தடையை மீறி பட்டாசு வெடிப்பு: டெல்லியில் மோசமடைந்த காற்றின் தரம்

தலைநகர் டெல்லியில் தடையை மீறி பல இடங்களில் பட்டாசு வெடித்ததால் காற்றின் தரம் மோசமடைந்தது. டெல்லியில் பட்டாசு வெடிக்க மாநில அரசும், தேசிய பசுமைத் தீர்ப்பாயமும் தடை விதித்துள்ளன. இருப்பினும் தீபாவளி தினமான இன்று பல இடங்களில் தடையை மீறி பட்டாசு விற்பனைக்கு வைக்கப்பட்டுள்ளதாகக் கூறப்படுகிறது. பட்டாசு விற்பனை செய்ததாக 41 பேரையும், வெடித்ததாக 6 பேரையும் டெல்லி காவல்துறையினர் கைது செய்துள்ளனர். இந்நிலையில், டெல்லியில் இன்று காலை காற்றின் தரம் அபாய கட்டத்தை எட்டி இருக்கிறது. காற்றின் தரம் குறைவால் மூச்சு விடுவதில் சிரமம் ஏற்படுவதாக பொதுமக்கள் கூறுகின்றனர். இதையடுத்து தலைநகர் டெல்லி முழுவதும் இயந்திரங்கள் மூலம் உயர் கட்டடங்கள் மற்றும் மரங்களில் தண்ணீரை பீய்ச்சி அடிக்கும் பணியானது தீவிரமாக நடைபெற்று வருகிறது.
http://dlvr.it/RljkzT

Read More

ஏப்ரல் மாதத்தில் கொரோனா தடுப்பூசி கிடைத்துவிடும்: டொனால்டு ட்ரம்ப்

கொரோனாவுக்கு வரும் ஏப்ரல் மாதத்தில் மருந்து கிடைத்துவிடும் என அமெரிக்க அதிபர் டொனால்டு ட்ரம்ப் நம்பிக்கை தெரிவித்துள்ளார்.   அமெரிக்க அதிபர் தேர்தல் முடிவுகளுக்குப் பின் முதல் முறையாக வெள்ளை மாளிகையில் செய்தியாளர்களை சந்தித்த அவர், பைசர் நிறுவனம் ஆய்வு செய்து வரும் கொரோனா தடுப்பு மருந்து குறித்து பேசினார். அப்போது, அமெரிக்க மக்களுக்கு வரும் ஏப்ரல் மாதத்தில் கொரோனாவுக்கான தடுப்பு மருந்து கிடைத்துவிடும் என நம்பிக்கை தெரிவித்தார். மருந்து சந்தைக்கு வந்த ஒரு வாரத்திற்குள்ளாகவே சுகாதார பணியாளர்கள், முதியவர்கள், கவலைக்கிடமாக இருப்பவர்களுக்கு முதலில் வழங்கப்படும் எனக் கூறினார். தடுப்பு மருந்துக்கான கண்டுபிடிப்பில் தமது அரசு முதலீடு செய்திருப்பதால், பொதுமக்களுக்கு இலவசமாகவே கிடைக்கும் என்றும் அவர் தெரிவித்தார்.
http://dlvr.it/RlgfjF

