ஜம்மு-காஷ்மீர் உள்ளாட்சித் தேர்தல்: 75 இடங்களில் வெற்றி - பா.ஜ.க-வுக்கு வளர்ச்சியா, பின்னடைவா?

ஜம்மு-காஷ்மீர் யூனியன் பிரதேசத்துக்கான மாவட்ட வளர்ச்சி கவுன்சில் தேர்தல் கடந்த வாரம் நடந்து முடிந்தது. அதற்கான முடிவுகள் தற்போது வெளியாகியுள்ளன. ஜம்மு-காஷ்மீரின் சிறப்பு அந்தஸ்தை ரத்து செய்த பின்னர், அந்தப் பகுதியில் நடைபெறும் முதல் தேர்தல் இது என்பதால், அனைத்துக் கட்சிகளும் பரபரப்பாக இந்தத் தேர்தலில் களமிறங்கிப் பணியாற்றின. இந்தத் தேர்தலில், ஃபரூக் அப்துல்லா தலைமையிலான குப்கர் கூட்டணி 110 இடங்களைக் கைப்பற்றி அமோக வெற்றி பெற்றிருக்கிறது. அதேநேரத்தில், பா.ஜ.க தனித்துப் போட்டியிட்டு 75 இடங்களைக் கைப்பற்றி `அதிக இடங்களை வென்ற கட்சி'யாக இருக்கிறது.ஃபரூக் அப்துல்லா மாவட்ட கவுன்சில் தேர்தல்! ஜம்மு-காஷ்மீரில் நடைபெறும் முதல் மாவட்ட கவுன்சில் தேர்தல் இதுதான். ஒவ்வொரு மாவட்டத்தின் மேம்பாட்டுக்காகவும், பொருளாதார முன்னேற்றத்துக்காகவும் இந்தத் தேர்தல் நடத்தப்படுகிறது. கடந்த மாதம் 28-ம் தேதி முதல் இந்த மாதம் 19-ம் தேதி வரை எட்டு கட்டங்களாக வாக்குப்பதிவு நடத்தப்பட்டது. ஜம்மு-காஷ்மீரில் மொத்தம் 20 மாவட்டங்கள் உள்ளன. மாவட்டத்துக்கு 14 தொகுதிகள் பிரிக்கப்பட்டு, மொத்தம் 280 தொகுதிகளில் மாவட்ட கவுன்சில் தேர்தல் நடைபெற்றது. வாக்குப்பதிவு இயந்திரத்தைத் தவிர்த்துவிட்டு, வாக்குச்சீட்டு முறைப்படி இந்தத் தேர்தல் நடைபெற்றது. தேர்தலில் பங்கேற்ற கட்சிகள்! கடந்த ஆகஸ்ட் 4-ம் தேதி, ஜம்மு-காஷ்மீர் தேசிய மாநாட்டுக் கட்சியின் தலைவர் ஃபரூக் அப்துல்லாவின் குப்கர் இல்லத்தில் நடந்த அனைத்துக் கட்சிக் கூட்டத்துக்குப் பின்னர், `குப்கர் பிரகடனம்' என்ற தீர்மானம் வெளியிடப்பட்டது. ஜம்மு-காஷ்மீரின் அடையாளம், சிறப்பு அந்தஸ்து, சுயாட்சி ஆகியவற்றைப் பாதுகாப்பதுதான் குப்கர் பிரகடனத்தின் நோக்கம் என்று கூறப்பட்டது. இதையடுத்து மாவட்ட கவுன்சில் தேர்தலுக்காக குப்கர் பிரகடனத்துக்கான மக்கள் கூட்டணி உருவானது. தேசிய மாநாட்டுக் கட்சி, மக்கள் ஜனநாயகக் கட்சி, கம்யூனிஸ்ட்டுகள் உட்பட ஏழு கட்சிகள் இணைந்து குப்கர் கூட்டணி அமைத்து மாவட்ட கவுன்சில் தேர்தலைச் சந்தித்தன. தேசியக் கட்சிகளான காங்கிரஸும் பா.ஜ.