கேரளா: மனைவியுடன் பிரச்னை; 2 மகன்களைக் கொன்றுவிட்டு தற்கொலை செய்த தந்தை! - என்ன நடந்தது?

கேரள மாநிலம், திருவனந்தபுரம் - கொல்லம் மாவட்ட எல்லைப் பகுதியான நாவாயிக்குளம் பகுதியைச் சேர்ந்த ஆட்டோ ஓட்டுநர் சபீர் (36 ). இவரின் மனைவி ரெஜீனா. இவர்களுக்கு அல்தாஃப் (12), அன்ஷாத் (9) என இரண்டு மகன்கள் இருந்தனர். அல்தாஃப் ஆறாம் வகுப்பும், அன்ஷாத் நான்காம் வகுப்பும் படித்துவந்தனர். சபீர், தனது மனைவி ரெஜீனாவுடன் ஏற்பட்ட கருத்து வேறுபாடு காரணமாகக் கடந்த சில மாதங்களாகத் தனியாக வசித்துவந்தார். ரெஜீனா இரண்டு மகன்களுடன் தனது சகோதரரின் வீட்டில் வசித்துவருகிறார். கூச்ச சுபாவம் போன்ற காரணங்களால் சபீர் யாரிடமும் அதிகம் பேசுவது இல்லை எனக் கூறப்படுகிறது. அவருக்கு போதைப் பழக்கம் போன்ற எந்த கெட்ட பழக்கங்களும் இல்லை எனவும் கூறப்படுகிறது. இரண்டு மகன்களிடமும் அதிக பாசம் வைத்திருந்த சபீர், மனைவி மற்றும் பிள்ளைகள் பிரிந்து சென்ற பின்பு மிகவும் வருத்தத்தில் இருந்திருக்கிறார். இருப்பினும், தனது மகன்களைக் காண மனைவி தங்கியிருந்த வீட்டுக்கு அடிக்கடி சென்று வந்திருக்கிறார். மேலும், அவர்களுக்குத் தேவையான பொருள்களையும் வாங்கி கொடுத்திருக்கிறார். அதுமட்டுமல்லாமல் தனது ஆட்டோவில் இரண்டு மகன்களை அடிக்கடி வெளியே அழைத்துச் சென்று வருவதும் அவர் வழக்கமாம். மகன்கள் அடிக்கடி தந்தையின் ஆட்டோவில் சுற்றுலா சென்றுவிட்டு வருவது பற்றி அவருடைய மனைவி ரெஜீனா கண்டுகொள்வதில்லை எனக் கூறப்படுகிறது. இந்தநிலையில் ஆங்கிலப் புத்தாண்டான கடந்த வெள்ளிக்கிழமை, சபீர் தனது மனைவி ரெஜீனா வசிக்கும் வீட்டுக்குச் சென்று இரு மகன்களையும் அழைத்து சென்றிருக்கிறார். ஆனால், அன்று இரவு ஆகியும் குழந்தைகளை அவர் வீட்டுக்குத் திருப்பிக் கொண்டு விடவில்லை.