Read More

பறவைகளை பாதுகாக்க: தீபாவளி பண்டிகையன்று வெடி வெடிக்காத கிராமம்

சீர்காழி அருகே மூன்று தலை முறைகளாக வவ்வால்களை பாதுகாக்க தீபாவளி அன்றும் வெடி வெடிக்காத பெரம்பூர் கிராமம். நிரந்தரமாக குடியேறிய வெளிநாட்டு பறவைகளையும் கிராம மக்கள் பாதுகாத்து வருகின்றனர்.   மயிலாடுதுறை மாவட்டம் சீர்காழி அருகே உள்ளது பெரம்பூர் கிராமம். விவசாயம் பூமியான இக்கிராமத்தில் உள்ள ஆலமரத்தில் சுமார் 150 ஆண்டுகளுக்கும் மேலாக பல்லாயிரக்கணக்கான வவ்வால்கள் வசித்து வருகின்றன. கிராமத்தின் நடுவே வயல்வெளியில் அமைந்துள்ள ஆலமரத்தில் வவ்வால்கள் வசிப்பதால் இப்பகுதியை வவ்வாளடி எனவும் அழைக்கின்றனர். இந்த வவ்வால்கள் வசிக்கும் பகுதிக்கு கிராமமக்கள் அனுமதியின்றி வெளிநபர்கள் யாரும் செல்ல முடியாது. வவ்வால்களை பாதுகாக்க இளைஞர்கள் கொண்ட வேட்டை தடுப்பு குழு ஒன்றை அமைத்து மூன்று தலைமுறைகளாக வவ்வால்களை பாதுகாக்கும் பெரம்பூர் கிராம மக்கள் தீபாவளி தினத்தன்று பட்டாசுகள் வெடிப்பதையும் தடை செய்துள்ளனர்.   பட்டாசு சப்தத்தால் வவ்வால்கள் அச்சமடையும் என்பதால் இந்த கட்டுபாடு பல ஆண்டுகளாக உள்ளது. வழக்கம் போல் இந்த ஆண்டும் வவ்வால்களுக்காக பட்டாசு வெடிக்காமல் தீபாவளி பாண்டிகையை கிராம மக்கள் கொண்டாடினர். வவ்வால்களை தங்கள் கிராமத்தை காக்கும் தெய்வமாக வழிபட்டு வருகின்றனர். சிரியவர்கள் முதல் இளைஞர்கள் வரை பட்டாசு வெடிக்க ஆசைபட்டால் கூட அருகில் உள்ள மற்ற கிராமங்களுக்கு சென்று வயல் பகுதியில்தான் வெடிக்க வேண்டும் எனவும் பெரம்பூர் கிராம மக்கள் தெரிவிக்கின்றனர். இதேபோல் பசுமை நிறைந்து காணப்படும் இக்கிராமத்திற்கு கடந்த சில ஆண்டுகளாக வெளிநாட்டு பறவைகளும் வரத்து துவங்கியுள்ளன.   இதில் ஆஸ்திரேலியா நாட்டு பறவை இனங்களான வக்கா. பூ நாரை, நீர் காகம். வெள்ளை காகம் உள்ளிட்ட பறவைகள் ஆண்டுதோறும் செப்டம்பர் முதல் மார்ச் வரையிலும் தங்கி இனப்பெருக்கத்திற்கு பின் தன் குஞ்சுகளுடன் தாயகம் திரும்புவது வழக்கம். ஆனால் பெரம்பூர் கிராமத்தின் பசுமை சூழலால் கவரப்பட்ட பறவைகள் தற்போது நிரந்தரமாக இங்கேயே கூடுகள் அமைத்து தங்கிவிட்டது. ஒவ்வொரு வீட்டிலும் உள்ள மரங்களில் நூற்றுக்கணக்கில் பறவைகள் தங்கியுள்ளது. பறவைகளை எந்த இடையூரும் செய்யாமல் பாதுகாக்கும் கிராம மக்கள் வெளியாட்கள் வேட்டையாடுவதை தடுக்க வேட்டை தடுப்பு குழு அமைத்து பாதுகாத்து வருகின்றனர். தற்போது அறுவடை நடைபெறுவதால் வயல்வெளிகளில் ஆயிரகணக்கான பறவைகள் சிறகடித்து பறந்துவருவது கண்கொள்ளா காட்சியாக உள்ளது. பறவைகளை பாதுகாக்க இப்பகுதியில் ஒர் சரணாலயம் அமைக்க வேண்டும் என பெரம்பூர் கிராம மக்கள் கோரிக்கை விடுத்துள்ளனர்.
http://dlvr.it/Rlgfbb

