பிரிட்டனில் இருந்து தமிழகம் வந்த 205 பேரை தேடும் சுகாதாரத்துறை!

உருமாறிய கொரோனா வைரஸ் பரவி வரும் சூழலில், பிரிட்டனிலிருந்து தமிழகம் வந்த 205 பேர் இதுவரை கண்டறியப்படவில்லை. செல்போன் சிக்னல் மூலம் இவர்களை தேடுவதாக சுகாதாரத்துறை தெரிவித்துள்ளது. பிரிட்டனில் உருமாறிய கொரோனா வைரஸ் பரவல் அதிகரித்ததை தொடர்ந்து கடந்த 21ஆம் தேதி அந்நாட்டுடனான விமானப் போக்குவரத்துக்கு மத்திய அரசு தடை விதித்தது. ஆனால் அதற்கு முன்பு பிரிட்டனில் இருந்து தமிழகம் வந்தவர்களை கண்டறிந்து தனிமைப்படுத்தும் பணிகளை தமிழக அரசு தொடங்கியது. விமானங்கள் மூலம் நேரடியாக பிரிட்டனிலிருந்தோ அல்லது வேறு மாநிலங்களிலிருந்தோ வந்தவர்களின் e pass விவரங்கள் சம்பந்தப்பட்ட மாவட்ட நிர்வாகம் மற்றும் பொது சுகாதாரத்துறையிடம் பகிரப்பட்டது. இதில் 1872 பேர் கண்டறியப்பட்டு அவர்களுக்கு அந்தந்த மாவட்டங்களில் பரிசோதனை எடுக்கப்பட்டது. 24 பேருக்கு தொற்று கண்டறியப்பட்டுள்ளது. ஒருவருக்கு உருமாறிய கொரோனா இருப்பதும் உறுதி செய்யப்பட்டது. இந்தச் சூழலில் பிரிட்டனில் இருந்து வந்த 205 பேரை இன்னும் கண்டறியவில்லை. பிரிட்டனில் இருந்து நேரடியாக தமிழகம் வராமல் டெல்லி, ஹைதராபாத் , பெங்களூர் உள்ளிட்ட நகரங்களில் இருந்து தமிழகத்தின் பல்வேறு பகுதிகளுக்கும் விமானம் மூலமாகவோ , ரயில் அல்லது கார் உள்ளிட்ட தரைவழிப்பயணமோ பலர் வந்திருப்பதால் அவர்களை கண்டறிவது சவாலாக உள்ளதென சுகாதாரத் துறை கூறுகிறது. சிலர் பாஸ்போர்ட்டிலும் பெற்றோர் வீட்டின் முகவரி, உறவினர் முகவரி, வாடகைக்கு குடியிருந்த முகவரி ஆகியவற்றை கொடுத்திருப்பதாலும், முகவரியை Update செய்யாமல் வைத்திருப்பதாலும் கண்டறிவதில் இழுபறி நீடிக்கிறது. எனவே E pass ல் கொடுக்கப்பட்டுள்ளா தொலைபேசி எண்களின் சிக்னல்கள் எந்த பகுதியில் செயல்பட்டு வருகின்றன என்பதை ஆய்வு செய்யும் பணியில் காவல்துறையினர் ஈடுபட்டுள்ளனர். பிரிட்டனில் இருந்து வந்தவர்கள் 104 உதவி எண் மூலமாக தாமாகவே முன் வந்து கொரோனா சோதனைக்கு உட்படுத்தி கொள்ள வேண்டும் என்பதே சுகாதார துறையின் அறிவுறுத்தலாக இருக்கிறது.
http://dlvr.it/Rplzrv