மகன்களை கொலை செய்துவிட்டு தற்கொலை செய்த சபீர் இதனால், ரெஜீனாவின் சகோதரர் மொபைல்போனிலிருந்து சபீரை அழைத்திருக்கிறார். சபீர் குழந்தைகளிடம் போனைக் கொடுத்திருக்கிறார். குழந்தைகளோ, தாங்கள் வர்க்கல பீச்சுக்குச் சென்றதாகவும், தந்தை புத்தாடைகள் வாங்கித் தந்ததாகவும், புத்தாடை அணிந்துகொண்டு ஸ்டார் ஓட்டலில் சென்று உணவு சாப்பிட்டதாகவும் சந்தோஷமாகக் கூறியிருக்கிறார்கள். இதைத் தொடர்ந்து சபீரிடம் பேசிய ரெஜீனாவின் சகோதரர், குழந்தைகளைக் காலையில் திரும்பக் கொண்டுவிடும்படி கூறியிருக்கிறார். சபீரும் காலையில் பிள்ளைகளைக் கொண்டுவிடுவதாகத் தெரிவித்திருக்கிறார்.குளத்திலிருந்து உடலை மீட்கும் தீயணைப்பு வீரர்கள் மறுநாள் சபீரின் ஆட்டோ அந்தப் பகுதியிலுள்ள கோயில் குளக் கரையில் நீண்டநேரமாக நின்றிருக்கிறது. அந்தப் பகுதியினர் சந்தேகத்தின் பேரில் ஆட்டோ அருகில் சென்று பார்த்தபோது அதில் ஒரு கடிதம் இருந்தது. அந்தக் கடிதத்தில் 'இளைய மகன் குளத்தில் கிடக்கிறான்' எனத் தெரிவிக்கப்பட்டிருந்தது. இதையடுத்து சிலர் சபீரின் வீட்டுக்குச் சென்று பார்த்தபோது மூத்த மகன் அல்தாஃப் கழுத்து அறுக்கப்பட்ட நிலையில் இறந்து கிடந்திருக்கிறார். இது குறித்து போலீஸுக்குத் தகவல் கொடுக்கப்பட்டது. போலீஸார் அங்கு சென்று விசாரணை நடத்தினர். பின்னர், ஆட்டோ நின்றுகொண்டிருந்த குளத்தில் தீயணைப்பு வீரர்கள் படகில் தேடிப் பார்த்தபோது, அங்கு சபீர் மற்றும் அவரின் இளைய மகன் அன்ஷாத்தின் உடல்கள் மீட்கப்பட்டன. இது குறித்து போலீஸார் கூறுகையில், ``மனைவி பிரிந்ததால் சபீருக்கு மனதளவில் பாதிப்பு ஏற்பட்டிருக்கிறது. உறவினர் ஒருவரின் இறுதிச் சடங்குக்கு வருவதாகச் சொன்ன சபீர், தனது மூத்த மகனைக் கட்டிப்போட்டு, கழுத்தை அறுத்துக் கொலை செய்திருக்கிறார். பின்னர், தனது இளைய மகனைக் குளத்தில் வீசிக் கொலை செய்திருக்கிறார். Also Read: திருச்சி: வீட்டு வாசலில் பால் பாக்கெட்; பெண் ஜவுளி வியாபாரி கொடூரக் கொலை! - நகைக்காக நடந்த கொடூரம் பின்னர் அவரும் குளத்தில் குதித்து தற்கொலை செய்துகொண்டிருக்கிறார். இது குறித்து தொடர்ந்து விசாரணை நடந்துவருகிறது" என்றனர். மனைவி பிரிந்து சென்ற மன உளைச்சல் காரணமாக இரண்டு மகன்களைக் கொடூரமாகக் கொலை செய்துவிட்டு தந்தையும் தற்கொலை செய்துகொண்ட சம்பவம் அதிர்ச்சியை ஏற்படுத்தியிருக்கிறது.
http://dlvr.it/Rps4tm