Read More

எதிர்பார்ப்புடன் வெளியானது சிம்புவின் "ஈஸ்வரன்" டீசர்

சுசீந்திரன் இயக்கத்தில் உருவாகும் 'ஈஸ்வரன்' படத்தில் சிம்பு கவனம் செலுத்தி வந்தார். ஒரே கட்டமாகப் படப்பிடிப்பை முடிக்கத் திட்டமிட்டு, திண்டுக்கல்லைச் சுற்றியுள்ள பகுதிகளில் படப்பிடிப்பைத் தொடங்கியது படக்குழு. மாதவ் மீடியா நிறுவனம் தயாரித்து வருகிறது. பாரதிராஜா, நிதி அகர்வால், நந்திதா, முனீஸ்காந்த், காளி வெங்கட், பாலசரவணன், யோகி உள்ளிட்ட பலர் சிம்புவுடன் நடித்து வந்தார்கள். தற்போது 'ஈஸ்வரன்' படத்தின் படப்பிடிப்பு முடிவடைந்துவிட்ட நிலையில் ஈஸ்வரன் படத்தின் ஃபர்ஸ்ட் லுக் போஸ்டர் மற்றும் மோஷன் போஸ்டர் சமீபத்தில் வெளியாகி நல்ல வரவேற்பை பெற்றது . இந்நிலையில் இன்று அதிகாலை 4.32 மணியளவில் ஈஸ்வரன் படத்தின் டீசர் வெளியாகியுள்ளது. கிராமத்து பின்னணியில் சென்ட்டிமெண்ட், எமோஷன், காதல், ஆக்‌ஷன், காமெடி என அனைத்தும் கலந்த ஜனரஞ்சகமான படமாக உருவாகி வரும் இத்திரைப்படத்துக்காக தனது உடல் எடையைக் குறைத்திருக்கிறார் சிம்பு. பொங்கல் வெளியீடு என்று ஃபர்ஸ்ட் லுக்கிலேயே அறிவித்துவிட்டதால், இறுதிக்கட்டப் பணிகளில் மும்முரமாக களமிறங்கவுள்ளது படக்குழு. 'ஈஸ்வரன்' படத்துக்கு ஒளிப்பதிவாளராக திரு, இசையமைப்பாளராக தமன் ஆகியோர் பணிபுரிந்துள்ளனர்  
http://dlvr.it/RlfsD1

Read More

ஒரு மாத 'உயிர்' போராட்டம்... தாய்லாந்து மக்களை கலங்கவைத்த யானை!

தாய்லாந்தில் ஒரு மாதமாக உயிருக்குப் போராடிய யானையின் மரணம், அந்நாட்டு மக்களை சோகத்தில் ஆழ்த்தியுள்ளது. தாய்லாந்தின் ரேயாங் மாகாணத்தில் கடந்த மாதம் 'என்கா சன்' என்ற யானை, அங்குள்ள தோப்பு ஒன்றில் மயக்கமடைந்த நிலையில் கண்டெடுக்கப்பட்டது. மருத்துவர்கள் வந்து சோதனை செய்தபோது யானையின் வேதனை புரியவந்தது. யானையின் உடம்பு முழுவதும் 15 இடங்களில் துப்பாக்கிக் குண்டுகள் பாய்ந்து இருந்தது. பின்புறம், வால், முன்னங்கால், நுரையீரல்கள், இருதயம் மற்றும் குடல்கள் என அனைத்திலும் குண்டுகள் பாய்ந்து பார்பபதற்கே மோசமான நிலையில் கிடந்தது யானை. அதன் நிலையை உணர்ந்த வன மருத்துவர்கள் உடனடியாக சிகிச்சை அளித்தனர்.  கிட்டத்தட்ட ஒரு மாத சிகிச்சைக்கு பிறகு குணம் அடைந்த என்கா சன் யானையை மீண்டும் வனப்பகுதிக்குள் கொண்டு விட்டனர். ஆனால், யானைக்கு மீண்டும் சோகமே வந்தது. வனத்துக்குள் சில நாட்களிலேயே சேறு நிறைந்த குளத்துக்குள் யானை விழுந்த நிலையில் கண்டெடுக்கப்பட்டது. 