க-வும் தனித்துப் போட்டியிட்டன. பகுஜன் சமாஜ், புதிதாகத் தொடங்கப்பட்ட ஜம்மு-காஷ்மீர் அப்னி கட்சி, சுயேச்சைகள் என மொத்தம் 2,181 வேட்பாளர்கள் இந்தத் தேர்தலில் போட்டியிட்டனர்.ஜம்மு-காஷ்மீர் தேர்தல் Also Read: 1846 முதல் 2019 வரை! - காஷ்மீர் பிரச்னையில் நடந்தது என்ன? #VikatanInfographics வெற்றி யாருக்கு? குப்கர் கூட்டணி 110 இடங்களைக் கைப்பற்றி அமோக வெற்றிபெற்றிருக்கிறது. இந்தக் கூட்டணியில் தலைமை வகித்த ஃபரூக் அப்துல்லாவின் தேசிய மாநாட்டுக் கட்சி, 66 இடங்களைக் கைப்பற்றியிருக்கிறது. குப்கர் கூட்டணியில் அங்கம்வகித்த மெகபூபா முஃப்தியின் மக்கள் ஜனநாயகக் கட்சி 27 இடங்களைக் கைப்பற்றியிருக்கிறது. தனித்துப் போட்டியிட்ட பா.ஜ.க 75 இடங்களில் வெற்றி கண்டிருக்கிறாது. சுயேச்சைகள் 49 இடங்களையும், காங்கிரஸ் 26 இடங்களையும் கைப்பற்றியுள்ளன.மோடி ``இது பா.ஜ.கவுக்குக் கிடைத்த வெற்றி. பிரதமர் மோடியின் மீதும் அவரது கொள்கைகள்மீதும் மக்கள் நம்பிக்கைவைத்துள்ளனர். காஷ்மீரில் தேசியவாத சிந்தனைகள் அதிகரித்துக் கொண்டிருப்பதற்கான சான்றுதான் இந்த வெற்றி. 4.8 லட்சம் வாக்குகளையும் 75 இடங்களையும் கைப்பற்றி, காஷ்மீரில் தனிப்பெரும் கட்சியாக பா.ஜ.க உருவெடுத்திருக்கிறது'' என்று கூறி பா.ஜ.க-வினர் இந்த வெற்றியை வெகுவாகக் கொண்டாடிவருகின்றனர்.உமர் அப்துல்லா அதேநேரத்தில் குப்கர் கூட்டணியைச் சேர்ந்த உமர் அப்துல்லா, ``ஜம்மு-காஷ்மீரின் சிறப்பு அந்தஸ்தை மத்திய அரசு ரத்து செய்ததை மக்கள் ஏற்றுக்கொள்ளவில்லை என்பது இந்தத் தேர்தல் முடிவுகள் மூலம் தெளிவாகிறது'' என்று கூறியுள்ளார். மேலும் பேசிய அவர், உமர் அப்துல்லா''மாவட்ட வளர்ச்சி கவுன்சிலுக்கான தேர்தல் முடிவு எங்களுக்கு ஊக்கமளிக்கிறது. காரணம், பல காலம் நாங்கள் சிறையில் வைக்கப்பட்டோம். எங்களுக்கு எதிராக அரசு இயந்திரங்கள், அதிகாரங்கள் உள்ளிட்டவற்றைப் பயன்படுத்தியபோதும் நாங்கள் வெற்றி கண்டுள்ளோம்.'' பா.ஜ.வு-க்கு எழுச்சியா... பின்னடைவா? இந்தத் தேர்தல் முடிவுகள் பா.ஜ.க-வுக்குச் சாதகமாக அமைந்துள்ளனவா... இல்லையா என்பது குறித்து அரசியல் நோக்கர்கள் சில கருத்துகளை முன்வைக்கின்றனர். ``ஜம்மு-காஷ்மீரில், பா.ஜ.க 75 இடங்களில் வெற்றிபெற்றிருப்பது சிலருக்கு அதிர்ச்சியளிக்கலாம். ஆனால், பா.ஜ.