Read More

இமாச்சல்: அடல் சுரங்கப்பாதை அருகே கடும் பனிப்பொழிவில் சிக்கிய 300 பேர் மீட்பு

இமாச்சல பிரதேசம் மாநிலம் அடல் சுரங்கப்பாதை அருகே பனிப்பொழிவில் சிக்கித் தவித்த 300-க்கும் மேற்பட்ட சுற்றுலாப் பயணிகளை காவல்துறை மீட்டுள்ளது இமாச்சல பிரதேசம் ரோஹ்தாங்கில் உள்ள அடல் சுரங்கப்பாதை அருகே  கடும் பனிப்பொழிவில் சிக்கித் தவித்த 300-க்கும் மேற்பட்ட சுற்றுலாப் பயணிகளை இமாச்சலப் பிரதேச காவல்துறையினர் கடும் போராட்டங்களுக்கு பின்னர் மீட்டுள்ளனர். சில சுற்றுலாப் பயணிகள் சனிக்கிழமை காலை சுரங்கப்பாதையைத் தாண்டிவிட்டனர். ஆனால் மாலையில், பனிப்பொழிவு காரணமாக லாஹவுலில் எந்த இடத்தையும் கண்டுபிடிக்க முடியவில்லை. அவர்கள் மணாலிக்குத் திரும்பும்போது நடுப்பகுதியில் சிக்கித் தவித்ததாக குலு எஸ்.பி. கவுரவ் சிங் தெரிவித்தார். உடனடியாக குலு போலீசாருடன் இணைந்து லஹவுல்-ஸ்பிட்டி காவல்துறை மாலையில் சுரங்கப்பாதை வழியாக வாகனங்களை அனுப்பியது. இருப்பினும், பனி மற்றும் வழுக்கும் சாலைகள் காரணமாக மணாலிக்கு செல்லும்போது இந்த வாகனங்களும் நடுப்பகுதியில் சிக்கின என்று கவுரவ் சிங் கூறினார். 48 இருக்கைகள் கொண்ட பஸ், 24 இருக்கைகள் கொண்ட போலீஸ் பஸ் உட்பட சுமார் 70 வாகனங்கள் மீட்கப்பட்டன. மீட்பு நடவடிக்கை சனிக்கிழமை மாலை தொடங்கி நள்ளிரவுக்குப் பின் தொடர்ந்தது. சிக்கித் தவித்த அனைத்து சுற்றுலாப் பயணிகளும் துண்டி மற்றும் சுரங்கப்பாதையின் தெற்கு போர்ட்டலில் இருந்து அதிகாலை வரை மீட்கப்பட்டு மணாலியில் பாதுகாப்பான இடங்களுக்கு கொண்டு செல்லப்பட்டனர். வானிலை ஆய்வுத் துறையின் முன்னறிவிப்பின்படி, சுரங்கப்பாதையைச் சுற்றி கடுமையான பனிப்பொழிவு வரும் நாட்களில் எதிர்பார்க்கப்படுகிறது. செவ்வாயன்று இமாச்சல பிரதேசத்தில் கடுமையான பனிப்பொழிவுக்கு மஞ்சள் வானிலை எச்சரிக்கை விடுத்து, ஜனவரி 3 முதல் 5 வரை மற்றும் ஜனவரி 8 ஆம் தேதி மாநிலத்தின் நடுப்பகுதி மற்றும் உயரமான மலைப்பகுதிகளில் மழை மற்றும் பனிப்பொழிவு இருக்கும் என்று வானிலை மையம் கணித்துள்ளது.
http://dlvr.it/RpqRvC

Read More

மெக்ஸிகோவில் ஃபைசர் தடுப்பூசி பெற்ற மருத்துவர் தீவிர சிகிச்சைப் பிரிவில் அனுமதி

மெக்ஸிகோவில் ஃபைசர் தடுப்பூசி பெற்ற மருத்துவர் கடுமையான உடல்நல பாதிப்புகள் காரணமாக தீவிர சிகிச்சைப்பிரிவில் அனுமதிக்கப்பட்டுள்ளார். இத்தகைய பாதகமான எதிர்வினைக்கான காரணங்கள் தற்போது ஆராயப்பட்டு வருகின்றன. மெக்ஸிகோவில் கொரோனா வைரஸுக்கு எதிராக ஃபைசர் தடுப்பூசி செலுத்திக்கொண்ட ஒரு மருத்துவர், வலிப்பு, சுவாசக் கோளாறுகள் மற்றும் என்செபலோமைலிடிஸ் ஆகிய பிரச்னைகளால் பாதிக்கப்பட்டு தீவிர சிகிச்சை பிரிவில் அனுமதிக்கப்பட்டார் என்று நாட்டின் சுகாதார அமைச்சகம்  தெரிவித்துள்ளது. "ஃபைசர் கோவிட் -19 தடுப்பூசியைப் பெற்ற 32 வயதான மருத்துவர், தடுப்பூசி போட்ட அரை மணி நேரத்திற்குள் உடல் தடிப்புகள், வலிப்பு, தசை பலவீனம் மற்றும் சுவாசக் கோளாறுகள் ஏற்பட்ட பின்னர் தீவிர சிகிச்சை பிரிவில் அனுமதிக்கப்பட்டார்" என்று அமைச்சக அறிக்கை தெரிவித்துள்ளது. இத்தகைய பாதகமான எதிர்வினைக்கான காரணங்கள் தற்போது ஆராயப்பட்டு வருகின்றன, வீக்கத்தைக் குறைக்க அவர் சிகிச்சை பெற்று வருகிறார். 
http://dlvr.it/RpqRtC