Read More

ஆஸ்திரேலியா: டெல்லி விவசாயிகள் போராட்டத்திற்கு ஆதரவாக ஸ்கைடைவ் செய்த பெண்

டெல்லியில் போராடும் விவசாயிகளுக்கு ஆதரவான வாசகங்கள் அடங்கிய முகக்கவசம் மற்றும் டீசர்ட் அணிந்தபடி, ஆஸ்திரேலியா மெல்போர்னில் பஞ்சாபை பூர்வீகமாக கொண்ட பெண் ஸ்கைடைவ் செய்தார். மூன்று வேளாண் சட்டங்களை எதிர்த்து டெல்லியில் போராடும் விவசாயிகளுக்கு ஆதரவாக, ஆஸ்திரேலியாவில் வசிக்கும் பஞ்சாபை பூர்வீகமாக கொண்ட பல்ஜித் கவுர் 15 ஆயிரம் அடி உயரத்திலிருந்து ஸ்கைடைவ் செய்துள்ளார். இந்த ஸ்கைடைவிற்காக அவர் இந்திய பணத்தில் 35 ஆயிரம் செலவு செய்துள்ளார், 29 வயதான இவர் தனது முகக்கவசம் மற்றும் டிசர்ட்டில் விவசாயிகளுக்கு ஆதரவான வாசகங்களை பொறித்தபடி டைவ் செய்தார். தங்கள் குடும்பம் விவசாயக்குடும்பம் இல்லை என்றாலும், டெல்லி குளிரில் போராடும் வயதான ஆண்கள் மற்றும் பெண்களுக்காக இந்த ஆதரவில் ஈடுபட்டதாக பல்ஜித் தெரிவித்தார். இது பற்றி பேசிய அவர் “ கடந்த மூன்று மாதங்களாகவே அவர்கள் இந்த சட்டங்களுக்கு எதிராக போராடி வருவதையும், ஒரு மாதமாக டெல்லி எல்லையில் கடுங்குளிரில் போராடும் வீடியோக்களையும் பார்த்துவிட்டுத்தான் என்னால் இயன்ற இந்த எதிர்ப்பினை பதிவு செய்ய முடிவு செய்தேன்” என கூறினார்.
http://dlvr.it/RpkSPC

Read More

உ.பி-யில் பஞ்சாயத்துத் தலைவரான பாகிஸ்தான் பெண்! - புகாரால் வெளியான அதிர்ச்சித் தகவல்

உத்தரப்பிரதேச மாநிலம் ஈட்டா மாவட்டத்தில், 65 வயதான பாகிஸ்தானிய பெண் ஒருவர் கிராம பஞ்சாயத்தின் இடைக்காலத் தலைவராக இருந்து வந்த அதிர்ச்சித் தகவல் வெளியாகியிருக்கிறது. இச்சம்பவம் குறித்து காவல்துறை அதிகாரிகள் விசாரணை நடத்தி வருகின்றனர்.பாகிஸ்தான் பாகிஸ்தான், கராச்சியைச் சேர்ந்த பானோ பேகம் (Bano Begum), கடந்த 35 ஆண்டுகளுக்கு முன்பு இந்தியாவின், உத்தரப்பிரதேச மாநிலம் ஈட்டா மாவட்டத்திலுள்ள தனது உறவினர் வீட்டுக்கு வந்துள்ளார். தன் உறவினர்களோடு அங்கு வசித்து வந்த பானோ பேகம், அதே ஊரைச் சேர்ந்த அக்தர் அலி (Akhtar Ali) என்பவரைத் திருமணம் செய்து கொண்டார். அதைத்தொடர்ந்து, நீண்ட கால விசாவில் ஈட்டா பகுதியிலேயே தங்கியிருந்த பானோ, பலமுறை இந்தியக் குடியுரிமைக்கு விண்ணப்பித்துள்ளார். பானோ பேகம், இந்தியாவில் நீண்டகால விசா மூலம் தங்கியிருந்தநிலையில், ஆதார் அட்டை, வாக்காளர் அடையாள அட்டை உள்ளிட்ட ஆவணங்களை வாங்கியிருக்கிறார். அந்த ஆவணங்களைக் கொண்டு, கடந்த 2015-ம் ஆண்டு நடைபெற்ற உள்ளாட்சி அமைப்புகளுக்கான தேர்தலில், ஈட்டா மாவட்டத்திலுள்ள கௌடவ் (Guadau) கிராமப் பஞ்சாயத்து உறுப்பினராகப் போட்டியிட்டு வென்றிருக்கிறார் பானோ பேகம். கிராமப் பஞ்சாயத்து தலைவர் ஷெஹ்னாஸ் பேகம் (Shehnaz Begum) கடந்த ஜனவரி 9-ம் தேதி மரணமடைந்தார். அதைத்தொடர்ந்து கிராமக் குழுவின் பரிந்துரையின் பேரில் பானோ பேகம் அந்த கிராமப் பஞ்சாயத்தின் இடைக்காலத் தலைவராக பொறுப்பேற்றார். இந்நிலையில், அவர் பாகிஸ்தான் நாட்டைச் சேர்ந்தவர் என்றும் பாகிஸ்தான் நாட்டைச் சேர்ந்த பெண் ஒருவர் இந்திய கிராம பஞ்சாயத்துத் தலைவர் பதவி வகிப்பது சட்டத்துக்கு புறம்பானது என்றும் சர்ச்சை வெடித்துள்ளது. பானோ பேகம், பாகிஸ்தானைச் சேர்ந்தவர் என்று அதே கிராமத்தில் வசிக்கும் குவைதன் கான் (Quwaidan Khan) என்பவர் அளித்த புகாரையடுத்து இந்த விவகாரம் வெளிச்சத்துக்கு வந்துள்ளது.
http://dlvr.it/RpkSH5

