சாதாரண ரூபத்தை விஸ்வரூபம் எடுக்க வைக்கிறார்கள்: சின்னம் மறுக்கப்பட்டதாக கமல் ஆவேசம்

புதுச்சேரிக்கு மட்டும் மக்கள் நீதி மய்யத்துக்கு “பேட்டரிடார்ச்” சின்னம் ஒதுக்கப்பட்ட நிலையில், தமிழகத்தில் அச்சின்னம் ஒதுக்கப்படவில்லை. இது தொடர்பாக பேசிய கமல்ஹாசன் “ எங்களுக்கு தமிழகத்தில்  “பேட்டரி டார்ச்” சின்னம் மறுக்கப்பட்டுள்ளது. சாதாரண ரூபத்தை விஸ்வரூபம் எடுக்க வைக்கிறார்கள், கட்சி ஆரோக்கியமாக இருக்க வேண்டும். இந்திய ஜனநாயகம் நோய்வாய்ப்பட்டுள்ளது, அதனால் எங்கள் கட்சியில் நிறைய மருத்துவர்கள் இருக்கிறார்கள். நேர்மை மட்டும்தான் எங்கள் யுக்தி, பணத்திற்காக வாக்குகளை விற்காதீர்கள்” என்று தெரிவித்துள்ளார் அங்கீகாரம் இல்லாத அரசியல் கட்சிகளுக்கு, 2021 ஆம் ஆண்டு சட்டமன்ற தேர்தலுக்கான சின்னங்களை ஒதுக்கீடு செய்துள்ளது தேர்தல் ஆணையம். 2021ஆம் ஆண்டு சட்டமன்ற தேர்தலை ஒட்டி, அரசியல் கட்சிகளுக்கு சின்னங்களை ஒதுக்கியுள்ளது இந்திய தேர்தல் ஆணையம். அதன்படி தமிழகம் மற்றும் புதுச்சேரியில் அம்மா மக்கள் முன்னேற்ற கழகத்துக்கு “பிரஷர் குக்கர்” சின்னமும், நாம் தமிழர் கட்சிக்கு “ கரும்பு விவசாயி” சின்னமும் ஒதுக்கப்பட்டுள்ளது. ஆனால் மக்கள் நீதி மய்யத்துக்கு புதுச்சேரியில் மட்டும் “பேட்டரி டார்ச்” சின்னம் ஒதுக்கப்பட்டுள்ளது.  
http://dlvr.it/Rnfvd5

Read More

பாஜக எம்.பி பிரக்யாவின் பேச்சுக்கு மனுநூலின் தாக்கமே காரணம்: திருமாவளவன்

"பாஜக எம்.பி பிரக்யா தாகூரை சர்ச்சைக்குரிய வகையில் பேச வைப்பதற்கு எது காரணம்? என்ன பின்னணி" என்று விடுதலைச் சிறுத்தைகள் கட்சித் தலைவர் தொல்.திருமாவளவன் கேள்வி எழுப்பியுள்ளார். மலேகாவ் குண்டுவெடிப்பு வழக்கில் குற்றம்சாட்டப்பட்டவரும், பாஜக எம்.பியுமான பிரக்யா தாகூர், மத்தியப் பிரதேசத்தில் ஒரு சமூக மாநாடில் கலந்துகொண்டு பேசும்போது, "பிராமணர்களை, பிராமணர்கள் என்று அழைத்தாலோ, ஷத்திரியர்களை ஷத்திரியர்கள் என அழைத்தாலோ, வைசியர்களை வைசியர்கள் என அழைத்தாலோ அவர்கள் தவறாக எண்ணுவதில்லை. ஆனால் சூத்திரர்களை சூத்திரர்கள் என அழைத்தால் மட்டும் அவர்கள் கோவப்படுவது, குற்றமாகக் கருதுவது ஏனோ?" என கேள்வி எழுப்பியிருந்தார். "இது சமூக அமைப்பு பற்றி சூத்திரர்களின் அறியாமையைக் காட்டுகிறது" என்றும் கூறினார். சர்ச்சைக்குரிய இந்தப் பேச்சுக்கு பலரும் கண்டனம் தெரிவித்து வரும் நிலையில், விடுதலைச் சிறுத்தைகள் கட்சித் தலைவர் தொல்.திருமாவளவனும் கடுமையாக விமர்சித்துள்ளார்.  இதுகுறித்து இன்று அவர் பதிந்த ட்வீட்டில், "மனுச்சட்டம் எங்கே உள்ளது என்று கேட்பவர்கள், பாஜக எம்.பி பிரக்யா தாகூரின் இந்தப் பேச்சைக் கவனிக்கவும். இவரை இப்படி பேசவைப்பதற்கு எது காரணம்? என்ன பின்னணி? மனுநூலின் தாக்கம் எந்த அளவுக்கு சனாதனவாதிகளை இன்றும் ஆட்டிப்படைக்கிறது என்பதை புரிந்து கொள்ளலாம்!" என்று திருமாவளவன் கூறியுள்ளார்.
http://dlvr.it/Rnclm9