Read More

எழுத்தாளர் இளவேனில் மறைவு: இன்று மாலை இறுதிச் சடங்கு

எழுத்தாளர் இளவேனில் மாரடைப்பு காரணமாக சென்னையில் காலமானார்.  சென்னை சாலிகிராமத்தில் வசித்து வந்த அவருக்கு நேற்று மாரடைப்பு ஏற்பட்டது. மருத்துவமனையில் பரிசோதனை மேற்கொண்ட மருத்துவர்கள், அவரின் உயிர் பிரிந்துவிட்டதாக தெரிவித்தனர். சாலிகிராமத்தில் உள்ள அவரது வீட்டில் பொதுமக்கள் அஞ்சலிக்காக உடல் வைக்கப்படுகிறது. இன்று மாலை இறுதிச் சடங்கு நடைபெறும் என அவரின் குடும்பத்தினர் தெரிவித்தனர். இடதுசாரி சிந்தனையாளரான இளவேனில், 'வாளோடும் தேன் சிந்தும் மலர்களோடும்', 'புரட்சியும், எதிர்ப்பு புரட்சியும்' உள்ளிட்ட 10க்கும் மேற்பட்ட நூல்களையும், கவிதைத் தொகுப்புகளையும் எழுதியுள்ளார். முன்னாள் முதல்வர் கருணாநிதியின் கதை, வசனத்தில் உருவான உளியின் ஓசை திரைப்படத்தில், இளவேனில் இயக்குநராக பணியாற்றி இருக்கிறார். திமுக தலைவர் மு.க.ஸ்டாலின் வெளியிட்டுள்ள இரங்கல் செய்தியில், இளவேனில் மறைவு இலக்கிய உலகத்திற்கும் திரையுலக்கிற்கும் பேரிழப்பு என்றும் அவரை இழந்து வாடும் குடும்பத்தினருக்கு ஆழ்ந்த இரங்கலை தெரிவிப்பதாக கூறியுள்ளார்
http://dlvr.it/RppSMF

Read More

சபரிமலை: ஐயப்ப பக்தர்களுக்கு கொரோனா நெகட்டிவ் சான்றிதழ் மோசடி! - சிக்கிய மருத்துவ லேப் ஊழியர்கள்