48 மணிநேரம் வரை சேற்றுக்குள் மயங்கி கிடந்ததால் யானையின் உடல் வெப்பநிலை முற்றிலும் குறைந்திருந்தது. போதாக்குறைக்கு குண்டு காயங்களால் மிகுந்த சோர்வுடன் இருந்தது. இந்த முறை யானையை காப்பாற்ற போராடினர் மருத்துவர்கள். வெப்பமான உடல்நிலை கொண்டுவர, குளத்தில் இருந்த தண்ணீர் முழுவதும் வெளியேற்றப்பட்டு அங்கு தீ வைக்கப்பட்டு, வெதுவெதுப்பான உடல்நிலையை கொண்டுவர முயன்றனர். ஆனால், மருத்துவர்களின் அத்தனை முயற்சிகளும் தோல்வியில் முடிந்தது. யானை என்கா சன் அந்த இடத்திலேயே மரணம் அடைந்தது. குண்டு காயங்களுடன் மீட்கப்பட்டபோதே, யானையின் புகைப்படங்கள் வலைதளங்களில் வைரலாகின. யானையின் பரிதாப நிலை குறித்து அப்போதே நெட்டிசன்கள் சோகமான பதிவுகளை இட்டிருந்தனர். இந்நிலையில், யானை உயிரிழந்த செய்தி அறிந்ததும், சம்பவ இடத்துக்கே வந்து மக்கள் யானைக்கு அஞ்சலி செலுத்தினர். இதனால், அந்த இடமே நேற்று சோகமயமாக காட்சி அளித்தது என்கின்றன தாய்லாந்து ஊடகங்கள்.  யானைகள் அதிகம் வாழும் நாடுகளில் ஒன்று தாய்லாந்து. அம்மக்கள் வெள்ளை யானையை புனிதமாக கருதுவார்கள். தங்க தட்டில்தான் அந்த யானைக்கு உணவளிப்பார்கள். வளர்ப்பு யானைகளை காட்டிலும் காட்டு யானைகள் ஆயிரக்கணக்கில் தாய்லாந்து காடுகளில் வசிக்கின்றன. அந்நாட்டு வன பகுதியில் சுமார் 2 ஆயிரம் யானைகள் வாழ்ந்து வருகின்றன என்கிறது சமீபத்திய கணக்கெடுப்பு ஒன்று. தேசிய விலங்காக யானையை அறிவித்துள்ள தாய்லாந்து அரசு, அதனை பாதுகாக்கப்பட்ட விலங்காக அறிவித்து யானை வேட்டையை கட்டுப்படுத்தி வருகிறது. என்றாலும், வனப்பகுதியை ஒட்டி அவ்வப்போது மனித - யானை மோதல்கள் நடந்துகொண்டுதான் இருக்கின்றன. தாய்லாந்து முன்பு 90 சதவீதம் காடுகளாக இருந்தது. 2015 ஆம் ஆண்டில் காடுகள் 31.6 சதவீதமாக சுருங்கியது. வன பகுதியை விளைநிலம் ஆக்கி உணவு உற்பத்திகளை செய்வதே இந்தச் சுருக்கத்துக்கு காரணம் எனக் கூறப்படுகிறது. இந்த அழிப்பின் போதுதான் யானைகள் - மனித மோதல்கள் அதிகமாக நடக்கின்றன. இதனைக் கட்டுப்படுத்த கடுமையான சட்டங்களை இயற்றி வருகிறது அந்நாட்டு அரசு. ஆனாலும் பயன் இல்லாமல் போகிறது. விளைவு என்கா சன் போன்ற யானைகள் உயிரை கொடுத்து கொண்டு இருக்கின்றன.
http://dlvr.it/RlcHgP