Read More

‘மெரினாவில் காணும் பொங்கலுக்கு அனுமதி இல்லை’ - தமிழகத்தில் ஜன. 31 வரை ஊரங்கு நீட்டிப்பு

உலகெங்கும் உருமாறிய கொரோனா பரவி வருவதால் முன்னெச்சரிக்கை நடவடிக்கையாக மாநில அரசுகள் தேவைப்பட்டால் இரவு நேர ஊரடங்கை அமல்படுத்தலாம் என மத்திய அரசு சொல்லியுள்ள நிலையில் தமிழகத்தில் வரும் ஜனவரி 31 ஆம் தேதி வரை தளர்வுகளுடன் ஊரடங்கு தொடரும் என தமிழக அரசு தெரிவித்துள்ளது. குறிப்பாக காணும் பொங்கலுக்கு மெரினா கடர்கரையில் பொது மக்கள் கூட அனுமதியில்லை எனவும் தெரிவிக்கப்பட்டுள்ளது. அதே போல வழிப்பாட்டு தளங்களில் வழக்கமான நேரங்களில் தரிசனம் செய்யவும் அனுமதிக்கப்பட்டுள்ளது. இந்த உத்தரவை தமிழக முதல்வர் எடப்பாடி பழனிசாமி பிறப்பித்துள்ளார்.  புதுச்சேரி, ஆதிரா, கர்நாடகா தவிர மற்ற  பகுதிகளில் இருந்து தமிழகத்திற்கு வருபவர்களுக்கு இ பாஸ் அவசியம் எனவும் தெரிவிக்கப்பட்டுள்ளது. உருமாறிய கொரோனாவை தடுக்க இந்த ஏற்பாடுகள் செய்யப்பட்டுள்ளதாக தெரிவிக்கப்பட்டுள்ளது.
http://dlvr.it/RpjPdL

Read More

``மக்களுக்கு என் நன்றி! - `தூய்மைப் பணியாளர் டு யூனியன் சேர்மன்' ஆனந்தவல்லியின் மகிழ்ச்சி