க வென்றிருக்கும் தொகுதிகளில் பெரும்பாலானவை இந்துக்கள் அதிகம் வாழும் தொகுதிகள்தான். ஜம்மு-காஷ்மீரின் ஜம்மு பகுதியில், இந்துக்கள் அதிகம் வாழும் மாவட்டங்களான ஜம்மு, கத்துவா, சம்பா, உதம்பூர் ஆகிய மாவட்டங்களிலுள்ள 56 இடங்களில் 49 இடங்களை பா.ஜ.க வென்றிருக்கிறது. பா.ஜ.க 280 இடங்களில் போட்டியிட்டு 4.8 லட்சம் வாக்குகளைப் பெற்றிருக்கிறது. இரண்டாவது பெரும் கட்சியாகத் திகழும் ஜம்மு-காஷ்மீர் தேசிய மாநாட்டுக் கட்சி 168 இடங்களில் போட்டியிட்டு 2.7 லட்சம் வாக்குகளைப் பெற்றிருக்கிறது. பா.ஜ.க அதிக அளவிலான வாக்குகளைப் பெற்றிருப்பதற்குக் காரணம், பா.ஜ.க வலுவாக இருக்கும் ஜம்மு பகுதியில் மொத்தமாக 70 சதவிகித வாக்குகள் பதிவாகியிருந்தன. அதே காஷ்மீர் பகுதியில் 35 சதவிகித வாக்குகள்தான் பதிவாகியிருந்தன. எனவே, ஜம்மு பகுதியில் வலுவாக இருக்கும் கட்சி அதிக வாக்குகளைப் பெற்றிருப்பது இயற்கையானது. 2014 சட்டமன்றத் தேர்தலில்கூட பா.ஜ.க-தான் அதிக வாக்குகளைப் பெற்றிருந்தது. ஆனால், மக்கள் ஜனநாயகக் கட்சி அதிக இடங்களை வென்றிருந்தது. தேர்தலில் வாக்குகளைவிட அதிக தொகுதிகளைக் கைப்பற்றுவதுதான் முக்கியம்.பா.ஜ.க கொடி Also Read: 2020 Rewind: வெளியேறிய இளவரசர்; கிம் ஜாங் உன் வதந்தி; அதிரடி புதின் - உலகை அதிரவைத்த சம்பவங்கள்! பா.ஜ.க வலுவாக இருக்கும் ஜம்மு பகுதியிலும் அந்தக் கட்சி சரிவைச் சந்தித்திருக்கிறது என்றுதான் சொல்ல வேண்டும். கடந்த 2014 சட்டமன்றத் தேர்தலில் ஜம்மு பகுதியிலுள்ள 37 சட்டமன்றத் தொகுதிகளில் போட்டியிட்டு 25 தொகுதிகளில் வெற்றிபெற்றிருந்தது பா.ஜ.க. அதாவது, போட்டியிட்ட தொகுதிகளில் 75 சதவிகித தொகுதிகளைக் கைப்பற்றியிருந்தது. ஆனால், இந்த மாவட்ட கவுன்சில் தேர்தலில் ஜம்மு பகுதியில் போட்டியிட்ட 140 தொகுதிகளில் 71 இடங்களில் மட்டுமே, அதாவது 50 சதவிகித இடங்களில் மட்டுமே வெற்றி கண்டிருக்கிறது. இது அந்தக் கட்சியின் சரிவு என்றுதான் சொல்ல வேண்டும்'' என்கிறார்கள்.மேலும், ``2014 ஜம்மு-காஷ்மீர் சட்டமன்றத் தேர்தலில், குறிப்பாக ஜம்முவிலுள்ள தோடா (Doda), ராம்பன் (Ramban), ரஜோரி (Rajauri) ஆகிய பகுதிகளில் கணிசமான இடங்களைக் கைப்பற்றியிருந்தது பா.ஜ.க. ஆனால், மாவட்ட கவுன்சில் தேர்தலில் இந்த மூன்று பகுதிகளிலுமுள்ள 42 மாவட்ட கவுன்சில் தொகுதிகளில் வெறும் 13 இடங்களை மட்டுமே கைப்பற்றியிருப்பது பா.ஜ.க-வுக்கு நிச்சயம் பின்னடைவுதான்'' என்கிறார்கள் அரசியல் நோக்கர்கள்.
http://dlvr.it/RpK4G4