Read More

திருமணம் இப்படியும் நிற்கலாம்... உத்திர பிரதேசத்தில் நிகழ்ந்த விநோத சம்பவம்!

திருமணம் என்பது எல்லோர் வாழ்விலும் முக்கியமான ஒரு நிகழ்வு. உலகம் முழுவதிலும் எல்லா கலாசாரத்திலும் திருமணங்களுக்குச் சிறப்பு இடம் உண்டு. ஆனால், அந்த சந்தோஷமான நிகழ்வில் கூட சொதப்பல்கள் நடப்பதுண்டு. சின்னச் சின்னக் காரணங்களுக்காக நிறைய திருமணங்கள் நின்று போயிருக்கின்றன. குறிப்பாக இந்தியாவில், உத்திரபிரதேச மாநிலம் இதில் முதலிடத்தில் இருக்கிறது. மாப்பிள்ளை ஒருவர் குடித்துவிட்டு ‘நாகினி டான்ஸ்’ ஆடினார் என்ற காரணத்துக்காக மணப்பென் அந்தத் திருமணத்தை நிறுத்திவிட்டார். Indian Prime Minister Narendra Modi, right, speaks with Chief Minister of Uttar Pradesh state Yogi Adityanath இன்னொரு திருமணத்தில், மணப்பெண் வாட்ஸப்பே கதி என கிடப்பதாகச் சொல்லி மாப்பிள்ளை திருமணத்தை நிறுத்துவிட்டார். பிரதமர் மோடியின் பொருளாதாரக் கொள்கையை விமர்சித்துப் பேசி, அதனால் பிரச்னை உண்டாகி திருமணம் நின்று போன கதை கூட உத்திரப் பிரதேசத்தில் உண்டு. திருமண விருந்தில் ஏன் பீஃப் போடவில்லையென ஒரு திருமணம் நின்றிருக்கிறது. இப்படி நீளும் இந்தப் பட்டியலில் இன்னொரு காரணம் இப்போது சேர்ந்திருக்கிறது. உ.பி மாநிலம்... மகிழ்ச்சியாக நடந்துகொண்டிருந்த திருமணம் அது. மாப்பிள்ளையின் நண்பர்கள் நடனம் ஆடிக்கொண்டிருந்தார்கள். அந்த மகிழ்ச்சியில் மணப்பெண்ணும் சேர்ந்தால் நன்றாக இருக்குமென நண்பர்கள் நினைத்து அவரையும் நடனம் ஆட அழைத்திருக்கிறார்கள். அவர் வர மறுக்க, கைப்பிடித்து அழைத்துச் சென்றிருக்கிறார்கள். இது மணப்பெண் தரப்பை கோபமடையைச் செய்திருக்கிறது. முடிவு, திருமணத்தை நிறுத்தும் அளவிற்குச் சென்றிருக்கிறது. ஏற்கெனவே, மாப்பிள்ளை வீட்டார் நிறைய வரதட்சணை கேட்டதாகவும் குற்றம் சாட்டியிருக்கிறார்கள் மணப்பெண் வீட்டார்.திருமணம் மணப்பெண்ணின் உறவினர் ஒருவர், "எங்கள் வீட்டுப் பெண்கள் பொது இடங்களில் நடனம் ஆட மாட்டார்கள். இப்படி ஒரு வீட்டில் எங்கள் பெண்ணைக் கொடுக்க நாங்கள் தயாரில்லை" எனச் சொல்லியிருக்கிறார். இரு தரப்பினருக்கும் பொதுவானவர் ஒருவர் "பெண்ணை யாரும் வற்புறுத்தவில்லை. பிரச்னை செய்யவில்லை. அதன் பின் நடந்த பேச்சுவார்த்தைதான் முற்றிப் போய் பிரச்னை ஆனது" என்கிறார். விஷயம் காவல் நிலையத்தை எட்டியிருக்கிறது. ஆனால், இரண்டு குடும்பங்கள் இடையே நடக்கும் பிரச்னை என்பதால் அவர்களுக்கு உள்ளாகவே தீர்த்துக் கொள்ளும்படி அறிவுரை செய்திருக்கிறார்கள். முடிவாக, மாப்பிள்ளை வீட்டார் திருமணத்திற்காக பெண் வீட்டில் செய்த 6.5 லட்சத்தைக் கொடுக்க வேண்டுமென பேசித் தீர்த்திருக்கிறார்கள் இரண்டு பேரின் வாழ்க்கை சம்பந்தப்பட்ட விஷயம். உறவினர்களும் நண்பர்களும் கொஞ்சம் கவனத்துடன் இதைக் கையாண்டிருக்கலாம் என்றே தோன்றுகிறது.
http://dlvr.it/Rnclh9