சபரிமலையில் மண்டல மகரவிளக்கு கால பூஜைக்காக நடை திறக்கப்பட்டு தினமும் 5,000 பக்தர்கள் அனுமதிக்கப்பட்டு வருகின்றனர். சபரிமலைக்கு செல்லும் ஐயப்ப பக்தர்கள் 24 மணி நேரத்திற்குள் எடுக்கப்பட்ட கொரோனா நெகட்டிவ் சான்றிதழ் கட்டாயம் என கேரள சுகாதாரத்துறை அறிவித்துள்ளது. கொரோனா சோதனை மேற்கொள்ள தவறும் பக்தர்களுக்கு நிலக்கல் பகுதியில் கொரோனா பரிசோதனை எடுக்க ஏற்பாடு செய்யப்பட்டிருந்தது. மண்டல பூஜை முடிந்து கடந்த சில நாட்களுக்கு பின் மீண்டும் நடை திறக்கப்பட்டது. இப்போது நிலக்கல்லில் கொரோனா பரிசோதனை மையம் அமைக்கப்படவில்லை. இந்த தகவல் தெரியாமல் பிற மாநிலங்களில் இருந்து வரும் பக்தர்கள் கொரோனா சான்றிதழ் எடுக்காமல் நிலக்கல் சென்றுவிட்டு, தரிசனத்துக்கு செல்ல முடியாத நிலை ஏற்பட்டுள்ளது.நிலக்கல்லில் பக்தர்கள் மறியல் இதை சாதகமாக பயன்படுத்தி சிலர் நிலக்கல் பகுதியில் கொரோனா சோதனை நெகட்டிவ் சான்றிதழ் வழங்குவதாக கூறி பக்தர்களை ஏமாற்றி வந்துள்ளர். தமிழகம் உட்பட பிற மாநில ஐயப்ப பக்தர்களிடம் தலா இரண்டாயிரம் ரூபாய்க்கு மேல் வசூல் செய்திருக்கிறார்கள். ஆனால் அந்த நபர்கள் கொரோனா நெகட்டிவ் சான்றிதழ் வழங்காமல் தலை மறைவாகிவிட்டதாக கூறப்படுகிறது. அந்த நபர்கள் வழங்கிய தொடர்பு எண்ணில் ஐயப்ப பக்தர்கள் அழைத்த போது அவர்கள் அழைப்பை ஏற்கவில்லை எனக் கூறப்படுகிறது. இதனால் பலமணி நேரம் காத்திருந்த ஐயப்ப பக்தர்கள் பணத்தை வாங்கி விட்டு தங்களை ஏமாற்றி, மோசடியில் ஈடுபட்ட நபர்களை கைது செய்யக் கோரி நிலக்கல் பகுதியில் சாலை மறியலில் ஈடுபட்டனர். இதனால் அங்கு பரபரப்பு ஏற்பட்டது. மேலும் அங்கீகரிக்கப்பட்ட நபர் அல்லாதவர்களை இங்கு எப்படி அனுமதித்தீர்கள் எனக் கேட்டு ஐயப்ப பக்தர்கள் போலீஸாரிடம் வாக்குவாதத்தில் ஈடுபட்டனர்.சபரிமலை இதனை தொடர்ந்து நிலக்கல் போலீஸார் நடத்திய விசாரணையில் வசூலில் ஈடுபட்டவர்கள் கோட்டயம் பகுதியைச் சேர்ந்த ஒரு தனியார் மருத்துவ சோதனை மையத்தில் ( மெடிக்கல் லேப் ) பணி புரியும் மூன்று ஊழியர்கள் என கண்டுபிடிக்கப்பட்டது. இதைத் தொடர்ந்து தனியார் மருத்துவ சோதனை மையத்தில் பணியாற்றி வந்த சச்சின், அனந்து, அருண் ராஜ் ஆகிய மூன்று பேரை போலீஸார் கைது செய்து விசாரணை நடத்தி வருகின்றனர். ஐயப்ப பக்தர்கள் தங்கள் ஊரில் இருந்தே கொரோனா நெகட்டிவ் சான்று பெற்றுவர வேண்டும் எனவும் நிலக்கல்லில் கொரோனா பரிசோதனை நடத்த மையம் இல்லை என்றும் அறிவிக்கப்பட்டுள்ளது.
http://dlvr.it/Rpmz2S

Read More

காஷ்மீர்: சுட்டுக் கொல்லப்பட்ட நகை வியாபாரி... `உங்களைத் தேடி வருவோம்' எச்சரிக்கை - நடந்தது என்ன?