Read More

பொங்கல் பரிசு வாங்க போறீங்களா: இதையும் கவனத்தில் வச்சிக்கோங்க!

பொங்கல் பரிசு வழங்கல் தொடர்பாக நியாய விலை கடைகள் மற்றும் குடும்ப அட்டைதாரர்கள் கடைபிடிக்க வேண்டிய விதிமுறைகளை உணவு வழங்கல் துறை வெளியிட்டுள்ளது.   பொங்கல் பரிசாக அனைத்து குடும்ப அட்டைதாரர்களுக்கும் 2500 ரூபாயுடன் கூடிய பொங்கல் பரிசு வழங்கப்படும் என தமிழக முதல்வர் எடப்பாடி பழனிசாமி அறிவித்தார். இந்த பரிசுத்தொகைக்கான டோக்கனானது வரும் 26 ஆம் தேதி முதல் விநியோகிக்கப்பட இருக்கின்றன. இந்தப் பரிசுத் தொகையினை ஜனவரி 13 ஆம் தேதிக்குள் வழங்கி முடிக்க உத்தரவுப் பிறப்பிக்கப்பட்ட நிலையில், உணவுப் பொருள் வழங்கல் துறை சுற்றறிக்கை ஒன்றை வெளியிட்டது. அதில் பொங்கல் பரிசு வழங்கல் தொடர்பாக கடைபிடிக்க வேண்டிய விதிமுறைகள் இடம்பெற்றுள்ளது. அவையாவன: - 1. பொங்கல் பரிசுத்தொகுப்பை ஜனவரி 4-ஆம் தேதி தொடங்கி, 12-ஆம் தேதிக்குள் முடித்தல் வேண்டும். அதில் விடுபட்ட அட்டைதாரர்களுக்கு ஜனவரி 13-ஆம் தேதி பொங்கல் பரிசு தொகுப்பினை வழங்கல் வேண்டும். 2. 26 ஆம் தேதி முதல் 30 ஆம் தேதி வரை வீடு வீடாக டோக்கன் விநியோகிக்கப்பட உள்ள நிலையில், ஒரு நாளைக்கு 200 குடும்ப அட்டைகளுக்கு மிகாமல் பொங்கல் பரிசினை வழங்க வேண்டும். 3. பொங்கல் பரிசுத் தொகுப்பையும், 2500 ரொக்கப்பணத்தையும் அட்டைத்தாரர்களுக்கு ஒரே நேரத்தில் வழங்க வேண்டும். ரொக்கத்தொகையை 2000 மற்றும் 500 தாள்களாகவும், அதற்கு வாய்ப்பு இல்லாத நேரத்தில் ஐந்து 500 தாள்களையும் வழங்க வேண்டும். எந்தக் காரணத்தை கொண்டும், பணத்தை கவரில் வைத்து கொடுக்கக்கூடாது. இந்த பரிவர்த்தனையானது விற்பனை இயந்திரத்தின் மூலம் நடைபெறல் வேண்டும். 4. பொங்கல் பரிசு தொகை வழங்கல் தொடர்பான பரிவர்த்தனையானது, சம்பந்தப்பட்ட குடும்ப அட்டைதாரரின் செல்போனுக்கு குறுஞ்செய்தி வழியாக சென்றடைதல் வேண்டும்.  5. நியாய விலைக்கடைக்கு வரும் குடும்ப அட்டைதாரர்கள் ஒரு மீட்டர் இடைவெளி விட்டு, தங்களை தனிமைப்படுத்திக்கொண்டு பொருட்களை வாங்க வேண்டும். அதே போல முகக்கவசம் அணிந்து வருதல் கட்டாயமாகும்.
http://dlvr.it/RpHP3Q

Read More

கொச்சி விமான நிலையத்தில் இயற்கை விவசாயம்... கலக்கும் கேரளா!