Read More

'கோடிங் கற்றால் கோடிகள்!' - குழந்தைகளின் எதிர்காலத்தில் விளையாடலாமா?

சமீபத்தில் தனிஷ்க் நிறுவனத்தின் விளம்பரம் சர்ச்சையானது. அதனால், அந்த விளம்பரத்தை அந்த நிறுவனமே தாமாக முன்வந்து நீக்கியது. இதேபோல வேறு ஒரு நிறுவனத்தின் விளம்பரம் நீக்கப்பட்டது. ஆனால், அது பெரிதாக யாருக்கும் தெரியாது. 'ஒயிட் ஹேட் ஜூனியர்' (WhitehatJr) என்னும் நிறுவனத்தின் விளம்பரம்தான் அது. இந்த நிறுவனத்தின் விளம்பரங்கள் மீது வந்த புகார்களை அடுத்து, அந்த நிறுவனத்தின் ஐந்து விளம்பரங்களை அட்வர்டைசிங் கவுன்சில் ஆப் இந்தியா (Advertising council of India) அதிரடியாக நீக்கியது. இதில் ஒரு விளம்பரத்தை கவுன்சில், எந்தப் புகாரும் வராமலேயே தாமாக முன்வந்து நீக்கி இருக்கிறது.  பைஜூ'ஸ் வாங்கிய புதிய ஸ்டார்ட்அப்! 2018-ம் ஆண்டு 'ஒயிட் ஹேட் ஜூனியர்' நிறுவனம் தொடங்கப்பட்டது. ஆரம்பிக்கப்பட்ட 18 மாதங்களிலேயே இந்தியாவின் முன்னணி எஜுடெக் நிறுவமான பைஜூ'ஸ் 30 கோடி டாலர் கொடுத்து வாங்கியது. இந்த நிறுவனத்தின் முக்கியமான தொழில், 6 முதல் 14 வயது வரை உள்ள குழந்தைகளுக்கு கோடிங் எழுத கற்றுக்கொடுப்பதுதான். இது தொடர்பாக சில மாதங்களுக்கு பெரிய அளவிலான தொகையை விளம்பரங்களுக்கு இந்த நிறுவனம் செலவு செய்தது. அந்த விளம்பரங்கள்தான் சமூக வலைதளங்களில் பெரும் சர்ச்சையை கிளப்பியது. இந்த நிறுவனத்தின் மூலம் 'கோடிங்' படிக்கும் மாணவர்கள் பல செயலிகளை உருவாக்குகின்றனர். கோடிக்கணக்கில் சம்பளம் பெருகிறார்கள் என்பது போல பல விளம்பரங்கள் வெளியானது. இது கல்வியாளர்கள் மற்றும் பெற்றோர் இடையே பலத்த சலசலப்புகளை ஏற்படுத்தியது. 13 வயதான வுல்ப் குப்தா கூகுள் நிறுவனத்தால் ரூ.20 கோடிக்கு பணியமர்த்தப்பட்டிருக்கிறார் என விளம்பரம் வெளியானது. இதேபெயரில் வயது, சம்பளம் போன்றவை மாற்றப்பட்ட விளம்பரம் வெளியானது. 9 வயது முதல் 14 வயது வரையில் ரூ.1.2 கோடி முதல் ரூ.20 கோடி மற்றும் ரூ.150 கோடி வரையிலும் சம்பளம் பெற்றிருக்கிறார்கள் என்பதுபோல விளம்பரம் வெளியானது. அதனால் இப்படி ஒரு நபர் உண்மையிலே இருக்கிறாரா என்னும் கேள்வியை பலரும் எழுப்பினார்கள். 'தாக்கப்பட்ட' வீடியோ பதிவுகள், கருத்துகள்! இந்த நிலையில்,  யார் இந்த வுல்ப் குப்தா? (Wolf Gupta) என்னும் பெயரில் பிரதீப் பூனியா என்பவர் யூடியூபில் வீடியோக்களைப் பதிவிட்டிருக்கிறார். ஆனால், அந்த வீடியோக்கள் நீக்கப்பட்டிருக்கின்றன. மொத்தம் மூன்று வீடியோக்களை பதிவேற்றியும் அந்த வீடியோக்கள் நீக்கப்பட்டிருக்கின்றன. இதேபோல, மும்பையைச் சேர்ந்த டாக்டர் அனிருத்தா மபலானி தன்னுடைய லிங்கிடின் தளத்தில் இந்த நிறுவனம் குறித்து எழுதி இருக்கிறார். ஆனால், அந்தப் பதிவும் நீக்கப்பட்டது. இதேபோல பூனேவைச் சேர்ந்த ஜிதன் ஹரியா என்னும் 12 வயது சிறுவனும் இந்த நிறுவனத்தை விமர்சித்து தன்னுடைய யூடியூப் சேனலில் வீடியோவை பதிவிட்டிருக்கிறார். என்னுடைய வாழ்க்கையில் ஆறு ஆண்டுகளை வீண் செய்துவிட்டதாக அவர் பேசியிருக்கிறார். சில