Read More

கர்நாடகா: வளர் இளம் பருவ பெண்களில் 50% பேருக்கு இரத்த சோகை!

மத்திய சுகாதார துறை அமைச்சர் ஹர்ஷ் வர்தன் நேற்று இந்திய நாட்டு மக்களின் சுகாதார மற்றும் ஊட்டச்சத்து குறித்த ஐந்தாவது தேசிய குடும்ப சுகாதார கணக்கெடுப்பின் விவரங்களை வெளியிட்டார். முதல்கட்டமாக வெளியிடப்பட்டுள்ள இந்த கணக்கெடுப்பில் 17 மாநிலங்களும், 5 யூனியன் பிரதேசங்களும் இடம் பெற்றுள்ளன.  மீதமுள்ள 12 மாநிலங்கள் (தமிழகம் உட்பட) மற்றும் 2 யூனியன் பிரதேசங்களுக்கான களப்பணிகள் கொரோனாவினால் தடைபட்டுள்ளதால் வரும் 2021 இல் இரண்டாம் கட்டமாக அந்த கணக்கெடுப்பின் முடிவுகள் வெளியிடப்படும் என தெரிவிக்கப்பட்டுள்ளது. கடந்த 2015 - 16 இல் வெளியிடப்பட்ட நான்காவது தேசிய குடும்ப சுகாதார கணக்கெடுப்பை காட்டிலும் தாய் சேய் மற்றும் குழந்தைகளின் ஆரோக்கிய நலனில் முன்னேற்றம் கண்டுள்ளதாக தெரிவிக்கப்பட்டுள்ளது.  குறிப்பாக கர்நாடக மாநிலத்தில் வளர் இளம் பருவ பெண்களில் சுமார் 50% பேருக்கு இரத்த சோகை இருப்பதாக இந்த  கணக்கெடுப்பில் தெரிவிக்கப்பட்டுள்ளது. சரியாக அந்த மாநிலத்தில் 49.4% பேர் இரத்த சோகையால் பாதிக்கப்பட்டுள்ளனர். கடந்த முறை வெளியிடப்பட்ட கணக்கெடுப்பை காட்டிலும் 4.1 சதவிகிதம் இந்த எண்ணிக்கை அதிகரித்துள்ளது குறிப்பிடத்தக்கது.  பிரசவத்தின் போது குழந்தை இறப்பதும் குறைந்துள்ளதாக தெரிவிக்கப்பட்டுள்ளது. அதே நேரத்தில் குழந்தை பிறந்த ஒரு மணி நேரத்தில் தாய்ப்பால் கொடுக்கும் வழக்கமும் கடந்த முறையை காட்டிலும் 7 சதவிகிதம் குறைந்துள்ளதாகவும் சொல்லப்பட்டுள்ளது. அதே போல கர்நாடகாவில் உடல் பருமன் தொடர்பான சிக்கலில் ஆண் மற்றும் பெண் என இருபாலினத்தை சேர்ந்தவர்களும் அவதிப்பட்டு வருவதாக தெரிவிக்கப்பட்டுள்ளது.  மேலும் தேசிய அளவில் ஊட்டச்சத்து குறைபாடு தொடர்பான சிக்கல்களும் கடந்த முறையை காட்டிலும் குறைந்துள்ளதாக தெரிவிக்கப்பட்டுள்ளது.  The 5th National Family Health Survey launched today at the event marking #UHCDay2020 is a globally important data source containing detailed information on population, health & nutrition for India, its States & UTsIt'll greatly assist in formulating policies related to health pic.twitter.com/RkenJIPzc7 — Dr Harsh Vardhan (@drharshvardhan) December 12, 2020
http://dlvr.it/RnbFZm