டெல்லியில் வேளாண் சட்டங்களுக்கு எதிராக விவசாயிகள் நடத்திவரும் போராட்டம் தலைநகர் டெல்லியை உலுக்கிக் கொண்டிருக்கிறது. இதில், கடும் குளிரையும் பொருட்படுத்தாமல் விவசாயிகள் தீவிரப் போராட்டத்தில் ஈடுபட்டு வருகின்றனர். இந்நிலையில், கேரளா கொச்சி சர்வதேச விமான நிலையத்துக்கு அருகே உள்ள 52 ஏக்கர் காலி நிலத்தில் கொச்சின் விமான நிலையம் (சி.ஐ.ஏ.எல் இன்பிராஸ்டிரக்சர்) சார்பில் 12 எம்.டபிள்யூ.பி சக்தி கொண்ட சூரிய சக்தி மின் நிலையம் அமைக்கப்பட்டுள்ளது. இதன்மூலம் உலகிலேயே சூரிய சக்தி மின்சாரம் மூலம் இயங்கும் முதல் விமான நிலையமாக சி.ஐ.ஏ.எல் உருவெடுத்துள்ளது. ஆனால், இந்த நல்ல செயல்பாட்டுக்கு மத்தியிலும்கூட, காலி இடத்தைச் சரியான முறையில் பயன்படுத்தவில்லை என்ற குற்றச்சாட்டும் எழுந்தது.சூரியசக்தி மின் நிலையம் இதன் காரணமாக சூரிய சக்தி பேனல்களுக்கு இடையே உள்ள காலி இடத்தில் ஆர்கானிக் (இயற்கை) விவசாயம் செய்யலாமே என்ற யோசனை சொல்லப்பட்டது. இவ்வாறு செய்வதன் மூலம், காலி இடத்தில் களைச் செடிகள் வளருவது தடைப்படும். கூடவே விவசாயப் பணிகளையும் மேற்கொண்டு சுற்றுச்சூழலைக் காத்தது போலாகும் என்ற கருத்து கிளம்பியது. மேலும், சூரிய சக்தி பேனல்கள் சூடாகாமல் தடுக்கவும் இந்தச் செடிகள் உதவும் என்றும் கூறப்பட்டது. இதையடுத்து 2015-ம் ஆண்டு டிசம்பர் மாதம் முதலில் 58 சென்ட் நிலத்தில் ஆர்கானிக் ஃபார்மிங் மூலம் விவசாயம் செய்ய திட்டமிடப்பட்டது. இதன்விளைவாக 400 கிலோ வெண்டைக்காய், 400 கிலோ பீன்ஸ், 425 கிலோ வெள்ளரிக்காய், 2,184 கிலோ சுரைக்காய், 378 கிலோ பூசணிக்காய் ஆகியவை விளைவிக்கப்பட்டன.கொச்சின் விமான நிலையத்தில் இயற்கை விவசாயம் நாளடைவில் தக்காளி, இஞ்சி, மஞ்சள் ஆகியவையும்கூட பயிரிடப்பட்டன. இதன் வெற்றியைத் தொடர்ந்து தற்போது முழுமையாக இந்த விவசாயத்தை விஸ்தரிக்கவும் தீர்மானிக்கப் பட்டது. தற்போது 3 ஏக்கர் நிலப்பரப்பில் விவசாயப் பணிகள் நடந்து வருகின்றன. கூடுதலாகப் பச்சை மிளகாய், புடலங்காய், பாவக்காய், கத்திரிக்காய் உள்ளிட்டவையும் பயிரிடப் படுகின்றன. ஆங்காங்கே, விவசாயம் செய்வதில் பல பிரச்னைகள் நடந்து வரும் நிலையில், விமான நிலையம் அருகே விவசாயம் செய்வதற்கு அனைத்து வசதிகளும் பொருத்தமாக உள்ளது என்பது அனைவருக்கும் மகிழ்ச்சி தரக்கூடிய விஷயம்தான். உண்மையில் சொல்லப்போனால், கொச்சி அருகே உள்ள விமான நிலையமே ஒரு ரோல் மாடலாக அமைந்துள்ளது. - ஆனந்தி ஜெயராமன்
http://dlvr.it/RpHP12

