தவறான செயலை நியாயப்படுத்தாதீர்கள்'' - வேல் யாத்திரை தொடர்பாக நீதிமன்றம் கண்டனம்

வேல் யாத்திரை தொடர்பாக பாஜகவுக்கு நீதிமன்றம் கண்டனம் தெரிவித்துள்ளது பாஜகவின் வேல் யாத்திரை தொடர்பாக டிஜிபி தரப்பு, நீதிமன்றத்தில் அறிக்கை ஒன்றை தாக்கல் செய்தனர். அதில், 10 வாகனங்களில் 30 பேர் மட்டுமே செல்வோம் என நீதிமன்றத்தில் கூறியதை பாஜகவினர் பின்பற்றவில்லை. அது வெறும் காகித அளவிலேயே உள்ளது. பாஜக தலைவர் முருகன் உள்ளிட்ட பாஜகவினர் மாஸ்க், தனிமனித இடைவெளி போன்றவற்றை பின்பற்றவில்லை. பாஜகவினர் வேலுடன் சென்றது கோயில் யாத்திரை அல்ல. முழுக்க முழுக்க அரசியல் யாத்திரை. நீதிமன்றத்தில் பாஜக சொல்வது ஒன்று. செய்வது ஒன்று என தெரிவித்துள்ளனர். இந்த வழக்கை விசாரித்த நீதிமன்றம், பாஜகவின் வேல் யாத்திரையால் மக்களுக்கு ஏற்பட்ட சிரமங்களை ஊடகங்களில் பார்த்தோம் என தெரிவித்துள்ளது. அப்போது வாதிட்ட பாஜக தரப்பு காங்கிரஸ் கட்சியினரின் ஆர்ப்பாட்டத்தை சுட்டிக்காட்டி, அந்த ஆர்ப்பாட்டம் தொடர்பாக தமிழக அரசு வாய்திறக்கவில்லை என குற்றம் சாட்டியது.  அதற்கு பதில் அளித்த நீதிமன்றம் தவறான செயலை நியாயப்படுத்தாதீர்கள் என  கண்டனம் தெரிவித்தது. முன்னதாக 100 பேருக்கு மேல் கூட அனுமதி அளிக்க வேண்டுமென்றும், பாஜகவின் வேல் யாத்திரைக்கு போலீசார் பாதுகாப்பு வழங்க வேண்டுமென்றும் தமிழக பாஜக சார்பில் நீதிமன்றத்தில் மனு தொடரப்பட்டது. மனுவை ஏற்றுக்கொண்ட நீதிமன்றம் இது தொடர்பாக போலீசாரிடம் மனு அளிக்குமாறு கூறி அந்த விசாரணையை இன்று ஒத்திவைத்தது. அதன்படி பாஜக தொடர்ந்த வழக்கு இன்று விசாரணைக்கு வந்தது. விசாரணையின் போது டிஜிபி தரப்பு மேற்கண்ட தகவல்களுடன் அறிக்கையை சமர்பித்துள்ளது. இந்த நிலையில் இந்த வழக்கு மதியத்திற்கு ஒத்திவைக்கப்பட்டுள்ளது.
http://dlvr.it/RlNf5W

Read More