Read More

கோலிக்கு மாற்றாக யாரை களமிறக்கலாம்? சுனில் கவாஸ்கர் கூறிய யோசனை!

ஆஸ்திரேலியாவுக்கு எதிரான டெஸ்ட் தொடரில் விராட் கோலிக்கு பதிலாக எந்த வீரரை களமிறக்கலாம் என்பது குறித்து இந்திய கிரிக்கெட் அணியின் முன்னாள் வீரர் சுனில் கவாஸ்கர் யோசனை தெரிவித்துள்ளார். ஆஸ்திரேலியாவுக்கு சுற்றுப் பயணம் மேற்கொண்டுள்ள இந்திய அணி ஒருநாள் தொடரை இழந்தது. அதேசமயம் டி20 தொடரை வென்றது. இவ்விரு அணிகளுக்கு இடையே 4 போட்டிகள் கொண்ட டெஸ்ட் தொடர் டிசம்பர் 17 ஆம் தேதி அடிலெய்டில் தொடங்குகிறது. முதல் டெஸ்ட் போட்டியில் மட்டும் பங்கேற்கும் கோலி, அதற்கடுத்த 3 போட்டிகளில் பங்கேற்கமாட்டார். அனுஷ்கா சர்மா - கோலி தம்பதிக்கு குழந்தை பிறக்க இருப்பதால் அவர் இந்தியா திரும்புகிறார். இது குறித்து நிகழ்ச்சியொன்றில் பேசிய சுனில் கவாஸ்கர் "கோலி ஒரு டெஸ்ட்டில்தான் விளையாடுகிறார். அதன் பின்பு ரஹானே கேப்டன் பொறுப்பை ஏற்று அணியை வழி நடத்துவார். ஆனால் கோலியின் 4-ஆம் இடத்தில் களமிறங்கப்போவது யார் என்ற கேள்வி எழுகிறது. கோலி இல்லாத இடத்தில் எனக்கு தெரிந்து ரஹானே களமிறங்குவார் என நினைக்கிறேன். அப்போது ரஹானே இடத்தில் கே.எல்.ராகுலோ அல்லது சுப்மன் கில் ஆகியோரை களமிறக்கினால் சரியாக இருக்கும்" என்றார்.
http://dlvr.it/RnYbLB