Read More

5 ஆண்டுகளில் ரூ.59,000 கோடி: பட்டியலின மாணவர்களுக்கான உதவித்தொகைக்கு ஒப்புதல்

4 கோடி பட்டியலின மாணவர்கள் 10-ஆம் வகுப்பிற்குப் பிறகு கல்வியைத் தொடரும் வகையில், அடுத்த 5 ஆண்டுகளில் ரூ.59,000 கோடியை கல்வி உதவித் தொகையாக வழங்க மத்திய அரசு ஒப்புதல் அளித்துள்ளது. பிரதமர் நரேந்திர மோடி தலைமையிலான பொருளாதார விவகாரங்களுக்கான அமைச்சரவைக் குழு, பட்டியல் பிரிவு மாணவர்கள் கல்வியைத் தொடர்வதற்காக மிகப்பெரிய மாற்றங்களைக் கொண்டுவர இன்று ஒப்புதல் அளித்துள்ளது. இதுவரை வருடத்திற்கு 1100 கோடி ரூபாய் ஒதுக்கப்பட்டு வந்த நிலையில், தற்போது 5 மடங்காக அந்த தொகை உயர்த்தப்பட்டு 6,000 கோடி ரூபாய் ஒதுக்கப்படும் என முடிவு செய்யப்பட்டுள்ளது. 4 கோடி பட்டியலின மாணவர்கள் 10-ஆம் வகுப்பிற்குப் பிறகு கல்வியைத் தொடரும் வகையில், அடுத்த 5 ஆண்டுகளில் ரூ.59,000 கோடியை கல்வி உதவித் தொகையாக வழங்க ஒப்புதல் அளிக்கப்பட்டுள்ளது. இதில் ரூ.35,534 கோடி (60%) மத்திய அரசு நிதியில் இருந்தும் மீதமுள்ள தொகை மாநில அரசு நிதியிலிருந்தும் வழங்கப்படும். பத்தாம் வகுப்புக்குப் பிறகு கல்வியைத் தொடர முடியாமல் இருக்கும் 1.36 கோடி ஏழை மாணவர்கள், அடுத்த ஐந்து வருடங்களில் உயர் கல்வி அமைப்புக்குள் கொண்டு வரப்படுவார்கள் என மதிப்பிடப்படுகிறது. பட்டியல் பிரிவைச் சேர்ந்த மாணவர்கள் பத்தாம் வகுப்புக்கு பிறகு கல்வியைத் தொடர்வதை ஊக்கப்படுத்துவதற்காக PMS-SC என்னும் திட்டத்தை மத்திய அரசு செயல்படுத்தி வருகிறது என்று மத்திய அரசின் செய்திக் குறிப்பு தெரிவிக்கிறது.
http://dlvr.it/RpG45f

Read More

ஆந்திரா: `திடீர் மயக்கம்; ஒருவர் பலி: 350 பேர் மருத்துவமனையில் அனுமதி!’- பதறவைத்த மர்ம நோய்

ஆந்திர மாநிலம், மேற்கு கோதாவரி மாவட்டத்திலுள்ள சிறிய நகரம் எலூரு. இங்கு வசித்துவரும் மக்கள் நேற்று முதல் திடீரென உடல்நலக் குறைவால் பாதிக்கப்பட்டனர். அவர்களில் பலருக்கு வாந்தி, கை கால் வலிப்புணர்வுடன் மயக்கமடைவதுபோல் உணரத் தொடங்கினர். இதனால், அலெர்ட்டான நகராட்சி, பாதிக்கப்பட்ட மக்களை அரசு மருத்துவமனையில் அனுமதிக்குமாறு கேட்டுக்கொண்டது. ஆந்திரா - எலூரு Also Read: `கோவிட்-19 தொற்றுடன் தொடர்புடையதா?!' -அமெரிக்க, ஐரோப்பிய நாட்டு குழந்தைகளை தாக்கும் மர்ம நோய் இந்த திடீர் பாதிப்புக்கான காரணம் இதுவரை கண்டறியப்படவில்லை. இதுவரை சுமார் 350 பேர் எலூர் அரசு மருத்துவமனையில் அனுமதிக்கப்பட்டு சிகிச்சை பெற்றுவருகின்றனர். அவர்களில் 186 பேர் டிஸ்சார்ஜ் செய்யப்பட்டதாக மாவட்ட நிர்வாகம் தெரிவித்திருக்கிறது. 164 பேர் சிகிச்சையில் இருப்பதாகவும் அதிகாரிகள் தெரிவித்துள்ளனர். அதேபோல், சிகிச்சைக்காக அனுமதிக்கப்பட்ட ஒருவர் உயிரிழந்ததாகவும் தெரிகிறது. இதற்குக் காரணம், குடிநீர் மாசுபாடா அல்லது தொழிற்சாலை நச்சுக்கழிவு உள்ளிட்டவை காரணமா என மாநில சுகாதாரத் துறை ஆய்வு மேற்கொள்ள உத்தரவிட்டிருக்கிறது. நகராட்சி சார்பில் 24 மணி உதவி மையமும் திறக்கப்பட்டிருக்கிறது. கொதிக்கவைத்த நீரையே அருந்துமாறு மக்களுக்கு அறிவுறுத்தப்பட்டிருக்கிறது. இதையடுத்து, மங்களகிரி எய்ம்ஸ் மருத்துவர்கள் குழு, தேசிய ஊட்டச்சத்து நிறுவன விஞ்ஞானிகள், ஹைதராபாத் தேசிய வேதியியல் நிறுவன விஞ்ஞானிகள் அடங்கிய குழு ஆகியவை எலூருக்கு விரைந்திருக்கின்றன. இது குறித்துப் பேசிய ஆந்திர துணை முதல்வரும், சுகாதாரத்துறை அமைச்சருமான அல்ல காளி கிருஷ்ணா (Alla Kali Krishna), ``மேற்கு கோதாவரி மாவட்டத்திலுள்ள எலூரில் சூழ்நிலை கட்டுப்பாட்டுக்குள் இருக்கிறது. லேசான மயக்கம், கை கால் வலிப்புணர்வுடன் எலூர் அரசு மருத்துவமனையில் மக்கள் அனுமதிக்கப்பட்டுள்ளனர். அனைத்துவிதமான சிகிச்சை உதவிகளும் அளிக்கப்பட்டுவருகின்றன. மக்கள் அனைவரும் பாதுகாப்பாக இருக்கிறார்கள்’’ என்று தெரிவித்தார். ஆந்திரா - எலூரு சூழ்நிலையை நேரில் ஆய்வு செய்ய இன்று எலூரு செல்லும் ஆந்திர முதல்வர் ஒய்.எஸ்.ஜெகன்மோகன் ரெட்டி, மருத்துவமனையில் சிகிச்சை பெற்றுவருபவர்களை நேரில் சந்தித்துப் பேசுகிறார். மேலும், சுகாதாரத்துறை உள்ளிட்ட பல்வேறு துறை அதிகாரிகளுடனான ஆலோசனைக் கூட்டத்தையும் அவர் நடத்துகிறார்.
http://dlvr.it/RpD0JQ