நூறு நபர்கள்கூட பார்க்காத இந்த வீடியோவும் நீக்கப்பட்டது. இதனால், பாதிப்படைந்த சிறுவன் தன்னுடைய அப்பாவிடம் தெரிவிக்க, அவர் ட்விட்டரில் இது குறித்து கருத்தை பதிவிட்டிருக்கிறார். அந்த ட்வீட் பிரதீப் பூனியா கண்ணில் பட, இந்த விவாகரத்தை மேலும் பெரிதாக்கி இருக்கிறார். இந்த நிறுவனத்துக்கு எதிராக கடுத்துகளை எந்த சமூக வலைதளத்திலும் (ட்விட்டர், கோரா, ரெட்டிட், லிங்கிடின் மற்றும் யூடியுப்) இந்த நிறுவனத்துக்கு எதிரான கருத்தை வெளியிட அனுமதிக்கப்படவில்லை. இதற்காக, ஐபிளெக்ஸ் என்னும் பெங்களூருவை சேர்ந்த நிறுவனம்தான் எந்த சமூக வளைதளத்திலும் கருத்துகளை வெளியிடாமல் பார்த்துக்கொள்வதாக குற்றச்சாட்டுகள் எழுந்திருக்கின்றன. காபிரைட் விதிமுறைகளுக்கு எதிரான கருத்துகள் இருப்பதாக கூறி, இவை தடுக்கப்பட்டிருக்கின்றன. ஏன் எதிர்க்கப்பட வேண்டும்? வளர்ந்து வரும் ஸ்டார்ட் அப் நிறுவனம் குறித்து விமர்சனம் வைக்க வேண்டும் என்பதல்ல நமது நோக்கம். ஆனால், ஆறு வயது குழந்தைகளை சம்பாதிக்க தூண்டுவதுபோல இருப்பதை எப்படி ஏற்றுக்கொள்ள முடியும்? உங்கள் குழந்தைகள் அடுத்த விமானத்தில் சிலிகான் பள்ளத்தாக்கில் இருப்பார்கள், வொயிட்ஹேட்டில் படிப்பதன் மூலம் அவர்களை சிலிகான் பள்ளத்தாக்கு கொண்டு செல்லமுடியும் என்பது போல வாசகங்களை எப்படி சரியாக இருக்க முடியும்? 12-ம் வகுப்பு மாணவர்களுக்கே அடுத்து என்ன படிக்கலாம் என்பதில் தெளிவில்லாமல் இருக்கும் சூழலில், ஆறு வயது குழந்தையிடம் கோடிங் கற்றுக்கொள்ளுவதன் மூலம் கோடிக்கணக்கில் பணம் சம்பாதிக்கலாம் என்று திணிப்பதை எப்படி ஏற்றுக்கொள்ள முடியும்? ஆறு வயது குழந்தை விளையாடாமல், சைக்கிள் ஓட்டாமல் இயல்பான குழந்தை பருவத்தை அனுபவிக்காமல், ஏன் கோடிங் கற்றுக்கொள்ள வேண்டும்? இந்தியாவில் தினமும் 100 ரூபாய், 500 ரூபாய், 1,000 ரூபாய், 10,000 ரூபாய் சம்பாதிப்பவர்கள் என பல அடுக்குகளில் மக்கள் இருக்கிறார்கள். ஒவ்வொருவரும் எதையாவது செய்து அடுத்த நிலைக்கு செல்ல முடியாதா என பதற்றத்தில் இருக்கிறார். ஒரு நாட்டுக்கு உத்வேகமிக்க நடுத்தர வர்க்கம் (Aspirational middle class) மக்கள் அதிகமாக இருப்பது நல்லது. அவர்கள் புதியவற்றை தேடிக்கொண்டே இருப்பார்கள். அவர்கள் அடுத்தகட்டத்துக்கு நகரும்போது பொருளாதாரமும் நகரும். ஆனால், அடுத்தகட்ட நகர முடியாதவர்கள், தங்கள் குழந்தைகள் மூலம் அடைய நினைத்தால், பெற்றோர்களுக்கு மட்டுமல்லாமல், அந்தக் குழந்தைகளுக்கு கடும் மன உளைச்சலை ஏற்படுத்தாதா? நாட்டின் வளர்ச்சிக்கு புதிய தொழில்முனைவோர்கள் அவசியம். அவர்களால்தான் பல பிரச்னைகள் தீருகின்றன, பல வேலைவாய்ப்புகள் உருவாகின்றன. ஆனால், அந்தத் தொழிலில் குறைந்தபட்சம் நேர்மை இருப்பது அவசியம். ஆன்லைனில் ரம்மி விளையாட வைப்பது பெரியவர்களுக்கு ஆபத்து என்றால், அதைக் காட்டிலும் 'கோடிங் - கோடிகள்' என குழந்தைகளில் வாழ்க்கையில், எதிர்காலத்தில் விளையாடுவது பேராபத்து!   கட்டுரையாளர்: வாசு கார்த்தி
http://dlvr.it/RlcHZx