கடந்த 2019-ம் ஆண்டு, ஆகஸ்ட் மாதத்தில் ஜம்மு-காஷ்மீர் பகுதிக்கு வழங்கப்பட்டிருந்த சிறப்பு அந்தஸ்தை ரத்து செய்தது மத்திய அரசு. ஜம்மு காஷ்மீர், லடாக் என இரு யூனியன் பிரதேசங்களாகவும் பிரிக்கப்பட்டன. இதையடுத்து `காஷ்மீரில், வெளிமாநிலத்தைச் சேர்ந்தவர்களும் நிலம் வாங்கலாம்’ என்ற அறிவிப்பும் வெளியிடப்பட்டது. ஜம்மு காஷ்மீரின் சிறப்பு அந்தஸ்தை ரத்து செய்து புதிய சட்ட திட்டங்களை அறிமுகப்படுத்தியதற்கு அங்கிருக்கும் அரசியல் கட்சிகள் கடும் எதிர்ப்புகளைப் பதிவு செய்தன. தீவிரவாத அமைப்புகளும் இதற்குக் கடுமையாக எதிர்ப்பு தெரிவித்தன.சத்பாலின் உடல் இந்தநிலையில், கடந்த வியாழக்கிழமை (டிச. 31, 2020) அன்று காஷ்மீரில் நகைக்கடை அதிபர் ஒருவர் சுட்டுக் கொல்லப்பட்ட சம்பவம் நடந்திருக்கிறது. காஷ்மீரின் ஶ்ரீநகரில் அமைந்துள்ள பரபரப்பான மார்க்கெட் பகுதி சாராய் பாலா. இந்த மார்க்கெட் பகுதிக்குள் நுழைந்த தீவிரவாதிகள் சிலர், அந்தப் பகுதியிலுள்ள நகைக்கடைக்குச் சென்றிருக்கிறார்கள். அங்கு அந்த நகைக்கடை அதிபரை சரமாரியாகச் சுட்டுக் கொலை செய்திருக்கிறார்கள். தகவல் அறிந்ததும் சம்பவ இடத்துக்கு காஷ்மீர் போலீஸார் விரைந்திருக்கிறார்கள். அவர்கள் வருவதற்குள்ளாகவே அங்கிருந்து தீவிரவாதிகள் தப்பிச் சென்றிருந்தனர். இது குறித்து ஶ்ரீநகர் காவல்துறையினர், ``இந்தப் பரபரப்பான கடைவீதியில் அமைந்திருக்கும் பிரபல நகைக்கடையான நிசால் ஜுவல்லர்ஸின் உரிமையாளர் சத்பால் நிசால் (62) என்பவர் தீவிரவாதிகளால் சுட்டுக் கொல்லப்பட்டார். இதற்கான காரணம் என்ன என்பது குறித்து விசாரணை நடத்திவருகிறோம்'' என்று தெரிவித்தனர்.ஜம்மு காஷ்மீர் காவல்துறை Also Read: ரூ.86,188 கோடி ; மல்லையா, நீரவ் மோடியை விட 10 மடங்கு அதிகக் கடன் - நெருக்கடியில் அம்பானி? இதைத் தொடர்ந்து நேற்று முழுவதும் நடத்தப்பட்ட விசாரணையில், சத்பால் பஞ்சாப் மாநிலத்தைச் சேர்ந்தவர் என்பதும், அவர் 50 ஆண்டுகளாக காஷ்மீரில் வசித்துவருகிறார் என்பதும் கண்டறியப்பட்டிருக்கிறது. மேலும், சமீபத்தில்தான் சத்பால், காஷ்மீரின் குடியேற்றச் சான்றிதழ் பெற்றிருப்பது தெரியவந்தது.ஶ்ரீநகர் காவல்துறையினர்முதற்கட்ட விசாரணையை அடுத்து நாங்கள் சிலர்மீது சந்தேகம் கொண்டிருக்கிறோம். சிசிடிவி காட்சிகளை ஆய்வு செய்ததில் ஒருவரின் முகம் மட்டும் சிக்கியிருக்கிறது. இதைவைத்து கூடிய விரைவில் கொலை செய்தவர்களைக் கண்டுபிடிப்போம். இந்தநிலையில், The Resistance Front என்கிற அமைப்பு இந்தச் சம்பவத்துக்குப் பொறுப்பேற்று அறிக்கை ஒன்றை வெளியிட்டிருக்கிறது. ``குடியேற்றச் சான்றிதழ் பெற்றிருக்கும் வெளிமாநிலத்தவர்கள் அனைவரும் ஆர்.எஸ்.எஸ் எஜென்ட்டுகள். நாங்கள் அவர்களை எச்சரிக்கிறோம். எங்களுக்கு உங்கள் பெயர்கள் தெரியும், எங்கு வசிக்கிறீர்கள் என்பது தெரியும், என்ன தொழில் செய்கிறீர்கள் என்பதும் தெரியும். உங்களைத் தேடி நாங்கள் வருவோம்'' என்று அந்த அறிக்கையில் குறிப்பிடப்பட்டிருக்கிறது.TRF Also Read: 1846 முதல் 2019 வரை! - காஷ்மீர் பிரச்னையில் நடந்தது என்ன? #VikatanInfographics காஷ்மீர் பள்ளத்தாக்குப் பகுதியில், இதுவரை 10 லட்சம் பேர் குடியேற்றச் சான்றிதழ் பெற்றிருக்கிறார்கள். இவர்களில் பெரும்பாலானவர்கள் உள்ளூர்வாசிகள்தான். ஆனால், வெளிமாநிலத்தைச் சேர்ந்தவர்கள் எத்தனை பேர் குடியேற்றச் சான்றிதழ்கள் பெற்றிருக்கிறார்கள் என்பது குறித்து தரவுகள் எதுவும் அரசாங்கத்தால் வெளியிடப்படவில்லை.உள்ளூர் பயங்கரவாத அமைப்பு சார்பில் வெளியிடப்பட்டிருக்கும் அறிக்கை, காஷ்மீரில் வாழும் பிற மாநிலத்தவர்கள் மத்தியில் அச்சத்தை ஏற்படுத்தியிருக்கிறது.
http://dlvr.it/Rpmz1r