உள்ளாட்சித் தேர்தலில் பல அதிசயங்களை நிகழ்த்தியிருக்கிறது கேரளம். உள்ளாட்சியில் பெண்களுக்கு 50% இட ஒதுக்கீடு என்பது முன்பே கொண்டுவரப்பட்டுவிட்டது. அதிலும் இந்த ஆண்டு கல்லூரி மாணவ, மாணவிகள் உள்ளிட்ட இளம் தலைமுறையினருக்கு போட்டியிட அதிக வாய்ப்பு கொடுத்தன அம்மாநிலக் கட்சிகள். அதிக இடங்களை வென்ற சி.பி.எம் கூட்டணி பல பகுதிகளில் ஊராட்சித் தலைவர், நகராட்சி, மாநகராட்சி, யூனியன் தலைவர்கள் பதவியை யாரும் எதிர்பாராத நபர்களுக்கு வழங்கி பெரும் ஆச்சர்யத்தைக் கொடுத்திருக்கிறது. மேயர் ஆர்யா ராஜேந்திரன் Also Read: ``ஆர்யா என ஏன் பேர் வெச்சோம் தெரியுமா?" - திருவனந்தபுரம் இளம் மேயரின் பெற்றோர் பெருமிதம் 21 வயதான ஆர்யா ராஜேந்திரனை திருவனந்தபுரம் மாநகராட்சித் தலைவராக ஆக்கி நாட்டையே திரும்பிப் பார்க்க வைத்துள்ளது. அதற்கும் ஒருபடி மேலாக, கொல்லம் மாவட்டம் பத்தனாபுரம் ஊராட்சி ஒன்றியத்தில் தூய்மைப் பணி செய்துகொண்டிருந்த ஆனந்தவல்லியை, அதே ஊராட்சி ஒன்றியத் தலைவராக ஆக்கி அழகு பார்த்துள்ளது சி.பி.எம் கட்சி. பத்தனாபுரம் ஊராட்சி ஒன்றியத் தலைவராகப் பொறுப்பேற்ற ஆனந்தவல்லியிடம் பேசினோம். ``10 வருடங்களாக ஊராட்சி ஒன்றிய அலுவலகத்தில் தூய்மைப் பணியாளராக இருந்தேன். தினக்கூலி அடிப்படையில் அங்கு வேலை செய்தேன். 200 ரூபாய் கூலியாகக் கிடைக்கும். பத்தனாபுரம் யூனியனில் 10-வது வார்டான தலவூர் பகுதியில் போட்டியிட, சி.பி.எம் தலைமை எனக்கு வாய்ப்பு அளித்தது. அதில் வெற்றிபெற்றேன். மொத்தம் 13 கவுன்சிலர்களைக் கொண்ட பத்தனாபுரம் ஊராட்சி ஒன்றியத்தில் 7 இடங்களில் சி.பி.எம் கூட்டணி வென்றது. அதைத் தொடர்ந்து என்னை ஊராட்சி ஒன்றிய சேர்மன் வேட்பாளராகவும் அறிவித்து, சேர்மன் ஆக்கியுள்ளது.குடும்பத்தினருடன் ஆனந்தவல்லி என் கணவர் மோகனன் பெயின்டிங் வேலை செய்கிறார். எனக்கு இரண்டு மகன்கள். மூத்தவன் மிதுன் மோகன் டிகிரி படிக்கிறான், இளையவன் கார்த்திக் ப்ளஸ் டூ படிக்கிறான். என் கணவர் சி.பி.எம் லோக்கல் கமிட்டி உறுப்பினராக இருக்கிறார். நானும் சி.பி.எம் உறுப்பினராக இருக்கிறேன். இந்த வெற்றி என்னுடையது அல்ல, கட்சி மீதான மக்களின் நம்பிக்கை. அதுதான் என்னை இந்த அளவுக்கு உயர்த்தியுள்ளது. எனக்கு மிகவும் மகிழ்ச்சியாக உள்ளது. கட்சி என்னிடம் மிகப்பெரிய பொறுப்பை ஒப்படைத்திருக்கிறது. எனவே, கட்சி பேதம் இல்லாமல் நான் செயல்படுவேன்.தூய்மைப் பணியாளராக வேலைபார்த்த ஊராட்சி ஒன்றிய அலுவலகத்திலேயே தலைவராகப் பொறுப்பேற்ற ஆனந்தவல்லி உள்ளாட்சியில் வார்டு கவுன்சிலர் வேட்பாளராக நான் அறிவிக்கப்பட்டதும், இரு கரங்களையும் நீட்டி மக்கள் என்னை வரவேற்றனர். 564 வாக்குகள் வித்தியாசத்தில் வெற்றிபெறவும் வைத்தார்கள். யூனியனில் செய்ய வேண்டிய பணிகள் குறித்து அவ்வளவு அனுபவம் இல்லை. எனவே, அதுபற்றி விரைவில் எல்லாம் அறிந்துகொண்டு, மக்களுக்குத் தேவையான பணிகளைச் செய்வேன். அடித்தட்டு மக்களையும் முன்னுக்குக் கொண்டுவரும் பணியை கேரளத்தின் சி.பி.எம் அரசு செய்து வருகிறது" என்றார். ஆனந்தவல்லி யூனியன் சேர்மன் ஆனதில் அவரது குடும்பமும், ஊர் மக்களும் மகிழ்ச்சி அடைந்துள்ளனர். மாநிலம் தாண்டியும் இது சிறப்புச் செய்தியாக உள்ளது.
http://dlvr.it/RpgdLC