Read More

டிஆர்பி வழக்கு: ரிபப்ளிக் டிவி சி.இ.ஓ விகாஸ் கைது! - மும்பை போலீஸ் அதிரடி

இந்தியாவில் டி.ஆர்.பி. (டெலிவிஷன் ரேட்டிங் பாயின்ட் - TRP) கணக்கிடும் பணியை BARC (Broadcast Audience Research Council) என்ற நிறுவனம் செய்துவருகிறது. இந்த நிறுவனத்துக்குக் கீழ் இயங்கி வரும் ஹன்சா ரிசர்ச் நிறுவனம், BARC நிறுவனத்துடனான ஒப்பந்தத்தின் கீழ், இந்தியா முழுவதும் 30,000 டி.ஆர்.பி மீட்டர்களை வைத்து டி.ஆர்.பி கணக்கிடும் பணியைச் செய்துவருகிறது. சமீபத்தில், டி.ஆர்.பி ரேட்டிங்கில் அதிக புள்ளிகளைப் பெறுவதற்காக தங்கள் சேனலை மட்டும் பார்க்க ஒரு வீட்டுக்கு மாதந்தோறும் ரூபாய் 400 முதல் 700 வரை அளித்து மோசடி செய்திருப்பதாக ஆங்கில செய்தி ஊடகமான ரிபப்ளிக் டி.வி, மராத்தி சேனல்களான `Fakt Marathi', `பாக்ஸ் சினிமா' உள்ளிட்ட சேனல்கள் மீது ஹன்சா ரிசர்ச் (Hansa Research) நிறுவன அதிகாரி நிதின் தியோகர் புகார் அளித்தார். அதைத் தொடர்ந்து மும்பை காவல்துறை, கடந்த அக்டோபர் 6-ம் தேதி டி.ஆர்.பி மோசடி தொடர்பாக வழக்கு பதிவு செய்து விசாரணையை தொடங்கினர்.டி.ஆர்.பி இதில், தடயவியல் தணிக்கையாளர்கள், BARC கவுன்சில் உறுப்பினர்கள் உட்பட 140 நபர்களின் பெயர்கள் பட்டியலிடப்பட்டு விசாரணை தீவிரப்படுத்தப்பட்டு வந்தது. Also Read: ரிபப்ளிக் டிவி: வீட்டுக்கு மாதம் ரூ.400; `இந்தியா டுடே' பகை - டி.ஆர்.பி விவகாரத்தில் என்ன நடக்கிறது? இந்நிலையில், டி.ஆர்.பி. முறைகேட்டில் ரிபப்ளிக் டிவி தலைமை செயல் அதிகாரி விகாஸ் கான்சன்தானியை (Vikas Khanchandani) மும்பை போலீஸார் கைது செய்துள்ளனர். இந்த வழக்கில் இதுவரை 12 பேர் கைது செய்யப்பட்டுள்ளநிலையில், விகாஸ் 13-வது நபராக கைது செய்யப்பட்டுள்ளார். ஊழியர்களுக்குப் பாதுகாப்பு கோரி ரிபப்ளிக் ஊடக குழுமத்தின் ஏ.ஆர்.ஜி அவுட்லியர் மீடியா பிரைவேட் லிமிடெட் தாக்கல் செய்திருந்த மனுவை உச்ச நீதிமன்றம் நிராகரித்திருந்தது. அந்த மனு நிராகரிக்கப்பட்ட ஒரு வாரத்துக்குள் ரிபப்ளிக் டி.வி உயரதிகாரி கைது செய்யப்பட்டுள்ளது பரபரப்பை ஏற்படுத்தியுள்ளது.டி.ஆர்.பி இந்த வழக்கு விசாரணையின் போது உச்ச நீதிமன்ற நீதிபதி டி.ஒய். சந்திரசூட்,``இந்த மனு குறிப்பிட்ட நோக்கத்துக்காகத் தாக்கல் செய்யப்பட்டுள்ளது. மகாராஷ்டிரா போலீஸார், உங்கள் நிறுவன ஊழியர் யாரையும் கைது செய்யக்கூடாது, வழக்குகளை சிபிஐ-க்கு மாற்றக்கூடாது என்று நீங்கள் விரும்புகிறீர்கள். இந்த மனுவை நீங்கள் திரும்பப் பெறுவது நல்லது" என்று கருத்துத் தெரிவித்திருந்தார். ரிபப்ளிக் டி.வி தரப்பில் அர்னாப் கோஸ்வாமி, அவர்களது ஊழியர்களை கைது செய்தது தவறு என்று வாதிடப்பட்டது. முன்னதாக மும்பை காவல்துறை தாக்கல் செய்த 1,400 பக்கங்கள் கொண்ட குற்றப் பத்திரிகையில் டி.வி சேனலின் விநியோகப் பிரிவுத் தலைவர் கன்ஷ்யம் சிங் பெயர் இடம்பெற்றிருந்தது. மேலும் குற்றம் சாட்டப்பட்டவர்களில் இருவர் இந்த வழக்கில் அப்ரூவர்களாக மாறுவார்கள் என்றும் சுட்டிக் காட்டப்பட்டிருந்தது.
http://dlvr.it/RnYbGM

Read More

கேரளா: காரின் பின்புறம் வளர்ப்பு நாயைக் கட்டி இழுத்த கொடூரம்! - வைரல் வீடியோவால் ஓனர் கைது