Read More

`ஓராண்டுச் சிறை; ஜாமீன் கிடையாது!’- ஆன்லைன் சூதாட்டத்துக்கு செக் வைத்த ஆந்திரா

ஆன்லைன் சூதாட்ட விளையாட்டுகளால் இளைஞர்கள் தற்கொலையில் ஈடுபடும் சம்பவங்கள் சமீபகாலமாக அதிகரித்துவருகின்றன. ஆந்திர மாநிலத்தில் ஆன்லைன் சூதாட்ட விளையாட்டில் ஈடுபட்ட இளைஞர்கள் சிலர் அதில் ஏற்பட்ட தொடர் தோல்வியின் காரணமாக கடன் சுமை பெருகியதால், தற்கொலை செய்துகொண்ட சம்பவங்கள் பெரும் அதிர்வலைகளை ஏற்படுத்தின. இதையடுத்து, நேற்று (01.12.2020) நிகழ்ந்த ஆந்திரா சட்டப்பேரவைக் கூட்டத்தொடரில் ஆன்லைன் சூதாட்ட விளையாட்டை முற்றிலும் தடை செய்வதற்கான தனி மசோதாவை அம்மாநில அரசாங்கம் நிறைவேற்றியிருக்கிறது.ஆன்லைன் சூதாட்டம் இது குறித்து சட்டப்பேரவையில் பேசிய ஆந்திர மாநில முதல்வர் ஜெகன் மோகன் ரெட்டி, ``சமீபத்தில் இளைஞர்கள் சிலர் ஆன்லைன் சூதாட்ட விளையாட்டால் ஏற்பட்ட கடன் சுமை காரணமாக தற்கொலை செய்துகொண்ட சம்பவங்கள் அதிர்ச்சியை ஏற்படுத்தின. இதையடுத்து தற்போது இந்த மசோதா நிறைவேற்றப்பட்டிருக்கிறது. இதன் மூலம் சட்டவிதிகளை மீறுவோர் யாராக இருந்தாலும், அவர்களுக்குத் தகுந்த தண்டனை வழங்கப்படும். நமது அரசு மிகவும் வெளிப்படையான முறையில் செயல்பட்டுவருகிறது. சமீபத்தில், நமது அமைச்சரவை சகா ஒருவரின் உறவினர், இது போன்ற செயலில் ஈடுபட்டுவருவது தெரியவந்ததுடன், உடனடியாக அவருக்கு எந்தவித பாரபட்சமுமின்றி அவர் மீது நடவடிக்கை எடுக்கப்பட்டது” என்று தெரிவித்தார். இதைத் தொடர்ந்து ஆந்திர உள்துறை அமைச்சரான சுச்சாரிதா இம்மசோதா குறித்து கூறுகையில், ``ஆன்லைன் மூலம் நிகழ்த்தப்படும் குற்றச் சம்பவங்கள் நாளுக்கு நாள் அதிகரித்துவருகின்றன. இந்தச் சட்டத்தின் மூலம் அதைக் கட்டுக்குள் கொண்டுவரும் முயற்சியை முன்னெடுத்திருக்கிறோம். ஆன்லைனில் போலியான தளங்களின் மூலம் நிகழும் பணமோசடிச் சம்பவங்களுக்கு விரைவில் முற்றுப்புள்ளி வைக்கப்படும். Also Read: ஒழிக்கப்பட வேண்டிய ஆன்லைன் சூதாட்டம்! இது போன்ற குற்றச் சம்பவங்களில் ஈடுபடுவோருக்கு முதற்கட்டமாக ரூ.5,000 அபராதமாக விதிக்கப்படுவதோடு, ஓராண்டுச் சிறைத் தண்டனையும் வழங்கப்படும். அடுத்தபடியாக, தொடர்ந்து இது போன்ற செயல்களில் ஈடுபடுவோருக்கு தண்டனை அதிகரிக்கப்படுவதோடு அபராதமும் அதிகரிக்கப்படும். அத்தோடு இதில் கைதாகும் நபர்களுக்கு ஜாமீன் வழங்கப்பட மாட்டாது” என்று கூறினார்.
http://dlvr.it/RpD0Hg