Read More

71 உயிர்களை பலிகொண்ட ராஜமலை தேயிலைத் தோட்ட நிலச்சரிவு! #Rewind2020

தொடர்மழை காரணமாக ஆகஸ்ட் மாதம், 6-ம் தேதி இரவு 11:30 மணிக்கு நிலச்சரிவில் சிக்கியது மூணாறு ராஜமலை தேயிலைத் தோட்டம்! பெரிய பெரிய பாறைகள் வந்து விழுந்ததில் வீடுகள் நொறுங்கின. இந்தச் சம்பவத்தில், 25 வீடுகளில் வசித்த 83 பேர் சிக்கினர்! தொடர் மழையையும் பொருட்படுத்தாமல் இயந்திரங்களின் உதவியுடன் மீட்புப் பணி தொடர்ந்து நடைபெற்றது! இறந்தவர்களின் உடல்களை மீட்க டிராக்டரில் செல்லும் கேரள மாநகராட்சி ஊழியர்கள்! மீட்புப் பணியில் பேரிடர் மேலாண்மைத்துறையினருடன் இணைந்து அந்தப் பகுதியிலுள்ள தேயிலைத் தோட்டப் பணியாளர்களும் ஈடுபட்டனர்! நிலச்சரிவு நடந்த இடத்தில் பல வீடுகள் இருந்ததற்கு சாட்சியாக , ஒரே ஒரு வீடு மட்டும் மீதமிருக்கிறது‌! இந்த நிலச்சரிவில் பலியான 71 பேரில் ஒருவர் மட்டும் மருத்துவமனையில் உயிரிழந்தார். மற்றவர்கள் மண்ணில் புதைந்து உயிரிழந்தனர்! தொடர்ந்து மீட்புப் பணியில் ஈடுபட்டுக்கொண்டிருந்த மீட்புக் குழுவினரில் ஒருவர், என்ன செய்வதென்று தெரியாமல் திகைத்து நிற்கும் காட்சி! 20 நாள்களுக்கு மேல் நடைபெற்ற மீட்புப் பணியில், நிலச்சரிவில் மண்ணில் புதைந்த உடல்களை இயந்திரம் மூலம் குழி தோண்டித் தேடும் மீட்புப் படையினர்! கடும் பனியிலும் மழையிலும் அருகில் இருப்பவர்கள்கூட தெரியாமலிருக்கும் நிலையிலும் மீட்புப் பணி தொடர்ந்து நடைபெற்றது! 83 தொழிலாளர்கள் வாழ்ந்த இடம், மண்ணும் பாறையுமாக தரைமட்டமாகக் கிடக்கிறது!
http://dlvr.it/RpgdJp

Read More

முதல்வர் வேட்பாளர் பழனிசாமிதான்: யார் இடையூராக வந்தாலும் ஒதுக்கிவிடுவோம் - கே.பி.முனுசாமி

அதிமுகவின் முதல்வர் வேட்பாளர் பழனிசாமிதான்: இதில் யார் இடையூராக வந்தாலும் ஒதுக்கி விடுவோம் என அதிமுக துணை ஒருங்கிணைப்பாளர் கே.பி.முனுசாமி கூறியுள்ளார்.  கிருஷ்ணகிரி மாவட்டம் ஊத்தங்கரை அடுத்த காரப்பட்டு ஆதாலியூர் பகுதியில் அம்மா மினி கிளினிகை திறந்து வைத்த கே.பி.முனுசாமி செய்தியாளர்களை சந்தித்தார். அவரிடம் தமிழக பாஜகவின் மேலிட பொறுப்பாளர் ரவி, கூட்டணி கட்சியின் முதல்வர் வேட்பாளரை தே.ஜ கூட்டணியின் தலைமையே அறிவிக்கும் என்று கூறிய கருத்துக் குறித்து கேள்வி எழுப்பப்பட்டது. அதற்கு பதிலளித்த கே.பி.முனுசாமி , “அது ஒரு முகாந்திரம் இல்லாத கருத்து. எங்கள் தலைமை முடிவு செய்த எடப்பாடி பழனிசாமியே முதல்வர் வேட்பாளர். ஓபிஎஸ் கூறிய வேதவாக்கு எங்கள் முதல்வர் வேட்பாளர் எடப்பாடி பழனிசாமிதான். இதில் யார் இடையூறாக வந்தாலும் ஒதிக்கிவைத்து விடுவோம்” என்றார். மேலும், “புதிய கட்சி தொடங்க வரும் அனைவரும் எம்.ஜி.ஆர் ஆட்சி தான் அமைப்போம் என்று கூறுகிறார்கள். கலைஞர் என்று யாறும் கூறுவதில்லை” என்றார் கே.பி.முனுசாமி. அத்துடன், “பொங்கல் பரிசுகளை அரசு, அதிகாரிகள் முலம் தான் வழங்கிவருகிறது. அதிமுக மட்டுமே பொங்கல் பரிசுகளை வழங்கி வருகிறது” என்று பொங்கல் பரிசு திட்டம் குறித்த விமர்சனங்களுக்கும் பதில் அளித்தார். 
http://dlvr.it/RpfMfx

Read More