கேரள மாநிலம் கொச்சியை அடுத்த நெடும்பாசேரி பகுதியில் நாயின் கழுத்தில் கயிற்றை கட்டி அதன் மறுமுனையை காரின் பின்பகுதியில் கட்டி காரை ஓட்டிச் சென்றிருக்கிறார் ஒருவர். காரின் பின்னால் ஓடிச் சென்ற நாய், ஒரு கட்டத்தில் ஓட முடியாமல் ரோட்டில் விழுந்தது. அப்போதும் கார் வேகமாக சென்றுகொண்டிருந்தது. சாலையில் உரசியபடியே சென்றதால் நாய்க்கு காயம் ஏற்பட்டு ரத்தம் சொட்டியது. அப்போது பைக்கில் சென்ற அகில் என்ற இளைஞர், இந்த கொடூர செயலை காரின் பின்னால் சென்றபடி மொபைல் போனில் வீடியோ எடுத்தார். பின்னர், காரை மறித்து நிறுத்தியவர் கார் ஓட்டிச் சென்றவரிடம் எதற்காக இப்படி செய்கிறார் என கேட்டுள்ளார். அதற்கு கார் ஓட்டிச் சென்ற யூஸப் என்பவர் "நாய் செத்தால் உனக்கு என்னடா" எனக்கேட்டு தகராறு செய்துள்ளார். பின்னர் அந்த நாயை அவிழ்த்து விட்டுவிட்டு அவர் அங்கிருந்து சென்றுவிட்டார்.வைரலான வீடியோ அகில், அந்த நாயை மீட்டு முதலுதவி சிகிச்சை அளித்திருக்கிறார். அகில் எடுத்த வீடியோவை சமூக வலைதளத்தில் பகிர்ந்தார். அந்த வீடியோ வைரலானது. இதுகுறித்து அகில் கூறுகையில், ``அந்த நாய் அவரது வீட்டில் வளர்த்தது என தெரியவந்துள்ளது. வீட்டில் உள்ளவர்களுக்கு பிடிக்காததால், அதை எங்காவது விட்டுவிட வேண்டும் என்பதற்காக காரின் பின்புறம் கயிற்றால் கட்டி இந்த கொடுமை செய்திருக்கிறார். நான் மருத்துவமனைக்குச் சென்றுவிட்டு திரும்பி வந்தபோதுதான் இந்த கொடுமையைப் பார்த்தேன். தொலைவில் இருந்து பார்த்தபோது நாய் காரை துரத்திக்கொண்டு ஓடுவதுபோன்று தெரிந்தது. அருகில் சென்றபோதுதான் காரில் நாய் கட்டப்பட்டிருப்பது தெரியவந்தது. ஒருகட்டத்தில் நாய் ரோட்டில் விழுந்து, சாலையில் இழுத்துக்கொண்டே சென்றதால், நான் காரை நிறுத்தினேன். இப்போது நாய்க்கு முதலுதவி சிகிச்சை அளிக்கப்படுள்ளது. அந்த நால் எளிதில் மனிதர்களிடம் பழகுகிறது. நாயை கொடுமை செய்ய எப்படிதான் மனது வந்ததோ" என்றார்.மீட்கப்பட்ட நாய் இந்த சம்பவத்திற்கு பல முக்கிய பிரமுகர்கள் கண்டனம் தெரிவித்துள்ளனர். மேலும் செங்கமநாடு காவல் நிலையத்தில் இது சம்பந்தமாக வழக்கு பதிவு செய்து, காரை ஓட்டிச் சென்ற நெடும்பாசேரி சாலாக்க பகுதியைச் சேர்ந்த யூஸப் என்பவரை போலீஸார் கைது செய்தனர். குடும்பத்தின ர் நாயை விரும்பாததால் அதை எங்காவது விட்டுவிடுவதற்கு இப்படி செய்ததாக யூஸப் ஒப்புக்கொண்டிருக்கிறார். மோட்டார் வாகன சட்டப்படியும் யூஸப் மீது வழக்குப்பதிவு செய்யப்பட்டுள்ளது. அவரது கார் பறிமுதல் செய்யப்பட்டதுடன், லைசென்ஸ் ரத்துச் செய்யப்பட உள்ளதாகவும் கூறப்படுகிறது.
http://dlvr.it/RnXbsx

Read More