Read More

சென்னை: புறநகர் ரயில்களில் இன்று முதல் அனைவருக்கும் அனுமதி

சென்னை புறநகர் ரயில்களில் இன்றுமுதல் அனைவரும் பயணிக்க அனுமதி அளிக்கப்படுவதாக தெற்கு ரயில்வே நிர்வாகம் அறிவித்துள்ளது. கொரோனா காலத்தை முன்னிட்டு சென்னை புறநகர் பகுதிகளில், வழக்கமான ரயில்கள் அனைத்தும் இயக்கப்படவில்லை. கொரோனா பாதிப்பு எண்ணிக்கை படிப்படியாகக் குறைந்து நிறுவனங்களும், அலுவலகங்களும் செயல்பட தொடங்கியதை அடுத்து, ரயில்வே ஊழியர்கள், வங்கி, காப்பீடு, பொதுத் துறைநிறுவன ஊழியர்கள், அத்தியாவசிய பணிகளுக்கு செல்லும் அரசு, தனியார் நிறுவன ஊழியர்கள் பயணம் செய்ய வசதியாக குறிப்பிட்ட ரயில்கள் மட்டும் இயக்கப்பட்டு வந்தன. இந்நிலையில், சென்னை புறநகர் ரயில்களில் இன்றுமுதல் அனைவரும் பயணிக்க அனுமதி அளிக்கப்படுவதாக தெற்கு ரயில்வே நிர்வாகம் அறிவித்துள்ளது. ’NON PEAK HOURS’ எனப்படும் கூட்ட நெரிசல் குறைவாக உள்ள நேரத்தில் மட்டும் அனைத்து பயணிகளும் பயணிக்கலாம் என கூறப்பட்டுள்ளது. அதாவது, காலை 7 மணி முதல் 9.30 மணி வரையிலும், மாலை 4.30 மணி முதல் இரவு 7 மணி வரையிலான நேரம் தவிர்த்து, மற்ற நேரத்தில் புறநகர் ரயில் சேவையை அனைத்து தரப்பினரும் பயன்படுத்தலாம் என தெரிவிக்கப்பட்டுள்ளது. புறநகர் ரயில் பயணிகள் அனைவரும் ஒருவழி டிக்கெட் மட்டுமே கவுன்ட்டர்களில் பெற முடியும் என்றும், கூட்ட நெரிசல் மிகுந்த நேரங்களில் டிக்கெட் பரிசோதகர் தொடர்ந்து பணியில் ஈடுபட்டு கண்காணிக்க ஏற்பாடு செய்யப்பட்டுள்ளதாகவும் ரயில்வே நிர்வாகம் தெரிவித்துள்ளது. 
http://dlvr.it/RpBV5P

Read More