Read More

பிரிட்டனில் இருந்து தமிழகம் வந்த 205 பேரை தேடும் சுகாதாரத்துறை!

உருமாறிய கொரோனா வைரஸ் பரவி வரும் சூழலில், பிரிட்டனிலிருந்து தமிழகம் வந்த 205 பேர் இதுவரை கண்டறியப்படவில்லை. செல்போன் சிக்னல் மூலம் இவர்களை தேடுவதாக சுகாதாரத்துறை தெரிவித்துள்ளது. பிரிட்டனில் உருமாறிய கொரோனா வைரஸ் பரவல் அதிகரித்ததை தொடர்ந்து கடந்த 21ஆம் தேதி அந்நாட்டுடனான விமானப் போக்குவரத்துக்கு மத்திய அரசு தடை விதித்தது. ஆனால் அதற்கு முன்பு பிரிட்டனில் இருந்து தமிழகம் வந்தவர்களை கண்டறிந்து தனிமைப்படுத்தும் பணிகளை தமிழக அரசு தொடங்கியது. விமானங்கள் மூலம் நேரடியாக பிரிட்டனிலிருந்தோ அல்லது வேறு மாநிலங்களிலிருந்தோ வந்தவர்களின் e pass விவரங்கள் சம்பந்தப்பட்ட மாவட்ட நிர்வாகம் மற்றும் பொது சுகாதாரத்துறையிடம் பகிரப்பட்டது. இதில் 1872 பேர் கண்டறியப்பட்டு அவர்களுக்கு அந்தந்த மாவட்டங்களில் பரிசோதனை எடுக்கப்பட்டது. 24 பேருக்கு தொற்று கண்டறியப்பட்டுள்ளது. ஒருவருக்கு உருமாறிய கொரோனா இருப்பதும் உறுதி செய்யப்பட்டது. இந்தச் சூழலில் பிரிட்டனில் இருந்து வந்த 205 பேரை இன்னும் கண்டறியவில்லை. பிரிட்டனில் இருந்து நேரடியாக தமிழகம் வராமல் டெல்லி, ஹைதராபாத் , பெங்களூர் உள்ளிட்ட நகரங்களில் இருந்து தமிழகத்தின் பல்வேறு பகுதிகளுக்கும் விமானம் மூலமாகவோ , ரயில் அல்லது கார் உள்ளிட்ட தரைவழிப்பயணமோ பலர் வந்திருப்பதால் அவர்களை கண்டறிவது சவாலாக உள்ளதென சுகாதாரத் துறை கூறுகிறது. சிலர் பாஸ்போர்ட்டிலும் பெற்றோர் வீட்டின் முகவரி, உறவினர் முகவரி, வாடகைக்கு குடியிருந்த முகவரி ஆகியவற்றை கொடுத்திருப்பதாலும், முகவரியை Update செய்யாமல் வைத்திருப்பதாலும் கண்டறிவதில் இழுபறி நீடிக்கிறது. எனவே E pass ல் கொடுக்கப்பட்டுள்ளா தொலைபேசி எண்களின் சிக்னல்கள் எந்த பகுதியில் செயல்பட்டு வருகின்றன என்பதை ஆய்வு செய்யும் பணியில் காவல்துறையினர் ஈடுபட்டுள்ளனர். பிரிட்டனில் இருந்து வந்தவர்கள் 104 உதவி எண் மூலமாக தாமாகவே முன் வந்து கொரோனா சோதனைக்கு உட்படுத்தி கொள்ள வேண்டும் என்பதே சுகாதார துறையின் அறிவுறுத்தலாக இருக்கிறது.
http://dlvr.it/Rplzrv

Read More