Read More

37 ஆண்டுகளுக்குப் பின் நீலகிரியில் தென்பட்ட அரிய பறவை... அதிசயித்த ஆய்வாளர்கள்!

நீலகிரி மாவட்டம் ஊட்டி அருகில் உள்ள கேத்தி பள்ளத்தாக்கு பகுதியில் மலை காய்கறி விவசாயம் மேற்கொண்டு வருபவர் சுப்பிரமணி. இவரது விளை நிலத்துக்கு அருகில் உள்ள ஒரு கேரட் தோட்டத்தில் பறவை ஒன்று பறக்க முடியாமல் தவிப்பதைக் கண்டு, அதனருகில் சென்று காயம் ஏதும் ஏற்பட்டுள்ளதா எனப் பார்த்துள்ளார்.Lesser Cuckoo இதுவரை அந்தப் பகுதியில் அவர் கண்டிராத வகையில் அந்தப் பறவை இருப்பதைக் கண்ட அவர், செல்போனில் புகைப்படம் எடுத்துவிட்டு, காக்கை மற்றும் பூனைகளிடம் இருந்து காப்பாற்றும் நோக்கில் அருகிலுள்ள பகுதியில் பாதுகாப்பாக விடுவித்துள்ளார். பின்னர், இந்தப் பறவையின் புகைப்படங்களை நண்பர்களின் உதவியுடன் பறவையியல் ஆய்வாளர்களுக்கு அனுப்பியுள்ளார். அதைக் கவனித்த ஆய்வாளர்கள், [Lesser Cuckoo] (Cuculus poliocephalus) என்ற அரியவகை சிறுகுயில் இனத்தைச் சேர்ந்ததுதான் அந்தப் பறவை என்பதைக் கண்டு அதிசயித்துள்ளனர்.Lesser Cuckoo அவர்கள் அதிசயிக்கக் காரணம், தமிழ்நாட்டிலேயே இந்த வகை பறவை இனம் இப்போதுவரை ஒன்பது முறை மட்டுமே பதிவு செய்யப்பட்டுள்ளது. நீலகிரியில் 37ஆண்டுகளுக்குப் பின் இரண்டாவது முறையாக இப்போதுதான் பதிவு செய்யப்பட்டுள்ளது. இந்த அரியவகை குயில் குறித்து நம்மிடம் பகிரும், மும்பை இயற்கை வரலாற்றுச் சங்கத்தின் ஆராய்ச்சி உயிரியலாளர் சாம்சன் அரோக்கியநாதன், "ஜம்மு-காஷ்மீர், இமாசலப் பிரதேசம், உத்தரகாண்ட், சிக்கிம் மற்றும் அஸ்ஸாம் உள்ளிட்ட பகுதிகளில் காணப்படும் இந்தப் பறவை இனம், இலங்கை மற்றும் ஆப்பிரிக்க கண்டங்களுக்கு ஒவ்வோர் ஆண்டும் குளிர் காலத்தில் வலசை போகின்றன.சாம்சன் அரோக்கியநாதன் இப்படி, வலசை போகும் இந்த அரியவகை பறவைகளை தமிழ்நாட்டில் 9 முறைகள் மட்டுமே பதிவு செய்துள்ளனர். நீலகிரியில் 1983-ம் ஆண்டு கடைசியாகப் பதிவு செய்யப்பட்டுள்ளது. 37 ஆண்டுகளுக்குப் பின் தற்போது இரண்டாவது முறையாகத் தென்பட்டுள்ளது. இந்தப் பதிவின் மூலம் இவற்றின், வலசை முறைகள் மற்றும் வழித்தடம் ஆகியவற்றை அறிய உதவியாக இருக்கும். இது எங்களுக்கு ஒரு மகிழ்ச்சியான செய்தி" என்றார். இதுகுறித்து நம்மிடம் பேசிய சுப்பிரமணி, "தோட்டத்துக்கு பக்கத்துல பறக்க முடியாம இருந்த இந்தப் பறவைய, காக்கா, பூனை ஏதாச்சும் கொன்னுடுமேன்னு பத்திரமா எடுத்து பக்கத்துல இருக்க காட்டுல விட்டேன். வித்யாசமா இருக்குன்னு படமும் எடுத்தோம்.Lesser Cuckoo கடைசில பாத்தா இது 6,000 கிலோமீட்டர் பறக்கும் குயில்னு சொன்னாங்க. வெயில் காலத்தைக் குளிரான இடத்திலயும் குளிர்காலத்த வெதுவெதுப்பான இடத்திலயும் கழிக்குமுன்னு சொன்னாங்க" என ஆச்சர்யத்துடன் தெரிவிக்கின்றார்.
http://dlvr.it/Rlb8Bd

Read More